Library·Padma Purāṇa·2·2.95
सुबाहुरुवाच- स्वर्गस्य मे गुणान्ब्रूहि सांप्रतं द्विजसत्तम । एतत्सर्वं द्विजश्रेष्ठ करिष्यामि स्वभाविकम्
subāhuruvāca- svargasya me guṇānbrūhi sāṃprataṃ dvijasattama | etatsarvaṃ dvijaśreṣṭha kariṣyāmi svabhāvikam
Sanskrit only: no published translation is held for this verse.
जैमिनिरुवाच- नंदनादीनि रम्याणि दिव्यानि विविधानि च । तत्रोद्यानानि पुण्यानि सर्वकामयुतानि च
jaiminiruvāca- naṃdanādīni ramyāṇi divyāni vividhāni ca | tatrodyānāni puṇyāni sarvakāmayutāni ca
Sanskrit only: no published translation is held for this verse.
सर्वकामफलैर्वृक्षैः शोभनानि समंततः । विमानानि सुदिव्यानि सेवितान्यप्सरोगणैः
sarvakāmaphalairvṛkṣaiḥ śobhanāni samaṃtataḥ | vimānāni sudivyāni sevitānyapsarogaṇaiḥ
Sanskrit only: no published translation is held for this verse.
सर्वत्रैव विचित्राणि कामगानि वशानि च । तरुणादित्यवर्णानि मुक्ताजालांतराणि च
sarvatraiva vicitrāṇi kāmagāni vaśāni ca | taruṇādityavarṇāni muktājālāṃtarāṇi ca
Sanskrit only: no published translation is held for this verse.
चंद्रमंडलशुभ्राणि हेमशय्यासनानि च । सर्वकामसमृद्धाश्च सर्वदुःखविवर्जिताः
caṃdramaṃḍalaśubhrāṇi hemaśayyāsanāni ca | sarvakāmasamṛddhāśca sarvaduḥkhavivarjitāḥ
Sanskrit only: no published translation is held for this verse.
नराः सुकृतिनस्तेषु विचरंति यथा भुवि । न तत्र नास्तिका यांति न स्तेना नाजितेंद्रियाः
narāḥ sukṛtinasteṣu vicaraṃti yathā bhuvi | na tatra nāstikā yāṃti na stenā nājiteṃdriyāḥ
Sanskrit only: no published translation is held for this verse.
न नृशंसा न पिशुना न कृतघ्ना न मानिनः । सत्यास्तपःस्थिताः शूरा दयावंतः क्षमापराः
na nṛśaṃsā na piśunā na kṛtaghnā na māninaḥ | satyāstapaḥsthitāḥ śūrā dayāvaṃtaḥ kṣamāparāḥ
Sanskrit only: no published translation is held for this verse.
यज्वानो दानशीलाश्च तत्र गच्छंति ते नराः । न रोगो न जरामृत्युर्न शोको न हिमातपौ
yajvāno dānaśīlāśca tatra gacchaṃti te narāḥ | na rogo na jarāmṛtyurna śoko na himātapau
Sanskrit only: no published translation is held for this verse.
न तत्र क्षुत्पिपासा च कस्य ग्लानिर्न विद्यते । एते चान्ये च बहवो गुणाः स्वर्गस्य भूपते
na tatra kṣutpipāsā ca kasya glānirna vidyate | ete cānye ca bahavo guṇāḥ svargasya bhūpate
Sanskrit only: no published translation is held for this verse.
दोषास्तत्रैव ये संति ताञ्छृणुष्व च सांप्रतम् । शुभस्य कर्मणः कृत्स्नं फलं तत्रैव भुज्यते
doṣāstatraiva ye saṃti tāñchṛṇuṣva ca sāṃpratam | śubhasya karmaṇaḥ kṛtsnaṃ phalaṃ tatraiva bhujyate
Sanskrit only: no published translation is held for this verse.
न चात्र क्रियते भूयः सोऽत्र दोषो महान्स्मृतः । असंतोषश्च भवति दृष्ट्वा दीप्तां परां श्रियम्
na cātra kriyate bhūyaḥ so'tra doṣo mahānsmṛtaḥ | asaṃtoṣaśca bhavati dṛṣṭvā dīptāṃ parāṃ śriyam
Sanskrit only: no published translation is held for this verse.
सुखव्याप्तमनस्कानां सहसा पतनं तथा । इह यत्क्रियते कर्म फलं तत्रैव भुज्यते
sukhavyāptamanaskānāṃ sahasā patanaṃ tathā | iha yatkriyate karma phalaṃ tatraiva bhujyate
Sanskrit only: no published translation is held for this verse.
कर्मभूमिरियं राजन्फलभूमिरसौ स्मृता । सुबाहुरुवाच- महांतस्तु इमे दोषास्त्वया स्वर्गस्य कीर्तिताः
karmabhūmiriyaṃ rājanphalabhūmirasau smṛtā | subāhuruvāca- mahāṃtastu ime doṣāstvayā svargasya kīrtitāḥ
Sanskrit only: no published translation is held for this verse.
निर्दोषाः शाश्वता येन्ये तांस्त्वं लोकान्वद द्विज । जैमिनिरुवाच- आब्रह्मसदनादेव दोषाः संति च वै नृप
nirdoṣāḥ śāśvatā yenye tāṃstvaṃ lokānvada dvija | jaiminiruvāca- ābrahmasadanādeva doṣāḥ saṃti ca vai nṛpa
Sanskrit only: no published translation is held for this verse.
अतएव हि नेच्छंति स्वर्गप्राप्तिं मनीषिणः । आब्रह्मसदनादूर्ध्वं तद्विष्णोः परमं पदम्
ataeva hi necchaṃti svargaprāptiṃ manīṣiṇaḥ | ābrahmasadanādūrdhvaṃ tadviṣṇoḥ paramaṃ padam
Sanskrit only: no published translation is held for this verse.
शुभं सनातनं ज्योतिः परंब्रह्मेति तद्विदुः । न तत्र मूढा गच्छंति पुरुषा विषयात्मकाः
śubhaṃ sanātanaṃ jyotiḥ paraṃbrahmeti tadviduḥ | na tatra mūḍhā gacchaṃti puruṣā viṣayātmakāḥ
Sanskrit only: no published translation is held for this verse.
दंभमोहभयद्रोह क्रोधलोभैरभिद्रुताः । निर्ममा निरहंकारा निर्द्वंद्वास्संयतेंद्रियाः
daṃbhamohabhayadroha krodhalobhairabhidrutāḥ | nirmamā nirahaṃkārā nirdvaṃdvāssaṃyateṃdriyāḥ
Sanskrit only: no published translation is held for this verse.
ध्यानयोगरताश्चैव तत्र गच्छंति साधवः । एतत्ते सर्वमाख्यातं यन्मां त्वं परिपृच्छसि
dhyānayogaratāścaiva tatra gacchaṃti sādhavaḥ | etatte sarvamākhyātaṃ yanmāṃ tvaṃ paripṛcchasi
Sanskrit only: no published translation is held for this verse.
एवं स्वर्गगुणं श्रुत्वा सुबाहुः पृथिवीपतिः । तमुवाच महात्मानं जैमिनिं वदतांवरम्
evaṃ svargaguṇaṃ śrutvā subāhuḥ pṛthivīpatiḥ | tamuvāca mahātmānaṃ jaiminiṃ vadatāṃvaram
Sanskrit only: no published translation is held for this verse.
सुबाहुरुवाच- नाहं स्वर्गं गमिष्यामि न चैवेच्छाम्यहं मुने । यस्माच्च पतनं प्रोक्तं तत्कर्म न करोम्यहम्
subāhuruvāca- nāhaṃ svargaṃ gamiṣyāmi na caivecchāmyahaṃ mune | yasmācca patanaṃ proktaṃ tatkarma na karomyaham
Sanskrit only: no published translation is held for this verse.
दानमेकं महाभाग नाहं दास्येकदाध्रुवम् । दानाच्च फललोभाच्च तस्मात्पतति वै नरः
dānamekaṃ mahābhāga nāhaṃ dāsyekadādhruvam | dānācca phalalobhācca tasmātpatati vai naraḥ
Sanskrit only: no published translation is held for this verse.
इत्येवमुक्त्वा धर्मात्मा सुबाहुः पृथिवीपतिः । ध्यानयोगेन देवेशं यजिष्ये कमलाप्रियम्
ityevamuktvā dharmātmā subāhuḥ pṛthivīpatiḥ | dhyānayogena deveśaṃ yajiṣye kamalāpriyam
Sanskrit only: no published translation is held for this verse.
दाहप्रलयसंवर्जं विष्णुलोकं व्रजाम्यहम् । जैमिनिरुवाच- सत्यमुक्तं त्वया भूप सर्वश्रेयः समाकुलम्
dāhapralayasaṃvarjaṃ viṣṇulokaṃ vrajāmyaham | jaiminiruvāca- satyamuktaṃ tvayā bhūpa sarvaśreyaḥ samākulam
Sanskrit only: no published translation is held for this verse.
राजानो धर्मशीलाश्च महायज्ञैर्यजंति ते । सर्वदानानि दीयंते यज्ञेषु नृपनंदन
rājāno dharmaśīlāśca mahāyajñairyajaṃti te | sarvadānāni dīyaṃte yajñeṣu nṛpanaṃdana
Sanskrit only: no published translation is held for this verse.
आदावन्नं तु यज्ञेषु वस्त्रं तांबूलमेव च । कांचनं भूमिदानं च गोदानं प्रददंति च
ādāvannaṃ tu yajñeṣu vastraṃ tāṃbūlameva ca | kāṃcanaṃ bhūmidānaṃ ca godānaṃ pradadaṃti ca
Sanskrit only: no published translation is held for this verse.
सुयज्ञैर्वैष्णवं लोकं ते प्रयांति नरोत्तमाः । दानेन तृप्तिमायांति संतुष्टाः संति भूमिपाः
suyajñairvaiṣṇavaṃ lokaṃ te prayāṃti narottamāḥ | dānena tṛptimāyāṃti saṃtuṣṭāḥ saṃti bhūmipāḥ
Sanskrit only: no published translation is held for this verse.
तपस्विनो महात्मानो नित्यमेवं यजंति ते । सुभिक्षां याचयित्वा तु स्वस्थानं तु समागताः
tapasvino mahātmāno nityamevaṃ yajaṃti te | subhikṣāṃ yācayitvā tu svasthānaṃ tu samāgatāḥ
Sanskrit only: no published translation is held for this verse.
भिक्षार्थं तस्य भागानि प्रकुर्वंति च भूपते । ब्राह्मणाय विभागैकं गोग्रासं तु महामते
bhikṣārthaṃ tasya bhāgāni prakurvaṃti ca bhūpate | brāhmaṇāya vibhāgaikaṃ gogrāsaṃ tu mahāmate
Sanskrit only: no published translation is held for this verse.
सुपार्श्ववर्तिनां चैकं प्रयच्छंति तपोधनाः । तस्यान्नस्य प्रदानेन फलं भुंजंति मानवाः
supārśvavartināṃ caikaṃ prayacchaṃti tapodhanāḥ | tasyānnasya pradānena phalaṃ bhuṃjaṃti mānavāḥ
Sanskrit only: no published translation is held for this verse.
क्षुधातृषाविहीनास्ते विष्णुलोकं व्रजंति वै । तस्मात्त्वमपि राजेंद्र देहि न्यायार्जितं धनम्
kṣudhātṛṣāvihīnāste viṣṇulokaṃ vrajaṃti vai | tasmāttvamapi rājeṃdra dehi nyāyārjitaṃ dhanam
Sanskrit only: no published translation is held for this verse.
दानाज्ज्ञानं ततः प्राप्य ज्ञानात्सिद्धिं प्रयास्यति । य इदं शृणुयान्मर्त्यः पुण्याख्यानमनुत्तमम्
dānājjñānaṃ tataḥ prāpya jñānātsiddhiṃ prayāsyati | ya idaṃ śṛṇuyānmartyaḥ puṇyākhyānamanuttamam
Sanskrit only: no published translation is held for this verse.
तस्य सर्वार्थसिद्धिः स्यात्पापं सर्वं विलीयते । विमुक्तः सर्वपापेभ्यो विष्णुलोकं सगच्छति
tasya sarvārthasiddhiḥ syātpāpaṃ sarvaṃ vilīyate | vimuktaḥ sarvapāpebhyo viṣṇulokaṃ sagacchati
Sanskrit only: no published translation is held for this verse.
इति श्रीपद्मपुराणे भूमिखंडे वेनोपाख्याने गुरुतीर्थे च्यवनचरित्रे पंचनवतितमोऽध्यायः
iti śrīpadmapurāṇe bhūmikhaṃḍe venopākhyāne gurutīrthe cyavanacaritre paṃcanavatitamo'dhyāyaḥ
Sanskrit only: no published translation is held for this verse.