Padma Purāṇa 2.6

सूत उवाच- कश्यपस्य च भार्यान्या दनुर्नाम तपस्विनी । पुत्रशोकेन संतप्ता संप्राप्ता दितिमंदिरम्

sūta uvāca- kaśyapasya ca bhāryānyā danurnāma tapasvinī | putraśokena saṃtaptā saṃprāptā ditimaṃdiram

Sanskrit only: no published translation is held for this verse.

रोदमाना प्रणम्यैव पादपद्मयुगं तदा । दुःखेन महता प्राप्ता दितिस्तां प्रत्यबोधयत्

rodamānā praṇamyaiva pādapadmayugaṃ tadā | duḥkhena mahatā prāptā ditistāṃ pratyabodhayat

Sanskrit only: no published translation is held for this verse.

दितिरुवाच- तवैव हि महाभागे किमिदं रोदकारणम् । पुत्रिण्यश्चैकपुत्रेण लोके नार्यो भवंति वै

ditiruvāca- tavaiva hi mahābhāge kimidaṃ rodakāraṇam | putriṇyaścaikaputreṇa loke nāryo bhavaṃti vai

Sanskrit only: no published translation is held for this verse.

भवती शतपुत्राणां गुणिनामपि भामिनि । माता त्वमसि कल्याणि शुंभादीनां महात्मनाम्

bhavatī śataputrāṇāṃ guṇināmapi bhāmini | mātā tvamasi kalyāṇi śuṃbhādīnāṃ mahātmanām

Sanskrit only: no published translation is held for this verse.

कस्माद्दुःखं त्वया प्राप्तमेतन्मे कारणं वद । हिरण्यकशिपू राजा हिरण्याक्षो महाबलः

kasmādduḥkhaṃ tvayā prāptametanme kāraṇaṃ vada | hiraṇyakaśipū rājā hiraṇyākṣo mahābalaḥ

Sanskrit only: no published translation is held for this verse.

यस्याः पुत्रौ महात्मानौ महाबलपराक्रमौ । कस्माद्दुःखं महज्जातं तस्माच्चैव सखे वद

yasyāḥ putrau mahātmānau mahābalaparākramau | kasmādduḥkhaṃ mahajjātaṃ tasmāccaiva sakhe vada

Sanskrit only: no published translation is held for this verse.

आख्याहि कारणं सर्वं यस्माद्रोदिषि सांप्रतम् । एवमाभाष्य तां देवीं विरराम मनस्विनी

ākhyāhi kāraṇaṃ sarvaṃ yasmādrodiṣi sāṃpratam | evamābhāṣya tāṃ devīṃ virarāma manasvinī

Sanskrit only: no published translation is held for this verse.

दनुरुवाच- पश्य पश्य महाभागे सपत्न्याश्च मनोरथम् । परिपूर्णं कृतं तेन देवदेवेन चक्रिणा

danuruvāca- paśya paśya mahābhāge sapatnyāśca manoratham | paripūrṇaṃ kṛtaṃ tena devadevena cakriṇā

Sanskrit only: no published translation is held for this verse.

यथापूर्वं वरो दत्तो ह्यदित्यै देवि विष्णुना । तथेदानीं च पुत्राय तस्या दत्तो वरो महान्

yathāpūrvaṃ varo datto hyadityai devi viṣṇunā | tathedānīṃ ca putrāya tasyā datto varo mahān

Sanskrit only: no published translation is held for this verse.

कश्यपाद्विश्रुतो जातस्त्रैलोक्यपालकः सुतः । इंद्रत्वं तस्य वै दत्तं तव पुत्राद्विहृत्य च

kaśyapādviśruto jātastrailokyapālakaḥ sutaḥ | iṃdratvaṃ tasya vai dattaṃ tava putrādvihṛtya ca

Sanskrit only: no published translation is held for this verse.

मनोरथैस्तु संपूर्णा अदितिः सुखवर्द्धिनी । कनीयान्वसुदत्तश्च तस्याः पुत्रश्च संप्रति

manorathaistu saṃpūrṇā aditiḥ sukhavarddhinī | kanīyānvasudattaśca tasyāḥ putraśca saṃprati

Sanskrit only: no published translation is held for this verse.

ऐंद्रं पदं सुदुष्प्राप्यं देवैः सार्द्धं भुनक्ति च । दितिरुवाच- कस्मात्पदात्परिभ्रष्टो मम पुत्रो महामतिः

aiṃdraṃ padaṃ suduṣprāpyaṃ devaiḥ sārddhaṃ bhunakti ca | ditiruvāca- kasmātpadātparibhraṣṭo mama putro mahāmatiḥ

Sanskrit only: no published translation is held for this verse.

अन्ये च दानवा दैत्यास्तेजोभ्रष्टाः कथं सखे । तस्य त्वं कारणं ब्रूहि विस्तरेण यशस्विनि

anye ca dānavā daityāstejobhraṣṭāḥ kathaṃ sakhe | tasya tvaṃ kāraṇaṃ brūhi vistareṇa yaśasvini

Sanskrit only: no published translation is held for this verse.

तामाभाष्य दितिर्वाक्यं विरराम सुदुःखिता । दनुरुवाच- देवाश्च दानवाः सर्वे सक्रोधाः संगरं गताः

tāmābhāṣya ditirvākyaṃ virarāma suduḥkhitā | danuruvāca- devāśca dānavāḥ sarve sakrodhāḥ saṃgaraṃ gatāḥ

Sanskrit only: no published translation is held for this verse.

तत्र युद्धं महज्जातं दैत्यसंक्षयकारकम् । देवैश्च विष्णुना युद्धे मम पुत्रा निपातिताः

tatra yuddhaṃ mahajjātaṃ daityasaṃkṣayakārakam | devaiśca viṣṇunā yuddhe mama putrā nipātitāḥ

Sanskrit only: no published translation is held for this verse.

तथैव तव पुत्रास्ते देवदेवेन चक्रिणा । वने गतान्यथा सिंहो द्रावयेत्स्वेन तेजसा

tathaiva tava putrāste devadevena cakriṇā | vane gatānyathā siṃho drāvayetsvena tejasā

Sanskrit only: no published translation is held for this verse.

तथा ते मामकाः पुत्रा निहताः शङ्खपाणिना । कालनेमिमुखं सैन्यं दुर्जयं ससुरासुरैः

tathā te māmakāḥ putrā nihatāḥ śaṅkhapāṇinā | kālanemimukhaṃ sainyaṃ durjayaṃ sasurāsuraiḥ

Sanskrit only: no published translation is held for this verse.

नाशितं मर्दितं सर्वं द्रावितं विकलीकृतम् । स्वैरर्चिभिर्यथा वह्निस्तृणानि ज्वालयेद्वने

nāśitaṃ marditaṃ sarvaṃ drāvitaṃ vikalīkṛtam | svairarcibhiryathā vahnistṛṇāni jvālayedvane

Sanskrit only: no published translation is held for this verse.

तथा दैत्यगणान्सर्वान्निर्दहत्येव केशवः । मम पुत्रा मृता देवि बहुशस्तव नंदनाः

tathā daityagaṇānsarvānnirdahatyeva keśavaḥ | mama putrā mṛtā devi bahuśastava naṃdanāḥ

Sanskrit only: no published translation is held for this verse.

वह्निं प्राप्य यथा सर्वे शलभा यांति संक्षयम् । तथा ते दानवाः सर्वे हरिं प्राप्य क्षयं गताः

vahniṃ prāpya yathā sarve śalabhā yāṃti saṃkṣayam | tathā te dānavāḥ sarve hariṃ prāpya kṣayaṃ gatāḥ

Sanskrit only: no published translation is held for this verse.

एवमेतं हि वृत्तांतं दितिः शुश्राव दारुणम् । दितिरुवाच- वज्रपातोपमं भद्रे वदस्येवं कथं मम

evametaṃ hi vṛttāṃtaṃ ditiḥ śuśrāva dāruṇam | ditiruvāca- vajrapātopamaṃ bhadre vadasyevaṃ kathaṃ mama

Sanskrit only: no published translation is held for this verse.

एवमाभाष्य तां देवी मूर्च्छिता निपपात ह । हा हा कष्टमिदं जातं बहुदुःखं प्रतापकम्

evamābhāṣya tāṃ devī mūrcchitā nipapāta ha | hā hā kaṣṭamidaṃ jātaṃ bahuduḥkhaṃ pratāpakam

Sanskrit only: no published translation is held for this verse.

रुरोद करुणं साथ पुत्रशोकसुपीडिता । तां दृष्ट्वा स मुनिश्रेष्ठ उवाच वचनं शुभम्

ruroda karuṇaṃ sātha putraśokasupīḍitā | tāṃ dṛṣṭvā sa muniśreṣṭha uvāca vacanaṃ śubham

Sanskrit only: no published translation is held for this verse.

मा रोदिषि च भद्रं ते नैवं शोचंति त्वद्विधाः । सत्ववंतो महाभागे लोभमोहेन वर्जिताः

mā rodiṣi ca bhadraṃ te naivaṃ śocaṃti tvadvidhāḥ | satvavaṃto mahābhāge lobhamohena varjitāḥ

Sanskrit only: no published translation is held for this verse.

कस्य पुत्रा हि संसारे कस्य देवी सुबांधवाः । नास्तिकस्येह केनापि तत्सर्वं श्रूयतां प्रिये

kasya putrā hi saṃsāre kasya devī subāṃdhavāḥ | nāstikasyeha kenāpi tatsarvaṃ śrūyatāṃ priye

Sanskrit only: no published translation is held for this verse.

दक्षस्यापि सुता यूयं सुन्दर्यश्चैव मामकाः । भवतीनामहं भर्ता कामनापूरकः शुभे

dakṣasyāpi sutā yūyaṃ sundaryaścaiva māmakāḥ | bhavatīnāmahaṃ bhartā kāmanāpūrakaḥ śubhe

Sanskrit only: no published translation is held for this verse.

योजकः पालकश्चैव रक्षकोस्मि वरानने । कस्माद्वैरं कृतं क्रूरैरसुरैरजितात्मभिः

yojakaḥ pālakaścaiva rakṣakosmi varānane | kasmādvairaṃ kṛtaṃ krūrairasurairajitātmabhiḥ

Sanskrit only: no published translation is held for this verse.

तव पुत्रा महाभागे सत्यधर्मविवर्जिताः । तेन दोषेण ते सर्वे तव दोषेण वै शुभे

tava putrā mahābhāge satyadharmavivarjitāḥ | tena doṣeṇa te sarve tava doṣeṇa vai śubhe

Sanskrit only: no published translation is held for this verse.

निहता वासुदेवेन दैवतैस्तु निपातिताः । तस्माच्छोको न कर्तव्यः सत्यमोक्षविनाशनः

nihatā vāsudevena daivataistu nipātitāḥ | tasmācchoko na kartavyaḥ satyamokṣavināśanaḥ

Sanskrit only: no published translation is held for this verse.

शोको हि नाशयेत्पुण्यं क्षयात्पुण्यस्य नश्यति । तस्माच्छोकं परित्यज विघ्नरूपं वरानने

śoko hi nāśayetpuṇyaṃ kṣayātpuṇyasya naśyati | tasmācchokaṃ parityaja vighnarūpaṃ varānane

Sanskrit only: no published translation is held for this verse.

आत्मदोषप्रभावेण दानवा मरणं गताः । देवा निमित्तभूताश्च नाशिताः स्वेन कर्मणा

ātmadoṣaprabhāveṇa dānavā maraṇaṃ gatāḥ | devā nimittabhūtāśca nāśitāḥ svena karmaṇā

Sanskrit only: no published translation is held for this verse.

एवं ज्ञात्वा महाभागे समागच्छ सुखं प्रति । एवमुक्त्वा महायोगी तां प्रियां दुःखभागिनीम्

evaṃ jñātvā mahābhāge samāgaccha sukhaṃ prati | evamuktvā mahāyogī tāṃ priyāṃ duḥkhabhāginīm

Sanskrit only: no published translation is held for this verse.

विषादाच्च निवृत्तोसौ विरराम महामतिः

viṣādācca nivṛttosau virarāma mahāmatiḥ

Sanskrit only: no published translation is held for this verse.