Library·Padma Purāṇa·2·2.94
कुंजल उवाच- श्रूयतामभिधास्यामि तत्सर्वं कारणं सुत । यस्मात्तौ तादृशौ जातौ स्वमांसपरिभक्षकौ
kuṃjala uvāca- śrūyatāmabhidhāsyāmi tatsarvaṃ kāraṇaṃ suta | yasmāttau tādṛśau jātau svamāṃsaparibhakṣakau
Sanskrit only: no published translation is held for this verse.
सर्वत्र कारणं कर्म शुभाशुभं न संशयः । पुण्येन कर्मणा पुत्र नरः सौख्यं प्रभुंजति
sarvatra kāraṇaṃ karma śubhāśubhaṃ na saṃśayaḥ | puṇyena karmaṇā putra naraḥ saukhyaṃ prabhuṃjati
Sanskrit only: no published translation is held for this verse.
दुष्कृतं भुंजते चात्र पापयुक्तेन कर्मणा । सूक्ष्मवर्त्मविचार्यैवं शास्त्रज्ञानेन चक्षुषा
duṣkṛtaṃ bhuṃjate cātra pāpayuktena karmaṇā | sūkṣmavartmavicāryaivaṃ śāstrajñānena cakṣuṣā
Sanskrit only: no published translation is held for this verse.
स्थूलधर्मं प्रदृष्ट्वैव सुविचार्य पुनः पुनः । समारभेन्नरः कर्म मनसा निपुणेन च
sthūladharmaṃ pradṛṣṭvaiva suvicārya punaḥ punaḥ | samārabhennaraḥ karma manasā nipuṇena ca
Sanskrit only: no published translation is held for this verse.
समूर्तिकारकः शिल्पी रसमावर्त्तयेद्यथा । अग्नेश्च तेजसा पुत्र ज्वालाभिश्च समंततः
samūrtikārakaḥ śilpī rasamāvarttayedyathā | agneśca tejasā putra jvālābhiśca samaṃtataḥ
Sanskrit only: no published translation is held for this verse.
द्रवीभूतो भवेद्धातुर्वह्निना तापितः शनैः । यादृशं वत्स भक्ष्यंतु रसपक्वं निषेच्यते
dravībhūto bhaveddhāturvahninā tāpitaḥ śanaiḥ | yādṛśaṃ vatsa bhakṣyaṃtu rasapakvaṃ niṣecyate
Sanskrit only: no published translation is held for this verse.
तादृशं जायते वत्स रूपं चैव न संशयः । यादृशं क्रियते कर्म तादृशं परिभुज्यते
tādṛśaṃ jāyate vatsa rūpaṃ caiva na saṃśayaḥ | yādṛśaṃ kriyate karma tādṛśaṃ paribhujyate
Sanskrit only: no published translation is held for this verse.
कर्म एव प्रधानं यद्वर्षारूपेण वर्त्तते । क्षेत्रेषु यादृशं बीजं वपते कृषिकारकः
karma eva pradhānaṃ yadvarṣārūpeṇa varttate | kṣetreṣu yādṛśaṃ bījaṃ vapate kṛṣikārakaḥ
Sanskrit only: no published translation is held for this verse.
तादृशं भुंजते तात फलमेव न संशयः । यादृशं क्रियते कर्म तादृशं परिभुज्यते
tādṛśaṃ bhuṃjate tāta phalameva na saṃśayaḥ | yādṛśaṃ kriyate karma tādṛśaṃ paribhujyate
Sanskrit only: no published translation is held for this verse.
विनाशहेतुः कर्मास्य सर्वे कर्मवशा वयम् । कर्म दायादका लोके कर्म संबंधिबांधवाः
vināśahetuḥ karmāsya sarve karmavaśā vayam | karma dāyādakā loke karma saṃbaṃdhibāṃdhavāḥ
Sanskrit only: no published translation is held for this verse.
कर्माणि चोदयंतीह पुरुषं सुखदुःखयोः । सुवर्णं रजतं वापि यथारूपं निषिच्यते
karmāṇi codayaṃtīha puruṣaṃ sukhaduḥkhayoḥ | suvarṇaṃ rajataṃ vāpi yathārūpaṃ niṣicyate
Sanskrit only: no published translation is held for this verse.
तथा निषिच्यते जंतुः पूर्वकर्मवशानुगः । पंचैतानीह दृश्यंते गर्भस्थस्यैव देहिनः
tathā niṣicyate jaṃtuḥ pūrvakarmavaśānugaḥ | paṃcaitānīha dṛśyaṃte garbhasthasyaiva dehinaḥ
Sanskrit only: no published translation is held for this verse.
आयुः कर्म च वित्तं च विद्यानि धनमेव च । यथा मृत्पिंडकं कर्त्ता कुरुते यद्यदिच्छति
āyuḥ karma ca vittaṃ ca vidyāni dhanameva ca | yathā mṛtpiṃḍakaṃ karttā kurute yadyadicchati
Sanskrit only: no published translation is held for this verse.
तथा कर्मकृतं चैव कर्त्तारं प्रतिपद्यते । देवत्वमथ मानुष्यं पशुत्वं पक्षितां तथा
tathā karmakṛtaṃ caiva karttāraṃ pratipadyate | devatvamatha mānuṣyaṃ paśutvaṃ pakṣitāṃ tathā
Sanskrit only: no published translation is held for this verse.
तिर्यक्त्वं स्थावरत्वं वा याति जंतुः स्वकर्मभिः । स एव तु तथा भुंक्ते नित्यं विहितमात्मनः
tiryaktvaṃ sthāvaratvaṃ vā yāti jaṃtuḥ svakarmabhiḥ | sa eva tu tathā bhuṃkte nityaṃ vihitamātmanaḥ
Sanskrit only: no published translation is held for this verse.
आत्मना विहितं दुःखमात्मना विहितं सुखम् । गर्भशय्यामुपादाय भुंजते पूर्वदेहिकम्
ātmanā vihitaṃ duḥkhamātmanā vihitaṃ sukham | garbhaśayyāmupādāya bhuṃjate pūrvadehikam
Sanskrit only: no published translation is held for this verse.
पूर्वदेहकृतं कर्म न कश्चित्पुरुषोत्तमः । बलेन प्रज्ञया वापि समर्थः कर्तुमन्यथा
pūrvadehakṛtaṃ karma na kaścitpuruṣottamaḥ | balena prajñayā vāpi samarthaḥ kartumanyathā
Sanskrit only: no published translation is held for this verse.
स्वकृतान्येव भुंजंति दुःखानि च सुखानि च । हेतुतः कारणैर्वापि सोहं कारेण बाध्यते
svakṛtānyeva bhuṃjaṃti duḥkhāni ca sukhāni ca | hetutaḥ kāraṇairvāpi sohaṃ kāreṇa bādhyate
Sanskrit only: no published translation is held for this verse.
यथा धेनुसहस्रेषु वत्सो विंदति मातरम् । तद्वच्छुभाशुभं कर्म कर्तारमनुगच्छति
yathā dhenusahasreṣu vatso viṃdati mātaram | tadvacchubhāśubhaṃ karma kartāramanugacchati
Sanskrit only: no published translation is held for this verse.
उपभोगादृते यस्य नाश एव न विद्यते । प्राक्तनं बंधनं कर्म कोन्यथाकर्तुमर्हति
upabhogādṛte yasya nāśa eva na vidyate | prāktanaṃ baṃdhanaṃ karma konyathākartumarhati
Sanskrit only: no published translation is held for this verse.
सुशीघ्रमनुधावंतं विधानमनुधावति । शोभते संनिपातेन यथाकर्म पुराकृतम्
suśīghramanudhāvaṃtaṃ vidhānamanudhāvati | śobhate saṃnipātena yathākarma purākṛtam
Sanskrit only: no published translation is held for this verse.
उपतिष्ठति तिष्ठंतं गच्छं तमनुगच्छति । करोति कुर्वतः कर्मच्छायेवानु विधीयते
upatiṣṭhati tiṣṭhaṃtaṃ gacchaṃ tamanugacchati | karoti kurvataḥ karmacchāyevānu vidhīyate
Sanskrit only: no published translation is held for this verse.
यथा छायातपौ नित्यं सुसंबद्धौ परस्परम् । उपसर्गा हि विषया उपसर्गा जरादयः
yathā chāyātapau nityaṃ susaṃbaddhau parasparam | upasargā hi viṣayā upasargā jarādayaḥ
Sanskrit only: no published translation is held for this verse.
पीडयंति नरं पश्चात्पीडितं पूर्वकर्मणा । येन यत्रोपभोक्तव्यं दुःखं वा सुखमेव च
pīḍayaṃti naraṃ paścātpīḍitaṃ pūrvakarmaṇā | yena yatropabhoktavyaṃ duḥkhaṃ vā sukhameva ca
Sanskrit only: no published translation is held for this verse.
स तत्र बद्ध्वा रज्ज्वेव बलाद्दैवेन नीयते । दैवं प्राहुश्च भूतानां सुखदुःखोपपादनम्
sa tatra baddhvā rajjveva balāddaivena nīyate | daivaṃ prāhuśca bhūtānāṃ sukhaduḥkhopapādanam
Sanskrit only: no published translation is held for this verse.
अन्यथा कर्मतच्चिंत्यं जाग्रतः स्वपतोपि वा । अन्यथा ह्युद्यते दैवं बध्यते च जिघांसति
anyathā karmatacciṃtyaṃ jāgrataḥ svapatopi vā | anyathā hyudyate daivaṃ badhyate ca jighāṃsati
Sanskrit only: no published translation is held for this verse.
शस्त्राग्निविषदुर्गेभ्यो रक्षितव्यं सुरक्षति । यथा पृथिव्यां बीजानि वृक्षगुल्मतृणान्यपि
śastrāgniviṣadurgebhyo rakṣitavyaṃ surakṣati | yathā pṛthivyāṃ bījāni vṛkṣagulmatṛṇānyapi
Sanskrit only: no published translation is held for this verse.
कर्मक्षयात्तथा जंतोः शरीरं नाशमृच्छति । कर्मक्षयात्तथा मृत्युस्तत्त्वविद्भिरुदाहृतम्
karmakṣayāttathā jaṃtoḥ śarīraṃ nāśamṛcchati | karmakṣayāttathā mṛtyustattvavidbhirudāhṛtam
Sanskrit only: no published translation is held for this verse.
विविधाः प्राणिनां रोगाः स्मृतास्तेषां च हेतवः । तस्मात्तत्त्वप्रधानस्तु कर्म एव हि प्राणिनाम्
vividhāḥ prāṇināṃ rogāḥ smṛtāsteṣāṃ ca hetavaḥ | tasmāttattvapradhānastu karma eva hi prāṇinām
Sanskrit only: no published translation is held for this verse.
यत्पुरा क्रियते कर्म तदिहैव प्रभुज्यते । यत्त्वया दृष्टमेवापि पृच्छितं तात सांप्रतम्
yatpurā kriyate karma tadihaiva prabhujyate | yattvayā dṛṣṭamevāpi pṛcchitaṃ tāta sāṃpratam
Sanskrit only: no published translation is held for this verse.
तस्यार्थं तु मया प्रोक्तं भुंजाते तौ हि सांप्रतम् । आनंदे कानने दृष्टं तयोः कर्मसुदारुणम्
tasyārthaṃ tu mayā proktaṃ bhuṃjāte tau hi sāṃpratam | ānaṃde kānane dṛṣṭaṃ tayoḥ karmasudāruṇam
Sanskrit only: no published translation is held for this verse.
तयोश्चेष्टां प्रवक्ष्यामि शृणु वत्स प्रभाषतः । कर्मभूमिरियं तात अन्या भोगार्थभूमयः
tayośceṣṭāṃ pravakṣyāmi śṛṇu vatsa prabhāṣataḥ | karmabhūmiriyaṃ tāta anyā bhogārthabhūmayaḥ
Sanskrit only: no published translation is held for this verse.
सर्गादीनां महाप्राज्ञ तासु गत्वा सुभुंजति । सूत उवाच- चौलदेशे महाप्राज्ञः सुबाहुर्नाम भूमिपः
sargādīnāṃ mahāprājña tāsu gatvā subhuṃjati | sūta uvāca- cauladeśe mahāprājñaḥ subāhurnāma bhūmipaḥ
Sanskrit only: no published translation is held for this verse.
रूपवान्गुणवान्धीरः पृथिव्यां नास्ति तादृशः । विष्णुभक्तो महाप्राज्ञो वैष्णवानां च सुप्रियः
rūpavānguṇavāndhīraḥ pṛthivyāṃ nāsti tādṛśaḥ | viṣṇubhakto mahāprājño vaiṣṇavānāṃ ca supriyaḥ
Sanskrit only: no published translation is held for this verse.
कर्मणा त्रिविधेनापि प्रध्यायन्मधुसूदनम् । अश्वमेधादिकान्यज्ञान्यजेत सकलान्नृप
karmaṇā trividhenāpi pradhyāyanmadhusūdanam | aśvamedhādikānyajñānyajeta sakalānnṛpa
Sanskrit only: no published translation is held for this verse.
पुरोधास्तस्य चैवास्ति जैमिनिर्नाम ब्राह्मणः । स चाहूय सुबाहुं तमिदं वचनमब्रवीत्
purodhāstasya caivāsti jaiminirnāma brāhmaṇaḥ | sa cāhūya subāhuṃ tamidaṃ vacanamabravīt
Sanskrit only: no published translation is held for this verse.
राजन्देहि सुदानानि यैः सुखं तु प्रभुंज्यत । दानैस्तु तरते लोकान्दुर्गान्प्रेत्य गतो नरः
rājandehi sudānāni yaiḥ sukhaṃ tu prabhuṃjyata | dānaistu tarate lokāndurgānpretya gato naraḥ
Sanskrit only: no published translation is held for this verse.
दानेन सुखमाप्नोति यशः प्राप्नोति शाश्वतम् । दानेन चातुला कीर्तिर्जायते मृत्युमंडले
dānena sukhamāpnoti yaśaḥ prāpnoti śāśvatam | dānena cātulā kīrtirjāyate mṛtyumaṃḍale
Sanskrit only: no published translation is held for this verse.
यावत्कीर्तिः स्थिता चात्र तावत्कर्ता दिवं वसेत् । तद्दानं दुष्करं प्राहुर्दातुं नैव प्रशक्यते
yāvatkīrtiḥ sthitā cātra tāvatkartā divaṃ vaset | taddānaṃ duṣkaraṃ prāhurdātuṃ naiva praśakyate
Sanskrit only: no published translation is held for this verse.
तस्मात्सर्वप्रयत्नेन दातव्यं मानवैः सदा । सुबाहुरुवाच- दानाच्च तपसो वापि द्वयोर्मध्ये सुदुष्करम्
tasmātsarvaprayatnena dātavyaṃ mānavaiḥ sadā | subāhuruvāca- dānācca tapaso vāpi dvayormadhye suduṣkaram
Sanskrit only: no published translation is held for this verse.
किं वा महत्फलं प्रेत्य तन्मे ब्रूहि द्विजोत्तम । जैमिनिरुवाच- दानान्न दुष्करतरं पृथिव्यामस्ति किंचन
kiṃ vā mahatphalaṃ pretya tanme brūhi dvijottama | jaiminiruvāca- dānānna duṣkarataraṃ pṛthivyāmasti kiṃcana
Sanskrit only: no published translation is held for this verse.
राजन्प्रत्यक्षमेवैकं दृश्यते लोकसाक्षिकम् । परित्यज्य प्रियान्प्राणान्धनार्थं लोभमोहिताः
rājanpratyakṣamevaikaṃ dṛśyate lokasākṣikam | parityajya priyānprāṇāndhanārthaṃ lobhamohitāḥ
Sanskrit only: no published translation is held for this verse.
प्रविशंति नरा लोके समुद्रमटवीं तथा । सेवामन्ये प्रपद्यंतेऽश्ववृत्तिरिति या स्थिता
praviśaṃti narā loke samudramaṭavīṃ tathā | sevāmanye prapadyaṃte'śvavṛttiriti yā sthitā
Sanskrit only: no published translation is held for this verse.
हिंसाप्रायां बहुक्लेशां कृषिं चैव तथा पुरा । तस्य दुःखार्जितस्यापि प्राणेभ्योपि गरीयसः
hiṃsāprāyāṃ bahukleśāṃ kṛṣiṃ caiva tathā purā | tasya duḥkhārjitasyāpi prāṇebhyopi garīyasaḥ
Sanskrit only: no published translation is held for this verse.
अर्थस्य पुरुषव्याघ्र परित्यागः सुदुष्करः । विशेषतो महाराज तस्य न्यायार्जितस्य च
arthasya puruṣavyāghra parityāgaḥ suduṣkaraḥ | viśeṣato mahārāja tasya nyāyārjitasya ca
Sanskrit only: no published translation is held for this verse.
श्रद्धया विधिवत्पात्रे दत्तस्यांतो न विद्यते । श्रद्धा धर्मसुता देवी पावनी विश्वतारिणी
śraddhayā vidhivatpātre dattasyāṃto na vidyate | śraddhā dharmasutā devī pāvanī viśvatāriṇī
Sanskrit only: no published translation is held for this verse.
सावित्री प्रसवित्री च संसारार्णवतारिणी । श्रद्धया साध्यते धर्मो महद्भिर्न्नार्थराशिभिः
sāvitrī prasavitrī ca saṃsārārṇavatāriṇī | śraddhayā sādhyate dharmo mahadbhirnnārtharāśibhiḥ
Sanskrit only: no published translation is held for this verse.
निष्किंचनास्तु मुनयः श्रद्धाधर्मा दिवं गताः । संति दानान्यनेकानि नानाभेदैर्नृपोत्तम
niṣkiṃcanāstu munayaḥ śraddhādharmā divaṃ gatāḥ | saṃti dānānyanekāni nānābhedairnṛpottama
Sanskrit only: no published translation is held for this verse.
अन्नदानात्परं नास्ति प्राणिनां गतिदायकम् । तस्मादन्नं प्रदातव्यं पयसा च समन्वितम्
annadānātparaṃ nāsti prāṇināṃ gatidāyakam | tasmādannaṃ pradātavyaṃ payasā ca samanvitam
Sanskrit only: no published translation is held for this verse.
मधुरेणापि पुण्येन वचसा च समन्वितम् । नास्त्यन्नात्तु परं दानमिहलोके परत्र च
madhureṇāpi puṇyena vacasā ca samanvitam | nāstyannāttu paraṃ dānamihaloke paratra ca
Sanskrit only: no published translation is held for this verse.
तारणाय हितायैव सुखसंपत्तिहेतवे । श्रद्धया विधिवत्पात्रे निर्मलेनापि चेतसा
tāraṇāya hitāyaiva sukhasaṃpattihetave | śraddhayā vidhivatpātre nirmalenāpi cetasā
Sanskrit only: no published translation is held for this verse.
अन्नैकस्य प्रदानस्य फलं भुंक्ते भवेन्नरः । ग्रासाद्ग्रासं प्रदातव्यं मुष्टिप्रस्थं न संशयः
annaikasya pradānasya phalaṃ bhuṃkte bhavennaraḥ | grāsādgrāsaṃ pradātavyaṃ muṣṭiprasthaṃ na saṃśayaḥ
Sanskrit only: no published translation is held for this verse.
अक्षयं जायते तस्य दानस्यापि महाफलम् । न च प्रस्थं न वा मुष्टिं नरस्य हि न संभवेत्
akṣayaṃ jāyate tasya dānasyāpi mahāphalam | na ca prasthaṃ na vā muṣṭiṃ narasya hi na saṃbhavet
Sanskrit only: no published translation is held for this verse.
अनास्तिक्यप्रभावेण पर्वणि प्राप्य मानवः । श्रद्धया ब्राह्मणं चैकं भक्त्या चैव प्रभोजयेत्
anāstikyaprabhāveṇa parvaṇi prāpya mānavaḥ | śraddhayā brāhmaṇaṃ caikaṃ bhaktyā caiva prabhojayet
Sanskrit only: no published translation is held for this verse.
एकस्यापि प्रधानस्य अन्नस्यापि प्रजेश्वर । जन्मांतरं सुसंप्राप्य नित्यं चान्नं प्रभुंजति
ekasyāpi pradhānasya annasyāpi prajeśvara | janmāṃtaraṃ susaṃprāpya nityaṃ cānnaṃ prabhuṃjati
Sanskrit only: no published translation is held for this verse.
पूर्वजन्मनि यद्दत्तं भक्त्या पात्रे सकृन्नरैः । जन्मांतरं सुसंप्राप्य नित्यमेव भुनक्ति च
pūrvajanmani yaddattaṃ bhaktyā pātre sakṛnnaraiḥ | janmāṃtaraṃ susaṃprāpya nityameva bhunakti ca
Sanskrit only: no published translation is held for this verse.
अन्नदानं प्रयच्छंति ब्राह्मणेभ्यो हि नित्यशः । मिष्टान्नपानं भुंजंति ते नरा अन्नदायिनः
annadānaṃ prayacchaṃti brāhmaṇebhyo hi nityaśaḥ | miṣṭānnapānaṃ bhuṃjaṃti te narā annadāyinaḥ
Sanskrit only: no published translation is held for this verse.
अन्नमेव वदंत्येत ऋषयो वेदपारगाः । प्राणभूतं न संदेहममृताद्धि समुद्भवम्
annameva vadaṃtyeta ṛṣayo vedapāragāḥ | prāṇabhūtaṃ na saṃdehamamṛtāddhi samudbhavam
Sanskrit only: no published translation is held for this verse.
प्राणास्तेन प्रदत्ता हि येन चान्नं समर्पितम् । अन्नदानं महाराज देहि त्वं तु प्रयत्नतः
prāṇāstena pradattā hi yena cānnaṃ samarpitam | annadānaṃ mahārāja dehi tvaṃ tu prayatnataḥ
Sanskrit only: no published translation is held for this verse.
एवमाकर्ण्य वै राजा जैमिनेस्तु महात्मनः । पुनः पप्रच्छ तं विप्रं जैमिनिं ज्ञानपंडितम्
evamākarṇya vai rājā jaiminestu mahātmanaḥ | punaḥ papraccha taṃ vipraṃ jaiminiṃ jñānapaṃḍitam
Sanskrit only: no published translation is held for this verse.