पृथुरुवाच- हते चैव महापापे एकस्मिन्पापचारिणि । लोकाः सुखेन जीवंति साधवः पुण्यदर्शिनः
pṛthuruvāca- hate caiva mahāpāpe ekasminpāpacāriṇi | lokāḥ sukhena jīvaṃti sādhavaḥ puṇyadarśinaḥ
Sanskrit only: no published translation is held for this verse.
Library·Padma Purāṇa·2·2.29
Padma Purāṇa 2.29
तस्मादेकं प्रहर्तव्यं पापिष्ठं पापचेतनम् । तस्मात्त्वां हि हनिष्यामि सर्वसत्त्वप्रणाशिनीम्
tasmādekaṃ prahartavyaṃ pāpiṣṭhaṃ pāpacetanam | tasmāttvāṃ hi haniṣyāmi sarvasattvapraṇāśinīm
Sanskrit only: no published translation is held for this verse.
त्वया बीजानि सर्वाणि लुप्तान्येतानि सांप्रतम् । ग्रासं कृत्वा स्थिरीभूत्वा प्रजां हत्वा क्व यास्यसि
tvayā bījāni sarvāṇi luptānyetāni sāṃpratam | grāsaṃ kṛtvā sthirībhūtvā prajāṃ hatvā kva yāsyasi
Sanskrit only: no published translation is held for this verse.
हते पापे दुराचारे सुखं जीवंतिसाधवः । तस्मात्पापं प्रहंतव्यं सत्यमेवं न संशयः
hate pāpe durācāre sukhaṃ jīvaṃtisādhavaḥ | tasmātpāpaṃ prahaṃtavyaṃ satyamevaṃ na saṃśayaḥ
Sanskrit only: no published translation is held for this verse.
पालितव्यं प्रयत्नेन यस्माद्धर्मः प्रवर्द्धते । भवत्या तु महत्पापं प्रजासंक्षयकारकम्
pālitavyaṃ prayatnena yasmāddharmaḥ pravarddhate | bhavatyā tu mahatpāpaṃ prajāsaṃkṣayakārakam
Sanskrit only: no published translation is held for this verse.
एकस्यार्थेन यो हन्यादात्मनो वा परस्य वा । लोकोपतापकं हत्वा न भवेत्तस्य पातकम्
ekasyārthena yo hanyādātmano vā parasya vā | lokopatāpakaṃ hatvā na bhavettasya pātakam
Sanskrit only: no published translation is held for this verse.
सुखमेष्यंति बहवो यस्मिंस्तु निहते शुभे । वसुधे निहते दुष्टे पातकं नोपपातकम्
sukhameṣyaṃti bahavo yasmiṃstu nihate śubhe | vasudhe nihate duṣṭe pātakaṃ nopapātakam
Sanskrit only: no published translation is held for this verse.
प्रजानिमित्तं त्वामेव हनिष्यामि न संशयः । यदि मे पुण्यसंयुक्तं वचनं न करिष्यति
prajānimittaṃ tvāmeva haniṣyāmi na saṃśayaḥ | yadi me puṇyasaṃyuktaṃ vacanaṃ na kariṣyati
Sanskrit only: no published translation is held for this verse.
जगतोऽस्य हितार्थाय साधु चैव वसुंधरे । हनिष्ये त्वां शितैर्बाणैर्मद्वाक्यात्तु पराङ्मुखीम्
jagato'sya hitārthāya sādhu caiva vasuṃdhare | haniṣye tvāṃ śitairbāṇairmadvākyāttu parāṅmukhīm
Sanskrit only: no published translation is held for this verse.
स्वीयेन तेजसा चैव पुण्यां त्रैलोक्यवासिनीम् । प्रजां चैव धरिष्यामि धर्मेणापि न संशयः
svīyena tejasā caiva puṇyāṃ trailokyavāsinīm | prajāṃ caiva dhariṣyāmi dharmeṇāpi na saṃśayaḥ
Sanskrit only: no published translation is held for this verse.
मच्छासनं समास्थाय धर्मयुक्तं वसुंधरे । इमाः प्रजा आज्ञया मे संजीवय सदैव हि
macchāsanaṃ samāsthāya dharmayuktaṃ vasuṃdhare | imāḥ prajā ājñayā me saṃjīvaya sadaiva hi
Sanskrit only: no published translation is held for this verse.
एवं मे शासनं भद्रे अद्य यर्हि करिष्यसि । ततः प्रीतोऽस्मि ते नित्यं गोपायिष्यामि सर्वदा
evaṃ me śāsanaṃ bhadre adya yarhi kariṣyasi | tataḥ prīto'smi te nityaṃ gopāyiṣyāmi sarvadā
Sanskrit only: no published translation is held for this verse.
त्वामेव हि न संदेह अन्ये चैव नृपोत्तमाः । धेनुरूपेण सा पृथ्वी बाणांचितकलेवरा
tvāmeva hi na saṃdeha anye caiva nṛpottamāḥ | dhenurūpeṇa sā pṛthvī bāṇāṃcitakalevarā
Sanskrit only: no published translation is held for this verse.
उवाचेदं पृथुं वैन्यं धर्माधारं महामतिम् । धरण्युवाच-। तवादेशं महाराज सत्यपुण्यार्थसंयुतम्
uvācedaṃ pṛthuṃ vainyaṃ dharmādhāraṃ mahāmatim | dharaṇyuvāca-| tavādeśaṃ mahārāja satyapuṇyārthasaṃyutam
Sanskrit only: no published translation is held for this verse.
प्रजानिमित्तमत्यर्थं विधास्यामि न संशयः । उद्यमेनापि पुण्येन उपायेन नरेश्वर
prajānimittamatyarthaṃ vidhāsyāmi na saṃśayaḥ | udyamenāpi puṇyena upāyena nareśvara
Sanskrit only: no published translation is held for this verse.
समारंभाः प्रसिद्ध्यंति पुण्याश्चैवाप्युपक्रमाः । उपायं पश्य राजेंद्र येन त्वं सत्यवान्भवेः
samāraṃbhāḥ prasiddhyaṃti puṇyāścaivāpyupakramāḥ | upāyaṃ paśya rājeṃdra yena tvaṃ satyavānbhaveḥ
Sanskrit only: no published translation is held for this verse.
धारयेथाः प्रजाश्चेमा येन सर्वाः प्रवर्द्धये । संलग्नाश्चोत्तमा बाणा ममांगे ते शिलाशिताः
dhārayethāḥ prajāścemā yena sarvāḥ pravarddhaye | saṃlagnāścottamā bāṇā mamāṃge te śilāśitāḥ
Sanskrit only: no published translation is held for this verse.
समुद्धर स्वयं राजंश्छल्यंति भृशमेव ते । समां कुरु महाराज तिष्ठेन्मयि यथा पयः
samuddhara svayaṃ rājaṃśchalyaṃti bhṛśameva te | samāṃ kuru mahārāja tiṣṭhenmayi yathā payaḥ
Sanskrit only: no published translation is held for this verse.
सूत उवाच-। धनुषोग्रेण ताञ्छैलान्नानारूपान्गुरूंस्तथा । उत्सारयंस्ततः सर्वां समरूपां चकार सः
sūta uvāca-| dhanuṣogreṇa tāñchailānnānārūpāngurūṃstathā | utsārayaṃstataḥ sarvāṃ samarūpāṃ cakāra saḥ
Sanskrit only: no published translation is held for this verse.
तदाप्रभृति ते शैला वृद्धिमापुर्द्विजोत्तमाः । तस्या अंगात्स्वयं बाणान्स्वकीयान्नृपनंदनः
tadāprabhṛti te śailā vṛddhimāpurdvijottamāḥ | tasyā aṃgātsvayaṃ bāṇānsvakīyānnṛpanaṃdanaḥ
Sanskrit only: no published translation is held for this verse.
समुद्धृत्य ततो वैन्यः प्रीतेन मनसा तदा । गर्ताश्च कंदराश्चैव बाणाघातैः समीकृताः
samuddhṛtya tato vainyaḥ prītena manasā tadā | gartāśca kaṃdarāścaiva bāṇāghātaiḥ samīkṛtāḥ
Sanskrit only: no published translation is held for this verse.
एवं पृथ्वद्यंसमां सर्वां चकार पुण्यवर्द्धनः । समीकृत्य महाभागो वत्सं तस्या व्यकल्पयत्
evaṃ pṛthvadyaṃsamāṃ sarvāṃ cakāra puṇyavarddhanaḥ | samīkṛtya mahābhāgo vatsaṃ tasyā vyakalpayat
Sanskrit only: no published translation is held for this verse.
मनुं स्वायंभुवं पूर्वं परिचिंत्य पुनः पुनः । अतीतेष्वथ सर्वेषु मन्वंतरेषु सत्तमाः
manuṃ svāyaṃbhuvaṃ pūrvaṃ pariciṃtya punaḥ punaḥ | atīteṣvatha sarveṣu manvaṃtareṣu sattamāḥ
Sanskrit only: no published translation is held for this verse.
विषमत्वं गता भूमिः पंथा नासीच्च कुत्रचित् । समानि विषमाण्येवं स्वयमासन्द्विजोत्तमाः
viṣamatvaṃ gatā bhūmiḥ paṃthā nāsīcca kutracit | samāni viṣamāṇyevaṃ svayamāsandvijottamāḥ
Sanskrit only: no published translation is held for this verse.
पूर्वं मनोश्चाक्षुषस्य प्राप्ते चैवांतरे तदा । जाते पूर्वविसर्गे च विषमे च धरातले
pūrvaṃ manoścākṣuṣasya prāpte caivāṃtare tadā | jāte pūrvavisarge ca viṣame ca dharātale
Sanskrit only: no published translation is held for this verse.
ग्रामाणां च पुराणां च पत्तनानां तथैव च । देशानां क्षेत्रपन्नानां मर्यादा न हि दृश्यते
grāmāṇāṃ ca purāṇāṃ ca pattanānāṃ tathaiva ca | deśānāṃ kṣetrapannānāṃ maryādā na hi dṛśyate
Sanskrit only: no published translation is held for this verse.
कृषिर्नैव न वाणिज्यं न गोरक्षा प्रवर्तते । नानृतं भाषते कश्चिन्न लोभो न च मत्सरः
kṛṣirnaiva na vāṇijyaṃ na gorakṣā pravartate | nānṛtaṃ bhāṣate kaścinna lobho na ca matsaraḥ
Sanskrit only: no published translation is held for this verse.
नाभिमानं च वै पापं न करोति कदा किल । वैवस्वतस्य संप्राप्ते अंतरे द्विजसत्तम
nābhimānaṃ ca vai pāpaṃ na karoti kadā kila | vaivasvatasya saṃprāpte aṃtare dvijasattama
Sanskrit only: no published translation is held for this verse.
वैन्यस्य संभवात्पूर्वं प्रजानामेव संभवः । इमाः प्रजा द्विजाः सर्वा निवासं समरोचयन्
vainyasya saṃbhavātpūrvaṃ prajānāmeva saṃbhavaḥ | imāḥ prajā dvijāḥ sarvā nivāsaṃ samarocayan
Sanskrit only: no published translation is held for this verse.
क्वचिद्भूमौ गिरौ क्वापि नदीतीरेषु वै तदा । कुंजेषु सर्वतीर्थेषु सागरस्य तटेषु च
kvacidbhūmau girau kvāpi nadītīreṣu vai tadā | kuṃjeṣu sarvatīrtheṣu sāgarasya taṭeṣu ca
Sanskrit only: no published translation is held for this verse.
निवासं चक्रिरे सर्वाः प्रजाः पुण्येन वै तदा । तासामाहारः संजातः फलमूलमधुस्तथा
nivāsaṃ cakrire sarvāḥ prajāḥ puṇyena vai tadā | tāsāmāhāraḥ saṃjātaḥ phalamūlamadhustathā
Sanskrit only: no published translation is held for this verse.
महता कृच्छ्रेण तासामाहारश्च द्विजोत्तमाः । पृथुर्वैन्यः समालोक्य प्रजानां कष्टमेव हि
mahatā kṛcchreṇa tāsāmāhāraśca dvijottamāḥ | pṛthurvainyaḥ samālokya prajānāṃ kaṣṭameva hi
Sanskrit only: no published translation is held for this verse.
स्वायंभुवो मनुर्वत्सः कल्पितस्तेन भूभुजा । स्वपाणिः कल्पितस्तेन पात्रमेवं महामते
svāyaṃbhuvo manurvatsaḥ kalpitastena bhūbhujā | svapāṇiḥ kalpitastena pātramevaṃ mahāmate
Sanskrit only: no published translation is held for this verse.
स पृथुः पुरुषव्याघ्रो दुदोह वसुधां तदा । सर्वसस्यमयं क्षीरं ससर्वान्नं गुणान्वितम्
sa pṛthuḥ puruṣavyāghro dudoha vasudhāṃ tadā | sarvasasyamayaṃ kṣīraṃ sasarvānnaṃ guṇānvitam
Sanskrit only: no published translation is held for this verse.
तेन पुण्येन चान्नेन सुधाकल्पेन ताः प्रजाः । तृप्तिं नयंति देवान्वै प्रजाः पितॄंस्तथापरान्
tena puṇyena cānnena sudhākalpena tāḥ prajāḥ | tṛptiṃ nayaṃti devānvai prajāḥ pitṝṃstathāparān
Sanskrit only: no published translation is held for this verse.
प्रसादात्तस्य वैन्यस्य सुखं जीवंति ताः प्रजाः । देवेभ्यश्च पितृभ्यश्च दत्वा चान्नं प्रजास्ततः
prasādāttasya vainyasya sukhaṃ jīvaṃti tāḥ prajāḥ | devebhyaśca pitṛbhyaśca datvā cānnaṃ prajāstataḥ
Sanskrit only: no published translation is held for this verse.
ब्राह्मणेभ्यो विशेषेणअतिथिभ्यस्तथैव च । पश्चाद्भुंजंति पुण्यास्ताः प्रजाः सर्वा द्विजोत्तमाः
brāhmaṇebhyo viśeṣeṇaatithibhyastathaiva ca | paścādbhuṃjaṃti puṇyāstāḥ prajāḥ sarvā dvijottamāḥ
Sanskrit only: no published translation is held for this verse.
यज्ञैश्चान्ये यजंत्येव तर्पयंति जनार्दनम् । तेन चान्नेन देवेशं तृप्तिं गच्छंति देवताः
yajñaiścānye yajaṃtyeva tarpayaṃti janārdanam | tena cānnena deveśaṃ tṛptiṃ gacchaṃti devatāḥ
Sanskrit only: no published translation is held for this verse.
पुनर्वर्षति पर्जन्यः प्रेषितो माधवेन च । तस्मात्पुण्या महौषध्यः संभवंति सुपुण्यदाः
punarvarṣati parjanyaḥ preṣito mādhavena ca | tasmātpuṇyā mahauṣadhyaḥ saṃbhavaṃti supuṇyadāḥ
Sanskrit only: no published translation is held for this verse.
सस्यजातानि सर्वाणि पृथुर्वैन्यः प्रजापतिः । तेनान्नेन प्रजाः सर्वा वर्तंतेऽद्यापि नित्यशः
sasyajātāni sarvāṇi pṛthurvainyaḥ prajāpatiḥ | tenānnena prajāḥ sarvā vartaṃte'dyāpi nityaśaḥ
Sanskrit only: no published translation is held for this verse.
ऋषिभिश्चैव मिलितैर्दुग्धा चेयं वसुंधरा । पुनर्विप्रैर्महाभाग्यैः सत्यवद्भिः सुरैस्तथा
ṛṣibhiścaiva militairdugdhā ceyaṃ vasuṃdharā | punarviprairmahābhāgyaiḥ satyavadbhiḥ suraistathā
Sanskrit only: no published translation is held for this verse.
सोमो वत्सस्वरूपोभूद्दोग्धा देवगुरुः स्वयम् । ऊर्जं क्षीरं पयः कल्पं येन जीवंति चामराः
somo vatsasvarūpobhūddogdhā devaguruḥ svayam | ūrjaṃ kṣīraṃ payaḥ kalpaṃ yena jīvaṃti cāmarāḥ
Sanskrit only: no published translation is held for this verse.
तेषां सत्येन पुण्येन सर्वे जीवंति जंतवः । सत्यपुण्ये प्रवर्तंते ऋषिदुग्धा वसुंधरा
teṣāṃ satyena puṇyena sarve jīvaṃti jaṃtavaḥ | satyapuṇye pravartaṃte ṛṣidugdhā vasuṃdharā
Sanskrit only: no published translation is held for this verse.
अथातः संप्रवक्ष्यामि यथा दुग्धा इयं धरा । पितृभिश्च पुरा वत्स विधिना येन वै तदा
athātaḥ saṃpravakṣyāmi yathā dugdhā iyaṃ dharā | pitṛbhiśca purā vatsa vidhinā yena vai tadā
Sanskrit only: no published translation is held for this verse.
सुपात्रं राजतं कृत्वा स्वधा क्षीरं सुधान्वितम् । परिकल्प्य यमं वत्सं दोग्धा चांतक एव सः
supātraṃ rājataṃ kṛtvā svadhā kṣīraṃ sudhānvitam | parikalpya yamaṃ vatsaṃ dogdhā cāṃtaka eva saḥ
Sanskrit only: no published translation is held for this verse.
नागैः सर्पैस्ततो दुग्धा तक्षकं वत्समेव च । अलाबुपात्रमादाय विषं क्षीरं द्विजोत्तमाः
nāgaiḥ sarpaistato dugdhā takṣakaṃ vatsameva ca | alābupātramādāya viṣaṃ kṣīraṃ dvijottamāḥ
Sanskrit only: no published translation is held for this verse.
नागानां तु तथा दोग्धा धृतराष्ट्रः प्रतापवान् । सर्पा नागा द्विजश्रेष्ठास्तेन वर्तंति चातुलाः
nāgānāṃ tu tathā dogdhā dhṛtarāṣṭraḥ pratāpavān | sarpā nāgā dvijaśreṣṭhāstena vartaṃti cātulāḥ
Sanskrit only: no published translation is held for this verse.
नागा वर्तंति तेनापि ह्यत्युग्रेण द्विजोत्तमाः । विषेण घोररूपेण सर्पाश्चैव भयानकाः
nāgā vartaṃti tenāpi hyatyugreṇa dvijottamāḥ | viṣeṇa ghorarūpeṇa sarpāścaiva bhayānakāḥ
Sanskrit only: no published translation is held for this verse.
तेनैव वर्तयंत्युग्रा महाकाया महाबलाः । तदाहारास्तदाचारास्तद्वीर्यास्तत्पराक्रमाः
tenaiva vartayaṃtyugrā mahākāyā mahābalāḥ | tadāhārāstadācārāstadvīryāstatparākramāḥ
Sanskrit only: no published translation is held for this verse.
अथातः संप्रवक्ष्यामि यथा दुग्धा वसुंधरा । असुरैर्दानवैः सर्वैः कल्पयित्वा द्विजोत्तमाः
athātaḥ saṃpravakṣyāmi yathā dugdhā vasuṃdharā | asurairdānavaiḥ sarvaiḥ kalpayitvā dvijottamāḥ
Sanskrit only: no published translation is held for this verse.
पात्रमत्रान्नसदृशमायसं सर्वकामिकम् । क्षीरं मायामयं कृत्वा सर्वारातिविनाशनम्
pātramatrānnasadṛśamāyasaṃ sarvakāmikam | kṣīraṃ māyāmayaṃ kṛtvā sarvārātivināśanam
Sanskrit only: no published translation is held for this verse.
तेषामभूत्स वै वत्सो विरोचनः प्रतापवान् । ऋत्विग्द्विमूर्द्धा दैत्यानां मधुर्दोग्धा महाबलः
teṣāmabhūtsa vai vatso virocanaḥ pratāpavān | ṛtvigdvimūrddhā daityānāṃ madhurdogdhā mahābalaḥ
Sanskrit only: no published translation is held for this verse.
तया हि मायया दैत्याः प्रवर्त्तंते महाबलाः । महाप्रज्ञा महाकाया महातेजः पराक्रमाः
tayā hi māyayā daityāḥ pravarttaṃte mahābalāḥ | mahāprajñā mahākāyā mahātejaḥ parākramāḥ
Sanskrit only: no published translation is held for this verse.
तद्बलं पौरुषं तेषां तेन जीवंति दानवाः । तयैते माययाद्यापि सर्वमाया द्विजोत्तमाः
tadbalaṃ pauruṣaṃ teṣāṃ tena jīvaṃti dānavāḥ | tayaite māyayādyāpi sarvamāyā dvijottamāḥ
Sanskrit only: no published translation is held for this verse.
प्रवर्तंते मितप्रज्ञास्ते तदेषामिदं बलम् । तथा तु दुग्धा यक्षैः सा सर्वाधारासु मेदिनी
pravartaṃte mitaprajñāste tadeṣāmidaṃ balam | tathā tu dugdhā yakṣaiḥ sā sarvādhārāsu medinī
Sanskrit only: no published translation is held for this verse.
इति शुश्रुम विप्रेंद्राः पुराकल्पे महात्मभिः । अंतर्धानमयं क्षीरमयस्पात्रे सुविस्तरे
iti śuśruma vipreṃdrāḥ purākalpe mahātmabhiḥ | aṃtardhānamayaṃ kṣīramayaspātre suvistare
Sanskrit only: no published translation is held for this verse.
वैश्रवणो महाप्राज्ञस्तदा वत्सः प्रकल्पितः । मणिधरस्य पिता पुण्यः प्राज्ञो बुद्धिमतां वरः
vaiśravaṇo mahāprājñastadā vatsaḥ prakalpitaḥ | maṇidharasya pitā puṇyaḥ prājño buddhimatāṃ varaḥ
Sanskrit only: no published translation is held for this verse.
दोग्धा रजतनाभस्तु तस्याश्चासीन्महामतिः । सर्वज्ञः सर्वधर्मज्ञो यक्षराजसुतो बली
dogdhā rajatanābhastu tasyāścāsīnmahāmatiḥ | sarvajñaḥ sarvadharmajño yakṣarājasuto balī
Sanskrit only: no published translation is held for this verse.
अष्टबाहुर्महातेजा द्विशीर्षः सुमहातपाः । यक्षावर्तंत तेनापि सर्वदैव द्विजोत्तमाः
aṣṭabāhurmahātejā dviśīrṣaḥ sumahātapāḥ | yakṣāvartaṃta tenāpi sarvadaiva dvijottamāḥ
Sanskrit only: no published translation is held for this verse.
पुनर्दुग्धा इयं पृथ्वी राक्षसैश्च महाबलैः । तथा चैषा पिशाचैश्च सातुरैर्दग्धवारिभिः
punardugdhā iyaṃ pṛthvī rākṣasaiśca mahābalaiḥ | tathā caiṣā piśācaiśca sāturairdagdhavāribhiḥ
Sanskrit only: no published translation is held for this verse.
उत्प्लुतं नृकपालं तं शावपात्रमयः कृतम् । सुप्रजां भोक्तुकामास्ते तीव्रकोपपराक्रमाः
utplutaṃ nṛkapālaṃ taṃ śāvapātramayaḥ kṛtam | suprajāṃ bhoktukāmāste tīvrakopaparākramāḥ
Sanskrit only: no published translation is held for this verse.
दोग्धा रजतनाभस्तु तेषामासीन्महाबलः । सुमाली नाम वत्सश्च शोणितं क्षीरमेव च
dogdhā rajatanābhastu teṣāmāsīnmahābalaḥ | sumālī nāma vatsaśca śoṇitaṃ kṣīrameva ca
Sanskrit only: no published translation is held for this verse.
रक्षांसि यातुधानाश्च पिशाचाश्च महाबलाः । यक्षास्तेन च जीवंति भूतसङ्घाश्च दारुणाः
rakṣāṃsi yātudhānāśca piśācāśca mahābalāḥ | yakṣāstena ca jīvaṃti bhūtasaṅghāśca dāruṇāḥ
Sanskrit only: no published translation is held for this verse.
गंधर्वैरप्सरोभिश्च पुनर्दुग्धा वसुंधरा । कृत्वा वत्सं सुविद्वांसं तैश्च चित्ररथं पुनः
gaṃdharvairapsarobhiśca punardugdhā vasuṃdharā | kṛtvā vatsaṃ suvidvāṃsaṃ taiśca citrarathaṃ punaḥ
Sanskrit only: no published translation is held for this verse.
दुदुहुः पद्मपात्रे तु गांधर्वं गीतसंकुलम् । सुरुचिर्नाम गंधर्वस्तेषामासीन्महामतिः
duduhuḥ padmapātre tu gāṃdharvaṃ gītasaṃkulam | surucirnāma gaṃdharvasteṣāmāsīnmahāmatiḥ
Sanskrit only: no published translation is held for this verse.
दोग्धा पुण्यतमश्चैव तस्याश्च द्विजसत्तमाः । शुचिगीतं महात्मानः सुक्षीरं दुदुहुस्तदा
dogdhā puṇyatamaścaiva tasyāśca dvijasattamāḥ | śucigītaṃ mahātmānaḥ sukṣīraṃ duduhustadā
Sanskrit only: no published translation is held for this verse.
गंधर्वास्तेन जीवंति अन्याश्चाप्सरसस्तथा । पर्वतैश्च महापुण्यैर्दुग्धा चेयं वसुंधरा
gaṃdharvāstena jīvaṃti anyāścāpsarasastathā | parvataiśca mahāpuṇyairdugdhā ceyaṃ vasuṃdharā
Sanskrit only: no published translation is held for this verse.
रत्नानि विविधान्येव ओषधीश्चामृतोपमाः । वत्सश्चैव महाभागो हिमवान्परिकल्पितः
ratnāni vividhānyeva oṣadhīścāmṛtopamāḥ | vatsaścaiva mahābhāgo himavānparikalpitaḥ
Sanskrit only: no published translation is held for this verse.
मेरुर्दोग्धा च संजातः पात्रं कृत्वा तु शैलजम् । तेन क्षीरेण संवृद्धाः शैलाः सर्वे महौजसः
merurdogdhā ca saṃjātaḥ pātraṃ kṛtvā tu śailajam | tena kṣīreṇa saṃvṛddhāḥ śailāḥ sarve mahaujasaḥ
Sanskrit only: no published translation is held for this verse.
पुनर्दुग्धा महावृक्षैः पुण्यैः कल्पद्रुमादिभिः । पालाशं पात्रामानिन्युश्छिन्नदग्धप्ररोहणम्
punardugdhā mahāvṛkṣaiḥ puṇyaiḥ kalpadrumādibhiḥ | pālāśaṃ pātrāmāninyuśchinnadagdhaprarohaṇam
Sanskrit only: no published translation is held for this verse.
शालो दुदोह पुष्पांगः प्लक्षो वत्सोऽभवत्तदा । गुह्यकैश्चारणैः सिद्धैर्विद्याधरगणैस्तदा
śālo dudoha puṣpāṃgaḥ plakṣo vatso'bhavattadā | guhyakaiścāraṇaiḥ siddhairvidyādharagaṇaistadā
Sanskrit only: no published translation is held for this verse.
दुग्धा चेयं सर्वधात्री सर्वकामप्रदायिनी । यं यमिच्छंति ये लोकाः पात्रवत्सविशेषणैः
dugdhā ceyaṃ sarvadhātrī sarvakāmapradāyinī | yaṃ yamicchaṃti ye lokāḥ pātravatsaviśeṣaṇaiḥ
Sanskrit only: no published translation is held for this verse.
तैस्तैस्तेषां ददात्येव क्षीरं सद्भावमीदृशम् । इयं धात्री विधात्री तु इयं श्रेष्ठा वसुंधरा
taistaisteṣāṃ dadātyeva kṣīraṃ sadbhāvamīdṛśam | iyaṃ dhātrī vidhātrī tu iyaṃ śreṣṭhā vasuṃdharā
Sanskrit only: no published translation is held for this verse.
सर्वकामदुघा धेनुरियं पुण्यैरलंकृता । इयं ज्येष्ठा प्रतिष्ठा तु इयं सृष्टिरियं प्रजा
sarvakāmadughā dhenuriyaṃ puṇyairalaṃkṛtā | iyaṃ jyeṣṭhā pratiṣṭhā tu iyaṃ sṛṣṭiriyaṃ prajā
Sanskrit only: no published translation is held for this verse.
पावनी पुण्यदा पुण्या सर्वसस्य प्ररोहिणी । चराचरस्य सर्वस्य प्रतिष्ठा योनिरेव च
pāvanī puṇyadā puṇyā sarvasasya prarohiṇī | carācarasya sarvasya pratiṣṭhā yonireva ca
Sanskrit only: no published translation is held for this verse.
महालक्ष्मीरियं विद्या सर्वविश्वमयी सदा । सर्वकामदुघा दोग्ध्री सर्वबीजप्ररोहिणी
mahālakṣmīriyaṃ vidyā sarvaviśvamayī sadā | sarvakāmadughā dogdhrī sarvabījaprarohiṇī
Sanskrit only: no published translation is held for this verse.
सर्वेषां श्रेयसां माता सर्वलोकधरा इयम् । पंचानामपि भूतानां प्रकाशो रूपमेव च
sarveṣāṃ śreyasāṃ mātā sarvalokadharā iyam | paṃcānāmapi bhūtānāṃ prakāśo rūpameva ca
Sanskrit only: no published translation is held for this verse.
असीदियं समुद्रांता मेदिनीति परिश्रुता । मधुकैटभयोः कृत्स्ना मेदसा समभिप्लुता
asīdiyaṃ samudrāṃtā medinīti pariśrutā | madhukaiṭabhayoḥ kṛtsnā medasā samabhiplutā
Sanskrit only: no published translation is held for this verse.
तेनेयं मेदिनी नाम प्रोच्यते ब्रह्मवादिभिः । ततोभ्युपगमात्प्राज्ञ पृथोर्वैन्यस्य सत्तमाः
teneyaṃ medinī nāma procyate brahmavādibhiḥ | tatobhyupagamātprājña pṛthorvainyasya sattamāḥ
Sanskrit only: no published translation is held for this verse.
दुहितृत्वमनुप्राप्ता देवी पृथ्वीति चोच्यते । तेन राज्ञा द्विजश्रेष्ठाः पालितेयं वसुंधरा
duhitṛtvamanuprāptā devī pṛthvīti cocyate | tena rājñā dvijaśreṣṭhāḥ pāliteyaṃ vasuṃdharā
Sanskrit only: no published translation is held for this verse.
ग्रामाधारं गृहाणां च पुरपत्तनमालिनी । सस्याकरवती स्फीता सर्वतीर्थमयी द्विजाः
grāmādhāraṃ gṛhāṇāṃ ca purapattanamālinī | sasyākaravatī sphītā sarvatīrthamayī dvijāḥ
Sanskrit only: no published translation is held for this verse.
एवं वसुमती देवी सर्वलोकमयी सदा । एवं प्रभावो राजेंद्रः पुराणे परिपठ्यते
evaṃ vasumatī devī sarvalokamayī sadā | evaṃ prabhāvo rājeṃdraḥ purāṇe paripaṭhyate
Sanskrit only: no published translation is held for this verse.
पृथुर्वैन्यो महाभागः सर्वकर्मप्रकाशकः । यथा विष्णुर्यथा ब्रह्मा यथा रुद्रः सनातनः
pṛthurvainyo mahābhāgaḥ sarvakarmaprakāśakaḥ | yathā viṣṇuryathā brahmā yathā rudraḥ sanātanaḥ
Sanskrit only: no published translation is held for this verse.
नमस्कार्यास्त्रयो देवा देवाद्यैर्ब्रह्मवादिभिः । ब्राह्मणैर्ऋषिभिः सर्वैर्नमस्कार्यो नृपोत्तमः
namaskāryāstrayo devā devādyairbrahmavādibhiḥ | brāhmaṇairṛṣibhiḥ sarvairnamaskāryo nṛpottamaḥ
Sanskrit only: no published translation is held for this verse.
वर्णानामाश्रमाणां यः स्थापकः सर्वलोकधृक् । पार्थिवैश्च महाभागैः पार्थिवत्वमिहेप्सुभिः
varṇānāmāśramāṇāṃ yaḥ sthāpakaḥ sarvalokadhṛk | pārthivaiśca mahābhāgaiḥ pārthivatvamihepsubhiḥ
Sanskrit only: no published translation is held for this verse.
आदिराजो नमस्कार्यः पृथुर्वैन्यः प्रतापवान् । धनुर्वेदार्थिभिर्योधैः सदैव जयकांक्षिभिः
ādirājo namaskāryaḥ pṛthurvainyaḥ pratāpavān | dhanurvedārthibhiryodhaiḥ sadaiva jayakāṃkṣibhiḥ
Sanskrit only: no published translation is held for this verse.
नमस्कार्यो महाराजो वृत्तिदाता महीभृताम् । एवं पात्रविशेषाश्च मया ख्याता द्विजोत्तमाः
namaskāryo mahārājo vṛttidātā mahībhṛtām | evaṃ pātraviśeṣāśca mayā khyātā dvijottamāḥ
Sanskrit only: no published translation is held for this verse.
वत्सानां सुविशेषाश्च दोग्धॄणां भवदग्रतः । क्षीरस्यापि विशेषं तु यथोद्दिष्टं हि भूभुजा
vatsānāṃ suviśeṣāśca dogdhṝṇāṃ bhavadagrataḥ | kṣīrasyāpi viśeṣaṃ tu yathoddiṣṭaṃ hi bhūbhujā
Sanskrit only: no published translation is held for this verse.
समाख्यातं तथाग्रे च भवतां वै यथार्थतः । धन्यं यशस्यमारोग्यं पुण्यं पापप्रणाशनम्
samākhyātaṃ tathāgre ca bhavatāṃ vai yathārthataḥ | dhanyaṃ yaśasyamārogyaṃ puṇyaṃ pāpapraṇāśanam
Sanskrit only: no published translation is held for this verse.
पृथोर्वैन्यस्य चरितं यः शृणोति द्विजोत्तमाः । तस्य भागीरथी स्नानमहन्यहनि जायते
pṛthorvainyasya caritaṃ yaḥ śṛṇoti dvijottamāḥ | tasya bhāgīrathī snānamahanyahani jāyate
Sanskrit only: no published translation is held for this verse.
सर्वपापविशुद्धात्मा विष्णुलोकं प्रयाति सः
sarvapāpaviśuddhātmā viṣṇulokaṃ prayāti saḥ
Sanskrit only: no published translation is held for this verse.