Library·Padma Purāṇa·2·2.57
विष्णुरुवाच- क्रीडा सतीरूप धरा प्रभूत्वा गेहं गता चारु पतिव्रतायाः । तामागतां सत्यस्वरूपयुक्ता सा सादरं वाक्यमुवाच धन्या
viṣṇuruvāca- krīḍā satīrūpa dharā prabhūtvā gehaṃ gatā cāru pativratāyāḥ | tāmāgatāṃ satyasvarūpayuktā sā sādaraṃ vākyamuvāca dhanyā
Sanskrit only: no published translation is held for this verse.
वाक्यैः सुपुण्यैः परिपूजिता सा उवाच क्रीडा सुकलां विहस्य । मायानुगं विश्वविमोहनं सती प्रत्युत्तरं सत्यप्रमेयुक्तम्
vākyaiḥ supuṇyaiḥ paripūjitā sā uvāca krīḍā sukalāṃ vihasya | māyānugaṃ viśvavimohanaṃ satī pratyuttaraṃ satyaprameyuktam
Sanskrit only: no published translation is held for this verse.
ममापि भर्ता प्रबलो गुणज्ञो धीरः सविद्यो महिमाप्रयुक्तः । त्यक्त्वा गतः पापतरांसुपुण्यो मामेव नाथः शृणु पुण्यकीर्तिः
mamāpi bhartā prabalo guṇajño dhīraḥ savidyo mahimāprayuktaḥ | tyaktvā gataḥ pāpatarāṃsupuṇyo māmeva nāthaḥ śṛṇu puṇyakīrtiḥ
Sanskrit only: no published translation is held for this verse.
वाक्यैस्तु पुण्यैरबलास्वभावादाकर्ण्य सर्वं सुकला समुक्तम् । संशुद्धभावां च विचिंत्य चाह कस्माद्गतः सुंदरि तेऽद्य नाथः
vākyaistu puṇyairabalāsvabhāvādākarṇya sarvaṃ sukalā samuktam | saṃśuddhabhāvāṃ ca viciṃtya cāha kasmādgataḥ suṃdari te'dya nāthaḥ
Sanskrit only: no published translation is held for this verse.
विहाय ते रूपमतीव सत्यमाचक्ष्व सर्वं भवती सुभर्तुः । ध्यानोपयुक्ता सकलं करोति सखीस्वरूपा गृहमागता मे
vihāya te rūpamatīva satyamācakṣva sarvaṃ bhavatī subhartuḥ | dhyānopayuktā sakalaṃ karoti sakhīsvarūpā gṛhamāgatā me
Sanskrit only: no published translation is held for this verse.
क्रीडा बभाषे शृणु सत्यमेतं चरित्रभावं मम भर्त्तुरस्य । अहं प्रिये यस्य सदैव युक्ता यमिच्छते तं प्रतिसांत्वयामि
krīḍā babhāṣe śṛṇu satyametaṃ caritrabhāvaṃ mama bhartturasya | ahaṃ priye yasya sadaiva yuktā yamicchate taṃ pratisāṃtvayāmi
Sanskrit only: no published translation is held for this verse.
कर्तुः सुपुण्यं वचनं सुभर्तुर्ध्यानोपयुक्ता सकलं करोमि । एकांतशीला सगुणानुरूपा शुश्रूषयैकस्तमिहैव देवि
kartuḥ supuṇyaṃ vacanaṃ subharturdhyānopayuktā sakalaṃ karomi | ekāṃtaśīlā saguṇānurūpā śuśrūṣayaikastamihaiva devi
Sanskrit only: no published translation is held for this verse.
मम पूर्व विपाकोऽयं संप्रत्येव प्रवर्तते । यतस्त्यक्त्वा गतो भर्त्ता मामेवं मंदभागिनीम्
mama pūrva vipāko'yaṃ saṃpratyeva pravartate | yatastyaktvā gato bharttā māmevaṃ maṃdabhāginīm
Sanskrit only: no published translation is held for this verse.
सखे न धारये जीवं स्वकीय कायमेव च । पत्याहीनाः कथं नार्यः सुजीवंति च निर्घृणाः
sakhe na dhāraye jīvaṃ svakīya kāyameva ca | patyāhīnāḥ kathaṃ nāryaḥ sujīvaṃti ca nirghṛṇāḥ
Sanskrit only: no published translation is held for this verse.
रूपशृंगारसौभाग्यं सुखं संपच्च नान्यथा । नारीणां हि महाभागो भर्ता शास्त्रेषु गीयते
rūpaśṛṃgārasaubhāgyaṃ sukhaṃ saṃpacca nānyathā | nārīṇāṃ hi mahābhāgo bhartā śāstreṣu gīyate
Sanskrit only: no published translation is held for this verse.
तया सर्वं समाकर्ण्य यदुक्तं क्रीडया तदा । सत्यभावं विदित्वा सा मेने संभाषितं तदा
tayā sarvaṃ samākarṇya yaduktaṃ krīḍayā tadā | satyabhāvaṃ viditvā sā mene saṃbhāṣitaṃ tadā
Sanskrit only: no published translation is held for this verse.
विश्वस्ता सा महाभागा सुकला पतिदेवता । तामुवाच पुनः सर्वमात्मचेष्टानुगं वचः
viśvastā sā mahābhāgā sukalā patidevatā | tāmuvāca punaḥ sarvamātmaceṣṭānugaṃ vacaḥ
Sanskrit only: no published translation is held for this verse.
समासेन समाख्यातं पूर्ववृत्तांतमात्मनः । यथा भर्ता गतो यात्रां पुण्यसाधनतत्परः
samāsena samākhyātaṃ pūrvavṛttāṃtamātmanaḥ | yathā bhartā gato yātrāṃ puṇyasādhanatatparaḥ
Sanskrit only: no published translation is held for this verse.
आत्मदुःखं सुसत्यं च तप एव मनस्विनि । बोधिता क्रीडया सा तु समाश्वास्य पतिव्रता
ātmaduḥkhaṃ susatyaṃ ca tapa eva manasvini | bodhitā krīḍayā sā tu samāśvāsya pativratā
Sanskrit only: no published translation is held for this verse.
सूत उवाच- एकदा तु तया प्रोक्तं क्रीडया सुकलां प्रति । सखे पश्य वनं सौम्यं दिव्यवृक्षैरलंकृतम्
sūta uvāca- ekadā tu tayā proktaṃ krīḍayā sukalāṃ prati | sakhe paśya vanaṃ saumyaṃ divyavṛkṣairalaṃkṛtam
Sanskrit only: no published translation is held for this verse.
तत्र तीर्थं परं पुण्यमस्ति पातकनाशनम् । नानावल्लीवितानैश्च सुपुष्पैः परिशोभितम्
tatra tīrthaṃ paraṃ puṇyamasti pātakanāśanam | nānāvallīvitānaiśca supuṣpaiḥ pariśobhitam
Sanskrit only: no published translation is held for this verse.
आवाभ्यामपि गंतव्यं पुण्यहेतोर्वरानने । समाकर्ण्य तया सार्द्धं सुकला मायया तदा
āvābhyāmapi gaṃtavyaṃ puṇyahetorvarānane | samākarṇya tayā sārddhaṃ sukalā māyayā tadā
Sanskrit only: no published translation is held for this verse.
प्रविवेश वनं दिव्यं नंदनोपममेव सा । सर्वर्तुकुसुमोपेतं कोकिलाशतनादितम्
praviveśa vanaṃ divyaṃ naṃdanopamameva sā | sarvartukusumopetaṃ kokilāśatanāditam
Sanskrit only: no published translation is held for this verse.
गीयमानं सुमधुरैर्नादैर्मधुकरैरपि । कूजद्भिः पक्षिभिः पुण्यैः पुण्यध्वनिसमाकुलम्
gīyamānaṃ sumadhurairnādairmadhukarairapi | kūjadbhiḥ pakṣibhiḥ puṇyaiḥ puṇyadhvanisamākulam
Sanskrit only: no published translation is held for this verse.
चंदनादिकवृक्षैश्च सौरभैश्च विराजितम् । सर्वभोगैः सुसंपूर्णं माधव्या माधवेन वै
caṃdanādikavṛkṣaiśca saurabhaiśca virājitam | sarvabhogaiḥ susaṃpūrṇaṃ mādhavyā mādhavena vai
Sanskrit only: no published translation is held for this verse.
रचितं मोहनायैव सुकलायाश्च कारणात् । तया सार्धं प्रविष्टा सा तद्वनं सर्वभावनम्
racitaṃ mohanāyaiva sukalāyāśca kāraṇāt | tayā sārdhaṃ praviṣṭā sā tadvanaṃ sarvabhāvanam
Sanskrit only: no published translation is held for this verse.
ददर्श सौख्यदं पुण्यं मायाभावं न विंदति । वीक्षमाणा वनं दिव्यं तया सह जनेश्वर
dadarśa saukhyadaṃ puṇyaṃ māyābhāvaṃ na viṃdati | vīkṣamāṇā vanaṃ divyaṃ tayā saha janeśvara
Sanskrit only: no published translation is held for this verse.
शक्रोपि चाभ्ययात्तत्र देवमूर्तिविराजितः । तया दूत्या समं प्राप्तः कामस्तत्र समागतः
śakropi cābhyayāttatra devamūrtivirājitaḥ | tayā dūtyā samaṃ prāptaḥ kāmastatra samāgataḥ
Sanskrit only: no published translation is held for this verse.
सर्वभोगपतिर्भूत्वा कामलीलासमाकुलः । काममाह समाभाष्य एषा सा सुकुला गता
sarvabhogapatirbhūtvā kāmalīlāsamākulaḥ | kāmamāha samābhāṣya eṣā sā sukulā gatā
Sanskrit only: no published translation is held for this verse.
प्रहरस्व महाभाग क्रीडायाः पुरतः स्थिताम् । मायां कृत्वा समानीता क्रीडया तव संनिधौ
praharasva mahābhāga krīḍāyāḥ purataḥ sthitām | māyāṃ kṛtvā samānītā krīḍayā tava saṃnidhau
Sanskrit only: no published translation is held for this verse.
पौरुषं दर्शयाद्यैव यद्यस्ति कुरु निश्चितम् । काम उवाच- आत्मरूपं दर्शयस्व चतुरं लीलयान्वितम्
pauruṣaṃ darśayādyaiva yadyasti kuru niścitam | kāma uvāca- ātmarūpaṃ darśayasva caturaṃ līlayānvitam
Sanskrit only: no published translation is held for this verse.
येनाहं प्रहराम्येतां पंचबाणैः सहस्रदृक् । इंद्र उवाच- क्वास्ते ते पौरुषं मूढ येन लोकं विडंबसे
yenāhaṃ praharāmyetāṃ paṃcabāṇaiḥ sahasradṛk | iṃdra uvāca- kvāste te pauruṣaṃ mūḍha yena lokaṃ viḍaṃbase
Sanskrit only: no published translation is held for this verse.
ममाधारपरोभूत्वा योद्धुमिच्छसि सांप्रतम् । काम उवाच- तेनापि देवदेवेन महादेवेन शूलिना
mamādhāraparobhūtvā yoddhumicchasi sāṃpratam | kāma uvāca- tenāpi devadevena mahādevena śūlinā
Sanskrit only: no published translation is held for this verse.
पूर्वमेव हृतं रूपं ममकायो न विद्यते । इच्छाम्यहं यदा नारीं हंतुं शृणुष्व सांप्रतम्
pūrvameva hṛtaṃ rūpaṃ mamakāyo na vidyate | icchāmyahaṃ yadā nārīṃ haṃtuṃ śṛṇuṣva sāṃpratam
Sanskrit only: no published translation is held for this verse.
पुंसां कायं समाश्रित्य आत्मरूपं प्रदर्शये । पुमांसं वा सहस्राक्ष नार्याः कार्यं समाश्रये
puṃsāṃ kāyaṃ samāśritya ātmarūpaṃ pradarśaye | pumāṃsaṃ vā sahasrākṣa nāryāḥ kāryaṃ samāśraye
Sanskrit only: no published translation is held for this verse.
पूर्वदृष्टा यदा नारी तामेव परिचिंतयेत् । चिंत्यमानस्य पुंसस्तु नार्यारूपं पुनःपुनः
pūrvadṛṣṭā yadā nārī tāmeva pariciṃtayet | ciṃtyamānasya puṃsastu nāryārūpaṃ punaḥpunaḥ
Sanskrit only: no published translation is held for this verse.
अदृष्टं तु समाश्रित्य पुंसमुन्मादयाम्यहम् । तथाप्युन्मादयाम्येवं नारीरूपं न संशयः
adṛṣṭaṃ tu samāśritya puṃsamunmādayāmyaham | tathāpyunmādayāmyevaṃ nārīrūpaṃ na saṃśayaḥ
Sanskrit only: no published translation is held for this verse.
संस्मरणात्स्मरो नाम मम जातं सुरेश्वर । तां दृष्ट्वा तादृशोरंग वस्तुरूपं समाश्रये
saṃsmaraṇātsmaro nāma mama jātaṃ sureśvara | tāṃ dṛṣṭvā tādṛśoraṃga vasturūpaṃ samāśraye
Sanskrit only: no published translation is held for this verse.
आत्मतेजः प्रकाशेन बाध्यबाधकतां व्रजेत् । नारीरूपं समाश्रित्य धीरं पुरुषं प्रमोहयेत्
ātmatejaḥ prakāśena bādhyabādhakatāṃ vrajet | nārīrūpaṃ samāśritya dhīraṃ puruṣaṃ pramohayet
Sanskrit only: no published translation is held for this verse.
पुरुषं तु समाश्रित्य भावयामि सुयोषितम् । रूपहीनोस्मि हे इंद्र अस्मद्रूपं समाश्रयेत्
puruṣaṃ tu samāśritya bhāvayāmi suyoṣitam | rūpahīnosmi he iṃdra asmadrūpaṃ samāśrayet
Sanskrit only: no published translation is held for this verse.
तवरूपं समाश्रित्य तां साधये यथेप्सिताम् । एवमुक्त्वा स देवेंद्रं कायं तस्य महात्मनः
tavarūpaṃ samāśritya tāṃ sādhaye yathepsitām | evamuktvā sa deveṃdraṃ kāyaṃ tasya mahātmanaḥ
Sanskrit only: no published translation is held for this verse.
सखासौ माधवस्यापि समाश्रित्य सुमायुधः
sakhāsau mādhavasyāpi samāśritya sumāyudhaḥ
Sanskrit only: no published translation is held for this verse.
तामेव हंतुं कुसुमायुधोपि साध्वीं सुपुण्यां कृकलस्य भार्याम् । समुत्सुकस्तिष्ठति बाणलक्षं तस्याश्च कायं नयनैर्विलोक्य
tāmeva haṃtuṃ kusumāyudhopi sādhvīṃ supuṇyāṃ kṛkalasya bhāryām | samutsukastiṣṭhati bāṇalakṣaṃ tasyāśca kāyaṃ nayanairvilokya
Sanskrit only: no published translation is held for this verse.
इति श्रीपद्मपुराणे भूमिखंडे वेनोपाख्याने सुकलाचरित्रे सप्तपंचाशत्तमोऽध्यायः
iti śrīpadmapurāṇe bhūmikhaṃḍe venopākhyāne sukalācaritre saptapaṃcāśattamo'dhyāyaḥ
Sanskrit only: no published translation is held for this verse.