Library·Padma Purāṇa·2·2.20
हरिरुवाच- तपसानेन पुण्येन सत्येनानेन ते द्विज । स्तोत्रेण पावनेनापि तुष्टोस्मि व्रियतां वरः
hariruvāca- tapasānena puṇyena satyenānena te dvija | stotreṇa pāvanenāpi tuṣṭosmi vriyatāṃ varaḥ
Sanskrit only: no published translation is held for this verse.
वरं दद्मि महाभाग यत्ते मनसि वर्तते । यंयमिच्छसि कामं त्वं तंतं ते पूरयाम्यहम्
varaṃ dadmi mahābhāga yatte manasi vartate | yaṃyamicchasi kāmaṃ tvaṃ taṃtaṃ te pūrayāmyaham
Sanskrit only: no published translation is held for this verse.
सोमशर्मोवाच- प्रथमं देहि मे कृष्ण वरमेकं सुवाञ्छितम् । सुप्रसन्नेन मनसा यद्यस्ति सुदया मम
somaśarmovāca- prathamaṃ dehi me kṛṣṇa varamekaṃ suvāñchitam | suprasannena manasā yadyasti sudayā mama
Sanskrit only: no published translation is held for this verse.
जन्मजन्मांतरं प्राप्य तव भक्तिं करोम्यहम् । दर्शयस्व परं स्थानमचलं मोक्षदायकम्
janmajanmāṃtaraṃ prāpya tava bhaktiṃ karomyaham | darśayasva paraṃ sthānamacalaṃ mokṣadāyakam
Sanskrit only: no published translation is held for this verse.
स्ववंशतारकं पुत्रं दिव्यलक्षणसंयुतम् । विष्णुभक्तिपरं नित्यं मम वंशप्रधारकम्
svavaṃśatārakaṃ putraṃ divyalakṣaṇasaṃyutam | viṣṇubhaktiparaṃ nityaṃ mama vaṃśapradhārakam
Sanskrit only: no published translation is held for this verse.
सर्वज्ञं सर्वदं दांतं तपस्तेजः समन्वितम् । देवब्राह्मणलोकानां पालकं पूजकं सदा
sarvajñaṃ sarvadaṃ dāṃtaṃ tapastejaḥ samanvitam | devabrāhmaṇalokānāṃ pālakaṃ pūjakaṃ sadā
Sanskrit only: no published translation is held for this verse.
देवमित्रं पुण्यभावं दातारं ज्ञानपंडितम् । देहि मे ईदृशं पुत्रं दारिद्रं हर केशव
devamitraṃ puṇyabhāvaṃ dātāraṃ jñānapaṃḍitam | dehi me īdṛśaṃ putraṃ dāridraṃ hara keśava
Sanskrit only: no published translation is held for this verse.
भवत्वेवं न संदेहो वरमेनं वृणोम्यहम् । हरिरुवाच- एवमस्तु द्विजश्रेष्ठ भविष्यति न संशयः
bhavatvevaṃ na saṃdeho varamenaṃ vṛṇomyaham | hariruvāca- evamastu dvijaśreṣṭha bhaviṣyati na saṃśayaḥ
Sanskrit only: no published translation is held for this verse.
मत्प्रसादात्सुपुत्रस्तु तव वंश प्रतारकः । भोक्ष्यसि त्वं वरान्भोगान्दिव्यांश्च मानुषानिह
matprasādātsuputrastu tava vaṃśa pratārakaḥ | bhokṣyasi tvaṃ varānbhogāndivyāṃśca mānuṣāniha
Sanskrit only: no published translation is held for this verse.
समालोक्य परं सौख्यं पुत्रसंभवजं शुभम् । यावज्जीवसि विप्र त्वं तावद्दुःखं न पश्यसि
samālokya paraṃ saukhyaṃ putrasaṃbhavajaṃ śubham | yāvajjīvasi vipra tvaṃ tāvadduḥkhaṃ na paśyasi
Sanskrit only: no published translation is held for this verse.
दाता भोक्ता गुणग्राही भविष्यसि न संशयः । सुतीर्थे मरणं चापि यास्यसि त्वं परां गतिम्
dātā bhoktā guṇagrāhī bhaviṣyasi na saṃśayaḥ | sutīrthe maraṇaṃ cāpi yāsyasi tvaṃ parāṃ gatim
Sanskrit only: no published translation is held for this verse.
एवं वरं हरिर्दत्त्वा सप्रियाय द्विजाय सः । अंतर्धानं गतो देवः स्वप्नवत्परिदृश्यते
evaṃ varaṃ harirdattvā sapriyāya dvijāya saḥ | aṃtardhānaṃ gato devaḥ svapnavatparidṛśyate
Sanskrit only: no published translation is held for this verse.
तदा सुमनया युक्तः सोमशर्मा द्विजोत्तमः । सुतीर्थे पावने तस्मिन्रेवातीरे सुपुण्यदे
tadā sumanayā yuktaḥ somaśarmā dvijottamaḥ | sutīrthe pāvane tasminrevātīre supuṇyade
Sanskrit only: no published translation is held for this verse.
अमरकंटके विप्रो दानं पुण्यं करोति सः । गते बहुतरे काले तस्य वै सोमशर्मणः
amarakaṃṭake vipro dānaṃ puṇyaṃ karoti saḥ | gate bahutare kāle tasya vai somaśarmaṇaḥ
Sanskrit only: no published translation is held for this verse.
कपिलारेवयोः संगे स्नानं कृत्वा स निर्गतः । दृष्टवान्पुरतो विप्रः श्वेतमेकं हि कुंजरम्
kapilārevayoḥ saṃge snānaṃ kṛtvā sa nirgataḥ | dṛṣṭavānpurato vipraḥ śvetamekaṃ hi kuṃjaram
Sanskrit only: no published translation is held for this verse.
सुप्रभं सुंदरं दिव्यं सुमदं चारुलक्षणम् । नानाभरणशोभांगं बहुलक्ष्म्या समन्वितम्
suprabhaṃ suṃdaraṃ divyaṃ sumadaṃ cārulakṣaṇam | nānābharaṇaśobhāṃgaṃ bahulakṣmyā samanvitam
Sanskrit only: no published translation is held for this verse.
सिंदूरैः कुंकुमैस्तस्य कुंभस्थले विराजिते । कर्णनीलोत्पलयुतं पताकादंडसंयुतम्
siṃdūraiḥ kuṃkumaistasya kuṃbhasthale virājite | karṇanīlotpalayutaṃ patākādaṃḍasaṃyutam
Sanskrit only: no published translation is held for this verse.
नागोपरिस्थितो दिव्यः पुरुषो दृढसुप्रभः । दिव्यलक्षणसंपन्नः सर्वाभरणभूषितः
nāgoparisthito divyaḥ puruṣo dṛḍhasuprabhaḥ | divyalakṣaṇasaṃpannaḥ sarvābharaṇabhūṣitaḥ
Sanskrit only: no published translation is held for this verse.
दिव्यमाल्यांबरधरो दिव्यगंधानुलेपनः । सुसौम्यं सोमवत्पूर्णच्छत्रचामरसंयुतम्
divyamālyāṃbaradharo divyagaṃdhānulepanaḥ | susaumyaṃ somavatpūrṇacchatracāmarasaṃyutam
Sanskrit only: no published translation is held for this verse.
नागारूढं प्रयांतं तं पुनः पश्यति सत्तमः । सिद्धचारणगंधर्वैः स्तूयमानं सुमंगलम्
nāgārūḍhaṃ prayāṃtaṃ taṃ punaḥ paśyati sattamaḥ | siddhacāraṇagaṃdharvaiḥ stūyamānaṃ sumaṃgalam
Sanskrit only: no published translation is held for this verse.
सगजं सुंदरं दृष्ट्वा पुरुषं दिव्यलक्षणम् । व्यतर्कयत्सोमशर्मा विस्मयाविष्टमानसः
sagajaṃ suṃdaraṃ dṛṣṭvā puruṣaṃ divyalakṣaṇam | vyatarkayatsomaśarmā vismayāviṣṭamānasaḥ
Sanskrit only: no published translation is held for this verse.
कोऽयं प्रयाति दिव्यांगः पंथानं प्राप्य सुव्रतः । एवं चिंतयतस्तस्य यावद्गृहं समाप्तवान्
ko'yaṃ prayāti divyāṃgaḥ paṃthānaṃ prāpya suvrataḥ | evaṃ ciṃtayatastasya yāvadgṛhaṃ samāptavān
Sanskrit only: no published translation is held for this verse.
प्रविशंतं गृहद्वारं देवरूपं मनोहरम् । हर्षेण महताविष्टः सोमशर्मा द्विजोत्तमः
praviśaṃtaṃ gṛhadvāraṃ devarūpaṃ manoharam | harṣeṇa mahatāviṣṭaḥ somaśarmā dvijottamaḥ
Sanskrit only: no published translation is held for this verse.
स्वगृहं प्रति धर्मात्मा त्वरमाणः प्रयाति च । गृहद्वारं गतो यावत्तावत्तं तु न पश्यति
svagṛhaṃ prati dharmātmā tvaramāṇaḥ prayāti ca | gṛhadvāraṃ gato yāvattāvattaṃ tu na paśyati
Sanskrit only: no published translation is held for this verse.
पतितान्येव पुष्पाणि सौहृद्यानि महामतिः । दिव्यानि वासयुक्तानि प्रांगणे द्विजसत्तमः
patitānyeva puṣpāṇi sauhṛdyāni mahāmatiḥ | divyāni vāsayuktāni prāṃgaṇe dvijasattamaḥ
Sanskrit only: no published translation is held for this verse.
चंदनैः कुंकुमैः पुण्यैः सुगंधैस्तु विलेपितम् । स्वकीयं प्रांगणे दृष्ट्वा दूर्वाक्षतसमन्वितम्
caṃdanaiḥ kuṃkumaiḥ puṇyaiḥ sugaṃdhaistu vilepitam | svakīyaṃ prāṃgaṇe dṛṣṭvā dūrvākṣatasamanvitam
Sanskrit only: no published translation is held for this verse.
स एवं विस्मयाविष्टश्चिंतयानः पुनः पुनः । ददर्श सुमनां प्राज्ञो दिव्यमंगलसंपदम्
sa evaṃ vismayāviṣṭaściṃtayānaḥ punaḥ punaḥ | dadarśa sumanāṃ prājño divyamaṃgalasaṃpadam
Sanskrit only: no published translation is held for this verse.
सोमशर्मोवाच- केन दत्तानि दिव्यानि एतान्याभरणानि च । शृंगारंरूपसौभाग्यं वस्त्रालंकारभूषणम्
somaśarmovāca- kena dattāni divyāni etānyābharaṇāni ca | śṛṃgāraṃrūpasaubhāgyaṃ vastrālaṃkārabhūṣaṇam
Sanskrit only: no published translation is held for this verse.
तन्मे त्वं कारणं भद्रे कथयस्वाविशंकिता । एवं संभाष्यतां भार्यां विरराम द्विजोत्तमः
tanme tvaṃ kāraṇaṃ bhadre kathayasvāviśaṃkitā | evaṃ saṃbhāṣyatāṃ bhāryāṃ virarāma dvijottamaḥ
Sanskrit only: no published translation is held for this verse.
सुमनोवाच- शृणु कांत समायातः कश्चिद्देववरोत्तमः । श्वेतनागसमारूढो दिव्याभरणभूषितः
sumanovāca- śṛṇu kāṃta samāyātaḥ kaściddevavarottamaḥ | śvetanāgasamārūḍho divyābharaṇabhūṣitaḥ
Sanskrit only: no published translation is held for this verse.
दिव्यगंधानुलिप्तांगो दिव्याश्चर्यसमन्वितः । न जाने को हि देवोसौ विप्रगंधर्वसेवितः
divyagaṃdhānuliptāṃgo divyāścaryasamanvitaḥ | na jāne ko hi devosau vipragaṃdharvasevitaḥ
Sanskrit only: no published translation is held for this verse.
स्तूयमानः समायातो देवगंधर्वचारणैः । योषितः पुण्यरूपाढ्या रूपशृंगारसंयुताः
stūyamānaḥ samāyāto devagaṃdharvacāraṇaiḥ | yoṣitaḥ puṇyarūpāḍhyā rūpaśṛṃgārasaṃyutāḥ
Sanskrit only: no published translation is held for this verse.
सर्वाभरणशोभाढ्याः सर्वाः पूर्णमनोरथाः । ताभिः सह समक्षं मे पुरुषेण महात्मना
sarvābharaṇaśobhāḍhyāḥ sarvāḥ pūrṇamanorathāḥ | tābhiḥ saha samakṣaṃ me puruṣeṇa mahātmanā
Sanskrit only: no published translation is held for this verse.
चतुष्कं पूरितं रत्नैः सर्वशोभासमन्वितम् । तत्राहमासने पुण्ये स्थापिता ब्राह्मणैः किल
catuṣkaṃ pūritaṃ ratnaiḥ sarvaśobhāsamanvitam | tatrāhamāsane puṇye sthāpitā brāhmaṇaiḥ kila
Sanskrit only: no published translation is held for this verse.
वस्त्रालंकारभूषां मे ददुस्ते सर्व एव हि । वेदमंगलगीतैस्तु शास्त्रगीतैश्च पुण्यदैः
vastrālaṃkārabhūṣāṃ me daduste sarva eva hi | vedamaṃgalagītaistu śāstragītaiśca puṇyadaiḥ
Sanskrit only: no published translation is held for this verse.
अभिषिक्तास्मि तैः सर्वैरंतर्धानं पुनर्गताः । मामेवं परितः सर्वे पुनरूचुर्द्विजोत्तम
abhiṣiktāsmi taiḥ sarvairaṃtardhānaṃ punargatāḥ | māmevaṃ paritaḥ sarve punarūcurdvijottama
Sanskrit only: no published translation is held for this verse.
तव गेहं वयं सर्वे वसिष्यामः सदैव हि । शुचिर्भव सुकल्याणि भर्त्रा सार्द्धं सदैव हि
tava gehaṃ vayaṃ sarve vasiṣyāmaḥ sadaiva hi | śucirbhava sukalyāṇi bhartrā sārddhaṃ sadaiva hi
Sanskrit only: no published translation is held for this verse.
एवमुक्त्वा गताः सर्वे एवं दृष्टं मयैव हि । तया यत्कथितं वृत्तं समाकर्ण्य महामतिः
evamuktvā gatāḥ sarve evaṃ dṛṣṭaṃ mayaiva hi | tayā yatkathitaṃ vṛttaṃ samākarṇya mahāmatiḥ
Sanskrit only: no published translation is held for this verse.
पुनश्चिंतां प्रपन्नोऽसौ किमिदं देवनिर्मितम् । विचिन्तयित्वाथ तदा सोमशर्मा महामतिः
punaściṃtāṃ prapanno'sau kimidaṃ devanirmitam | vicintayitvātha tadā somaśarmā mahāmatiḥ
Sanskrit only: no published translation is held for this verse.
ब्रह्मकर्मणि संयुक्तः साधर्म्यं धर्ममुत्तमम् । तस्माद्गर्भं महाभागा दधार व्रतशालिनी
brahmakarmaṇi saṃyuktaḥ sādharmyaṃ dharmamuttamam | tasmādgarbhaṃ mahābhāgā dadhāra vrataśālinī
Sanskrit only: no published translation is held for this verse.
तेन गर्भेण सा देवी अधिकं शुशुभे तदा । संदीप्तपुत्रसंयुक्त तेजोज्वालासमन्विता
tena garbheṇa sā devī adhikaṃ śuśubhe tadā | saṃdīptaputrasaṃyukta tejojvālāsamanvitā
Sanskrit only: no published translation is held for this verse.
सा हि जज्ञे च तपसा तनयं देवसन्निभम् । अंतरिक्षे ततो नेदुर्देवदुंदुभयस्तदा
sā hi jajñe ca tapasā tanayaṃ devasannibham | aṃtarikṣe tato nedurdevaduṃdubhayastadā
Sanskrit only: no published translation is held for this verse.
शंखान्दध्मुर्महादेवा गंधर्वा ललितं जगुः । अप्सरसस्तथा सर्वा ननृतुस्तास्तदा किल
śaṃkhāndadhmurmahādevā gaṃdharvā lalitaṃ jaguḥ | apsarasastathā sarvā nanṛtustāstadā kila
Sanskrit only: no published translation is held for this verse.
अथ ब्रह्मासुरैः सार्द्धं समायातो द्विजोत्तमः । चकार नाम तस्यैव सुव्रतेति समाहितः
atha brahmāsuraiḥ sārddhaṃ samāyāto dvijottamaḥ | cakāra nāma tasyaiva suvrateti samāhitaḥ
Sanskrit only: no published translation is held for this verse.
नाम कृत्वा ततो देवा जग्मुः सर्वे महौजसः । गतेषु तेषु देवेषु सोमशर्मासु तस्य च
nāma kṛtvā tato devā jagmuḥ sarve mahaujasaḥ | gateṣu teṣu deveṣu somaśarmāsu tasya ca
Sanskrit only: no published translation is held for this verse.
जातकर्मादिकं कर्म चकार द्विजसत्तमः । जाते पुत्रे महाभागे सुव्रते देवनिर्मिते
jātakarmādikaṃ karma cakāra dvijasattamaḥ | jāte putre mahābhāge suvrate devanirmite
Sanskrit only: no published translation is held for this verse.
तस्य गेहे महालक्ष्मीर्धनधान्यसमाकुला । गजाश्वमहिषी गावः कांचनं रत्नमेव च
tasya gehe mahālakṣmīrdhanadhānyasamākulā | gajāśvamahiṣī gāvaḥ kāṃcanaṃ ratnameva ca
Sanskrit only: no published translation is held for this verse.
यथा कुबेरभवनं शुशुभे धनसंचयैः । तत्सोमशर्मणो गेहं तथैव परिराजते
yathā kuberabhavanaṃ śuśubhe dhanasaṃcayaiḥ | tatsomaśarmaṇo gehaṃ tathaiva parirājate
Sanskrit only: no published translation is held for this verse.
ध्यानपुण्यादिकं कर्म चका रद्विजसत्तमः । तीर्थयात्रां गतो विप्रो नानापुण्यसमाकुलः
dhyānapuṇyādikaṃ karma cakā radvijasattamaḥ | tīrthayātrāṃ gato vipro nānāpuṇyasamākulaḥ
Sanskrit only: no published translation is held for this verse.
अन्यानि यानि पुण्यानि दानानि द्विजसत्तमः । चकार तत्र मेधावी ज्ञानपुण्य समन्वितः
anyāni yāni puṇyāni dānāni dvijasattamaḥ | cakāra tatra medhāvī jñānapuṇya samanvitaḥ
Sanskrit only: no published translation is held for this verse.
एवं साधयते धर्मं पालयेच्च पुनःपुनः । पुत्रस्य जातकर्मादि कर्माणि द्विजसत्तमः
evaṃ sādhayate dharmaṃ pālayecca punaḥpunaḥ | putrasya jātakarmādi karmāṇi dvijasattamaḥ
Sanskrit only: no published translation is held for this verse.
विवाहं कारयामास हर्षेण महता किल । पुत्रस्य पुत्राः संजाताः सगुणा लक्षणान्विताः
vivāhaṃ kārayāmāsa harṣeṇa mahatā kila | putrasya putrāḥ saṃjātāḥ saguṇā lakṣaṇānvitāḥ
Sanskrit only: no published translation is held for this verse.
सत्यधर्मतपोपेता दानधर्मरताः सदा । स तेषां पुण्यकर्माणि सोमशर्मा चकार ह
satyadharmatapopetā dānadharmaratāḥ sadā | sa teṣāṃ puṇyakarmāṇi somaśarmā cakāra ha
Sanskrit only: no published translation is held for this verse.
पौत्राणां तु महाभागस्तेषां सुखेन मोदते । सर्वं सौख्यं च संभुज्य जरारोगविवर्जितः
pautrāṇāṃ tu mahābhāgasteṣāṃ sukhena modate | sarvaṃ saukhyaṃ ca saṃbhujya jarārogavivarjitaḥ
Sanskrit only: no published translation is held for this verse.
पंचविंशाब्दिको यद्वत्तद्वत्कायं तु तस्य हि । सूर्यतेजः प्रतीकाशः सोमशर्मा महामतिः
paṃcaviṃśābdiko yadvattadvatkāyaṃ tu tasya hi | sūryatejaḥ pratīkāśaḥ somaśarmā mahāmatiḥ
Sanskrit only: no published translation is held for this verse.
सा चापि शुशुभे देवी सुमना पुण्यमंगलैः । पुत्रपौत्रैर्महाभागा दानव्रतैश्च संयमैः
sā cāpi śuśubhe devī sumanā puṇyamaṃgalaiḥ | putrapautrairmahābhāgā dānavrataiśca saṃyamaiḥ
Sanskrit only: no published translation is held for this verse.
अतिभाति विशालाक्षी पुण्यैः पतिव्रतादिभिः । तारुण्येन समायुक्ता यथा षोडशवार्षिकी
atibhāti viśālākṣī puṇyaiḥ pativratādibhiḥ | tāruṇyena samāyuktā yathā ṣoḍaśavārṣikī
Sanskrit only: no published translation is held for this verse.
मोदमानौ महात्मानौ दंपती चारुमंगलौ । हर्षेण च समायुक्तौ पुण्यात्मानौ महोदयौ
modamānau mahātmānau daṃpatī cārumaṃgalau | harṣeṇa ca samāyuktau puṇyātmānau mahodayau
Sanskrit only: no published translation is held for this verse.
एवं तयोस्तु वृत्तांतं पुण्याचारसमन्वितम् । सुव्रतस्य प्रवक्ष्यामि व्रतचर्यां द्विजोत्तमाः
evaṃ tayostu vṛttāṃtaṃ puṇyācārasamanvitam | suvratasya pravakṣyāmi vratacaryāṃ dvijottamāḥ
Sanskrit only: no published translation is held for this verse.
यथा तेन समाराध्य नारायणमनामयम्
yathā tena samārādhya nārāyaṇamanāmayam
Sanskrit only: no published translation is held for this verse.