Padma Purāṇa 2.92

कुंजल उवाच- कालंजरं समासाद्य निवसंति सुदुःखिताः । महापापैस्तु संदग्धा हाहाभूता विचेतनाः

kuṃjala uvāca- kālaṃjaraṃ samāsādya nivasaṃti suduḥkhitāḥ | mahāpāpaistu saṃdagdhā hāhābhūtā vicetanāḥ

Sanskrit only: no published translation is held for this verse.

तत्र कश्चित्समायातःसिद्धश्चैव महायशाः । तेन पृष्टाः सुदुःखार्ता भवंतः केन दुःखिताः

tatra kaścitsamāyātaḥsiddhaścaiva mahāyaśāḥ | tena pṛṣṭāḥ suduḥkhārtā bhavaṃtaḥ kena duḥkhitāḥ

Sanskrit only: no published translation is held for this verse.

स तैः प्रोक्तो महाप्राज्ञः सर्वज्ञानविशारदः । तेषां ज्ञात्वा महापापं कृपां चक्रे सुपुण्यभाक्

sa taiḥ prokto mahāprājñaḥ sarvajñānaviśāradaḥ | teṣāṃ jñātvā mahāpāpaṃ kṛpāṃ cakre supuṇyabhāk

Sanskrit only: no published translation is held for this verse.

सिद्ध उवाच- अमासोमसमायोगे प्रयागः पुष्करश्च यः । अर्घतीर्थं तृतीयं तु वाराणसी चतुर्थका

siddha uvāca- amāsomasamāyoge prayāgaḥ puṣkaraśca yaḥ | arghatīrthaṃ tṛtīyaṃ tu vārāṇasī caturthakā

Sanskrit only: no published translation is held for this verse.

गच्छंतु तत्र वै यूयं चत्वारः पातकाविलाः । गंगांभसि यदा स्नातास्तदा मुक्ता भविष्यथ

gacchaṃtu tatra vai yūyaṃ catvāraḥ pātakāvilāḥ | gaṃgāṃbhasi yadā snātāstadā muktā bhaviṣyatha

Sanskrit only: no published translation is held for this verse.

पातकेभ्यो न संदेहो निर्मलत्वं गमिष्यथ । आदिष्टास्तेन वै सर्वे प्रणेमुस्तं प्रयत्नतः

pātakebhyo na saṃdeho nirmalatvaṃ gamiṣyatha | ādiṣṭāstena vai sarve praṇemustaṃ prayatnataḥ

Sanskrit only: no published translation is held for this verse.

कालंजरात्ततो जग्मुः सत्वरं पापपीडिताः । वाराणसीं समासाद्य स्नात्वा चै वद्विजोत्तमाः

kālaṃjarāttato jagmuḥ satvaraṃ pāpapīḍitāḥ | vārāṇasīṃ samāsādya snātvā cai vadvijottamāḥ

Sanskrit only: no published translation is held for this verse.

प्रयागं पुष्करं चैव अर्घतीर्थं तु सत्तम । अमासोमं सुसंप्राप्य जग्मुस्ते च महापुरीम्

prayāgaṃ puṣkaraṃ caiva arghatīrthaṃ tu sattama | amāsomaṃ susaṃprāpya jagmuste ca mahāpurīm

Sanskrit only: no published translation is held for this verse.

विदुरश्चंद्रशर्मा च वेदशर्मा तृतीयकः । वैश्यो वंजुलकश्चैव सुरापः पापचेतनः

viduraścaṃdraśarmā ca vedaśarmā tṛtīyakaḥ | vaiśyo vaṃjulakaścaiva surāpaḥ pāpacetanaḥ

Sanskrit only: no published translation is held for this verse.

तस्मिन्पर्वणि संप्राप्ते स्नाता गंगांभसि द्विज । स्नानमात्रेण मुक्तास्तु गोवधाद्यैश्च किल्बिषैः

tasminparvaṇi saṃprāpte snātā gaṃgāṃbhasi dvija | snānamātreṇa muktāstu govadhādyaiśca kilbiṣaiḥ

Sanskrit only: no published translation is held for this verse.

ब्रह्महत्या गुरुहत्या सुरापानादि पातकैः । लिप्तानि तानि तीर्थानि परिभ्रमंति मेदिनीम्

brahmahatyā guruhatyā surāpānādi pātakaiḥ | liptāni tāni tīrthāni paribhramaṃti medinīm

Sanskrit only: no published translation is held for this verse.

पुष्करो अर्धतीर्थस्तु प्रयागः पापनाशनः । वाराणसी चतुर्थी तु लिप्ता पापैर्द्विजोत्तम

puṣkaro ardhatīrthastu prayāgaḥ pāpanāśanaḥ | vārāṇasī caturthī tu liptā pāpairdvijottama

Sanskrit only: no published translation is held for this verse.

कृष्णत्वं पेदिरे सर्वे हंसरूपेण बभ्रमुः । सर्वेष्वेव सुतीर्थेषु स्नानं चक्रुर्द्विजोत्तमाः

kṛṣṇatvaṃ pedire sarve haṃsarūpeṇa babhramuḥ | sarveṣveva sutīrtheṣu snānaṃ cakrurdvijottamāḥ

Sanskrit only: no published translation is held for this verse.

कृष्णत्वं नैव गच्छेत तेषां पापेन चागतम् । सुतीर्थेषु महाराज स्नाताः सर्वेषु वै पुनः

kṛṣṇatvaṃ naiva gaccheta teṣāṃ pāpena cāgatam | sutīrtheṣu mahārāja snātāḥ sarveṣu vai punaḥ

Sanskrit only: no published translation is held for this verse.

यं यं तीर्थं प्रयांत्येते सर्वे तीर्था द्विजोत्तम । हंसरूपेण वै यांति तैः सार्द्धं तु सुदुःखिताः

yaṃ yaṃ tīrthaṃ prayāṃtyete sarve tīrthā dvijottama | haṃsarūpeṇa vai yāṃti taiḥ sārddhaṃ tu suduḥkhitāḥ

Sanskrit only: no published translation is held for this verse.

भार्याः पातकरूपाश्च भ्रमंति परितस्तथा । अष्टषष्टिसु तीर्थानि हंसरूपेण बभ्रमुः

bhāryāḥ pātakarūpāśca bhramaṃti paritastathā | aṣṭaṣaṣṭisu tīrthāni haṃsarūpeṇa babhramuḥ

Sanskrit only: no published translation is held for this verse.

तैः सार्द्धं सु महाराज महातीर्थैः समं पुनः । मानसं चागतास्ते च पातकाकुलमानसाः

taiḥ sārddhaṃ su mahārāja mahātīrthaiḥ samaṃ punaḥ | mānasaṃ cāgatāste ca pātakākulamānasāḥ

Sanskrit only: no published translation is held for this verse.

तत्र स्नाता महाराज न जहाति च पातकः । लज्जयाविष्टमनसा मानसो हंसरूपधृक्

tatra snātā mahārāja na jahāti ca pātakaḥ | lajjayāviṣṭamanasā mānaso haṃsarūpadhṛk

Sanskrit only: no published translation is held for this verse.

संजातः कृष्णकायस्तु यं त्वं वै दृष्टवान्पुरा । रेवातीरं ततो जग्मुरुत्तरं पापनाशनम्

saṃjātaḥ kṛṣṇakāyastu yaṃ tvaṃ vai dṛṣṭavānpurā | revātīraṃ tato jagmuruttaraṃ pāpanāśanam

Sanskrit only: no published translation is held for this verse.

कुब्जायाः संगमे ते तु सुरसिद्धनिषेविते । स्नानमात्रेण मुक्तास्ते पापेभ्यो द्विजसत्तम

kubjāyāḥ saṃgame te tu surasiddhaniṣevite | snānamātreṇa muktāste pāpebhyo dvijasattama

Sanskrit only: no published translation is held for this verse.

विहाय वर्णमेवैतं सुकृतं प्रतिजग्मिरे । यं यं तीर्थं प्रयांत्येते हंसाः स्नानं प्रचक्रमुः

vihāya varṇamevaitaṃ sukṛtaṃ pratijagmire | yaṃ yaṃ tīrthaṃ prayāṃtyete haṃsāḥ snānaṃ pracakramuḥ

Sanskrit only: no published translation is held for this verse.

जहसुस्ताः स्त्रियो दृष्ट्वा पातकं नैव गच्छति । तोयानलेन कुब्जायाः पातकं वरमेव च

jahasustāḥ striyo dṛṣṭvā pātakaṃ naiva gacchati | toyānalena kubjāyāḥ pātakaṃ varameva ca

Sanskrit only: no published translation is held for this verse.

भस्मावशेषं संजातं तदा मृतास्तु ताः स्त्रियः । ब्रह्महत्या गुरोर्हत्या सुरापानागमागमाः

bhasmāvaśeṣaṃ saṃjātaṃ tadā mṛtāstu tāḥ striyaḥ | brahmahatyā gurorhatyā surāpānāgamāgamāḥ

Sanskrit only: no published translation is held for this verse.

भस्मीभूतास्तु संजाता रेवायाः कुब्जया हताः । तास्तु हता महाभाग या मृतास्तु सरित्तटे

bhasmībhūtāstu saṃjātā revāyāḥ kubjayā hatāḥ | tāstu hatā mahābhāga yā mṛtāstu sarittaṭe

Sanskrit only: no published translation is held for this verse.

अष्टषष्टि सुतीर्थानां हंसरूपेण तानि तु । सार्द्धं हंसः समायातो विद्धि तं त्वं तु मानसम्

aṣṭaṣaṣṭi sutīrthānāṃ haṃsarūpeṇa tāni tu | sārddhaṃ haṃsaḥ samāyāto viddhi taṃ tvaṃ tu mānasam

Sanskrit only: no published translation is held for this verse.

चत्वारः कृष्णहंसाश्च तेषां नामानि मे शृणु । प्रयागः पुष्करश्चैव अर्घतीर्थमनुत्तमम्

catvāraḥ kṛṣṇahaṃsāśca teṣāṃ nāmāni me śṛṇu | prayāgaḥ puṣkaraścaiva arghatīrthamanuttamam

Sanskrit only: no published translation is held for this verse.

वाराणसी चतुर्थी च चत्वारः पापनाशनाः । ब्रह्महत्याभिभूतानि चत्वारि परिबभ्रमुः

vārāṇasī caturthī ca catvāraḥ pāpanāśanāḥ | brahmahatyābhibhūtāni catvāri paribabhramuḥ

Sanskrit only: no published translation is held for this verse.

तीर्थान्येतानि दुःखेन तीर्थेषु च महामते । न गतं पातकं घोरं तेषां तु भ्रमतां सुत

tīrthānyetāni duḥkhena tīrtheṣu ca mahāmate | na gataṃ pātakaṃ ghoraṃ teṣāṃ tu bhramatāṃ suta

Sanskrit only: no published translation is held for this verse.

कुब्जायाः संगमे शुद्धा विमुक्ताः किल्बिषात्किल । तीर्थानामेव सर्वेषां पुण्यानामिह संमतः

kubjāyāḥ saṃgame śuddhā vimuktāḥ kilbiṣātkila | tīrthānāmeva sarveṣāṃ puṇyānāmiha saṃmataḥ

Sanskrit only: no published translation is held for this verse.

राजा प्रयागः संजात इंद्रस्य पुरतः किल । तावद्गर्जंतु तीर्थानि यावद्रेवा न दृश्यते

rājā prayāgaḥ saṃjāta iṃdrasya purataḥ kila | tāvadgarjaṃtu tīrthāni yāvadrevā na dṛśyate

Sanskrit only: no published translation is held for this verse.

ब्रह्महत्यादि पापानां विनाशाय प्रतिष्ठिता । कपिलासंगमे पुण्ये रेवायाः संगमे तथा

brahmahatyādi pāpānāṃ vināśāya pratiṣṭhitā | kapilāsaṃgame puṇye revāyāḥ saṃgame tathā

Sanskrit only: no published translation is held for this verse.

मेघनादसमायोगे तथा चैवोरुसंगमे । महापुण्या महाधन्या रेवा सर्वत्रदुर्लभा

meghanādasamāyoge tathā caivorusaṃgame | mahāpuṇyā mahādhanyā revā sarvatradurlabhā

Sanskrit only: no published translation is held for this verse.

सा च ॐकारे भृगुक्षेत्रे नर्मदाकुब्जसंगमे । दुःप्राप्या मानवै रेवा माहिष्मत्यां सुरोत्तमैः

sā ca oṃkāre bhṛgukṣetre narmadākubjasaṃgame | duḥprāpyā mānavai revā māhiṣmatyāṃ surottamaiḥ

Sanskrit only: no published translation is held for this verse.

विटंकासंगमे पुण्या श्रीकंठे मंगलेश्वरे । सर्वत्र दुर्लभा रेवा सुरपुण्यसमाकुला

viṭaṃkāsaṃgame puṇyā śrīkaṃṭhe maṃgaleśvare | sarvatra durlabhā revā surapuṇyasamākulā

Sanskrit only: no published translation is held for this verse.

तीर्थमाता महादेवी अघराशिविनाशिनी । उभयोः कूलयोर्मध्ये यत्र तत्र सुखी नरः

tīrthamātā mahādevī agharāśivināśinī | ubhayoḥ kūlayormadhye yatra tatra sukhī naraḥ

Sanskrit only: no published translation is held for this verse.

अश्वमेधफलं भुंक्ते स्नानेनैकेन मानवः । एतत्ते सर्वमाख्यातं यत्त्वया परिपृच्छितम्

aśvamedhaphalaṃ bhuṃkte snānenaikena mānavaḥ | etatte sarvamākhyātaṃ yattvayā paripṛcchitam

Sanskrit only: no published translation is held for this verse.

सर्वपापापहं पुण्यं गतिदं चापिशृण्वताम् । एवमुक्त्वा महाप्राज्ञ तृतीयं पुत्रमब्रवीत्

sarvapāpāpahaṃ puṇyaṃ gatidaṃ cāpiśṛṇvatām | evamuktvā mahāprājña tṛtīyaṃ putramabravīt

Sanskrit only: no published translation is held for this verse.

इति श्रीपद्मपुराणे भूमिखंडे वेनोपाख्याने गुरुतीर्थे च्यवनचरित्रे द्विनवतितमोऽध्यायः

iti śrīpadmapurāṇe bhūmikhaṃḍe venopākhyāne gurutīrthe cyavanacaritre dvinavatitamo'dhyāyaḥ

Sanskrit only: no published translation is held for this verse.