Library·Padma Purāṇa·2·2.3
सूत उवाच- प्रस्थितस्तेन मार्गेण प्रविष्टो गगनांतरे । स दृष्टो देवदेवेन सहस्राक्षेण धीमता
sūta uvāca- prasthitastena mārgeṇa praviṣṭo gaganāṃtare | sa dṛṣṭo devadevena sahasrākṣeṇa dhīmatā
Sanskrit only: no published translation is held for this verse.
उद्यमं तस्य वै ज्ञात्वा चक्रे विघ्नं सुराधिराट् । मेनिकांतामुवाचेदं गच्छ त्वं मम शासनात्
udyamaṃ tasya vai jñātvā cakre vighnaṃ surādhirāṭ | menikāṃtāmuvācedaṃ gaccha tvaṃ mama śāsanāt
Sanskrit only: no published translation is held for this verse.
समाचरस्वास्य शीघ्रं गत्वा विघ्नं सुमध्यमे । अस्यैव विप्रवर्यस्य पुत्रस्य शिवशर्मणः
samācarasvāsya śīghraṃ gatvā vighnaṃ sumadhyame | asyaiva vipravaryasya putrasya śivaśarmaṇaḥ
Sanskrit only: no published translation is held for this verse.
तथा कुरुष्व भद्रं ते यथा नायाति मे गृहम् । एवमाकर्ण्य तद्वाक्यं मेनिका प्रस्थिता त्वरात्
tathā kuruṣva bhadraṃ te yathā nāyāti me gṛham | evamākarṇya tadvākyaṃ menikā prasthitā tvarāt
Sanskrit only: no published translation is held for this verse.
सूत उवाच- रूपौदार्यगुणोपेता सर्वालंकारभूषिता । नंदनस्य वनस्यांते दोलायां समुपस्थिता
sūta uvāca- rūpaudāryaguṇopetā sarvālaṃkārabhūṣitā | naṃdanasya vanasyāṃte dolāyāṃ samupasthitā
Sanskrit only: no published translation is held for this verse.
सुस्वरेण प्रगायंती गीतं वीणास्वरोपमम् । तेन दृष्टा विशालाक्षी चतुरा चारुलोचना
susvareṇa pragāyaṃtī gītaṃ vīṇāsvaropamam | tena dṛṣṭā viśālākṣī caturā cārulocanā
Sanskrit only: no published translation is held for this verse.
व्यवसायं ततो ज्ञात्वा तस्या विघ्नमनुत्तमम् । इंद्रेण प्रेषिता चैषा न च भद्रकरा भवेत्
vyavasāyaṃ tato jñātvā tasyā vighnamanuttamam | iṃdreṇa preṣitā caiṣā na ca bhadrakarā bhavet
Sanskrit only: no published translation is held for this verse.
एवं ज्ञात्वा जगामाथ सत्वरेण द्विजोत्तमः । तया दृष्टस्तथा पृष्टः क्व यास्यसि महामते
evaṃ jñātvā jagāmātha satvareṇa dvijottamaḥ | tayā dṛṣṭastathā pṛṣṭaḥ kva yāsyasi mahāmate
Sanskrit only: no published translation is held for this verse.
विष्णुशर्मा तदोवाच मेनिकां कामचारिणीम् । इंद्रलोकं प्रयास्यामि पितुरर्थे त्वरान्वितः
viṣṇuśarmā tadovāca menikāṃ kāmacāriṇīm | iṃdralokaṃ prayāsyāmi piturarthe tvarānvitaḥ
Sanskrit only: no published translation is held for this verse.
मेनिका विष्णुशर्माणं प्रत्युवाच प्रियं पुनः । कामबाणैः प्रभिन्नाहं त्वामद्य शरणं गता
menikā viṣṇuśarmāṇaṃ pratyuvāca priyaṃ punaḥ | kāmabāṇaiḥ prabhinnāhaṃ tvāmadya śaraṇaṃ gatā
Sanskrit only: no published translation is held for this verse.
रक्षस्व द्विजशार्दूल यदि धर्ममिहेच्छसि । यावद्धि त्वं मया दृष्टः कामाकुलितचेतसा
rakṣasva dvijaśārdūla yadi dharmamihecchasi | yāvaddhi tvaṃ mayā dṛṣṭaḥ kāmākulitacetasā
Sanskrit only: no published translation is held for this verse.
कामानलेन संदग्धा तावदेव न संशयः । संभ्रांता कामसंतप्ता प्रसादसुमुखो भव
kāmānalena saṃdagdhā tāvadeva na saṃśayaḥ | saṃbhrāṃtā kāmasaṃtaptā prasādasumukho bhava
Sanskrit only: no published translation is held for this verse.
विष्णुशर्मोवाच- चरित्रं देवदेवस्य विदितं मे वरानने । भवत्याश्चप्रजानामिनाहंचैतादृशःशुभे
viṣṇuśarmovāca- caritraṃ devadevasya viditaṃ me varānane | bhavatyāścaprajānāmināhaṃcaitādṛśaḥśubhe
Sanskrit only: no published translation is held for this verse.
भवत्यास्तेजसा रूपैरन्ये मुह्यंति शोभने । विश्वामित्रादयो देवि पुत्रोहं शिवशर्मणः
bhavatyāstejasā rūpairanye muhyaṃti śobhane | viśvāmitrādayo devi putrohaṃ śivaśarmaṇaḥ
Sanskrit only: no published translation is held for this verse.
योगसिद्धिं गतस्यापि तपः सिद्धस्य चाबले । कामादयो महादोषा आदावेव विनिर्जिताः
yogasiddhiṃ gatasyāpi tapaḥ siddhasya cābale | kāmādayo mahādoṣā ādāveva vinirjitāḥ
Sanskrit only: no published translation is held for this verse.
अन्यं भज विशालाक्षि इंद्रलोकं व्रजाम्यहम् । एवमुक्त्वा जगामाथ त्वरितो द्विजसत्तमः
anyaṃ bhaja viśālākṣi iṃdralokaṃ vrajāmyaham | evamuktvā jagāmātha tvarito dvijasattamaḥ
Sanskrit only: no published translation is held for this verse.
निष्फला मेनका जाता पृष्टा देवेन वज्रिणा । विभीषां दर्शयामास नानारूपां पुनः पुनः
niṣphalā menakā jātā pṛṣṭā devena vajriṇā | vibhīṣāṃ darśayāmāsa nānārūpāṃ punaḥ punaḥ
Sanskrit only: no published translation is held for this verse.
यथानलेन संदग्धास्तृणानां संचया द्विजाः । भस्मीभूता भवंत्येव तथा तास्ता विभीषिकाः
yathānalena saṃdagdhāstṛṇānāṃ saṃcayā dvijāḥ | bhasmībhūtā bhavaṃtyeva tathā tāstā vibhīṣikāḥ
Sanskrit only: no published translation is held for this verse.
विप्रस्य तेजसा तस्य पितृभक्तस्य सत्तमाः । प्रलयं गतास्तु घोरास्ता दारुणा भीषिका द्विजाः
viprasya tejasā tasya pitṛbhaktasya sattamāḥ | pralayaṃ gatāstu ghorāstā dāruṇā bhīṣikā dvijāḥ
Sanskrit only: no published translation is held for this verse.
स विघ्नान्दर्शयामास सहस्राक्षः पुनः पुनः । तेजसाऽनाशयद्विप्रः स्वकीयेन महायशाः
sa vighnāndarśayāmāsa sahasrākṣaḥ punaḥ punaḥ | tejasā'nāśayadvipraḥ svakīyena mahāyaśāḥ
Sanskrit only: no published translation is held for this verse.
एवं विघ्नान्बहूंस्तस्य इंद्रस्यापि महात्मनः । नाशयामास मेधावी तपसस्तेजसापि वा
evaṃ vighnānbahūṃstasya iṃdrasyāpi mahātmanaḥ | nāśayāmāsa medhāvī tapasastejasāpi vā
Sanskrit only: no published translation is held for this verse.
नष्टेषु तेषु विघ्नेषु दारुणेषु महत्सु च । ज्ञात्वा तस्य कृतान्विघ्नान्दारुणान्भीषणाकृतीन्
naṣṭeṣu teṣu vighneṣu dāruṇeṣu mahatsu ca | jñātvā tasya kṛtānvighnāndāruṇānbhīṣaṇākṛtīn
Sanskrit only: no published translation is held for this verse.
अथ क्रुद्धो महातेजा विष्णुशर्मा द्विजोत्तमः । इंद्रं प्रति महाभागो रागरक्तांतलोचनः
atha kruddho mahātejā viṣṇuśarmā dvijottamaḥ | iṃdraṃ prati mahābhāgo rāgaraktāṃtalocanaḥ
Sanskrit only: no published translation is held for this verse.
इंद्र लोकादहं चेंद्रं पातयिष्यामि नान्यथा । निजधर्मे रतस्याद्य यो विघ्नं तु समाचरेत्
iṃdra lokādahaṃ ceṃdraṃ pātayiṣyāmi nānyathā | nijadharme ratasyādya yo vighnaṃ tu samācaret
Sanskrit only: no published translation is held for this verse.
तस्य दंडं प्रदास्यामि यो वै हन्यात्स हन्यते । एवमन्यं करिष्यामि देवानां पालकं पुनः
tasya daṃḍaṃ pradāsyāmi yo vai hanyātsa hanyate | evamanyaṃ kariṣyāmi devānāṃ pālakaṃ punaḥ
Sanskrit only: no published translation is held for this verse.
एवं समुद्यतो विप्र इंद्रनाशाय सत्तमः । तावदेव समायातो देवेंद्रः पाकशासनः
evaṃ samudyato vipra iṃdranāśāya sattamaḥ | tāvadeva samāyāto deveṃdraḥ pākaśāsanaḥ
Sanskrit only: no published translation is held for this verse.
भो भो विप्र महाप्राज्ञ तपसा नियमेन च । दमेन सत्यशौचाभ्यां त्वत्समो नास्ति चापरः
bho bho vipra mahāprājña tapasā niyamena ca | damena satyaśaucābhyāṃ tvatsamo nāsti cāparaḥ
Sanskrit only: no published translation is held for this verse.
अनया पितृभक्त्या ते जितोहं दैवतैः सह । ममापराधं त्वं सर्वं क्षंतुमर्हसि सत्तम
anayā pitṛbhaktyā te jitohaṃ daivataiḥ saha | mamāparādhaṃ tvaṃ sarvaṃ kṣaṃtumarhasi sattama
Sanskrit only: no published translation is held for this verse.
वरं वरय भद्रं ते दुर्लभं च ददाम्यहम् । विष्णुशर्मा तदोवाच देवराजं तथागतम्
varaṃ varaya bhadraṃ te durlabhaṃ ca dadāmyaham | viṣṇuśarmā tadovāca devarājaṃ tathāgatam
Sanskrit only: no published translation is held for this verse.
विप्रतेजो महेंद्रेद्रं असह्यं देवदैवतैः । पितृभक्तस्य देवेश दुःसहं सर्वथा विभो
vipratejo maheṃdredraṃ asahyaṃ devadaivataiḥ | pitṛbhaktasya deveśa duḥsahaṃ sarvathā vibho
Sanskrit only: no published translation is held for this verse.
तेजोभंगो न कर्त्तव्यो ब्राह्मणानां महात्मनाम् । पुत्रपौत्रैः समस्तैस्तु ब्रह्मविष्णुहरान्पुनः
tejobhaṃgo na karttavyo brāhmaṇānāṃ mahātmanām | putrapautraiḥ samastaistu brahmaviṣṇuharānpunaḥ
Sanskrit only: no published translation is held for this verse.
नाशयंते न संदेहो यदि रुष्टा द्विजोत्तमाः । नागच्छेद्यद्भवानद्य तदा राज्यमनुत्तमम्
nāśayaṃte na saṃdeho yadi ruṣṭā dvijottamāḥ | nāgacchedyadbhavānadya tadā rājyamanuttamam
Sanskrit only: no published translation is held for this verse.
आत्मतपः प्रभावेण अन्यस्मै त्वं महात्मने । दातुकामस्तु संजातो रोषपूर्णेन चक्षुषा
ātmatapaḥ prabhāveṇa anyasmai tvaṃ mahātmane | dātukāmastu saṃjāto roṣapūrṇena cakṣuṣā
Sanskrit only: no published translation is held for this verse.
भवानद्य समायातो वरं दातुमिहेच्छसि । अमृतं देहि देवेंद्र पितृभक्तिं तथाचलाम्
bhavānadya samāyāto varaṃ dātumihecchasi | amṛtaṃ dehi deveṃdra pitṛbhaktiṃ tathācalām
Sanskrit only: no published translation is held for this verse.
एवंविधं वरं देहि यदि तुष्टोसि शत्रुहन् । एवं ददामि पुण्यं ते वरं चामृतसंयुतम्
evaṃvidhaṃ varaṃ dehi yadi tuṣṭosi śatruhan | evaṃ dadāmi puṇyaṃ te varaṃ cāmṛtasaṃyutam
Sanskrit only: no published translation is held for this verse.
एवमाभाष्य तं विप्रममृतं दत्तवान्स्वयम् । सकुंभं दत्तवांस्तस्मै प्रीयमाणेन चात्मना
evamābhāṣya taṃ vipramamṛtaṃ dattavānsvayam | sakuṃbhaṃ dattavāṃstasmai prīyamāṇena cātmanā
Sanskrit only: no published translation is held for this verse.
अचला ते भवेद्विप्र भक्तिः पितरि सर्वदा । एवमाभाष्य तं विप्रं विसृज्य च सहस्रदृक्
acalā te bhavedvipra bhaktiḥ pitari sarvadā | evamābhāṣya taṃ vipraṃ visṛjya ca sahasradṛk
Sanskrit only: no published translation is held for this verse.
प्रसन्नोभूच्च तद्दृष्ट्वा विप्रतेजः सुदुःसहम् । विष्णुशर्मा ततो गत्वा पितरं वाक्यमब्रवीत्
prasannobhūcca taddṛṣṭvā vipratejaḥ suduḥsaham | viṣṇuśarmā tato gatvā pitaraṃ vākyamabravīt
Sanskrit only: no published translation is held for this verse.
तात इंद्रात्समानीतममृतं व्याधिनाशनम् । अनेनापि महाभाग नीरुजो भव सर्वदा
tāta iṃdrātsamānītamamṛtaṃ vyādhināśanam | anenāpi mahābhāga nīrujo bhava sarvadā
Sanskrit only: no published translation is held for this verse.
अमृतेन त्वमद्यैव परां तृप्तिमवाप्नुहि । एतद्वाक्यं महच्छ्रुत्वा शिवशर्मा सुतस्य हि
amṛtena tvamadyaiva parāṃ tṛptimavāpnuhi | etadvākyaṃ mahacchrutvā śivaśarmā sutasya hi
Sanskrit only: no published translation is held for this verse.
सुतान्सर्वान्समाहूय प्रीयमाणेन चेतसा । पितृभक्ताः सुता यूयं मद्वाक्यपरिपालकाः
sutānsarvānsamāhūya prīyamāṇena cetasā | pitṛbhaktāḥ sutā yūyaṃ madvākyaparipālakāḥ
Sanskrit only: no published translation is held for this verse.
वरं वृणुध्वं सुप्रीताः पुत्रका दुर्लभं भुवि । एवमाभाषितं तस्य शुश्रुवुः सर्वसंमताः
varaṃ vṛṇudhvaṃ suprītāḥ putrakā durlabhaṃ bhuvi | evamābhāṣitaṃ tasya śuśruvuḥ sarvasaṃmatāḥ
Sanskrit only: no published translation is held for this verse.
ते सर्वे तु समालोच्य पितरं प्रत्यथाब्रुवन् । अस्माकं जीवताम्माता गता या यममंदिरम्
te sarve tu samālocya pitaraṃ pratyathābruvan | asmākaṃ jīvatāmmātā gatā yā yamamaṃdiram
Sanskrit only: no published translation is held for this verse.
नीरुजा भवनाद्देवी प्रसादात्तव सुव्रता । भवान्पिता इयं माता जन्मजन्मांतरे पितः
nīrujā bhavanāddevī prasādāttava suvratā | bhavānpitā iyaṃ mātā janmajanmāṃtare pitaḥ
Sanskrit only: no published translation is held for this verse.
वयं सुता भवेमेति सर्वे पुण्यकृतस्तथा । शिवशर्मोवाच- अद्यैवापि मृता माता भवतां पुत्रवत्सला
vayaṃ sutā bhavemeti sarve puṇyakṛtastathā | śivaśarmovāca- adyaivāpi mṛtā mātā bhavatāṃ putravatsalā
Sanskrit only: no published translation is held for this verse.
जीवमाना सुहृष्टा सा एष्यते नात्र संशयः । एवमुक्ते शुभे वाक्ये ऋषिणा शिवशर्मणा
jīvamānā suhṛṣṭā sā eṣyate nātra saṃśayaḥ | evamukte śubhe vākye ṛṣiṇā śivaśarmaṇā
Sanskrit only: no published translation is held for this verse.
तेषां माता समायाता प्रहृष्टा वाक्यमब्रवीत् । एतदर्थं समुत्पन्नं सुवीर्यं तनयं सुतम्
teṣāṃ mātā samāyātā prahṛṣṭā vākyamabravīt | etadarthaṃ samutpannaṃ suvīryaṃ tanayaṃ sutam
Sanskrit only: no published translation is held for this verse.
नराः सत्पुत्रमिच्छंति कुलवंशप्रभावकम् । स्त्रियो लोके महाभागाः सुपुण्याः पुण्यवत्सलाः
narāḥ satputramicchaṃti kulavaṃśaprabhāvakam | striyo loke mahābhāgāḥ supuṇyāḥ puṇyavatsalāḥ
Sanskrit only: no published translation is held for this verse.
सुतमिच्छंति सर्वत्र पुण्यांगं पुण्यसाधकम् । कुक्षिं यस्या गतो गर्भः सुपुण्यः परिवर्त्तते
sutamicchaṃti sarvatra puṇyāṃgaṃ puṇyasādhakam | kukṣiṃ yasyā gato garbhaḥ supuṇyaḥ parivarttate
Sanskrit only: no published translation is held for this verse.
पुण्यान्पुत्रान्प्रसूयेत सा नारी पुण्यभागिनी । कुलाचारं कुलाधारं पितृमातृप्रतारकम्
puṇyānputrānprasūyeta sā nārī puṇyabhāginī | kulācāraṃ kulādhāraṃ pitṛmātṛpratārakam
Sanskrit only: no published translation is held for this verse.
विना पुण्यैः कथं नारी संप्राप्नोति सुतोत्तमम् । न जाने कीदृशैः पुण्यैरेष भर्ता सुपुण्यभाक्
vinā puṇyaiḥ kathaṃ nārī saṃprāpnoti sutottamam | na jāne kīdṛśaiḥ puṇyaireṣa bhartā supuṇyabhāk
Sanskrit only: no published translation is held for this verse.
संजातो धर्मवीर्योपि धर्मात्मा धर्मवत्सलः । यस्य वीर्यान्मया प्राप्ता यूयं पुत्रास्ततोधिकाः
saṃjāto dharmavīryopi dharmātmā dharmavatsalaḥ | yasya vīryānmayā prāptā yūyaṃ putrāstatodhikāḥ
Sanskrit only: no published translation is held for this verse.
एवं पुण्यप्रभावोयं भवंतः पुण्यवत्सलाः । मम पुत्रास्तु संजाताः पितृभक्तिपरायणाः
evaṃ puṇyaprabhāvoyaṃ bhavaṃtaḥ puṇyavatsalāḥ | mama putrāstu saṃjātāḥ pitṛbhaktiparāyaṇāḥ
Sanskrit only: no published translation is held for this verse.
अहो लोकेषु पुण्यैश्च सुपुत्रः परिलभ्यते । एकैकशोधिकाः पंच मया प्राप्ता महाशयाः
aho lokeṣu puṇyaiśca suputraḥ parilabhyate | ekaikaśodhikāḥ paṃca mayā prāptā mahāśayāḥ
Sanskrit only: no published translation is held for this verse.
यज्वानः पुण्यशीलाश्च तपस्तेजः पराक्रमाः । एवं संवर्धितास्ते तु तया मात्रा पुनः पुनः
yajvānaḥ puṇyaśīlāśca tapastejaḥ parākramāḥ | evaṃ saṃvardhitāste tu tayā mātrā punaḥ punaḥ
Sanskrit only: no published translation is held for this verse.
हर्षेण महताविष्टाः प्रणेमुर्मातरं सुताः । पुत्रा ऊचुः- सुपुण्यैः प्राप्यते माता सन्माता सुपिता किल
harṣeṇa mahatāviṣṭāḥ praṇemurmātaraṃ sutāḥ | putrā ūcuḥ- supuṇyaiḥ prāpyate mātā sanmātā supitā kila
Sanskrit only: no published translation is held for this verse.
भवती पुण्यकृन्माता नो भाग्यैस्तु प्रवर्तिता । यस्या गर्भोदरं प्राप्य सुपुण्यैश्च प्रवर्द्धिताः
bhavatī puṇyakṛnmātā no bhāgyaistu pravartitā | yasyā garbhodaraṃ prāpya supuṇyaiśca pravarddhitāḥ
Sanskrit only: no published translation is held for this verse.
जन्मजन्मनि त्वं माता पिता चैव भविष्यथः । पितोवाच- शृणुध्वं मामकाः पुत्राः सुवरं पुण्यदायकम्
janmajanmani tvaṃ mātā pitā caiva bhaviṣyathaḥ | pitovāca- śṛṇudhvaṃ māmakāḥ putrāḥ suvaraṃ puṇyadāyakam
Sanskrit only: no published translation is held for this verse.
मयि तुष्टे सुता भोगा ननु भुंजंतु चाक्षयान् । पुत्रा ऊचुः- यदि तात प्रसन्नोसि वरं दातुमिहेच्छसि
mayi tuṣṭe sutā bhogā nanu bhuṃjaṃtu cākṣayān | putrā ūcuḥ- yadi tāta prasannosi varaṃ dātumihecchasi
Sanskrit only: no published translation is held for this verse.
अस्मान्प्रेषय गोलोकं वैष्णवं दाहवर्जितम् । पितोवाच- गच्छध्वं वैष्णवं लोकं यूयं विगतकल्मषाः
asmānpreṣaya golokaṃ vaiṣṇavaṃ dāhavarjitam | pitovāca- gacchadhvaṃ vaiṣṇavaṃ lokaṃ yūyaṃ vigatakalmaṣāḥ
Sanskrit only: no published translation is held for this verse.
मत्प्रसादात्तपोभिश्च पितृभक्त्यानया स्वया । एवमुक्ते तु तेनापि सुवाक्ये ऋषिणा ततः
matprasādāttapobhiśca pitṛbhaktyānayā svayā | evamukte tu tenāpi suvākye ṛṣiṇā tataḥ
Sanskrit only: no published translation is held for this verse.
शंखचक्रगदापाणिर्गरुडारूढ आगतः । सपुत्रं शिवशर्माणमित्युवाच पुनः पुनः
śaṃkhacakragadāpāṇirgaruḍārūḍha āgataḥ | saputraṃ śivaśarmāṇamityuvāca punaḥ punaḥ
Sanskrit only: no published translation is held for this verse.
सपुत्रेण त्वयाद्यैव जितो भक्त्यास्मि वै द्विज । पुत्रैः सार्द्धं समागच्छ चतुर्भिः पुण्यकारिभिः
saputreṇa tvayādyaiva jito bhaktyāsmi vai dvija | putraiḥ sārddhaṃ samāgaccha caturbhiḥ puṇyakāribhiḥ
Sanskrit only: no published translation is held for this verse.
अनया भार्यया सार्द्धं पुण्यया पतिकाम्यया । शिवशर्मोवाच- अमी गच्छंतु पुत्रा मे वैष्णवं लोकमुत्तमम्
anayā bhāryayā sārddhaṃ puṇyayā patikāmyayā | śivaśarmovāca- amī gacchaṃtu putrā me vaiṣṇavaṃ lokamuttamam
Sanskrit only: no published translation is held for this verse.
कंचित्कालं तु नेष्यामि भूमौ वै भार्यया सह । अनेनापि सुपुत्रेण अंत्येन सोमशर्मणा
kaṃcitkālaṃ tu neṣyāmi bhūmau vai bhāryayā saha | anenāpi suputreṇa aṃtyena somaśarmaṇā
Sanskrit only: no published translation is held for this verse.
एवमुक्ते शुभे वाक्ये ऋषिणा सत्यभाषिणा । तानुवाचाथ देवेशः सुपुत्राञ्छिवशर्मणः
evamukte śubhe vākye ṛṣiṇā satyabhāṣiṇā | tānuvācātha deveśaḥ suputrāñchivaśarmaṇaḥ
Sanskrit only: no published translation is held for this verse.
गच्छंतु मोक्षदं लोकं दाहप्रलयवर्जितम् । एवमुक्ते ततो विप्राश्चत्वारः सत्यचेतसः
gacchaṃtu mokṣadaṃ lokaṃ dāhapralayavarjitam | evamukte tato viprāścatvāraḥ satyacetasaḥ
Sanskrit only: no published translation is held for this verse.
विष्णुरूपधराः सर्वे बभूवुस्तत्क्षणादपि । इंद्रनीलसमावर्णैः शंखचक्रगदाधराः
viṣṇurūpadharāḥ sarve babhūvustatkṣaṇādapi | iṃdranīlasamāvarṇaiḥ śaṃkhacakragadādharāḥ
Sanskrit only: no published translation is held for this verse.
सर्वाभरणसौभाग्या विष्णुरूपा महौजसः । हारकंकणशोभाढ्या रत्नमालाभिशोभिताः
sarvābharaṇasaubhāgyā viṣṇurūpā mahaujasaḥ | hārakaṃkaṇaśobhāḍhyā ratnamālābhiśobhitāḥ
Sanskrit only: no published translation is held for this verse.
सूर्यतेजःप्रतीकाशास्तेजोज्वालाभिरावृताः । प्रविष्टा वैष्णवं कायं पश्यतः शिवशर्मणः
sūryatejaḥpratīkāśāstejojvālābhirāvṛtāḥ | praviṣṭā vaiṣṇavaṃ kāyaṃ paśyataḥ śivaśarmaṇaḥ
Sanskrit only: no published translation is held for this verse.
दीपं दीपा यथा यांति तद्वल्लीना महामते । गतास्ते वैष्णवं धाम पितृभक्त्या द्विजोत्तमाः
dīpaṃ dīpā yathā yāṃti tadvallīnā mahāmate | gatāste vaiṣṇavaṃ dhāma pitṛbhaktyā dvijottamāḥ
Sanskrit only: no published translation is held for this verse.
प्रभावं तु प्रवक्ष्यामि सुसत्यं सोमशर्मणः
prabhāvaṃ tu pravakṣyāmi susatyaṃ somaśarmaṇaḥ
Sanskrit only: no published translation is held for this verse.