Padma Purāṇa 2.71

ययातिरुवाच- यत्त्वया सर्वमाख्यातं धर्माधर्ममनुत्तमम् । शृण्वतोऽथ मम श्रद्धा पुनरेव प्रवर्तते

yayātiruvāca- yattvayā sarvamākhyātaṃ dharmādharmamanuttamam | śṛṇvato'tha mama śraddhā punareva pravartate

Sanskrit only: no published translation is held for this verse.

देवानां लोकसंस्थानां वद संख्याः प्रकीर्तिताः । यस्य पुण्यप्रसंगेन येन प्राप्तं च मातले

devānāṃ lokasaṃsthānāṃ vada saṃkhyāḥ prakīrtitāḥ | yasya puṇyaprasaṃgena yena prāptaṃ ca mātale

Sanskrit only: no published translation is held for this verse.

मातलिरुवाच- योगयुक्तं प्रवक्ष्यामि तपसा यदुपार्जितम् । देवानां लोकसंस्थानं सुखभोगप्रदायकम्

mātaliruvāca- yogayuktaṃ pravakṣyāmi tapasā yadupārjitam | devānāṃ lokasaṃsthānaṃ sukhabhogapradāyakam

Sanskrit only: no published translation is held for this verse.

धर्मभावं प्रवक्ष्यामि आयासैरर्जितं पृथक् । उपरिष्टाच्च लोकानां स्वरूपं चाप्यनुक्रमात्

dharmabhāvaṃ pravakṣyāmi āyāsairarjitaṃ pṛthak | upariṣṭācca lokānāṃ svarūpaṃ cāpyanukramāt

Sanskrit only: no published translation is held for this verse.

तत्राष्टगुणमैश्वर्यं पार्थिवं पिशिताशिनाम् । तस्मात्सद्यो गतानां च नराणां तत्समं स्मृतम्

tatrāṣṭaguṇamaiśvaryaṃ pārthivaṃ piśitāśinām | tasmātsadyo gatānāṃ ca narāṇāṃ tatsamaṃ smṛtam

Sanskrit only: no published translation is held for this verse.

रक्षसां षोडशगुणं पार्थिवानां च तद्विधम् । एवं निरवशेषं च यच्छेषं कुलतेजसाम्

rakṣasāṃ ṣoḍaśaguṇaṃ pārthivānāṃ ca tadvidham | evaṃ niravaśeṣaṃ ca yaccheṣaṃ kulatejasām

Sanskrit only: no published translation is held for this verse.

गंधर्वाणां च वायव्यं याक्षं च सकलं स्मृतम् । पांचभौतिकमिंद्रस्य चत्वारिंशद्गुणं महत्

gaṃdharvāṇāṃ ca vāyavyaṃ yākṣaṃ ca sakalaṃ smṛtam | pāṃcabhautikamiṃdrasya catvāriṃśadguṇaṃ mahat

Sanskrit only: no published translation is held for this verse.

सोमस्य मानसं दिव्यं विश्वेशं पांचभौतिकम् । सौम्यं प्रजापतीशानामहंकारगुणाधिकम्

somasya mānasaṃ divyaṃ viśveśaṃ pāṃcabhautikam | saumyaṃ prajāpatīśānāmahaṃkāraguṇādhikam

Sanskrit only: no published translation is held for this verse.

चतुष्षष्टिगुणं ब्राह्मं बौधमैश्वर्यमुत्तमम् । विष्णोः प्राधानिकं तंत्रमैश्वर्यं ब्रह्मणः पदम्

catuṣṣaṣṭiguṇaṃ brāhmaṃ baudhamaiśvaryamuttamam | viṣṇoḥ prādhānikaṃ taṃtramaiśvaryaṃ brahmaṇaḥ padam

Sanskrit only: no published translation is held for this verse.

श्रीमच्छिवपुरे दिव्ये ऐश्वर्यं सर्वकामिकम् । अनंतगुणमैश्वर्यं शिवस्यात्मगुणं महत्

śrīmacchivapure divye aiśvaryaṃ sarvakāmikam | anaṃtaguṇamaiśvaryaṃ śivasyātmaguṇaṃ mahat

Sanskrit only: no published translation is held for this verse.

आदिमध्यांतरहितं विशुद्धं तत्त्वलक्षणम् । सर्वावभासकं सूक्ष्ममनौपम्यं परात्परम्

ādimadhyāṃtarahitaṃ viśuddhaṃ tattvalakṣaṇam | sarvāvabhāsakaṃ sūkṣmamanaupamyaṃ parātparam

Sanskrit only: no published translation is held for this verse.

सुसंपूर्णं जगद्वेषं पशुपाशाविमोक्षणम् । यो यत्स्थानमनुप्राप्तस्तस्य भोगस्तदात्मकः

susaṃpūrṇaṃ jagadveṣaṃ paśupāśāvimokṣaṇam | yo yatsthānamanuprāptastasya bhogastadātmakaḥ

Sanskrit only: no published translation is held for this verse.

विमानं तत्समानं च भवेदीशप्रसादतः । नानारूपाणि ताराणां दृश्यंते कोटयस्त्विमा

vimānaṃ tatsamānaṃ ca bhavedīśaprasādataḥ | nānārūpāṇi tārāṇāṃ dṛśyaṃte koṭayastvimā

Sanskrit only: no published translation is held for this verse.

अष्टविंशतिरेवं ते संदीप्ताः सुकृतात्मनाम् । ये कुर्वंति नमस्कारमीश्वराय क्वचित्क्वचित्

aṣṭaviṃśatirevaṃ te saṃdīptāḥ sukṛtātmanām | ye kurvaṃti namaskāramīśvarāya kvacitkvacit

Sanskrit only: no published translation is held for this verse.

संपर्कात्कौतुकाल्लोभात्तद्विमानं लभंति ते । नामसंकीर्तनाद्वापि प्रसंगेन शिवस्य यः

saṃparkātkautukāllobhāttadvimānaṃ labhaṃti te | nāmasaṃkīrtanādvāpi prasaṃgena śivasya yaḥ

Sanskrit only: no published translation is held for this verse.

कुर्याद्वापि नमस्कारं न तस्य विलयो भवेत् । इत्येता गतयस्तत्र महत्यः शिवकर्मणि

kuryādvāpi namaskāraṃ na tasya vilayo bhavet | ityetā gatayastatra mahatyaḥ śivakarmaṇi

Sanskrit only: no published translation is held for this verse.

कर्मणाभ्यंतरेणापि पुंसामीशानभावतः । प्रसंगेनापि ये कुर्युः शंकरस्मरणं नराः

karmaṇābhyaṃtareṇāpi puṃsāmīśānabhāvataḥ | prasaṃgenāpi ye kuryuḥ śaṃkarasmaraṇaṃ narāḥ

Sanskrit only: no published translation is held for this verse.

तैर्लभ्यं त्वतुलं सौख्यं किं पुनस्तत्परायणैः । विष्णुचिंतां प्रकुर्वंति ध्यानेन गतमानसाः

tairlabhyaṃ tvatulaṃ saukhyaṃ kiṃ punastatparāyaṇaiḥ | viṣṇuciṃtāṃ prakurvaṃti dhyānena gatamānasāḥ

Sanskrit only: no published translation is held for this verse.

ते यांति परमं स्थानं तद्विष्णोः परमं पदम् । शैवं च वैष्णवं रूपमेकरूपं नरोत्तम

te yāṃti paramaṃ sthānaṃ tadviṣṇoḥ paramaṃ padam | śaivaṃ ca vaiṣṇavaṃ rūpamekarūpaṃ narottama

Sanskrit only: no published translation is held for this verse.

द्वयोश्च अंतरं नास्ति एकरूपमहात्मनोः । शिवाय विष्णुरूपाय शिवरूपाय विष्णवे

dvayośca aṃtaraṃ nāsti ekarūpamahātmanoḥ | śivāya viṣṇurūpāya śivarūpāya viṣṇave

Sanskrit only: no published translation is held for this verse.

शिवस्य हृदयं विष्णुर्विष्णोश्च हृदयं शिवः । एकमूर्तिस्त्रयो देवा ब्रह्मविष्णुमहेश्वराः

śivasya hṛdayaṃ viṣṇurviṣṇośca hṛdayaṃ śivaḥ | ekamūrtistrayo devā brahmaviṣṇumaheśvarāḥ

Sanskrit only: no published translation is held for this verse.

त्रयाणामंतरं नास्ति गुणभेदाः प्रकीर्तिताः । शिवभक्तोसि राजेंद्र तथा भागवतोसि वै

trayāṇāmaṃtaraṃ nāsti guṇabhedāḥ prakīrtitāḥ | śivabhaktosi rājeṃdra tathā bhāgavatosi vai

Sanskrit only: no published translation is held for this verse.

तेन देवाः प्रसन्नास्ते ब्रह्मविष्णुमहेश्वराः । सुप्रीता वरदा राजन्कर्मणस्तव सुव्रत

tena devāḥ prasannāste brahmaviṣṇumaheśvarāḥ | suprītā varadā rājankarmaṇastava suvrata

Sanskrit only: no published translation is held for this verse.

इंद्रादेशात्समायातः सन्निधौ तव मानद । ऐंद्रमेनं पदं याहि पश्चाद्ब्राह्मं महेश्वरम्

iṃdrādeśātsamāyātaḥ sannidhau tava mānada | aiṃdramenaṃ padaṃ yāhi paścādbrāhmaṃ maheśvaram

Sanskrit only: no published translation is held for this verse.

वैष्णवं च प्रयाहि त्वं दाहप्रलयवर्जितम् । अनेनापि विमानेन दिव्येन सर्वगामिना

vaiṣṇavaṃ ca prayāhi tvaṃ dāhapralayavarjitam | anenāpi vimānena divyena sarvagāminā

Sanskrit only: no published translation is held for this verse.

दिव्यमूर्तिरतो भुंक्ष्व दिव्यभोगान्मनोरमान् । समारुह्य विमानं त्वं पुष्पकं सुखगामिनम्

divyamūrtirato bhuṃkṣva divyabhogānmanoramān | samāruhya vimānaṃ tvaṃ puṣpakaṃ sukhagāminam

Sanskrit only: no published translation is held for this verse.

सुकर्मोवाच- एवमुक्त्वा द्विजश्रेष्ठ मौनवान्मातलिस्तदा । राजानं धर्मतत्त्वज्ञं ययातिं नहुषात्मजम्

sukarmovāca- evamuktvā dvijaśreṣṭha maunavānmātalistadā | rājānaṃ dharmatattvajñaṃ yayātiṃ nahuṣātmajam

Sanskrit only: no published translation is held for this verse.

इति श्रीपद्मपुराणे भूमिखंडे वेनोपाख्याने मातापितृतीर्थवर्णने ययातिचरित्रे एकसप्ततितमोऽध्यायः

iti śrīpadmapurāṇe bhūmikhaṃḍe venopākhyāne mātāpitṛtīrthavarṇane yayāticaritre ekasaptatitamo'dhyāyaḥ

Sanskrit only: no published translation is held for this verse.