Padma Purāṇa 2.23

ऋषय ऊचुः- विचित्रेयं कथा पुण्या धन्या यशोविधायिनी । सर्वपापहरा प्रोक्ता भवता वदतां वर

ṛṣaya ūcuḥ- vicitreyaṃ kathā puṇyā dhanyā yaśovidhāyinī | sarvapāpaharā proktā bhavatā vadatāṃ vara

Sanskrit only: no published translation is held for this verse.

सृष्टिसंबंधमेतन्नस्तद्भवान्वक्तुमर्हति । पूर्वमेव यथासृष्टिर्विस्तरात्सूतनंदन

sṛṣṭisaṃbaṃdhametannastadbhavānvaktumarhati | pūrvameva yathāsṛṣṭirvistarātsūtanaṃdana

Sanskrit only: no published translation is held for this verse.

सूत उवाच- विस्तरेण प्रवक्ष्यामि सृष्टिसंहारकारणम् । श्रुतमात्रेण यस्यापि नरः सर्वज्ञतां व्रजेत्

sūta uvāca- vistareṇa pravakṣyāmi sṛṣṭisaṃhārakāraṇam | śrutamātreṇa yasyāpi naraḥ sarvajñatāṃ vrajet

Sanskrit only: no published translation is held for this verse.

हिरण्यकश्यपेनापि व्यापितं भुवनत्रयम् । तपसाराध्य प्रबह्माणं वरं प्राप्तं सुदुर्लभम्

hiraṇyakaśyapenāpi vyāpitaṃ bhuvanatrayam | tapasārādhya prabahmāṇaṃ varaṃ prāptaṃ sudurlabham

Sanskrit only: no published translation is held for this verse.

तस्माद्देवान्महाभागादमरत्वं तथैव च । देवाँल्लोकान्स संव्याप्य प्रभुत्वं स्वयमर्जितम्

tasmāddevānmahābhāgādamaratvaṃ tathaiva ca | devā~llokānsa saṃvyāpya prabhutvaṃ svayamarjitam

Sanskrit only: no published translation is held for this verse.

ततो देवाः सगंधर्वा मुनयो वेदपारगाः । नागाश्च किन्नराः सिद्धा यक्षाश्चैव तथापरे

tato devāḥ sagaṃdharvā munayo vedapāragāḥ | nāgāśca kinnarāḥ siddhā yakṣāścaiva tathāpare

Sanskrit only: no published translation is held for this verse.

ब्रह्माणं तु पुरस्कृत्य जग्मुर्नारायणं प्रभुम् । क्षीरसागरसंसुप्तं योगनिद्रां गतं प्रभुम्

brahmāṇaṃ tu puraskṛtya jagmurnārāyaṇaṃ prabhum | kṣīrasāgarasaṃsuptaṃ yoganidrāṃ gataṃ prabhum

Sanskrit only: no published translation is held for this verse.

तं संबोध्य महास्तोत्रैर्देवाः प्रांजलयस्तथा । संबुद्धे सति देवेशे वृत्तं तस्य दुरात्मनः

taṃ saṃbodhya mahāstotrairdevāḥ prāṃjalayastathā | saṃbuddhe sati deveśe vṛttaṃ tasya durātmanaḥ

Sanskrit only: no published translation is held for this verse.

आचचक्षुर्महाप्राज्ञ समाकर्ण्य जगत्पतिः । नृसिंहरूपमास्थाय हिरण्यकशिपुं व्यहन्

ācacakṣurmahāprājña samākarṇya jagatpatiḥ | nṛsiṃharūpamāsthāya hiraṇyakaśipuṃ vyahan

Sanskrit only: no published translation is held for this verse.

पुनर्वाराहरूपेण हिरण्याक्षो महाबलः । उद्धृता वसुधा पुण्या असुरो घातितस्तदा

punarvārāharūpeṇa hiraṇyākṣo mahābalaḥ | uddhṛtā vasudhā puṇyā asuro ghātitastadā

Sanskrit only: no published translation is held for this verse.

अन्यांश्चघातयामास दानवान्घोरदर्शनान् । एवं चैतेषु नष्टेषु दानवेषु महत्सु च

anyāṃścaghātayāmāsa dānavānghoradarśanān | evaṃ caiteṣu naṣṭeṣu dānaveṣu mahatsu ca

Sanskrit only: no published translation is held for this verse.

अन्येषु तेषु नष्टेषु दितिपुत्रेषु वै तदा । पुनः स्थानेषु प्राप्तेषु देवेषु च महत्सु च

anyeṣu teṣu naṣṭeṣu ditiputreṣu vai tadā | punaḥ sthāneṣu prāpteṣu deveṣu ca mahatsu ca

Sanskrit only: no published translation is held for this verse.

यज्ञेष्वेव प्रवृत्तेषु सर्वेषु धर्मकर्मसु । सुस्थेषु सर्वलोकेषु सा दितिर्दुःखपीडिता

yajñeṣveva pravṛtteṣu sarveṣu dharmakarmasu | sustheṣu sarvalokeṣu sā ditirduḥkhapīḍitā

Sanskrit only: no published translation is held for this verse.

पुत्रशोकेन संतप्ता हाहाभूता विचेतना । भर्तारं सूर्यसंकाशं तपस्तेजः समन्वितम्

putraśokena saṃtaptā hāhābhūtā vicetanā | bhartāraṃ sūryasaṃkāśaṃ tapastejaḥ samanvitam

Sanskrit only: no published translation is held for this verse.

दातारं च महात्मानं भर्तारं कश्यपं तदा । भक्त्या प्रणम्य विप्रेन्द्र तमुवाच महामतिम्

dātāraṃ ca mahātmānaṃ bhartāraṃ kaśyapaṃ tadā | bhaktyā praṇamya viprendra tamuvāca mahāmatim

Sanskrit only: no published translation is held for this verse.

भगवन्नष्टपुत्राहं कृता देवेन चक्रिणा । दैतेया दानवाः सर्वे देवैश्चैव निपातिताः

bhagavannaṣṭaputrāhaṃ kṛtā devena cakriṇā | daiteyā dānavāḥ sarve devaiścaiva nipātitāḥ

Sanskrit only: no published translation is held for this verse.

पुत्रशोकानलेनाहं संतप्ता मुनिसत्तम । ममानंदकरं पुत्रं सर्वतेजोहरं विभो

putraśokānalenāhaṃ saṃtaptā munisattama | mamānaṃdakaraṃ putraṃ sarvatejoharaṃ vibho

Sanskrit only: no published translation is held for this verse.

सुबलं चारुसर्वांगं देवराजसमप्रभम् । बुद्धिमंतं सुसर्वज्ञं ज्ञातारं सर्वपंडितम्

subalaṃ cārusarvāṃgaṃ devarājasamaprabham | buddhimaṃtaṃ susarvajñaṃ jñātāraṃ sarvapaṃḍitam

Sanskrit only: no published translation is held for this verse.

तपस्तेजः समायुक्तं सबलं चारुलक्षणम् । ब्रह्मण्यं ज्ञानवेत्तारं देवब्राह्मणपूजकम्

tapastejaḥ samāyuktaṃ sabalaṃ cārulakṣaṇam | brahmaṇyaṃ jñānavettāraṃ devabrāhmaṇapūjakam

Sanskrit only: no published translation is held for this verse.

जेतारं सर्वलोकानां ममानंदकरं द्विज । सर्वलक्षणसंपन्नं पुत्रं मे देहि त्वं विभो

jetāraṃ sarvalokānāṃ mamānaṃdakaraṃ dvija | sarvalakṣaṇasaṃpannaṃ putraṃ me dehi tvaṃ vibho

Sanskrit only: no published translation is held for this verse.

एवमाकर्ण्य वै तस्याः कश्यपो वाक्यमुत्तमम् । कृपाविष्टमनास्तुष्टो दुःखिताया द्विजोत्तम

evamākarṇya vai tasyāḥ kaśyapo vākyamuttamam | kṛpāviṣṭamanāstuṣṭo duḥkhitāyā dvijottama

Sanskrit only: no published translation is held for this verse.

तामुवाच महाभाग कृपणां दीनमानसाम् । तस्याः शिरसि संन्यस्य स्वहस्तं भावतत्परः

tāmuvāca mahābhāga kṛpaṇāṃ dīnamānasām | tasyāḥ śirasi saṃnyasya svahastaṃ bhāvatatparaḥ

Sanskrit only: no published translation is held for this verse.

भविष्यति महाभागे यादृशो वांछितः सुतः । एवमुक्त्वा जगामासौ मेरुं गिरिवरोत्तमम्

bhaviṣyati mahābhāge yādṛśo vāṃchitaḥ sutaḥ | evamuktvā jagāmāsau meruṃ girivarottamam

Sanskrit only: no published translation is held for this verse.

तपस्तेपे निरालंबः साधयन्परमव्रतः । एतस्मिन्नंतरे सा तु दधार गर्भमुत्तमम्

tapastepe nirālaṃbaḥ sādhayanparamavrataḥ | etasminnaṃtare sā tu dadhāra garbhamuttamam

Sanskrit only: no published translation is held for this verse.

सा दितिः सर्वधर्मज्ञा चारुकर्मा मनस्विनी । शतवर्षप्रमाणं सा शुचि स्वांता बभूव ह

sā ditiḥ sarvadharmajñā cārukarmā manasvinī | śatavarṣapramāṇaṃ sā śuci svāṃtā babhūva ha

Sanskrit only: no published translation is held for this verse.

तया वै जनितः पुत्रो ब्रह्मतेजः समन्वितः । अथ कश्यप आयातो हर्षेण महतान्वितः

tayā vai janitaḥ putro brahmatejaḥ samanvitaḥ | atha kaśyapa āyāto harṣeṇa mahatānvitaḥ

Sanskrit only: no published translation is held for this verse.

चकार नाम मेधावी तस्य पुत्रस्य सत्तमः । बलमित्यब्रवीत्पुत्रं नामतः सदृशो महान्

cakāra nāma medhāvī tasya putrasya sattamaḥ | balamityabravītputraṃ nāmataḥ sadṛśo mahān

Sanskrit only: no published translation is held for this verse.

एवं नाम चकाराथ व्रतबंधं चकार सः । प्राह पुत्र महाभाग ब्रह्मचर्यं प्रसाधय

evaṃ nāma cakārātha vratabaṃdhaṃ cakāra saḥ | prāha putra mahābhāga brahmacaryaṃ prasādhaya

Sanskrit only: no published translation is held for this verse.

एवमेवं करिष्यामि तव वाक्यं द्विजोत्तम । वेदस्याध्ययनं कुर्यां ब्रह्मचर्येण सत्तम

evamevaṃ kariṣyāmi tava vākyaṃ dvijottama | vedasyādhyayanaṃ kuryāṃ brahmacaryeṇa sattama

Sanskrit only: no published translation is held for this verse.

एवं वर्षशतं साग्रं गतं तस्य तपस्यतः । मातुः समक्षमायातस्तपस्तेजः समन्वितः

evaṃ varṣaśataṃ sāgraṃ gataṃ tasya tapasyataḥ | mātuḥ samakṣamāyātastapastejaḥ samanvitaḥ

Sanskrit only: no published translation is held for this verse.

तपोवीर्यमयं दिव्यं ब्रह्मचर्यं महात्मनः । दितिः पश्यति पुत्रस्य हर्षेण महतान्विता

tapovīryamayaṃ divyaṃ brahmacaryaṃ mahātmanaḥ | ditiḥ paśyati putrasya harṣeṇa mahatānvitā

Sanskrit only: no published translation is held for this verse.

तमुवाच महात्मानं बलं पुत्रं तपस्विनम् । मेधाविनं महात्मानं प्रज्ञाज्ञानविशारदम्

tamuvāca mahātmānaṃ balaṃ putraṃ tapasvinam | medhāvinaṃ mahātmānaṃ prajñājñānaviśāradam

Sanskrit only: no published translation is held for this verse.

त्वयि जीवति मेधाविन्प्रजीवंति सुता मम । हिरण्यकशिपाद्यास्ते ये हताश्चक्रपाणिना

tvayi jīvati medhāvinprajīvaṃti sutā mama | hiraṇyakaśipādyāste ye hatāścakrapāṇinā

Sanskrit only: no published translation is held for this verse.

वैरं साधय मे वत्स जहि देवान्रिपून्रणे । सा दनुस्तमुवाचेदं बलं पुत्रं महाबलम्

vairaṃ sādhaya me vatsa jahi devānripūnraṇe | sā danustamuvācedaṃ balaṃ putraṃ mahābalam

Sanskrit only: no published translation is held for this verse.

आदाविंद्रं हि देवेंद्रं द्रुतं सूदय पुत्रक । पश्चाद्देवा निपात्यंतां ततो गरुडवाहनः

ādāviṃdraṃ hi deveṃdraṃ drutaṃ sūdaya putraka | paścāddevā nipātyaṃtāṃ tato garuḍavāhanaḥ

Sanskrit only: no published translation is held for this verse.

तयोराकर्ण्य सा देवी अदितिः पतिदेवता । दुःखेन महताविष्टा पुत्रमिंद्रमभाषत

tayorākarṇya sā devī aditiḥ patidevatā | duḥkhena mahatāviṣṭā putramiṃdramabhāṣata

Sanskrit only: no published translation is held for this verse.

दितिपुत्रो महाकायो वर्द्धते ब्रह्मतेजसा । देवानां हि वधार्थाय तपस्तेपे निरंजने

ditiputro mahākāyo varddhate brahmatejasā | devānāṃ hi vadhārthāya tapastepe niraṃjane

Sanskrit only: no published translation is held for this verse.

एवं जानीहि देवेश यदि क्षेममिहेच्छसि । एवमाकर्ण्य तद्वाक्यं स मातुः पाकशासनः

evaṃ jānīhi deveśa yadi kṣemamihecchasi | evamākarṇya tadvākyaṃ sa mātuḥ pākaśāsanaḥ

Sanskrit only: no published translation is held for this verse.

चिंतामवाप दुःखेन महतीं देवराट्तदा । महाभयेन संत्रस्तश्चिंतयामास वै ततः

ciṃtāmavāpa duḥkhena mahatīṃ devarāṭtadā | mahābhayena saṃtrastaściṃtayāmāsa vai tataḥ

Sanskrit only: no published translation is held for this verse.

कथमेनं हनिष्यामि देवधर्मविदूषकम् । इति निश्चित्य देवेशो बलस्य निधनं प्रति

kathamenaṃ haniṣyāmi devadharmavidūṣakam | iti niścitya deveśo balasya nidhanaṃ prati

Sanskrit only: no published translation is held for this verse.

एकदा हि बलः सोपि संध्यार्थं सिंधुमाश्रितः । कृष्णाजिनेन दिव्येन दंडकाष्ठेन राजितः

ekadā hi balaḥ sopi saṃdhyārthaṃ siṃdhumāśritaḥ | kṛṣṇājinena divyena daṃḍakāṣṭhena rājitaḥ

Sanskrit only: no published translation is held for this verse.

अमलेनापि पुण्येन ब्रह्मचर्येण तेन सः । सागरस्योपकंठे तं संध्यासनमुपागतम्

amalenāpi puṇyena brahmacaryeṇa tena saḥ | sāgarasyopakaṃṭhe taṃ saṃdhyāsanamupāgatam

Sanskrit only: no published translation is held for this verse.

जपमानं सुशांतं तं ददृशे पाकशासनः । वज्रेण तेन दिव्येन ताडितो दितिनंदनः

japamānaṃ suśāṃtaṃ taṃ dadṛśe pākaśāsanaḥ | vajreṇa tena divyena tāḍito ditinaṃdanaḥ

Sanskrit only: no published translation is held for this verse.

बलं निपतितं दृष्ट्वा गतसत्वं गतं भुवि । हर्षेण महताविष्टो देवराण्मुमुदे तदा

balaṃ nipatitaṃ dṛṣṭvā gatasatvaṃ gataṃ bhuvi | harṣeṇa mahatāviṣṭo devarāṇmumude tadā

Sanskrit only: no published translation is held for this verse.

एवं निपात्य तं दैत्यं दितिनंदनमेव च । राज्यं चकार धर्मात्मा सुखेन पाकशासनः

evaṃ nipātya taṃ daityaṃ ditinaṃdanameva ca | rājyaṃ cakāra dharmātmā sukhena pākaśāsanaḥ

Sanskrit only: no published translation is held for this verse.