Library·Padma Purāṇa·2·2.90
सूतउवाच- एवमाकर्ण्य तत्सर्वं समुज्ज्वलस्य भाषितम् । कुंजलः स हि धर्मात्मा प्रत्युवाच सुतं प्रति
sūtauvāca- evamākarṇya tatsarvaṃ samujjvalasya bhāṣitam | kuṃjalaḥ sa hi dharmātmā pratyuvāca sutaṃ prati
Sanskrit only: no published translation is held for this verse.
कुंजल उवाच- संप्रवक्ष्याम्यहं तात श्रूयतां स्थिरमानसः । सर्वसंदेहविध्वंसं चरित्रं पापनाशनम्
kuṃjala uvāca- saṃpravakṣyāmyahaṃ tāta śrūyatāṃ sthiramānasaḥ | sarvasaṃdehavidhvaṃsaṃ caritraṃ pāpanāśanam
Sanskrit only: no published translation is held for this verse.
इंद्रलोके प्रववृते संवादो देव कौतुकः । सभायां तस्य देवस्य इंद्रस्यापि महात्मनः
iṃdraloke pravavṛte saṃvādo deva kautukaḥ | sabhāyāṃ tasya devasya iṃdrasyāpi mahātmanaḥ
Sanskrit only: no published translation is held for this verse.
देवं द्रष्टुं सहस्राक्षं नारदस्त्वरितं ययौ । समागतं सहस्राक्षः सूर्यतेजःसमप्रभम्
devaṃ draṣṭuṃ sahasrākṣaṃ nāradastvaritaṃ yayau | samāgataṃ sahasrākṣaḥ sūryatejaḥsamaprabham
Sanskrit only: no published translation is held for this verse.
तं दृष्ट्वा हर्षमायातः समुत्थाय महामतिः । ददावर्घं च पाद्यं च भक्त्या प्रणतमानसः
taṃ dṛṣṭvā harṣamāyātaḥ samutthāya mahāmatiḥ | dadāvarghaṃ ca pādyaṃ ca bhaktyā praṇatamānasaḥ
Sanskrit only: no published translation is held for this verse.
बद्धांजलिपुटोभूत्वा प्रणाममकरोत्तदा । आसने कोमले पुण्ये विनिवेश्य द्विजोत्तमम्
baddhāṃjalipuṭobhūtvā praṇāmamakarottadā | āsane komale puṇye viniveśya dvijottamam
Sanskrit only: no published translation is held for this verse.
पप्रच्छ प्रणतो भूत्वा श्रद्धया परया युतः । कस्माच्चागमनं तेऽद्य कारणं वद सांप्रतम्
papraccha praṇato bhūtvā śraddhayā parayā yutaḥ | kasmāccāgamanaṃ te'dya kāraṇaṃ vada sāṃpratam
Sanskrit only: no published translation is held for this verse.
इत्युक्तो देवराजेन प्रत्युवाच महामुनिः । भवंतं द्रष्टुमायातः पृथिव्यास्तु पुरंदरः
ityukto devarājena pratyuvāca mahāmuniḥ | bhavaṃtaṃ draṣṭumāyātaḥ pṛthivyāstu puraṃdaraḥ
Sanskrit only: no published translation is held for this verse.
स्नात्वा पुण्यप्रदेशेषु तीर्थेषु च सुश्रद्धया । देवान्पितॄन्समभ्यर्च्य दृष्ट्वा तीर्थान्यनेकशः
snātvā puṇyapradeśeṣu tīrtheṣu ca suśraddhayā | devānpitṝnsamabhyarcya dṛṣṭvā tīrthānyanekaśaḥ
Sanskrit only: no published translation is held for this verse.
एतत्ते सर्वमाख्यातं यत्त्वया पृच्छितं पुरा । देवेंद्र उवाच- दृष्टानि पुण्यतीर्थानि सुक्षेत्राणि त्वया मुने
etatte sarvamākhyātaṃ yattvayā pṛcchitaṃ purā | deveṃdra uvāca- dṛṣṭāni puṇyatīrthāni sukṣetrāṇi tvayā mune
Sanskrit only: no published translation is held for this verse.
किं तीर्थं प्राप्य मुच्येत ब्रह्मघ्नो ब्रह्महत्यया । सुरापोमुच्यतेपापाद्गोघ्नोहेमापहारकः
kiṃ tīrthaṃ prāpya mucyeta brahmaghno brahmahatyayā | surāpomucyatepāpādgoghnohemāpahārakaḥ
Sanskrit only: no published translation is held for this verse.
स्वामिद्रोहान्महाभाग नारीहंता कथं सुखी । नारद उवाच- यानि कानि च तीर्थानि गयादीनि सुरेश्वर
svāmidrohānmahābhāga nārīhaṃtā kathaṃ sukhī | nārada uvāca- yāni kāni ca tīrthāni gayādīni sureśvara
Sanskrit only: no published translation is held for this verse.
तेषां नैव प्रजानामि विशेषं पापनाशनम् । सुपुण्यानि सुदिव्यानि पापघ्नानि समानि च
teṣāṃ naiva prajānāmi viśeṣaṃ pāpanāśanam | supuṇyāni sudivyāni pāpaghnāni samāni ca
Sanskrit only: no published translation is held for this verse.
सर्वाण्येव सुतीर्थानि जानाम्यहं पुरंदर । अविशेषं विशेषं वै नैव जानामि सांप्रतम्
sarvāṇyeva sutīrthāni jānāmyahaṃ puraṃdara | aviśeṣaṃ viśeṣaṃ vai naiva jānāmi sāṃpratam
Sanskrit only: no published translation is held for this verse.
प्रत्ययं क्रियतां देव तीर्थानां गतिदायकम् । एवमाकर्ण्य तद्वाक्यं नारदस्य महात्मनः
pratyayaṃ kriyatāṃ deva tīrthānāṃ gatidāyakam | evamākarṇya tadvākyaṃ nāradasya mahātmanaḥ
Sanskrit only: no published translation is held for this verse.
समाहूतानि चेंद्रेण तीर्थानि भूगतानि च । मूर्तिवर्तीनि दिव्यानि समायातानि शासनात्
samāhūtāni ceṃdreṇa tīrthāni bhūgatāni ca | mūrtivartīni divyāni samāyātāni śāsanāt
Sanskrit only: no published translation is held for this verse.
बद्धांजलीनि दिव्यानि भूषितानि सुभूषणैः । दिव्यांबराणि स्निग्धानि तेजोवंति च सुव्रत
baddhāṃjalīni divyāni bhūṣitāni subhūṣaṇaiḥ | divyāṃbarāṇi snigdhāni tejovaṃti ca suvrata
Sanskrit only: no published translation is held for this verse.
स्त्रीपुंसोश्च स्वरूपाणि कृतानि च विशेषतः । हेमचंदनकाशानि दिव्यरूपधराणि च
strīpuṃsośca svarūpāṇi kṛtāni ca viśeṣataḥ | hemacaṃdanakāśāni divyarūpadharāṇi ca
Sanskrit only: no published translation is held for this verse.
मुक्ताफलस्यवर्णेन प्रभासंति नरेश्वर । तप्तकांचनवर्णानि सारुण्यानि च तत्र वै
muktāphalasyavarṇena prabhāsaṃti nareśvara | taptakāṃcanavarṇāni sāruṇyāni ca tatra vai
Sanskrit only: no published translation is held for this verse.
कति शुक्ल सुपीतानि प्रभावंति सभांतरे । कानि पद्मनिभान्येव मूर्तिवर्तीनि तानि तु
kati śukla supītāni prabhāvaṃti sabhāṃtare | kāni padmanibhānyeva mūrtivartīni tāni tu
Sanskrit only: no published translation is held for this verse.
सूर्यतेजः प्रकाशानि तडित्तेजः समानि च । पावकाभानि चान्यानि प्रभासंति सभांतरे
sūryatejaḥ prakāśāni taḍittejaḥ samāni ca | pāvakābhāni cānyāni prabhāsaṃti sabhāṃtare
Sanskrit only: no published translation is held for this verse.
सर्वाभरणशोभाढ्यैः प्रशोभंते नरेश्वर । हारकंकणकेयूरमालाभिस्तु सुचंदनैः
sarvābharaṇaśobhāḍhyaiḥ praśobhaṃte nareśvara | hārakaṃkaṇakeyūramālābhistu sucaṃdanaiḥ
Sanskrit only: no published translation is held for this verse.
दिव्यचंदनदिग्धानि सुरभीणि गुरूणि च । कमंडलुकराण्येव आयातानि सभांतरे
divyacaṃdanadigdhāni surabhīṇi gurūṇi ca | kamaṃḍalukarāṇyeva āyātāni sabhāṃtare
Sanskrit only: no published translation is held for this verse.
गंगा च नर्मदा पुण्या चंद्रभागा सरस्वती । देविका बिंबिका कुब्जा कुंजला मंजुला श्रुता
gaṃgā ca narmadā puṇyā caṃdrabhāgā sarasvatī | devikā biṃbikā kubjā kuṃjalā maṃjulā śrutā
Sanskrit only: no published translation is held for this verse.
रंभा भानुमती पुण्या पारा चैव सुघर्घरा । शोणा च सिंधुसौवीरा कावेरी कपिला तथा
raṃbhā bhānumatī puṇyā pārā caiva sughargharā | śoṇā ca siṃdhusauvīrā kāverī kapilā tathā
Sanskrit only: no published translation is held for this verse.
कुमुदा वेदनदी पुण्या सुपुण्या च महेश्वरी । चर्मण्वती तथा ख्याता लोपा चान्या सुकौशिकी
kumudā vedanadī puṇyā supuṇyā ca maheśvarī | carmaṇvatī tathā khyātā lopā cānyā sukauśikī
Sanskrit only: no published translation is held for this verse.
सुहंसी हंसपादा च हंसवेगा मनोरथा । सुरुथास्वारुणा वेणा भद्र वेणा सुपद्मिनी
suhaṃsī haṃsapādā ca haṃsavegā manorathā | suruthāsvāruṇā veṇā bhadra veṇā supadminī
Sanskrit only: no published translation is held for this verse.
नाहलीसुमरी चान्या पुण्या चान्या पुलिंदिका । हेमा मनोरथा दिव्या चंद्रिका वेदसंक्रमा
nāhalīsumarī cānyā puṇyā cānyā puliṃdikā | hemā manorathā divyā caṃdrikā vedasaṃkramā
Sanskrit only: no published translation is held for this verse.
ज्वालाहुताशनी स्वाहा काला चैव कपिंजला । स्वधा च सुकला लिंगा गंभीरा भीमवाहिनी
jvālāhutāśanī svāhā kālā caiva kapiṃjalā | svadhā ca sukalā liṃgā gaṃbhīrā bhīmavāhinī
Sanskrit only: no published translation is held for this verse.
देवद्रीची वीरवाहा लक्षहोमा अघापहा । पाराशरी हेमगर्भा सुभद्रा वसुपुत्रिका
devadrīcī vīravāhā lakṣahomā aghāpahā | pārāśarī hemagarbhā subhadrā vasuputrikā
Sanskrit only: no published translation is held for this verse.
एता नद्यो महापुण्या मूर्तिमत्यो नरेश्वर । सर्वाभरणशोभाढ्याः कुंभहस्ताः सुपूजिताः
etā nadyo mahāpuṇyā mūrtimatyo nareśvara | sarvābharaṇaśobhāḍhyāḥ kuṃbhahastāḥ supūjitāḥ
Sanskrit only: no published translation is held for this verse.
प्रयागः पुष्करश्चैव अर्घदीर्घो मनोरथा । वाराणसी महापुण्या ब्रह्महत्या व्यपोहिनी
prayāgaḥ puṣkaraścaiva arghadīrgho manorathā | vārāṇasī mahāpuṇyā brahmahatyā vyapohinī
Sanskrit only: no published translation is held for this verse.
द्वारावती प्रभासश्च अवंती नैमिषस्तथा । चंडकश्च महारत्नो महेश्वरकलेश्वरौ
dvārāvatī prabhāsaśca avaṃtī naimiṣastathā | caṃḍakaśca mahāratno maheśvarakaleśvarau
Sanskrit only: no published translation is held for this verse.
कलिंजरो ब्रह्मक्षेत्रं माथुरो मानवाहकः । मायाकांती तथान्यानि दिव्यानि विविधानि च
kaliṃjaro brahmakṣetraṃ māthuro mānavāhakaḥ | māyākāṃtī tathānyāni divyāni vividhāni ca
Sanskrit only: no published translation is held for this verse.
अष्टषष्टिः सुतीर्थानि नदीनां शतकोटयः । गोदावरीमुखाः सर्वा समायातास्तदाज्ञया
aṣṭaṣaṣṭiḥ sutīrthāni nadīnāṃ śatakoṭayaḥ | godāvarīmukhāḥ sarvā samāyātāstadājñayā
Sanskrit only: no published translation is held for this verse.
द्वीपानां तु समस्तानि सुतीर्थानि महांति च । मूर्तिलिंगधराण्येव सहस्राक्षं सुरेश्वरम्
dvīpānāṃ tu samastāni sutīrthāni mahāṃti ca | mūrtiliṃgadharāṇyeva sahasrākṣaṃ sureśvaram
Sanskrit only: no published translation is held for this verse.
समाजग्मुः समस्तानि तदादेशकराणि च । प्रणेमुर्देवदेवेशं नतशीर्षाणि सर्वशः
samājagmuḥ samastāni tadādeśakarāṇi ca | praṇemurdevadeveśaṃ nataśīrṣāṇi sarvaśaḥ
Sanskrit only: no published translation is held for this verse.
सूत उवाच- तैः प्रोक्तं तु महातीर्थैर्देवराजं यशस्विनम् । कस्मात्त्वया समाहूता देवदेव वदस्व नः
sūta uvāca- taiḥ proktaṃ tu mahātīrthairdevarājaṃ yaśasvinam | kasmāttvayā samāhūtā devadeva vadasva naḥ
Sanskrit only: no published translation is held for this verse.
ब्रूहि नः कारणं सर्वं नमस्तुभ्यं सुराधिप । एवमाकर्ण्य तद्वाक्यं देवराजोभ्यभाषत
brūhi naḥ kāraṇaṃ sarvaṃ namastubhyaṃ surādhipa | evamākarṇya tadvākyaṃ devarājobhyabhāṣata
Sanskrit only: no published translation is held for this verse.
कः समर्थो महातीर्थो ब्रह्महत्यां व्यपोहितुम् । गोवधाख्यं महापापं स्त्रीवधाख्यमनुत्तमम्
kaḥ samartho mahātīrtho brahmahatyāṃ vyapohitum | govadhākhyaṃ mahāpāpaṃ strīvadhākhyamanuttamam
Sanskrit only: no published translation is held for this verse.
स्वामिद्रोहाच्च संभूतं सुरापानाच्च दारुणम् । हेमस्तेयात्तथा जातं गुरुनिंदा समुद्भवम्
svāmidrohācca saṃbhūtaṃ surāpānācca dāruṇam | hemasteyāttathā jātaṃ guruniṃdā samudbhavam
Sanskrit only: no published translation is held for this verse.
भ्रूणहत्यां महाघोरां नाशयेत्कः समर्थवान् । राजद्रोहान्महापापं बहुपीडाप्रदायकम्
bhrūṇahatyāṃ mahāghorāṃ nāśayetkaḥ samarthavān | rājadrohānmahāpāpaṃ bahupīḍāpradāyakam
Sanskrit only: no published translation is held for this verse.
मित्रद्रोहात्तथा चान्यदन्यद्विश्वासघातकम् । देवभेदं तथा चान्यं लिंगभेदमतः परम्
mitradrohāttathā cānyadanyadviśvāsaghātakam | devabhedaṃ tathā cānyaṃ liṃgabhedamataḥ param
Sanskrit only: no published translation is held for this verse.
वृत्तिच्छेदं च विप्राणां गोप्रचारप्रणाशनम् । आगारदहनं चान्यद्गृहदीपनकं तथा
vṛtticchedaṃ ca viprāṇāṃ gopracārapraṇāśanam | āgāradahanaṃ cānyadgṛhadīpanakaṃ tathā
Sanskrit only: no published translation is held for this verse.
षोडशैते महापापा अगम्यागमनं तथा । स्वामित्यागात्समुद्भूतं रणस्थानात्पलायनात्
ṣoḍaśaite mahāpāpā agamyāgamanaṃ tathā | svāmityāgātsamudbhūtaṃ raṇasthānātpalāyanāt
Sanskrit only: no published translation is held for this verse.
एतानि नाशयेत्को वै समर्थस्तीर्थउत्तमः । समर्थो भवतां मध्ये प्रायश्चित्तं विना ध्रुवम्
etāni nāśayetko vai samarthastīrthauttamaḥ | samartho bhavatāṃ madhye prāyaścittaṃ vinā dhruvam
Sanskrit only: no published translation is held for this verse.
पश्यतां देवतानां च नारदस्य च पश्यतः । ब्रुवंतु सर्वे संचिंत्य विचार्यैवं सुनिश्चितम्
paśyatāṃ devatānāṃ ca nāradasya ca paśyataḥ | bruvaṃtu sarve saṃciṃtya vicāryaivaṃ suniścitam
Sanskrit only: no published translation is held for this verse.
एवमुक्ते शुभे वाक्ये देवराज्ञामहात्मना । संमंत्र्य तीर्थराजेन प्रोचुः शक्रं सभागतम्
evamukte śubhe vākye devarājñāmahātmanā | saṃmaṃtrya tīrtharājena procuḥ śakraṃ sabhāgatam
Sanskrit only: no published translation is held for this verse.
तीर्थान्यूचुः - श्रूयतामभिधास्यामो देवराज नमोस्तु ते । संति वै सर्वतीर्थानि सर्वपापहराणि च
tīrthānyūcuḥ - śrūyatāmabhidhāsyāmo devarāja namostu te | saṃti vai sarvatīrthāni sarvapāpaharāṇi ca
Sanskrit only: no published translation is held for this verse.
ब्रह्महत्यादिकान्यांश्च त्वया प्रोक्तान्सुरेश्वर । महाघोरान्सुदीप्तांश्च नाशितुं नैव शक्नुमः
brahmahatyādikānyāṃśca tvayā proktānsureśvara | mahāghorānsudīptāṃśca nāśituṃ naiva śaknumaḥ
Sanskrit only: no published translation is held for this verse.
प्रयागः पुष्करश्चैव अर्घतीर्थमनुत्तमम् । वाराणसी महाभाग समर्था पापनाशिनी
prayāgaḥ puṣkaraścaiva arghatīrthamanuttamam | vārāṇasī mahābhāga samarthā pāpanāśinī
Sanskrit only: no published translation is held for this verse.
महापातकनाशार्थे चत्वारोमितविक्रमाः । उपपातकनाशार्थं चत्वारोमितविक्रमाः
mahāpātakanāśārthe catvāromitavikramāḥ | upapātakanāśārthaṃ catvāromitavikramāḥ
Sanskrit only: no published translation is held for this verse.
सृष्टा धात्रा च देवेंद्र पुष्कराद्या महाबलाः । एवमाकर्ण्य तद्वाक्यं तीर्थानां सुरराट् ततः
sṛṣṭā dhātrā ca deveṃdra puṣkarādyā mahābalāḥ | evamākarṇya tadvākyaṃ tīrthānāṃ surarāṭ tataḥ
Sanskrit only: no published translation is held for this verse.
हर्षेण महताविष्टस्तेषां स्तोत्रं चकार सः
harṣeṇa mahatāviṣṭasteṣāṃ stotraṃ cakāra saḥ
Sanskrit only: no published translation is held for this verse.
इति श्रीपद्मपुराणे भूमिखंडे वेनोपाख्याने गुरुतीर्थमाहात्म्ये । च्यवनचरित्रे नवतितमोऽध्यायः
iti śrīpadmapurāṇe bhūmikhaṃḍe venopākhyāne gurutīrthamāhātmye | cyavanacaritre navatitamo'dhyāyaḥ
Sanskrit only: no published translation is held for this verse.