Library·Padma Purāṇa·2·2.30
ऋषय ऊचुः- योऽसौ वेनस्त्वयाख्यातः पापाचारेण वर्तितः । तस्य पापस्य का वृत्तिः किं फलं प्राप्तवान्द्विज
ṛṣaya ūcuḥ- yo'sau venastvayākhyātaḥ pāpācāreṇa vartitaḥ | tasya pāpasya kā vṛttiḥ kiṃ phalaṃ prāptavāndvija
Sanskrit only: no published translation is held for this verse.
चरित्रं तस्य वेनस्य समाख्याहि यथा पुरा । विस्तरेण विदां श्रेष्ठ त्वं न एतन्महामते
caritraṃ tasya venasya samākhyāhi yathā purā | vistareṇa vidāṃ śreṣṭha tvaṃ na etanmahāmate
Sanskrit only: no published translation is held for this verse.
सूत उवाच- चरित्रं तस्य वेनस्य वैन्यस्यापि महात्मनः । प्रवक्ष्यामि सुपुण्यं च यथान्यायं श्रुतं पुरा
sūta uvāca- caritraṃ tasya venasya vainyasyāpi mahātmanaḥ | pravakṣyāmi supuṇyaṃ ca yathānyāyaṃ śrutaṃ purā
Sanskrit only: no published translation is held for this verse.
जाते पुत्रे महाभागस्तस्मिन्पृथौ महात्मनि । विमलत्वं गतो राजा धर्मत्वं गतवान्पुनः
jāte putre mahābhāgastasminpṛthau mahātmani | vimalatvaṃ gato rājā dharmatvaṃ gatavānpunaḥ
Sanskrit only: no published translation is held for this verse.
महापापानि सर्वाणि अर्जितानि नराधमैः । तीर्थसंगप्रसंगेन तेषां पापं प्रयाति च
mahāpāpāni sarvāṇi arjitāni narādhamaiḥ | tīrthasaṃgaprasaṃgena teṣāṃ pāpaṃ prayāti ca
Sanskrit only: no published translation is held for this verse.
सतां संगात्प्रजायेत पुण्यमेव न संशयः । पापानां तु प्रसंगेन पापमेव प्रजायते
satāṃ saṃgātprajāyeta puṇyameva na saṃśayaḥ | pāpānāṃ tu prasaṃgena pāpameva prajāyate
Sanskrit only: no published translation is held for this verse.
संभाषाद्दर्शनात्स्पर्शादासनाद्भोजनात्किल । पापिनां संगमाच्चैव किल्बिषं परिसंचरेत्
saṃbhāṣāddarśanātsparśādāsanādbhojanātkila | pāpināṃ saṃgamāccaiva kilbiṣaṃ parisaṃcaret
Sanskrit only: no published translation is held for this verse.
तथा पुण्यात्मकानां च पुण्यमेव प्रसंचरेत् । महातीर्थप्रसंगेन पापाः शुध्यंति नान्यथा
tathā puṇyātmakānāṃ ca puṇyameva prasaṃcaret | mahātīrthaprasaṃgena pāpāḥ śudhyaṃti nānyathā
Sanskrit only: no published translation is held for this verse.
पुण्यां गतिं प्रयान्त्येते निर्द्धूताशेष कल्मषाः । ऋषय ऊचुः- तत्कथं यांति ते पापाः परां सिद्धिं द्विजोत्तम
puṇyāṃ gatiṃ prayāntyete nirddhūtāśeṣa kalmaṣāḥ | ṛṣaya ūcuḥ- tatkathaṃ yāṃti te pāpāḥ parāṃ siddhiṃ dvijottama
Sanskrit only: no published translation is held for this verse.
तन्नो विस्तरतो ब्रूहि श्रोतुं श्रद्धा प्रवर्तते
tanno vistarato brūhi śrotuṃ śraddhā pravartate
Sanskrit only: no published translation is held for this verse.
सूत उवाच- लुब्धकाश्च महापापाः संजाता दासधीवराः । रेवा च यमुना गंगास्तासामंभसि संस्थिताः
sūta uvāca- lubdhakāśca mahāpāpāḥ saṃjātā dāsadhīvarāḥ | revā ca yamunā gaṃgāstāsāmaṃbhasi saṃsthitāḥ
Sanskrit only: no published translation is held for this verse.
ज्ञानतोऽज्ञानतः स्नात्वा संक्रीडंति च वै जले । महानद्याः प्रसंगेन ते यांति परमां गतिम्
jñānato'jñānataḥ snātvā saṃkrīḍaṃti ca vai jale | mahānadyāḥ prasaṃgena te yāṃti paramāṃ gatim
Sanskrit only: no published translation is held for this verse.
दासत्वं पापसंघातं परित्यज्य व्रजंति ते । पुण्यतोयप्रसंगाच्च ह्याप्लुताः सर्व एव ते
dāsatvaṃ pāpasaṃghātaṃ parityajya vrajaṃti te | puṇyatoyaprasaṃgācca hyāplutāḥ sarva eva te
Sanskrit only: no published translation is held for this verse.
महानद्याः प्रसंगाच्च अन्यासां नैव सत्तमाः । महापुण्यजनस्यापि पापं नश्यति पापिनाम्
mahānadyāḥ prasaṃgācca anyāsāṃ naiva sattamāḥ | mahāpuṇyajanasyāpi pāpaṃ naśyati pāpinām
Sanskrit only: no published translation is held for this verse.
प्रसंगाद्दर्शनात्स्पर्शान्नात्र कार्या विचारणा । अत्रार्थे श्रूयते विप्रा इतिहासोऽघनाशनः
prasaṃgāddarśanātsparśānnātra kāryā vicāraṇā | atrārthe śrūyate viprā itihāso'ghanāśanaḥ
Sanskrit only: no published translation is held for this verse.
तं वो अद्य प्रवक्ष्यामि बहुपुण्यप्रदायकम् । कश्चिदस्ति मृगव्याधः सुलोभाख्यो महावने
taṃ vo adya pravakṣyāmi bahupuṇyapradāyakam | kaścidasti mṛgavyādhaḥ sulobhākhyo mahāvane
Sanskrit only: no published translation is held for this verse.
श्वभिर्वागुरिजालैश्च धनुर्बाणैस्तथैव च । मृगान्घातयते नित्यं पिशितास्वादलंपटः
śvabhirvāgurijālaiśca dhanurbāṇaistathaiva ca | mṛgānghātayate nityaṃ piśitāsvādalaṃpaṭaḥ
Sanskrit only: no published translation is held for this verse.
एकदा तु सुदुष्टात्मा बाणपाणिर्धनुर्धरः । श्वभिः परिवृतो दुर्गं वनं विंध्यस्य वै गतः
ekadā tu suduṣṭātmā bāṇapāṇirdhanurdharaḥ | śvabhiḥ parivṛto durgaṃ vanaṃ viṃdhyasya vai gataḥ
Sanskrit only: no published translation is held for this verse.
मृगान्रुरून्वराहांश्च भीतान्सूदितवान्बहून् । रेवातीरं समासाद्य कश्चिच्छफरघातकः
mṛgānrurūnvarāhāṃśca bhītānsūditavānbahūn | revātīraṃ samāsādya kaścicchapharaghātakaḥ
Sanskrit only: no published translation is held for this verse.
शफरान्सूदयित्वा स निर्जगाम बहिर्जलात् । मृगव्याधस्य लोभस्य भयत्रस्ता ततो मृगी
śapharānsūdayitvā sa nirjagāma bahirjalāt | mṛgavyādhasya lobhasya bhayatrastā tato mṛgī
Sanskrit only: no published translation is held for this verse.
जीवत्राणपरा सार्ता भीता चलितचेतना । त्वरमाणा पलायंती रेवातीरं समाश्रिता
jīvatrāṇaparā sārtā bhītā calitacetanā | tvaramāṇā palāyaṃtī revātīraṃ samāśritā
Sanskrit only: no published translation is held for this verse.
श्वभिश्च चालिता सा तु बाणघातक्षतातुरा । श्वसनस्यापि वेगेन सुलभो मृगघातकः
śvabhiśca cālitā sā tu bāṇaghātakṣatāturā | śvasanasyāpi vegena sulabho mṛgaghātakaḥ
Sanskrit only: no published translation is held for this verse.
पृष्ठ एव समायाति पुरतो याति सा मृगी । दृष्टवांस्तां शफरहा बाणपाणिः समुद्यतः
pṛṣṭha eva samāyāti purato yāti sā mṛgī | dṛṣṭavāṃstāṃ śapharahā bāṇapāṇiḥ samudyataḥ
Sanskrit only: no published translation is held for this verse.
धनुरानम्य वेगेन अनुरुध्य च तां मृगीम् । तावल्लुब्धक लोभाख्यः श्वभिः सार्द्धं समागतः
dhanurānamya vegena anurudhya ca tāṃ mṛgīm | tāvallubdhaka lobhākhyaḥ śvabhiḥ sārddhaṃ samāgataḥ
Sanskrit only: no published translation is held for this verse.
न हंतव्या मदीयेयं मृगयां मे समागता । तस्य वाक्यं समाकर्ण्य मीनहा मांसलंपटः
na haṃtavyā madīyeyaṃ mṛgayāṃ me samāgatā | tasya vākyaṃ samākarṇya mīnahā māṃsalaṃpaṭaḥ
Sanskrit only: no published translation is held for this verse.
बाणं मुमोच दुष्टात्मा तामुद्दिश्य महाबलः । निहता मृगलुब्धेन बाणेन निशितेन च
bāṇaṃ mumoca duṣṭātmā tāmuddiśya mahābalaḥ | nihatā mṛgalubdhena bāṇena niśitena ca
Sanskrit only: no published translation is held for this verse.
प्रमृता सा मृगी तत्र बाणाभ्यां पापचेतसोः । श्वभिर्दंतैः समाक्रांता त्वरमाणा पपात सा
pramṛtā sā mṛgī tatra bāṇābhyāṃ pāpacetasoḥ | śvabhirdaṃtaiḥ samākrāṃtā tvaramāṇā papāta sā
Sanskrit only: no published translation is held for this verse.
शिखराच्च ह्रदे पुण्ये रेवायाः पापनाशने । श्वानश्च त्वरमाणास्ते पतिता विमले ह्रदे
śikharācca hrade puṇye revāyāḥ pāpanāśane | śvānaśca tvaramāṇāste patitā vimale hrade
Sanskrit only: no published translation is held for this verse.
मृगव्याधो वदत्येव धीवरं क्रोधमूर्च्छितः । मदीयेयं मृगी दुष्ट कस्माद्बाणैर्हता त्वया
mṛgavyādho vadatyeva dhīvaraṃ krodhamūrcchitaḥ | madīyeyaṃ mṛgī duṣṭa kasmādbāṇairhatā tvayā
Sanskrit only: no published translation is held for this verse.
तमुवाच पुनः सोऽपि मीनहा मृगघातकम् । मदीयेयं न संदेहो अवलिप्त प्रभाषसे
tamuvāca punaḥ so'pi mīnahā mṛgaghātakam | madīyeyaṃ na saṃdeho avalipta prabhāṣase
Sanskrit only: no published translation is held for this verse.
युध्यमानौ ततस्तौ तु द्वावेतौ तु परस्परम् । क्रोधलोभान्महाभागौ पतितौ विमले जले
yudhyamānau tatastau tu dvāvetau tu parasparam | krodhalobhānmahābhāgau patitau vimale jale
Sanskrit only: no published translation is held for this verse.
तस्मिन्काले महापर्व वर्तते गतिदायकम् । अमावास्या समायोगं महापुण्यफलप्रदम्
tasminkāle mahāparva vartate gatidāyakam | amāvāsyā samāyogaṃ mahāpuṇyaphalapradam
Sanskrit only: no published translation is held for this verse.
वेलायां पतिताः सर्वे पर्वणस्तस्य सत्तम । जपध्यानविहीनास्ते भावसत्यविवर्जिताः
velāyāṃ patitāḥ sarve parvaṇastasya sattama | japadhyānavihīnāste bhāvasatyavivarjitāḥ
Sanskrit only: no published translation is held for this verse.
तीर्थस्नानप्रसंगेन मृगी श्वा च स लुब्धकः । सर्वपापविनिर्मुक्तास्ते गताः परमां गतिम्
tīrthasnānaprasaṃgena mṛgī śvā ca sa lubdhakaḥ | sarvapāpavinirmuktāste gatāḥ paramāṃ gatim
Sanskrit only: no published translation is held for this verse.
तीर्थानां च प्रभावेण सतां संगाद्द्विजोत्तमाः । नाशयेत्पापिनां पापं दहेदग्निरिवेंधनम्
tīrthānāṃ ca prabhāveṇa satāṃ saṃgāddvijottamāḥ | nāśayetpāpināṃ pāpaṃ dahedagniriveṃdhanam
Sanskrit only: no published translation is held for this verse.
सूत उवाच- तेषामेवं हि संसर्गादृषीणां च महात्मनाम् । संभाषाद्दर्शनान्नष्टं स्पर्शाच्चैव नृपस्य च
sūta uvāca- teṣāmevaṃ hi saṃsargādṛṣīṇāṃ ca mahātmanām | saṃbhāṣāddarśanānnaṣṭaṃ sparśāccaiva nṛpasya ca
Sanskrit only: no published translation is held for this verse.
वेनस्य कल्मषं नष्टं सतां संगात्पुरा किल । अत्युग्रपुण्यसंसर्गात्पापं नश्यति पापिनाम्
venasya kalmaṣaṃ naṣṭaṃ satāṃ saṃgātpurā kila | atyugrapuṇyasaṃsargātpāpaṃ naśyati pāpinām
Sanskrit only: no published translation is held for this verse.
अत्युग्रपापिनां संगात्पापमेव प्रसंचरेत् । मातामहस्य दोषेण संलिप्तो वेन एव सः
atyugrapāpināṃ saṃgātpāpameva prasaṃcaret | mātāmahasya doṣeṇa saṃlipto vena eva saḥ
Sanskrit only: no published translation is held for this verse.
ऋषय ऊचुः- मातामहस्य को दोषस्तं नो विस्तरतो वद । स मृत्युः स च वै कालः स यमो धर्म एव च
ṛṣaya ūcuḥ- mātāmahasya ko doṣastaṃ no vistarato vada | sa mṛtyuḥ sa ca vai kālaḥ sa yamo dharma eva ca
Sanskrit only: no published translation is held for this verse.
न हिंसको हि कस्यापि पदे तस्मिन्प्रतिष्ठितः । चराचराश्च ये लोकाः स्वकर्मवशवर्तिनः
na hiṃsako hi kasyāpi pade tasminpratiṣṭhitaḥ | carācarāśca ye lokāḥ svakarmavaśavartinaḥ
Sanskrit only: no published translation is held for this verse.
जीवंति च म्रियंते च भुंजंत्येवं स्वकर्मभिः । पापाः पश्यंति तं घोरं तेषां कर्मविपाकतः
jīvaṃti ca mriyaṃte ca bhuṃjaṃtyevaṃ svakarmabhiḥ | pāpāḥ paśyaṃti taṃ ghoraṃ teṣāṃ karmavipākataḥ
Sanskrit only: no published translation is held for this verse.
निरयेषु च सर्वेषु कर्मणैवं सुपुण्यवान् । योजयेत्ताडयेत्सूत यम एष दिनेदिने
nirayeṣu ca sarveṣu karmaṇaivaṃ supuṇyavān | yojayettāḍayetsūta yama eṣa dinedine
Sanskrit only: no published translation is held for this verse.
सर्वेष्वेव सुपुण्येषु कर्मस्वेवं सपुण्यवान् । योजयत्येव धर्मात्मा तस्य दोषो न दृश्यते
sarveṣveva supuṇyeṣu karmasvevaṃ sapuṇyavān | yojayatyeva dharmātmā tasya doṣo na dṛśyate
Sanskrit only: no published translation is held for this verse.
स मृत्योः केन दोषेण पापी वेनस्त्वजायत । सूत उवाच- स मृत्युः शासको नित्यं पापानां दुष्टचेतसाम्
sa mṛtyoḥ kena doṣeṇa pāpī venastvajāyata | sūta uvāca- sa mṛtyuḥ śāsako nityaṃ pāpānāṃ duṣṭacetasām
Sanskrit only: no published translation is held for this verse.
वर्तते कालरूपेण तेषां कर्म विमृश्यति । दुष्कृतं कर्म यस्यापि कर्मणा तेन घातयेत्
vartate kālarūpeṇa teṣāṃ karma vimṛśyati | duṣkṛtaṃ karma yasyāpi karmaṇā tena ghātayet
Sanskrit only: no published translation is held for this verse.
तस्य पापं विदित्वाऽसौ नयत्येवं हि तं यमः । सुकृतात्मा लभेत्स्वर्गं कर्मणा सुकृतेन वै
tasya pāpaṃ viditvā'sau nayatyevaṃ hi taṃ yamaḥ | sukṛtātmā labhetsvargaṃ karmaṇā sukṛtena vai
Sanskrit only: no published translation is held for this verse.
योजयत्येष तान्सर्वान्मृत्युरेव सुदूतकैः । महता सौख्यभावेन गीतमंगलकारिणा
yojayatyeṣa tānsarvānmṛtyureva sudūtakaiḥ | mahatā saukhyabhāvena gītamaṃgalakāriṇā
Sanskrit only: no published translation is held for this verse.
दानभोगादिभिश्चैव योजयेच्च कृतात्मकान् । पीडाभिर्विविधाभिश्च क्लेशैः काष्ठैश्च दारुणैः
dānabhogādibhiścaiva yojayecca kṛtātmakān | pīḍābhirvividhābhiśca kleśaiḥ kāṣṭhaiśca dāruṇaiḥ
Sanskrit only: no published translation is held for this verse.
त्रासयेत्ताडयेद्विप्रान्स क्रोधो मृत्युरेव तान् । कर्मण्येवं हि तस्यापि व्यापारः परिवर्तते
trāsayettāḍayedviprānsa krodho mṛtyureva tān | karmaṇyevaṃ hi tasyāpi vyāpāraḥ parivartate
Sanskrit only: no published translation is held for this verse.
मृत्योश्चापि महाभाग लोभात्पुण्यात्प्रजायते । सुनीथा नाम वै कन्या संजातैषा महात्मनः
mṛtyoścāpi mahābhāga lobhātpuṇyātprajāyate | sunīthā nāma vai kanyā saṃjātaiṣā mahātmanaḥ
Sanskrit only: no published translation is held for this verse.
पितुःकर्म विमृश्यैव क्रीडमाना सदैव सा । प्रजानां शास्ति कर्तारं पुण्यपापनिरीक्षणम्
pituḥkarma vimṛśyaiva krīḍamānā sadaiva sā | prajānāṃ śāsti kartāraṃ puṇyapāpanirīkṣaṇam
Sanskrit only: no published translation is held for this verse.
सा तु कन्या महाभागा सुनीथा नाम तस्य सा । रममाणा वनं प्राप्ता सखीभिः परिवारिता
sā tu kanyā mahābhāgā sunīthā nāma tasya sā | ramamāṇā vanaṃ prāptā sakhībhiḥ parivāritā
Sanskrit only: no published translation is held for this verse.
तत्रापश्यन्महाभागं गंधर्वतनयं वरम् । गीतकोलाहलस्यापि सुशंखं नाम सा तदा
tatrāpaśyanmahābhāgaṃ gaṃdharvatanayaṃ varam | gītakolāhalasyāpi suśaṃkhaṃ nāma sā tadā
Sanskrit only: no published translation is held for this verse.
ददर्श चारुसर्वांगं तप्यंतं सुमहत्तपः । गीतविद्यासु सिद्ध्यर्थं ध्यायमानं सरस्वतीम्
dadarśa cārusarvāṃgaṃ tapyaṃtaṃ sumahattapaḥ | gītavidyāsu siddhyarthaṃ dhyāyamānaṃ sarasvatīm
Sanskrit only: no published translation is held for this verse.
तस्योपघातमेवासौ सा चकार दिने दिने । सुशंखः क्षमते नित्यं गच्छगच्छेति सोऽब्रवीत्
tasyopaghātamevāsau sā cakāra dine dine | suśaṃkhaḥ kṣamate nityaṃ gacchagaccheti so'bravīt
Sanskrit only: no published translation is held for this verse.
प्रेषिता नैव गच्छेत्सा विघ्नमेव समाचरेत् । तेनाप्युक्ता सा हि क्रुद्धा ताडयत्तपसि स्थितम्
preṣitā naiva gacchetsā vighnameva samācaret | tenāpyuktā sā hi kruddhā tāḍayattapasi sthitam
Sanskrit only: no published translation is held for this verse.
तामुवाच ततः क्रुद्धः सुशंखः क्रोधमूर्च्छितः । दुष्टे पापसमाचारे कस्माद्विघ्नस्त्वया कृतः
tāmuvāca tataḥ kruddhaḥ suśaṃkhaḥ krodhamūrcchitaḥ | duṣṭe pāpasamācāre kasmādvighnastvayā kṛtaḥ
Sanskrit only: no published translation is held for this verse.
ताडनात्ताडनं दुष्टे न कुर्वंति महाजनाः । आक्रुष्टा नैव कुप्यंति इति धर्मस्य संस्थितिः
tāḍanāttāḍanaṃ duṣṭe na kurvaṃti mahājanāḥ | ākruṣṭā naiva kupyaṃti iti dharmasya saṃsthitiḥ
Sanskrit only: no published translation is held for this verse.
त्वयाहं घातितः पापे निर्दोषस्तपसान्वितः । एवमुक्त्वा स धर्मात्मा सुनीथां पापचारिणीम्
tvayāhaṃ ghātitaḥ pāpe nirdoṣastapasānvitaḥ | evamuktvā sa dharmātmā sunīthāṃ pāpacāriṇīm
Sanskrit only: no published translation is held for this verse.
विरराम महाक्रोधाज्ज्ञात्वा नारीं निवर्तितः । ततः सा पापमोहाद्वा बाल्याद्वा तमिहैव च
virarāma mahākrodhājjñātvā nārīṃ nivartitaḥ | tataḥ sā pāpamohādvā bālyādvā tamihaiva ca
Sanskrit only: no published translation is held for this verse.
समुवाच महात्मानं सुशंखं तपसि स्थितम् । त्रैलोक्यवासिनां तातो ममैव परिघातकः
samuvāca mahātmānaṃ suśaṃkhaṃ tapasi sthitam | trailokyavāsināṃ tāto mamaiva parighātakaḥ
Sanskrit only: no published translation is held for this verse.
असतो घातयेन्नित्यं सत्यान्स परिपालयेत् । नैव दोषो भवेत्तस्य महापुण्येन वर्तयेत्
asato ghātayennityaṃ satyānsa paripālayet | naiva doṣo bhavettasya mahāpuṇyena vartayet
Sanskrit only: no published translation is held for this verse.
एवमुक्त्वा गता सा तु पितरं वाक्यमब्रवीत् । मया हि ताडितस्तात गंधर्वतनयो वने
evamuktvā gatā sā tu pitaraṃ vākyamabravīt | mayā hi tāḍitastāta gaṃdharvatanayo vane
Sanskrit only: no published translation is held for this verse.
तपस्तपन्सदैकांते कामक्रोधविवर्जितः । स मामुवाच धर्मात्मा क्रोधरागसमन्वितः
tapastapansadaikāṃte kāmakrodhavivarjitaḥ | sa māmuvāca dharmātmā krodharāgasamanvitaḥ
Sanskrit only: no published translation is held for this verse.
ताडयेन्नैव ताडंतं क्रोशंतं नैव क्रोशयेत् । इत्युवाच स मां तात तन्मे त्वं कारणं वद
tāḍayennaiva tāḍaṃtaṃ krośaṃtaṃ naiva krośayet | ityuvāca sa māṃ tāta tanme tvaṃ kāraṇaṃ vada
Sanskrit only: no published translation is held for this verse.
एवमुक्तः स वै मृत्युः सुनीथां द्विजसत्तमाः । किंचिन्नोवाच धर्मात्मा प्रश्नप्रत्युत्तरं ततः
evamuktaḥ sa vai mṛtyuḥ sunīthāṃ dvijasattamāḥ | kiṃcinnovāca dharmātmā praśnapratyuttaraṃ tataḥ
Sanskrit only: no published translation is held for this verse.
वनं प्राप्ता पुनः सा हि सुशंखो यत्र संस्थितः । कराघातैस्ततो दौष्ट्याद्घातितस्तपतां वरः
vanaṃ prāptā punaḥ sā hi suśaṃkho yatra saṃsthitaḥ | karāghātaistato dauṣṭyādghātitastapatāṃ varaḥ
Sanskrit only: no published translation is held for this verse.
सुशंखस्ताडितो विप्रा मृत्योश्चैव हि कन्यया । ततः क्रुद्धो महातेजाः शशाप तनुमध्यमाम्
suśaṃkhastāḍito viprā mṛtyoścaiva hi kanyayā | tataḥ kruddho mahātejāḥ śaśāpa tanumadhyamām
Sanskrit only: no published translation is held for this verse.
निर्दोषो हि यतो दुष्टे त्वयैव परिताडितः । अहमत्र वने संस्थस्तस्माच्छापं ददाम्यहम्
nirdoṣo hi yato duṣṭe tvayaiva paritāḍitaḥ | ahamatra vane saṃsthastasmācchāpaṃ dadāmyaham
Sanskrit only: no published translation is held for this verse.
गार्हस्थ्यं च समास्थाय सह भर्त्रा यदा शृणु । पापाचारमयः पुत्रो देवब्राह्मणनिंदकः
gārhasthyaṃ ca samāsthāya saha bhartrā yadā śṛṇu | pāpācāramayaḥ putro devabrāhmaṇaniṃdakaḥ
Sanskrit only: no published translation is held for this verse.
सर्वपापरतो दुष्टे तव गर्भे भविष्यति । एवं शप्त्वा गतः सोपि तप एव समाश्रितः
sarvapāparato duṣṭe tava garbhe bhaviṣyati | evaṃ śaptvā gataḥ sopi tapa eva samāśritaḥ
Sanskrit only: no published translation is held for this verse.
गते तस्मिन्महाभागे सा सुनीथा गृहं गता । समाचष्ट महात्मानं पितरं तप्तमानसा
gate tasminmahābhāge sā sunīthā gṛhaṃ gatā | samācaṣṭa mahātmānaṃ pitaraṃ taptamānasā
Sanskrit only: no published translation is held for this verse.
यथा शप्ता तदा तेन गंधर्वतनयेन सा । तत्सर्वं संश्रुतं तेन मृत्युना परिभाषितम्
yathā śaptā tadā tena gaṃdharvatanayena sā | tatsarvaṃ saṃśrutaṃ tena mṛtyunā paribhāṣitam
Sanskrit only: no published translation is held for this verse.
कस्मात्कृतस्त्वयाघातस्तपति दोषवर्जिते । युक्तं नैव कृतं पुत्रि सत्यस्यैव हि ताडनम्
kasmātkṛtastvayāghātastapati doṣavarjite | yuktaṃ naiva kṛtaṃ putri satyasyaiva hi tāḍanam
Sanskrit only: no published translation is held for this verse.
एवमाभाष्य धर्मात्मा मृत्युः परमदुःखितः । बभूव स हि तत्तस्यादिष्टमेवं विचिंतयन्
evamābhāṣya dharmātmā mṛtyuḥ paramaduḥkhitaḥ | babhūva sa hi tattasyādiṣṭamevaṃ viciṃtayan
Sanskrit only: no published translation is held for this verse.
सूत उवाच- अत्रिपुत्रो महातेजा अंगो नाम प्रतापवान् । एकदा तु गतो विप्रा नंदनं प्रति स द्विजः
sūta uvāca- atriputro mahātejā aṃgo nāma pratāpavān | ekadā tu gato viprā naṃdanaṃ prati sa dvijaḥ
Sanskrit only: no published translation is held for this verse.
तत्र दृष्ट्वा देवराजं तमिंद्रं पाकशासनम् । अप्सरसां गणैर्युक्तं गंधर्वैः किन्नरैस्तथा
tatra dṛṣṭvā devarājaṃ tamiṃdraṃ pākaśāsanam | apsarasāṃ gaṇairyuktaṃ gaṃdharvaiḥ kinnaraistathā
Sanskrit only: no published translation is held for this verse.
गीयमानं गीतगैश्च सुस्वरैः सप्तकैस्तथा । वीज्यमानं सुगंधैश्च व्यजनैः सर्व एव सः
gīyamānaṃ gītagaiśca susvaraiḥ saptakaistathā | vījyamānaṃ sugaṃdhaiśca vyajanaiḥ sarva eva saḥ
Sanskrit only: no published translation is held for this verse.
योषिद्भी रूपयुक्ताभिश्चामरैर्हंसगामिभिः । छत्रेण हंसवर्णेन चंद्रबिंबानुकारिणा
yoṣidbhī rūpayuktābhiścāmarairhaṃsagāmibhiḥ | chatreṇa haṃsavarṇena caṃdrabiṃbānukāriṇā
Sanskrit only: no published translation is held for this verse.
राजमानं सहस्राक्षं सर्वाभरणभूषितम् । कामक्रीडागतं देवं दृष्टवानमितौजसम्
rājamānaṃ sahasrākṣaṃ sarvābharaṇabhūṣitam | kāmakrīḍāgataṃ devaṃ dṛṣṭavānamitaujasam
Sanskrit only: no published translation is held for this verse.
तस्य पार्श्वे महाभागां पौलोमीं चारुमंगलाम् । रूपेण तेजसा चैव तपसा च यशस्विनीम्
tasya pārśve mahābhāgāṃ paulomīṃ cārumaṃgalām | rūpeṇa tejasā caiva tapasā ca yaśasvinīm
Sanskrit only: no published translation is held for this verse.
सौभाग्येन विराजंतीं पातिव्रत्येन तां सतीम् । तया सह सहस्राक्षः स रेमे नंदने वने
saubhāgyena virājaṃtīṃ pātivratyena tāṃ satīm | tayā saha sahasrākṣaḥ sa reme naṃdane vane
Sanskrit only: no published translation is held for this verse.
तस्य लीलां समालोक्य अंगश्चैव द्विजोत्तमः । धन्यो वै देवराजोऽयमीदृशैः परिवारितः
tasya līlāṃ samālokya aṃgaścaiva dvijottamaḥ | dhanyo vai devarājo'yamīdṛśaiḥ parivāritaḥ
Sanskrit only: no published translation is held for this verse.
अहोऽस्य तपसो वीर्यं येन प्राप्तं महत्पदम् । यदा ममेदृशः पुत्रः सर्वलोकप्रधारकः
aho'sya tapaso vīryaṃ yena prāptaṃ mahatpadam | yadā mamedṛśaḥ putraḥ sarvalokapradhārakaḥ
Sanskrit only: no published translation is held for this verse.
भवेत्तदा महत्सौख्यं प्राप्स्यामीह न संशयः । इति चिंतापरो भूत्वा त्वरमाणो गृहागतः
bhavettadā mahatsaukhyaṃ prāpsyāmīha na saṃśayaḥ | iti ciṃtāparo bhūtvā tvaramāṇo gṛhāgataḥ
Sanskrit only: no published translation is held for this verse.