Padma Purāṇa 2.35

रंभोवाच- ब्रह्मा अव्यक्तसंभूतस्तस्माज्जज्ञे प्रजापतिः । अत्रिर्नाम स धर्मात्मा तस्य पुत्रो महामनाः

raṃbhovāca- brahmā avyaktasaṃbhūtastasmājjajñe prajāpatiḥ | atrirnāma sa dharmātmā tasya putro mahāmanāḥ

Sanskrit only: no published translation is held for this verse.

अंगो नाम अयं भद्रे नंदनं वनमागतः । इंद्रस्य संपदं दृष्ट्वा लीलातेजसमुत्तमाम्

aṃgo nāma ayaṃ bhadre naṃdanaṃ vanamāgataḥ | iṃdrasya saṃpadaṃ dṛṣṭvā līlātejasamuttamām

Sanskrit only: no published translation is held for this verse.

कृता स्पृहा अनेनापि इंद्रस्य सदृशे पदे । ईदृशो हि यदा पुत्रो मम स्याद्धर्मसंयुतः

kṛtā spṛhā anenāpi iṃdrasya sadṛśe pade | īdṛśo hi yadā putro mama syāddharmasaṃyutaḥ

Sanskrit only: no published translation is held for this verse.

सुश्रेयो मे भवेज्जन्म यशः कीर्ति समन्वितम् । आराधितो हृषीकेशस्तपोभिर्नियमैस्तथा

suśreyo me bhavejjanma yaśaḥ kīrti samanvitam | ārādhito hṛṣīkeśastapobhirniyamaistathā

Sanskrit only: no published translation is held for this verse.

सुप्रसन्ने हृषीकेशे वरं याचितवानयम् । इंद्रस्य सदृशं पुत्रं विष्णुतेजः पराक्रमम्

suprasanne hṛṣīkeśe varaṃ yācitavānayam | iṃdrasya sadṛśaṃ putraṃ viṣṇutejaḥ parākramam

Sanskrit only: no published translation is held for this verse.

वैष्णवं सर्वपापघ्नं देहि मे मधुसूदन । दत्तवान्स तदा पुत्रमीदृशं सर्वधारकम्

vaiṣṇavaṃ sarvapāpaghnaṃ dehi me madhusūdana | dattavānsa tadā putramīdṛśaṃ sarvadhārakam

Sanskrit only: no published translation is held for this verse.

तदाप्रभृति विप्रेंद्रः पुण्यां कन्यां प्रपश्यति । यथा त्वं चारुसर्वांगी तथायं परिपश्यति

tadāprabhṛti vipreṃdraḥ puṇyāṃ kanyāṃ prapaśyati | yathā tvaṃ cārusarvāṃgī tathāyaṃ paripaśyati

Sanskrit only: no published translation is held for this verse.

एनं गच्छ वरारोहे अस्मात्पुत्रो भविष्यति । पुण्यात्मा पुण्यधर्मज्ञो विष्णुतेजः पराक्रमः

enaṃ gaccha varārohe asmātputro bhaviṣyati | puṇyātmā puṇyadharmajño viṣṇutejaḥ parākramaḥ

Sanskrit only: no published translation is held for this verse.

एतत्ते सर्वमाख्यातं तथाहं पृच्छिता त्वया । अयं भर्ता भवत्यर्हो भवेदेव न संशयः

etatte sarvamākhyātaṃ tathāhaṃ pṛcchitā tvayā | ayaṃ bhartā bhavatyarho bhavedeva na saṃśayaḥ

Sanskrit only: no published translation is held for this verse.

सुशंखस्यापि यः शापो वृथा सोऽपि भविष्यति । अस्माज्जाते महाभागे पुत्रे धर्मप्रचारिणि

suśaṃkhasyāpi yaḥ śāpo vṛthā so'pi bhaviṣyati | asmājjāte mahābhāge putre dharmapracāriṇi

Sanskrit only: no published translation is held for this verse.

भविष्यसि सुखी भद्रे सत्यं सत्यं वदाम्यहम् । सुक्षेत्रे कृषिकारस्तु बीजं वपति तत्परः

bhaviṣyasi sukhī bhadre satyaṃ satyaṃ vadāmyaham | sukṣetre kṛṣikārastu bījaṃ vapati tatparaḥ

Sanskrit only: no published translation is held for this verse.

स तथा भुंजते देवि यथा बीजं तथा फलम् । अन्यथा नैव जायेत तत्सर्वं सदृशं भवेत्

sa tathā bhuṃjate devi yathā bījaṃ tathā phalam | anyathā naiva jāyeta tatsarvaṃ sadṛśaṃ bhavet

Sanskrit only: no published translation is held for this verse.

अयमेष महाभागस्तपस्वी पुण्यवीर्यवान् । अस्य वीर्यात्समुत्पन्नो अस्यैवगुणसंपदा

ayameṣa mahābhāgastapasvī puṇyavīryavān | asya vīryātsamutpanno asyaivaguṇasaṃpadā

Sanskrit only: no published translation is held for this verse.

युक्तः पुत्रो महातेजाःसर्वदेहभृतां वरः । भविष्यति महाभाग्यो युक्तात्मा योगतत्ववित्

yuktaḥ putro mahātejāḥsarvadehabhṛtāṃ varaḥ | bhaviṣyati mahābhāgyo yuktātmā yogatatvavit

Sanskrit only: no published translation is held for this verse.

एवं हि वाक्यं तु निशम्य बाला रंभाप्रियोक्तं शिवदायकं तत् । विचिंत्य बुद्ध्येह सुनीथया तदा तत्त्वार्थमेतत्परिसत्यमेव हि

evaṃ hi vākyaṃ tu niśamya bālā raṃbhāpriyoktaṃ śivadāyakaṃ tat | viciṃtya buddhyeha sunīthayā tadā tattvārthametatparisatyameva hi

Sanskrit only: no published translation is held for this verse.

इति श्रीपद्मपुराणे भूमिखंडेवेनोपाख्याने पंचत्रिंशोऽध्यायः

iti śrīpadmapurāṇe bhūmikhaṃḍevenopākhyāne paṃcatriṃśo'dhyāyaḥ

Sanskrit only: no published translation is held for this verse.