Library·Padma Purāṇa·2·2.79
विशालोवाच- शर्मिष्ठा यस्य वै भार्या देवयानी वरानना । सौभाग्यं तत्र वै दृष्टमन्यथा नास्ति भूपते
viśālovāca- śarmiṣṭhā yasya vai bhāryā devayānī varānanā | saubhāgyaṃ tatra vai dṛṣṭamanyathā nāsti bhūpate
Sanskrit only: no published translation is held for this verse.
तत्कथं त्वं महाभाग अस्याः कार्यवशो भवेः । सपत्नजेन भावेन भवान्भर्ता प्रतिष्ठितः
tatkathaṃ tvaṃ mahābhāga asyāḥ kāryavaśo bhaveḥ | sapatnajena bhāvena bhavānbhartā pratiṣṭhitaḥ
Sanskrit only: no published translation is held for this verse.
ससर्पोसि महाराज भूतले चंदनं यथा । सर्पैश्च वेष्टितो राजन्महाचंदन एव हि
sasarposi mahārāja bhūtale caṃdanaṃ yathā | sarpaiśca veṣṭito rājanmahācaṃdana eva hi
Sanskrit only: no published translation is held for this verse.
तथा त्वं वेष्टितः सर्पैः सपत्नीनामसंज्ञकैः । वरमग्निप्रवेशश्च शिखाग्रात्पतनं वरम्
tathā tvaṃ veṣṭitaḥ sarpaiḥ sapatnīnāmasaṃjñakaiḥ | varamagnipraveśaśca śikhāgrātpatanaṃ varam
Sanskrit only: no published translation is held for this verse.
रूपतेजः समायुक्तं सपत्नीसहितं प्रियम् । न वरं तादृशं कांतं सपत्नीविषसंयुतम्
rūpatejaḥ samāyuktaṃ sapatnīsahitaṃ priyam | na varaṃ tādṛśaṃ kāṃtaṃ sapatnīviṣasaṃyutam
Sanskrit only: no published translation is held for this verse.
तस्मान्न मन्यते कांतं भवंतं गुणसागरम् । राजोवाच- देवयान्या न मे कार्यं शर्मिष्ठया वरानने
tasmānna manyate kāṃtaṃ bhavaṃtaṃ guṇasāgaram | rājovāca- devayānyā na me kāryaṃ śarmiṣṭhayā varānane
Sanskrit only: no published translation is held for this verse.
इत्यर्थं पश्य मे कोशं सत्वधर्मसमन्वितम् । अश्रुबिंदुमत्युवाच- अहं राज्यस्य भोक्त्री च तव कायस्य भूपते
ityarthaṃ paśya me kośaṃ satvadharmasamanvitam | aśrubiṃdumatyuvāca- ahaṃ rājyasya bhoktrī ca tava kāyasya bhūpate
Sanskrit only: no published translation is held for this verse.
यद्यद्वदाम्यहं भूप तत्तत्कार्यं त्वया ध्रुवम् । इत्यर्थे मम देहि स्वं करं त्वं धर्मवत्सल
yadyadvadāmyahaṃ bhūpa tattatkāryaṃ tvayā dhruvam | ityarthe mama dehi svaṃ karaṃ tvaṃ dharmavatsala
Sanskrit only: no published translation is held for this verse.
बहुधर्मसमोपेतं चारुलक्षणसंयुतम् । राजोवाच- अन्य भार्यां न विंदामि त्वां विना वरवर्णिनि
bahudharmasamopetaṃ cārulakṣaṇasaṃyutam | rājovāca- anya bhāryāṃ na viṃdāmi tvāṃ vinā varavarṇini
Sanskrit only: no published translation is held for this verse.
राज्यं च सकलामुर्वीं मम कायं वरानने । सकोशं भुंक्ष्व चार्वंगि एष दत्तः करस्तव
rājyaṃ ca sakalāmurvīṃ mama kāyaṃ varānane | sakośaṃ bhuṃkṣva cārvaṃgi eṣa dattaḥ karastava
Sanskrit only: no published translation is held for this verse.
यदेव भाषसे भद्रे तदेवं तु करोम्यहम् । अश्रुबिंदुमत्युवाच- अनेनापि महाभाग तव भार्या भवाम्यहम्
yadeva bhāṣase bhadre tadevaṃ tu karomyaham | aśrubiṃdumatyuvāca- anenāpi mahābhāga tava bhāryā bhavāmyaham
Sanskrit only: no published translation is held for this verse.
एवमाकर्ण्य राजेंद्रो हर्षव्याकुललोचनः । गांधर्वेण विवाहेन ययातिः पृथिवीपतिः
evamākarṇya rājeṃdro harṣavyākulalocanaḥ | gāṃdharveṇa vivāhena yayātiḥ pṛthivīpatiḥ
Sanskrit only: no published translation is held for this verse.
उपयेमे सुतां पुण्यां मन्मथस्य नरोत्तम । तया सार्द्धं महात्मा वै रमते नृपनंदनः
upayeme sutāṃ puṇyāṃ manmathasya narottama | tayā sārddhaṃ mahātmā vai ramate nṛpanaṃdanaḥ
Sanskrit only: no published translation is held for this verse.
सागरस्य च तीरेषु वनेषूपवनेषु च । पर्वतेषु च रम्येषु सरित्सु च तया सह
sāgarasya ca tīreṣu vaneṣūpavaneṣu ca | parvateṣu ca ramyeṣu saritsu ca tayā saha
Sanskrit only: no published translation is held for this verse.
रमते राजराजेंद्रस्तारुण्येन महीपतिः । एवं विंशत्सहस्राणि गतानि निरतस्य च
ramate rājarājeṃdrastāruṇyena mahīpatiḥ | evaṃ viṃśatsahasrāṇi gatāni niratasya ca
Sanskrit only: no published translation is held for this verse.
भूपस्य तस्य राजेंद्र ययातेस्तु महात्मनः । विष्णुरुवाच- एवं तया महाराजो ययातिर्मोहितस्तदा
bhūpasya tasya rājeṃdra yayātestu mahātmanaḥ | viṣṇuruvāca- evaṃ tayā mahārājo yayātirmohitastadā
Sanskrit only: no published translation is held for this verse.
कंदर्पस्य प्रपंचेन इंद्रस्यार्थे महामते । सुकर्मोवाच- एवं पिप्पल राजासौ ययातिः पृथिवीपतिः
kaṃdarpasya prapaṃcena iṃdrasyārthe mahāmate | sukarmovāca- evaṃ pippala rājāsau yayātiḥ pṛthivīpatiḥ
Sanskrit only: no published translation is held for this verse.
तस्या मोहनकामेन रतेन ललितेन च । न जानाति दिनं रात्रिं मुग्धः कामस्य कन्यया
tasyā mohanakāmena ratena lalitena ca | na jānāti dinaṃ rātriṃ mugdhaḥ kāmasya kanyayā
Sanskrit only: no published translation is held for this verse.
एकदा मोहितं भूपं ययातिं कामनंदिनी । उवाच प्रणतं नम्रं वशगं चारुलोचना
ekadā mohitaṃ bhūpaṃ yayātiṃ kāmanaṃdinī | uvāca praṇataṃ namraṃ vaśagaṃ cārulocanā
Sanskrit only: no published translation is held for this verse.
अश्रुबिंदुमत्युवाच- संजातं दोहदं कांत तन्मे कुरु मनोरथम् । अश्वमेधमखश्रेष्ठं यजस्व पृथिवीपते
aśrubiṃdumatyuvāca- saṃjātaṃ dohadaṃ kāṃta tanme kuru manoratham | aśvamedhamakhaśreṣṭhaṃ yajasva pṛthivīpate
Sanskrit only: no published translation is held for this verse.
राजोवाच- एवमस्तु महाभागे करोमि तव सुप्रियम् । समाहूय सुतश्रेष्ठं राज्यभोगे विनिःस्पृहम्
rājovāca- evamastu mahābhāge karomi tava supriyam | samāhūya sutaśreṣṭhaṃ rājyabhoge viniḥspṛham
Sanskrit only: no published translation is held for this verse.
समाहूतः समायातो भक्त्यानमितकंधरः । बद्धांजलिपुटो भूत्वा प्रणाममकरोत्तदा
samāhūtaḥ samāyāto bhaktyānamitakaṃdharaḥ | baddhāṃjalipuṭo bhūtvā praṇāmamakarottadā
Sanskrit only: no published translation is held for this verse.
तस्याः पादौ ननामाथ भक्त्या नमितकंधरः । आदेशो दीयतां राजन्येनाहूतः समागतः
tasyāḥ pādau nanāmātha bhaktyā namitakaṃdharaḥ | ādeśo dīyatāṃ rājanyenāhūtaḥ samāgataḥ
Sanskrit only: no published translation is held for this verse.
किं करोमि महाभाग दासस्ते प्रणतोस्मि च । राजोवाच- अश्वमेधस्य यज्ञस्य संभारं कुरु पुत्रक
kiṃ karomi mahābhāga dāsaste praṇatosmi ca | rājovāca- aśvamedhasya yajñasya saṃbhāraṃ kuru putraka
Sanskrit only: no published translation is held for this verse.
समाहूय द्विजान्पुण्यानृत्विजो भूमिपालकान् । एवमुक्तो महातेजाः पूरुः परमधार्मिकः
samāhūya dvijānpuṇyānṛtvijo bhūmipālakān | evamukto mahātejāḥ pūruḥ paramadhārmikaḥ
Sanskrit only: no published translation is held for this verse.
सर्वं चकार संपूर्णं यथोक्तं तु महात्मना । तया सार्धं स जग्राह सुदीक्षां कामकन्यया
sarvaṃ cakāra saṃpūrṇaṃ yathoktaṃ tu mahātmanā | tayā sārdhaṃ sa jagrāha sudīkṣāṃ kāmakanyayā
Sanskrit only: no published translation is held for this verse.
अश्वमेधयज्ञवाटे दत्वा दानान्यनेकधा । ब्राह्मणेभ्यो महाराज भूरिदानमनंतकम्
aśvamedhayajñavāṭe datvā dānānyanekadhā | brāhmaṇebhyo mahārāja bhūridānamanaṃtakam
Sanskrit only: no published translation is held for this verse.
दीनेषु च विशेषेण ययातिः पृथिवीपतिः । यज्ञांते च महाराजस्तामुवाच वराननाम्
dīneṣu ca viśeṣeṇa yayātiḥ pṛthivīpatiḥ | yajñāṃte ca mahārājastāmuvāca varānanām
Sanskrit only: no published translation is held for this verse.
अन्यत्ते सुप्रियं बाले किं करोमि वदस्व मे । तत्सर्वं देवि कर्तास्मि साध्यासाध्यं वरानने
anyatte supriyaṃ bāle kiṃ karomi vadasva me | tatsarvaṃ devi kartāsmi sādhyāsādhyaṃ varānane
Sanskrit only: no published translation is held for this verse.
सुकर्मोवाच- इत्युक्ता तेन सा राज्ञा भूपालं प्रत्युवाच ह । जातो मे दोहदो राजंस्तत्कुरुष्व ममानघ
sukarmovāca- ityuktā tena sā rājñā bhūpālaṃ pratyuvāca ha | jāto me dohado rājaṃstatkuruṣva mamānagha
Sanskrit only: no published translation is held for this verse.
इंद्रलोकं ब्रह्मलोकं शिवलोकं तथैव च । विष्णुलोकं महाराज द्रष्टुमिच्छामि सुप्रियम्
iṃdralokaṃ brahmalokaṃ śivalokaṃ tathaiva ca | viṣṇulokaṃ mahārāja draṣṭumicchāmi supriyam
Sanskrit only: no published translation is held for this verse.
दर्शयस्व महाभाग यदहं सुप्रिया तव । एवमुक्तस्तयाराजातामुवाचससुप्रियाम्
darśayasva mahābhāga yadahaṃ supriyā tava | evamuktastayārājātāmuvācasasupriyām
Sanskrit only: no published translation is held for this verse.
साधुसाधुवरारोहेपुण्यमेवप्रभाषसे । स्त्रीस्वभावाच्चचापल्यात्कौतुकाच्चवरानने
sādhusādhuvarārohepuṇyamevaprabhāṣase | strīsvabhāvāccacāpalyātkautukāccavarānane
Sanskrit only: no published translation is held for this verse.
यत्तवोक्तं महाभागे तदसाध्यं विभाति मे । तत्साध्यं पुण्यदानेन यज्ञेन तपसापि च
yattavoktaṃ mahābhāge tadasādhyaṃ vibhāti me | tatsādhyaṃ puṇyadānena yajñena tapasāpi ca
Sanskrit only: no published translation is held for this verse.
अन्यथा न भवेत्साध्यं यत्त्वयोक्तं वरानने । असाध्यं तु भवत्या वै भाषितं पुण्यमिश्रितम्
anyathā na bhavetsādhyaṃ yattvayoktaṃ varānane | asādhyaṃ tu bhavatyā vai bhāṣitaṃ puṇyamiśritam
Sanskrit only: no published translation is held for this verse.
मर्त्यलोकाच्छरीरेण अनेनापि च मानवः । श्रुतो दृष्टो न मेद्यापि गतः स्वर्गं सुपुण्यकृत्
martyalokāccharīreṇa anenāpi ca mānavaḥ | śruto dṛṣṭo na medyāpi gataḥ svargaṃ supuṇyakṛt
Sanskrit only: no published translation is held for this verse.
ततोऽसाध्यं वरारोहे यत्त्वया भाषितं मम । अन्यदेव करिष्यामि प्रियं ते तद्वद प्रिये
tato'sādhyaṃ varārohe yattvayā bhāṣitaṃ mama | anyadeva kariṣyāmi priyaṃ te tadvada priye
Sanskrit only: no published translation is held for this verse.
देव्युवाच- अन्यैश्च मानुषै राजन्न साध्यं स्यान्न संशयः । त्वयि साध्यं महाराज सत्यंसत्यं वदाम्यहम्
devyuvāca- anyaiśca mānuṣai rājanna sādhyaṃ syānna saṃśayaḥ | tvayi sādhyaṃ mahārāja satyaṃsatyaṃ vadāmyaham
Sanskrit only: no published translation is held for this verse.
तपसा यशसा क्षात्रै र्दानैर्यज्ञैश्च भूपते । नास्ति भवादृशश्चान्यो मर्त्यलोके च मानवः
tapasā yaśasā kṣātrai rdānairyajñaiśca bhūpate | nāsti bhavādṛśaścānyo martyaloke ca mānavaḥ
Sanskrit only: no published translation is held for this verse.
क्षात्रं बलं सुतेजश्च त्वयि सर्वं प्रतिष्ठितम् । तस्मादेवं प्रकर्तव्यं मत्प्रियं नहुषात्मज
kṣātraṃ balaṃ sutejaśca tvayi sarvaṃ pratiṣṭhitam | tasmādevaṃ prakartavyaṃ matpriyaṃ nahuṣātmaja
Sanskrit only: no published translation is held for this verse.