Padma Purāṇa 2.62

विष्णुरुवाच- कुंडलस्याश्रमं गत्वा सत्यधर्म समाकुलम् । सुकर्माणं ततो दृष्ट्वा पितृमातृपरायणम्

viṣṇuruvāca- kuṃḍalasyāśramaṃ gatvā satyadharma samākulam | sukarmāṇaṃ tato dṛṣṭvā pitṛmātṛparāyaṇam

Sanskrit only: no published translation is held for this verse.

शुश्रूषंतं महात्मानं गुरूसत्यपराक्रमम् । महारूपं महातेजं महाज्ञानसमाकुलम्

śuśrūṣaṃtaṃ mahātmānaṃ gurūsatyaparākramam | mahārūpaṃ mahātejaṃ mahājñānasamākulam

Sanskrit only: no published translation is held for this verse.

मातापित्रोः पदांते तमुपविष्टं ददर्श सः । महाभक्त्यान्वितं शांतं सर्वज्ञानमहानिधिम्

mātāpitroḥ padāṃte tamupaviṣṭaṃ dadarśa saḥ | mahābhaktyānvitaṃ śāṃtaṃ sarvajñānamahānidhim

Sanskrit only: no published translation is held for this verse.

कुंडलस्यापि पुत्रेण सुकर्मणा महात्मना । आगतं पिप्पलं दृष्ट्वा द्वारदेशे महामतिम्

kuṃḍalasyāpi putreṇa sukarmaṇā mahātmanā | āgataṃ pippalaṃ dṛṣṭvā dvāradeśe mahāmatim

Sanskrit only: no published translation is held for this verse.

आसनात्तूर्णमुत्थाय अभ्युत्थानं कृतं पुनः । आगच्छ त्वं महाभाग विद्याधर महामते

āsanāttūrṇamutthāya abhyutthānaṃ kṛtaṃ punaḥ | āgaccha tvaṃ mahābhāga vidyādhara mahāmate

Sanskrit only: no published translation is held for this verse.

आसनं पाद्यमर्घं च ददौ तस्मै महामतिः । निर्विघ्नोऽसि महाप्राज्ञ कुशलेन प्रवर्त्तसे

āsanaṃ pādyamarghaṃ ca dadau tasmai mahāmatiḥ | nirvighno'si mahāprājña kuśalena pravarttase

Sanskrit only: no published translation is held for this verse.

निरामयं च पप्रच्छ पिप्पलं तं समागतम् । यस्मादागमनं तेद्य तत्सर्वं प्रवदाम्यहम्

nirāmayaṃ ca papraccha pippalaṃ taṃ samāgatam | yasmādāgamanaṃ tedya tatsarvaṃ pravadāmyaham

Sanskrit only: no published translation is held for this verse.

वर्षाणां च सहस्राणि त्रीणि यावत्त्वया तपः । तप्तमेव महाभाग सुरेभ्यः प्राप्तवान्वरम्

varṣāṇāṃ ca sahasrāṇi trīṇi yāvattvayā tapaḥ | taptameva mahābhāga surebhyaḥ prāptavānvaram

Sanskrit only: no published translation is held for this verse.

वश्यत्वं च त्वया प्राप्तं कामचारस्तथैव च । तेन मत्तो न जानासि गर्वमुद्वहसे वृथा

vaśyatvaṃ ca tvayā prāptaṃ kāmacārastathaiva ca | tena matto na jānāsi garvamudvahase vṛthā

Sanskrit only: no published translation is held for this verse.

दृष्ट्वा ते चेष्टितं सर्वं सारसेन महात्मना । ममाभिधानं कथितं मम ज्ञानमनुत्तमम्

dṛṣṭvā te ceṣṭitaṃ sarvaṃ sārasena mahātmanā | mamābhidhānaṃ kathitaṃ mama jñānamanuttamam

Sanskrit only: no published translation is held for this verse.

पिप्पल उवाच- योसौ मां सारसो विप्र सरित्तीरे प्रयुक्तवान् । सर्वं ज्ञानं वदेन्मां हि स तु कः प्रभुरीश्वरः

pippala uvāca- yosau māṃ sāraso vipra sarittīre prayuktavān | sarvaṃ jñānaṃ vadenmāṃ hi sa tu kaḥ prabhurīśvaraḥ

Sanskrit only: no published translation is held for this verse.

सुकर्मोवाच- भवंतमुक्तवान्यो वै सरित्तीरे तु सारसः । ब्रह्माणं त्वं महाज्ञानं तं विद्धि परमेश्वरम्

sukarmovāca- bhavaṃtamuktavānyo vai sarittīre tu sārasaḥ | brahmāṇaṃ tvaṃ mahājñānaṃ taṃ viddhi parameśvaram

Sanskrit only: no published translation is held for this verse.

अन्यत्किं पृच्छसे ब्रूहि तमेवं प्रवदाम्यहम् । विष्णुरुवाच- एवमुक्तः स धर्मात्मा सुकर्मा नृपनंदन

anyatkiṃ pṛcchase brūhi tamevaṃ pravadāmyaham | viṣṇuruvāca- evamuktaḥ sa dharmātmā sukarmā nṛpanaṃdana

Sanskrit only: no published translation is held for this verse.

पिप्पल उवाच- त्वयि वश्यं जगत्सर्वमिति शुश्रुम भूतले । तन्मे त्वं कौतुकं विप्र दर्शयस्व प्रयत्नतः

pippala uvāca- tvayi vaśyaṃ jagatsarvamiti śuśruma bhūtale | tanme tvaṃ kautukaṃ vipra darśayasva prayatnataḥ

Sanskrit only: no published translation is held for this verse.

पश्य कौतुकमेवाद्य त्वं वश्यावश्यकारणम् । तमुवाच स धर्मात्मा सुकर्मा पिप्पलं प्रति

paśya kautukamevādya tvaṃ vaśyāvaśyakāraṇam | tamuvāca sa dharmātmā sukarmā pippalaṃ prati

Sanskrit only: no published translation is held for this verse.

अथ सस्मार वै देवान्सुकर्मा प्रत्ययाय वै । इंद्राद्या लोकपालाश्च देवाश्चाग्निपुरोगमाः

atha sasmāra vai devānsukarmā pratyayāya vai | iṃdrādyā lokapālāśca devāścāgnipurogamāḥ

Sanskrit only: no published translation is held for this verse.

समागताः समाहूता नाना विद्याधरास्तथा । सुकर्माणं ततः प्रोचुर्देवाश्चाग्निपुरोगमाः

samāgatāḥ samāhūtā nānā vidyādharāstathā | sukarmāṇaṃ tataḥ procurdevāścāgnipurogamāḥ

Sanskrit only: no published translation is held for this verse.

कस्मात्स्मृतास्त्वया विप्र ततोर्थकारणं वद । सुकर्मोवाच- अयमेष सुसंप्राप्तो विद्याधरो हि पिप्पलः

kasmātsmṛtāstvayā vipra tatorthakāraṇaṃ vada | sukarmovāca- ayameṣa susaṃprāpto vidyādharo hi pippalaḥ

Sanskrit only: no published translation is held for this verse.

मामेवं भाषते विप्र वश्यावश्यत्वकारणम् । प्रत्ययार्थं समाहूता अस्यैव च महात्मनः

māmevaṃ bhāṣate vipra vaśyāvaśyatvakāraṇam | pratyayārthaṃ samāhūtā asyaiva ca mahātmanaḥ

Sanskrit only: no published translation is held for this verse.

स्वंस्वं स्थानं प्रगच्छध्वमित्युवाच सुरान्प्रति । तमूचुस्ते ततो देवाः सुकर्माणं महामतिम्

svaṃsvaṃ sthānaṃ pragacchadhvamityuvāca surānprati | tamūcuste tato devāḥ sukarmāṇaṃ mahāmatim

Sanskrit only: no published translation is held for this verse.

अस्माकं दर्शनं व्रिप्र न मोघं जायते वरम् । वरं वरय भद्रं ते मनसा यद्धिरोचते

asmākaṃ darśanaṃ vripra na moghaṃ jāyate varam | varaṃ varaya bhadraṃ te manasā yaddhirocate

Sanskrit only: no published translation is held for this verse.

तत्ते दद्मो न संदेहस्त्वेवमूचुः सुरोत्तमाः । भक्त्या प्रणम्य तान्देवान्ययाचे स द्विजोत्तमः

tatte dadmo na saṃdehastvevamūcuḥ surottamāḥ | bhaktyā praṇamya tāndevānyayāce sa dvijottamaḥ

Sanskrit only: no published translation is held for this verse.

अचलां दत्त देवेंद्रा सुःभक्तिं भावसंयुताम् । मातापित्रोश्च मे नित्यं तद्वै वरमनुत्तमम्

acalāṃ datta deveṃdrā suḥbhaktiṃ bhāvasaṃyutām | mātāpitrośca me nityaṃ tadvai varamanuttamam

Sanskrit only: no published translation is held for this verse.

पिता मे वैष्णवं लोकं प्रयात्वेतद्वरोत्तमम् । तद्वन्माता च देवेशा वरमन्यं न याचये

pitā me vaiṣṇavaṃ lokaṃ prayātvetadvarottamam | tadvanmātā ca deveśā varamanyaṃ na yācaye

Sanskrit only: no published translation is held for this verse.

देवा ऊचुः- पितृभक्तोसि विप्रेंद्र भक्त्या तव वयं द्विज । सुकर्मञ्छ्रूयतां वाक्यं प्रीत्या युक्ता सदैव ते

devā ūcuḥ- pitṛbhaktosi vipreṃdra bhaktyā tava vayaṃ dvija | sukarmañchrūyatāṃ vākyaṃ prītyā yuktā sadaiva te

Sanskrit only: no published translation is held for this verse.

एवमुक्त्वा गता देवाः स्वर्लोकं नृपनंदन । सर्वमैश्वर्यमेतेन तस्याग्रे परिदर्शितम्

evamuktvā gatā devāḥ svarlokaṃ nṛpanaṃdana | sarvamaiśvaryametena tasyāgre paridarśitam

Sanskrit only: no published translation is held for this verse.

दृष्टं तु पिप्पलेनापि कौतुकं च महाद्भुतम् । तमुवाच स धर्मात्मा पिप्पलं कुंडलात्मजम्

dṛṣṭaṃ tu pippalenāpi kautukaṃ ca mahādbhutam | tamuvāca sa dharmātmā pippalaṃ kuṃḍalātmajam

Sanskrit only: no published translation is held for this verse.

अर्वाचीनं त्विदं रूपं पराचीनं च कीदृशम् । प्रभावमुभयोश्चैव वदस्व वदतां वर

arvācīnaṃ tvidaṃ rūpaṃ parācīnaṃ ca kīdṛśam | prabhāvamubhayoścaiva vadasva vadatāṃ vara

Sanskrit only: no published translation is held for this verse.

सुकर्मोवाच- पराचीनस्य रूपस्य लिंगमेव वदामि ते । येनलोकाः प्रमोदंते इंद्राद्याः सचराचराः

sukarmovāca- parācīnasya rūpasya liṃgameva vadāmi te | yenalokāḥ pramodaṃte iṃdrādyāḥ sacarācarāḥ

Sanskrit only: no published translation is held for this verse.

अयमेव जगन्नाथः सर्वगो व्यापकः प्रभुः । अस्य रूपं न दृष्टं हि केनाप्येव हि योगिना

ayameva jagannāthaḥ sarvago vyāpakaḥ prabhuḥ | asya rūpaṃ na dṛṣṭaṃ hi kenāpyeva hi yoginā

Sanskrit only: no published translation is held for this verse.

श्रुतिरेव वदत्येवं तं वक्तुं शंकितेव सा । अपाणिपादनासश्च अकर्णो मुखवर्जितः

śrutireva vadatyevaṃ taṃ vaktuṃ śaṃkiteva sā | apāṇipādanāsaśca akarṇo mukhavarjitaḥ

Sanskrit only: no published translation is held for this verse.

सर्वं पश्यति वै कर्म कृतं त्रैलोक्यवासिनाम् । तेषामुक्तमकर्णश्च स शृणोति सुसाक्ष्यदः

sarvaṃ paśyati vai karma kṛtaṃ trailokyavāsinām | teṣāmuktamakarṇaśca sa śṛṇoti susākṣyadaḥ

Sanskrit only: no published translation is held for this verse.

गतिहीनो व्रजेत्सोपि स हि सर्वत्र दृश्यते । पाणिहीनोपि गृह्णाति पादहीनः प्रधावति

gatihīno vrajetsopi sa hi sarvatra dṛśyate | pāṇihīnopi gṛhṇāti pādahīnaḥ pradhāvati

Sanskrit only: no published translation is held for this verse.

सर्वत्र दृश्यते विप्र व्यापकः पादवर्जितः । यं न पश्यंति देवेंद्रा मुनयस्तत्त्वदर्शिनः

sarvatra dṛśyate vipra vyāpakaḥ pādavarjitaḥ | yaṃ na paśyaṃti deveṃdrā munayastattvadarśinaḥ

Sanskrit only: no published translation is held for this verse.

स च पश्यति तान्सर्वान्सत्यासत्यपदे स्थितान् । व्यापकं विमलं सिद्धं सिद्धिदं सर्वनायकम्

sa ca paśyati tānsarvānsatyāsatyapade sthitān | vyāpakaṃ vimalaṃ siddhaṃ siddhidaṃ sarvanāyakam

Sanskrit only: no published translation is held for this verse.

यं जानाति महायोगी व्यासो धर्मार्थकोविदः । तेजोमूर्तिः स चाकाशमेकवर्णमनंतकम्

yaṃ jānāti mahāyogī vyāso dharmārthakovidaḥ | tejomūrtiḥ sa cākāśamekavarṇamanaṃtakam

Sanskrit only: no published translation is held for this verse.

तदेतन्निर्मलं रूपं श्रुतिराख्याति निश्चितम् । व्यासश्चैव हि जानाति मार्कंडेयश्च तत्पदम्

tadetannirmalaṃ rūpaṃ śrutirākhyāti niścitam | vyāsaścaiva hi jānāti mārkaṃḍeyaśca tatpadam

Sanskrit only: no published translation is held for this verse.

अर्वाचीनं प्रवक्ष्यामि शृणुष्वैकाग्रमानसः । यदा संहृत्य भूतात्मा स्वयमेकः प्रगच्छति

arvācīnaṃ pravakṣyāmi śṛṇuṣvaikāgramānasaḥ | yadā saṃhṛtya bhūtātmā svayamekaḥ pragacchati

Sanskrit only: no published translation is held for this verse.

अप्सु शय्यां समास्थाय शेषभोगासनस्थितः । तमाश्रित्य स्वपित्येको बहुकालं जनार्दनः

apsu śayyāṃ samāsthāya śeṣabhogāsanasthitaḥ | tamāśritya svapityeko bahukālaṃ janārdanaḥ

Sanskrit only: no published translation is held for this verse.

जलांधकारसंतप्तो मार्कंडेयो महामुनिः । स्थानमिच्छन्स योगात्मा निर्विण्णो भ्रमणेन सः

jalāṃdhakārasaṃtapto mārkaṃḍeyo mahāmuniḥ | sthānamicchansa yogātmā nirviṇṇo bhramaṇena saḥ

Sanskrit only: no published translation is held for this verse.

भ्रममाणः स ददृशे शेषपर्यंकशायिनम् । सूर्यकोटिप्रतीकाशं दिव्याभरणभूषितम्

bhramamāṇaḥ sa dadṛśe śeṣaparyaṃkaśāyinam | sūryakoṭipratīkāśaṃ divyābharaṇabhūṣitam

Sanskrit only: no published translation is held for this verse.

दिव्यमाल्यांबरधरं सर्वव्यापिनमीश्वरम् । योगनिद्रा गतं कांतं शंखचक्रगदाधरम्

divyamālyāṃbaradharaṃ sarvavyāpinamīśvaram | yoganidrā gataṃ kāṃtaṃ śaṃkhacakragadādharam

Sanskrit only: no published translation is held for this verse.

एका नारी महाभागा कृष्णांजनचयोपमा । दंष्ट्राकरालवदना भीमरूपा द्विजोत्तम

ekā nārī mahābhāgā kṛṣṇāṃjanacayopamā | daṃṣṭrākarālavadanā bhīmarūpā dvijottama

Sanskrit only: no published translation is held for this verse.

तयोक्तोसौ मुनिश्रेष्ठो मा भैरिति महामुनिः । पद्मपत्रं सुविस्तीर्णं पंचयोजनमायतम्

tayoktosau muniśreṣṭho mā bhairiti mahāmuniḥ | padmapatraṃ suvistīrṇaṃ paṃcayojanamāyatam

Sanskrit only: no published translation is held for this verse.

तस्मिन्पत्रे महादेव्या मार्कण्डेयो निवेशितः । केशवे सति सुप्तेपि नास्त्यत्र च भयं तव

tasminpatre mahādevyā mārkaṇḍeyo niveśitaḥ | keśave sati suptepi nāstyatra ca bhayaṃ tava

Sanskrit only: no published translation is held for this verse.

तामुवाच स योगींद्र का त्वं भवसि भामिनि । अस्मिन्विनिर्जिते चैका भवती परिबृंहिता

tāmuvāca sa yogīṃdra kā tvaṃ bhavasi bhāmini | asminvinirjite caikā bhavatī paribṛṃhitā

Sanskrit only: no published translation is held for this verse.

पृष्टैवं मुनिना देवी सादरं प्राह भूसुर । नागभोगांकपर्यंके स यः स्वपिति केशवः

pṛṣṭaivaṃ muninā devī sādaraṃ prāha bhūsura | nāgabhogāṃkaparyaṃke sa yaḥ svapiti keśavaḥ

Sanskrit only: no published translation is held for this verse.

अस्याहं वैष्णवी शक्तिः कालरात्रिरिहोच्यते । मामेवं विद्धि विप्रेंद्र सर्वमायासमन्विताम्

asyāhaṃ vaiṣṇavī śaktiḥ kālarātririhocyate | māmevaṃ viddhi vipreṃdra sarvamāyāsamanvitām

Sanskrit only: no published translation is held for this verse.

महामाया पुराणेषु जगन्मोहाय कथ्यते । इत्युक्त्वा सा गता देवी अंतर्धानं हि पिप्पलः

mahāmāyā purāṇeṣu jaganmohāya kathyate | ityuktvā sā gatā devī aṃtardhānaṃ hi pippalaḥ

Sanskrit only: no published translation is held for this verse.

देव्यामनुगतायां तु मार्कंडेयस्य पश्यतः । तस्य नाभ्यां समुत्पन्नं पंकजं हाटकप्रभम्

devyāmanugatāyāṃ tu mārkaṃḍeyasya paśyataḥ | tasya nābhyāṃ samutpannaṃ paṃkajaṃ hāṭakaprabham

Sanskrit only: no published translation is held for this verse.

तस्माज्जज्ञे महातेजा ब्रह्मा लोकपितामहः । तस्माद्विजज्ञिरे लोकाः सर्वे स्थावरजंगमाः

tasmājjajñe mahātejā brahmā lokapitāmahaḥ | tasmādvijajñire lokāḥ sarve sthāvarajaṃgamāḥ

Sanskrit only: no published translation is held for this verse.

इंद्राद्या लोकपालाश्च देवाश्चाग्निपुरोगमाः । अर्वाचीनं स्वरूपं तु दर्शितं हि मया नृप

iṃdrādyā lokapālāśca devāścāgnipurogamāḥ | arvācīnaṃ svarūpaṃ tu darśitaṃ hi mayā nṛpa

Sanskrit only: no published translation is held for this verse.

अर्वाचीनस्वरूपोयं पराचीनो निराश्रयः । यदा स दर्शयेत्कायं कायरूपा भवंति ते

arvācīnasvarūpoyaṃ parācīno nirāśrayaḥ | yadā sa darśayetkāyaṃ kāyarūpā bhavaṃti te

Sanskrit only: no published translation is held for this verse.

ब्रह्माद्याः सर्वलोकाश्च अर्वाचीना हि पिप्पल । अर्वाचीना अमी लोका ये भवंति जगत्त्रये

brahmādyāḥ sarvalokāśca arvācīnā hi pippala | arvācīnā amī lokā ye bhavaṃti jagattraye

Sanskrit only: no published translation is held for this verse.

पराचीनः स भूतात्मा यं सुपश्यंति योगिनः । मोक्षरूपं परं स्थानं परब्रह्मस्वरूपकम्

parācīnaḥ sa bhūtātmā yaṃ supaśyaṃti yoginaḥ | mokṣarūpaṃ paraṃ sthānaṃ parabrahmasvarūpakam

Sanskrit only: no published translation is held for this verse.

अव्यक्तमक्षरं हंसं शुद्धं सिद्धिसमन्वितम् । पराचीनस्य यद्रूपं विद्याधर तवाग्रतः

avyaktamakṣaraṃ haṃsaṃ śuddhaṃ siddhisamanvitam | parācīnasya yadrūpaṃ vidyādhara tavāgrataḥ

Sanskrit only: no published translation is held for this verse.

सर्वमेव मया ख्यातमन्यत्किं ते वदाम्यहम् । पिप्पल उवाच- कस्मादेतन्महाज्ञानमुद्भूतं तव सुव्रत

sarvameva mayā khyātamanyatkiṃ te vadāmyaham | pippala uvāca- kasmādetanmahājñānamudbhūtaṃ tava suvrata

Sanskrit only: no published translation is held for this verse.

अर्वाचीनगतिं विद्वान्पराचीनगतिं तथा । त्रैलोक्यस्य परं ज्ञानं त्वय्येवं परिवर्तते

arvācīnagatiṃ vidvānparācīnagatiṃ tathā | trailokyasya paraṃ jñānaṃ tvayyevaṃ parivartate

Sanskrit only: no published translation is held for this verse.

तपसो नैव पश्यामि परां निष्ठां हि सुव्रत । यजनंयाजनंतीर्थंतपोवाकृतवानसि

tapaso naiva paśyāmi parāṃ niṣṭhāṃ hi suvrata | yajanaṃyājanaṃtīrthaṃtapovākṛtavānasi

Sanskrit only: no published translation is held for this verse.

तत्प्रभावं वदस्वैवं केन ज्ञानं तवाखिलम् । सुकर्मोवाच- तप एव न जानामि न कृतं कायशोषणम्

tatprabhāvaṃ vadasvaivaṃ kena jñānaṃ tavākhilam | sukarmovāca- tapa eva na jānāmi na kṛtaṃ kāyaśoṣaṇam

Sanskrit only: no published translation is held for this verse.

यजनं याजनं वापि न जाने तीर्थसाधनम् । न मया साधितं ध्यानं पुण्यकालं सुकर्मजम्

yajanaṃ yājanaṃ vāpi na jāne tīrthasādhanam | na mayā sādhitaṃ dhyānaṃ puṇyakālaṃ sukarmajam

Sanskrit only: no published translation is held for this verse.

स्फुटमेकं प्रजानामि पितृमातृप्रपूजनम् । उभयोरपि हस्तेन मातापित्रोस्तु नित्यशः

sphuṭamekaṃ prajānāmi pitṛmātṛprapūjanam | ubhayorapi hastena mātāpitrostu nityaśaḥ

Sanskrit only: no published translation is held for this verse.

पादप्रक्षालनं पुण्यं स्वयमेव करोम्यहम् । अंगसंवाहनं स्नानं भोजनादिकमेव च

pādaprakṣālanaṃ puṇyaṃ svayameva karomyaham | aṃgasaṃvāhanaṃ snānaṃ bhojanādikameva ca

Sanskrit only: no published translation is held for this verse.

त्रिकालेध्यानसंलीनः साधयामि दिनेदिने । पादोदकं तयोश्चैव मातापित्रोर्दिनेदिने

trikāledhyānasaṃlīnaḥ sādhayāmi dinedine | pādodakaṃ tayoścaiva mātāpitrordinedine

Sanskrit only: no published translation is held for this verse.

भक्तिभावेन विंदामि पूजयामि सुभावतः । गुरू मे जीवमानौ तु यावत्कालं हि पिप्पल

bhaktibhāvena viṃdāmi pūjayāmi subhāvataḥ | gurū me jīvamānau tu yāvatkālaṃ hi pippala

Sanskrit only: no published translation is held for this verse.

तावत्कालं हि मे लाभो ह्यतुलश्च प्रजायते । त्रिकालं पूजयाम्येतौ शुद्धभावेन चेतसा

tāvatkālaṃ hi me lābho hyatulaśca prajāyate | trikālaṃ pūjayāmyetau śuddhabhāvena cetasā

Sanskrit only: no published translation is held for this verse.

स्वच्छंदलीलासंचारी वर्ताम्येव हि पिप्पल । किं मे चान्येन तपसा किं मे कायस्य शोषणैः

svacchaṃdalīlāsaṃcārī vartāmyeva hi pippala | kiṃ me cānyena tapasā kiṃ me kāyasya śoṣaṇaiḥ

Sanskrit only: no published translation is held for this verse.

किं मे सुतीर्थयात्राभिरन्यैः पुण्यैश्च सांप्रतम् । मखानामेव सर्वेषां यत्फलं प्राप्यते द्विज

kiṃ me sutīrthayātrābhiranyaiḥ puṇyaiśca sāṃpratam | makhānāmeva sarveṣāṃ yatphalaṃ prāpyate dvija

Sanskrit only: no published translation is held for this verse.

तत्फलं तु मया दृष्टं पितुः शुश्रूषणादपि । मातुः शुश्रूषणं तद्वत्पुत्राणां गतिदायकम्

tatphalaṃ tu mayā dṛṣṭaṃ pituḥ śuśrūṣaṇādapi | mātuḥ śuśrūṣaṇaṃ tadvatputrāṇāṃ gatidāyakam

Sanskrit only: no published translation is held for this verse.

सर्वकर्मसुसर्वस्वं सारभूतं जगत्रये । पुत्रस्य जायते लोको मातुः शुश्रूषणादपि

sarvakarmasusarvasvaṃ sārabhūtaṃ jagatraye | putrasya jāyate loko mātuḥ śuśrūṣaṇādapi

Sanskrit only: no published translation is held for this verse.

पितुः शुश्रूषणे तद्वन्महत्पुण्यं प्रजायते । तत्र गंगा गयातीर्थं तत्र पुष्करमेव च

pituḥ śuśrūṣaṇe tadvanmahatpuṇyaṃ prajāyate | tatra gaṃgā gayātīrthaṃ tatra puṣkarameva ca

Sanskrit only: no published translation is held for this verse.

यत्र मातापिता तिष्ठेत्पुत्रस्यापि न संशयः । अन्यानि तत्र तीर्थानि पुण्यानि विविधानि च

yatra mātāpitā tiṣṭhetputrasyāpi na saṃśayaḥ | anyāni tatra tīrthāni puṇyāni vividhāni ca

Sanskrit only: no published translation is held for this verse.

भवंत्येतानि पुत्रस्य पितुः शुश्रूषणादपि । पितुः शुश्रूषणात्तस्य दानस्य तपसः फलम्

bhavaṃtyetāni putrasya pituḥ śuśrūṣaṇādapi | pituḥ śuśrūṣaṇāttasya dānasya tapasaḥ phalam

Sanskrit only: no published translation is held for this verse.

सत्पुत्रस्य भवेद्विप्र अन्य धर्मः श्रमायते । पितुः शुश्रूषणात्पुण्यं पुत्रः प्राप्नोत्यनुत्तमम्

satputrasya bhavedvipra anya dharmaḥ śramāyate | pituḥ śuśrūṣaṇātpuṇyaṃ putraḥ prāpnotyanuttamam

Sanskrit only: no published translation is held for this verse.

स्वकर्मणस्तु सर्वस्वमिहैव च परत्र च । जीवमानौ गुरूत्वेतौ स्वमातापितरौ तथा

svakarmaṇastu sarvasvamihaiva ca paratra ca | jīvamānau gurūtvetau svamātāpitarau tathā

Sanskrit only: no published translation is held for this verse.

शुश्रूषते सुतो भूत्वा तस्य पुण्यफलं शृणु । देवास्तस्यापि तुष्यंति ऋषयः पुण्यवत्सलाः

śuśrūṣate suto bhūtvā tasya puṇyaphalaṃ śṛṇu | devāstasyāpi tuṣyaṃti ṛṣayaḥ puṇyavatsalāḥ

Sanskrit only: no published translation is held for this verse.

त्रयोलोकास्तु तुष्यंति पितुः शुश्रूषणादिह । मातापित्रोस्तु यः पादौ नित्यमेव हि क्षालयेत्

trayolokāstu tuṣyaṃti pituḥ śuśrūṣaṇādiha | mātāpitrostu yaḥ pādau nityameva hi kṣālayet

Sanskrit only: no published translation is held for this verse.

तस्य भागीरथीस्नानमहन्यहनि जायते । पुण्यैर्मिष्टान्नपानैर्यः पितरं मातरं तथा

tasya bhāgīrathīsnānamahanyahani jāyate | puṇyairmiṣṭānnapānairyaḥ pitaraṃ mātaraṃ tathā

Sanskrit only: no published translation is held for this verse.

भक्त्या भोजयते नित्यं तस्य पुण्यं वदाम्यहम् । अश्वमेधस्य यज्ञस्य फलं पुत्रस्य जायते

bhaktyā bhojayate nityaṃ tasya puṇyaṃ vadāmyaham | aśvamedhasya yajñasya phalaṃ putrasya jāyate

Sanskrit only: no published translation is held for this verse.

तांबूलैश्छादनैश्चैव पानैश्चाशनकैस्तथा । भक्त्या चान्नेन पुण्येन गुरू येनाभिपूजितौ

tāṃbūlaiśchādanaiścaiva pānaiścāśanakaistathā | bhaktyā cānnena puṇyena gurū yenābhipūjitau

Sanskrit only: no published translation is held for this verse.

सर्वज्ञानी भवेत्सोपि यशःकीर्तिमवाप्नुयात् । मातरं पितरं दृष्ट्वा हर्षात्संभाषयेत्सुतः

sarvajñānī bhavetsopi yaśaḥkīrtimavāpnuyāt | mātaraṃ pitaraṃ dṛṣṭvā harṣātsaṃbhāṣayetsutaḥ

Sanskrit only: no published translation is held for this verse.

निधयस्तस्य संतुष्टास्तस्य गेहे वसंति ते । गावः सौहृद्यमायांति पुत्रस्य सुखदाः सदा

nidhayastasya saṃtuṣṭāstasya gehe vasaṃti te | gāvaḥ sauhṛdyamāyāṃti putrasya sukhadāḥ sadā

Sanskrit only: no published translation is held for this verse.