Padma Purāṇa 2.49

ब्राह्मण्युवाच- एकदा तु महाभाग गता सा पर्वतोत्तमे । रमणीयं वनं दृष्ट्वा कदलीखंडमंडितम्

brāhmaṇyuvāca- ekadā tu mahābhāga gatā sā parvatottame | ramaṇīyaṃ vanaṃ dṛṣṭvā kadalīkhaṃḍamaṃḍitam

Sanskrit only: no published translation is held for this verse.

शालैस्तालैस्तमालैश्च नालिकेरैस्तथोत्कटैः । पूगीफलैर्मातुलिगैर्नारंगैश्चारुजंबुकैः

śālaistālaistamālaiśca nālikeraistathotkaṭaiḥ | pūgīphalairmātuligairnāraṃgaiścārujaṃbukaiḥ

Sanskrit only: no published translation is held for this verse.

चंपकैः पाटलैः पुण्यैः पुष्पितैः कुटकैर्वटैः । अशोकबकुलोपेतं नानावृक्षैरलंकृतम्

caṃpakaiḥ pāṭalaiḥ puṇyaiḥ puṣpitaiḥ kuṭakairvaṭaiḥ | aśokabakulopetaṃ nānāvṛkṣairalaṃkṛtam

Sanskrit only: no published translation is held for this verse.

पर्वतं पुण्यवंतं तं पुष्पितैश्च नगोत्तमैः । सर्वत्र दृश्यते रम्यो नानाधातुसमाकुलः

parvataṃ puṇyavaṃtaṃ taṃ puṣpitaiśca nagottamaiḥ | sarvatra dṛśyate ramyo nānādhātusamākulaḥ

Sanskrit only: no published translation is held for this verse.

तडागं सर्वतोभद्रं पुण्यतोयेन पूरितम् । कमलैः पुष्पितैश्चान्यैः सुगंधैः कनकोत्पलैः

taḍāgaṃ sarvatobhadraṃ puṇyatoyena pūritam | kamalaiḥ puṣpitaiścānyaiḥ sugaṃdhaiḥ kanakotpalaiḥ

Sanskrit only: no published translation is held for this verse.

श्वेतोत्पलैर्विभासंतं रक्तोत्पलसुपुष्पितैः । नीलोत्पलैश्च कह्लारैर्हंसैश्च जलकुक्कुटैः

śvetotpalairvibhāsaṃtaṃ raktotpalasupuṣpitaiḥ | nīlotpalaiśca kahlārairhaṃsaiśca jalakukkuṭaiḥ

Sanskrit only: no published translation is held for this verse.

पक्षिभिर्जलजैश्चान्यैर्नानाधातुसमाकुलः । तडागं सर्वतः शुभ्रं नानापक्षिगणैर्युतम्

pakṣibhirjalajaiścānyairnānādhātusamākulaḥ | taḍāgaṃ sarvataḥ śubhraṃ nānāpakṣigaṇairyutam

Sanskrit only: no published translation is held for this verse.

कोकिलानां रुतैः पुण्यैः सुस्वरैः परिशोभितः । मधुराणां तथा शब्दैः सर्वत्र मधुरायते

kokilānāṃ rutaiḥ puṇyaiḥ susvaraiḥ pariśobhitaḥ | madhurāṇāṃ tathā śabdaiḥ sarvatra madhurāyate

Sanskrit only: no published translation is held for this verse.

षट्पदानां सुनादेन सर्वत्र परिशोभते । एवंविधं गिरिं रम्यं तदेव वनमुत्तमम्

ṣaṭpadānāṃ sunādena sarvatra pariśobhate | evaṃvidhaṃ giriṃ ramyaṃ tadeva vanamuttamam

Sanskrit only: no published translation is held for this verse.

तडागं सर्वतोभद्रं ददृशे नृपनंदिनी । वैदर्भी क्रीडमाना सा सखीभिः सहिता तदा

taḍāgaṃ sarvatobhadraṃ dadṛśe nṛpanaṃdinī | vaidarbhī krīḍamānā sā sakhībhiḥ sahitā tadā

Sanskrit only: no published translation is held for this verse.

समालोक्य वनं पुण्यं सर्वत्र कुसुमाकुलम् । चापल्येन प्रभावेण स्त्रीभावेन च लीलया

samālokya vanaṃ puṇyaṃ sarvatra kusumākulam | cāpalyena prabhāveṇa strībhāvena ca līlayā

Sanskrit only: no published translation is held for this verse.

पद्मावती सरस्तीरे सखीभिः सहिता तदा । जलक्रीडा समालीना हसते गायते पुनः

padmāvatī sarastīre sakhībhiḥ sahitā tadā | jalakrīḍā samālīnā hasate gāyate punaḥ

Sanskrit only: no published translation is held for this verse.

रममाणा च सा तस्मिंस्तस्मिन्सरसि भामिनी । एवं विप्र तदा सा तु सुखेन परिवर्तयेत्

ramamāṇā ca sā tasmiṃstasminsarasi bhāminī | evaṃ vipra tadā sā tu sukhena parivartayet

Sanskrit only: no published translation is held for this verse.

विष्णुरुवाच- गोभिलो नाम वै दैत्यो भृत्यो वैश्रवणस्य च । दिव्येनापि विमानेन सर्वभोगपरिप्लुतः

viṣṇuruvāca- gobhilo nāma vai daityo bhṛtyo vaiśravaṇasya ca | divyenāpi vimānena sarvabhogapariplutaḥ

Sanskrit only: no published translation is held for this verse.

याति चाकाशमार्गेण गोभिलो दैत्यसत्तमः । तेन दृष्टा विशालाक्षी वैदर्भी निर्भया तदा

yāti cākāśamārgeṇa gobhilo daityasattamaḥ | tena dṛṣṭā viśālākṣī vaidarbhī nirbhayā tadā

Sanskrit only: no published translation is held for this verse.

सर्वयोषिद्वरा सा हि उग्रसेनस्य वै प्रिया । रूपेणाप्रतिमा लोके सर्वांगेषु विराजते

sarvayoṣidvarā sā hi ugrasenasya vai priyā | rūpeṇāpratimā loke sarvāṃgeṣu virājate

Sanskrit only: no published translation is held for this verse.

रतिर्वै मन्मथस्यापि किं वापीयं हरिप्रिया । किं वापि पार्वती देवी शची किं वा भविष्यति

ratirvai manmathasyāpi kiṃ vāpīyaṃ haripriyā | kiṃ vāpi pārvatī devī śacī kiṃ vā bhaviṣyati

Sanskrit only: no published translation is held for this verse.

यादृशी दृश्यते चेयं नारीणां प्रवरोत्तमा । अन्यापि ईदृशी नास्ति द्वितीया क्षितिमंडले

yādṛśī dṛśyate ceyaṃ nārīṇāṃ pravarottamā | anyāpi īdṛśī nāsti dvitīyā kṣitimaṃḍale

Sanskrit only: no published translation is held for this verse.

नक्षत्रेषु यथा चंद्रः संपूर्णो भाति शोभनः । गुणरूपकलाभिस्तु तथा भाति वरानना

nakṣatreṣu yathā caṃdraḥ saṃpūrṇo bhāti śobhanaḥ | guṇarūpakalābhistu tathā bhāti varānanā

Sanskrit only: no published translation is held for this verse.

पुष्करेषु यथा हंसस्तथेयं चारुहासिनी । अहो रूपमहोभाव अस्यास्तु परिदृश्यते

puṣkareṣu yathā haṃsastatheyaṃ cāruhāsinī | aho rūpamahobhāva asyāstu paridṛśyate

Sanskrit only: no published translation is held for this verse.

का कस्य शोभना बाला चारुवृत्तपयोधरा । व्यमृशद्गोभिलो दैत्यः पद्मावतीं वराननाम्

kā kasya śobhanā bālā cāruvṛttapayodharā | vyamṛśadgobhilo daityaḥ padmāvatīṃ varānanām

Sanskrit only: no published translation is held for this verse.

चिंतयित्वा क्षणं विप्र का कस्यापि भविष्यति । ज्ञानेन महता ज्ञात्वा वैदर्भीति न संशयः

ciṃtayitvā kṣaṇaṃ vipra kā kasyāpi bhaviṣyati | jñānena mahatā jñātvā vaidarbhīti na saṃśayaḥ

Sanskrit only: no published translation is held for this verse.

दयिता उग्रसेनस्य पतिव्रतपरायणा । आत्मबलेन तिष्ठंती दुष्प्राप्या पुरुषैरपि

dayitā ugrasenasya pativrataparāyaṇā | ātmabalena tiṣṭhaṃtī duṣprāpyā puruṣairapi

Sanskrit only: no published translation is held for this verse.

उग्रसेनो महामूर्खः प्रेषिता येन वै वरा । पितुर्गेहमियं बाला स तु भाग्येन वर्जितः

ugraseno mahāmūrkhaḥ preṣitā yena vai varā | piturgehamiyaṃ bālā sa tu bhāgyena varjitaḥ

Sanskrit only: no published translation is held for this verse.

अनया विना स जीवेच्च कथं कूटमतिः सदा । किं वा नपुंसको राजा एनां यो हि परित्यजेत्

anayā vinā sa jīvecca kathaṃ kūṭamatiḥ sadā | kiṃ vā napuṃsako rājā enāṃ yo hi parityajet

Sanskrit only: no published translation is held for this verse.

तां दृष्ट्वा स तु कामात्मा संजातस्तत्क्षणादपि । इयं पतिव्रता बाला दुष्प्राप्या पुरुषैरपि

tāṃ dṛṣṭvā sa tu kāmātmā saṃjātastatkṣaṇādapi | iyaṃ pativratā bālā duṣprāpyā puruṣairapi

Sanskrit only: no published translation is held for this verse.

कथं भोक्ष्याम्यहं गत्वा कामो मामति पीडयेत् । अभुक्त्वैनां यदा यास्ये तत्स्यान्मृत्युर्ममैव हि

kathaṃ bhokṣyāmyahaṃ gatvā kāmo māmati pīḍayet | abhuktvaināṃ yadā yāsye tatsyānmṛtyurmamaiva hi

Sanskrit only: no published translation is held for this verse.

अद्यैव हि न संदेहो यतः कामो महाबलः । इति चिंतापरो भूत्वा गोभिलो मनसैक्षत

adyaiva hi na saṃdeho yataḥ kāmo mahābalaḥ | iti ciṃtāparo bhūtvā gobhilo manasaikṣata

Sanskrit only: no published translation is held for this verse.

कृत्वा मायामयं रूपमुग्रसेनस्य भूपतेः । यादृशस्तूग्रसेनश्च सांगोपांगो महानृपः

kṛtvā māyāmayaṃ rūpamugrasenasya bhūpateḥ | yādṛśastūgrasenaśca sāṃgopāṃgo mahānṛpaḥ

Sanskrit only: no published translation is held for this verse.

गोभिलस्तादृशो भूत्वा गत्या च स्वरभाषया । यथावस्त्रो यथावेशो वयसा च तथा पुनः

gobhilastādṛśo bhūtvā gatyā ca svarabhāṣayā | yathāvastro yathāveśo vayasā ca tathā punaḥ

Sanskrit only: no published translation is held for this verse.

दिव्यमाल्यांबरधरो दिव्यगंधानुलेपनः । सर्वाभरणशोभांगो यादृशो माथुरेश्वरः

divyamālyāṃbaradharo divyagaṃdhānulepanaḥ | sarvābharaṇaśobhāṃgo yādṛśo māthureśvaraḥ

Sanskrit only: no published translation is held for this verse.

भूत्वाथ तादृशो दैत्य उग्रसेनमयस्तदा । मायया परया युक्तो रूपलावण्यसंपदा

bhūtvātha tādṛśo daitya ugrasenamayastadā | māyayā parayā yukto rūpalāvaṇyasaṃpadā

Sanskrit only: no published translation is held for this verse.

पर्वताग्रे अशोकस्यच्छायामाश्रित्य संस्थितः । शिलातलस्थो दुष्टात्मा वीणादंडेन वीरकः

parvatāgre aśokasyacchāyāmāśritya saṃsthitaḥ | śilātalastho duṣṭātmā vīṇādaṃḍena vīrakaḥ

Sanskrit only: no published translation is held for this verse.

सुस्वरं गायमानस्तु गीतं विश्वप्रमोहनम् । तालमानक्रियोपेतं सप्तस्वरविभूषितम्

susvaraṃ gāyamānastu gītaṃ viśvapramohanam | tālamānakriyopetaṃ saptasvaravibhūṣitam

Sanskrit only: no published translation is held for this verse.

गीतं गायति दुष्टात्मा तस्या रूपेण मोहितः । पर्वताग्रे स्थितो विप्र हर्षेण महतान्वितः

gītaṃ gāyati duṣṭātmā tasyā rūpeṇa mohitaḥ | parvatāgre sthito vipra harṣeṇa mahatānvitaḥ

Sanskrit only: no published translation is held for this verse.

सखीमध्यगता सा तु पद्मावती वरानना । शुश्रुवे सुस्वरं गीतं तालमानलयान्वितम्

sakhīmadhyagatā sā tu padmāvatī varānanā | śuśruve susvaraṃ gītaṃ tālamānalayānvitam

Sanskrit only: no published translation is held for this verse.

कोऽयं गायति धर्मात्मा महत्सौख्यप्रदायकम् । गीतं हि सत्क्रियोपेतं सर्वभावसमन्वितम्

ko'yaṃ gāyati dharmātmā mahatsaukhyapradāyakam | gītaṃ hi satkriyopetaṃ sarvabhāvasamanvitam

Sanskrit only: no published translation is held for this verse.

सखीभिः सहिता गत्वा औत्सुक्येन नृपात्मजा । अशोकच्छायामाश्रित्य विमले सुशिलातले

sakhībhiḥ sahitā gatvā autsukyena nṛpātmajā | aśokacchāyāmāśritya vimale suśilātale

Sanskrit only: no published translation is held for this verse.

ददर्श भूपवेषेण गोभिलं दानवाधमम् । पुष्पमालांबरधरं दिव्यगंधानुलेपनम्

dadarśa bhūpaveṣeṇa gobhilaṃ dānavādhamam | puṣpamālāṃbaradharaṃ divyagaṃdhānulepanam

Sanskrit only: no published translation is held for this verse.

सर्वाभरणशोभांगं पद्मावती पतिव्रता । मथुरेशः समायातः कदा धर्मपरायणः

sarvābharaṇaśobhāṃgaṃ padmāvatī pativratā | mathureśaḥ samāyātaḥ kadā dharmaparāyaṇaḥ

Sanskrit only: no published translation is held for this verse.

मम नाथो महात्मा वै राज्यं त्यक्त्वा प्रदूरतः । यावद्धि चिंतयेत्सा च तावत्पापेन तेन सा

mama nātho mahātmā vai rājyaṃ tyaktvā pradūrataḥ | yāvaddhi ciṃtayetsā ca tāvatpāpena tena sā

Sanskrit only: no published translation is held for this verse.

समाहूता तुरीभूय एहि त्वं हि प्रिये मम । चकिताशंकितासाचकथंभर्त्तासमागतः

samāhūtā turībhūya ehi tvaṃ hi priye mama | cakitāśaṃkitāsācakathaṃbharttāsamāgataḥ

Sanskrit only: no published translation is held for this verse.

लज्जिता दुःखिता जाता अधःकृत्वा ततो मुखम् । अहं पापा दुराचारा निःशंका परिवर्तिता

lajjitā duḥkhitā jātā adhaḥkṛtvā tato mukham | ahaṃ pāpā durācārā niḥśaṃkā parivartitā

Sanskrit only: no published translation is held for this verse.

कोपमेवं महाभागः करिष्यति न संशयः । यावद्धि चिंतयेत्सा च तावत्तेनापि पापिना

kopamevaṃ mahābhāgaḥ kariṣyati na saṃśayaḥ | yāvaddhi ciṃtayetsā ca tāvattenāpi pāpinā

Sanskrit only: no published translation is held for this verse.

समाहूता तुरीभूय एह्येहि त्वं मम प्रिये । त्वया विना कृतो देवि प्राणान्धर्तुं वरानने

samāhūtā turībhūya ehyehi tvaṃ mama priye | tvayā vinā kṛto devi prāṇāndhartuṃ varānane

Sanskrit only: no published translation is held for this verse.

न हि शक्नोम्यहं कांते जीवितं प्रियमेव च । तव स्नेहेन लुब्धोस्मि त्वां त्यक्त्वा नोत्सहे भृशम्

na hi śaknomyahaṃ kāṃte jīvitaṃ priyameva ca | tava snehena lubdhosmi tvāṃ tyaktvā notsahe bhṛśam

Sanskrit only: no published translation is held for this verse.

ब्राह्मण्युवाच- एवमुक्ता गतापश्यत्सुमुखं लज्जयान्विता । समालिंग्य ततो दैत्यः सतीं पद्मावतीं तदा

brāhmaṇyuvāca- evamuktā gatāpaśyatsumukhaṃ lajjayānvitā | samāliṃgya tato daityaḥ satīṃ padmāvatīṃ tadā

Sanskrit only: no published translation is held for this verse.

एकांतं तु समानीता सुभुक्ता इच्छया ततः । दैत्येन गोभिलेनापि सत्यकेतोः सुता तदा

ekāṃtaṃ tu samānītā subhuktā icchayā tataḥ | daityena gobhilenāpi satyaketoḥ sutā tadā

Sanskrit only: no published translation is held for this verse.

सुकलोवाच- मुष्कस्थानेस्य संकेतं नाविंदत वरानना । स्ववस्त्रं सा परिगृह्य शंकिता दुःखिता ह्यभूत्

sukalovāca- muṣkasthānesya saṃketaṃ nāviṃdata varānanā | svavastraṃ sā parigṛhya śaṃkitā duḥkhitā hyabhūt

Sanskrit only: no published translation is held for this verse.

सा सक्रोधा वचः प्राह गोभिलं दानवाधमम् । कस्त्वं पापसमाचारो निर्घृणो दानवाकृतिः

sā sakrodhā vacaḥ prāha gobhilaṃ dānavādhamam | kastvaṃ pāpasamācāro nirghṛṇo dānavākṛtiḥ

Sanskrit only: no published translation is held for this verse.

शप्तुकामा समुद्युक्ता दुःखेनाकुलितेक्षणा । वेपमाना तदा राजन्दुःखभारेण पीडिता

śaptukāmā samudyuktā duḥkhenākulitekṣaṇā | vepamānā tadā rājanduḥkhabhāreṇa pīḍitā

Sanskrit only: no published translation is held for this verse.

मम कांतच्छलेनैव त्वयागत्य दुरात्मवन् । नाशितं धर्ममेवाग्र्यं पातिव्रत्यमनुत्तमम्

mama kāṃtacchalenaiva tvayāgatya durātmavan | nāśitaṃ dharmamevāgryaṃ pātivratyamanuttamam

Sanskrit only: no published translation is held for this verse.

सुस्वरं रुदितं कृत्वा मम जन्म त्वया हृतम् । पश्य मे बलमत्रैव शापं दास्ये सुदारुणम्

susvaraṃ ruditaṃ kṛtvā mama janma tvayā hṛtam | paśya me balamatraiva śāpaṃ dāsye sudāruṇam

Sanskrit only: no published translation is held for this verse.

एवं संभाषमाणा तं शप्तुकामा तु गोभिलम्

evaṃ saṃbhāṣamāṇā taṃ śaptukāmā tu gobhilam

Sanskrit only: no published translation is held for this verse.