Library·Padma Purāṇa·2·2.85
वेन उवाच- भगवन्देवदेवेश प्रसादाच्च मम त्वया । भार्यातीर्थं समाख्यातं पितृतीर्थमनुत्तमम्
vena uvāca- bhagavandevadeveśa prasādācca mama tvayā | bhāryātīrthaṃ samākhyātaṃ pitṛtīrthamanuttamam
Sanskrit only: no published translation is held for this verse.
मातृतीर्थं हृषीकेश बहुपुण्यप्रदायकम् । प्रसादसुमुखो भूत्वा गुरुतीर्थं वदस्व मे
mātṛtīrthaṃ hṛṣīkeśa bahupuṇyapradāyakam | prasādasumukho bhūtvā gurutīrthaṃ vadasva me
Sanskrit only: no published translation is held for this verse.
श्रीभगवानुवाच- कथयिष्याम्यहं राजन्गुरुतीर्थमनुत्तमम् । सर्वपापहरं प्रोक्तं शिष्याणां गतिदायकम्
śrībhagavānuvāca- kathayiṣyāmyahaṃ rājangurutīrthamanuttamam | sarvapāpaharaṃ proktaṃ śiṣyāṇāṃ gatidāyakam
Sanskrit only: no published translation is held for this verse.
शिष्याणां परमं पुण्यं धर्मरूपं सनातनम् । परं तीर्थं परं ज्ञानं प्रत्यक्षफलदायकम्
śiṣyāṇāṃ paramaṃ puṇyaṃ dharmarūpaṃ sanātanam | paraṃ tīrthaṃ paraṃ jñānaṃ pratyakṣaphaladāyakam
Sanskrit only: no published translation is held for this verse.
यस्यप्रसादाद्राजेंद्र इहैव फलमश्नुते । परलोके सुखं भुंक्ते यशः कीर्तिमवाप्नुयात्
yasyaprasādādrājeṃdra ihaiva phalamaśnute | paraloke sukhaṃ bhuṃkte yaśaḥ kīrtimavāpnuyāt
Sanskrit only: no published translation is held for this verse.
प्रसादाद्यस्य राजेंद्र गुरोश्चैव महात्मनः । प्रत्यक्षं दृश्यते शिष्यैस्त्रैलोक्यं सचराचरम्
prasādādyasya rājeṃdra guroścaiva mahātmanaḥ | pratyakṣaṃ dṛśyate śiṣyaistrailokyaṃ sacarācaram
Sanskrit only: no published translation is held for this verse.
व्यवहारं च लोकानामाचारं नृपनंदन । विज्ञानं विंदते शिष्यो मोक्षं चैव प्रयाति च
vyavahāraṃ ca lokānāmācāraṃ nṛpanaṃdana | vijñānaṃ viṃdate śiṣyo mokṣaṃ caiva prayāti ca
Sanskrit only: no published translation is held for this verse.
सर्वेषामेव लोकानां यथा सूर्यः प्रकाशकः । गुरुः प्रकाशकस्तद्वच्छिष्याणां गतिरुत्तमा
sarveṣāmeva lokānāṃ yathā sūryaḥ prakāśakaḥ | guruḥ prakāśakastadvacchiṣyāṇāṃ gatiruttamā
Sanskrit only: no published translation is held for this verse.
रात्रावेव प्रकाशेच्च सोमो राजा नृपोत्तम । तेजसा साधयेत्सर्वमधिकारं चराचरम्
rātrāveva prakāśecca somo rājā nṛpottama | tejasā sādhayetsarvamadhikāraṃ carācaram
Sanskrit only: no published translation is held for this verse.
गृहेप्रकाशयेद्दीपः समूहं नृपसत्तम । तेजसा नाशयेत्सर्वमंधकारघनाविलम्
gṛheprakāśayeddīpaḥ samūhaṃ nṛpasattama | tejasā nāśayetsarvamaṃdhakāraghanāvilam
Sanskrit only: no published translation is held for this verse.
अज्ञानतमसा व्याप्तं शिष्यं द्योतयते गुरुः । शिष्यप्रकाशउद्द्योतैरुपदेशैर्महामते
ajñānatamasā vyāptaṃ śiṣyaṃ dyotayate guruḥ | śiṣyaprakāśauddyotairupadeśairmahāmate
Sanskrit only: no published translation is held for this verse.
दिवाप्रकाशकः सूर्यः शशीरात्रौ प्रकाशकः । गृहप्रकाशको दीपस्तमोनाशकरः सदा
divāprakāśakaḥ sūryaḥ śaśīrātrau prakāśakaḥ | gṛhaprakāśako dīpastamonāśakaraḥ sadā
Sanskrit only: no published translation is held for this verse.
रात्रौ दिवा गृहस्यांते गुरुः शिष्यं सदैव हि । अज्ञानाख्यं तमस्तस्य गुरुः सर्वं प्रणाशयेत्
rātrau divā gṛhasyāṃte guruḥ śiṣyaṃ sadaiva hi | ajñānākhyaṃ tamastasya guruḥ sarvaṃ praṇāśayet
Sanskrit only: no published translation is held for this verse.
तस्माद्गुरुः परं तीर्थं शिष्याणामवनीपते । एवं ज्ञात्वा ततः शिष्यः सर्वदा तं प्रपूजयेत्
tasmādguruḥ paraṃ tīrthaṃ śiṣyāṇāmavanīpate | evaṃ jñātvā tataḥ śiṣyaḥ sarvadā taṃ prapūjayet
Sanskrit only: no published translation is held for this verse.
गुरुं पुण्यमयं ज्ञात्वा त्रिविधेनापि कर्मणा । इत्यर्थे श्रूयते विप्र इतिहासः पुरातनः
guruṃ puṇyamayaṃ jñātvā trividhenāpi karmaṇā | ityarthe śrūyate vipra itihāsaḥ purātanaḥ
Sanskrit only: no published translation is held for this verse.
सर्वपापहरः प्रोक्तश्च्यवनस्य महात्मनः । भार्गवस्य कुले जातश्च्यवनो मुनिसत्तमः
sarvapāpaharaḥ proktaścyavanasya mahātmanaḥ | bhārgavasya kule jātaścyavano munisattamaḥ
Sanskrit only: no published translation is held for this verse.
तस्य चिंता समुत्पन्ना एकदा तु नृपोत्तम । कदाहं ज्ञानसंपन्नो भविष्यामि महीतले
tasya ciṃtā samutpannā ekadā tu nṛpottama | kadāhaṃ jñānasaṃpanno bhaviṣyāmi mahītale
Sanskrit only: no published translation is held for this verse.
दिवारात्रौप्रचिंतेत्स ज्ञानार्थी मुनिसत्तमः । एवं तु चिंतमानस्य मतिरासीन्महात्मनः
divārātraupraciṃtetsa jñānārthī munisattamaḥ | evaṃ tu ciṃtamānasya matirāsīnmahātmanaḥ
Sanskrit only: no published translation is held for this verse.
तीर्थयात्रां प्रयास्यामि अभीष्टफलदायिनीम् । गृहक्षेत्रादिसंत्यज्य भार्यां पुत्रं धनं ततः
tīrthayātrāṃ prayāsyāmi abhīṣṭaphaladāyinīm | gṛhakṣetrādisaṃtyajya bhāryāṃ putraṃ dhanaṃ tataḥ
Sanskrit only: no published translation is held for this verse.
तीर्थयात्राप्रसंगेन अटते मेदिनीं तदा । लोमानुलोमयात्रां स गंगायाः कृतवान्नृप
tīrthayātrāprasaṃgena aṭate medinīṃ tadā | lomānulomayātrāṃ sa gaṃgāyāḥ kṛtavānnṛpa
Sanskrit only: no published translation is held for this verse.
स तद्वन्नर्मदायाश्च सरस्वत्या मुनीश्वरः । गोदावर्यादिसर्वासां नदीनां सागरस्य च
sa tadvannarmadāyāśca sarasvatyā munīśvaraḥ | godāvaryādisarvāsāṃ nadīnāṃ sāgarasya ca
Sanskrit only: no published translation is held for this verse.
अन्येषां सर्वतीर्थानां क्षेत्राणां च नृपोत्तम । देवानां पुण्यलिगानां यात्राव्याजेन सोऽभ्रमत्
anyeṣāṃ sarvatīrthānāṃ kṣetrāṇāṃ ca nṛpottama | devānāṃ puṇyaligānāṃ yātrāvyājena so'bhramat
Sanskrit only: no published translation is held for this verse.
भ्रममाणस्य तस्यापि तीर्थेषु परमेषु च । भ्रममाणः समायातः क्षेत्राणामुत्तमं तदा । कायश्च निर्मलो जातः सूर्यतेजः समप्रभः
bhramamāṇasya tasyāpi tīrtheṣu parameṣu ca | bhramamāṇaḥ samāyātaḥ kṣetrāṇāmuttamaṃ tadā | kāyaśca nirmalo jātaḥ sūryatejaḥ samaprabhaḥ
Sanskrit only: no published translation is held for this verse.
च्यवनः काशते दीप्त्या पूतात्मानेन कर्मणा
cyavanaḥ kāśate dīptyā pūtātmānena karmaṇā
Sanskrit only: no published translation is held for this verse.
नर्मदा दक्षिणे कूले नाम्ना अमरकंटकम् । ददर्श सुमहालिगं सर्वेषां गतिदायकम्
narmadā dakṣiṇe kūle nāmnā amarakaṃṭakam | dadarśa sumahāligaṃ sarveṣāṃ gatidāyakam
Sanskrit only: no published translation is held for this verse.
नत्वा स्तुत्वा तु संपूज्य सिद्धनाथं महेश्वरम् । ज्वालेश्वरं ततो दृष्ट्वा दृष्ट्वा चाप्यमरेश्वरम्
natvā stutvā tu saṃpūjya siddhanāthaṃ maheśvaram | jvāleśvaraṃ tato dṛṣṭvā dṛṣṭvā cāpyamareśvaram
Sanskrit only: no published translation is held for this verse.
ब्रह्मेशं कपिलेशं च मार्कंडेश्वरमुत्तमम् । एवं यात्रां ततः कृत्वा ॐकारं समुपागतः २७ **। वटच्छायां समाश्रित्य शीतलां श्रमनाशिनीम् । सुखेन संस्थितो विप्रश्च्यवनो भृगुनंदनः
brahmeśaṃ kapileśaṃ ca mārkaṃḍeśvaramuttamam | evaṃ yātrāṃ tataḥ kṛtvā oṃkāraṃ samupāgataḥ 27 **| vaṭacchāyāṃ samāśritya śītalāṃ śramanāśinīm | sukhena saṃsthito vipraścyavano bhṛgunaṃdanaḥ
Sanskrit only: no published translation is held for this verse.
तत्र स्वनं स शुश्राव समुक्तं पक्षिणा तदा । दिव्यभाषा समायुक्तं ज्ञानविज्ञानसंयुतम्
tatra svanaṃ sa śuśrāva samuktaṃ pakṣiṇā tadā | divyabhāṣā samāyuktaṃ jñānavijñānasaṃyutam
Sanskrit only: no published translation is held for this verse.
शुकश्च एकस्तत्रास्ते बहुकालप्रजीवकः । कुंजलोनाम धर्मात्मा चतुःपुत्रः सभार्यकः
śukaśca ekastatrāste bahukālaprajīvakaḥ | kuṃjalonāma dharmātmā catuḥputraḥ sabhāryakaḥ
Sanskrit only: no published translation is held for this verse.
आसंस्तस्य हि पुत्राश्च चत्वारः पितृनंदनाः । तेषां नामानि राजेंद्र कथयिष्ये तवाग्रतः
āsaṃstasya hi putrāśca catvāraḥ pitṛnaṃdanāḥ | teṣāṃ nāmāni rājeṃdra kathayiṣye tavāgrataḥ
Sanskrit only: no published translation is held for this verse.
ज्येष्ठस्तु उज्ज्वलो नाम द्वितीयस्तु समुज्ज्वलः । तृतीयो विज्वलोनाम चतुर्थश्च कपिंजलः
jyeṣṭhastu ujjvalo nāma dvitīyastu samujjvalaḥ | tṛtīyo vijvalonāma caturthaśca kapiṃjalaḥ
Sanskrit only: no published translation is held for this verse.
एवं पुत्रास्तु चत्वारः कुंजलस्य महामते । शुकस्य तस्य पुण्यस्य पितृमातृपरायणाः
evaṃ putrāstu catvāraḥ kuṃjalasya mahāmate | śukasya tasya puṇyasya pitṛmātṛparāyaṇāḥ
Sanskrit only: no published translation is held for this verse.
भ्रमंति गिरिकुंजेषु द्वीपेषु च समाहिताः । भोजनार्थं तु संक्षुब्धाः क्षुधया परिपीडिताः
bhramaṃti girikuṃjeṣu dvīpeṣu ca samāhitāḥ | bhojanārthaṃ tu saṃkṣubdhāḥ kṣudhayā paripīḍitāḥ
Sanskrit only: no published translation is held for this verse.
स्वोदरस्थां क्षुधां सौम्य फलैरमृतसन्निभैः । अमृतस्वादुतोयेन शमयंति नृपोत्तम
svodarasthāṃ kṣudhāṃ saumya phalairamṛtasannibhaiḥ | amṛtasvādutoyena śamayaṃti nṛpottama
Sanskrit only: no published translation is held for this verse.
फलं पक्वं रसालं तु आहारार्थं सुपुत्रकाः । दत्वा फलानि दंपत्योर्निक्षिपंति प्रयत्नतः
phalaṃ pakvaṃ rasālaṃ tu āhārārthaṃ suputrakāḥ | datvā phalāni daṃpatyornikṣipaṃti prayatnataḥ
Sanskrit only: no published translation is held for this verse.
मातुरर्थे महाभागा भक्तिभावसमन्विताः । तुष्टा आहारमुत्पाद्य भक्षयंति पठंति च
māturarthe mahābhāgā bhaktibhāvasamanvitāḥ | tuṣṭā āhāramutpādya bhakṣayaṃti paṭhaṃti ca
Sanskrit only: no published translation is held for this verse.
तत्र क्रीडारताः सर्वे विलसंति रमंति च । संध्याकालं समाज्ञाय पितुरंतिकमुत्तमम्
tatra krīḍāratāḥ sarve vilasaṃti ramaṃti ca | saṃdhyākālaṃ samājñāya pituraṃtikamuttamam
Sanskrit only: no published translation is held for this verse.
आयांति भक्ष्यमादाय गुर्वर्थं तु प्रयत्नतः । पश्यतस्तस्य विप्रस्य च्यवनस्य महात्मनः
āyāṃti bhakṣyamādāya gurvarthaṃ tu prayatnataḥ | paśyatastasya viprasya cyavanasya mahātmanaḥ
Sanskrit only: no published translation is held for this verse.
आगतास्त्वंडजाः सर्वे पितुर्नीडं सुशोभनम् । पितरं मातरं चोभौ प्रणेमुस्ते महामते
āgatāstvaṃḍajāḥ sarve piturnīḍaṃ suśobhanam | pitaraṃ mātaraṃ cobhau praṇemuste mahāmate
Sanskrit only: no published translation is held for this verse.
ताभ्यां भक्ष्यं समासाद्य उपतस्थुस्तयोः पुरः । सर्वे संभाषिताः पित्रा मानितास्ते सुतोत्तमाः
tābhyāṃ bhakṣyaṃ samāsādya upatasthustayoḥ puraḥ | sarve saṃbhāṣitāḥ pitrā mānitāste sutottamāḥ
Sanskrit only: no published translation is held for this verse.
मात्रा च कृपया राजन्वचनैः प्रीतिसंमितैः । पक्षवातेन शीतेन मातापित्रोश्च ते तदा
mātrā ca kṛpayā rājanvacanaiḥ prītisaṃmitaiḥ | pakṣavātena śītena mātāpitrośca te tadā
Sanskrit only: no published translation is held for this verse.
तेषामाप्यायनं तौ द्वौ चक्राते पक्षिणौ नृप । आशीर्भिरभिनंद्यैव द्वाभ्यामपि सुपुत्रकान्
teṣāmāpyāyanaṃ tau dvau cakrāte pakṣiṇau nṛpa | āśīrbhirabhinaṃdyaiva dvābhyāmapi suputrakān
Sanskrit only: no published translation is held for this verse.
तैश्च दत्तं सुसंपुष्टमाहारममृतोपमम् । तावेव हि सुसंप्रीतिं चक्राते द्विजसत्तम
taiśca dattaṃ susaṃpuṣṭamāhāramamṛtopamam | tāveva hi susaṃprītiṃ cakrāte dvijasattama
Sanskrit only: no published translation is held for this verse.
पिबतो निर्मलं तोयं तीर्थकोटिसमुद्भवम् । स्वस्थानं तु समाश्रित्य सुखसंतुष्टमानसौ
pibato nirmalaṃ toyaṃ tīrthakoṭisamudbhavam | svasthānaṃ tu samāśritya sukhasaṃtuṣṭamānasau
Sanskrit only: no published translation is held for this verse.
चक्राते च कथां दिव्यां सुपुण्यां पापनाशिनीम् । विष्णुरुवाच- पित्रा तु कुंजलेनापि पृष्ट उज्ज्वल आत्मजः
cakrāte ca kathāṃ divyāṃ supuṇyāṃ pāpanāśinīm | viṣṇuruvāca- pitrā tu kuṃjalenāpi pṛṣṭa ujjvala ātmajaḥ
Sanskrit only: no published translation is held for this verse.
क्वगतोऽस्यद्य पुत्र त्वं किमपूर्वं त्वया पुनः । तत्र दृष्टं श्रुतं पुण्यं तन्मे कथय नंदन
kvagato'syadya putra tvaṃ kimapūrvaṃ tvayā punaḥ | tatra dṛṣṭaṃ śrutaṃ puṇyaṃ tanme kathaya naṃdana
Sanskrit only: no published translation is held for this verse.
कुंजलस्य पितुर्वाक्यं समाकर्ण्य स उज्ज्वलः । पितरं प्रत्युवाचाथ भक्त्या नमितकंधरः
kuṃjalasya piturvākyaṃ samākarṇya sa ujjvalaḥ | pitaraṃ pratyuvācātha bhaktyā namitakaṃdharaḥ
Sanskrit only: no published translation is held for this verse.
प्रणाममकरोन्मूर्ध्ना कथां चक्रे मनोहराम् । उज्ज्वल उवाच- प्लक्षद्वीपं महाभाग नित्यमेव व्रजाम्यहम्
praṇāmamakaronmūrdhnā kathāṃ cakre manoharām | ujjvala uvāca- plakṣadvīpaṃ mahābhāga nityameva vrajāmyaham
Sanskrit only: no published translation is held for this verse.
महता उद्यमेनापि आहारार्थं महामते । प्लक्षेद्वीपे महाराज संति देशा अनेकशः
mahatā udyamenāpi āhārārthaṃ mahāmate | plakṣedvīpe mahārāja saṃti deśā anekaśaḥ
Sanskrit only: no published translation is held for this verse.
पर्वताः सरिदुद्यान वनानि च सरांसि च । ग्रामाश्च पत्तनाश्चान्ये सुप्रजाभिः प्रमोदिताः
parvatāḥ saridudyāna vanāni ca sarāṃsi ca | grāmāśca pattanāścānye suprajābhiḥ pramoditāḥ
Sanskrit only: no published translation is held for this verse.
सदा सुखेन संतुष्टा लोका हृष्टा वसंति ते । दानपुण्यजपोपेताः श्रद्धाभावसमन्विताः
sadā sukhena saṃtuṣṭā lokā hṛṣṭā vasaṃti te | dānapuṇyajapopetāḥ śraddhābhāvasamanvitāḥ
Sanskrit only: no published translation is held for this verse.
प्लक्षद्वीपे महाराज आसीत्पुण्यमतिः सदा । दिवोदासस्तु धर्मात्मा तत्सुतासीदनूपमा
plakṣadvīpe mahārāja āsītpuṇyamatiḥ sadā | divodāsastu dharmātmā tatsutāsīdanūpamā
Sanskrit only: no published translation is held for this verse.
गुणरूपसमायुक्ता सुशीला चारुमंगला । दिव्यादेवीति विख्याता रूपेणाप्रतिमा भुवि
guṇarūpasamāyuktā suśīlā cārumaṃgalā | divyādevīti vikhyātā rūpeṇāpratimā bhuvi
Sanskrit only: no published translation is held for this verse.
पित्रा विलोकिता सा तु रूपतारुण्यमंगला । प्रथमे वयसि सा च वर्त्तते चारुमंगला
pitrā vilokitā sā tu rūpatāruṇyamaṃgalā | prathame vayasi sā ca varttate cārumaṃgalā
Sanskrit only: no published translation is held for this verse.
स तां दृष्ट्वा दिवोदासो दिव्यां देवीं सुतां तदा । कस्मै प्रदीयते कन्या सुवराय महात्मने
sa tāṃ dṛṣṭvā divodāso divyāṃ devīṃ sutāṃ tadā | kasmai pradīyate kanyā suvarāya mahātmane
Sanskrit only: no published translation is held for this verse.
इति चिंतापरो भूत्वा समालोक्य नरोत्तमः । रूपदेशस्य राजानं समालोक्य महीपतिः
iti ciṃtāparo bhūtvā samālokya narottamaḥ | rūpadeśasya rājānaṃ samālokya mahīpatiḥ
Sanskrit only: no published translation is held for this verse.
चित्रसेनं महात्मानं समाहूय नरोत्तमः । कन्यां ददौ महात्मासौ चित्रसेनाय धीमते
citrasenaṃ mahātmānaṃ samāhūya narottamaḥ | kanyāṃ dadau mahātmāsau citrasenāya dhīmate
Sanskrit only: no published translation is held for this verse.
तस्या विवाहकाले तु संप्राप्ते समये नृप । मृतोसौ चित्रसेनस्तु कालधर्मेण वै किल
tasyā vivāhakāle tu saṃprāpte samaye nṛpa | mṛtosau citrasenastu kāladharmeṇa vai kila
Sanskrit only: no published translation is held for this verse.
दिवोदासस्तु धर्मात्मा चिंतयामास भूपतिः । सुब्राह्मणान्समाहूय पप्रच्छ नृपनंदनः
divodāsastu dharmātmā ciṃtayāmāsa bhūpatiḥ | subrāhmaṇānsamāhūya papraccha nṛpanaṃdanaḥ
Sanskrit only: no published translation is held for this verse.
अस्या विवाहकाले तु चित्रसेनो दिवं गतः । अस्यास्तु कीदृशं कर्म भविष्यति वदंतु मे
asyā vivāhakāle tu citraseno divaṃ gataḥ | asyāstu kīdṛśaṃ karma bhaviṣyati vadaṃtu me
Sanskrit only: no published translation is held for this verse.
ब्राह्मणा ऊचुः- विवाहो दृश्यते राजन्कन्यायास्तु विधानतः । पतिर्मृत्युं प्रयात्यस्या नोचेत्संगं करोति च
brāhmaṇā ūcuḥ- vivāho dṛśyate rājankanyāyāstu vidhānataḥ | patirmṛtyuṃ prayātyasyā nocetsaṃgaṃ karoti ca
Sanskrit only: no published translation is held for this verse.
महाधिव्याधिना ग्रस्तस्त्यागं कृत्वा प्रयाति च । प्रव्राजितो भवेद्राजन्धर्मशास्त्रेषु दृश्यते
mahādhivyādhinā grastastyāgaṃ kṛtvā prayāti ca | pravrājito bhavedrājandharmaśāstreṣu dṛśyate
Sanskrit only: no published translation is held for this verse.
अनुद्वाहितायाः कन्याया उद्वाहः क्रियते बुधैः । न स्याद्रजस्वला यावदन्यः पतिर्विधीयते
anudvāhitāyāḥ kanyāyā udvāhaḥ kriyate budhaiḥ | na syādrajasvalā yāvadanyaḥ patirvidhīyate
Sanskrit only: no published translation is held for this verse.
विवाहं तु विधानेन पिता कुर्यान्न संशयः । एवं राजन्समादिष्टं धर्मशास्त्रं बुधैर्जनैः
vivāhaṃ tu vidhānena pitā kuryānna saṃśayaḥ | evaṃ rājansamādiṣṭaṃ dharmaśāstraṃ budhairjanaiḥ
Sanskrit only: no published translation is held for this verse.
विवाहः क्रियतामस्या इत्यूचुस्ते द्विजोत्तमाः । दिवोदासस्तु धर्मात्मा द्विजवाक्यप्रणोदितः
vivāhaḥ kriyatāmasyā ityūcuste dvijottamāḥ | divodāsastu dharmātmā dvijavākyapraṇoditaḥ
Sanskrit only: no published translation is held for this verse.
विवाहार्थं महाराज उद्यमं कृतवान्नृप । पुनर्दत्ता तु दानेन दिव्यादेवी द्विजोत्तम
vivāhārthaṃ mahārāja udyamaṃ kṛtavānnṛpa | punardattā tu dānena divyādevī dvijottama
Sanskrit only: no published translation is held for this verse.
रूपसेनाय पुण्याय तस्मै राज्ञे महात्मने । मृत्युधर्मं गतो राजा विवाहे तु महीपतिः
rūpasenāya puṇyāya tasmai rājñe mahātmane | mṛtyudharmaṃ gato rājā vivāhe tu mahīpatiḥ
Sanskrit only: no published translation is held for this verse.
यदा यदा महाभाग दिव्यादेव्याश्च भूपतिः । भर्ता च म्रियते काले प्राप्ते लग्नस्य सर्वदा
yadā yadā mahābhāga divyādevyāśca bhūpatiḥ | bhartā ca mriyate kāle prāpte lagnasya sarvadā
Sanskrit only: no published translation is held for this verse.
एकविंशतिभर्तारः काले काले मृताः पितः । ततो राजा महादुःखी संजातः ख्यातविक्रमः
ekaviṃśatibhartāraḥ kāle kāle mṛtāḥ pitaḥ | tato rājā mahāduḥkhī saṃjātaḥ khyātavikramaḥ
Sanskrit only: no published translation is held for this verse.
समालोच्य समाहूय समामंत्र्य स मंत्रिभिः । स्वयंवरे महाबुद्धिं चकार पृथिवीपतिः
samālocya samāhūya samāmaṃtrya sa maṃtribhiḥ | svayaṃvare mahābuddhiṃ cakāra pṛthivīpatiḥ
Sanskrit only: no published translation is held for this verse.
प्लक्षद्वीपस्य राजानः समाहूता महात्मना । स्वयंवरार्थमाहूतास्तथा ते धर्मतत्पराः
plakṣadvīpasya rājānaḥ samāhūtā mahātmanā | svayaṃvarārthamāhūtāstathā te dharmatatparāḥ
Sanskrit only: no published translation is held for this verse.
तस्यास्तु रूपसंमुग्धा राजानो मृत्युनोदिताः । संग्रामं चक्रिरे मूढास्ते मृताः समरांगणे
tasyāstu rūpasaṃmugdhā rājāno mṛtyunoditāḥ | saṃgrāmaṃ cakrire mūḍhāste mṛtāḥ samarāṃgaṇe
Sanskrit only: no published translation is held for this verse.
एवं तात क्षयो जातः क्षत्रियाणां महात्मनाम् । दिव्यादेवी सुदुःखार्ता गता सा वनकंदरम्
evaṃ tāta kṣayo jātaḥ kṣatriyāṇāṃ mahātmanām | divyādevī suduḥkhārtā gatā sā vanakaṃdaram
Sanskrit only: no published translation is held for this verse.
रुरोद करुणं बाला दिव्यादेवी मनस्विनी । एवं तात मया दृष्टमपूर्वं तत्र वै तदा
ruroda karuṇaṃ bālā divyādevī manasvinī | evaṃ tāta mayā dṛṣṭamapūrvaṃ tatra vai tadā
Sanskrit only: no published translation is held for this verse.
तन्मे सुविस्तरं तात तस्याः कथय कारणम्
tanme suvistaraṃ tāta tasyāḥ kathaya kāraṇam
Sanskrit only: no published translation is held for this verse.
इति श्रीपद्मपुराणे भूमिखंडे वेनोपाख्याने गुरुतीर्थे। च्यवनोपाख्याने पंचाशीतितमोऽध्यायः
iti śrīpadmapurāṇe bhūmikhaṃḍe venopākhyāne gurutīrthe| cyavanopākhyāne paṃcāśītitamo'dhyāyaḥ
Sanskrit only: no published translation is held for this verse.