Library·Padma Purāṇa·2·2.70
मातलिरुवाच- यमपीडां प्रवक्ष्यामि महातीव्रां सुदारुणाम् । भुंजंति पापिनः सर्वे क्रूरास्ते ब्रह्मघातकाः
mātaliruvāca- yamapīḍāṃ pravakṣyāmi mahātīvrāṃ sudāruṇām | bhuṃjaṃti pāpinaḥ sarve krūrāste brahmaghātakāḥ
Sanskrit only: no published translation is held for this verse.
क्वचित्पापाः प्रपच्यंते तीव्रेण करिषाग्निना । क्वचित्सिंहैर्वृकैर्व्याघ्रैर्दंशैः कीटैश्च दारुणैः
kvacitpāpāḥ prapacyaṃte tīvreṇa kariṣāgninā | kvacitsiṃhairvṛkairvyāghrairdaṃśaiḥ kīṭaiśca dāruṇaiḥ
Sanskrit only: no published translation is held for this verse.
क्वचिन्महाजलौकोभिः क्वचिदाजगरैः पुनः । मक्षिकाभिश्च रौद्राभिः क्वचित्सर्पैर्विषोल्बणैः
kvacinmahājalaukobhiḥ kvacidājagaraiḥ punaḥ | makṣikābhiśca raudrābhiḥ kvacitsarpairviṣolbaṇaiḥ
Sanskrit only: no published translation is held for this verse.
मत्तमातंगयूथैश्च बलोत्कृष्टैः प्रमाथिभिः । पंथानमुल्लिखद्भिश्च तीक्ष्णशृंगमहावृषैः
mattamātaṃgayūthaiśca balotkṛṣṭaiḥ pramāthibhiḥ | paṃthānamullikhadbhiśca tīkṣṇaśṛṃgamahāvṛṣaiḥ
Sanskrit only: no published translation is held for this verse.
महाशृंगैश्च महिषैर्दुष्टगात्रप्रबाधकैः । डाकिनीभिश्च रौद्राभिर्विकरालैश्च राक्षसैः
mahāśṛṃgaiśca mahiṣairduṣṭagātraprabādhakaiḥ | ḍākinībhiśca raudrābhirvikarālaiśca rākṣasaiḥ
Sanskrit only: no published translation is held for this verse.
व्याधिभिश्च महाघोरैः पीड्यमाना व्रजंति ते । महातुलां समारूढा दह्यमाना दवानले
vyādhibhiśca mahāghoraiḥ pīḍyamānā vrajaṃti te | mahātulāṃ samārūḍhā dahyamānā davānale
Sanskrit only: no published translation is held for this verse.
महावेगप्रधूतास्ते महाचंडेन वायुना । महापाषाणवर्षेण भिद्यमानाश्च सर्वतः
mahāvegapradhūtāste mahācaṃḍena vāyunā | mahāpāṣāṇavarṣeṇa bhidyamānāśca sarvataḥ
Sanskrit only: no published translation is held for this verse.
पतद्भिर्वज्रनिर्घोषैरुल्कापातैश्च दारुणैः । प्रदीप्तांगारवर्षेण हन्यमाना व्रजंति ते
patadbhirvajranirghoṣairulkāpātaiśca dāruṇaiḥ | pradīptāṃgāravarṣeṇa hanyamānā vrajaṃti te
Sanskrit only: no published translation is held for this verse.
महता पांसुवर्षेण पूर्यमाणा यमं गताः । ये नराः पापकर्माणः पापं भुंजंति दारुणम्
mahatā pāṃsuvarṣeṇa pūryamāṇā yamaṃ gatāḥ | ye narāḥ pāpakarmāṇaḥ pāpaṃ bhuṃjaṃti dāruṇam
Sanskrit only: no published translation is held for this verse.
एवं पापविशेषेण पापिष्ठाः पापकारकाः । नरकं प्रतिभुंजंति बहुपीडासमाकुलम्
evaṃ pāpaviśeṣeṇa pāpiṣṭhāḥ pāpakārakāḥ | narakaṃ pratibhuṃjaṃti bahupīḍāsamākulam
Sanskrit only: no published translation is held for this verse.
एतत्ते सर्वमाख्यातं विवेकं पुण्यपापयोः । अन्यत्किं ते प्रवक्ष्यामि धर्मशास्त्रमनुत्तमम्
etatte sarvamākhyātaṃ vivekaṃ puṇyapāpayoḥ | anyatkiṃ te pravakṣyāmi dharmaśāstramanuttamam
Sanskrit only: no published translation is held for this verse.
इति श्रीपद्मपुराणे भूमिखंडे वेनोपाख्याने पितृतीर्थवर्णने ययातिचरिते सप्ततितमोऽध्यायः
iti śrīpadmapurāṇe bhūmikhaṃḍe venopākhyāne pitṛtīrthavarṇane yayāticarite saptatitamo'dhyāyaḥ
Sanskrit only: no published translation is held for this verse.