Library·Padma Purāṇa·2·2.40
वेन उवाच- नित्यदानफलं देव त्वत्तः पूर्वं मया श्रुतम् । नैमित्तिकस्य दानस्य दत्तस्यापि हि यत्फलम्
vena uvāca- nityadānaphalaṃ deva tvattaḥ pūrvaṃ mayā śrutam | naimittikasya dānasya dattasyāpi hi yatphalam
Sanskrit only: no published translation is held for this verse.
तत्फलं मे समाचक्ष्व त्वत्प्रसादात्प्रयत्नतः । महातृप्तिं न गच्छामि श्रोतुं श्रद्धा प्रवर्तते
tatphalaṃ me samācakṣva tvatprasādātprayatnataḥ | mahātṛptiṃ na gacchāmi śrotuṃ śraddhā pravartate
Sanskrit only: no published translation is held for this verse.
विष्णुरुवाच- नैमित्तिकं प्रवक्ष्यामि दानमेव नृपोत्तम । महापर्वणि संप्राप्ते येन दानानि श्रद्धया
viṣṇuruvāca- naimittikaṃ pravakṣyāmi dānameva nṛpottama | mahāparvaṇi saṃprāpte yena dānāni śraddhayā
Sanskrit only: no published translation is held for this verse.
सत्पात्रेभ्यः प्रदत्तानि तस्य पुण्यफलं शृणु । गजं रथं प्रदत्ते यो ह्यश्वं चापि नृपोत्तम
satpātrebhyaḥ pradattāni tasya puṇyaphalaṃ śṛṇu | gajaṃ rathaṃ pradatte yo hyaśvaṃ cāpi nṛpottama
Sanskrit only: no published translation is held for this verse.
स च भृत्यैस्तु संयुक्तः पुण्यदेशे नृपोत्तमः । जायते हि महाराज मत्प्रसादान्न संशयः
sa ca bhṛtyaistu saṃyuktaḥ puṇyadeśe nṛpottamaḥ | jāyate hi mahārāja matprasādānna saṃśayaḥ
Sanskrit only: no published translation is held for this verse.
राजा भवति धर्मात्मा ज्ञानवान्बलवान्सुधीः । अजेयः सर्वभूतानां महातेजाः प्रजायते
rājā bhavati dharmātmā jñānavānbalavānsudhīḥ | ajeyaḥ sarvabhūtānāṃ mahātejāḥ prajāyate
Sanskrit only: no published translation is held for this verse.
महापर्वणि संप्राप्ते भूमिदानं ददाति यः । गोदानं वा महाराज सर्वभोगपतिर्भवेत्
mahāparvaṇi saṃprāpte bhūmidānaṃ dadāti yaḥ | godānaṃ vā mahārāja sarvabhogapatirbhavet
Sanskrit only: no published translation is held for this verse.
ब्राह्मणाय सुपुण्याय दानं दद्यात्प्रयत्नतः । महादानानि यो दद्यात्तीर्थे पर्वणि पात्रवित्
brāhmaṇāya supuṇyāya dānaṃ dadyātprayatnataḥ | mahādānāni yo dadyāttīrthe parvaṇi pātravit
Sanskrit only: no published translation is held for this verse.
तेषां चिह्नं प्रवक्ष्यामि भूपतित्वं प्रजायते । तीर्थे पर्वणि संप्राप्ते गुप्तदानं ददाति यः
teṣāṃ cihnaṃ pravakṣyāmi bhūpatitvaṃ prajāyate | tīrthe parvaṇi saṃprāpte guptadānaṃ dadāti yaḥ
Sanskrit only: no published translation is held for this verse.
निधीनामाशुसंप्राप्तिरक्षरा परिजायते । महापर्वणि संप्राप्ते तीर्थेषु ब्राह्मणाय च
nidhīnāmāśusaṃprāptirakṣarā parijāyate | mahāparvaṇi saṃprāpte tīrtheṣu brāhmaṇāya ca
Sanskrit only: no published translation is held for this verse.
सुचैलं च महादानं कांचनेन समन्वितम् । पुण्यं फलं प्रवक्ष्यामि तस्य दानस्य भूपते
sucailaṃ ca mahādānaṃ kāṃcanena samanvitam | puṇyaṃ phalaṃ pravakṣyāmi tasya dānasya bhūpate
Sanskrit only: no published translation is held for this verse.
जायंते बहवः पुत्राः सुगुणा वेदपारगाः । आयुष्मंतः प्रजावंतो यशः पुण्यसमन्विताः
jāyaṃte bahavaḥ putrāḥ suguṇā vedapāragāḥ | āyuṣmaṃtaḥ prajāvaṃto yaśaḥ puṇyasamanvitāḥ
Sanskrit only: no published translation is held for this verse.
विपुलाश्चैव जायंते स्फीता लक्ष्मीर्महामते । सौख्यं च लभते पुण्यं धर्मवान्परिजायते
vipulāścaiva jāyaṃte sphītā lakṣmīrmahāmate | saukhyaṃ ca labhate puṇyaṃ dharmavānparijāyate
Sanskrit only: no published translation is held for this verse.
महापर्वणि संप्राप्ते तीर्थे गत्वा प्रयत्नतः । कपिलां कांचनीं दद्याद्ब्राह्मणाय महात्मने
mahāparvaṇi saṃprāpte tīrthe gatvā prayatnataḥ | kapilāṃ kāṃcanīṃ dadyādbrāhmaṇāya mahātmane
Sanskrit only: no published translation is held for this verse.
तस्य पुण्यं प्रवक्ष्यामि दानस्य च महामते । कपिलादो महाराज सर्वसौख्यान्प्रभुंजति
tasya puṇyaṃ pravakṣyāmi dānasya ca mahāmate | kapilādo mahārāja sarvasaukhyānprabhuṃjati
Sanskrit only: no published translation is held for this verse.
यावद्ब्रह्मा प्रजीवेत्स तावत्तिष्ठति तत्र सः । महापर्वणि संप्राप्ते अलंकृत्य च गां तदा
yāvadbrahmā prajīvetsa tāvattiṣṭhati tatra saḥ | mahāparvaṇi saṃprāpte alaṃkṛtya ca gāṃ tadā
Sanskrit only: no published translation is held for this verse.
कांचनेनापि संयुक्तां वस्त्रालंकारभूषणैः । तस्य दानस्य राजेंद्र फलभोगं वदाम्यहम्
kāṃcanenāpi saṃyuktāṃ vastrālaṃkārabhūṣaṇaiḥ | tasya dānasya rājeṃdra phalabhogaṃ vadāmyaham
Sanskrit only: no published translation is held for this verse.
विपुला जायते लक्ष्मीर्दानभोगसमाकुला । सर्वविद्यापतिर्भूत्वा विष्णुभक्तो भवेत्किल
vipulā jāyate lakṣmīrdānabhogasamākulā | sarvavidyāpatirbhūtvā viṣṇubhakto bhavetkila
Sanskrit only: no published translation is held for this verse.
विष्णुलोके वसेन्मर्त्यो यावत्तिष्ठति मेदिनी । तीर्थं गत्वा तु यो दद्याद्ब्राह्मणाय विभूषणम्
viṣṇuloke vasenmartyo yāvattiṣṭhati medinī | tīrthaṃ gatvā tu yo dadyādbrāhmaṇāya vibhūṣaṇam
Sanskrit only: no published translation is held for this verse.
भुक्त्वा तु विपुलान्भोगानिन्द्रेण क्रीडते सह । महापर्वणि संप्राप्ते वस्त्रं च द्विजपुंगवे
bhuktvā tu vipulānbhogānindreṇa krīḍate saha | mahāparvaṇi saṃprāpte vastraṃ ca dvijapuṃgave
Sanskrit only: no published translation is held for this verse.
दत्त्वान्नं भूमिसंयुक्तं पात्रे श्रद्धासमन्वितः । मोदते स तु वैकुंठे विष्णुतुल्यपराक्रमः
dattvānnaṃ bhūmisaṃyuktaṃ pātre śraddhāsamanvitaḥ | modate sa tu vaikuṃṭhe viṣṇutulyaparākramaḥ
Sanskrit only: no published translation is held for this verse.
सवस्त्रं कांचनं दत्त्वा द्विजाय परिशांतये । स्वेच्छया अग्निसदृशो वैकुंठे स वसेत्सुखी
savastraṃ kāṃcanaṃ dattvā dvijāya pariśāṃtaye | svecchayā agnisadṛśo vaikuṃṭhe sa vasetsukhī
Sanskrit only: no published translation is held for this verse.
सुवर्णस्य सुकुंभं च घृतेन परिपूरयेत् । पिधानं रौप्यं कर्तव्यं वस्त्रहारैरलंकृतम्
suvarṇasya sukuṃbhaṃ ca ghṛtena paripūrayet | pidhānaṃ raupyaṃ kartavyaṃ vastrahārairalaṃkṛtam
Sanskrit only: no published translation is held for this verse.
पुष्पमालान्वितं कुर्याद्ब्रह्मसूत्रेण शोभितम् । प्रतिष्ठितं वेदमंत्रैस्तं संपूज्य महामते
puṣpamālānvitaṃ kuryādbrahmasūtreṇa śobhitam | pratiṣṭhitaṃ vedamaṃtraistaṃ saṃpūjya mahāmate
Sanskrit only: no published translation is held for this verse.
उपचारैः पवित्रैश्च षोडशैः परिपूजयेत् । स्वलंकृत्य ततो दद्याद्ब्राह्मणाय महात्मने
upacāraiḥ pavitraiśca ṣoḍaśaiḥ paripūjayet | svalaṃkṛtya tato dadyādbrāhmaṇāya mahātmane
Sanskrit only: no published translation is held for this verse.
षोडशैव ततो गावः सवस्त्राः कांस्यदोहनाः । कुंभयुक्ताश्च चत्वारो दक्षिणां च सकांचनाम्
ṣoḍaśaiva tato gāvaḥ savastrāḥ kāṃsyadohanāḥ | kuṃbhayuktāśca catvāro dakṣiṇāṃ ca sakāṃcanām
Sanskrit only: no published translation is held for this verse.
तथा द्वादशका गावो वस्त्रालंकारभूषणाः । पृथग्भूताय विप्राय दातव्या नात्र संशयः
tathā dvādaśakā gāvo vastrālaṃkārabhūṣaṇāḥ | pṛthagbhūtāya viprāya dātavyā nātra saṃśayaḥ
Sanskrit only: no published translation is held for this verse.
एवमादीनि दानानि अन्यानि नृपनंदन । तीर्थकालं सुसंप्राप्य विप्रावसथमेव च
evamādīni dānāni anyāni nṛpanaṃdana | tīrthakālaṃ susaṃprāpya viprāvasathameva ca
Sanskrit only: no published translation is held for this verse.
श्रद्धाभावेन दातव्यं बहुपुण्यकरं भवेत् । विष्णुरुवाच-। विष्णुमुद्दिश्य यद्दानं कामनापरिकल्पितम्
śraddhābhāvena dātavyaṃ bahupuṇyakaraṃ bhavet | viṣṇuruvāca-| viṣṇumuddiśya yaddānaṃ kāmanāparikalpitam
Sanskrit only: no published translation is held for this verse.
तस्य दानस्य भावेन भावनापरिभावितः । तादृक्फलं समश्नाति मानुषो नात्र संशयः
tasya dānasya bhāvena bhāvanāparibhāvitaḥ | tādṛkphalaṃ samaśnāti mānuṣo nātra saṃśayaḥ
Sanskrit only: no published translation is held for this verse.
अभ्युदयं प्रवक्ष्यामि यज्ञादिषु प्रवर्तते । तेन दानेन तस्यापि श्रद्धया च द्विजोत्तम
abhyudayaṃ pravakṣyāmi yajñādiṣu pravartate | tena dānena tasyāpi śraddhayā ca dvijottama
Sanskrit only: no published translation is held for this verse.
प्रज्ञावृद्धिं समाप्नोति न च दुःखं प्रविंदति । भोगान्भुनक्ति धर्मात्मा जीवमानस्तु सांप्रतम्
prajñāvṛddhiṃ samāpnoti na ca duḥkhaṃ praviṃdati | bhogānbhunakti dharmātmā jīvamānastu sāṃpratam
Sanskrit only: no published translation is held for this verse.
ऐंद्रांस्तु भुंक्ते भोगान्स दाता दिव्यां गतिं गतः । स्वकुलं नयते स्वर्गं कल्पानां च सहस्रकम्
aiṃdrāṃstu bhuṃkte bhogānsa dātā divyāṃ gatiṃ gataḥ | svakulaṃ nayate svargaṃ kalpānāṃ ca sahasrakam
Sanskrit only: no published translation is held for this verse.
एवमाभ्युदयं प्रोक्तं प्राप्तं तेषु वदाम्यहम् । कायस्य च क्षयं ज्ञात्वा जरया परिपीडितः
evamābhyudayaṃ proktaṃ prāptaṃ teṣu vadāmyaham | kāyasya ca kṣayaṃ jñātvā jarayā paripīḍitaḥ
Sanskrit only: no published translation is held for this verse.
दानं तेन प्रदातव्यमाशां कस्य न कारयेत् । मृते च मयि मे पुत्रा अन्ये स्वजनबांधवाः
dānaṃ tena pradātavyamāśāṃ kasya na kārayet | mṛte ca mayi me putrā anye svajanabāṃdhavāḥ
Sanskrit only: no published translation is held for this verse.
कथमेते भविष्यंति मां विना सुहृदो मम । तेषां मोहात्प्रमुग्धो वै न ददाति स किंचन
kathamete bhaviṣyaṃti māṃ vinā suhṛdo mama | teṣāṃ mohātpramugdho vai na dadāti sa kiṃcana
Sanskrit only: no published translation is held for this verse.
मृत्युं प्रयाति मोहात्मा रुदंति मित्रबांधवाः । दुःखेन पीडिताः सर्वे मायामोहेन पीडिताः
mṛtyuṃ prayāti mohātmā rudaṃti mitrabāṃdhavāḥ | duḥkhena pīḍitāḥ sarve māyāmohena pīḍitāḥ
Sanskrit only: no published translation is held for this verse.
संकल्पयंति दानानि मोक्षं वै चिंतयंति च । तस्मिन्मृते महाराज मायामोहे गते सति
saṃkalpayaṃti dānāni mokṣaṃ vai ciṃtayaṃti ca | tasminmṛte mahārāja māyāmohe gate sati
Sanskrit only: no published translation is held for this verse.
विस्मरंति च दानानि लोभात्मानो ददंति न । योऽसौ मृतो महाराज यमपंथं सुदुःखितः
vismaraṃti ca dānāni lobhātmāno dadaṃti na | yo'sau mṛto mahārāja yamapaṃthaṃ suduḥkhitaḥ
Sanskrit only: no published translation is held for this verse.
तृषाक्षुधासमाक्रांतो बहुदुःखैः प्रपीडितः । तस्माद्दानं प्रदातव्यं स्वयमेव न संशयः
tṛṣākṣudhāsamākrāṃto bahuduḥkhaiḥ prapīḍitaḥ | tasmāddānaṃ pradātavyaṃ svayameva na saṃśayaḥ
Sanskrit only: no published translation is held for this verse.
कस्य पुत्राश्च पौत्राश्च कस्य भार्या नृपोत्तम । संसारे नास्ति कः कस्य तस्माद्दानं प्रदीयते
kasya putrāśca pautrāśca kasya bhāryā nṛpottama | saṃsāre nāsti kaḥ kasya tasmāddānaṃ pradīyate
Sanskrit only: no published translation is held for this verse.
ज्ञानवता प्रदातव्यं स्वयमेव न संशयः । अन्नं पानं च तांबूलमुदकं कांचनं तथा
jñānavatā pradātavyaṃ svayameva na saṃśayaḥ | annaṃ pānaṃ ca tāṃbūlamudakaṃ kāṃcanaṃ tathā
Sanskrit only: no published translation is held for this verse.
युग्मं वस्त्रं च छत्रं च स्वयमेव न संशयः । जलपात्राण्यनेकानि सोदकानि नृपोत्तम
yugmaṃ vastraṃ ca chatraṃ ca svayameva na saṃśayaḥ | jalapātrāṇyanekāni sodakāni nṛpottama
Sanskrit only: no published translation is held for this verse.
वाहनानि विचित्राणि यानान्येव महामते । नानागंधान्सकर्पूरं यमपंथ सुखप्रदे
vāhanāni vicitrāṇi yānānyeva mahāmate | nānāgaṃdhānsakarpūraṃ yamapaṃtha sukhaprade
Sanskrit only: no published translation is held for this verse.
उपानहौ प्रदातव्ये यदीच्छेद्विपुलं सुखम् । एतैर्दानैर्महाराज यमपंथं सुखेन वै
upānahau pradātavye yadīcchedvipulaṃ sukham | etairdānairmahārāja yamapaṃthaṃ sukhena vai
Sanskrit only: no published translation is held for this verse.
प्रयाति मानवो राजन्यमदूतैरलंकृतम्
prayāti mānavo rājanyamadūtairalaṃkṛtam
Sanskrit only: no published translation is held for this verse.