Padma Purāṇa 2.33

ऋषय ऊचुः- शप्ता गंधर्वपुत्रेण सुशंखेन महात्मना । तस्य शापात्कथं जाता किं किं कर्म कृतं तया

ṛṣaya ūcuḥ- śaptā gaṃdharvaputreṇa suśaṃkhena mahātmanā | tasya śāpātkathaṃ jātā kiṃ kiṃ karma kṛtaṃ tayā

Sanskrit only: no published translation is held for this verse.

सा लेभे कीदृशं पुत्रं तस्य शापाद्द्विजोत्तम । सुनीथायाश्च चरितं त्वं नो विस्तरतो वद

sā lebhe kīdṛśaṃ putraṃ tasya śāpāddvijottama | sunīthāyāśca caritaṃ tvaṃ no vistarato vada

Sanskrit only: no published translation is held for this verse.

सूत उवाच- सुशंखेनापि तेनैव सा शप्ता तनुमध्यमा । पितुः स्थानं गता सा तु सुनीथा दुःखपीडिता

sūta uvāca- suśaṃkhenāpi tenaiva sā śaptā tanumadhyamā | pituḥ sthānaṃ gatā sā tu sunīthā duḥkhapīḍitā

Sanskrit only: no published translation is held for this verse.

पितरं चात्मनश्चैव चरितं च प्रकाशितम् । श्रुतवान्सोपि धर्मात्मा मृत्युः सत्यवतां वर

pitaraṃ cātmanaścaiva caritaṃ ca prakāśitam | śrutavānsopi dharmātmā mṛtyuḥ satyavatāṃ vara

Sanskrit only: no published translation is held for this verse.

तामुवाच सुनीथां तु सुतां शप्तां महात्मना । भवत्या दुष्कृतं पापं धर्म तेजः प्रणाशनम्

tāmuvāca sunīthāṃ tu sutāṃ śaptāṃ mahātmanā | bhavatyā duṣkṛtaṃ pāpaṃ dharma tejaḥ praṇāśanam

Sanskrit only: no published translation is held for this verse.

कस्मात्कृतं महाभागे सुशांतस्य हि ताडनम् । विरुद्धं सर्वलोकस्य भवत्या परिकल्पितम्

kasmātkṛtaṃ mahābhāge suśāṃtasya hi tāḍanam | viruddhaṃ sarvalokasya bhavatyā parikalpitam

Sanskrit only: no published translation is held for this verse.

कामक्रोधविहीनं तं सुशांतं धर्मवत्सलम् । तपोमार्गे विलीनं च परब्रह्मणि संस्थितम्

kāmakrodhavihīnaṃ taṃ suśāṃtaṃ dharmavatsalam | tapomārge vilīnaṃ ca parabrahmaṇi saṃsthitam

Sanskrit only: no published translation is held for this verse.

तमेवघातयेद्यो वै तस्य पापं शृणुष्व हि । पापात्मा जायते पुत्रः किल्बिषं लभते बहु

tamevaghātayedyo vai tasya pāpaṃ śṛṇuṣva hi | pāpātmā jāyate putraḥ kilbiṣaṃ labhate bahu

Sanskrit only: no published translation is held for this verse.

ताडंतं ताडयेद्यो वै क्रोशंतं क्रोशयेत्पुनः । तस्य पापं स वै भुंक्ते ताडितस्य न संशयः

tāḍaṃtaṃ tāḍayedyo vai krośaṃtaṃ krośayetpunaḥ | tasya pāpaṃ sa vai bhuṃkte tāḍitasya na saṃśayaḥ

Sanskrit only: no published translation is held for this verse.

स वै शांतः स जितात्मा ताडयंतं न ताडयेत् । निर्दोषं प्रति येनापि ताडनं च कृतं सुते

sa vai śāṃtaḥ sa jitātmā tāḍayaṃtaṃ na tāḍayet | nirdoṣaṃ prati yenāpi tāḍanaṃ ca kṛtaṃ sute

Sanskrit only: no published translation is held for this verse.

पश्चान्मोहेन पापेन निर्दोषेऽपि च ताडयेत् । निर्दोषं प्रति येनापि हृद्रोगः क्रियते वृथा

paścānmohena pāpena nirdoṣe'pi ca tāḍayet | nirdoṣaṃ prati yenāpi hṛdrogaḥ kriyate vṛthā

Sanskrit only: no published translation is held for this verse.

निर्दोषं ताडयेत्पश्चान्मोहात्पापेन केनचित् । स पापी पापमाप्नोति निर्दोषस्य शरीरजम्

nirdoṣaṃ tāḍayetpaścānmohātpāpena kenacit | sa pāpī pāpamāpnoti nirdoṣasya śarīrajam

Sanskrit only: no published translation is held for this verse.

निर्दोषो घातयेत्तं वै ताडंतं पापचेतसम् । पुनरुत्थाय वेगेन साहसात्पापचेतनम्

nirdoṣo ghātayettaṃ vai tāḍaṃtaṃ pāpacetasam | punarutthāya vegena sāhasātpāpacetanam

Sanskrit only: no published translation is held for this verse.

पापकर्तुश्च यत्पापं निर्दोषं प्रति गच्छति । ताडनं नैव तस्माद्वै कार्यं दोषवतोऽपि च

pāpakartuśca yatpāpaṃ nirdoṣaṃ prati gacchati | tāḍanaṃ naiva tasmādvai kāryaṃ doṣavato'pi ca

Sanskrit only: no published translation is held for this verse.

दुष्कृतं च महत्पुत्रि त्वयैव परिपालितम् । शप्ता तेनापि याद्यैव तस्मात्पुण्यं समाचर

duṣkṛtaṃ ca mahatputri tvayaiva paripālitam | śaptā tenāpi yādyaiva tasmātpuṇyaṃ samācara

Sanskrit only: no published translation is held for this verse.

सतां संगं समासाद्य सदैव परिवर्तय । योगध्यानेन ज्ञानेन परिवर्तय नंदिनि

satāṃ saṃgaṃ samāsādya sadaiva parivartaya | yogadhyānena jñānena parivartaya naṃdini

Sanskrit only: no published translation is held for this verse.

सतां संगो महापुण्यो बहुश्रेयो विधायकः । बाले पश्य सुदृष्टांतं सतां संगस्य यद्गुणम्

satāṃ saṃgo mahāpuṇyo bahuśreyo vidhāyakaḥ | bāle paśya sudṛṣṭāṃtaṃ satāṃ saṃgasya yadguṇam

Sanskrit only: no published translation is held for this verse.

अपां संस्पर्शनात्पानात्स्नानात्तत्र महाधियः । मुनयः सिद्धिमायांति बाह्याभ्यंतरक्षालिताः

apāṃ saṃsparśanātpānātsnānāttatra mahādhiyaḥ | munayaḥ siddhimāyāṃti bāhyābhyaṃtarakṣālitāḥ

Sanskrit only: no published translation is held for this verse.

शुचिष्मंतो भवंत्येते लोकाः सर्वे चराचराः । आपः शांताः सुशीताश्च मृदुगात्राः प्रियंकराः

śuciṣmaṃto bhavaṃtyete lokāḥ sarve carācarāḥ | āpaḥ śāṃtāḥ suśītāśca mṛdugātrāḥ priyaṃkarāḥ

Sanskrit only: no published translation is held for this verse.

निर्मला रसवत्यश्च पुण्यवीर्या मलापहाः । तथा संतस्त्वया ज्ञेया निषेव्याश्च प्रयत्नतः

nirmalā rasavatyaśca puṇyavīryā malāpahāḥ | tathā saṃtastvayā jñeyā niṣevyāśca prayatnataḥ

Sanskrit only: no published translation is held for this verse.

यथा वह्निप्रसंगाच्च मलं त्यजति कांचनम् । तथा सतां हि संसर्गात्पापं त्यजति मानवः

yathā vahniprasaṃgācca malaṃ tyajati kāṃcanam | tathā satāṃ hi saṃsargātpāpaṃ tyajati mānavaḥ

Sanskrit only: no published translation is held for this verse.

सत्यवह्निः प्रदीप्तश्च प्रज्वलेत्पुण्यतेजसा । सत्येन दीप्ततेजास्तु ज्ञानेनापि सुनिर्मलः

satyavahniḥ pradīptaśca prajvaletpuṇyatejasā | satyena dīptatejāstu jñānenāpi sunirmalaḥ

Sanskrit only: no published translation is held for this verse.

अत्युष्णो ध्यानभावेन अस्पृश्यः पापजैर्नरैः । सत्यवह्नेः प्रसंगाच्च पापं सर्वं विनश्यति

atyuṣṇo dhyānabhāvena aspṛśyaḥ pāpajairnaraiḥ | satyavahneḥ prasaṃgācca pāpaṃ sarvaṃ vinaśyati

Sanskrit only: no published translation is held for this verse.

तस्मात्सत्यस्य संसर्गः कर्तव्यः सर्वथा त्वया । पापभारं परित्यज्य पुण्यमेवं समाश्रय

tasmātsatyasya saṃsargaḥ kartavyaḥ sarvathā tvayā | pāpabhāraṃ parityajya puṇyamevaṃ samāśraya

Sanskrit only: no published translation is held for this verse.

सूत उवाच- एवं पित्रा सुनीथा सा दुःखिता प्रतिबोधिता । नमस्कृत्य पितुः पादौ गता सा निर्जनं वनम्

sūta uvāca- evaṃ pitrā sunīthā sā duḥkhitā pratibodhitā | namaskṛtya pituḥ pādau gatā sā nirjanaṃ vanam

Sanskrit only: no published translation is held for this verse.

कामं क्रोधं परित्यज्य बाल्यभावं तपस्विनी । मोहद्रोहौ च मायां च त्यक्त्वा एकांतमास्थिता

kāmaṃ krodhaṃ parityajya bālyabhāvaṃ tapasvinī | mohadrohau ca māyāṃ ca tyaktvā ekāṃtamāsthitā

Sanskrit only: no published translation is held for this verse.

तस्याः सख्यः समाजग्मुः क्रीडार्थं लीलयान्विताः । तां ददृशुर्विशालाक्ष्यः सुनीथां दुःखभागिनीम्

tasyāḥ sakhyaḥ samājagmuḥ krīḍārthaṃ līlayānvitāḥ | tāṃ dadṛśurviśālākṣyaḥ sunīthāṃ duḥkhabhāginīm

Sanskrit only: no published translation is held for this verse.

ध्यायंतीं चिंतयानां तामूचुश्चिंतापरायणाः । कस्माच्चिंतसि भद्रे त्वमनया चिंतयान्विता

dhyāyaṃtīṃ ciṃtayānāṃ tāmūcuściṃtāparāyaṇāḥ | kasmācciṃtasi bhadre tvamanayā ciṃtayānvitā

Sanskrit only: no published translation is held for this verse.

तन्नो वै कारणं ब्रूहि चिंतादुःखप्रदायिनी । एकैव सार्थकी चिंता धर्मस्यार्थे विचिंत्यते

tanno vai kāraṇaṃ brūhi ciṃtāduḥkhapradāyinī | ekaiva sārthakī ciṃtā dharmasyārthe viciṃtyate

Sanskrit only: no published translation is held for this verse.

द्वितीया सार्थका चिंता योगिनां धर्मनंदिनी । अन्या निरर्थिका चिंता तां नैव परिकल्पयेत्

dvitīyā sārthakā ciṃtā yogināṃ dharmanaṃdinī | anyā nirarthikā ciṃtā tāṃ naiva parikalpayet

Sanskrit only: no published translation is held for this verse.

कायनाशकरी चिंता बल तेजः प्रणाशिनी । नाशयेत्सर्वसौख्यं तु रूपहानिं निदर्शयेत्

kāyanāśakarī ciṃtā bala tejaḥ praṇāśinī | nāśayetsarvasaukhyaṃ tu rūpahāniṃ nidarśayet

Sanskrit only: no published translation is held for this verse.

तृष्णां मोहं तथा लोभमेतांश्चिंता हि प्रापयेत् । पापमुत्पादयेच्चिंता चिंतिता च दिने दिने

tṛṣṇāṃ mohaṃ tathā lobhametāṃściṃtā hi prāpayet | pāpamutpādayecciṃtā ciṃtitā ca dine dine

Sanskrit only: no published translation is held for this verse.

चिंताव्याधिप्रकाशाय नरकाय प्रकल्पयेत् । तस्माच्चिंतां परित्यज्य चानुवर्तस्व शोभने

ciṃtāvyādhiprakāśāya narakāya prakalpayet | tasmācciṃtāṃ parityajya cānuvartasva śobhane

Sanskrit only: no published translation is held for this verse.

अर्जितं कर्मणा पूर्वं स्वयमेव नरेण तु । तदेव भुंक्तेऽसौ जंतुर्ज्ञानवान्न विचिंतयेत्

arjitaṃ karmaṇā pūrvaṃ svayameva nareṇa tu | tadeva bhuṃkte'sau jaṃturjñānavānna viciṃtayet

Sanskrit only: no published translation is held for this verse.

तस्माच्चिंतां परित्यज्य सुखदुःखादिकं वद । तासां तद्वचनं श्रुत्वा सुनीथा वाक्यमब्रवीत्

tasmācciṃtāṃ parityajya sukhaduḥkhādikaṃ vada | tāsāṃ tadvacanaṃ śrutvā sunīthā vākyamabravīt

Sanskrit only: no published translation is held for this verse.