Library·Padma Purāṇa·2·2.22
व्यास उवाच- प्रश्नमेकं महाभाग करिष्ये सांप्रतं वद । त्वयैव पूर्वमुक्तं हि सुव्रतं च प्रतीश्वरम्
vyāsa uvāca- praśnamekaṃ mahābhāga kariṣye sāṃprataṃ vada | tvayaiva pūrvamuktaṃ hi suvrataṃ ca pratīśvaram
Sanskrit only: no published translation is held for this verse.
पूर्वाभ्यासेन संध्यायन्नारायणमनामयम् । कस्यां ज्ञात्यां समुत्पन्नः सुव्रतः पूर्वजन्मनि
pūrvābhyāsena saṃdhyāyannārāyaṇamanāmayam | kasyāṃ jñātyāṃ samutpannaḥ suvrataḥ pūrvajanmani
Sanskrit only: no published translation is held for this verse.
तन्मे त्वं सांप्रतं ब्रूहि कथमाराधितो हरिः । अनेनापि स देवेश कोयं पुण्यसमाविलः
tanme tvaṃ sāṃprataṃ brūhi kathamārādhito hariḥ | anenāpi sa deveśa koyaṃ puṇyasamāvilaḥ
Sanskrit only: no published translation is held for this verse.
ब्रह्मोवाच- वैदिशे नगरे पुण्ये सर्वऋद्धिसमाकुले । तत्र राजा महातेजा ऋतध्वजसुतो बली
brahmovāca- vaidiśe nagare puṇye sarvaṛddhisamākule | tatra rājā mahātejā ṛtadhvajasuto balī
Sanskrit only: no published translation is held for this verse.
तस्यात्मजो महाप्राज्ञो रुक्मभूषणविश्रुतः । संध्यावली तस्य भार्या धर्मपत्नी यशस्विनी
tasyātmajo mahāprājño rukmabhūṣaṇaviśrutaḥ | saṃdhyāvalī tasya bhāryā dharmapatnī yaśasvinī
Sanskrit only: no published translation is held for this verse.
तस्यां पुत्रं समुत्पाद्य स आत्मसदृशं ततः । तस्य धर्मांगदं नाम चकार नृपनंदनः
tasyāṃ putraṃ samutpādya sa ātmasadṛśaṃ tataḥ | tasya dharmāṃgadaṃ nāma cakāra nṛpanaṃdanaḥ
Sanskrit only: no published translation is held for this verse.
सर्वलक्षणसंपन्नः पितृभक्तिपरायणः । रुक्मांगदस्य तनयो योयं भगवतां वरः
sarvalakṣaṇasaṃpannaḥ pitṛbhaktiparāyaṇaḥ | rukmāṃgadasya tanayo yoyaṃ bhagavatāṃ varaḥ
Sanskrit only: no published translation is held for this verse.
पितुः सौख्याय येनापि मोहिन्यै तु शिरो ददे । वैष्णवेन च धर्मेण पितृभक्त्या तु तस्य हि
pituḥ saukhyāya yenāpi mohinyai tu śiro dade | vaiṣṇavena ca dharmeṇa pitṛbhaktyā tu tasya hi
Sanskrit only: no published translation is held for this verse.
सुप्रसन्नो हृषीकेशः सकायो वैष्णवं पदम् । नीतस्तु सर्वधर्मज्ञो वैष्णवः सात्वतां वरः
suprasanno hṛṣīkeśaḥ sakāyo vaiṣṇavaṃ padam | nītastu sarvadharmajño vaiṣṇavaḥ sātvatāṃ varaḥ
Sanskrit only: no published translation is held for this verse.
धर्मांगदो महाप्राज्ञः प्रज्ञाज्ञानविशारदः । तत्रस्थो वै महाप्राज्ञो धर्मोसौ धर्मभूषणः
dharmāṃgado mahāprājñaḥ prajñājñānaviśāradaḥ | tatrastho vai mahāprājño dharmosau dharmabhūṣaṇaḥ
Sanskrit only: no published translation is held for this verse.
दिव्यान्मनोनुगान्भोगान्मोदमानः प्रभुंजति । पूर्णे युगसहस्रांते धर्मो वै धर्मभूषणः
divyānmanonugānbhogānmodamānaḥ prabhuṃjati | pūrṇe yugasahasrāṃte dharmo vai dharmabhūṣaṇaḥ
Sanskrit only: no published translation is held for this verse.
तस्मात्पदात्परिभ्रष्टो विष्णोश्चैव प्रसादतः । सुव्रतो नाम मेधावी सुमनानंदवर्द्धनः
tasmātpadātparibhraṣṭo viṣṇoścaiva prasādataḥ | suvrato nāma medhāvī sumanānaṃdavarddhanaḥ
Sanskrit only: no published translation is held for this verse.
सोमशर्मस्य तनयः श्रेष्ठो भगवतां वरः । तपश्चचार मेधावी विष्णुध्यानपरोभवत्
somaśarmasya tanayaḥ śreṣṭho bhagavatāṃ varaḥ | tapaścacāra medhāvī viṣṇudhyānaparobhavat
Sanskrit only: no published translation is held for this verse.
कामक्रोधादिकान्दोषान्परित्यज्य द्विजोत्तमः । संयम्यचैन्द्रियं वर्गं तपस्तेपे निरंतरम्
kāmakrodhādikāndoṣānparityajya dvijottamaḥ | saṃyamyacaindriyaṃ vargaṃ tapastepe niraṃtaram
Sanskrit only: no published translation is held for this verse.
वैडूर्यपर्वतश्रेष्ठे सिद्धेश्वरस्य सन्निधौ । एकीकृत्य मनश्चायं संयोज्य विष्णुना सह
vaiḍūryaparvataśreṣṭhe siddheśvarasya sannidhau | ekīkṛtya manaścāyaṃ saṃyojya viṣṇunā saha
Sanskrit only: no published translation is held for this verse.
एवं वर्षशतं स्थित्वा ध्यानेनास्य महात्मनः । सुप्रसन्नो जगन्नाथः शंखचक्रगदाधरः
evaṃ varṣaśataṃ sthitvā dhyānenāsya mahātmanaḥ | suprasanno jagannāthaḥ śaṃkhacakragadādharaḥ
Sanskrit only: no published translation is held for this verse.
तस्मै वरं ददावन्यं सलक्ष्म्या सह केशवः । भोभोः सुव्रत धर्मात्मन्बुध्यस्व विबुधांवर
tasmai varaṃ dadāvanyaṃ salakṣmyā saha keśavaḥ | bhobhoḥ suvrata dharmātmanbudhyasva vibudhāṃvara
Sanskrit only: no published translation is held for this verse.
वरं वरय भद्रं ते कृष्णोऽहं ते समागतः । एवमाकर्ण्य मेधावी विष्णोर्वाक्यमनुत्तमम्
varaṃ varaya bhadraṃ te kṛṣṇo'haṃ te samāgataḥ | evamākarṇya medhāvī viṣṇorvākyamanuttamam
Sanskrit only: no published translation is held for this verse.
हर्षेण महताविष्टो दृष्ट्वा देवं जनार्दनम् । बद्धांजलिपुटो भूत्वा प्रणाममकरोत्तदा
harṣeṇa mahatāviṣṭo dṛṣṭvā devaṃ janārdanam | baddhāṃjalipuṭo bhūtvā praṇāmamakarottadā
Sanskrit only: no published translation is held for this verse.
सुव्रत उवाच- संसारसागरमतीव महासुदुःखजालोर्मिभिर्विविधमोहचयैस्तरंगैः । संपूर्णमस्ति निजदोषगुणैस्तु प्राप्तस्तस्मात्समुद्धर जनार्दनमाशुदीनम्
suvrata uvāca- saṃsārasāgaramatīva mahāsuduḥkhajālormibhirvividhamohacayaistaraṃgaiḥ | saṃpūrṇamasti nijadoṣaguṇaistu prāptastasmātsamuddhara janārdanamāśudīnam
Sanskrit only: no published translation is held for this verse.
कर्मांबुदे महति गर्जतिवर्षतीव विद्युल्लतोल्लसतिपातकसंचयैर्मे । मोहांधकारपटलैर्मम नास्ति दृष्टिर्दीनस्य तस्य मधुसूदन देहि हस्तम्
karmāṃbude mahati garjativarṣatīva vidyullatollasatipātakasaṃcayairme | mohāṃdhakārapaṭalairmama nāsti dṛṣṭirdīnasya tasya madhusūdana dehi hastam
Sanskrit only: no published translation is held for this verse.
संसारकाननघनं बहुदुःखवृक्षैः संसेव्यमानमपि मोहमयैश्च सिंहैः । संदीप्तमस्ति करुणाबहुवह्नितेजः संतप्यमानमनिशं परिपाहि कृष्ण
saṃsārakānanaghanaṃ bahuduḥkhavṛkṣaiḥ saṃsevyamānamapi mohamayaiśca siṃhaiḥ | saṃdīptamasti karuṇābahuvahnitejaḥ saṃtapyamānamaniśaṃ paripāhi kṛṣṇa
Sanskrit only: no published translation is held for this verse.
संसारवृक्षमतिजीर्णमपीह उच्चं मायासुकंदकरुणा बहुदुःखशाखम् । जायादिसंगच्छदनं फलितं मुरारे तत्राधिरूढपतितं भगवन्हि रक्ष
saṃsāravṛkṣamatijīrṇamapīha uccaṃ māyāsukaṃdakaruṇā bahuduḥkhaśākham | jāyādisaṃgacchadanaṃ phalitaṃ murāre tatrādhirūḍhapatitaṃ bhagavanhi rakṣa
Sanskrit only: no published translation is held for this verse.
दुःखानलैर्विविधमोहमयैः सुधूमैः शोकैर्वियोगमरणांतिक सन्निभैश्च । दग्धोस्मि कृष्ण सततं मम देहि मोक्षं ज्ञानांबुदैः समभिषिंच सदैव मां त्वम्
duḥkhānalairvividhamohamayaiḥ sudhūmaiḥ śokairviyogamaraṇāṃtika sannibhaiśca | dagdhosmi kṛṣṇa satataṃ mama dehi mokṣaṃ jñānāṃbudaiḥ samabhiṣiṃca sadaiva māṃ tvam
Sanskrit only: no published translation is held for this verse.
घोरांधकारपटले महतीव गर्ते संसारनाम्निपतितं सततं हि कृष्ण । त्वं सत्कृपो मम हि दीनभयातुरस्य तस्माद्विरज्यशरणं तव आगतोस्मि
ghorāṃdhakārapaṭale mahatīva garte saṃsāranāmnipatitaṃ satataṃ hi kṛṣṇa | tvaṃ satkṛpo mama hi dīnabhayāturasya tasmādvirajyaśaraṇaṃ tava āgatosmi
Sanskrit only: no published translation is held for this verse.
त्वामेव ये नियतमानसभावयुक्ता ध्यायंति ज्ञानमनसा पदवीं लभंते । नत्वैव पादयुगलं च महासुपुण्यं यद्देवकिन्नरगणाः परिचिंतयंति
tvāmeva ye niyatamānasabhāvayuktā dhyāyaṃti jñānamanasā padavīṃ labhaṃte | natvaiva pādayugalaṃ ca mahāsupuṇyaṃ yaddevakinnaragaṇāḥ pariciṃtayaṃti
Sanskrit only: no published translation is held for this verse.
नान्यं वदामि न भजामि न चिंतयामि त्वत्पादपद्मयुगलं सततं नमामि । कामं त्वमेव मम पूरय मेद्य कृष्ण दूरेण यातु मम पातकसंचयस्ते
nānyaṃ vadāmi na bhajāmi na ciṃtayāmi tvatpādapadmayugalaṃ satataṃ namāmi | kāmaṃ tvameva mama pūraya medya kṛṣṇa dūreṇa yātu mama pātakasaṃcayaste
Sanskrit only: no published translation is held for this verse.
दासोस्मि देव तव किंकरजन्मजन्म त्वत्पादपद्मयुगलं सततं स्मरामि
dāsosmi deva tava kiṃkarajanmajanma tvatpādapadmayugalaṃ satataṃ smarāmi
Sanskrit only: no published translation is held for this verse.
यदि कृष्ण प्रसन्नोसि देहि मे सुवरं प्रभो । मन्मातापितरौ कृष्ण सकायौ मंदिरे नय
yadi kṛṣṇa prasannosi dehi me suvaraṃ prabho | manmātāpitarau kṛṣṇa sakāyau maṃdire naya
Sanskrit only: no published translation is held for this verse.
आत्मनश्च महादेव मयासह न संशयः । श्रीकृष्ण उवाच- एवं ते परमं कार्यं भविष्यति न संशयः
ātmanaśca mahādeva mayāsaha na saṃśayaḥ | śrīkṛṣṇa uvāca- evaṃ te paramaṃ kāryaṃ bhaviṣyati na saṃśayaḥ
Sanskrit only: no published translation is held for this verse.
तस्य तुष्टो हृषीकेशो भक्त्या तस्य प्रतोषितः । प्रयातौ वैष्णवं लोकं दाहप्रलयवर्जितौ
tasya tuṣṭo hṛṣīkeśo bhaktyā tasya pratoṣitaḥ | prayātau vaiṣṇavaṃ lokaṃ dāhapralayavarjitau
Sanskrit only: no published translation is held for this verse.
सुव्रतेन समं तौ द्वौ सुमना सोमशर्मकौ । यावत्कल्पद्वयं प्राप्तं तावत्स सुव्रतो द्विजः
suvratena samaṃ tau dvau sumanā somaśarmakau | yāvatkalpadvayaṃ prāptaṃ tāvatsa suvrato dvijaḥ
Sanskrit only: no published translation is held for this verse.
बुभुजे बुभुजे दिव्याँल्लोकांश्चैव महामते । देवकार्यार्थमत्रैव काश्यपस्य गृहं पुनः
bubhuje bubhuje divyā~llokāṃścaiva mahāmate | devakāryārthamatraiva kāśyapasya gṛhaṃ punaḥ
Sanskrit only: no published translation is held for this verse.
अवतीर्णो महाप्राज्ञो वचनात्तस्य चक्रिणः । ऐंद्रं पदं हि यो भुंक्ते विष्णोश्चैव प्रसादतः
avatīrṇo mahāprājño vacanāttasya cakriṇaḥ | aiṃdraṃ padaṃ hi yo bhuṃkte viṣṇoścaiva prasādataḥ
Sanskrit only: no published translation is held for this verse.
वसुदत्तेति विख्यातः सर्वदेवैर्नमस्कृतः । ऐंद्रं पदं हि यो भुंक्ते सांप्रतं वासवो दिवि
vasudatteti vikhyātaḥ sarvadevairnamaskṛtaḥ | aiṃdraṃ padaṃ hi yo bhuṃkte sāṃprataṃ vāsavo divi
Sanskrit only: no published translation is held for this verse.
एतत्ते सर्वमाख्यातं सृष्टिसंबंधकारणम् । अन्यदेवं प्रवक्ष्यामि यदेव परिपृच्छसि
etatte sarvamākhyātaṃ sṛṣṭisaṃbaṃdhakāraṇam | anyadevaṃ pravakṣyāmi yadeva paripṛcchasi
Sanskrit only: no published translation is held for this verse.
व्यास उवाच- धर्माङ्गदो महाप्राज्ञो रुक्माङ्गदसुतो बली । आद्ये कृतयुगे जातः सृष्टिकाले स वासवः
vyāsa uvāca- dharmāṅgado mahāprājño rukmāṅgadasuto balī | ādye kṛtayuge jātaḥ sṛṣṭikāle sa vāsavaḥ
Sanskrit only: no published translation is held for this verse.
तत्कथं देवदेवेश अन्यो धर्माङ्गदो भुवि । अन्यो रुक्मांङ्गदो राजा किं चायं त्रिदशाधिपः
tatkathaṃ devadeveśa anyo dharmāṅgado bhuvi | anyo rukmāṃṅgado rājā kiṃ cāyaṃ tridaśādhipaḥ
Sanskrit only: no published translation is held for this verse.
एतन्मे संशयं जातं तद्भवान्वक्तुमर्हति । ब्रह्मोवाच- हंत ते कथयिष्यामि सर्वसंदेहनाशनम्
etanme saṃśayaṃ jātaṃ tadbhavānvaktumarhati | brahmovāca- haṃta te kathayiṣyāmi sarvasaṃdehanāśanam
Sanskrit only: no published translation is held for this verse.
देवस्य लीलासृष्ट्यर्थे वर्तते द्विजसत्तम । यथा वाराश्च पक्षाश्च मासाश्च ऋतवो यथा
devasya līlāsṛṣṭyarthe vartate dvijasattama | yathā vārāśca pakṣāśca māsāśca ṛtavo yathā
Sanskrit only: no published translation is held for this verse.
संवत्सराश्च मनवस्तथा यांति युगाः पुनः । पश्चात्कल्पः समायाति व्रजाम्येवं जनार्दनम्
saṃvatsarāśca manavastathā yāṃti yugāḥ punaḥ | paścātkalpaḥ samāyāti vrajāmyevaṃ janārdanam
Sanskrit only: no published translation is held for this verse.
अहमेव महाप्राज्ञ मयि यांति चराचराः । पुनः सृजति योगात्मा पूर्ववद्विश्वमेव हि
ahameva mahāprājña mayi yāṃti carācarāḥ | punaḥ sṛjati yogātmā pūrvavadviśvameva hi
Sanskrit only: no published translation is held for this verse.
पुनरहं पुनर्वेदाः पुनस्ते देवता द्विजाः । तथा भूपाश्च ते सर्वे स्वचरित्रसमाविलाः
punarahaṃ punarvedāḥ punaste devatā dvijāḥ | tathā bhūpāśca te sarve svacaritrasamāvilāḥ
Sanskrit only: no published translation is held for this verse.
प्रभवंति महाभाग विद्वांस्तत्र न मुह्यति । पूर्वकल्पे महाभागो यथा रुक्मांगदो नृपः
prabhavaṃti mahābhāga vidvāṃstatra na muhyati | pūrvakalpe mahābhāgo yathā rukmāṃgado nṛpaḥ
Sanskrit only: no published translation is held for this verse.
तथा धर्मांगदश्चायं संजातः ख्यातिमान्द्विजः । रामादयो महाप्राज्ञा ययातिर्नहुषस्तथा
tathā dharmāṃgadaścāyaṃ saṃjātaḥ khyātimāndvijaḥ | rāmādayo mahāprājñā yayātirnahuṣastathā
Sanskrit only: no published translation is held for this verse.
मन्वादयो महात्मानः प्रभवंति लयंति च । ऐंद्रं पदं प्रभुंजंति राजानो धर्मतत्पराः
manvādayo mahātmānaḥ prabhavaṃti layaṃti ca | aiṃdraṃ padaṃ prabhuṃjaṃti rājāno dharmatatparāḥ
Sanskrit only: no published translation is held for this verse.
यथा धर्मांगदो वीरः प्रभुंजति महत्पदम् । एवं वेदाश्च देवाश्च पुराणाः स्मृतिपूर्वकाः
yathā dharmāṃgado vīraḥ prabhuṃjati mahatpadam | evaṃ vedāśca devāśca purāṇāḥ smṛtipūrvakāḥ
Sanskrit only: no published translation is held for this verse.
एतत्तु सर्वमाख्यातं तवाग्रे द्विजसत्तम । चरितं सुव्रतस्याथ पुण्यं सुगतिदायकम्
etattu sarvamākhyātaṃ tavāgre dvijasattama | caritaṃ suvratasyātha puṇyaṃ sugatidāyakam
Sanskrit only: no published translation is held for this verse.
अव्यक्तं तु महाभाग प्रब्रवीमि तवाग्रतः
avyaktaṃ tu mahābhāga prabravīmi tavāgrataḥ
Sanskrit only: no published translation is held for this verse.