Padma Purāṇa 2.2

सूत उवाच- तदादाय महात्माऽसौ निर्जगाम त्वरान्वितः । पितृभक्त्या तपोभिश्च सत्यार्जवबलेन सः

sūta uvāca- tadādāya mahātmā'sau nirjagāma tvarānvitaḥ | pitṛbhaktyā tapobhiśca satyārjavabalena saḥ

Sanskrit only: no published translation is held for this verse.

धर्ममाकृष्टवांश्चैव धर्मशर्मा ततस्तदा । समाकृष्टस्तु वै धर्मस्तपसा तस्य धीमतः

dharmamākṛṣṭavāṃścaiva dharmaśarmā tatastadā | samākṛṣṭastu vai dharmastapasā tasya dhīmataḥ

Sanskrit only: no published translation is held for this verse.

धर्मशर्माणमायातं इदं वचनमब्रवीत् । कस्मात्त्वया समाहूतो धर्मशर्मन्समागतः

dharmaśarmāṇamāyātaṃ idaṃ vacanamabravīt | kasmāttvayā samāhūto dharmaśarmansamāgataḥ

Sanskrit only: no published translation is held for this verse.

तन्मे कथय कार्यं त्वं तत्करोमि न संशयः । धर्मशर्मोवाच- यद्यस्ति गुरुशुश्रूषा यदि निष्ठाऽचलं तपः

tanme kathaya kāryaṃ tvaṃ tatkaromi na saṃśayaḥ | dharmaśarmovāca- yadyasti guruśuśrūṣā yadi niṣṭhā'calaṃ tapaḥ

Sanskrit only: no published translation is held for this verse.

तेन सत्येन मे धर्म वेदशर्मा स जीवतु । धर्म उवाच- दमशौचेन सत्येन तपसा तव सुव्रत

tena satyena me dharma vedaśarmā sa jīvatu | dharma uvāca- damaśaucena satyena tapasā tava suvrata

Sanskrit only: no published translation is held for this verse.

पितृभक्त्या तव भ्राता वेदशर्मा महाभुजः । पुनरेव महात्मासौ जीवनं च लभिष्यति

pitṛbhaktyā tava bhrātā vedaśarmā mahābhujaḥ | punareva mahātmāsau jīvanaṃ ca labhiṣyati

Sanskrit only: no published translation is held for this verse.

तपसानेन तुष्टोस्मि पितृभक्त्या महामते । वरं वरय भद्रं ते दुर्लभं धर्मवित्तमैः

tapasānena tuṣṭosmi pitṛbhaktyā mahāmate | varaṃ varaya bhadraṃ te durlabhaṃ dharmavittamaiḥ

Sanskrit only: no published translation is held for this verse.

एवमाकर्णितं तेन सुवाक्यं धर्मशर्मणा । वैवस्वतं महात्मानं समुवाच महायशाः

evamākarṇitaṃ tena suvākyaṃ dharmaśarmaṇā | vaivasvataṃ mahātmānaṃ samuvāca mahāyaśāḥ

Sanskrit only: no published translation is held for this verse.

देहि मे त्वचलां भक्तिं पितुः पादार्हणे पुनः । धर्मे रतिं तथा मोक्षं सुप्रसन्नो यदा मम

dehi me tvacalāṃ bhaktiṃ pituḥ pādārhaṇe punaḥ | dharme ratiṃ tathā mokṣaṃ suprasanno yadā mama

Sanskrit only: no published translation is held for this verse.

तमुवाच ततो धर्मो मत्प्रसादाद्भविष्यति । एवमुक्ते महावाक्ये वेदशर्मा तदोत्थितः

tamuvāca tato dharmo matprasādādbhaviṣyati | evamukte mahāvākye vedaśarmā tadotthitaḥ

Sanskrit only: no published translation is held for this verse.

प्रसुप्तवन्महाप्राज्ञो धर्मशर्माणमब्रवीत् । क्व सा देवी गता भ्रातः क्व स तातो भवेदिति

prasuptavanmahāprājño dharmaśarmāṇamabravīt | kva sā devī gatā bhrātaḥ kva sa tāto bhavediti

Sanskrit only: no published translation is held for this verse.

समासेन समाख्यातं यथा पित्रा नियोजितः । समाज्ञाय ततो हृष्टो धर्मशर्मा तमब्रवीत्

samāsena samākhyātaṃ yathā pitrā niyojitaḥ | samājñāya tato hṛṣṭo dharmaśarmā tamabravīt

Sanskrit only: no published translation is held for this verse.

ममाद्यैव महाभाग शिरसा जीवितेन च । संमुखी भव वै भ्रातः कोन्यो मे त्वादृशो भुवि

mamādyaiva mahābhāga śirasā jīvitena ca | saṃmukhī bhava vai bhrātaḥ konyo me tvādṛśo bhuvi

Sanskrit only: no published translation is held for this verse.

भ्रातरं चैवमाभाष्य उत्सुकः पितरं प्रति । गमनाय मतिं चक्रे भ्रात्रा च धर्मशर्मणा

bhrātaraṃ caivamābhāṣya utsukaḥ pitaraṃ prati | gamanāya matiṃ cakre bhrātrā ca dharmaśarmaṇā

Sanskrit only: no published translation is held for this verse.

द्वावेतौ तु गतौ तत्र पितरं हृष्टमानसौ । द्वाभ्यां तत्र समास्थाय शिवशर्माणमुत्तमम्

dvāvetau tu gatau tatra pitaraṃ hṛṣṭamānasau | dvābhyāṃ tatra samāsthāya śivaśarmāṇamuttamam

Sanskrit only: no published translation is held for this verse.

धर्मशर्मा तदोवाच पितरं दीप्तिसंयुतम् । ममाद्यैव महाभाग तपसा जीवितेन च

dharmaśarmā tadovāca pitaraṃ dīptisaṃyutam | mamādyaiva mahābhāga tapasā jīvitena ca

Sanskrit only: no published translation is held for this verse.

वेदशर्मा समानीतस्तं पुत्रं प्रगृहाण भोः । शिवशर्मा ततो हृष्टो भक्तिं विज्ञाय तस्य च

vedaśarmā samānītastaṃ putraṃ pragṛhāṇa bhoḥ | śivaśarmā tato hṛṣṭo bhaktiṃ vijñāya tasya ca

Sanskrit only: no published translation is held for this verse.

न किंचिदब्रवीत्तं तु पुनश्चिंतामुपेयिवान् । पुरतो विनयेनापि वर्तमानं महामतिम्

na kiṃcidabravīttaṃ tu punaściṃtāmupeyivān | purato vinayenāpi vartamānaṃ mahāmatim

Sanskrit only: no published translation is held for this verse.

विष्णुशर्माणमाभाषीद्वत्स मे वचनं कुरु । इंद्रलोकं व्रजस्वाद्य तस्मादानय चामृतम्

viṣṇuśarmāṇamābhāṣīdvatsa me vacanaṃ kuru | iṃdralokaṃ vrajasvādya tasmādānaya cāmṛtam

Sanskrit only: no published translation is held for this verse.

अनया कान्तया सार्द्धं स्थातुमिच्छामि सांप्रतम् । सागराद्यत्समुत्पन्नममृतं व्याधिनाशनम्

anayā kāntayā sārddhaṃ sthātumicchāmi sāṃpratam | sāgarādyatsamutpannamamṛtaṃ vyādhināśanam

Sanskrit only: no published translation is held for this verse.

साधुनेच्छति मामेषा यथैनां तु लभाम्यहम् । तथा कुरुष्व शीघ्रं त्वमन्यथान्यं प्रयास्यति

sādhunecchati māmeṣā yathaināṃ tu labhāmyaham | tathā kuruṣva śīghraṃ tvamanyathānyaṃ prayāsyati

Sanskrit only: no published translation is held for this verse.

वृद्धं ज्ञात्वावमन्येत इयं बाला सुरूपिणी । अद्य देव्यानया सार्द्धं प्रियया भुवनत्रये

vṛddhaṃ jñātvāvamanyeta iyaṃ bālā surūpiṇī | adya devyānayā sārddhaṃ priyayā bhuvanatraye

Sanskrit only: no published translation is held for this verse.

निर्दोषो व्याधिनिर्मुक्तो यथा तात भवाम्यहम् । तथा कुरुष्व मे वत्स मद्भक्तोसि यदा भुवि

nirdoṣo vyādhinirmukto yathā tāta bhavāmyaham | tathā kuruṣva me vatsa madbhaktosi yadā bhuvi

Sanskrit only: no published translation is held for this verse.

एवमाकर्ण्य तद्वाक्यं पितुस्तस्य महात्मनः । विष्णुशर्मा तदोवाच पितरं दीप्ततेजसम्

evamākarṇya tadvākyaṃ pitustasya mahātmanaḥ | viṣṇuśarmā tadovāca pitaraṃ dīptatejasam

Sanskrit only: no published translation is held for this verse.

सर्वमेतत्करिष्यामि भवतः सुखमुत्तमम् । एवमाभाष्य धर्मात्मा विष्णुशर्मा महामतिः

sarvametatkariṣyāmi bhavataḥ sukhamuttamam | evamābhāṣya dharmātmā viṣṇuśarmā mahāmatiḥ

Sanskrit only: no published translation is held for this verse.

पितरं तं नमस्कृत्य पुनः कृत्वा प्रदक्षिणम् । बलेन महता सोपि तपसा नियमेन च

pitaraṃ taṃ namaskṛtya punaḥ kṛtvā pradakṣiṇam | balena mahatā sopi tapasā niyamena ca

Sanskrit only: no published translation is held for this verse.

अंतरिक्षगतश्चासीद्गच्छमानस्य धीमतः । स महावायुवेगेन ऐंद्रं संप्रतिगच्छति

aṃtarikṣagataścāsīdgacchamānasya dhīmataḥ | sa mahāvāyuvegena aiṃdraṃ saṃpratigacchati

Sanskrit only: no published translation is held for this verse.