Library·Padma Purāṇa·2·2.96
सुबाहुरुवाच- कीदृशैः कर्मभिः प्रेत्य गच्छंति नरकं नराः । स्वर्गं तु कीदृशैः प्रेत्य तन्मे त्वं वक्तुमर्हसि
subāhuruvāca- kīdṛśaiḥ karmabhiḥ pretya gacchaṃti narakaṃ narāḥ | svargaṃ tu kīdṛśaiḥ pretya tanme tvaṃ vaktumarhasi
Sanskrit only: no published translation is held for this verse.
जैमिनिरुवाच- ब्राह्मण्यं पुण्यमुत्सृज्य ये द्विजा लोभमोहिताः । कुकर्माण्युपजीवंति ते वै निरयगामिनः
jaiminiruvāca- brāhmaṇyaṃ puṇyamutsṛjya ye dvijā lobhamohitāḥ | kukarmāṇyupajīvaṃti te vai nirayagāminaḥ
Sanskrit only: no published translation is held for this verse.
नास्तिका भिन्नमर्यादाः कंदर्पविषयोन्मुखाः । दांभिकाश्च कृतघ्नाश्च ते वै निरयगामिनः
nāstikā bhinnamaryādāḥ kaṃdarpaviṣayonmukhāḥ | dāṃbhikāśca kṛtaghnāśca te vai nirayagāminaḥ
Sanskrit only: no published translation is held for this verse.
ब्राह्मणेभ्यः प्रतिश्रुत्य न प्रयच्छंति ये धनम् । ब्रह्मस्वानां च हर्तारो नरा निरयगामिनः
brāhmaṇebhyaḥ pratiśrutya na prayacchaṃti ye dhanam | brahmasvānāṃ ca hartāro narā nirayagāminaḥ
Sanskrit only: no published translation is held for this verse.
पुरुषाः पिशुनाश्चैव मानिनोऽनृतवादिनः । असंबद्धप्रलापाश्च ते वै निरयगामिनः
puruṣāḥ piśunāścaiva mānino'nṛtavādinaḥ | asaṃbaddhapralāpāśca te vai nirayagāminaḥ
Sanskrit only: no published translation is held for this verse.
ये परस्वापहर्तारः परदूषणसूचकाः । परस्त्रीगामिनो ये च ते वै निरयगामिनः
ye parasvāpahartāraḥ paradūṣaṇasūcakāḥ | parastrīgāmino ye ca te vai nirayagāminaḥ
Sanskrit only: no published translation is held for this verse.
प्राणिनां प्राणहिंसायां ये नरा निरताः सदा । परनिंदारता ये वै ते वै निरयगामिनः
prāṇināṃ prāṇahiṃsāyāṃ ye narā niratāḥ sadā | paraniṃdāratā ye vai te vai nirayagāminaḥ
Sanskrit only: no published translation is held for this verse.
सुकूपानां तडागानां प्रपानां च परंतप । सरसां चैव भेत्तारो नरा निरयगामिनः
sukūpānāṃ taḍāgānāṃ prapānāṃ ca paraṃtapa | sarasāṃ caiva bhettāro narā nirayagāminaḥ
Sanskrit only: no published translation is held for this verse.
विपर्यस्यंति ये दाराञ्छिशून्भृत्यातिथींस्तथा । उत्सन्नपितृदेवेज्या नरा निरयगामिनः
viparyasyaṃti ye dārāñchiśūnbhṛtyātithīṃstathā | utsannapitṛdevejyā narā nirayagāminaḥ
Sanskrit only: no published translation is held for this verse.
प्रव्रज्यादूषका राजन्ये चैवाश्रमदूषकाः । सखीनां दूषकाश्चैव ते वै निरयगामिनः
pravrajyādūṣakā rājanye caivāśramadūṣakāḥ | sakhīnāṃ dūṣakāścaiva te vai nirayagāminaḥ
Sanskrit only: no published translation is held for this verse.
आद्यं पुरुषमीशानं सर्वलोकमहेश्वरम् । न चिंतयंति ये विष्णुं ते वै निरयगामिनः
ādyaṃ puruṣamīśānaṃ sarvalokamaheśvaram | na ciṃtayaṃti ye viṣṇuṃ te vai nirayagāminaḥ
Sanskrit only: no published translation is held for this verse.
प्रयाजानां मखानां च कन्यानां सुहृदां तथा । साधूनां च गुरूणां च दूषका निरयगामिनः
prayājānāṃ makhānāṃ ca kanyānāṃ suhṛdāṃ tathā | sādhūnāṃ ca gurūṇāṃ ca dūṣakā nirayagāminaḥ
Sanskrit only: no published translation is held for this verse.
काष्ठैर्वा शंकुभिर्वापि शून्यैरश्मभिरेव वा । ये मार्गानुपरुंधंति ते वै निरयगामिनः
kāṣṭhairvā śaṃkubhirvāpi śūnyairaśmabhireva vā | ye mārgānuparuṃdhaṃti te vai nirayagāminaḥ
Sanskrit only: no published translation is held for this verse.
सर्वभूतेष्वविश्वस्ताः कामेनार्तास्तथैव च । सर्वभूतेषु जिह्माश्च ते वै निरयगामिनः
sarvabhūteṣvaviśvastāḥ kāmenārtāstathaiva ca | sarvabhūteṣu jihmāśca te vai nirayagāminaḥ
Sanskrit only: no published translation is held for this verse.
आगतान्भोजनार्थं तु ब्राह्मणान्वृत्तिकर्शितान् । प्रतिषेधं च कुर्वंति ते वै निरयगामिनः
āgatānbhojanārthaṃ tu brāhmaṇānvṛttikarśitān | pratiṣedhaṃ ca kurvaṃti te vai nirayagāminaḥ
Sanskrit only: no published translation is held for this verse.
क्षेत्रवृत्तिगृहच्छेदं प्रीतिच्छेदं च ये नराः । आशाच्छेदं प्रकुर्वंति ते वै निरयगामिनः
kṣetravṛttigṛhacchedaṃ prīticchedaṃ ca ye narāḥ | āśācchedaṃ prakurvaṃti te vai nirayagāminaḥ
Sanskrit only: no published translation is held for this verse.
शस्त्राणां चैव कर्त्तारः शल्यानां धनुषां तथा । विक्रेतारश्च राजेंद्र नरा निरयगामिनः
śastrāṇāṃ caiva karttāraḥ śalyānāṃ dhanuṣāṃ tathā | vikretāraśca rājeṃdra narā nirayagāminaḥ
Sanskrit only: no published translation is held for this verse.
अनाथं विक्लवं दीनं रोगार्त्तं वृद्धमेव च । नानुकंपंति ये मूढास्ते वै निरयगामिनः
anāthaṃ viklavaṃ dīnaṃ rogārttaṃ vṛddhameva ca | nānukaṃpaṃti ye mūḍhāste vai nirayagāminaḥ
Sanskrit only: no published translation is held for this verse.
नियमान्पूर्वमादाय ये पश्चादजितेंद्रियाः । अतिक्रामंति चांचल्यात्ते वै निरयगामिनः
niyamānpūrvamādāya ye paścādajiteṃdriyāḥ | atikrāmaṃti cāṃcalyātte vai nirayagāminaḥ
Sanskrit only: no published translation is held for this verse.
इत्येते कथिता राजन्नरा निरयगामिनः । स्वर्गलोकस्य गंतारो ये जनास्तान्निबोध मे
ityete kathitā rājannarā nirayagāminaḥ | svargalokasya gaṃtāro ye janāstānnibodha me
Sanskrit only: no published translation is held for this verse.
सत्येन तपसा क्षांत्या दानेनाध्ययनेन च । ये धर्ममनुवर्तंते ते नराः स्वर्गगामिनः
satyena tapasā kṣāṃtyā dānenādhyayanena ca | ye dharmamanuvartaṃte te narāḥ svargagāminaḥ
Sanskrit only: no published translation is held for this verse.
ये च होमपरा ध्यानदेवतार्चनतत्पराः । आददाना महात्मानस्ते नराः स्वर्गगामिनः
ye ca homaparā dhyānadevatārcanatatparāḥ | ādadānā mahātmānaste narāḥ svargagāminaḥ
Sanskrit only: no published translation is held for this verse.
शुचयश्च शुचौ देशे वासुदेवपरायणाः । पठंति विष्णुं गायंति ते नराः स्वर्गगामिनः
śucayaśca śucau deśe vāsudevaparāyaṇāḥ | paṭhaṃti viṣṇuṃ gāyaṃti te narāḥ svargagāminaḥ
Sanskrit only: no published translation is held for this verse.
मातापित्रोश्च शुश्रूषां ये कुर्वंति सदादृताः । वर्जयंति दिवास्वप्नं ते नराः स्वर्गगामिनः
mātāpitrośca śuśrūṣāṃ ye kurvaṃti sadādṛtāḥ | varjayaṃti divāsvapnaṃ te narāḥ svargagāminaḥ
Sanskrit only: no published translation is held for this verse.
सर्वहिंसानिवृत्ताश्च साधुसंगाश्च ये नराः । सर्वस्यापि हिते युक्तास्ते नराः स्वर्गगामिनः
sarvahiṃsānivṛttāśca sādhusaṃgāśca ye narāḥ | sarvasyāpi hite yuktāste narāḥ svargagāminaḥ
Sanskrit only: no published translation is held for this verse.
सर्वलोभनिवृत्ताश्च सर्वसाहाश्च ये नराः । सर्वस्याश्रयभूताश्च ते नराः स्वर्गगामिनः
sarvalobhanivṛttāśca sarvasāhāśca ye narāḥ | sarvasyāśrayabhūtāśca te narāḥ svargagāminaḥ
Sanskrit only: no published translation is held for this verse.
शुश्रूषाभिस्तपोभिश्च गुरूणां मानदा नराः । प्रतिग्रहनिवृत्ता ये ते नराः स्वर्गगामिनः
śuśrūṣābhistapobhiśca gurūṇāṃ mānadā narāḥ | pratigrahanivṛttā ye te narāḥ svargagāminaḥ
Sanskrit only: no published translation is held for this verse.
सहस्रपरिवेष्टारस्तथैव च सहस्रदाः । त्रातारश्च सहस्राणां ते नराः स्वर्गगामिनः
sahasrapariveṣṭārastathaiva ca sahasradāḥ | trātāraśca sahasrāṇāṃ te narāḥ svargagāminaḥ
Sanskrit only: no published translation is held for this verse.
भयात्पापात्तपाच्छोकाद्दारिद्र्यव्याधिकर्शितान् । विमुंचंति च ये जंतूंस्ते नराः स्वर्गगामिनः
bhayātpāpāttapācchokāddāridryavyādhikarśitān | vimuṃcaṃti ca ye jaṃtūṃste narāḥ svargagāminaḥ
Sanskrit only: no published translation is held for this verse.
आत्मस्वरूपवंतश्च यौवनस्थाश्च भारत । ये वै जितेंद्रिया धीरास्ते नराः स्वर्गगामिनः
ātmasvarūpavaṃtaśca yauvanasthāśca bhārata | ye vai jiteṃdriyā dhīrāste narāḥ svargagāminaḥ
Sanskrit only: no published translation is held for this verse.
सुवर्णस्य च दातारो गवां भूमेश्च भारत । अन्नानां वाससां चैव ते नराः स्वर्गगामिनः
suvarṇasya ca dātāro gavāṃ bhūmeśca bhārata | annānāṃ vāsasāṃ caiva te narāḥ svargagāminaḥ
Sanskrit only: no published translation is held for this verse.
ये याचिताः प्रहृष्यंति प्रियं दत्वा वदंति च । त्यक्तदानफलेच्छाश्च ते नराः स्वर्गगामिनः
ye yācitāḥ prahṛṣyaṃti priyaṃ datvā vadaṃti ca | tyaktadānaphalecchāśca te narāḥ svargagāminaḥ
Sanskrit only: no published translation is held for this verse.
निवेशनानां धान्यानां नराणां च परंतप । स्वयमुत्पाद्य दातारः पुरुषाः स्वर्गगामिनः
niveśanānāṃ dhānyānāṃ narāṇāṃ ca paraṃtapa | svayamutpādya dātāraḥ puruṣāḥ svargagāminaḥ
Sanskrit only: no published translation is held for this verse.
द्विषतामपि ये दोषान्न वदंति कदाचन । कीर्तयंति गुणान्ये च ते नराः स्वर्गगामिनः
dviṣatāmapi ye doṣānna vadaṃti kadācana | kīrtayaṃti guṇānye ca te narāḥ svargagāminaḥ
Sanskrit only: no published translation is held for this verse.
ये परेषां श्रियं दृष्ट्वा न वितप्यंति मत्सरात् । प्रहृष्टाश्चाभिनंदंति ते नराः स्वर्गगामिनः
ye pareṣāṃ śriyaṃ dṛṣṭvā na vitapyaṃti matsarāt | prahṛṣṭāścābhinaṃdaṃti te narāḥ svargagāminaḥ
Sanskrit only: no published translation is held for this verse.
प्रवृत्तौ च निवृत्तौ च श्रुतिशास्त्रोक्तमेव च । आचरंति महात्मानस्ते नराः स्वर्गगामिनः
pravṛttau ca nivṛttau ca śrutiśāstroktameva ca | ācaraṃti mahātmānaste narāḥ svargagāminaḥ
Sanskrit only: no published translation is held for this verse.
ये नराणां वचो वक्तुं न जानंति च विप्रियम् । प्रियवाक्यैकविज्ञातास्ते नराः स्वर्गगामिनः
ye narāṇāṃ vaco vaktuṃ na jānaṃti ca vipriyam | priyavākyaikavijñātāste narāḥ svargagāminaḥ
Sanskrit only: no published translation is held for this verse.
ये नामभागान्कुर्वंति क्षुत्तृष्णा श्रमपीडिताः । हंतकारस्य कर्तारस्ते नराः स्वर्गगामिनः
ye nāmabhāgānkurvaṃti kṣuttṛṣṇā śramapīḍitāḥ | haṃtakārasya kartāraste narāḥ svargagāminaḥ
Sanskrit only: no published translation is held for this verse.
वापीकूपतडागानां प्रपानां चैव वेश्मनाम् । आरामाणां च कर्तारस्ते नराः स्वर्गगामिनः
vāpīkūpataḍāgānāṃ prapānāṃ caiva veśmanām | ārāmāṇāṃ ca kartāraste narāḥ svargagāminaḥ
Sanskrit only: no published translation is held for this verse.
असत्येष्वपि ये सत्या ऋजवो नार्जवेष्वपि । रिपुष्वपिहिता ये च ते नराः स्वर्गगामिनः
asatyeṣvapi ye satyā ṛjavo nārjaveṣvapi | ripuṣvapihitā ye ca te narāḥ svargagāminaḥ
Sanskrit only: no published translation is held for this verse.
यस्मिन्कस्मिन्कुले जाता बहुपुत्राः शतायुषः । सानुक्रोशाः सदाचारास्ते नराः स्वर्गगामिनः
yasminkasminkule jātā bahuputrāḥ śatāyuṣaḥ | sānukrośāḥ sadācārāste narāḥ svargagāminaḥ
Sanskrit only: no published translation is held for this verse.
कुर्वंत्यवंध्यं दिवसं धर्मेणैकेन सर्वदा । व्रतं गृह्णंति ये नित्यं ते नराः स्वर्गगामिनः
kurvaṃtyavaṃdhyaṃ divasaṃ dharmeṇaikena sarvadā | vrataṃ gṛhṇaṃti ye nityaṃ te narāḥ svargagāminaḥ
Sanskrit only: no published translation is held for this verse.
आक्रोशंतं स्तुवंतं च तुल्यं पश्यंति ये नराः । शांतात्मानो जितात्मानस्ते नराः स्वर्गगामिनः
ākrośaṃtaṃ stuvaṃtaṃ ca tulyaṃ paśyaṃti ye narāḥ | śāṃtātmāno jitātmānaste narāḥ svargagāminaḥ
Sanskrit only: no published translation is held for this verse.
ये चापि भयसंत्रस्तान्ब्राह्मणांश्च तथा स्त्रियः । सार्थान्वा परिरक्षंति ते नराः स्वर्गगामिनः
ye cāpi bhayasaṃtrastānbrāhmaṇāṃśca tathā striyaḥ | sārthānvā parirakṣaṃti te narāḥ svargagāminaḥ
Sanskrit only: no published translation is held for this verse.
गंगायां पुष्करे तीर्थे गयायां च विशेषतः । पितृपिंडप्रदातारस्ते नराः स्वर्गगामिनः
gaṃgāyāṃ puṣkare tīrthe gayāyāṃ ca viśeṣataḥ | pitṛpiṃḍapradātāraste narāḥ svargagāminaḥ
Sanskrit only: no published translation is held for this verse.
न वशे चेंद्रियाणां च ये नराः संयमस्थिताः । त्यक्तलोभभयक्रोधास्ते नराः स्वर्गगामिनः
na vaśe ceṃdriyāṇāṃ ca ye narāḥ saṃyamasthitāḥ | tyaktalobhabhayakrodhāste narāḥ svargagāminaḥ
Sanskrit only: no published translation is held for this verse.
यूका मत्कुणदंशादीन्ये जंतूंस्तुदतस्तनुम् । पुत्रवत्परिरक्षंति ते नराः स्वर्गगामिनः
yūkā matkuṇadaṃśādīnye jaṃtūṃstudatastanum | putravatparirakṣaṃti te narāḥ svargagāminaḥ
Sanskrit only: no published translation is held for this verse.
अज्ञानाच्च यथोक्तेन विधिना संचयंति च । सर्वद्वंद्वसहा लोके ते नराः स्वर्गगामिनः
ajñānācca yathoktena vidhinā saṃcayaṃti ca | sarvadvaṃdvasahā loke te narāḥ svargagāminaḥ
Sanskrit only: no published translation is held for this verse.
ये पूताः परदारांश्च कर्मणा मनसा गिरा । रमयंति न सत्वस्थास्ते नराः स्वर्गगामिनः
ye pūtāḥ paradārāṃśca karmaṇā manasā girā | ramayaṃti na satvasthāste narāḥ svargagāminaḥ
Sanskrit only: no published translation is held for this verse.
निंदितानि न कुर्वंति कुर्वंति विहितानि च । आत्मशक्तिं विजानंति ते नराः स्वर्गगामिनः
niṃditāni na kurvaṃti kurvaṃti vihitāni ca | ātmaśaktiṃ vijānaṃti te narāḥ svargagāminaḥ
Sanskrit only: no published translation is held for this verse.
एवं ते कथितं सर्वं मया तत्त्वेन पार्थिव । दुर्गतिः सद्गतिश्चैव प्राप्यते कर्मभिर्यथा
evaṃ te kathitaṃ sarvaṃ mayā tattvena pārthiva | durgatiḥ sadgatiścaiva prāpyate karmabhiryathā
Sanskrit only: no published translation is held for this verse.
नरः परेषां प्रतिकूलमाचरन्प्रयाति घोरं नरकं सुदारुणम् । सदानुकूलस्य नरस्य जीविनः सुखावहा मुक्तिरदूरसंस्थिता
naraḥ pareṣāṃ pratikūlamācaranprayāti ghoraṃ narakaṃ sudāruṇam | sadānukūlasya narasya jīvinaḥ sukhāvahā muktiradūrasaṃsthitā
Sanskrit only: no published translation is held for this verse.