Library·Padma Purāṇa·2·2.9
कश्यप उवाच- एवं संबोधितस्तत्र आत्मा ध्यानादिकैस्तदा । त्यक्तुकामः स तत्कार्यं पंचात्मकं स बुद्धिमान्
kaśyapa uvāca- evaṃ saṃbodhitastatra ātmā dhyānādikaistadā | tyaktukāmaḥ sa tatkāryaṃ paṃcātmakaṃ sa buddhimān
Sanskrit only: no published translation is held for this verse.
निमित्तान्येव पश्यैव प्राप्य तांस्तान्प्रयाति सः । विहाय कायं निर्लक्ष्यं पतितं नैव पश्यति
nimittānyeva paśyaiva prāpya tāṃstānprayāti saḥ | vihāya kāyaṃ nirlakṣyaṃ patitaṃ naiva paśyati
Sanskrit only: no published translation is held for this verse.
सहवर्द्धितयोर्नास्ति संबंधः प्राण देहयोः । धनपुत्रकलत्रैश्च संबंधः केन हेतुना
sahavarddhitayornāsti saṃbaṃdhaḥ prāṇa dehayoḥ | dhanaputrakalatraiśca saṃbaṃdhaḥ kena hetunā
Sanskrit only: no published translation is held for this verse.
एवं ज्ञात्वा शमं गच्छ क्लैब्यं मा भज सुप्रिये । अयमेव परं ब्रह्म अयमेव सनातनः
evaṃ jñātvā śamaṃ gaccha klaibyaṃ mā bhaja supriye | ayameva paraṃ brahma ayameva sanātanaḥ
Sanskrit only: no published translation is held for this verse.
अयमात्मस्वरूपेण दैत्य देवेषु संस्थितः । अयं ब्रह्मा अयं रुद्रो ह्ययं विष्णुः सनातनः
ayamātmasvarūpeṇa daitya deveṣu saṃsthitaḥ | ayaṃ brahmā ayaṃ rudro hyayaṃ viṣṇuḥ sanātanaḥ
Sanskrit only: no published translation is held for this verse.
अयं सृजति विश्वानि अयं पालयते प्रजाः । संहरत्येष धर्मात्मा धर्मरूपी जनार्दनः
ayaṃ sṛjati viśvāni ayaṃ pālayate prajāḥ | saṃharatyeṣa dharmātmā dharmarūpī janārdanaḥ
Sanskrit only: no published translation is held for this verse.
अनेनोत्पादिता देवा दानवाश्चैव सुप्रिय । देवाश्चाधर्मनिर्मुक्ता धर्महीनाः सुतास्तव
anenotpāditā devā dānavāścaiva supriya | devāścādharmanirmuktā dharmahīnāḥ sutāstava
Sanskrit only: no published translation is held for this verse.
धर्मोयं माधवस्यांगं सर्वदैवैश्च पालितम् । धर्मं च चिंतयेद्देवि धर्मं चैव तु पालयेत्
dharmoyaṃ mādhavasyāṃgaṃ sarvadaivaiśca pālitam | dharmaṃ ca ciṃtayeddevi dharmaṃ caiva tu pālayet
Sanskrit only: no published translation is held for this verse.
तस्य विष्णुः स धर्मात्मा सर्वदैव प्रसादवान् । धर्मेण वर्तिता देवाः सत्येन तपसा किल
tasya viṣṇuḥ sa dharmātmā sarvadaiva prasādavān | dharmeṇa vartitā devāḥ satyena tapasā kila
Sanskrit only: no published translation is held for this verse.
येषां विष्णुः प्रसन्नो वै धर्मस्तैरिह पालितः । विष्णोः कायमिदं धर्मं सत्यं हृदयमेव च
yeṣāṃ viṣṇuḥ prasanno vai dharmastairiha pālitaḥ | viṣṇoḥ kāyamidaṃ dharmaṃ satyaṃ hṛdayameva ca
Sanskrit only: no published translation is held for this verse.
यस्तौ पालयते नित्यं तस्य विष्णुः प्रसीदति । दूषयेद्यः सत्यधर्मौ पापमेव प्रपालयेत्
yastau pālayate nityaṃ tasya viṣṇuḥ prasīdati | dūṣayedyaḥ satyadharmau pāpameva prapālayet
Sanskrit only: no published translation is held for this verse.
तस्य विष्णुः प्रकुप्येत नाशयेदतिवीर्यवान् । वैष्णवैः पालितं धर्मं तपः सत्येन संस्थितैः
tasya viṣṇuḥ prakupyeta nāśayedativīryavān | vaiṣṇavaiḥ pālitaṃ dharmaṃ tapaḥ satyena saṃsthitaiḥ
Sanskrit only: no published translation is held for this verse.
तेषां प्रसन्नो धर्मात्मा रक्षामेवं करोति च । तव पुत्रा दनोः पुत्राः सैंहिकेयास्तथैव च
teṣāṃ prasanno dharmātmā rakṣāmevaṃ karoti ca | tava putrā danoḥ putrāḥ saiṃhikeyāstathaiva ca
Sanskrit only: no published translation is held for this verse.
अधर्मेणापि पापेन वर्तिताः पापचेतसः । सूदिता वासुदेवेन समरे चक्रपाणिना
adharmeṇāpi pāpena vartitāḥ pāpacetasaḥ | sūditā vāsudevena samare cakrapāṇinā
Sanskrit only: no published translation is held for this verse.
योसावात्मा मयोक्तः पूर्वमेव तवाग्रतः । सोयं विष्णुर्न संदेहो धर्मात्मा सर्वपालकः
yosāvātmā mayoktaḥ pūrvameva tavāgrataḥ | soyaṃ viṣṇurna saṃdeho dharmātmā sarvapālakaḥ
Sanskrit only: no published translation is held for this verse.
दैत्यकायेषु यः स्वस्थः पापमेव समास्थितः । जघ्निवान्दानवान्देवि स च क्रुद्धो महामतिः
daityakāyeṣu yaḥ svasthaḥ pāpameva samāsthitaḥ | jaghnivāndānavāndevi sa ca kruddho mahāmatiḥ
Sanskrit only: no published translation is held for this verse.
स बाह्याभ्यंतरे भूत्वा तव पुत्रा निपातिताः । येन चोत्पादिता देवि तेनैव विनिपातिताः
sa bāhyābhyaṃtare bhūtvā tava putrā nipātitāḥ | yena cotpāditā devi tenaiva vinipātitāḥ
Sanskrit only: no published translation is held for this verse.
नैषां मोहस्तु कर्तव्यो भवत्या वचनं शृणु । पापेन वर्तते योसौ स एव निधनं व्रजेत्
naiṣāṃ mohastu kartavyo bhavatyā vacanaṃ śṛṇu | pāpena vartate yosau sa eva nidhanaṃ vrajet
Sanskrit only: no published translation is held for this verse.
तस्मान्मोहं परित्यज्य सदाधर्मं समाश्रय । दितिरुवाच- एवमस्तु महाभाग करिष्ये वचनं तव
tasmānmohaṃ parityajya sadādharmaṃ samāśraya | ditiruvāca- evamastu mahābhāga kariṣye vacanaṃ tava
Sanskrit only: no published translation is held for this verse.
कश्यपं च मुनिश्रेष्ठमेवमाभाष्य दुःखिता । संबोधिता सा मुनिना दुःखं संत्यज्य संस्थिता
kaśyapaṃ ca muniśreṣṭhamevamābhāṣya duḥkhitā | saṃbodhitā sā muninā duḥkhaṃ saṃtyajya saṃsthitā
Sanskrit only: no published translation is held for this verse.