Padma Purāṇa 2.87

कुंजल उवाच- व्रतभेदान्प्रवक्ष्यामि यैर्यैश्चाराधितो हरिः । जया च विजया चैव जयंती पापनाशिनी

kuṃjala uvāca- vratabhedānpravakṣyāmi yairyaiścārādhito hariḥ | jayā ca vijayā caiva jayaṃtī pāpanāśinī

Sanskrit only: no published translation is held for this verse.

त्रिस्पृशा वंजुली चान्या तिलदग्धा तथापरा । अखंडाचारकन्या च मनोरथा सुपुत्रक

trispṛśā vaṃjulī cānyā tiladagdhā tathāparā | akhaṃḍācārakanyā ca manorathā suputraka

Sanskrit only: no published translation is held for this verse.

एकादश्यास्तु भेदाश्च संति पुत्र अनेकधा । अशून्यशयनं चान्यज्जन्माष्टमी महाव्रतम्

ekādaśyāstu bhedāśca saṃti putra anekadhā | aśūnyaśayanaṃ cānyajjanmāṣṭamī mahāvratam

Sanskrit only: no published translation is held for this verse.

एतैर्व्रतैर्महापुण्यैः पापं दूरं प्रयाति च । प्राणिनां नात्र संदेहः सत्यं सत्यं वदाम्यहम्

etairvratairmahāpuṇyaiḥ pāpaṃ dūraṃ prayāti ca | prāṇināṃ nātra saṃdehaḥ satyaṃ satyaṃ vadāmyaham

Sanskrit only: no published translation is held for this verse.

कुंजल उवाच- स्तोत्रं तस्य प्रवक्ष्यामि पापराशिविनाशनम् । सुपुत्रशतनामाख्यं नराणां गतिदायकम्

kuṃjala uvāca- stotraṃ tasya pravakṣyāmi pāparāśivināśanam | suputraśatanāmākhyaṃ narāṇāṃ gatidāyakam

Sanskrit only: no published translation is held for this verse.

तस्य देवस्य कृष्णस्य शतनामाख्यमुत्तमम् । संप्रत्येव प्रवक्ष्यामि तच्छृणुष्व सुतोत्तम

tasya devasya kṛṣṇasya śatanāmākhyamuttamam | saṃpratyeva pravakṣyāmi tacchṛṇuṣva sutottama

Sanskrit only: no published translation is held for this verse.

विष्णोर्नामशतस्यापि ऋषिं छंदो वदाम्यहम् । देवं चैव महाभाग सर्वपापविशोधनम्

viṣṇornāmaśatasyāpi ṛṣiṃ chaṃdo vadāmyaham | devaṃ caiva mahābhāga sarvapāpaviśodhanam

Sanskrit only: no published translation is held for this verse.

विष्णोर्नामशतस्यापि ऋषिर्ब्रह्मा प्रकीर्तितः । ॐकारो देवता प्रोक्तश्छंदोनुष्टुप्तथैव च

viṣṇornāmaśatasyāpi ṛṣirbrahmā prakīrtitaḥ | oṃkāro devatā proktaśchaṃdonuṣṭuptathaiva ca

Sanskrit only: no published translation is held for this verse.

सर्वकामिकसंसिद्ध्यै मोक्षे च विनियोगकः । अस्य विष्णोः शतनामस्तोत्रस्य । ब्रह्मा ऋषिः विष्णुर्देवता अनुष्टुप्छंदः । सर्वकामसमृद्ध्यर्थं सर्वपापक्षयार्थे विनियोगः

sarvakāmikasaṃsiddhyai mokṣe ca viniyogakaḥ | asya viṣṇoḥ śatanāmastotrasya | brahmā ṛṣiḥ viṣṇurdevatā anuṣṭupchaṃdaḥ | sarvakāmasamṛddhyarthaṃ sarvapāpakṣayārthe viniyogaḥ

Sanskrit only: no published translation is held for this verse.

नमाम्यहं हृषीकेशं केशवं मधुसूदनम् । सूदनं सर्वदैत्यानां नारायणमनामयम्

namāmyahaṃ hṛṣīkeśaṃ keśavaṃ madhusūdanam | sūdanaṃ sarvadaityānāṃ nārāyaṇamanāmayam

Sanskrit only: no published translation is held for this verse.

जयंतं विजयं कृष्णमनंतं वामनं ततः । विष्णुं विश्वेश्वरं पुण्यं विश्वाधारं सुरार्चितम्

jayaṃtaṃ vijayaṃ kṛṣṇamanaṃtaṃ vāmanaṃ tataḥ | viṣṇuṃ viśveśvaraṃ puṇyaṃ viśvādhāraṃ surārcitam

Sanskrit only: no published translation is held for this verse.

अनघं त्वघहंतारं नरसिंहं श्रियः प्रियम् । श्रीपतिं श्रीधरं श्रीदं श्रीनिवासं महोदयम्

anaghaṃ tvaghahaṃtāraṃ narasiṃhaṃ śriyaḥ priyam | śrīpatiṃ śrīdharaṃ śrīdaṃ śrīnivāsaṃ mahodayam

Sanskrit only: no published translation is held for this verse.

श्रीरामं माधवं मोक्षं क्षमारूपं जनार्दनम् । सर्वज्ञं सर्ववेत्तारं सर्वदं सर्वनायकम्

śrīrāmaṃ mādhavaṃ mokṣaṃ kṣamārūpaṃ janārdanam | sarvajñaṃ sarvavettāraṃ sarvadaṃ sarvanāyakam

Sanskrit only: no published translation is held for this verse.

हरिं मुरारिं गोविंदं पद्मनाभं प्रजापतिम् । आनंदं ज्ञानसंपन्नं ज्ञानदं ज्ञाननायकम्

hariṃ murāriṃ goviṃdaṃ padmanābhaṃ prajāpatim | ānaṃdaṃ jñānasaṃpannaṃ jñānadaṃ jñānanāyakam

Sanskrit only: no published translation is held for this verse.

अच्युतं सबलं चंद्रं चक्रपाणिं परावरम् । युगाधारं जगद्योनिं ब्रह्मरूपं महेश्वरम्

acyutaṃ sabalaṃ caṃdraṃ cakrapāṇiṃ parāvaram | yugādhāraṃ jagadyoniṃ brahmarūpaṃ maheśvaram

Sanskrit only: no published translation is held for this verse.

मुकुंदं तं सुवैकुंठमेकरूपं जगत्पतिम् । वासुदेवं महात्मानं ब्रह्मण्यं ब्राह्मणप्रियम्

mukuṃdaṃ taṃ suvaikuṃṭhamekarūpaṃ jagatpatim | vāsudevaṃ mahātmānaṃ brahmaṇyaṃ brāhmaṇapriyam

Sanskrit only: no published translation is held for this verse.

गोप्रियं गोहितं यज्ञंयज्ञांगं यज्ञवर्द्धनम् । यज्ञस्यापि सुभोक्तारं वेदवेदांगपारगम्

gopriyaṃ gohitaṃ yajñaṃyajñāṃgaṃ yajñavarddhanam | yajñasyāpi subhoktāraṃ vedavedāṃgapāragam

Sanskrit only: no published translation is held for this verse.

वेदज्ञं वेदरूपं तं विद्यावासं सुरेश्वरम् । अव्यक्तं तं महाहंसं शंखपाणिं पुरातनम्

vedajñaṃ vedarūpaṃ taṃ vidyāvāsaṃ sureśvaram | avyaktaṃ taṃ mahāhaṃsaṃ śaṃkhapāṇiṃ purātanam

Sanskrit only: no published translation is held for this verse.

पुरुषं पुष्कराक्षं तु वाराहं धरणीधरम् । प्रद्युम्नं कामपालं च व्यासं व्यालं महेश्वरम्

puruṣaṃ puṣkarākṣaṃ tu vārāhaṃ dharaṇīdharam | pradyumnaṃ kāmapālaṃ ca vyāsaṃ vyālaṃ maheśvaram

Sanskrit only: no published translation is held for this verse.

सर्वसौख्यं महासौख्यं मोक्षं च परमेश्वरम् । योगरूपं महाज्ञानं योगिनां गतिदं प्रियम्

sarvasaukhyaṃ mahāsaukhyaṃ mokṣaṃ ca parameśvaram | yogarūpaṃ mahājñānaṃ yogināṃ gatidaṃ priyam

Sanskrit only: no published translation is held for this verse.

मुरारिं लोकपालं तं पद्महस्तं गदाधरम् । गुहावासं सर्ववासं पुण्यवासं महाभुजम्

murāriṃ lokapālaṃ taṃ padmahastaṃ gadādharam | guhāvāsaṃ sarvavāsaṃ puṇyavāsaṃ mahābhujam

Sanskrit only: no published translation is held for this verse.

वृंदानाथं बृहत्कायं पावनं पापनाशनम् । गोपीनाथं गोपसखं गोपालं गोगणाश्रयम्

vṛṃdānāthaṃ bṛhatkāyaṃ pāvanaṃ pāpanāśanam | gopīnāthaṃ gopasakhaṃ gopālaṃ gogaṇāśrayam

Sanskrit only: no published translation is held for this verse.

परात्मानं पराधीशं कपिलं कार्यमानुषम् । नमामि निश्चलं नित्यं मनोवाक्कायकर्मभिः

parātmānaṃ parādhīśaṃ kapilaṃ kāryamānuṣam | namāmi niścalaṃ nityaṃ manovākkāyakarmabhiḥ

Sanskrit only: no published translation is held for this verse.

नाम्नां शतेनापि सुपुण्यकर्ता यः स्तौति कृष्णं मनसा स्थिरेण । स याति लोकं मधुसूदनस्य विहाय लोकानिह पुण्यपूतः

nāmnāṃ śatenāpi supuṇyakartā yaḥ stauti kṛṣṇaṃ manasā sthireṇa | sa yāti lokaṃ madhusūdanasya vihāya lokāniha puṇyapūtaḥ

Sanskrit only: no published translation is held for this verse.

नाम्नां शतं महापुण्यं सर्वपातकशोधनम् । जपेदनन्यमनसा ध्यायेद्ध्यानसमन्वितम्

nāmnāṃ śataṃ mahāpuṇyaṃ sarvapātakaśodhanam | japedananyamanasā dhyāyeddhyānasamanvitam

Sanskrit only: no published translation is held for this verse.

नित्यमेव नरः पुण्यैर्गंगास्नानफलं लभेत् । तस्मात्तु सुस्थिरो भूत्वा समाहितमना जपेत्

nityameva naraḥ puṇyairgaṃgāsnānaphalaṃ labhet | tasmāttu susthiro bhūtvā samāhitamanā japet

Sanskrit only: no published translation is held for this verse.

त्रिकालं च जपेन्मर्त्यो नियतो नियमे स्थितः । अश्वमेधफलं तस्य जायते नात्र संशयः

trikālaṃ ca japenmartyo niyato niyame sthitaḥ | aśvamedhaphalaṃ tasya jāyate nātra saṃśayaḥ

Sanskrit only: no published translation is held for this verse.

एकादश्यामुपोष्यैव पुरतो माधवस्य यः । जागरे प्रजपेन्मर्त्यस्तस्य पुण्यं वदाम्यहम्

ekādaśyāmupoṣyaiva purato mādhavasya yaḥ | jāgare prajapenmartyastasya puṇyaṃ vadāmyaham

Sanskrit only: no published translation is held for this verse.

पुंडरीकस्य यज्ञस्य फलमाप्नोति मानवः । तुलसीसंनिधौ स्थित्वा मनसा यो जपेन्नरः

puṃḍarīkasya yajñasya phalamāpnoti mānavaḥ | tulasīsaṃnidhau sthitvā manasā yo japennaraḥ

Sanskrit only: no published translation is held for this verse.

राजसूयफलं भुंक्ते वर्षेणापि च मानवः । शालग्रामशिला यत्र यत्र द्वारावती शिला

rājasūyaphalaṃ bhuṃkte varṣeṇāpi ca mānavaḥ | śālagrāmaśilā yatra yatra dvārāvatī śilā

Sanskrit only: no published translation is held for this verse.

उभयोः संनिधौ जाप्यं कर्तव्यं सुखमिच्छता । बहुसौख्यं प्रभुक्त्वैव कुलानां शतमेव च

ubhayoḥ saṃnidhau jāpyaṃ kartavyaṃ sukhamicchatā | bahusaukhyaṃ prabhuktvaiva kulānāṃ śatameva ca

Sanskrit only: no published translation is held for this verse.

एकेन चाधिकं मर्त्य आत्मना सह तारयेत् । कार्तिके स्नानकर्ता यः पूजयेन्मधुसूदनम्

ekena cādhikaṃ martya ātmanā saha tārayet | kārtike snānakartā yaḥ pūjayenmadhusūdanam

Sanskrit only: no published translation is held for this verse.

यः पठेत्प्रयतः स्तोत्रं प्रयाति परमां गतिम् । माघस्नायी हरिं पूज्य भक्त्या च मधुसूदनम्

yaḥ paṭhetprayataḥ stotraṃ prayāti paramāṃ gatim | māghasnāyī hariṃ pūjya bhaktyā ca madhusūdanam

Sanskrit only: no published translation is held for this verse.

ध्यायेच्चैव हृषीकेशं जपेद्वाथ शृणोति वा । सुरापानादिकं पापं विहाय परमं पदम्

dhyāyeccaiva hṛṣīkeśaṃ japedvātha śṛṇoti vā | surāpānādikaṃ pāpaṃ vihāya paramaṃ padam

Sanskrit only: no published translation is held for this verse.

विना विघ्नं नरः पुत्र संप्रयाति जनार्दनम् । श्राद्धकाले हि यो मर्त्यो विप्राणां भुंजतां पुरः

vinā vighnaṃ naraḥ putra saṃprayāti janārdanam | śrāddhakāle hi yo martyo viprāṇāṃ bhuṃjatāṃ puraḥ

Sanskrit only: no published translation is held for this verse.

यो जपेच्च शतं नाम्नां स्तोत्रं पातकनाशनम् । पितरस्तुष्टिमायांति तृप्ता यांति परां गतिं

yo japecca śataṃ nāmnāṃ stotraṃ pātakanāśanam | pitarastuṣṭimāyāṃti tṛptā yāṃti parāṃ gatiṃ

Sanskrit only: no published translation is held for this verse.

ब्राह्मणो वेदविद्वान्स्यात्क्षत्रियो विंदते महीम् । धनऋद्धिं प्रभुंजीत वैश्यो जपति यः सदा

brāhmaṇo vedavidvānsyātkṣatriyo viṃdate mahīm | dhanaṛddhiṃ prabhuṃjīta vaiśyo japati yaḥ sadā

Sanskrit only: no published translation is held for this verse.

शूद्रः सुःखं प्रभुंक्ते च ब्राह्मणत्वं च गच्छति । प्राप्य जन्मांतरं वत्स वेदविद्यां प्रविंदति

śūdraḥ suḥkhaṃ prabhuṃkte ca brāhmaṇatvaṃ ca gacchati | prāpya janmāṃtaraṃ vatsa vedavidyāṃ praviṃdati

Sanskrit only: no published translation is held for this verse.

सुखदं मोक्षदं स्तोत्रं जप्तव्यं च न संशयः । केशवस्य प्रसादेन सर्वसिद्धो भवेन्नरः

sukhadaṃ mokṣadaṃ stotraṃ japtavyaṃ ca na saṃśayaḥ | keśavasya prasādena sarvasiddho bhavennaraḥ

Sanskrit only: no published translation is held for this verse.

इति श्रीपद्मपुराणे भूमिखंडे वेनोपाख्याने गुरुतीर्थवर्णने च्यवनचरित्रे सप्ताशीतितमोऽध्यायः

iti śrīpadmapurāṇe bhūmikhaṃḍe venopākhyāne gurutīrthavarṇane cyavanacaritre saptāśītitamo'dhyāyaḥ

Sanskrit only: no published translation is held for this verse.