Padma Purāṇa 2.19

सूत उवाच- सोमशर्मा महाप्राज्ञः सुमनया सह सत्तमः । कपिलासंगमे पुण्ये रेवातीरे सुपुण्यदे

sūta uvāca- somaśarmā mahāprājñaḥ sumanayā saha sattamaḥ | kapilāsaṃgame puṇye revātīre supuṇyade

Sanskrit only: no published translation is held for this verse.

स्नात्वा तत्र स मेधावी तर्पयित्वा सुरान्पितॄन् । तपस्तेपे सुशांतात्मा जपन्नारायणं शिवम्

snātvā tatra sa medhāvī tarpayitvā surānpitṝn | tapastepe suśāṃtātmā japannārāyaṇaṃ śivam

Sanskrit only: no published translation is held for this verse.

द्वादशाक्षरमंत्रेण ध्यानयुक्तो महामनाः । तस्यैव देवदेवस्य वासुदेवस्य सुव्रतः

dvādaśākṣaramaṃtreṇa dhyānayukto mahāmanāḥ | tasyaiva devadevasya vāsudevasya suvrataḥ

Sanskrit only: no published translation is held for this verse.

आसने शयने याने स्वप्ने पश्यति केशवम् । सदैव निश्चलो भूत्वा कामक्रोधविवर्जितः

āsane śayane yāne svapne paśyati keśavam | sadaiva niścalo bhūtvā kāmakrodhavivarjitaḥ

Sanskrit only: no published translation is held for this verse.

सा च साध्वी महाभागा पतिव्रतपरायणा । सुमना कांतमेवापि शुश्रूषति तपोन्वितम्

sā ca sādhvī mahābhāgā pativrataparāyaṇā | sumanā kāṃtamevāpi śuśrūṣati taponvitam

Sanskrit only: no published translation is held for this verse.

ध्यायमानस्य तस्यापि विघ्नैः संदर्शितं भयम् । सर्पा विषोल्बणाः कृष्णास्तत्र यांति महात्मनः

dhyāyamānasya tasyāpi vighnaiḥ saṃdarśitaṃ bhayam | sarpā viṣolbaṇāḥ kṛṣṇāstatra yāṃti mahātmanaḥ

Sanskrit only: no published translation is held for this verse.

पार्श्वे ते तप्यमानस्य तस्य ते सोमशर्मणः । सिंहव्याघ्रगजा दृष्टा भयमेवं प्रचक्रिरे

pārśve te tapyamānasya tasya te somaśarmaṇaḥ | siṃhavyāghragajā dṛṣṭā bhayamevaṃ pracakrire

Sanskrit only: no published translation is held for this verse.

वेताला राक्षसा भूताः कूष्मांडाः प्रेतभैरवाः । भयं विदर्शयंत्येते दारुणं प्राणनाशनम्

vetālā rākṣasā bhūtāḥ kūṣmāṃḍāḥ pretabhairavāḥ | bhayaṃ vidarśayaṃtyete dāruṇaṃ prāṇanāśanam

Sanskrit only: no published translation is held for this verse.

नानाविधा महाभीमाः सिंहास्तत्र समागताः । दंष्ट्राकरालवक्त्राश्च जगर्जुश्चातिभैरवम्

nānāvidhā mahābhīmāḥ siṃhāstatra samāgatāḥ | daṃṣṭrākarālavaktrāśca jagarjuścātibhairavam

Sanskrit only: no published translation is held for this verse.

विष्णोर्ध्यानात्स धर्मात्मा न चचाल महामतिः । महाविघ्नैः सुसंरूढैश्चालितो मुनिपुंगवः

viṣṇordhyānātsa dharmātmā na cacāla mahāmatiḥ | mahāvighnaiḥ susaṃrūḍhaiścālito munipuṃgavaḥ

Sanskrit only: no published translation is held for this verse.

एवं न चलते ध्यानात्सोमशर्मा द्विजोत्तमः । झंझावातैश्च शीतेन महावृष्ट्या सुपीडितः

evaṃ na calate dhyānātsomaśarmā dvijottamaḥ | jhaṃjhāvātaiśca śītena mahāvṛṣṭyā supīḍitaḥ

Sanskrit only: no published translation is held for this verse.

भंभारावमहाभीमः सिंहस्तत्र समागतः । तं दृष्ट्वा भयवित्रस्तः सस्मार नृहरिं द्विजः

bhaṃbhārāvamahābhīmaḥ siṃhastatra samāgataḥ | taṃ dṛṣṭvā bhayavitrastaḥ sasmāra nṛhariṃ dvijaḥ

Sanskrit only: no published translation is held for this verse.

इंद्रनीलप्रतीकाशं पीतवस्त्रं महौजसम् । शंखचक्रधरं देवं गदापंकजधारिणम्

iṃdranīlapratīkāśaṃ pītavastraṃ mahaujasam | śaṃkhacakradharaṃ devaṃ gadāpaṃkajadhāriṇam

Sanskrit only: no published translation is held for this verse.

महामौक्तिकहारेण इंदुवर्णानुकारिणा । कौस्तुभेनापि रत्नेन द्योतमानं जनार्दनम्

mahāmauktikahāreṇa iṃduvarṇānukāriṇā | kaustubhenāpi ratnena dyotamānaṃ janārdanam

Sanskrit only: no published translation is held for this verse.

श्रीवत्सांकेन दिव्येन हृदयं यस्य राजते । सर्वाभरणशोभांगं शतपत्रनिभेक्षणम्

śrīvatsāṃkena divyena hṛdayaṃ yasya rājate | sarvābharaṇaśobhāṃgaṃ śatapatranibhekṣaṇam

Sanskrit only: no published translation is held for this verse.

सुस्मितास्यं सुप्रसन्नं रत्नदामाभिशोभितम् । भ्राजमानं हृषीकेशं ध्यानं तेन कृतं ध्रुवम्

susmitāsyaṃ suprasannaṃ ratnadāmābhiśobhitam | bhrājamānaṃ hṛṣīkeśaṃ dhyānaṃ tena kṛtaṃ dhruvam

Sanskrit only: no published translation is held for this verse.

त्वमेव शरणं कृष्ण शरणागतवत्सल । नमोस्तु देवदेवाय किं मे भयं करिष्यति

tvameva śaraṇaṃ kṛṣṇa śaraṇāgatavatsala | namostu devadevāya kiṃ me bhayaṃ kariṣyati

Sanskrit only: no published translation is held for this verse.

यस्योदरे त्रयो लोकाः सप्त चान्ये महात्मनः । शरणं तस्य प्रविष्टोस्मि क्वास्ते भयं ममैव हि

yasyodare trayo lokāḥ sapta cānye mahātmanaḥ | śaraṇaṃ tasya praviṣṭosmi kvāste bhayaṃ mamaiva hi

Sanskrit only: no published translation is held for this verse.

यस्माद्भयाः प्रवर्तंते कृत्यादिक महाबलाः । सर्वभयप्रहर्तारं तमस्मि शरणं गतः

yasmādbhayāḥ pravartaṃte kṛtyādika mahābalāḥ | sarvabhayaprahartāraṃ tamasmi śaraṇaṃ gataḥ

Sanskrit only: no published translation is held for this verse.

पातकानां तु सर्वेषां दानवानां महाभयम् । रक्षको विष्णुभक्तानां तमस्मि शरणं गतः

pātakānāṃ tu sarveṣāṃ dānavānāṃ mahābhayam | rakṣako viṣṇubhaktānāṃ tamasmi śaraṇaṃ gataḥ

Sanskrit only: no published translation is held for this verse.

वृंदारकाणां सर्वेषां दानवानां महात्मनाम् । यो गतिः कृष्णभक्तानां तमस्मि शरणं गतः

vṛṃdārakāṇāṃ sarveṣāṃ dānavānāṃ mahātmanām | yo gatiḥ kṛṣṇabhaktānāṃ tamasmi śaraṇaṃ gataḥ

Sanskrit only: no published translation is held for this verse.

अभयो भयनाशाय पापनाशाय ज्ञानवान् । एकश्चेंद्रस्वरूपेण तमस्मि शरणं गतः

abhayo bhayanāśāya pāpanāśāya jñānavān | ekaśceṃdrasvarūpeṇa tamasmi śaraṇaṃ gataḥ

Sanskrit only: no published translation is held for this verse.

व्याधीनां नाशकायैव य औषधस्वरूपवान् । निरामयो निरानंदस्तमस्मि शरणंगतः

vyādhīnāṃ nāśakāyaiva ya auṣadhasvarūpavān | nirāmayo nirānaṃdastamasmi śaraṇaṃgataḥ

Sanskrit only: no published translation is held for this verse.

अचलश्चालयेल्लोकानपापो ज्ञानमेव च । तमस्मि शरणं प्राप्तो भयं किं मे करिष्यति

acalaścālayellokānapāpo jñānameva ca | tamasmi śaraṇaṃ prāpto bhayaṃ kiṃ me kariṣyati

Sanskrit only: no published translation is held for this verse.

साधूनां चापि सर्वेषां पालको यो ह्यनामयः । पाति विश्वं च विश्वात्मा तमस्मि शरणंगतः

sādhūnāṃ cāpi sarveṣāṃ pālako yo hyanāmayaḥ | pāti viśvaṃ ca viśvātmā tamasmi śaraṇaṃgataḥ

Sanskrit only: no published translation is held for this verse.

यो मे मृगेंद्ररूपेण भयं दर्शयतेग्रतः । तमहं शरणं प्राप्तो नरसिंहं नमाम्यहम्

yo me mṛgeṃdrarūpeṇa bhayaṃ darśayategrataḥ | tamahaṃ śaraṇaṃ prāpto narasiṃhaṃ namāmyaham

Sanskrit only: no published translation is held for this verse.

मदमत्तो महाकायो वनहस्ती समागतः । गजलीलागतिं देवं शरणागतवत्सलम्

madamatto mahākāyo vanahastī samāgataḥ | gajalīlāgatiṃ devaṃ śaraṇāgatavatsalam

Sanskrit only: no published translation is held for this verse.

गजास्यं ज्ञानसंपन्नं सपाशांकुशधारिणम् । कालास्यं गजतुंडं च शरणं सुगतोस्म्यहम्

gajāsyaṃ jñānasaṃpannaṃ sapāśāṃkuśadhāriṇam | kālāsyaṃ gajatuṃḍaṃ ca śaraṇaṃ sugatosmyaham

Sanskrit only: no published translation is held for this verse.

हिरण्याक्षप्रहर्तारं वाराहं शरणंगतः । वामनं तं प्रपन्नोस्मि शरणागतवत्सलम्

hiraṇyākṣaprahartāraṃ vārāhaṃ śaraṇaṃgataḥ | vāmanaṃ taṃ prapannosmi śaraṇāgatavatsalam

Sanskrit only: no published translation is held for this verse.

ह्रस्वास्तु वामनाः कुब्जाः प्रेताः कूष्मांडकादयः । मृत्युरूपधराः सर्वे दर्शयंति भयं मम

hrasvāstu vāmanāḥ kubjāḥ pretāḥ kūṣmāṃḍakādayaḥ | mṛtyurūpadharāḥ sarve darśayaṃti bhayaṃ mama

Sanskrit only: no published translation is held for this verse.

अमृतं तं प्रपन्नोस्मि किं भयं मे करिष्यति । ब्रह्मण्यो ब्रह्मदो ब्रह्मा ब्रह्मज्ञानमयो हरिः

amṛtaṃ taṃ prapannosmi kiṃ bhayaṃ me kariṣyati | brahmaṇyo brahmado brahmā brahmajñānamayo hariḥ

Sanskrit only: no published translation is held for this verse.

शरणं तं प्रपन्नोस्मि भयं किं मे करिष्यति । अभयो यो हि जगतो भीतिघ्नो भीतिदायकः

śaraṇaṃ taṃ prapannosmi bhayaṃ kiṃ me kariṣyati | abhayo yo hi jagato bhītighno bhītidāyakaḥ

Sanskrit only: no published translation is held for this verse.

भयरूपं प्रपन्नोस्मि भयं किं मे करिष्यति । तारकः सर्वलोकानां नाशकः सर्वपापिनाम्

bhayarūpaṃ prapannosmi bhayaṃ kiṃ me kariṣyati | tārakaḥ sarvalokānāṃ nāśakaḥ sarvapāpinām

Sanskrit only: no published translation is held for this verse.

तमहं शरणं प्राप्तो धर्मरूपं जनार्दनम् । सुरारणं यो हि रणे वपुर्द्धारयतेऽद्भुतम्

tamahaṃ śaraṇaṃ prāpto dharmarūpaṃ janārdanam | surāraṇaṃ yo hi raṇe vapurddhārayate'dbhutam

Sanskrit only: no published translation is held for this verse.

शरणं तस्य गंतास्मि सदागतिरयं मम । झंझावातो महाचंडो वपुर्दूयति मे भृशम्

śaraṇaṃ tasya gaṃtāsmi sadāgatirayaṃ mama | jhaṃjhāvāto mahācaṃḍo vapurdūyati me bhṛśam

Sanskrit only: no published translation is held for this verse.

शरणं तं प्रपन्नोस्मि सदागतिरयं मम । अतिशीतं चातिवर्षा आतपस्तापदायकः

śaraṇaṃ taṃ prapannosmi sadāgatirayaṃ mama | atiśītaṃ cātivarṣā ātapastāpadāyakaḥ

Sanskrit only: no published translation is held for this verse.

एषां रूपेण यो देवस्तस्याहं शरणं गतः । कालरूपा अमी प्राप्ता भयदा मम चालकाः

eṣāṃ rūpeṇa yo devastasyāhaṃ śaraṇaṃ gataḥ | kālarūpā amī prāptā bhayadā mama cālakāḥ

Sanskrit only: no published translation is held for this verse.

एषां शरणं प्रपन्नोस्मि हरेः स्वरूपिणां सदा

eṣāṃ śaraṇaṃ prapannosmi hareḥ svarūpiṇāṃ sadā

Sanskrit only: no published translation is held for this verse.

यं सर्वदेवं परमेश्वरं हि निष्केवलं ज्ञानमयं प्रदीपम् । वदंति नारायणमादिसिद्धं सिद्धेश्वरं तं शरणं प्रपद्ये

yaṃ sarvadevaṃ parameśvaraṃ hi niṣkevalaṃ jñānamayaṃ pradīpam | vadaṃti nārāyaṇamādisiddhaṃ siddheśvaraṃ taṃ śaraṇaṃ prapadye

Sanskrit only: no published translation is held for this verse.

इति ध्यायन्स्तुवन्नित्यं केशवं क्लेशनाशनम् । भक्त्या तेन समानीतस्तदात्महृदये हरिः

iti dhyāyanstuvannityaṃ keśavaṃ kleśanāśanam | bhaktyā tena samānītastadātmahṛdaye hariḥ

Sanskrit only: no published translation is held for this verse.

उद्यमं विक्रमं तस्य स दृष्ट्वा सोमशर्मणः । आविर्भूय हृषीकेशस्तमुवाच प्रहृष्टवान्

udyamaṃ vikramaṃ tasya sa dṛṣṭvā somaśarmaṇaḥ | āvirbhūya hṛṣīkeśastamuvāca prahṛṣṭavān

Sanskrit only: no published translation is held for this verse.

सोमशर्मन्महाप्राज्ञ श्रूयतां भार्यया सह । वासुदेवोस्मि विप्रेंद्र वरं याचय सुव्रत

somaśarmanmahāprājña śrūyatāṃ bhāryayā saha | vāsudevosmi vipreṃdra varaṃ yācaya suvrata

Sanskrit only: no published translation is held for this verse.

तेनोक्तो हि स विप्रेन्द्र उन्मील्य नयनद्वयम् । दृष्ट्वा विश्वेश्वरं देवं घनश्यामं महोदयम्

tenokto hi sa viprendra unmīlya nayanadvayam | dṛṣṭvā viśveśvaraṃ devaṃ ghanaśyāmaṃ mahodayam

Sanskrit only: no published translation is held for this verse.

सर्वाभरणशोभांगं सर्वायुधसमन्वितम् । दिव्यलक्षणसंपन्नं पुंडरीकनिभेक्षणम्

sarvābharaṇaśobhāṃgaṃ sarvāyudhasamanvitam | divyalakṣaṇasaṃpannaṃ puṃḍarīkanibhekṣaṇam

Sanskrit only: no published translation is held for this verse.

पीतेन वाससा युक्तं राजमानं सुरेश्वरम् । वैनतेयसमारूढं शंखचक्रगदाधरम्

pītena vāsasā yuktaṃ rājamānaṃ sureśvaram | vainateyasamārūḍhaṃ śaṃkhacakragadādharam

Sanskrit only: no published translation is held for this verse.

ब्रह्मादीनां सुधातारं जगतोस्य महायशाः । विश्वस्यास्य सदातीतं रूपातीतं जगद्गुरुम्

brahmādīnāṃ sudhātāraṃ jagatosya mahāyaśāḥ | viśvasyāsya sadātītaṃ rūpātītaṃ jagadgurum

Sanskrit only: no published translation is held for this verse.

हर्षेण महताविष्टो दंडवत्प्रणिपत्य तम् । श्रियायुक्तं भासमानं सूर्यकोटिसमप्रभम्

harṣeṇa mahatāviṣṭo daṃḍavatpraṇipatya tam | śriyāyuktaṃ bhāsamānaṃ sūryakoṭisamaprabham

Sanskrit only: no published translation is held for this verse.

बद्धांजलिपुटोभूत्वा तया सुमनया सह । जयजयेत्युवाचैनं जयमाधवमानद

baddhāṃjalipuṭobhūtvā tayā sumanayā saha | jayajayetyuvācainaṃ jayamādhavamānada

Sanskrit only: no published translation is held for this verse.

जय योगीश योगीन्द्र जय नागांगशायन । यज्ञांग जय यज्ञेश जय शाश्वतसर्वग

jaya yogīśa yogīndra jaya nāgāṃgaśāyana | yajñāṃga jaya yajñeśa jaya śāśvatasarvaga

Sanskrit only: no published translation is held for this verse.

जय सर्वेश्वरानंत यज्ञरूप नमोऽस्तु ते । जय ज्ञानवतां श्रेष्ठ जय त्वं ज्ञाननायक

jaya sarveśvarānaṃta yajñarūpa namo'stu te | jaya jñānavatāṃ śreṣṭha jaya tvaṃ jñānanāyaka

Sanskrit only: no published translation is held for this verse.

जय सर्वदसर्वज्ञ जय त्वं सर्वभावन । जय जीवस्वरूपेश महाजीव नमोस्तुते

jaya sarvadasarvajña jaya tvaṃ sarvabhāvana | jaya jīvasvarūpeśa mahājīva namostute

Sanskrit only: no published translation is held for this verse.

जय प्रज्ञादप्रज्ञांग जय प्राणप्रदायक । जय पापघ्न पुण्येश जय पुण्यपते हरे

jaya prajñādaprajñāṃga jaya prāṇapradāyaka | jaya pāpaghna puṇyeśa jaya puṇyapate hare

Sanskrit only: no published translation is held for this verse.

जय ज्ञानस्वरूपेश ज्ञानगम्याय ते नमः । जय पद्मपलाशाक्ष पद्मनाभाय ते नमः

jaya jñānasvarūpeśa jñānagamyāya te namaḥ | jaya padmapalāśākṣa padmanābhāya te namaḥ

Sanskrit only: no published translation is held for this verse.

जय गोविंदगोपाल जय शंखधरामल । जय चक्रधराव्यक्त व्यक्तरूपाय ते नमः

jaya goviṃdagopāla jaya śaṃkhadharāmala | jaya cakradharāvyakta vyaktarūpāya te namaḥ

Sanskrit only: no published translation is held for this verse.

जय विक्रमशोभांग जय विक्रमनायक । जय लक्ष्मीविलासांग नमो वेदमयाय ते

jaya vikramaśobhāṃga jaya vikramanāyaka | jaya lakṣmīvilāsāṃga namo vedamayāya te

Sanskrit only: no published translation is held for this verse.

जय विक्रमशोभांग जय उद्यमदायक । जय उद्यमकालाय उद्यमाय नमोनमः

jaya vikramaśobhāṃga jaya udyamadāyaka | jaya udyamakālāya udyamāya namonamaḥ

Sanskrit only: no published translation is held for this verse.

जय उद्यमशक्ताय उद्यमत्रयधारक । युद्धोद्यमप्रवृत्ताय तस्मै धर्माय ते नमः

jaya udyamaśaktāya udyamatrayadhāraka | yuddhodyamapravṛttāya tasmai dharmāya te namaḥ

Sanskrit only: no published translation is held for this verse.

नमो हिरण्यरेताय तस्मै ते जायते नमः । अतितेजःस्वरूपाय सर्वतेजोमयाय च

namo hiraṇyaretāya tasmai te jāyate namaḥ | atitejaḥsvarūpāya sarvatejomayāya ca

Sanskrit only: no published translation is held for this verse.

दैत्यतेजोविनाशाय पापतेजोहराय च । गोब्राह्मणहितार्थाय नमोस्तु परमात्मने

daityatejovināśāya pāpatejoharāya ca | gobrāhmaṇahitārthāya namostu paramātmane

Sanskrit only: no published translation is held for this verse.

नमोस्तु हुतभोक्त्रे च नमो हव्यवहाय ते । नमः कव्यवहायैव स्वधारूपाय ते नमः

namostu hutabhoktre ca namo havyavahāya te | namaḥ kavyavahāyaiva svadhārūpāya te namaḥ

Sanskrit only: no published translation is held for this verse.

स्वाहारूपाय यज्ञाय पावनाय नमोनमः । नमस्ते शार्ङ्गहस्ताय हरये पापहारिणे

svāhārūpāya yajñāya pāvanāya namonamaḥ | namaste śārṅgahastāya haraye pāpahāriṇe

Sanskrit only: no published translation is held for this verse.

सदसच्चोदनायैव नमो विज्ञानशालिने । नमो वेदस्वरूपाय पावनाय नमोनमः

sadasaccodanāyaiva namo vijñānaśāline | namo vedasvarūpāya pāvanāya namonamaḥ

Sanskrit only: no published translation is held for this verse.

नमोस्तु हरिकेशाय सर्वक्लेशहराय ते । केशवाय परायैव नमस्ते विश्वधारिणे

namostu harikeśāya sarvakleśaharāya te | keśavāya parāyaiva namaste viśvadhāriṇe

Sanskrit only: no published translation is held for this verse.

नमः कृपाकरायैव नमो हर्षमयाय ते । अनंताय नमो नित्यं शुद्धाय क्लेशनाशिने

namaḥ kṛpākarāyaiva namo harṣamayāya te | anaṃtāya namo nityaṃ śuddhāya kleśanāśine

Sanskrit only: no published translation is held for this verse.

आनंदाय नमो नित्यं शुद्धाय केवलाय ते । रुद्रैर्नमितपादाय विरंचिनमिताय ते

ānaṃdāya namo nityaṃ śuddhāya kevalāya te | rudrairnamitapādāya viraṃcinamitāya te

Sanskrit only: no published translation is held for this verse.

सुरासुरेंद्रनमित पादपद्माय ते नमः । नमोनमः परेशाय अजितायामृतात्मने

surāsureṃdranamita pādapadmāya te namaḥ | namonamaḥ pareśāya ajitāyāmṛtātmane

Sanskrit only: no published translation is held for this verse.

क्षीरसागरवासाय नमः पद्माप्रियाय ते । ॐकाराय च शुद्धाय अचलाय नमोनमः

kṣīrasāgaravāsāya namaḥ padmāpriyāya te | oṃkārāya ca śuddhāya acalāya namonamaḥ

Sanskrit only: no published translation is held for this verse.

व्यापिने व्यापकायैव सर्वव्यसनहारिणे । नमोनमो वराहाय महाकूर्माय ते नमः

vyāpine vyāpakāyaiva sarvavyasanahāriṇe | namonamo varāhāya mahākūrmāya te namaḥ

Sanskrit only: no published translation is held for this verse.

नमो वामनरूपाय नृसिंहाय महात्मने । नमो रामाय दिव्याय सर्वक्षत्रवधाय च

namo vāmanarūpāya nṛsiṃhāya mahātmane | namo rāmāya divyāya sarvakṣatravadhāya ca

Sanskrit only: no published translation is held for this verse.

सर्वज्ञानाय मत्स्याय नमो रामाय ते नमः । नमः कृष्णाय बुद्धाय नमो म्लेच्छप्रणाशिने

sarvajñānāya matsyāya namo rāmāya te namaḥ | namaḥ kṛṣṇāya buddhāya namo mlecchapraṇāśine

Sanskrit only: no published translation is held for this verse.

नमः कपिलविप्राय हयग्रीवाय ते नमः । नमो व्यासस्वरूपाय नमः सर्वमयाय ते

namaḥ kapilaviprāya hayagrīvāya te namaḥ | namo vyāsasvarūpāya namaḥ sarvamayāya te

Sanskrit only: no published translation is held for this verse.

एवं स्तुत्वा हृषीकेशं तमुवाच जनार्दनम् । गुणानां तु परं पारं ब्रह्मा वेत्ति न पावन

evaṃ stutvā hṛṣīkeśaṃ tamuvāca janārdanam | guṇānāṃ tu paraṃ pāraṃ brahmā vetti na pāvana

Sanskrit only: no published translation is held for this verse.

न चैव स्तोतुं सर्वज्ञस्तथा रुद्र सःहस्रदृक् । वक्तुं को हि समर्थस्तु कीदृशी मे मतिर्विभो

na caiva stotuṃ sarvajñastathā rudra saḥhasradṛk | vaktuṃ ko hi samarthastu kīdṛśī me matirvibho

Sanskrit only: no published translation is held for this verse.

निर्गुणं सगुणं स्तोत्रं मयैव तव केशव । क्षमशब्दापशब्दं मे तव दासोस्मि सुव्रत

nirguṇaṃ saguṇaṃ stotraṃ mayaiva tava keśava | kṣamaśabdāpaśabdaṃ me tava dāsosmi suvrata

Sanskrit only: no published translation is held for this verse.

जन्मजन्मनि लोकेश दयां मे कुरु पावन

janmajanmani lokeśa dayāṃ me kuru pāvana

Sanskrit only: no published translation is held for this verse.