Library·Padma Purāṇa·2·2.83
सुकर्मोवाच- समाहूय प्रजाः सर्वा द्वीपानां वसुधाधिपः । हर्षेण महताविष्ट इदं वचनमब्रवीत्
sukarmovāca- samāhūya prajāḥ sarvā dvīpānāṃ vasudhādhipaḥ | harṣeṇa mahatāviṣṭa idaṃ vacanamabravīt
Sanskrit only: no published translation is held for this verse.
इंद्रलोकं ब्रह्मलोकं रुद्रलोकमतः परम् । वैष्णवं सर्वपापघ्नं प्राणिनां गतिदायकम्
iṃdralokaṃ brahmalokaṃ rudralokamataḥ param | vaiṣṇavaṃ sarvapāpaghnaṃ prāṇināṃ gatidāyakam
Sanskrit only: no published translation is held for this verse.
व्रजाम्यहं न संदेहो ह्यनया सह सत्तमाः । ब्राह्मणाः क्षत्रिया वैश्याः सशूद्रा श्च प्रजा मम
vrajāmyahaṃ na saṃdeho hyanayā saha sattamāḥ | brāhmaṇāḥ kṣatriyā vaiśyāḥ saśūdrā śca prajā mama
Sanskrit only: no published translation is held for this verse.
सुखेनापि सकुटुंबैः स्थातव्यं तु महीतले । पूरुरेष महाभागो भवतां पालकस्त्विह
sukhenāpi sakuṭuṃbaiḥ sthātavyaṃ tu mahītale | pūrureṣa mahābhāgo bhavatāṃ pālakastviha
Sanskrit only: no published translation is held for this verse.
स्थापितोस्ति मया लोका राजा धीरः सदंडकः । एवमुक्तास्तु ताः सर्वाः प्रजा राजानमब्रुवन्
sthāpitosti mayā lokā rājā dhīraḥ sadaṃḍakaḥ | evamuktāstu tāḥ sarvāḥ prajā rājānamabruvan
Sanskrit only: no published translation is held for this verse.
श्रूयते सर्ववेदेषु पुराणेषु नृपोत्तम । धर्म एवं यतो लोके न दृष्टः केन वै पुरा
śrūyate sarvavedeṣu purāṇeṣu nṛpottama | dharma evaṃ yato loke na dṛṣṭaḥ kena vai purā
Sanskrit only: no published translation is held for this verse.
दृष्टोस्माभिरसौ धर्मो दशांगः सत्यवल्लभः । सोमवंशसमुत्पन्नो नहुषस्य महागृहे
dṛṣṭosmābhirasau dharmo daśāṃgaḥ satyavallabhaḥ | somavaṃśasamutpanno nahuṣasya mahāgṛhe
Sanskrit only: no published translation is held for this verse.
हस्तपादमुखैर्युक्तः सर्वाचारप्रचारकः । ज्ञानविज्ञानसंपन्नः पुण्यानां च महानिधिः
hastapādamukhairyuktaḥ sarvācārapracārakaḥ | jñānavijñānasaṃpannaḥ puṇyānāṃ ca mahānidhiḥ
Sanskrit only: no published translation is held for this verse.
गुणानां हि महाराज आकरः सत्यपंडितः । कुर्वंति च महाधर्मं सत्यवंतो महौजसः
guṇānāṃ hi mahārāja ākaraḥ satyapaṃḍitaḥ | kurvaṃti ca mahādharmaṃ satyavaṃto mahaujasaḥ
Sanskrit only: no published translation is held for this verse.
तं धर्मं दृष्टवंतः स्म भवंतं कामरूपिणम् । भवंतं कामकर्तारमीदृशं सत्यवादिनम्
taṃ dharmaṃ dṛṣṭavaṃtaḥ sma bhavaṃtaṃ kāmarūpiṇam | bhavaṃtaṃ kāmakartāramīdṛśaṃ satyavādinam
Sanskrit only: no published translation is held for this verse.
कर्मणा त्रिविधेनापि वयं त्यक्तुं न शक्नुमः । यत्र त्वं तत्र गच्छामः सुसुखं पुण्यमेव च
karmaṇā trividhenāpi vayaṃ tyaktuṃ na śaknumaḥ | yatra tvaṃ tatra gacchāmaḥ susukhaṃ puṇyameva ca
Sanskrit only: no published translation is held for this verse.
नरकेपि भवान्यत्र वयं तत्र न संशयः । किं दारैर्धनभोगैश्च किं जीवैर्जीवितेन च
narakepi bhavānyatra vayaṃ tatra na saṃśayaḥ | kiṃ dārairdhanabhogaiśca kiṃ jīvairjīvitena ca
Sanskrit only: no published translation is held for this verse.
त्वां विनासुमहाराज तेन नास्त्यत्र कारणम् । त्वयैव सह राजेंद्र वयं यास्याम नान्यथा
tvāṃ vināsumahārāja tena nāstyatra kāraṇam | tvayaiva saha rājeṃdra vayaṃ yāsyāma nānyathā
Sanskrit only: no published translation is held for this verse.
एवं श्रुत्वा वचस्तासां प्रजानां पृथिवीपतिः । हर्षेण महताविष्टः प्रजावाक्यमुवाच ह
evaṃ śrutvā vacastāsāṃ prajānāṃ pṛthivīpatiḥ | harṣeṇa mahatāviṣṭaḥ prajāvākyamuvāca ha
Sanskrit only: no published translation is held for this verse.
आगच्छंतु मया सार्द्धं सर्वे लोकाः सुपुण्यकाः । नृपो रथं समारुह्य तया वै कामकन्यया
āgacchaṃtu mayā sārddhaṃ sarve lokāḥ supuṇyakāḥ | nṛpo rathaṃ samāruhya tayā vai kāmakanyayā
Sanskrit only: no published translation is held for this verse.
रथेन हंसवर्णेन चंद्रबिंबानुकारिणा । चामरैर्व्यजनैश्चापि वीज्यमानो गतव्यथः
rathena haṃsavarṇena caṃdrabiṃbānukāriṇā | cāmarairvyajanaiścāpi vījyamāno gatavyathaḥ
Sanskrit only: no published translation is held for this verse.
केतुना तेन पुण्येन शुभ्रेणापि महीयसा । शोभमानो यथा देवो देवराजः पुरंदरः
ketunā tena puṇyena śubhreṇāpi mahīyasā | śobhamāno yathā devo devarājaḥ puraṃdaraḥ
Sanskrit only: no published translation is held for this verse.
ऋषिभिः स्तूयमानस्तु बंदिभिश्चारणैस्तथा । प्रजाभिः स्तूयमानश्च ययातिर्नहुषात्मजः
ṛṣibhiḥ stūyamānastu baṃdibhiścāraṇaistathā | prajābhiḥ stūyamānaśca yayātirnahuṣātmajaḥ
Sanskrit only: no published translation is held for this verse.
प्रजाः सर्वास्ततो यानैः समायाता नरेश्वरम् । गजैरश्वै रथैश्चान्यैः प्रस्थिताश्च दिवं प्रति
prajāḥ sarvāstato yānaiḥ samāyātā nareśvaram | gajairaśvai rathaiścānyaiḥ prasthitāśca divaṃ prati
Sanskrit only: no published translation is held for this verse.
ब्राह्मणाः क्षत्रिया वैश्याः शूद्राश्चान्ये पृथग्जनाः । सर्वे च वैष्णवा लोका विष्णुध्यानपरायणाः
brāhmaṇāḥ kṣatriyā vaiśyāḥ śūdrāścānye pṛthagjanāḥ | sarve ca vaiṣṇavā lokā viṣṇudhyānaparāyaṇāḥ
Sanskrit only: no published translation is held for this verse.
तेषां तु केतवः शुक्ला हेमदंडैरलंकृताः । शंखचक्रांकिताः सर्वे सदंडाः सपताकिनः
teṣāṃ tu ketavaḥ śuklā hemadaṃḍairalaṃkṛtāḥ | śaṃkhacakrāṃkitāḥ sarve sadaṃḍāḥ sapatākinaḥ
Sanskrit only: no published translation is held for this verse.
प्रजावृंदेषु भासंते पताका मारुतेरिताः । दिव्यमालाधरास्सर्वे शोभितास्तुलसीदलैः
prajāvṛṃdeṣu bhāsaṃte patākā māruteritāḥ | divyamālādharāssarve śobhitāstulasīdalaiḥ
Sanskrit only: no published translation is held for this verse.
दिव्यचंदनदिग्धांगा दिव्यगंधानुलेपनाः । दिव्यवस्त्रकृता शोभा दिव्याभरणभूषिताः
divyacaṃdanadigdhāṃgā divyagaṃdhānulepanāḥ | divyavastrakṛtā śobhā divyābharaṇabhūṣitāḥ
Sanskrit only: no published translation is held for this verse.
सर्वे लोकाः सुरूपास्ते राजानमुपजग्मिरे । प्रजाशतसहस्राणि लक्षकोटिशतानि च
sarve lokāḥ surūpāste rājānamupajagmire | prajāśatasahasrāṇi lakṣakoṭiśatāni ca
Sanskrit only: no published translation is held for this verse.
अर्वखर्वसहस्राणि ते जनाः प्रतिजग्मिरे । ते तु राज्ञा समं सर्वे वैष्णवाः पुण्यकारिणः
arvakharvasahasrāṇi te janāḥ pratijagmire | te tu rājñā samaṃ sarve vaiṣṇavāḥ puṇyakāriṇaḥ
Sanskrit only: no published translation is held for this verse.
विष्णुध्यानपराः सर्वे जपदानपरायणाः । सुकर्मोवाच- एवं ते प्रस्थिताः सर्वे हर्षेण महतान्विताः
viṣṇudhyānaparāḥ sarve japadānaparāyaṇāḥ | sukarmovāca- evaṃ te prasthitāḥ sarve harṣeṇa mahatānvitāḥ
Sanskrit only: no published translation is held for this verse.
पूरुं पुत्रं महाराज स्वराज्ये परिषिच्य तम् । ऐंद्रं लोकं जगामाथ ययातिः पृथिवीपतिः
pūruṃ putraṃ mahārāja svarājye pariṣicya tam | aiṃdraṃ lokaṃ jagāmātha yayātiḥ pṛthivīpatiḥ
Sanskrit only: no published translation is held for this verse.
तेजसा तस्य पुण्येन धर्मेण तपसा तदा । ते जनाः प्रस्थिताः सर्वे वैष्णवं लोकमुत्तमम्
tejasā tasya puṇyena dharmeṇa tapasā tadā | te janāḥ prasthitāḥ sarve vaiṣṇavaṃ lokamuttamam
Sanskrit only: no published translation is held for this verse.
ततो देवाः सगंधर्वाः किन्नराश्चारणास्तथा । सहिता देवराजेन आगताः संमुखं तदा
tato devāḥ sagaṃdharvāḥ kinnarāścāraṇāstathā | sahitā devarājena āgatāḥ saṃmukhaṃ tadā
Sanskrit only: no published translation is held for this verse.
तस्यैवापि नृपेंद्रस्य पूजयंतो नृपोत्तम । इंद्र उवाच- स्वागतं ते महाराज मम गेहं समाविश
tasyaivāpi nṛpeṃdrasya pūjayaṃto nṛpottama | iṃdra uvāca- svāgataṃ te mahārāja mama gehaṃ samāviśa
Sanskrit only: no published translation is held for this verse.
अत्र भोगान्प्रभुंक्ष्व त्वं दिव्यान्कामान्मनोऽनुगान् । राजोवाच- सहस्राक्ष महाप्राज्ञ तव पादांबुजद्वयम्
atra bhogānprabhuṃkṣva tvaṃ divyānkāmānmano'nugān | rājovāca- sahasrākṣa mahāprājña tava pādāṃbujadvayam
Sanskrit only: no published translation is held for this verse.
नमस्करोम्यहं देव ब्रह्मलोकं व्रजाम्यहम् । देवैः संस्तूयमानश्च ब्रह्मलोकं जगाम ह
namaskaromyahaṃ deva brahmalokaṃ vrajāmyaham | devaiḥ saṃstūyamānaśca brahmalokaṃ jagāma ha
Sanskrit only: no published translation is held for this verse.
पद्मयोनिर्महातेजाः सार्धं मुनिवरैस्तदा । आतिथ्यं च चकारास्य पाद्यार्घादि सुविष्टरैः
padmayonirmahātejāḥ sārdhaṃ munivaraistadā | ātithyaṃ ca cakārāsya pādyārghādi suviṣṭaraiḥ
Sanskrit only: no published translation is held for this verse.
उवाच विष्णुलोकं हि प्रयाहि त्वं स्वकर्मणा । एवमाभाषिते धात्रा जगाम शिवमंदिरम्
uvāca viṣṇulokaṃ hi prayāhi tvaṃ svakarmaṇā | evamābhāṣite dhātrā jagāma śivamaṃdiram
Sanskrit only: no published translation is held for this verse.
चक्रे आतिथ्यपूजां च उमया सह शंकरः । तस्यै वापि नृपेंद्रस्य राजानमिदमब्रवीत्
cakre ātithyapūjāṃ ca umayā saha śaṃkaraḥ | tasyai vāpi nṛpeṃdrasya rājānamidamabravīt
Sanskrit only: no published translation is held for this verse.
कृष्णभक्तोसि राजेंद्र ममापि सुप्रियो भवान् । ततो ययाते राजेंद्र वस त्वं मम मंदिरम्
kṛṣṇabhaktosi rājeṃdra mamāpi supriyo bhavān | tato yayāte rājeṃdra vasa tvaṃ mama maṃdiram
Sanskrit only: no published translation is held for this verse.
सर्वान्भोगान्प्रभुंक्ष्व त्वं दुःखप्राप्यान्हि मानुषैः । अंतरं नास्ति राजेंद्र मम विष्णोर्न संशयः
sarvānbhogānprabhuṃkṣva tvaṃ duḥkhaprāpyānhi mānuṣaiḥ | aṃtaraṃ nāsti rājeṃdra mama viṣṇorna saṃśayaḥ
Sanskrit only: no published translation is held for this verse.
योसौ विष्णुस्वरूपेण स वै रुद्रो न संशयः । यो रुद्रो विद्यते राजन्स च विष्णुः सनातनः
yosau viṣṇusvarūpeṇa sa vai rudro na saṃśayaḥ | yo rudro vidyate rājansa ca viṣṇuḥ sanātanaḥ
Sanskrit only: no published translation is held for this verse.
उभयोरंतरं नास्ति तस्माच्चैव वदाम्यहम् । विष्णुभक्तस्यपुण्यस्यस्थानमेवददाम्यहम्
ubhayoraṃtaraṃ nāsti tasmāccaiva vadāmyaham | viṣṇubhaktasyapuṇyasyasthānamevadadāmyaham
Sanskrit only: no published translation is held for this verse.
तस्मादत्र महाराज स्थातव्यं हि त्वयानघ । एवमुक्तः शिवेनापि ययातिर्हरिवल्लभः
tasmādatra mahārāja sthātavyaṃ hi tvayānagha | evamuktaḥ śivenāpi yayātirharivallabhaḥ
Sanskrit only: no published translation is held for this verse.
भक्त्या प्रणम्य देवेशं शंकरं नतकंधरः । एतत्सर्वं महादेव त्वयोक्तमिह सांप्रतम्
bhaktyā praṇamya deveśaṃ śaṃkaraṃ natakaṃdharaḥ | etatsarvaṃ mahādeva tvayoktamiha sāṃpratam
Sanskrit only: no published translation is held for this verse.
युवयोरंतरं नास्ति एका मूर्तिर्द्विधाभवत् । वैष्णवं गंतुमिच्छामि पादौ तव नमाम्यहम्
yuvayoraṃtaraṃ nāsti ekā mūrtirdvidhābhavat | vaiṣṇavaṃ gaṃtumicchāmi pādau tava namāmyaham
Sanskrit only: no published translation is held for this verse.
एवमस्तु महाराज गच्छ लोकं तु वैष्णवम् । समादिष्टः शिवेनापि प्रतस्थे वसुधाधिपः
evamastu mahārāja gaccha lokaṃ tu vaiṣṇavam | samādiṣṭaḥ śivenāpi pratasthe vasudhādhipaḥ
Sanskrit only: no published translation is held for this verse.
पृथ्वीशस्तैर्महापुण्यैर्वैष्णवैर्विष्णुवल्लभैः । नृत्यमानैस्ततस्तैस्तु पुरतस्तस्य भूपतेः
pṛthvīśastairmahāpuṇyairvaiṣṇavairviṣṇuvallabhaiḥ | nṛtyamānaistatastaistu puratastasya bhūpateḥ
Sanskrit only: no published translation is held for this verse.
शंखशब्दैः सुपापघ्नैः सिंहनादैः सुपुष्कलैः । जगाम निःस्वनै राजा पूज्यमानः सुचारणैः
śaṃkhaśabdaiḥ supāpaghnaiḥ siṃhanādaiḥ supuṣkalaiḥ | jagāma niḥsvanai rājā pūjyamānaḥ sucāraṇaiḥ
Sanskrit only: no published translation is held for this verse.
सुस्वरैर्गीयमानस्तु पाठकैः शास्त्रकोविदैः । गायंति पुरतस्तस्य गंधर्वा गीततत्पराः
susvarairgīyamānastu pāṭhakaiḥ śāstrakovidaiḥ | gāyaṃti puratastasya gaṃdharvā gītatatparāḥ
Sanskrit only: no published translation is held for this verse.
ऋषिभिः स्तूयमानश्च देववृंदैः समन्वितैः । अप्सरोभिः सुरूपाभिः सेव्यमानः स नाहुषिः
ṛṣibhiḥ stūyamānaśca devavṛṃdaiḥ samanvitaiḥ | apsarobhiḥ surūpābhiḥ sevyamānaḥ sa nāhuṣiḥ
Sanskrit only: no published translation is held for this verse.
गंधर्वैः किन्नरैः सिद्धैश्चारणैः पुण्यमंगलैः । साध्यैर्विद्याधरै राजा मरुद्भिर्वसुभिस्तथा
gaṃdharvaiḥ kinnaraiḥ siddhaiścāraṇaiḥ puṇyamaṃgalaiḥ | sādhyairvidyādharai rājā marudbhirvasubhistathā
Sanskrit only: no published translation is held for this verse.
रुद्रैश्चादित्यवर्गैश्च लोकपालैर्दिगीश्वरैः । स्तूयमानो महाराजस्त्रैलोक्येन समंततः
rudraiścādityavargaiśca lokapālairdigīśvaraiḥ | stūyamāno mahārājastrailokyena samaṃtataḥ
Sanskrit only: no published translation is held for this verse.
ददृशे वैष्णवं लोकमनौपम्यमनामयम् । विमानैः कांचनै राजन्सर्वशोभासमाविलैः
dadṛśe vaiṣṇavaṃ lokamanaupamyamanāmayam | vimānaiḥ kāṃcanai rājansarvaśobhāsamāvilaiḥ
Sanskrit only: no published translation is held for this verse.
हंसकुंदेंदुधवलैर्विमानैरुपशोभितैः । प्रासादैः शतभौमैश्च मेरुमंदरसंनिभैः
haṃsakuṃdeṃdudhavalairvimānairupaśobhitaiḥ | prāsādaiḥ śatabhaumaiśca merumaṃdarasaṃnibhaiḥ
Sanskrit only: no published translation is held for this verse.
शिखरैरुल्लिखद्भिश्च स्वर्व्योमहाटकान्वितैः । जाज्वल्यमानैः कलशैः शोभते सुपुरोत्तमम्
śikharairullikhadbhiśca svarvyomahāṭakānvitaiḥ | jājvalyamānaiḥ kalaśaiḥ śobhate supurottamam
Sanskrit only: no published translation is held for this verse.
तारागणैर्यथाकाशं तेजः श्रिया प्रकाशते । प्रज्वलत्तेजोज्वालाभिर्लोचनैरिव लोकते
tārāgaṇairyathākāśaṃ tejaḥ śriyā prakāśate | prajvalattejojvālābhirlocanairiva lokate
Sanskrit only: no published translation is held for this verse.
नानारत्नैर्हरेर्लोकः प्रहसद्दशनैरिव । समाह्वयति तान्पुण्यान्वैष्णवान्विष्णुवल्लभान्
nānāratnairharerlokaḥ prahasaddaśanairiva | samāhvayati tānpuṇyānvaiṣṇavānviṣṇuvallabhān
Sanskrit only: no published translation is held for this verse.
ध्वज व्याजेन राजेंद्र चलिताग्रैः सुपल्लवैः । श्वसनांदोलितैस्तैश्च ध्वजाग्रैश्च मनोहरैः
dhvaja vyājena rājeṃdra calitāgraiḥ supallavaiḥ | śvasanāṃdolitaistaiśca dhvajāgraiśca manoharaiḥ
Sanskrit only: no published translation is held for this verse.
हेमदंडैश्च घंटाभिः सर्वत्रसमलंकृतम् । सूर्यतेजः प्रकाशैश्च गोपुराट्टालकैस्ततः
hemadaṃḍaiśca ghaṃṭābhiḥ sarvatrasamalaṃkṛtam | sūryatejaḥ prakāśaiśca gopurāṭṭālakaistataḥ
Sanskrit only: no published translation is held for this verse.
गवाक्षैर्जालमालैश्च वातायनमनोहरैः । प्रतोलीनां प्रकाशैश्च प्राकारैर्हेमरूपकैः
gavākṣairjālamālaiśca vātāyanamanoharaiḥ | pratolīnāṃ prakāśaiśca prākārairhemarūpakaiḥ
Sanskrit only: no published translation is held for this verse.
तोरणैः सुपताकाभिर्नानाशब्दैः सुमंगलैः । कलशाग्रैश्चक्रबिंबै रविबिंबसमप्रभैः
toraṇaiḥ supatākābhirnānāśabdaiḥ sumaṃgalaiḥ | kalaśāgraiścakrabiṃbai ravibiṃbasamaprabhaiḥ
Sanskrit only: no published translation is held for this verse.
सुभोगैः शतकक्षैश्च निर्जलांबुदसन्निभैः । दंडच्छत्रसमाकीर्णैः कलशैरुपशोभितैः
subhogaiḥ śatakakṣaiśca nirjalāṃbudasannibhaiḥ | daṃḍacchatrasamākīrṇaiḥ kalaśairupaśobhitaiḥ
Sanskrit only: no published translation is held for this verse.
प्रावृट्कालांबुदाकारैर्मदिरैरुपशोभितैः । कलशैः शोभमानैस्तैर्ऋक्षैर्द्यौरिव भूतलम्
prāvṛṭkālāṃbudākārairmadirairupaśobhitaiḥ | kalaśaiḥ śobhamānaistairṛkṣairdyauriva bhūtalam
Sanskrit only: no published translation is held for this verse.
दंडजालपताकाभिर्ऋक्षजालसमप्रभैः । तादृशैः स्फाटिकाकारैः कांतिशंखेंदुसन्निभैः
daṃḍajālapatākābhirṛkṣajālasamaprabhaiḥ | tādṛśaiḥ sphāṭikākāraiḥ kāṃtiśaṃkheṃdusannibhaiḥ
Sanskrit only: no published translation is held for this verse.
हेमप्रासादसंबाधैर्नानाधातुमयैस्ततः । विमानैरर्बुदसंख्यैः शतकोटिसहस्रकैः
hemaprāsādasaṃbādhairnānādhātumayaistataḥ | vimānairarbudasaṃkhyaiḥ śatakoṭisahasrakaiḥ
Sanskrit only: no published translation is held for this verse.
सर्वभोगयुतैश्चैव शोभते हरिपत्तनम् । यैः समाराधितो देवः शंखचक्रगदाधरः
sarvabhogayutaiścaiva śobhate haripattanam | yaiḥ samārādhito devaḥ śaṃkhacakragadādharaḥ
Sanskrit only: no published translation is held for this verse.
ते प्रसादात्तस्य तेषु निवसंति गृहेषु च । सर्वपुण्येषु दिव्येषु भोगाढ्येषु च मानवाः
te prasādāttasya teṣu nivasaṃti gṛheṣu ca | sarvapuṇyeṣu divyeṣu bhogāḍhyeṣu ca mānavāḥ
Sanskrit only: no published translation is held for this verse.
वैष्णवाः पुण्यकर्माणो निर्धूताशेषकल्मषाः । एवंविधैर्गृहैः पुण्यैः शोभितं विष्णुमंदिरम्
vaiṣṇavāḥ puṇyakarmāṇo nirdhūtāśeṣakalmaṣāḥ | evaṃvidhairgṛhaiḥ puṇyaiḥ śobhitaṃ viṣṇumaṃdiram
Sanskrit only: no published translation is held for this verse.
नानावृक्षैः समाकीर्णं वनैश्चंदनशोभितैः । सर्वकामफलै राजन्सर्वत्र समलंकृतम्
nānāvṛkṣaiḥ samākīrṇaṃ vanaiścaṃdanaśobhitaiḥ | sarvakāmaphalai rājansarvatra samalaṃkṛtam
Sanskrit only: no published translation is held for this verse.
वापीकुंडतडागैश्च सारसैरुपशोभितैः । हंसकारंडवाकीर्णैः कल्हारैरुपशोभितैः
vāpīkuṃḍataḍāgaiśca sārasairupaśobhitaiḥ | haṃsakāraṃḍavākīrṇaiḥ kalhārairupaśobhitaiḥ
Sanskrit only: no published translation is held for this verse.
शतपत्रैर्महापद्मैः पद्मोत्पलविराजितैः । कनकोत्पलवर्णैश्च सरोभिश्च विराजते
śatapatrairmahāpadmaiḥ padmotpalavirājitaiḥ | kanakotpalavarṇaiśca sarobhiśca virājate
Sanskrit only: no published translation is held for this verse.
वैकुंठं सर्वशोभाढ्यं देवोद्यानैरलंकृतम् । दिव्यशोभासमाकीर्णं वैष्णवैरुपशोभितम्
vaikuṃṭhaṃ sarvaśobhāḍhyaṃ devodyānairalaṃkṛtam | divyaśobhāsamākīrṇaṃ vaiṣṇavairupaśobhitam
Sanskrit only: no published translation is held for this verse.
वैकुंठं ददृशे राजा मोक्षस्थानमनुत्तमम् । देववृंदैः समाकीर्णं ययातिर्नहुषात्मजः
vaikuṃṭhaṃ dadṛśe rājā mokṣasthānamanuttamam | devavṛṃdaiḥ samākīrṇaṃ yayātirnahuṣātmajaḥ
Sanskrit only: no published translation is held for this verse.
प्रविवेश पुरं रम्यं सर्वदाहविवर्जितम् । ददृशे सर्वक्लेशघ्नं नारायणमनामयम्
praviveśa puraṃ ramyaṃ sarvadāhavivarjitam | dadṛśe sarvakleśaghnaṃ nārāyaṇamanāmayam
Sanskrit only: no published translation is held for this verse.
विमानैरुपशोभंतं सर्वाभरणशालिनम् । पीतवासं जगन्नाथं श्रीवत्सांकं महाद्युतिम्
vimānairupaśobhaṃtaṃ sarvābharaṇaśālinam | pītavāsaṃ jagannāthaṃ śrīvatsāṃkaṃ mahādyutim
Sanskrit only: no published translation is held for this verse.
वैनतेयसमारूढं श्रियायुक्तं परात्परम् । सर्वेषां देवलोकानां यो गतिः परमेश्वरः
vainateyasamārūḍhaṃ śriyāyuktaṃ parātparam | sarveṣāṃ devalokānāṃ yo gatiḥ parameśvaraḥ
Sanskrit only: no published translation is held for this verse.
परमानंदरूपेण कैवल्येन विराजते । सेव्यमानं महालोकैःसुपुण्यैर्वैष्णवैर्हरिम्
paramānaṃdarūpeṇa kaivalyena virājate | sevyamānaṃ mahālokaiḥsupuṇyairvaiṣṇavairharim
Sanskrit only: no published translation is held for this verse.
देववृंदैः समाकीर्णं गंधर्वगणसेवितम् । अप्सरोभिर्महात्मानं दुःखक्लेशापहं हरिम्
devavṛṃdaiḥ samākīrṇaṃ gaṃdharvagaṇasevitam | apsarobhirmahātmānaṃ duḥkhakleśāpahaṃ harim
Sanskrit only: no published translation is held for this verse.
नारायणं ननामाथ स्वपत्न्या सह भूपतिः । प्रणेमुर्मानवाः सर्वे वैष्णवा मधुसूदनम्
nārāyaṇaṃ nanāmātha svapatnyā saha bhūpatiḥ | praṇemurmānavāḥ sarve vaiṣṇavā madhusūdanam
Sanskrit only: no published translation is held for this verse.
गता ये वैष्णवाः सर्वे सह राज्ञा महामते । पादांबुजद्वयं तस्य नेमुर्भक्त्या महामते
gatā ye vaiṣṇavāḥ sarve saha rājñā mahāmate | pādāṃbujadvayaṃ tasya nemurbhaktyā mahāmate
Sanskrit only: no published translation is held for this verse.
प्रणमंतं महात्मानं राजानं दीप्ततेजसम् । तमुवाच हृषीकेशस्तुष्टोऽहं तव सुव्रत
praṇamaṃtaṃ mahātmānaṃ rājānaṃ dīptatejasam | tamuvāca hṛṣīkeśastuṣṭo'haṃ tava suvrata
Sanskrit only: no published translation is held for this verse.
वरं वरय राजेंद्र यत्ते मनसि वर्तते । तत्ते ददाम्यसंदेहं मद्भक्तोसि महामते
varaṃ varaya rājeṃdra yatte manasi vartate | tatte dadāmyasaṃdehaṃ madbhaktosi mahāmate
Sanskrit only: no published translation is held for this verse.
राजोवाच यदि त्वं देवदेवेश तुष्टोसि मधुसूदन । दासत्वं देहि सततमात्मनश्च जगत्पते
rājovāca yadi tvaṃ devadeveśa tuṣṭosi madhusūdana | dāsatvaṃ dehi satatamātmanaśca jagatpate
Sanskrit only: no published translation is held for this verse.
विष्णुरुवाच- एवमस्तु महाभाग मम भक्तो न संशयः । लोके मम महाराज स्थातव्यमनया सह
viṣṇuruvāca- evamastu mahābhāga mama bhakto na saṃśayaḥ | loke mama mahārāja sthātavyamanayā saha
Sanskrit only: no published translation is held for this verse.
एवमुक्तो महाराजो ययातिः पृथिवीपतिः । प्रसादात्तस्य देवस्य विष्णुलोकं प्रसाधितम्
evamukto mahārājo yayātiḥ pṛthivīpatiḥ | prasādāttasya devasya viṣṇulokaṃ prasādhitam
Sanskrit only: no published translation is held for this verse.
निवसत्येष भूपालो वैष्णवं लोकमुत्तमम्
nivasatyeṣa bhūpālo vaiṣṇavaṃ lokamuttamam
Sanskrit only: no published translation is held for this verse.