Library·Padma Purāṇa·2·2.17
सोमशर्मोवाच- सर्वं देवि समाख्यातं धर्मसंस्थानमुत्तमम् । कथं पुत्रमहं विंद्यां सर्वज्ञं गुणसंयुतम्
somaśarmovāca- sarvaṃ devi samākhyātaṃ dharmasaṃsthānamuttamam | kathaṃ putramahaṃ viṃdyāṃ sarvajñaṃ guṇasaṃyutam
Sanskrit only: no published translation is held for this verse.
वद त्वं मे महाभागे यदि जानासि सुव्रते । दानधर्मादिकं भद्रे परत्रेह न संशयः
vada tvaṃ me mahābhāge yadi jānāsi suvrate | dānadharmādikaṃ bhadre paratreha na saṃśayaḥ
Sanskrit only: no published translation is held for this verse.
सुमनोवाच- वसिष्ठं गच्छ धर्मज्ञं तं प्रार्थय महामुनिम् । तस्मात्प्राप्स्यसि वै पुत्रं धर्मज्ञं धर्मवत्सलम्
sumanovāca- vasiṣṭhaṃ gaccha dharmajñaṃ taṃ prārthaya mahāmunim | tasmātprāpsyasi vai putraṃ dharmajñaṃ dharmavatsalam
Sanskrit only: no published translation is held for this verse.
सूत उवाच- एवमुक्ते तया वाक्ये सोमशर्मा द्विजोत्तमः । एवं करिष्ये कल्याणि तव वाक्यं न संशयः
sūta uvāca- evamukte tayā vākye somaśarmā dvijottamaḥ | evaṃ kariṣye kalyāṇi tava vākyaṃ na saṃśayaḥ
Sanskrit only: no published translation is held for this verse.
एवमुक्त्वा जगामाशु सोमशर्मा द्विजोत्तमः । वसिष्ठं सर्ववेत्तारं दिव्यं तं तपतां वरम्
evamuktvā jagāmāśu somaśarmā dvijottamaḥ | vasiṣṭhaṃ sarvavettāraṃ divyaṃ taṃ tapatāṃ varam
Sanskrit only: no published translation is held for this verse.
गंगातीरे स्थितं पुण्यमाश्रमस्थं द्विजोत्तमम् । तेजोज्वालासमाकीर्णं द्वितीयमिव भास्करम्
gaṃgātīre sthitaṃ puṇyamāśramasthaṃ dvijottamam | tejojvālāsamākīrṇaṃ dvitīyamiva bhāskaram
Sanskrit only: no published translation is held for this verse.
राजमानं महात्मानं ब्रह्मण्यं च द्विजोत्तमम् । भक्त्या प्रणम्य विप्रेशं दंडवच्च पुनः पुनः
rājamānaṃ mahātmānaṃ brahmaṇyaṃ ca dvijottamam | bhaktyā praṇamya vipreśaṃ daṃḍavacca punaḥ punaḥ
Sanskrit only: no published translation is held for this verse.
तमुवाच महातेजा ब्रह्मसूनुरकल्मषः । उपाविशासने पुण्ये सुखेन सुमहामते
tamuvāca mahātejā brahmasūnurakalmaṣaḥ | upāviśāsane puṇye sukhena sumahāmate
Sanskrit only: no published translation is held for this verse.
एवमुक्त्वा स योगींद्रः पुनः प्राह तपोधनम् । गृहे पुत्रेषु ते वत्स दारभृत्येषु सर्वदा
evamuktvā sa yogīṃdraḥ punaḥ prāha tapodhanam | gṛhe putreṣu te vatsa dārabhṛtyeṣu sarvadā
Sanskrit only: no published translation is held for this verse.
क्षेममस्ति महाभाग पुण्यकर्मसु चाग्निषु । निरामयोसि चांगेषु धर्मं पालयसे सदा
kṣemamasti mahābhāga puṇyakarmasu cāgniṣu | nirāmayosi cāṃgeṣu dharmaṃ pālayase sadā
Sanskrit only: no published translation is held for this verse.
एवमुक्त्वा महाप्राज्ञः पुनः प्राह सुशर्मणम् । किं करोमि प्रियं कार्यं सुप्रियं ते द्विजोत्तम
evamuktvā mahāprājñaḥ punaḥ prāha suśarmaṇam | kiṃ karomi priyaṃ kāryaṃ supriyaṃ te dvijottama
Sanskrit only: no published translation is held for this verse.
एवं संभाषितं विप्रं विरराम स कुंभजः । तस्मिन्नुक्ते महाभागे वसिष्ठे मुनिपुंगवे
evaṃ saṃbhāṣitaṃ vipraṃ virarāma sa kuṃbhajaḥ | tasminnukte mahābhāge vasiṣṭhe munipuṃgave
Sanskrit only: no published translation is held for this verse.
स होवाच महात्मानं वसिष्ठं तपतां वरम् । भगवञ्छ्रूयतां वाक्यं सुप्रसन्नेन चेतसा
sa hovāca mahātmānaṃ vasiṣṭhaṃ tapatāṃ varam | bhagavañchrūyatāṃ vākyaṃ suprasannena cetasā
Sanskrit only: no published translation is held for this verse.
यदि मे सुप्रियं कार्यं त्वयैव मुनिपुंगव । मम प्रश्नार्थसंदेहं विच्छेदय द्विजोत्तम
yadi me supriyaṃ kāryaṃ tvayaiva munipuṃgava | mama praśnārthasaṃdehaṃ vicchedaya dvijottama
Sanskrit only: no published translation is held for this verse.
दारिद्र्यं केन पापेन पुत्रसौख्यं कथं नहि । एतन्मे संशयं तात कस्मात्पापाद्वदस्व मे
dāridryaṃ kena pāpena putrasaukhyaṃ kathaṃ nahi | etanme saṃśayaṃ tāta kasmātpāpādvadasva me
Sanskrit only: no published translation is held for this verse.
महामोहेन संमुग्धः प्रियया बोधितो द्विज । तयाहं प्रेषितस्तात तव पार्श्वं समातुरः
mahāmohena saṃmugdhaḥ priyayā bodhito dvija | tayāhaṃ preṣitastāta tava pārśvaṃ samāturaḥ
Sanskrit only: no published translation is held for this verse.
तत्सर्वं हि समाचक्ष्व सर्वसंदेहनाशकम् । मुक्तिदाता भवस्व त्वं ममसंसारबंधनात्
tatsarvaṃ hi samācakṣva sarvasaṃdehanāśakam | muktidātā bhavasva tvaṃ mamasaṃsārabaṃdhanāt
Sanskrit only: no published translation is held for this verse.
वसिष्ठ उवाच- पुत्रा मित्राण्यथ भ्राता अन्ये स्वजनबांधवाः । पंचभेदास्तु संभेदात्पुरुषस्य भवंति ते
vasiṣṭha uvāca- putrā mitrāṇyatha bhrātā anye svajanabāṃdhavāḥ | paṃcabhedāstu saṃbhedātpuruṣasya bhavaṃti te
Sanskrit only: no published translation is held for this verse.
ते ते सुमनया प्रोक्ताः पूर्वमेव तवाग्रतः । ऋणसंबंधिनः सर्वे ते कुपुत्रा द्विजोत्तम
te te sumanayā proktāḥ pūrvameva tavāgrataḥ | ṛṇasaṃbaṃdhinaḥ sarve te kuputrā dvijottama
Sanskrit only: no published translation is held for this verse.
पुत्रस्य लक्षणं पुण्यं तवाग्रे प्रवदाम्यहम् । पुण्यप्रसक्तो यस्यात्मा सत्यधर्मरतः सदा
putrasya lakṣaṇaṃ puṇyaṃ tavāgre pravadāmyaham | puṇyaprasakto yasyātmā satyadharmarataḥ sadā
Sanskrit only: no published translation is held for this verse.
शुद्धिविज्ञानसंपन्नस्तपस्वी वाग्विदां वरः । सर्वकर्मसुसंधीरो वेदाध्ययनतत्परः
śuddhivijñānasaṃpannastapasvī vāgvidāṃ varaḥ | sarvakarmasusaṃdhīro vedādhyayanatatparaḥ
Sanskrit only: no published translation is held for this verse.
स सर्वशास्त्रवेत्ता च देवब्राह्मणपूजकः । याजकः सर्वयज्ञानां दाता त्यागी प्रियंवदः
sa sarvaśāstravettā ca devabrāhmaṇapūjakaḥ | yājakaḥ sarvayajñānāṃ dātā tyāgī priyaṃvadaḥ
Sanskrit only: no published translation is held for this verse.
विष्णुध्यानपरो नित्यं शांतो दांतः सुहृत्सदा । पितृमातृपरोनित्यं सर्वस्वजनवत्सलः
viṣṇudhyānaparo nityaṃ śāṃto dāṃtaḥ suhṛtsadā | pitṛmātṛparonityaṃ sarvasvajanavatsalaḥ
Sanskrit only: no published translation is held for this verse.
कुलस्य तारको विद्वान्कुलस्य परिपोषकः । एवं गुणैश्च संयुक्तः सपुत्रः सुखदायकः
kulasya tārako vidvānkulasya paripoṣakaḥ | evaṃ guṇaiśca saṃyuktaḥ saputraḥ sukhadāyakaḥ
Sanskrit only: no published translation is held for this verse.
अन्ये संबंधसंयुक्ताः शोकसंतापदायकाः । एतादृशेन किं कार्यं फलहीनेन तेन च
anye saṃbaṃdhasaṃyuktāḥ śokasaṃtāpadāyakāḥ | etādṛśena kiṃ kāryaṃ phalahīnena tena ca
Sanskrit only: no published translation is held for this verse.
आयांति यांति ते सर्वे तापं दत्वा सुदारुणम् । पुत्ररूपेण ते सर्वे संसारे द्विजसत्तम
āyāṃti yāṃti te sarve tāpaṃ datvā sudāruṇam | putrarūpeṇa te sarve saṃsāre dvijasattama
Sanskrit only: no published translation is held for this verse.
पूर्वजन्मकृतं पुण्यं यत्त्वया परिपालितम् । तत्सर्वं हि प्रवक्ष्यामि श्रूयतामद्भुतं पुनः
pūrvajanmakṛtaṃ puṇyaṃ yattvayā paripālitam | tatsarvaṃ hi pravakṣyāmi śrūyatāmadbhutaṃ punaḥ
Sanskrit only: no published translation is held for this verse.
वसिष्ठ उवाच- भवाञ्छूद्रो महाप्राज्ञ पूर्वजन्मनि नान्यथा । कृषिकर्त्ता ज्ञानहीनो महालोभेन संयुतः
vasiṣṭha uvāca- bhavāñchūdro mahāprājña pūrvajanmani nānyathā | kṛṣikarttā jñānahīno mahālobhena saṃyutaḥ
Sanskrit only: no published translation is held for this verse.
एकभार्या सदा द्वेषी बहुपुत्रो ह्यदत्तवान् । धर्मं नैव विजानासि सत्यं नैव परिश्रुतम्
ekabhāryā sadā dveṣī bahuputro hyadattavān | dharmaṃ naiva vijānāsi satyaṃ naiva pariśrutam
Sanskrit only: no published translation is held for this verse.
दानं नैव त्वया दत्तं शास्त्रं नैव प्रतिश्रुतम् । कृता नैव त्वया तीर्थे यात्रा चैव महामते
dānaṃ naiva tvayā dattaṃ śāstraṃ naiva pratiśrutam | kṛtā naiva tvayā tīrthe yātrā caiva mahāmate
Sanskrit only: no published translation is held for this verse.
एवं कृतं त्वया विप्र कृषिमार्गं पुनः पुनः । पशूनां पालनं सर्व गवां चैव द्विजोत्तम
evaṃ kṛtaṃ tvayā vipra kṛṣimārgaṃ punaḥ punaḥ | paśūnāṃ pālanaṃ sarva gavāṃ caiva dvijottama
Sanskrit only: no published translation is held for this verse.
महिषीणां तथाऽश्वानां पालनं च पुनः पुनः । एवं पू र्वंकृतं कर्म त्वयैव द्विजसत्तम
mahiṣīṇāṃ tathā'śvānāṃ pālanaṃ ca punaḥ punaḥ | evaṃ pū rvaṃkṛtaṃ karma tvayaiva dvijasattama
Sanskrit only: no published translation is held for this verse.
विपुलं च धनं तद्वल्लोभेन परिसंचितम् । तस्य व्ययं सुपुण्येन न कृतं तु त्वया कदा
vipulaṃ ca dhanaṃ tadvallobhena parisaṃcitam | tasya vyayaṃ supuṇyena na kṛtaṃ tu tvayā kadā
Sanskrit only: no published translation is held for this verse.
पात्रे दानं न दत्तं तु दृष्ट्वा दुर्बलमेव च । कृपां कृत्वा न दत्तं तु भवता धनमेव च
pātre dānaṃ na dattaṃ tu dṛṣṭvā durbalameva ca | kṛpāṃ kṛtvā na dattaṃ tu bhavatā dhanameva ca
Sanskrit only: no published translation is held for this verse.
गोमहिष्यादिकं सर्वं पशूनां संचितं त्वया । विक्रीय च धनं विप्र संचितं विपुलं त्वया
gomahiṣyādikaṃ sarvaṃ paśūnāṃ saṃcitaṃ tvayā | vikrīya ca dhanaṃ vipra saṃcitaṃ vipulaṃ tvayā
Sanskrit only: no published translation is held for this verse.
तक्रं घृतं तथा क्षीरं विक्रयित्वा ततो दधि । दुष्कालं चिंतितं विप्र मोहितो विष्णुमायया
takraṃ ghṛtaṃ tathā kṣīraṃ vikrayitvā tato dadhi | duṣkālaṃ ciṃtitaṃ vipra mohito viṣṇumāyayā
Sanskrit only: no published translation is held for this verse.
कृतं महार्घमेवात्र अन्नं ब्राह्मणसत्तम । निर्दयेन त्वया दानं न दत्तं तु कदाचन
kṛtaṃ mahārghamevātra annaṃ brāhmaṇasattama | nirdayena tvayā dānaṃ na dattaṃ tu kadācana
Sanskrit only: no published translation is held for this verse.
देवानां पूजनं विप्र भवता न कृतं कदा । प्राप्य पर्वाणि विप्रेभ्यो द्रव्यं न च समर्पितम्
devānāṃ pūjanaṃ vipra bhavatā na kṛtaṃ kadā | prāpya parvāṇi viprebhyo dravyaṃ na ca samarpitam
Sanskrit only: no published translation is held for this verse.
श्राद्धंकालंतुसंप्राप्यश्रद्धयानकृतंत्वया । भार्या वदति ते साध्वी दिनमेनं समागतम्
śrāddhaṃkālaṃtusaṃprāpyaśraddhayānakṛtaṃtvayā | bhāryā vadati te sādhvī dinamenaṃ samāgatam
Sanskrit only: no published translation is held for this verse.
श्वशुरस्य श्राद्धकालः श्वश्र्वाश्चैव महामते । त्वं श्रुत्वा तद्वचस्तस्या गृहं त्यक्त्वा पलायसे
śvaśurasya śrāddhakālaḥ śvaśrvāścaiva mahāmate | tvaṃ śrutvā tadvacastasyā gṛhaṃ tyaktvā palāyase
Sanskrit only: no published translation is held for this verse.
धर्ममार्गं न दृष्टं ते श्रुतं नैव कदा त्वया । लोभो मातापिता भ्राता लोभः स्वजनबांधवाः
dharmamārgaṃ na dṛṣṭaṃ te śrutaṃ naiva kadā tvayā | lobho mātāpitā bhrātā lobhaḥ svajanabāṃdhavāḥ
Sanskrit only: no published translation is held for this verse.
पालितं लोभमेवैकं त्यक्त्वा धर्मं सदैव हि । तस्माद्दुःखी भवाञ्जातो दरिद्रेणातिपीडितः
pālitaṃ lobhamevaikaṃ tyaktvā dharmaṃ sadaiva hi | tasmādduḥkhī bhavāñjāto daridreṇātipīḍitaḥ
Sanskrit only: no published translation is held for this verse.
दिनेदिने महातृष्णा हृदये ते प्रवर्द्धते । यदायदा गृहे द्रव्यं वृद्धिमायाति ते तदा
dinedine mahātṛṣṇā hṛdaye te pravarddhate | yadāyadā gṛhe dravyaṃ vṛddhimāyāti te tadā
Sanskrit only: no published translation is held for this verse.
तृष्णया दह्यमानस्तु तया त्वं वह्निरूपया । रात्रौ वा सुप्रसुप्तस्तु निश्चितो हि प्रचिंतसि
tṛṣṇayā dahyamānastu tayā tvaṃ vahnirūpayā | rātrau vā suprasuptastu niścito hi praciṃtasi
Sanskrit only: no published translation is held for this verse.
दिनं प्राप्य महामोहैर्व्यापितोसि सदैव हि । सहस्रं लक्षं मे कोटिः कदा अर्बुदमेव च
dinaṃ prāpya mahāmohairvyāpitosi sadaiva hi | sahasraṃ lakṣaṃ me koṭiḥ kadā arbudameva ca
Sanskrit only: no published translation is held for this verse.
भविष्यति कदा खर्वो निखर्वश्चाथ मे गृहे । एवं सहस्रं लक्षं च कोटिरर्बुदमेव च
bhaviṣyati kadā kharvo nikharvaścātha me gṛhe | evaṃ sahasraṃ lakṣaṃ ca koṭirarbudameva ca
Sanskrit only: no published translation is held for this verse.
खर्वो निखर्वः संजातस्तृष्णा नैव प्रगच्छति । तव कायं परित्यज्य वृद्धिमायाति सर्वदा
kharvo nikharvaḥ saṃjātastṛṣṇā naiva pragacchati | tava kāyaṃ parityajya vṛddhimāyāti sarvadā
Sanskrit only: no published translation is held for this verse.
नैव दत्तं हुतं विप्र भुक्तं नैव कदा त्वया । खनितं भूमिमध्ये तु क्षिप्तं पुत्रानजानते
naiva dattaṃ hutaṃ vipra bhuktaṃ naiva kadā tvayā | khanitaṃ bhūmimadhye tu kṣiptaṃ putrānajānate
Sanskrit only: no published translation is held for this verse.
अन्यमेवमुपायं तु द्रव्यागमनकारणात् । कुरुषे सर्वदा विप्र लोकान्पृच्छसि बुद्धिमान्
anyamevamupāyaṃ tu dravyāgamanakāraṇāt | kuruṣe sarvadā vipra lokānpṛcchasi buddhimān
Sanskrit only: no published translation is held for this verse.
खनित्रमंजनं वादं धातुवादमतः परम् । पृच्छमानो भ्रमस्येकस्तृष्णया परिमोहितः
khanitramaṃjanaṃ vādaṃ dhātuvādamataḥ param | pṛcchamāno bhramasyekastṛṣṇayā parimohitaḥ
Sanskrit only: no published translation is held for this verse.
स्पर्शंचिंतयसेनित्यंकल्पान्सिद्धिप्रदायकान् । प्रवेशं विवराणां तु चिंतमानः सु पृच्छसि
sparśaṃciṃtayasenityaṃkalpānsiddhipradāyakān | praveśaṃ vivarāṇāṃ tu ciṃtamānaḥ su pṛcchasi
Sanskrit only: no published translation is held for this verse.
तृष्णानलेन दग्धेन सुखं नैव प्रगच्छसि । तृष्णानलेन संदीप्तो हाहाभूतो विचेतनः
tṛṣṇānalena dagdhena sukhaṃ naiva pragacchasi | tṛṣṇānalena saṃdīpto hāhābhūto vicetanaḥ
Sanskrit only: no published translation is held for this verse.
एवं मुग्धोसि विप्रेंद्र गतस्त्वं कालवश्यताम् । दारापुत्रेषु तद्द्रव्यं पृच्छमानेषु वै त्वया
evaṃ mugdhosi vipreṃdra gatastvaṃ kālavaśyatām | dārāputreṣu taddravyaṃ pṛcchamāneṣu vai tvayā
Sanskrit only: no published translation is held for this verse.
कथितं नैव वृत्तांतं प्राणांस्त्यक्त्वा गतो यमम् । एवं सर्वं मया ख्यातं वृत्तांतं तव पूर्वकम्
kathitaṃ naiva vṛttāṃtaṃ prāṇāṃstyaktvā gato yamam | evaṃ sarvaṃ mayā khyātaṃ vṛttāṃtaṃ tava pūrvakam
Sanskrit only: no published translation is held for this verse.
अनेन कर्मणा विप्र निर्धनोसि दरिद्रवान् । संसारे यस्य सत्पुत्रा भक्तिमंतः सदैव हि
anena karmaṇā vipra nirdhanosi daridravān | saṃsāre yasya satputrā bhaktimaṃtaḥ sadaiva hi
Sanskrit only: no published translation is held for this verse.
सुशीला ज्ञानसंपन्नाः सत्यधर्मरताः सदा । संभवंति गृहे तस्य यस्य विष्णुः प्रसीदति
suśīlā jñānasaṃpannāḥ satyadharmaratāḥ sadā | saṃbhavaṃti gṛhe tasya yasya viṣṇuḥ prasīdati
Sanskrit only: no published translation is held for this verse.
धनं धान्यं कलत्रं तु पुत्रपौत्रमनंतकम् । स भुंक्ते मर्त्यलोके वै यस्य विष्णुः प्रसन्नवान्
dhanaṃ dhānyaṃ kalatraṃ tu putrapautramanaṃtakam | sa bhuṃkte martyaloke vai yasya viṣṇuḥ prasannavān
Sanskrit only: no published translation is held for this verse.
विना विष्णोः प्रसादेन दारापुत्रान्न चाप्नुयात् । सुजन्म च कुलं विप्र तद्विष्णोः परमं पदम्
vinā viṣṇoḥ prasādena dārāputrānna cāpnuyāt | sujanma ca kulaṃ vipra tadviṣṇoḥ paramaṃ padam
Sanskrit only: no published translation is held for this verse.