Padma Purāṇa 2.34

सूत उवाच- यथा शप्ता वने पूर्वं सुशंखेन महात्मना । तासु सर्वं समाख्यातं सखीष्वेव विचेष्टितम्

sūta uvāca- yathā śaptā vane pūrvaṃ suśaṃkhena mahātmanā | tāsu sarvaṃ samākhyātaṃ sakhīṣveva viceṣṭitam

Sanskrit only: no published translation is held for this verse.

आत्मनश्च महाभागा दुःखेनातिप्रपीडिता । सुनीथोवाच- अन्यच्चैव प्रवक्ष्यामि सख्यः शृण्वंतु सांप्रतम्

ātmanaśca mahābhāgā duḥkhenātiprapīḍitā | sunīthovāca- anyaccaiva pravakṣyāmi sakhyaḥ śṛṇvaṃtu sāṃpratam

Sanskrit only: no published translation is held for this verse.

मदीयरूपसंपत्ति वयः सगुणसंपदः । विलोक्य तातश्चिंतात्मा संजातो मम कारणात्

madīyarūpasaṃpatti vayaḥ saguṇasaṃpadaḥ | vilokya tātaściṃtātmā saṃjāto mama kāraṇāt

Sanskrit only: no published translation is held for this verse.

देवेभ्यो दातुकामोऽसौ मुनिभ्यस्तु महायशाः । मां च हस्ते विगृह्यैव सर्वान्वाक्यमुदाहरत्

devebhyo dātukāmo'sau munibhyastu mahāyaśāḥ | māṃ ca haste vigṛhyaiva sarvānvākyamudāharat

Sanskrit only: no published translation is held for this verse.

गुणयुक्ता सुता बाला ममेयं चारुलोचना । दातुकामोस्मि भद्रं वो गुणिने सुमहात्मने

guṇayuktā sutā bālā mameyaṃ cārulocanā | dātukāmosmi bhadraṃ vo guṇine sumahātmane

Sanskrit only: no published translation is held for this verse.

मृत्योर्वाक्यं ततो देवा ऋषयः शुश्रुवुस्तदा । तमूचुर्भाषमाणं ते देवा इंद्र पुरोगमाः

mṛtyorvākyaṃ tato devā ṛṣayaḥ śuśruvustadā | tamūcurbhāṣamāṇaṃ te devā iṃdra purogamāḥ

Sanskrit only: no published translation is held for this verse.

तव कन्या गुणाढ्येयं शीलानां परमो निधिः । दोषेणैकेन संदुष्टा ऋषिशापेन तेन वै

tava kanyā guṇāḍhyeyaṃ śīlānāṃ paramo nidhiḥ | doṣeṇaikena saṃduṣṭā ṛṣiśāpena tena vai

Sanskrit only: no published translation is held for this verse.

अस्यामुत्पत्स्यते पुत्रो यस्य वीर्यात्पुमान्किल । भविता स महापापी पुण्यवंशविनाशकः

asyāmutpatsyate putro yasya vīryātpumānkila | bhavitā sa mahāpāpī puṇyavaṃśavināśakaḥ

Sanskrit only: no published translation is held for this verse.

गंगातोयेन संपूर्णः कुंभ एव प्रदृश्यते । सुरायाबिन्दुनालिप्तो मद्यकुम्भः प्रजायते

gaṃgātoyena saṃpūrṇaḥ kuṃbha eva pradṛśyate | surāyābindunālipto madyakumbhaḥ prajāyate

Sanskrit only: no published translation is held for this verse.

पापस्य पापसंसर्गात्कुलं पापि प्रजायते । आरनालस्य वै बिंदुः क्षीरमध्ये प्रयाति चेत्

pāpasya pāpasaṃsargātkulaṃ pāpi prajāyate | āranālasya vai biṃduḥ kṣīramadhye prayāti cet

Sanskrit only: no published translation is held for this verse.

पश्चान्नाशयते क्षीरमात्मरूपं प्रकाशयेत् । तद्वद्विनाशयेद्वंशं पापः पुत्रो न संशयः

paścānnāśayate kṣīramātmarūpaṃ prakāśayet | tadvadvināśayedvaṃśaṃ pāpaḥ putro na saṃśayaḥ

Sanskrit only: no published translation is held for this verse.

अनेनापि हि दोषेण तवेयं पापभागिनी । अन्यस्मै दीयतां गच्छ देवैरुक्तः पिता मम

anenāpi hi doṣeṇa taveyaṃ pāpabhāginī | anyasmai dīyatāṃ gaccha devairuktaḥ pitā mama

Sanskrit only: no published translation is held for this verse.

देवैश्चापि सगंधर्वैर्ऋषिभिश्च महात्मभिः । तैश्चापि संपरित्यक्तः पिता मे दुःखपीडितः

devaiścāpi sagaṃdharvairṛṣibhiśca mahātmabhiḥ | taiścāpi saṃparityaktaḥ pitā me duḥkhapīḍitaḥ

Sanskrit only: no published translation is held for this verse.

ममान्ये चापि स्वीकारं न कुर्वंति हि सज्जनाः । एवं पापमयं कर्म मया चैव पुरा कृतम्

mamānye cāpi svīkāraṃ na kurvaṃti hi sajjanāḥ | evaṃ pāpamayaṃ karma mayā caiva purā kṛtam

Sanskrit only: no published translation is held for this verse.

संतप्ता दुःखशोकेन वनमेव समाश्रिता । तप एव चरिष्यामि करिष्ये कायशोषणम्

saṃtaptā duḥkhaśokena vanameva samāśritā | tapa eva cariṣyāmi kariṣye kāyaśoṣaṇam

Sanskrit only: no published translation is held for this verse.

भवतीभिः सुपृष्टाहं कार्यकारणमेव हि । मम चिंतानुगं कर्म मया तद्वः प्रकाशितम्

bhavatībhiḥ supṛṣṭāhaṃ kāryakāraṇameva hi | mama ciṃtānugaṃ karma mayā tadvaḥ prakāśitam

Sanskrit only: no published translation is held for this verse.

एवमुक्त्वा सुनीथा सा मृत्योः कन्या यशस्विनी । विरराम च दुःखार्ता किंचिन्नोवाच वै पुनः

evamuktvā sunīthā sā mṛtyoḥ kanyā yaśasvinī | virarāma ca duḥkhārtā kiṃcinnovāca vai punaḥ

Sanskrit only: no published translation is held for this verse.

सख्य ऊचुः- दुःखमेव महाभागे त्यज कायविनाशनम् । नास्ति कस्य कुले दोषो देवैः पापं समाश्रितम्

sakhya ūcuḥ- duḥkhameva mahābhāge tyaja kāyavināśanam | nāsti kasya kule doṣo devaiḥ pāpaṃ samāśritam

Sanskrit only: no published translation is held for this verse.

जिह्ममुक्तं पुरा तेन ब्रह्मणा हरसंनिधौ । देवैश्चापि स हि त्यक्तो ब्रह्माऽपूज्यतमोऽभवत्

jihmamuktaṃ purā tena brahmaṇā harasaṃnidhau | devaiścāpi sa hi tyakto brahmā'pūjyatamo'bhavat

Sanskrit only: no published translation is held for this verse.

ब्रह्महत्या प्रयुक्तोऽसौ देवराजोपि पश्य भोः । देवैः सार्धं महाभागस्त्रैलोक्यं परिभुंजति

brahmahatyā prayukto'sau devarājopi paśya bhoḥ | devaiḥ sārdhaṃ mahābhāgastrailokyaṃ paribhuṃjati

Sanskrit only: no published translation is held for this verse.

गौतमस्य प्रियां भार्यामहल्यां गतवान्पुरा । परदाराभिगामी स देवत्वे परिवर्त्तते

gautamasya priyāṃ bhāryāmahalyāṃ gatavānpurā | paradārābhigāmī sa devatve parivarttate

Sanskrit only: no published translation is held for this verse.

ब्रह्महत्योपमं कर्म दारुणं कृतवान्हरः । ब्रह्मणस्तु कपालेन चाद्यापि परिवर्तते

brahmahatyopamaṃ karma dāruṇaṃ kṛtavānharaḥ | brahmaṇastu kapālena cādyāpi parivartate

Sanskrit only: no published translation is held for this verse.

देवानमंतितं देवमृषयो वेदपारगाः । आदित्यः कुष्ठसंयुक्तस्त्रैलोक्यं च प्रकाशयेत्

devānamaṃtitaṃ devamṛṣayo vedapāragāḥ | ādityaḥ kuṣṭhasaṃyuktastrailokyaṃ ca prakāśayet

Sanskrit only: no published translation is held for this verse.

लोकानमंतितं देवं देवाद्याः सचराचराः । कृष्णो भुंक्ते महाशापं भार्गवेण कृतं पुरा

lokānamaṃtitaṃ devaṃ devādyāḥ sacarācarāḥ | kṛṣṇo bhuṃkte mahāśāpaṃ bhārgaveṇa kṛtaṃ purā

Sanskrit only: no published translation is held for this verse.

गुरुभार्यांगतश्चंद्रः क्षयी तेन प्रजायते । भविष्यति महातेजा राजराजः प्रतापवान्

gurubhāryāṃgataścaṃdraḥ kṣayī tena prajāyate | bhaviṣyati mahātejā rājarājaḥ pratāpavān

Sanskrit only: no published translation is held for this verse.

पांडुपुत्रो महाप्राज्ञो धर्मात्मा स युधिष्ठिरः । गुरोश्चैव वधार्थाय अनृतं स वदिष्यति

pāṃḍuputro mahāprājño dharmātmā sa yudhiṣṭhiraḥ | guroścaiva vadhārthāya anṛtaṃ sa vadiṣyati

Sanskrit only: no published translation is held for this verse.

एतेष्वेव महत्पापं वर्तते च महत्सु च । वैगुण्यं कस्य वै नास्ति कस्य नास्ति च लांछनम्

eteṣveva mahatpāpaṃ vartate ca mahatsu ca | vaiguṇyaṃ kasya vai nāsti kasya nāsti ca lāṃchanam

Sanskrit only: no published translation is held for this verse.

भवती स्वल्पदोषेण विलिप्तासि वरानने । उपकारं करिष्यामस्तवैव वरवर्णिनि

bhavatī svalpadoṣeṇa viliptāsi varānane | upakāraṃ kariṣyāmastavaiva varavarṇini

Sanskrit only: no published translation is held for this verse.

तवांगे ये गुणाः संति सत्यस्त्रीणां यथा शुभे । अन्यत्रापि न पश्यामस्तान्गुणांश्चारुलोचने

tavāṃge ye guṇāḥ saṃti satyastrīṇāṃ yathā śubhe | anyatrāpi na paśyāmastānguṇāṃścārulocane

Sanskrit only: no published translation is held for this verse.

रूपमेव गुणः स्त्रीणां प्रथमं भूषणं शुभे । शीलमेव द्वितीयं च तृतीयं सत्यमेव च

rūpameva guṇaḥ strīṇāṃ prathamaṃ bhūṣaṇaṃ śubhe | śīlameva dvitīyaṃ ca tṛtīyaṃ satyameva ca

Sanskrit only: no published translation is held for this verse.

आर्जवत्वं चतुर्थं च पंचमं धर्ममेव हि । मधुरत्वं ततः प्रोक्तं षष्ठमेव वरानने

ārjavatvaṃ caturthaṃ ca paṃcamaṃ dharmameva hi | madhuratvaṃ tataḥ proktaṃ ṣaṣṭhameva varānane

Sanskrit only: no published translation is held for this verse.

शुद्धत्वं सप्तमं बाले अंतर्बाह्येषु योषितम् । अष्टमं हि पितुर्भावः शुश्रूषा नवमं किल

śuddhatvaṃ saptamaṃ bāle aṃtarbāhyeṣu yoṣitam | aṣṭamaṃ hi piturbhāvaḥ śuśrūṣā navamaṃ kila

Sanskrit only: no published translation is held for this verse.

सहिष्णुर्दशमं प्रोक्तं रतिश्चैकादशं तथा । पातिव्रत्यं ततः प्रोक्तं द्वादशं वरवर्णिनि

sahiṣṇurdaśamaṃ proktaṃ ratiścaikādaśaṃ tathā | pātivratyaṃ tataḥ proktaṃ dvādaśaṃ varavarṇini

Sanskrit only: no published translation is held for this verse.

तैस्त्वं संभूषिता बाले मा बिभेषि वरानने । येनोपायेन ते भर्ता भविष्यति सुधर्मधृक्

taistvaṃ saṃbhūṣitā bāle mā bibheṣi varānane | yenopāyena te bhartā bhaviṣyati sudharmadhṛk

Sanskrit only: no published translation is held for this verse.

तमुपायं प्रपश्यामस्तवार्थं वयमेव हि । तामूचुस्ता वराः सख्यो मा त्वं वै साहसं कुरु

tamupāyaṃ prapaśyāmastavārthaṃ vayameva hi | tāmūcustā varāḥ sakhyo mā tvaṃ vai sāhasaṃ kuru

Sanskrit only: no published translation is held for this verse.

सूत उवाच- एवमुक्ता सुनीथा सा पुनरूचे सखीस्तु ताः । कथयध्वं ममोपायं येन भर्ता भविष्यति

sūta uvāca- evamuktā sunīthā sā punarūce sakhīstu tāḥ | kathayadhvaṃ mamopāyaṃ yena bhartā bhaviṣyati

Sanskrit only: no published translation is held for this verse.

तामूचुस्ता वरा नार्यो रंभाद्याश्चारुलोचनाः । रूपमाधुर्यसंयुक्ता भवती भूतिवर्द्धनी

tāmūcustā varā nāryo raṃbhādyāścārulocanāḥ | rūpamādhuryasaṃyuktā bhavatī bhūtivarddhanī

Sanskrit only: no published translation is held for this verse.

ब्रह्मशापेन संभीता वयमत्र समागताः । तां प्रोचुश्च विशालाक्षीं मृत्योः कन्यां सुलोचनाम्

brahmaśāpena saṃbhītā vayamatra samāgatāḥ | tāṃ procuśca viśālākṣīṃ mṛtyoḥ kanyāṃ sulocanām

Sanskrit only: no published translation is held for this verse.

विद्यामेकां प्रदास्यामः पुरुषाणां प्रमोहिनीम् । सर्वमायाविदां भद्रे सर्वभद्रप्रदायिनीम्

vidyāmekāṃ pradāsyāmaḥ puruṣāṇāṃ pramohinīm | sarvamāyāvidāṃ bhadre sarvabhadrapradāyinīm

Sanskrit only: no published translation is held for this verse.

विद्याबलं ततो दद्युस्तस्यैताः सुखदायकम् । यं यं मोहयितुं भद्रे इच्छस्येवं सुरादिकम्

vidyābalaṃ tato dadyustasyaitāḥ sukhadāyakam | yaṃ yaṃ mohayituṃ bhadre icchasyevaṃ surādikam

Sanskrit only: no published translation is held for this verse.

तं तं सद्यो मोहय वा इत्युक्ता सा तथाऽकरोत् । विद्यायां हि सुसिद्धायां सा सुनीथा सुनंदिता

taṃ taṃ sadyo mohaya vā ityuktā sā tathā'karot | vidyāyāṃ hi susiddhāyāṃ sā sunīthā sunaṃditā

Sanskrit only: no published translation is held for this verse.

भ्रमत्येवं सखीभिस्तु पुरुषान्सा विपश्यति । अटमानागता पुण्यं नंदनं वनमुत्तमम्

bhramatyevaṃ sakhībhistu puruṣānsā vipaśyati | aṭamānāgatā puṇyaṃ naṃdanaṃ vanamuttamam

Sanskrit only: no published translation is held for this verse.

गंगातीरे ततो दृष्ट्वा ब्राह्मणं रूपसंयुतम् । सर्वलक्षणसंपन्नं सूर्यतेजः समप्रभम्

gaṃgātīre tato dṛṣṭvā brāhmaṇaṃ rūpasaṃyutam | sarvalakṣaṇasaṃpannaṃ sūryatejaḥ samaprabham

Sanskrit only: no published translation is held for this verse.

रूपेणाप्रतिमं लोके द्वितीयमिव मन्मथम् । देवरूपं महाभागं भाग्यवंतं सुभाग्यदम्

rūpeṇāpratimaṃ loke dvitīyamiva manmatham | devarūpaṃ mahābhāgaṃ bhāgyavaṃtaṃ subhāgyadam

Sanskrit only: no published translation is held for this verse.

अनौपम्यं महात्मानं विष्णुतेजः समप्रभम् । वैष्णवं सर्वपापघ्नं विष्णुतुल्यपराक्रमम्

anaupamyaṃ mahātmānaṃ viṣṇutejaḥ samaprabham | vaiṣṇavaṃ sarvapāpaghnaṃ viṣṇutulyaparākramam

Sanskrit only: no published translation is held for this verse.

कामक्रोधविहीनं तमत्रिवंशविभूषणम्

kāmakrodhavihīnaṃ tamatrivaṃśavibhūṣaṇam

Sanskrit only: no published translation is held for this verse.

दृष्ट्वा सुरूपं तपसां स्वरूपं दिव्यप्रभावं परितप्यमानम् । पप्रच्छ रंभां सुसखीं सरागा कोयं दिविष्ठः प्रवरो महात्मा

dṛṣṭvā surūpaṃ tapasāṃ svarūpaṃ divyaprabhāvaṃ paritapyamānam | papraccha raṃbhāṃ susakhīṃ sarāgā koyaṃ diviṣṭhaḥ pravaro mahātmā

Sanskrit only: no published translation is held for this verse.