Padma Purāṇa 2.72

पिप्पल उवाच- मातलेश्च वचः श्रुत्वा स राजा नहुषात्मजः । किं चकार महाप्राज्ञस्तन्मे विस्तरतो वद

pippala uvāca- mātaleśca vacaḥ śrutvā sa rājā nahuṣātmajaḥ | kiṃ cakāra mahāprājñastanme vistarato vada

Sanskrit only: no published translation is held for this verse.

सर्वपुण्यमयी पुण्या कथेयं पापनाशिनी । श्रोतुमिच्छाम्यहं प्राज्ञ नैव तृप्यामि सर्वदा

sarvapuṇyamayī puṇyā katheyaṃ pāpanāśinī | śrotumicchāmyahaṃ prājña naiva tṛpyāmi sarvadā

Sanskrit only: no published translation is held for this verse.

सुकर्मोवाच- सर्वधर्मभृतां श्रेष्ठो ययातिर्नृपसत्तमः । तमुवाचागतं दूतं मातलिं शक्रसारथिम्

sukarmovāca- sarvadharmabhṛtāṃ śreṣṭho yayātirnṛpasattamaḥ | tamuvācāgataṃ dūtaṃ mātaliṃ śakrasārathim

Sanskrit only: no published translation is held for this verse.

ययातिरुवाच- शरीरं नैव त्यक्ष्यामि गमिष्ये न दिवं पुनः । शरीरेण विना दूत पार्थिवेन न संशयः

yayātiruvāca- śarīraṃ naiva tyakṣyāmi gamiṣye na divaṃ punaḥ | śarīreṇa vinā dūta pārthivena na saṃśayaḥ

Sanskrit only: no published translation is held for this verse.

यद्यप्येवं महादोषाः कायस्यैव प्रकीर्तिताः । पूर्वं चापि समाख्यातं त्वया सर्वं गुणागुणम्

yadyapyevaṃ mahādoṣāḥ kāyasyaiva prakīrtitāḥ | pūrvaṃ cāpi samākhyātaṃ tvayā sarvaṃ guṇāguṇam

Sanskrit only: no published translation is held for this verse.

नाहं त्यक्ष्ये शरीरं वै नागमिष्ये दिवं पुनः । इत्याचक्ष्व इतो गत्वा देवदेवं पुरंदरम्

nāhaṃ tyakṣye śarīraṃ vai nāgamiṣye divaṃ punaḥ | ityācakṣva ito gatvā devadevaṃ puraṃdaram

Sanskrit only: no published translation is held for this verse.

एकाकिना हि जीवेन कायेनापि महामते । नैव सिद्धिं प्रयात्येवं सांसारिकमिहैव हि

ekākinā hi jīvena kāyenāpi mahāmate | naiva siddhiṃ prayātyevaṃ sāṃsārikamihaiva hi

Sanskrit only: no published translation is held for this verse.

नैव प्राणं विना कायो जीवः कायं विना नहि । उभयोश्चापि मित्रत्वं नयिष्ये नाशमिंद्र न

naiva prāṇaṃ vinā kāyo jīvaḥ kāyaṃ vinā nahi | ubhayoścāpi mitratvaṃ nayiṣye nāśamiṃdra na

Sanskrit only: no published translation is held for this verse.

यस्य प्रसादभावाद्वै सुखमश्नाति केवलम् । शरीरस्याप्ययं प्राणो भोगानन्यान्मनोनुगान्

yasya prasādabhāvādvai sukhamaśnāti kevalam | śarīrasyāpyayaṃ prāṇo bhogānanyānmanonugān

Sanskrit only: no published translation is held for this verse.

एवं ज्ञात्वा स्वर्गभोग्यं न भोज्यं देवदूतक । संभवंति महादुष्टा व्याधयो दुःखदायकाः

evaṃ jñātvā svargabhogyaṃ na bhojyaṃ devadūtaka | saṃbhavaṃti mahāduṣṭā vyādhayo duḥkhadāyakāḥ

Sanskrit only: no published translation is held for this verse.

मातले किल्बिषाच्चैव जरादोषात्प्रजायते । पश्य मे पुण्यसंयुक्तं कायं षोडशवार्षिकम्

mātale kilbiṣāccaiva jarādoṣātprajāyate | paśya me puṇyasaṃyuktaṃ kāyaṃ ṣoḍaśavārṣikam

Sanskrit only: no published translation is held for this verse.

जन्मप्रभृति मे कायः शतार्धाब्दं प्रयाति च । तथापि नूतनो भावः कायस्यापि प्रजायते

janmaprabhṛti me kāyaḥ śatārdhābdaṃ prayāti ca | tathāpi nūtano bhāvaḥ kāyasyāpi prajāyate

Sanskrit only: no published translation is held for this verse.

मम कालो गतो दूत अब्दा प्रनंत्यमनुत्तमम् । यथा षोडशवर्षस्य कायः पुंसः प्रशोभते

mama kālo gato dūta abdā pranaṃtyamanuttamam | yathā ṣoḍaśavarṣasya kāyaḥ puṃsaḥ praśobhate

Sanskrit only: no published translation is held for this verse.

तथा मे शोभते देहो बलवीर्यसमन्वितः । नैव ग्लानिर्न मे हानिर्न श्रमो व्याधयो जरा

tathā me śobhate deho balavīryasamanvitaḥ | naiva glānirna me hānirna śramo vyādhayo jarā

Sanskrit only: no published translation is held for this verse.

मातले मम कायेपि धर्मोत्साहेन वर्द्धते । सर्वामृतमयं दिव्यमौषधं परमौषधम्

mātale mama kāyepi dharmotsāhena varddhate | sarvāmṛtamayaṃ divyamauṣadhaṃ paramauṣadham

Sanskrit only: no published translation is held for this verse.

पापव्याधिप्रणाशार्थं धर्माख्यं हि कृतम्पुरा । तेन मे शोधितः कायो गतदोषस्तु जायते

pāpavyādhipraṇāśārthaṃ dharmākhyaṃ hi kṛtampurā | tena me śodhitaḥ kāyo gatadoṣastu jāyate

Sanskrit only: no published translation is held for this verse.

हृषीकेशस्य संध्यानं नामोच्चारणमुत्तमम् । एतद्रसायनं दूत नित्यमेवं करोम्यहम्

hṛṣīkeśasya saṃdhyānaṃ nāmoccāraṇamuttamam | etadrasāyanaṃ dūta nityamevaṃ karomyaham

Sanskrit only: no published translation is held for this verse.

तेन मे व्याधयो दोषाः पापाद्याः प्रलयं गताः । विद्यमाने हि संसारे कृष्णनाम्नि महौषधे

tena me vyādhayo doṣāḥ pāpādyāḥ pralayaṃ gatāḥ | vidyamāne hi saṃsāre kṛṣṇanāmni mahauṣadhe

Sanskrit only: no published translation is held for this verse.

मानवा मरणं यांति पापव्याधि प्रपीडिताः । न पिबंति महामूढाः कृष्ण नाम रसायनम्

mānavā maraṇaṃ yāṃti pāpavyādhi prapīḍitāḥ | na pibaṃti mahāmūḍhāḥ kṛṣṇa nāma rasāyanam

Sanskrit only: no published translation is held for this verse.

तेन ध्यानेन ज्ञानेन पूजाभावेन मातले । सत्येन दानपुण्येन मम कायो निरामयः

tena dhyānena jñānena pūjābhāvena mātale | satyena dānapuṇyena mama kāyo nirāmayaḥ

Sanskrit only: no published translation is held for this verse.

पापर्द्धेरामयाः पीडाः प्रभवंति शरीरिणः । पीडाभ्यो जायते मृत्युः प्राणिनां नात्र संशयः

pāparddherāmayāḥ pīḍāḥ prabhavaṃti śarīriṇaḥ | pīḍābhyo jāyate mṛtyuḥ prāṇināṃ nātra saṃśayaḥ

Sanskrit only: no published translation is held for this verse.

तस्माद्धर्मः प्रकर्तव्यः पुण्यसत्याश्रयैर्नरैः । पंचभूतात्मकः कायः शिरासंधिविजर्जरः

tasmāddharmaḥ prakartavyaḥ puṇyasatyāśrayairnaraiḥ | paṃcabhūtātmakaḥ kāyaḥ śirāsaṃdhivijarjaraḥ

Sanskrit only: no published translation is held for this verse.

एवं संधीकृतो मर्त्यो हेमकारीव टंकणैः । तत्र भाति महानग्निर्द्धातुरेव चरः सदा

evaṃ saṃdhīkṛto martyo hemakārīva ṭaṃkaṇaiḥ | tatra bhāti mahānagnirddhātureva caraḥ sadā

Sanskrit only: no published translation is held for this verse.

शतखंडमये विप्र यः संधत्ते सबुद्धिमान् । हरेर्नाम्ना च दिव्येन सौभाग्येनापि पिप्पल

śatakhaṃḍamaye vipra yaḥ saṃdhatte sabuddhimān | harernāmnā ca divyena saubhāgyenāpi pippala

Sanskrit only: no published translation is held for this verse.

पंचात्मका हि ये खंडाः शतसंधिविजर्जराः । तेन संधारिताः सर्वे कायो धातुसमो भवेत्

paṃcātmakā hi ye khaṃḍāḥ śatasaṃdhivijarjarāḥ | tena saṃdhāritāḥ sarve kāyo dhātusamo bhavet

Sanskrit only: no published translation is held for this verse.

हरेः पूजोपचारेण ध्यानेन नियमेन च । सत्यभावेन दानेन नूत्नः कायो विजायते

hareḥ pūjopacāreṇa dhyānena niyamena ca | satyabhāvena dānena nūtnaḥ kāyo vijāyate

Sanskrit only: no published translation is held for this verse.

दोषा नश्यंति कायस्य व्याधयः शृणु मातले । बाह्याभ्यंतरशौचं हि दुर्गंधिर्नैव जायते

doṣā naśyaṃti kāyasya vyādhayaḥ śṛṇu mātale | bāhyābhyaṃtaraśaucaṃ hi durgaṃdhirnaiva jāyate

Sanskrit only: no published translation is held for this verse.

शुचिस्ततो भवेत्सूत प्रसादात्तस्य चक्रिणः । नाहं स्वर्गं गमिष्यामि स्वर्गमत्र करोम्यहम्

śucistato bhavetsūta prasādāttasya cakriṇaḥ | nāhaṃ svargaṃ gamiṣyāmi svargamatra karomyaham

Sanskrit only: no published translation is held for this verse.

तपसा चैव भावेन स्वधर्मेण महीतलम् । स्वर्गरूपं करिष्यामि प्रसादात्तस्य चक्रिणः

tapasā caiva bhāvena svadharmeṇa mahītalam | svargarūpaṃ kariṣyāmi prasādāttasya cakriṇaḥ

Sanskrit only: no published translation is held for this verse.

एवं ज्ञात्वा प्रयाहि त्वं कथयस्व पुरंदरम् । सुकर्मोवाच- समाकर्ण्य ततः सूतो नृपतेः परिभाषितम्

evaṃ jñātvā prayāhi tvaṃ kathayasva puraṃdaram | sukarmovāca- samākarṇya tataḥ sūto nṛpateḥ paribhāṣitam

Sanskrit only: no published translation is held for this verse.

आशीर्भिरभिनंद्याथ आमंत्र्य नृपतिं गतः । सर्वं निवेदयामास इंद्राय च महात्मने

āśīrbhirabhinaṃdyātha āmaṃtrya nṛpatiṃ gataḥ | sarvaṃ nivedayāmāsa iṃdrāya ca mahātmane

Sanskrit only: no published translation is held for this verse.

समाकर्ण्य सहस्राक्षो ययातेस्तु महात्मनः । तस्याथ चिंतयामासानयनार्थं दिवं प्रति

samākarṇya sahasrākṣo yayātestu mahātmanaḥ | tasyātha ciṃtayāmāsānayanārthaṃ divaṃ prati

Sanskrit only: no published translation is held for this verse.