Library·Padma Purāṇa·2·2.81
सुकर्मोवाच- यथेंद्रोसौ महाप्राज्ञः सदा भीतो महात्मनः । ययातेर्विक्रमं दृष्ट्वा दानपुण्यादिकं बहु
sukarmovāca- yatheṃdrosau mahāprājñaḥ sadā bhīto mahātmanaḥ | yayātervikramaṃ dṛṣṭvā dānapuṇyādikaṃ bahu
Sanskrit only: no published translation is held for this verse.
मेनकां प्रेषयामास अप्सरां दूतकर्मणि । गच्छ भद्रे महाभागे ममादेशं वदस्व हि
menakāṃ preṣayāmāsa apsarāṃ dūtakarmaṇi | gaccha bhadre mahābhāge mamādeśaṃ vadasva hi
Sanskrit only: no published translation is held for this verse.
कामकन्यामितो गत्वा देवराजवचो वद । येनकेनाप्युपायेन राजानं त्वमिहानय
kāmakanyāmito gatvā devarājavaco vada | yenakenāpyupāyena rājānaṃ tvamihānaya
Sanskrit only: no published translation is held for this verse.
एवं श्रुत्वा गता सा च मेनका तत्र प्रेषिता । समाचष्ट तु तत्सर्वं देवराजस्य भाषितम्
evaṃ śrutvā gatā sā ca menakā tatra preṣitā | samācaṣṭa tu tatsarvaṃ devarājasya bhāṣitam
Sanskrit only: no published translation is held for this verse.
एवमुक्ता गता सा च मेनका तत्प्रचोदिता । गतायां मेनकायां तु रतिपुत्री मनस्विनी
evamuktā gatā sā ca menakā tatpracoditā | gatāyāṃ menakāyāṃ tu ratiputrī manasvinī
Sanskrit only: no published translation is held for this verse.
राजानं धर्मसंकेतं प्रत्युवाच यशस्विनी । राजंस्त्वयाहमानीता सत्यवाक्येन वै पुरा
rājānaṃ dharmasaṃketaṃ pratyuvāca yaśasvinī | rājaṃstvayāhamānītā satyavākyena vai purā
Sanskrit only: no published translation is held for this verse.
स्वकरश्चांतरे दत्तो भवनं च समाहृता । यद्यद्वदाम्यहं राजंस्तत्तत्कार्यं हि वै त्वया
svakaraścāṃtare datto bhavanaṃ ca samāhṛtā | yadyadvadāmyahaṃ rājaṃstattatkāryaṃ hi vai tvayā
Sanskrit only: no published translation is held for this verse.
तदेवं हि त्वया वीर न कृतं भाषितं मम । त्वामेवं तु परित्यक्ष्ये यास्यामि पितृमंदिरम्
tadevaṃ hi tvayā vīra na kṛtaṃ bhāṣitaṃ mama | tvāmevaṃ tu parityakṣye yāsyāmi pitṛmaṃdiram
Sanskrit only: no published translation is held for this verse.
राजोवाच- यथोक्तं हि त्वया भद्रे तत्ते कर्त्ता न संशयः । असाध्यं तु परित्यज्य साध्यं देवि वदस्व मे
rājovāca- yathoktaṃ hi tvayā bhadre tatte karttā na saṃśayaḥ | asādhyaṃ tu parityajya sādhyaṃ devi vadasva me
Sanskrit only: no published translation is held for this verse.
अश्रुबिंदुमत्युवाच- एतदर्थे महीकांत भवानिह मया वृतः । सर्वलक्षणसंपन्नः सर्वधर्मसमन्वितः
aśrubiṃdumatyuvāca- etadarthe mahīkāṃta bhavāniha mayā vṛtaḥ | sarvalakṣaṇasaṃpannaḥ sarvadharmasamanvitaḥ
Sanskrit only: no published translation is held for this verse.
सर्वं साध्यमिति ज्ञात्वा सर्वधर्तारमेव च । कर्त्तारं सर्वधर्माणां स्रष्टारं पुण्यकर्मणाम्
sarvaṃ sādhyamiti jñātvā sarvadhartārameva ca | karttāraṃ sarvadharmāṇāṃ sraṣṭāraṃ puṇyakarmaṇām
Sanskrit only: no published translation is held for this verse.
त्रैलोक्यसाधकं ज्ञात्वा त्रैलोक्येऽप्रतिमं च वै । विष्णुभक्तमहं जाने वैष्णवानां महावरम्
trailokyasādhakaṃ jñātvā trailokye'pratimaṃ ca vai | viṣṇubhaktamahaṃ jāne vaiṣṇavānāṃ mahāvaram
Sanskrit only: no published translation is held for this verse.
इत्याशया मया भर्त्ता भवानंगीकृतः पुरा । यस्य विष्णुप्रसादोऽस्ति स सर्वत्र परिव्रजेत्
ityāśayā mayā bharttā bhavānaṃgīkṛtaḥ purā | yasya viṣṇuprasādo'sti sa sarvatra parivrajet
Sanskrit only: no published translation is held for this verse.
दुर्लभं नास्ति राजेंद्र त्रैलोक्ये सचराचरे । सर्वेष्वेव सुलोकेषु विद्यते तव सुव्रत
durlabhaṃ nāsti rājeṃdra trailokye sacarācare | sarveṣveva sulokeṣu vidyate tava suvrata
Sanskrit only: no published translation is held for this verse.
विष्णोश्चैव प्रसादेन गगने गतिरुत्तमा । मर्त्यलोकं समासाद्य त्वयैव वसुधाधिप
viṣṇoścaiva prasādena gagane gatiruttamā | martyalokaṃ samāsādya tvayaiva vasudhādhipa
Sanskrit only: no published translation is held for this verse.
जरापलितहीनास्तु मृत्युहीना जनाः कृताः । गृहद्वारेषु सर्वेषु मर्त्यानां च नरर्षभ
jarāpalitahīnāstu mṛtyuhīnā janāḥ kṛtāḥ | gṛhadvāreṣu sarveṣu martyānāṃ ca nararṣabha
Sanskrit only: no published translation is held for this verse.
कल्पद्रुमा अनेकाश्च त्वयैव परिकल्पिताः । येषां गृहेषु मर्त्यानां मुनयः कामधेनवः
kalpadrumā anekāśca tvayaiva parikalpitāḥ | yeṣāṃ gṛheṣu martyānāṃ munayaḥ kāmadhenavaḥ
Sanskrit only: no published translation is held for this verse.
त्वयैव प्रेषिता राजन्स्थिरीभूताः सदा कृताः । सुखिनः सर्वकामैश्च मानवाश्च त्वया कृताः
tvayaiva preṣitā rājansthirībhūtāḥ sadā kṛtāḥ | sukhinaḥ sarvakāmaiśca mānavāśca tvayā kṛtāḥ
Sanskrit only: no published translation is held for this verse.
गृहैकमध्ये साहस्रं कुलीनानां प्रदृश्यते । एवं वंशविवृद्धिश्च मानवानां त्वया कृता
gṛhaikamadhye sāhasraṃ kulīnānāṃ pradṛśyate | evaṃ vaṃśavivṛddhiśca mānavānāṃ tvayā kṛtā
Sanskrit only: no published translation is held for this verse.
यमस्यापि विरोधेन इंद्रस्य च नरोत्तम । व्याधिपापविहीनस्तु मर्त्यलोकस्त्वया कृतः
yamasyāpi virodhena iṃdrasya ca narottama | vyādhipāpavihīnastu martyalokastvayā kṛtaḥ
Sanskrit only: no published translation is held for this verse.
स्वतेजसाहंकारेण स्वर्गरूपं तु भूतलम् । दर्शितं हि महाराज त्वत्समो नास्ति भूपतिः
svatejasāhaṃkāreṇa svargarūpaṃ tu bhūtalam | darśitaṃ hi mahārāja tvatsamo nāsti bhūpatiḥ
Sanskrit only: no published translation is held for this verse.
नरो नैव प्रसूतो हि नोत्पत्स्यति भवादृशः । भवंतमित्यहं जाने सर्वधर्मप्रभाकरम्
naro naiva prasūto hi notpatsyati bhavādṛśaḥ | bhavaṃtamityahaṃ jāne sarvadharmaprabhākaram
Sanskrit only: no published translation is held for this verse.
तस्मान्मया कृतो भर्ता वदस्वैवं ममाग्रतः । नर्ममुक्त्वा नृपेंद्र त्वं वद सत्यं ममाग्रतः
tasmānmayā kṛto bhartā vadasvaivaṃ mamāgrataḥ | narmamuktvā nṛpeṃdra tvaṃ vada satyaṃ mamāgrataḥ
Sanskrit only: no published translation is held for this verse.
यदि ते सत्यमस्तीह धर्ममस्ति नराधिप । देवलोकेषु मे नास्ति गगने गतिरुत्तमा
yadi te satyamastīha dharmamasti narādhipa | devalokeṣu me nāsti gagane gatiruttamā
Sanskrit only: no published translation is held for this verse.
सत्यं त्यक्त्वा यदा च त्वं नैव स्वर्गं गमिष्यसि । तदा कूटं तव वचो भविष्यति न संशयः
satyaṃ tyaktvā yadā ca tvaṃ naiva svargaṃ gamiṣyasi | tadā kūṭaṃ tava vaco bhaviṣyati na saṃśayaḥ
Sanskrit only: no published translation is held for this verse.
पूर्वंकृतं हि यच्छ्रेयो भस्मीभूतं भविष्यति । राजोवाच- सत्यमुक्तं त्वया भद्रे साध्यासाध्यं न चास्ति मे
pūrvaṃkṛtaṃ hi yacchreyo bhasmībhūtaṃ bhaviṣyati | rājovāca- satyamuktaṃ tvayā bhadre sādhyāsādhyaṃ na cāsti me
Sanskrit only: no published translation is held for this verse.
सर्वंसाध्यं सुलोकं मे सुप्रसादाज्जगत्पते । स्वर्गं देवि यतो नैमि तत्र मे कारणं शृणु
sarvaṃsādhyaṃ sulokaṃ me suprasādājjagatpate | svargaṃ devi yato naimi tatra me kāraṇaṃ śṛṇu
Sanskrit only: no published translation is held for this verse.
आगंतुं तु न दास्यंति लोके मर्त्ये च देवताः । ततो मे मानवाः सर्वे प्रजाः सर्वा वरानने
āgaṃtuṃ tu na dāsyaṃti loke martye ca devatāḥ | tato me mānavāḥ sarve prajāḥ sarvā varānane
Sanskrit only: no published translation is held for this verse.
मृत्युयुक्ता भविष्यंति मया हीना न संशयः । गंतुं स्वर्गं न वाञ्छामि सत्यमुक्तं वरानने
mṛtyuyuktā bhaviṣyaṃti mayā hīnā na saṃśayaḥ | gaṃtuṃ svargaṃ na vāñchāmi satyamuktaṃ varānane
Sanskrit only: no published translation is held for this verse.
देव्युवाच-। लोकान्दृष्ट्वा महाराज आगमिष्यसि वै पुनः । पूरयस्व ममाद्यत्वं जातां श्रद्धां महातुलाम्
devyuvāca-| lokāndṛṣṭvā mahārāja āgamiṣyasi vai punaḥ | pūrayasva mamādyatvaṃ jātāṃ śraddhāṃ mahātulām
Sanskrit only: no published translation is held for this verse.
राजोवाच-। सर्वमेवं करिष्यामि यत्त्वयोक्तं न संशयः । समालोक्य महातेजा ययातिर्नहुषात्मजः
rājovāca-| sarvamevaṃ kariṣyāmi yattvayoktaṃ na saṃśayaḥ | samālokya mahātejā yayātirnahuṣātmajaḥ
Sanskrit only: no published translation is held for this verse.
एवमुक्त्वा प्रियां राजा चिंतयामास वै तदा । अंतर्जलचरो मत्स्यः सोपि जाले न बध्यते
evamuktvā priyāṃ rājā ciṃtayāmāsa vai tadā | aṃtarjalacaro matsyaḥ sopi jāle na badhyate
Sanskrit only: no published translation is held for this verse.
मरुत्समानवेगोपि मृगः प्राप्नोति बंधनम् । योजनानां सहस्रस्थमामिषं वीक्षते खगः
marutsamānavegopi mṛgaḥ prāpnoti baṃdhanam | yojanānāṃ sahasrasthamāmiṣaṃ vīkṣate khagaḥ
Sanskrit only: no published translation is held for this verse.
सकंठलग्नपाशं च न पश्येद्दैवमोहितः । कालः समविषमकृत्कालः सन्मानहानिदः
sakaṃṭhalagnapāśaṃ ca na paśyeddaivamohitaḥ | kālaḥ samaviṣamakṛtkālaḥ sanmānahānidaḥ
Sanskrit only: no published translation is held for this verse.
परिभावकरः कालो यत्रकुत्रापि तिष्ठतः । नरं करोति दातारं याचितारं च वै पुनः
paribhāvakaraḥ kālo yatrakutrāpi tiṣṭhataḥ | naraṃ karoti dātāraṃ yācitāraṃ ca vai punaḥ
Sanskrit only: no published translation is held for this verse.
भूतानि स्थावरादीनि दिवि वा यदि वा भुवि । सर्वं कलयते कालः कालो ह्येक इदं जगत्
bhūtāni sthāvarādīni divi vā yadi vā bhuvi | sarvaṃ kalayate kālaḥ kālo hyeka idaṃ jagat
Sanskrit only: no published translation is held for this verse.
अनादिनिधनो धाता जगतः कारणं परम् । लोकान्कालः स पचति वृक्षे फलमिवाहितम्
anādinidhano dhātā jagataḥ kāraṇaṃ param | lokānkālaḥ sa pacati vṛkṣe phalamivāhitam
Sanskrit only: no published translation is held for this verse.
न मंत्रा न तपो दानं न मित्राणि न बांधवाः । शक्नुवंति परित्रातुं नरं कालेन पीडितम्
na maṃtrā na tapo dānaṃ na mitrāṇi na bāṃdhavāḥ | śaknuvaṃti paritrātuṃ naraṃ kālena pīḍitam
Sanskrit only: no published translation is held for this verse.
त्रयः कालकृताः पाशाः शक्यंते नातिवर्तितुम् । विवाहो जन्ममरणं यदा यत्र तु येन च
trayaḥ kālakṛtāḥ pāśāḥ śakyaṃte nātivartitum | vivāho janmamaraṇaṃ yadā yatra tu yena ca
Sanskrit only: no published translation is held for this verse.
यथा जलधरा व्योम्नि भ्राम्यंते मातरिश्वना । तथेदं कर्मयुक्तेन कालेन भ्राम्यते जगत्
yathā jaladharā vyomni bhrāmyaṃte mātariśvanā | tathedaṃ karmayuktena kālena bhrāmyate jagat
Sanskrit only: no published translation is held for this verse.
सुकर्मोवाच-। कालोऽयं कर्मयुक्तस्तु यो नरैः समुपासितः । कालस्तु प्रेरयेत्कर्म न तं कालः करोति सः
sukarmovāca-| kālo'yaṃ karmayuktastu yo naraiḥ samupāsitaḥ | kālastu prerayetkarma na taṃ kālaḥ karoti saḥ
Sanskrit only: no published translation is held for this verse.
उपद्रवा घातदोषाः सर्पाश्च व्याधयस्ततः । सर्वे कर्मनियुक्तास्ते प्रचरंति च मानुषे
upadravā ghātadoṣāḥ sarpāśca vyādhayastataḥ | sarve karmaniyuktāste pracaraṃti ca mānuṣe
Sanskrit only: no published translation is held for this verse.
सुखस्य हेतवो ये च उपायाः पुण्यमिश्रिताः । ते सर्वे कर्मसंयुक्ता न पश्येयुः शुभाशुभम्
sukhasya hetavo ye ca upāyāḥ puṇyamiśritāḥ | te sarve karmasaṃyuktā na paśyeyuḥ śubhāśubham
Sanskrit only: no published translation is held for this verse.
कर्मदा यदि वा लोके कर्मसंबधि बांधवाः । कर्माणि चोदयंतीह पुरुषं सुखदुःखयोः
karmadā yadi vā loke karmasaṃbadhi bāṃdhavāḥ | karmāṇi codayaṃtīha puruṣaṃ sukhaduḥkhayoḥ
Sanskrit only: no published translation is held for this verse.
सुवर्णं रजतं वापि यथा रूपं विनिश्चितम् । तथा निबध्यते जंतुः स्वकर्मणि वशानुगः
suvarṇaṃ rajataṃ vāpi yathā rūpaṃ viniścitam | tathā nibadhyate jaṃtuḥ svakarmaṇi vaśānugaḥ
Sanskrit only: no published translation is held for this verse.
पंचैतानीह सृज्यंते गर्भस्थस्यैव देहिनः । आयुः कर्म च वित्तं च विद्यानिधनमेव च
paṃcaitānīha sṛjyaṃte garbhasthasyaiva dehinaḥ | āyuḥ karma ca vittaṃ ca vidyānidhanameva ca
Sanskrit only: no published translation is held for this verse.
यथा मृत्पिंडतः कर्ता कुरुते यद्यदिच्छति । तथा पूर्वकृतं कर्म कर्तारमनुगच्छति
yathā mṛtpiṃḍataḥ kartā kurute yadyadicchati | tathā pūrvakṛtaṃ karma kartāramanugacchati
Sanskrit only: no published translation is held for this verse.
देवत्वमथ मानुष्यं पशुत्वं पक्षिता तथा । तिर्यक्त्वं स्थावरत्वं च प्राप्यते च स्वकर्मभिः
devatvamatha mānuṣyaṃ paśutvaṃ pakṣitā tathā | tiryaktvaṃ sthāvaratvaṃ ca prāpyate ca svakarmabhiḥ
Sanskrit only: no published translation is held for this verse.
स एव तत्तथा भुंक्ते नित्यं विहितमात्मना । आत्मना विहितं दुःखं चात्मना विहितं सुखम्
sa eva tattathā bhuṃkte nityaṃ vihitamātmanā | ātmanā vihitaṃ duḥkhaṃ cātmanā vihitaṃ sukham
Sanskrit only: no published translation is held for this verse.
गर्भशय्यामुपादाय भुंजते पूर्वदैहिकम् । संत्यजंति स्वकं कर्म न क्वचित्पुरुषा भुवि
garbhaśayyāmupādāya bhuṃjate pūrvadaihikam | saṃtyajaṃti svakaṃ karma na kvacitpuruṣā bhuvi
Sanskrit only: no published translation is held for this verse.
बलेन प्रज्ञया वापि समर्थाः कर्तुमन्यथा । सुकृतान्युपभुंजंति दुःखानि च सुखानि च
balena prajñayā vāpi samarthāḥ kartumanyathā | sukṛtānyupabhuṃjaṃti duḥkhāni ca sukhāni ca
Sanskrit only: no published translation is held for this verse.
हेतुं प्राप्य नरो नित्यं कर्मबंधैस्तु बध्यते । यथा धेनुसहस्रेषु वत्सो विंदति मातरम्
hetuṃ prāpya naro nityaṃ karmabaṃdhaistu badhyate | yathā dhenusahasreṣu vatso viṃdati mātaram
Sanskrit only: no published translation is held for this verse.
तथा शुभाशुभं कर्म कर्तारमनुगच्छति । उपभोगादृते यस्य नाश एव न विद्यते
tathā śubhāśubhaṃ karma kartāramanugacchati | upabhogādṛte yasya nāśa eva na vidyate
Sanskrit only: no published translation is held for this verse.
प्राक्तनं बंधनं कर्म कोन्यथा कर्तुमर्हति । सुशीघ्रमपि धावंतं विधानमनुधावति
prāktanaṃ baṃdhanaṃ karma konyathā kartumarhati | suśīghramapi dhāvaṃtaṃ vidhānamanudhāvati
Sanskrit only: no published translation is held for this verse.
शेते सह शयानेन पुरा कर्म यथाकृतम् । उपतिष्ठति तिष्ठंतं गच्छंतमनुगच्छति
śete saha śayānena purā karma yathākṛtam | upatiṣṭhati tiṣṭhaṃtaṃ gacchaṃtamanugacchati
Sanskrit only: no published translation is held for this verse.
करोति कुर्वतः कर्मच्छायेवानु विधीयते । यथा छायातपौ नित्यं सुसंबद्धौ परस्परम्
karoti kurvataḥ karmacchāyevānu vidhīyate | yathā chāyātapau nityaṃ susaṃbaddhau parasparam
Sanskrit only: no published translation is held for this verse.
तद्वत्कर्म च कर्ता च सुसंबद्धौ परस्परम् । ग्रहा रोगा विषाः सर्पाः शाकिन्यो राक्षसास्तथा
tadvatkarma ca kartā ca susaṃbaddhau parasparam | grahā rogā viṣāḥ sarpāḥ śākinyo rākṣasāstathā
Sanskrit only: no published translation is held for this verse.
पीडयंति नरं पश्चात्पीडितं पूर्वकर्मणा । येन यत्रोपभोक्तव्यं सुखं वा दुःखमेव वा
pīḍayaṃti naraṃ paścātpīḍitaṃ pūrvakarmaṇā | yena yatropabhoktavyaṃ sukhaṃ vā duḥkhameva vā
Sanskrit only: no published translation is held for this verse.
स तत्र बद्ध्वा रज्ज्वा वै बलाद्दैवेन नीयते । दैवः प्रभुर्हि भूतानां सुखदुःखोपपादने
sa tatra baddhvā rajjvā vai balāddaivena nīyate | daivaḥ prabhurhi bhūtānāṃ sukhaduḥkhopapādane
Sanskrit only: no published translation is held for this verse.
अन्यथा चिंत्यते कर्म जाग्रता स्वपतापि वा । अन्यथा स तथा प्राज्ञ दैव एवं जिघांसति
anyathā ciṃtyate karma jāgratā svapatāpi vā | anyathā sa tathā prājña daiva evaṃ jighāṃsati
Sanskrit only: no published translation is held for this verse.
शस्त्राग्नि विष दुर्गेभ्यो रक्षितव्यं च रक्षति । अरक्षितं भवेत्सत्यं तदेवं दैवरक्षितम्
śastrāgni viṣa durgebhyo rakṣitavyaṃ ca rakṣati | arakṣitaṃ bhavetsatyaṃ tadevaṃ daivarakṣitam
Sanskrit only: no published translation is held for this verse.
दैवेन नाशितं यत्तु तस्य रक्षा न दृश्यते । यथा पृथिव्यां बीजानि उप्तानि च धनानि च
daivena nāśitaṃ yattu tasya rakṣā na dṛśyate | yathā pṛthivyāṃ bījāni uptāni ca dhanāni ca
Sanskrit only: no published translation is held for this verse.
तथैवात्मनि कर्माणि तिष्ठंति प्रभवंति च । तैलक्षयाद्यथा दीपो निर्वाणमधिगच्छति
tathaivātmani karmāṇi tiṣṭhaṃti prabhavaṃti ca | tailakṣayādyathā dīpo nirvāṇamadhigacchati
Sanskrit only: no published translation is held for this verse.
कर्मक्षयात्तथा जंतुः शरीरान्नाशमृच्छति । कर्मक्षयात्तथा मृत्युस्तत्त्वविद्भिरुदाहृतः
karmakṣayāttathā jaṃtuḥ śarīrānnāśamṛcchati | karmakṣayāttathā mṛtyustattvavidbhirudāhṛtaḥ
Sanskrit only: no published translation is held for this verse.
विविधाः प्राणिनस्तस्य मृत्यो रोगाश्च हेतवः । तथा मम विपाकोयं पूर्वं कृतस्य नान्यथा
vividhāḥ prāṇinastasya mṛtyo rogāśca hetavaḥ | tathā mama vipākoyaṃ pūrvaṃ kṛtasya nānyathā
Sanskrit only: no published translation is held for this verse.
संप्राप्तो नात्र संदेहः स्त्रीरूपोऽयं न संशयः । क्व मे गेहं समायाता नाटका नटनर्तकाः
saṃprāpto nātra saṃdehaḥ strīrūpo'yaṃ na saṃśayaḥ | kva me gehaṃ samāyātā nāṭakā naṭanartakāḥ
Sanskrit only: no published translation is held for this verse.
तेषां संगप्रसंगेन जरा देहं समाश्रिता । सर्वं कर्मकृतं मन्ये यन्मे संभावितं ध्रुवम्
teṣāṃ saṃgaprasaṃgena jarā dehaṃ samāśritā | sarvaṃ karmakṛtaṃ manye yanme saṃbhāvitaṃ dhruvam
Sanskrit only: no published translation is held for this verse.
तस्मात्कर्मप्रधानं च उपायाश्च निरर्थकाः । पुरा वै देवराजेन मदर्थे दूतसत्तमः
tasmātkarmapradhānaṃ ca upāyāśca nirarthakāḥ | purā vai devarājena madarthe dūtasattamaḥ
Sanskrit only: no published translation is held for this verse.
प्रेषितो मातलिर्नाम न कृतं तस्य तद्वचः । तस्य कर्मविपाकोऽयं दृश्यते सांप्रतं मम
preṣito mātalirnāma na kṛtaṃ tasya tadvacaḥ | tasya karmavipāko'yaṃ dṛśyate sāṃprataṃ mama
Sanskrit only: no published translation is held for this verse.
इति चिंतापरो भूत्वा दुःखेन महतान्वितः । यद्यस्याहि वचः प्रीत्या न करोमि हि सर्वथा
iti ciṃtāparo bhūtvā duḥkhena mahatānvitaḥ | yadyasyāhi vacaḥ prītyā na karomi hi sarvathā
Sanskrit only: no published translation is held for this verse.
सत्यधर्मावुभावेतौ यास्यतस्तौ न संशयः । सदृशं च समायातं यद्दृष्टं मम कर्मणा
satyadharmāvubhāvetau yāsyatastau na saṃśayaḥ | sadṛśaṃ ca samāyātaṃ yaddṛṣṭaṃ mama karmaṇā
Sanskrit only: no published translation is held for this verse.
भविष्यति न संदेहो दैवो हि दुरतिक्रमः । एवं चिंतापरो भूत्वा ययातिः पृथिवीपतिः
bhaviṣyati na saṃdeho daivo hi duratikramaḥ | evaṃ ciṃtāparo bhūtvā yayātiḥ pṛthivīpatiḥ
Sanskrit only: no published translation is held for this verse.
कृष्णं क्लेशापहं देवं जगाम शरणं हरिम् । ध्यात्वा नत्वा ततः स्तुत्वा मनसा मधुसूदनम्
kṛṣṇaṃ kleśāpahaṃ devaṃ jagāma śaraṇaṃ harim | dhyātvā natvā tataḥ stutvā manasā madhusūdanam
Sanskrit only: no published translation is held for this verse.
त्राहि मां शरणं प्राप्तस्त्वामहं कमलाप्रिय
trāhi māṃ śaraṇaṃ prāptastvāmahaṃ kamalāpriya
Sanskrit only: no published translation is held for this verse.