Padma Purāṇa 2.25

सूत उवाच- इयं हि का गायति चारुलोचना विलासभावैः परिविश्वमेव । अतीव बाला शुशुभे मनोहरा संपूर्णभावैः परिमोहयेज्जनम्

sūta uvāca- iyaṃ hi kā gāyati cārulocanā vilāsabhāvaiḥ pariviśvameva | atīva bālā śuśubhe manoharā saṃpūrṇabhāvaiḥ parimohayejjanam

Sanskrit only: no published translation is held for this verse.

दृष्ट्वा स रंभां कमलायताक्षीं पीनस्तनीं चर्चितकुंकुमांगीम् । पद्माननां कामगृहं ममैषा नो वा रतिश्चारुमनोहरेयम्

dṛṣṭvā sa raṃbhāṃ kamalāyatākṣīṃ pīnastanīṃ carcitakuṃkumāṃgīm | padmānanāṃ kāmagṛhaṃ mamaiṣā no vā ratiścārumanohareyam

Sanskrit only: no published translation is held for this verse.

संपूर्णभावां परिरूपयुक्तां कामांगशीलामतिशीलभावाम् । यास्याम्यहं वश्यमिहैव अस्या मनोभवेनाद्य इहैव प्रेषितः

saṃpūrṇabhāvāṃ parirūpayuktāṃ kāmāṃgaśīlāmatiśīlabhāvām | yāsyāmyahaṃ vaśyamihaiva asyā manobhavenādya ihaiva preṣitaḥ

Sanskrit only: no published translation is held for this verse.

इतीव दैत्यः सुविचिंतयान्वितः कामेन मुग्धो बहुकालनोदितः । समातुरस्तत्र जगाम सत्वरमुवाच तां दीनमनाः सुलोचनाम्

itīva daityaḥ suviciṃtayānvitaḥ kāmena mugdho bahukālanoditaḥ | samāturastatra jagāma satvaramuvāca tāṃ dīnamanāḥ sulocanām

Sanskrit only: no published translation is held for this verse.

कस्यासि वा सुंदरि केन प्रेषिता किं नाम ते पुण्यतमं वदस्व मे । तवैव रूपेण महातितेजसा मुग्धोस्मि बाले मम वश्यतां व्रज

kasyāsi vā suṃdari kena preṣitā kiṃ nāma te puṇyatamaṃ vadasva me | tavaiva rūpeṇa mahātitejasā mugdhosmi bāle mama vaśyatāṃ vraja

Sanskrit only: no published translation is held for this verse.

एवमुक्ता विशालाक्षी वृत्रं कामाकुलं प्रति । अहं रंभा महाभाग क्रीडार्थं वनमुत्तमम्

evamuktā viśālākṣī vṛtraṃ kāmākulaṃ prati | ahaṃ raṃbhā mahābhāga krīḍārthaṃ vanamuttamam

Sanskrit only: no published translation is held for this verse.

सखीसार्धं समायाता नंदनं वनमुत्तमम् । त्वं तु को वा किमर्थं हि मम पार्श्वं समागतः

sakhīsārdhaṃ samāyātā naṃdanaṃ vanamuttamam | tvaṃ tu ko vā kimarthaṃ hi mama pārśvaṃ samāgataḥ

Sanskrit only: no published translation is held for this verse.

वृत्र उवाच- श्रूयतामभिधास्यामि योहं बाले समागतः । हुताशनात्समुत्पन्नः कश्यपस्य सुतः शुभे

vṛtra uvāca- śrūyatāmabhidhāsyāmi yohaṃ bāle samāgataḥ | hutāśanātsamutpannaḥ kaśyapasya sutaḥ śubhe

Sanskrit only: no published translation is held for this verse.

सखाहं देवदेवस्य इंद्र स्यापि वरानने । ऐंद्रं पदं वरारोहे अर्धं मे भुक्तिमागतम्

sakhāhaṃ devadevasya iṃdra syāpi varānane | aiṃdraṃ padaṃ varārohe ardhaṃ me bhuktimāgatam

Sanskrit only: no published translation is held for this verse.

अहं वृत्रः कथं देवि मामेवं न तु विंदसि । त्रैलोक्यं वशमायातं यस्यैव वरवर्णिनि

ahaṃ vṛtraḥ kathaṃ devi māmevaṃ na tu viṃdasi | trailokyaṃ vaśamāyātaṃ yasyaiva varavarṇini

Sanskrit only: no published translation is held for this verse.

अहं शरणमायातः कामाद्रक्ष वरानने । भजस्व मां विशालाक्षि कामेनाकुलितं प्रिये

ahaṃ śaraṇamāyātaḥ kāmādrakṣa varānane | bhajasva māṃ viśālākṣi kāmenākulitaṃ priye

Sanskrit only: no published translation is held for this verse.

रंभोवाच- वशगा हं तवैवाद्य भविष्यामि न संशयः । यं यं वदाम्यहं वीर तं तं कार्यं त्वयैव हि

raṃbhovāca- vaśagā haṃ tavaivādya bhaviṣyāmi na saṃśayaḥ | yaṃ yaṃ vadāmyahaṃ vīra taṃ taṃ kāryaṃ tvayaiva hi

Sanskrit only: no published translation is held for this verse.

एवमस्तु महाभागे तं तं सर्वं करोम्यहम् । एवं संबंधकं कृत्वा तया सह महाबलः

evamastu mahābhāge taṃ taṃ sarvaṃ karomyaham | evaṃ saṃbaṃdhakaṃ kṛtvā tayā saha mahābalaḥ

Sanskrit only: no published translation is held for this verse.

तस्मिन्वने महापुण्ये रेमे दानवसत्तमः । तस्या गीतेन नृत्येन हास्येन ललितेन च

tasminvane mahāpuṇye reme dānavasattamaḥ | tasyā gītena nṛtyena hāsyena lalitena ca

Sanskrit only: no published translation is held for this verse.

अतिमुग्धो महादैत्यः स तस्याः सुरतेन च । तमुवाच महाभागं वृत्रं दानवसत्तमम्

atimugdho mahādaityaḥ sa tasyāḥ suratena ca | tamuvāca mahābhāgaṃ vṛtraṃ dānavasattamam

Sanskrit only: no published translation is held for this verse.

सुरापानं कुरुष्वेह पिबस्व मधुमाधवीम् । तामुवाच विशालाक्षीं रंभां शशिनिभाननाम्

surāpānaṃ kuruṣveha pibasva madhumādhavīm | tāmuvāca viśālākṣīṃ raṃbhāṃ śaśinibhānanām

Sanskrit only: no published translation is held for this verse.

पुत्रोहं ब्राह्मणस्यापि वेदवेदांगपारगः । सुरापानं कथं भद्रे करिष्यमि विनिंदितम्

putrohaṃ brāhmaṇasyāpi vedavedāṃgapāragaḥ | surāpānaṃ kathaṃ bhadre kariṣyami viniṃditam

Sanskrit only: no published translation is held for this verse.

तया तु रंभया देव्या प्रीत्या दत्ता सुरा हठात् । तस्या दाक्षिण्यभावेन सुरापानं कृतं तदा

tayā tu raṃbhayā devyā prītyā dattā surā haṭhāt | tasyā dākṣiṇyabhāvena surāpānaṃ kṛtaṃ tadā

Sanskrit only: no published translation is held for this verse.

अतीवमुग्धं सुरया ज्ञानभ्रष्टो यदाभवत् । तदंतरे सुरेंद्रेण वज्रेण निहतस्तदा

atīvamugdhaṃ surayā jñānabhraṣṭo yadābhavat | tadaṃtare sureṃdreṇa vajreṇa nihatastadā

Sanskrit only: no published translation is held for this verse.

ब्रह्महत्यादिकैः पापैः स लिप्तो वृत्रहा ततः । ब्राह्मणास्तु ततः प्रोचुरिंद्र पापं कृतं त्वया

brahmahatyādikaiḥ pāpaiḥ sa lipto vṛtrahā tataḥ | brāhmaṇāstu tataḥ procuriṃdra pāpaṃ kṛtaṃ tvayā

Sanskrit only: no published translation is held for this verse.

अस्माद्वाक्यात्तु विश्वस्तो वृत्रो नाम महाबलः । हतो विश्वासभावेन एवं पापं त्वया कृतम्

asmādvākyāttu viśvasto vṛtro nāma mahābalaḥ | hato viśvāsabhāvena evaṃ pāpaṃ tvayā kṛtam

Sanskrit only: no published translation is held for this verse.

इंद्र उवाच- येन केनाप्युपायेन हंतव्योरिः सदैव हि । देवब्राह्मणहंतारं यज्ञानां धर्मकंटकम्

iṃdra uvāca- yena kenāpyupāyena haṃtavyoriḥ sadaiva hi | devabrāhmaṇahaṃtāraṃ yajñānāṃ dharmakaṃṭakam

Sanskrit only: no published translation is held for this verse.

निहतं दानवं दुष्टं त्रैलोक्यस्यापि नायकम् । तदर्थं कुपिता यूयमेतन्न्यायस्य लक्षणम्

nihataṃ dānavaṃ duṣṭaṃ trailokyasyāpi nāyakam | tadarthaṃ kupitā yūyametannyāyasya lakṣaṇam

Sanskrit only: no published translation is held for this verse.

विचारमेवं कर्त्तव्यं भवद्भिर्द्विजसत्तमाः । पश्चात्कोपं प्रकर्त्तव्यमन्यायं मम चिंत्यताम्

vicāramevaṃ karttavyaṃ bhavadbhirdvijasattamāḥ | paścātkopaṃ prakarttavyamanyāyaṃ mama ciṃtyatām

Sanskrit only: no published translation is held for this verse.

एवं संबोधिता विप्रा इंद्रेणापि महात्मना । ब्रह्मादिभिः सुरैः सर्वैर्बोधितास्ते च सत्तमाः

evaṃ saṃbodhitā viprā iṃdreṇāpi mahātmanā | brahmādibhiḥ suraiḥ sarvairbodhitāste ca sattamāḥ

Sanskrit only: no published translation is held for this verse.

जग्मुः स्वस्थानमेवं हि निहते धर्मकंटके

jagmuḥ svasthānamevaṃ hi nihate dharmakaṃṭake

Sanskrit only: no published translation is held for this verse.