Library·Padma Purāṇa·2·2.44
सुकलोवाच- स्वसैन्यं दुर्धरं दृष्ट्वा निर्जितं दुर्धरेण तम् । चुकोप भूपतिः क्रूरं दुःसहं शूकरं प्रति
sukalovāca- svasainyaṃ durdharaṃ dṛṣṭvā nirjitaṃ durdhareṇa tam | cukopa bhūpatiḥ krūraṃ duḥsahaṃ śūkaraṃ prati
Sanskrit only: no published translation is held for this verse.
धनुरादाय वेगेन बाणं कालानलोपमम् । तस्याभिमुखमेवासौ हयेनाभिससार सः
dhanurādāya vegena bāṇaṃ kālānalopamam | tasyābhimukhamevāsau hayenābhisasāra saḥ
Sanskrit only: no published translation is held for this verse.
स यदा नृपतिं हयपृष्ठगतं वरपौरुषयुक्तममित्रहणम् । परिपश्यति शूकरयूथपतिः प्रगतोभिमुखं रणभूमितले
sa yadā nṛpatiṃ hayapṛṣṭhagataṃ varapauruṣayuktamamitrahaṇam | paripaśyati śūkarayūthapatiḥ pragatobhimukhaṃ raṇabhūmitale
Sanskrit only: no published translation is held for this verse.
निशितेन शरेण हतो हि यदा नृपतेर्हयपादतले प्रगतः । तमिहैव विलंघ्य च वेगमनाः प्रखरेण जवेन च कोलवरः
niśitena śareṇa hato hi yadā nṛpaterhayapādatale pragataḥ | tamihaiva vilaṃghya ca vegamanāḥ prakhareṇa javena ca kolavaraḥ
Sanskrit only: no published translation is held for this verse.
व्यथितस्तुरगः सकिरिःकिटिना न हि याति क्षितौ स हि विद्धगतिः । तुरगः पतितो भुवि तुंडहतो लघुस्यंदनमेव गतो नृपतिः
vyathitasturagaḥ sakiriḥkiṭinā na hi yāti kṣitau sa hi viddhagatiḥ | turagaḥ patito bhuvi tuṃḍahato laghusyaṃdanameva gato nṛpatiḥ
Sanskrit only: no published translation is held for this verse.
स हि गर्जति शूकरजातिरवैरथसंस्थितकोशल येन जवैः । गदया निहतः किल भूपतिना रणमध्यगतः स हि यूथपतिः
sa hi garjati śūkarajātiravairathasaṃsthitakośala yena javaiḥ | gadayā nihataḥ kila bhūpatinā raṇamadhyagataḥ sa hi yūthapatiḥ
Sanskrit only: no published translation is held for this verse.
परित्यज्य तनुं च स्वकां हि तदा गत एव हरेर्गृहमेव वरम्
parityajya tanuṃ ca svakāṃ hi tadā gata eva harergṛhameva varam
Sanskrit only: no published translation is held for this verse.
कृत्वा हि युद्धं समरे हितेन राज्ञा समं शूकरराजराजः । पपात भूमौ च हतो यदा तु ववर्षिरे देववराः सुपुष्पैः
kṛtvā hi yuddhaṃ samare hitena rājñā samaṃ śūkararājarājaḥ | papāta bhūmau ca hato yadā tu vavarṣire devavarāḥ supuṣpaiḥ
Sanskrit only: no published translation is held for this verse.
तस्योर्ध्वगः पुष्पचयः सुजातः संतानकानामिव सौरभश्च । सकुंकुमैश्चंदनवृष्टिमेव कुर्वंति देवाः परितुष्यमाणाः
tasyordhvagaḥ puṣpacayaḥ sujātaḥ saṃtānakānāmiva saurabhaśca | sakuṃkumaiścaṃdanavṛṣṭimeva kurvaṃti devāḥ parituṣyamāṇāḥ
Sanskrit only: no published translation is held for this verse.
विमृश्यमानः स हि तेन राज्ञा चतुर्भुजः सोपि बभूव राजन् । दिव्यांबरोभूषणदिव्यरूपः स्वतेजसा भाति दिवाकरो यथा
vimṛśyamānaḥ sa hi tena rājñā caturbhujaḥ sopi babhūva rājan | divyāṃbarobhūṣaṇadivyarūpaḥ svatejasā bhāti divākaro yathā
Sanskrit only: no published translation is held for this verse.
दिव्येन यानेन दिवं गतो यदा सुपूज्यमानः सुरराजदेवैः । गंधर्वराजः स बभूव भूयः पूर्वं स्वकं कायमिहैव हित्वा
divyena yānena divaṃ gato yadā supūjyamānaḥ surarājadevaiḥ | gaṃdharvarājaḥ sa babhūva bhūyaḥ pūrvaṃ svakaṃ kāyamihaiva hitvā
Sanskrit only: no published translation is held for this verse.
इति श्रीपद्मपुराणे भूमिखंडे वेनोपाख्याने सुकलाचरित्रे। चतुश्चत्वारिंशत्तमोऽध्यायः
iti śrīpadmapurāṇe bhūmikhaṃḍe venopākhyāne sukalācaritre| catuścatvāriṃśattamo'dhyāyaḥ
Sanskrit only: no published translation is held for this verse.