Library·Padma Purāṇa·2·2.63
सुकर्मोवाच- तयोश्चापि द्विजश्रेष्ठ मातापित्रोश्च स्नातयोः । पुत्रस्यापि हि सर्वांगे पतंत्यंबुकणा यदा
sukarmovāca- tayoścāpi dvijaśreṣṭha mātāpitrośca snātayoḥ | putrasyāpi hi sarvāṃge pataṃtyaṃbukaṇā yadā
Sanskrit only: no published translation is held for this verse.
सर्वतीर्थसमं स्नानं पुत्रस्यापि सुजायते । पतितं विकलं वृद्धमशक्तं सर्वकर्मसु
sarvatīrthasamaṃ snānaṃ putrasyāpi sujāyate | patitaṃ vikalaṃ vṛddhamaśaktaṃ sarvakarmasu
Sanskrit only: no published translation is held for this verse.
व्याधितं कुष्ठिनं तातं मातरं च तथाविधाम् । उपाचरति यः पुत्रस्तस्य पुण्यं वदाम्यहम्
vyādhitaṃ kuṣṭhinaṃ tātaṃ mātaraṃ ca tathāvidhām | upācarati yaḥ putrastasya puṇyaṃ vadāmyaham
Sanskrit only: no published translation is held for this verse.
विष्णुस्तस्य प्रसन्नात्मा जायते नात्र संशयः । प्रयाति वैष्णवं लोकं यदप्राप्यं हि योगिभिः
viṣṇustasya prasannātmā jāyate nātra saṃśayaḥ | prayāti vaiṣṇavaṃ lokaṃ yadaprāpyaṃ hi yogibhiḥ
Sanskrit only: no published translation is held for this verse.
पितरौ विकलौ दीनौ वृद्धावेतौ गुरू सुतः । महागदेन संप्राप्तौ परित्यजति पापधीः
pitarau vikalau dīnau vṛddhāvetau gurū sutaḥ | mahāgadena saṃprāptau parityajati pāpadhīḥ
Sanskrit only: no published translation is held for this verse.
पुत्रो नरकमाप्नोति दारुणं कृमिसंकुलम् । वृद्धाभ्यां च समाहूतो गुरूभ्यामिह सांप्रतम्
putro narakamāpnoti dāruṇaṃ kṛmisaṃkulam | vṛddhābhyāṃ ca samāhūto gurūbhyāmiha sāṃpratam
Sanskrit only: no published translation is held for this verse.
न प्रयाति सुतो भूत्वा तस्य पापं वदाम्यहम् । विष्ठाशी जायते मूढो ग्रामघ्रोणी न संशयः
na prayāti suto bhūtvā tasya pāpaṃ vadāmyaham | viṣṭhāśī jāyate mūḍho grāmaghroṇī na saṃśayaḥ
Sanskrit only: no published translation is held for this verse.
यावज्जन्मसहस्रं तु पुनः श्वा चाभिजायते । पुत्रगेहेस्थितौ वृद्धौ माता च जनकस्तथा
yāvajjanmasahasraṃ tu punaḥ śvā cābhijāyate | putragehesthitau vṛddhau mātā ca janakastathā
Sanskrit only: no published translation is held for this verse.
अभोजयित्वा तावन्नं स्वयमत्ति च यः सुतः । मूत्रं विष्ठां स भुंजीत यावज्जन्मसहस्रकम्
abhojayitvā tāvannaṃ svayamatti ca yaḥ sutaḥ | mūtraṃ viṣṭhāṃ sa bhuṃjīta yāvajjanmasahasrakam
Sanskrit only: no published translation is held for this verse.
कृष्णसर्पो भवेत्पापी यावज्जन्मशतद्वयम् । मातरंपितरं वृद्धमवज्ञाय प्रवर्त्तते
kṛṣṇasarpo bhavetpāpī yāvajjanmaśatadvayam | mātaraṃpitaraṃ vṛddhamavajñāya pravarttate
Sanskrit only: no published translation is held for this verse.
ग्राहोपि जायते दुष्टो जन्मकोटिशतैरपि । तावेतौ कुत्सते पुत्रः कटुकैर्वचनैरपि
grāhopi jāyate duṣṭo janmakoṭiśatairapi | tāvetau kutsate putraḥ kaṭukairvacanairapi
Sanskrit only: no published translation is held for this verse.
स च पापी भवेद्व्याघ्रः पश्चादृक्षः प्रजायते । मातरंपितरं पुत्रो यो न मन्येत दुष्टधीः
sa ca pāpī bhavedvyāghraḥ paścādṛkṣaḥ prajāyate | mātaraṃpitaraṃ putro yo na manyeta duṣṭadhīḥ
Sanskrit only: no published translation is held for this verse.
कुंभीपाके वसेत्तावद्यावद्युगसहस्रकम् । नास्ति मातृसमं तीर्थं पुत्राणां च पितुः समम्
kuṃbhīpāke vasettāvadyāvadyugasahasrakam | nāsti mātṛsamaṃ tīrthaṃ putrāṇāṃ ca pituḥ samam
Sanskrit only: no published translation is held for this verse.
तारणाय हितायैव इहैव च परत्र च । तस्मादहं महाप्राज्ञ पितृदेवं प्रपूजये
tāraṇāya hitāyaiva ihaiva ca paratra ca | tasmādahaṃ mahāprājña pitṛdevaṃ prapūjaye
Sanskrit only: no published translation is held for this verse.
मातृदेवं सर्वदेव योगयोगी तथाभवम् । मातृपितृप्रसादेन संजातं ज्ञानमुत्तमम्
mātṛdevaṃ sarvadeva yogayogī tathābhavam | mātṛpitṛprasādena saṃjātaṃ jñānamuttamam
Sanskrit only: no published translation is held for this verse.
त्रिलोकीयं समस्ता तु संयाता मम वश्यताम् । अर्वाचीनगतिं जाने देवस्यास्य महात्मनः
trilokīyaṃ samastā tu saṃyātā mama vaśyatām | arvācīnagatiṃ jāne devasyāsya mahātmanaḥ
Sanskrit only: no published translation is held for this verse.
वासुदेवस्य तस्यैव पराचीनां महामते । सर्वं ज्ञानं समुद्भूतं पितृमातृप्रसादतः
vāsudevasya tasyaiva parācīnāṃ mahāmate | sarvaṃ jñānaṃ samudbhūtaṃ pitṛmātṛprasādataḥ
Sanskrit only: no published translation is held for this verse.
को न पूजयते विद्वान्पितरं मातरं तथा । सांगोपांगैरधीतैस्तैः श्रुतिशास्त्रसमन्वितैः
ko na pūjayate vidvānpitaraṃ mātaraṃ tathā | sāṃgopāṃgairadhītaistaiḥ śrutiśāstrasamanvitaiḥ
Sanskrit only: no published translation is held for this verse.
वेदैरपि च किं विप्रा पिता येन न पूजितः । माता न पूजिता येन तस्य वेदा निरर्थकाः
vedairapi ca kiṃ viprā pitā yena na pūjitaḥ | mātā na pūjitā yena tasya vedā nirarthakāḥ
Sanskrit only: no published translation is held for this verse.
यज्ञैश्च तपसा विप्र किं दानैः किं च पूजनैः । प्रयाति तस्य वैफल्यं न माता येन पूजिता
yajñaiśca tapasā vipra kiṃ dānaiḥ kiṃ ca pūjanaiḥ | prayāti tasya vaiphalyaṃ na mātā yena pūjitā
Sanskrit only: no published translation is held for this verse.
न पिता पूजितो येन जीवमानो गृहे स्थितः । एष पुत्रस्य वै धर्मस्तथा तीर्थं नरेष्विह
na pitā pūjito yena jīvamāno gṛhe sthitaḥ | eṣa putrasya vai dharmastathā tīrthaṃ nareṣviha
Sanskrit only: no published translation is held for this verse.
एष पुत्रस्य वै मोक्षस्तथा जन्मफलं शुभम् । एष पुत्रस्य वै यज्ञो दानमेव न संशयः
eṣa putrasya vai mokṣastathā janmaphalaṃ śubham | eṣa putrasya vai yajño dānameva na saṃśayaḥ
Sanskrit only: no published translation is held for this verse.
पितरं पूजयेन्नित्यं भक्त्या भावेन तत्परः । तस्य जातं समस्तं तद्यदुक्तं पूर्वमेव हि
pitaraṃ pūjayennityaṃ bhaktyā bhāvena tatparaḥ | tasya jātaṃ samastaṃ tadyaduktaṃ pūrvameva hi
Sanskrit only: no published translation is held for this verse.
दानस्यापि फलं तेन तीर्थस्यापि न संशयः । यज्ञस्यापि फलं प्राप्तं माता येनाप्युपासिता
dānasyāpi phalaṃ tena tīrthasyāpi na saṃśayaḥ | yajñasyāpi phalaṃ prāptaṃ mātā yenāpyupāsitā
Sanskrit only: no published translation is held for this verse.
पिता येन सुभक्त्या च नित्यमेवाप्युपासितः । तस्य सर्वा सुसंसिद्धा यज्ञाद्याः पुण्यदाः क्रियाः
pitā yena subhaktyā ca nityamevāpyupāsitaḥ | tasya sarvā susaṃsiddhā yajñādyāḥ puṇyadāḥ kriyāḥ
Sanskrit only: no published translation is held for this verse.
एतदर्थं समाज्ञातं धर्मशास्त्रं श्रुतं मया । पितृभक्तिपरो नित्यं भवेत्पुत्रो हि पिप्पल
etadarthaṃ samājñātaṃ dharmaśāstraṃ śrutaṃ mayā | pitṛbhaktiparo nityaṃ bhavetputro hi pippala
Sanskrit only: no published translation is held for this verse.
तुष्टे पितरि संप्राप्तं यदुराज्ञा पुरा सुखम् । रुष्टे पितरि च प्राप्तं महत्पापं पुरा शृणु
tuṣṭe pitari saṃprāptaṃ yadurājñā purā sukham | ruṣṭe pitari ca prāptaṃ mahatpāpaṃ purā śṛṇu
Sanskrit only: no published translation is held for this verse.
रुरुणा पौरवेणापि पित्रा शप्तेन भूतले । एवं ज्ञानं मया चाप्तं द्वावेतौ यदुपासितौ
ruruṇā pauraveṇāpi pitrā śaptena bhūtale | evaṃ jñānaṃ mayā cāptaṃ dvāvetau yadupāsitau
Sanskrit only: no published translation is held for this verse.
एतयोश्च प्रसादेन प्राप्तं फलमनुत्तमम्
etayośca prasādena prāptaṃ phalamanuttamam
Sanskrit only: no published translation is held for this verse.
इति श्रीपद्मपुराणे भूमिखंडे वेनोपाख्याने मातापितृतीर्थ-माहात्म्ये त्रिषष्टितमोऽध्यायः
iti śrīpadmapurāṇe bhūmikhaṃḍe venopākhyāne mātāpitṛtīrtha-māhātmye triṣaṣṭitamo'dhyāyaḥ
Sanskrit only: no published translation is held for this verse.