Padma Purāṇa 2.84

सुकर्मोवाच- एतत्ते सर्वमाख्यातं चरित्रं पापनाशनम् । पुत्राणां तारकं दिव्यं बहुपुण्यप्रदायकम्

sukarmovāca- etatte sarvamākhyātaṃ caritraṃ pāpanāśanam | putrāṇāṃ tārakaṃ divyaṃ bahupuṇyapradāyakam

Sanskrit only: no published translation is held for this verse.

प्रत्यक्षं दृश्यते लोके ययातिचरितं श्रुतम् । पूरुणाप्तं महद्राज्यं दुर्गतिं गतवांस्तुरुः

pratyakṣaṃ dṛśyate loke yayāticaritaṃ śrutam | pūruṇāptaṃ mahadrājyaṃ durgatiṃ gatavāṃsturuḥ

Sanskrit only: no published translation is held for this verse.

पितृप्रसादात्कोपाच्च यथा जातं तथा पुनः । पुत्राणां तारकं पुण्यं यशस्यं धनधान्यदम्

pitṛprasādātkopācca yathā jātaṃ tathā punaḥ | putrāṇāṃ tārakaṃ puṇyaṃ yaśasyaṃ dhanadhānyadam

Sanskrit only: no published translation is held for this verse.

शापयुक्ताविमौ चोभौ तुरुश्च यदुरेव च । पितृमातृसमं नास्ति अभीष्टफलदायकम्

śāpayuktāvimau cobhau turuśca yadureva ca | pitṛmātṛsamaṃ nāsti abhīṣṭaphaladāyakam

Sanskrit only: no published translation is held for this verse.

साभिलाषेण भावेन पिता पुत्रं समाह्वयेत् । माता च पुत्रपुत्रेति तस्य पुण्यफलं शृणु

sābhilāṣeṇa bhāvena pitā putraṃ samāhvayet | mātā ca putraputreti tasya puṇyaphalaṃ śṛṇu

Sanskrit only: no published translation is held for this verse.

समाहूतो यथा पुत्रः प्रयाति मातरं प्रति । यो याति हर्षसंयुक्तो गंगास्नानफलं लभेत्

samāhūto yathā putraḥ prayāti mātaraṃ prati | yo yāti harṣasaṃyukto gaṃgāsnānaphalaṃ labhet

Sanskrit only: no published translation is held for this verse.

पादप्रक्षालनं यस्तु कुरुते च महायशाः । सर्वतीर्थफलं भुंक्ते प्रसादात्तु तयोः सुतः

pādaprakṣālanaṃ yastu kurute ca mahāyaśāḥ | sarvatīrthaphalaṃ bhuṃkte prasādāttu tayoḥ sutaḥ

Sanskrit only: no published translation is held for this verse.

अंगसंवाहनाच्चान्यदश्वमेधफलं लभेत् । भोजनाच्छादनस्नानैर्गुरुं यः पोषयेत्सुतः

aṃgasaṃvāhanāccānyadaśvamedhaphalaṃ labhet | bhojanācchādanasnānairguruṃ yaḥ poṣayetsutaḥ

Sanskrit only: no published translation is held for this verse.

पृथ्वीदानसमं पुण्यं तत्पुत्रे हि प्रजायते । सर्वतीर्थमयी गंगा तथा माता न संशयः

pṛthvīdānasamaṃ puṇyaṃ tatputre hi prajāyate | sarvatīrthamayī gaṃgā tathā mātā na saṃśayaḥ

Sanskrit only: no published translation is held for this verse.

बहुपुण्यमयः सिंधुर्यथा लोके प्रतिष्ठितः । अस्मिल्लोँके पिता तद्वत्पुराणकवयो विदुः

bahupuṇyamayaḥ siṃdhuryathā loke pratiṣṭhitaḥ | asmillo~ke pitā tadvatpurāṇakavayo viduḥ

Sanskrit only: no published translation is held for this verse.

सुकर्मोवाच- भ्रंशते क्रोशते यस्तु पितरं मातरं पुनः । स पुत्रो नरकं याति रौरवाख्यं न संशयः

sukarmovāca- bhraṃśate krośate yastu pitaraṃ mātaraṃ punaḥ | sa putro narakaṃ yāti rauravākhyaṃ na saṃśayaḥ

Sanskrit only: no published translation is held for this verse.

मातरं पितरं वृद्धौ गृहस्थो यो न पोषयेत् । स पुत्रो नरकं याति वेदनां प्राप्नुयाद्ध्रुवम्

mātaraṃ pitaraṃ vṛddhau gṛhastho yo na poṣayet | sa putro narakaṃ yāti vedanāṃ prāpnuyāddhruvam

Sanskrit only: no published translation is held for this verse.

कुत्सते पापकर्ता यो गुरुं पुत्रः सुदुर्मतिः । निष्कृतिर्नैव दृष्टा वै पुराणैः कविभिः कदा

kutsate pāpakartā yo guruṃ putraḥ sudurmatiḥ | niṣkṛtirnaiva dṛṣṭā vai purāṇaiḥ kavibhiḥ kadā

Sanskrit only: no published translation is held for this verse.

एवंज्ञात्वाह्यहंविप्रपूजयामिदिनेदिने । मातरं पितरं नित्यं भक्त्या नमितकंधरः

evaṃjñātvāhyahaṃviprapūjayāmidinedine | mātaraṃ pitaraṃ nityaṃ bhaktyā namitakaṃdharaḥ

Sanskrit only: no published translation is held for this verse.

कृत्याकृत्यं वदेच्चैव समाहूय गुरुर्मम । तत्करोम्यविचारेण शक्त्या स्वस्य च पिप्पल

kṛtyākṛtyaṃ vadeccaiva samāhūya gururmama | tatkaromyavicāreṇa śaktyā svasya ca pippala

Sanskrit only: no published translation is held for this verse.

तेन मे परमं ज्ञानं संजातं गतिदायकम् । एतयोश्च प्रसादेन संसारे परिवर्तते

tena me paramaṃ jñānaṃ saṃjātaṃ gatidāyakam | etayośca prasādena saṃsāre parivartate

Sanskrit only: no published translation is held for this verse.

यच्चकिंचित्प्रकुर्वंति मानवा भुवि संस्थिताः । गृहस्थस्तदहं जाने यच्च स्वर्गे प्रवर्तते

yaccakiṃcitprakurvaṃti mānavā bhuvi saṃsthitāḥ | gṛhasthastadahaṃ jāne yacca svarge pravartate

Sanskrit only: no published translation is held for this verse.

नागानां च इहस्थोपि चारं जानामि पिप्पल । एतयोश्च प्रसादाच्च त्रैलोक्यं मम वश्यताम्

nāgānāṃ ca ihasthopi cāraṃ jānāmi pippala | etayośca prasādācca trailokyaṃ mama vaśyatām

Sanskrit only: no published translation is held for this verse.

गतं विद्याधरश्रेष्ठ भवानर्चतु माधवम् । विष्णुरुवाच- एवं संचोदितस्तेन पिप्पलो हि स्वकर्मणा

gataṃ vidyādharaśreṣṭha bhavānarcatu mādhavam | viṣṇuruvāca- evaṃ saṃcoditastena pippalo hi svakarmaṇā

Sanskrit only: no published translation is held for this verse.

आनम्य तं द्विजश्रेष्ठं लज्जितोऽपि दिवं ययौ । सुकर्मासोऽपि धर्मात्मा गुरुं शुश्रूषते नृप

ānamya taṃ dvijaśreṣṭhaṃ lajjito'pi divaṃ yayau | sukarmāso'pi dharmātmā guruṃ śuśrūṣate nṛpa

Sanskrit only: no published translation is held for this verse.

एतत्ते सर्वमाख्यातं पितृतीर्थानुगं मया । अन्यत्किं ते प्रवक्ष्यामि वद वेन महामते

etatte sarvamākhyātaṃ pitṛtīrthānugaṃ mayā | anyatkiṃ te pravakṣyāmi vada vena mahāmate

Sanskrit only: no published translation is held for this verse.

इति श्रीपद्मपुराणे भूमिखंडेवेनोपाख्याने मातापितृतीर्थमाहात्म्यवर्णनंनाम चतुरशीतितमोऽध्यायः

iti śrīpadmapurāṇe bhūmikhaṃḍevenopākhyāne mātāpitṛtīrthamāhātmyavarṇanaṃnāma caturaśītitamo'dhyāyaḥ

Sanskrit only: no published translation is held for this verse.