Library·Padma Purāṇa·3·3.1
नमामि गोविन्दपदारविंदं सदेंदिरावंदितमुत्तमाढ्यम् । जगज्जनानां हृदि संनिविष्टं महाजनैकायनमुत्तमोत्तमम्
namāmi govindapadāraviṃdaṃ sadeṃdirāvaṃditamuttamāḍhyam | jagajjanānāṃ hṛdi saṃniviṣṭaṃ mahājanaikāyanamuttamottamam
Sanskrit only: no published translation is held for this verse.
एकदा मुनयः सर्वे ज्वलज्ज्वलनसन्निभाः । हिमवद्वासिनः सर्वे मुनयो वेदपारगाः
ekadā munayaḥ sarve jvalajjvalanasannibhāḥ | himavadvāsinaḥ sarve munayo vedapāragāḥ
Sanskrit only: no published translation is held for this verse.
त्रिकालज्ञा महात्मानो नानापुण्यसमाश्रयाः । महेंद्राद्रिरता ये च ये च विंध्यनिवासिनः
trikālajñā mahātmāno nānāpuṇyasamāśrayāḥ | maheṃdrādriratā ye ca ye ca viṃdhyanivāsinaḥ
Sanskrit only: no published translation is held for this verse.
येऽर्बुदारण्यनिरताः पुष्करारण्यवासिनः । श्रीशैलनिरता ये च कुरुक्षेत्रनिवासिनः
ye'rbudāraṇyaniratāḥ puṣkarāraṇyavāsinaḥ | śrīśailaniratā ye ca kurukṣetranivāsinaḥ
Sanskrit only: no published translation is held for this verse.
धर्म्मारण्यरता ये च दंडकारण्यवासिनः । जंबूमार्गरता ये च ये च सत्यनिवासिनः
dharmmāraṇyaratā ye ca daṃḍakāraṇyavāsinaḥ | jaṃbūmārgaratā ye ca ye ca satyanivāsinaḥ
Sanskrit only: no published translation is held for this verse.
एते चान्ये च बहवः सशिष्या मुनयोऽमलाः । नैमिषं समुपायाताः शौनकं द्रष्टुमुत्सुकाः
ete cānye ca bahavaḥ saśiṣyā munayo'malāḥ | naimiṣaṃ samupāyātāḥ śaunakaṃ draṣṭumutsukāḥ
Sanskrit only: no published translation is held for this verse.
तं पूजयित्वा विधिवत्तेन ते च सुपूजिताः । आसनेषु विचित्रेषु बृस्यादिषु यथाक्रमम्
taṃ pūjayitvā vidhivattena te ca supūjitāḥ | āsaneṣu vicitreṣu bṛsyādiṣu yathākramam
Sanskrit only: no published translation is held for this verse.
शौनकेन प्रदत्तेषु आसीनास्ते तपोधनाः । कृष्णाश्रिताः कथाः पुण्याः परस्परमथाब्रुवन्
śaunakena pradatteṣu āsīnāste tapodhanāḥ | kṛṣṇāśritāḥ kathāḥ puṇyāḥ parasparamathābruvan
Sanskrit only: no published translation is held for this verse.
कथांतेषु ततस्तेषां मुनीनां भावितात्मनाम् । आजगाम महातेजाः सूतस्तत्र महाद्युतिः
kathāṃteṣu tatasteṣāṃ munīnāṃ bhāvitātmanām | ājagāma mahātejāḥ sūtastatra mahādyutiḥ
Sanskrit only: no published translation is held for this verse.
व्यासशिष्यः पुराणज्ञो रोमहर्षणसंज्ञकः । तान्प्रणम्य यथान्यायं स तैश्चैवाभिपूजितः
vyāsaśiṣyaḥ purāṇajño romaharṣaṇasaṃjñakaḥ | tānpraṇamya yathānyāyaṃ sa taiścaivābhipūjitaḥ
Sanskrit only: no published translation is held for this verse.
उपविष्टं यथायोग्यं शौनकाद्या महर्षयः । व्यासशिष्यं सुखासीनं सूतं वै रोमहर्षणम्
upaviṣṭaṃ yathāyogyaṃ śaunakādyā maharṣayaḥ | vyāsaśiṣyaṃ sukhāsīnaṃ sūtaṃ vai romaharṣaṇam
Sanskrit only: no published translation is held for this verse.
तं पप्रच्छुर्महाभागाः शौनकाद्यास्तपोधनाः । ऋषय ऊचुः-। पौराणिक महाबुद्धे रोमहर्षण सुव्रत
taṃ papracchurmahābhāgāḥ śaunakādyāstapodhanāḥ | ṛṣaya ūcuḥ-| paurāṇika mahābuddhe romaharṣaṇa suvrata
Sanskrit only: no published translation is held for this verse.
त्वत्तः श्रुता महापुण्याः पुरा पौराणिकीः कथाः । सांप्रतं च प्रवृत्ताः स्म कथायां सक्षणा हरेः
tvattaḥ śrutā mahāpuṇyāḥ purā paurāṇikīḥ kathāḥ | sāṃprataṃ ca pravṛttāḥ sma kathāyāṃ sakṣaṇā hareḥ
Sanskrit only: no published translation is held for this verse.
स वै पुंसां परोधर्मो यतो भक्तिरधोक्षजे । पुनः पुराणमाचक्ष्व हरिवार्ता समन्वितम्
sa vai puṃsāṃ parodharmo yato bhaktiradhokṣaje | punaḥ purāṇamācakṣva harivārtā samanvitam
Sanskrit only: no published translation is held for this verse.
हरेरन्या कथा सूत श्मशानसदृशी स्मृता । हरिस्तीर्थस्वरूपेण स्वयं तिष्ठति तच्छ्रुतम्
hareranyā kathā sūta śmaśānasadṛśī smṛtā | haristīrthasvarūpeṇa svayaṃ tiṣṭhati tacchrutam
Sanskrit only: no published translation is held for this verse.
तीर्थानां पुण्यदातॄणां नामानि किल कीर्तय । कुत एतत्समुत्पन्नं केन वा परिपाल्यते
tīrthānāṃ puṇyadātṝṇāṃ nāmāni kila kīrtaya | kuta etatsamutpannaṃ kena vā paripālyate
Sanskrit only: no published translation is held for this verse.
कस्मिन्विलयमभ्येति जगदेतच्चराचरम् । क्षेत्राणि कानि पुण्यानि के च पूज्याः शिलोच्चयाः
kasminvilayamabhyeti jagadetaccarācaram | kṣetrāṇi kāni puṇyāni ke ca pūjyāḥ śiloccayāḥ
Sanskrit only: no published translation is held for this verse.
नद्यश्च काः पराः पुण्या नृणां पापहराः शुभाः । एतत्सर्वं महाभाग कथयस्व यथाक्रमम्
nadyaśca kāḥ parāḥ puṇyā nṛṇāṃ pāpaharāḥ śubhāḥ | etatsarvaṃ mahābhāga kathayasva yathākramam
Sanskrit only: no published translation is held for this verse.
सूत उवाच-। साधुसाधु महाभागाः साधुपृष्टं तपोधनाः । तं प्रणम्य प्रवक्ष्यामि पुराणं पद्मसंज्ञकम्
sūta uvāca-| sādhusādhu mahābhāgāḥ sādhupṛṣṭaṃ tapodhanāḥ | taṃ praṇamya pravakṣyāmi purāṇaṃ padmasaṃjñakam
Sanskrit only: no published translation is held for this verse.
पाराशर्यं परमपुरुषं विश्ववेद्यैकयोनिं विद्याधारं विपुलमतिदं वेदवेदांतवेद्यम् । शश्वच्छांतं स्वमतिविषयं शुद्धतेजोविशालं वेदव्यासं विततयशसं सर्वदाहं नमामि
pārāśaryaṃ paramapuruṣaṃ viśvavedyaikayoniṃ vidyādhāraṃ vipulamatidaṃ vedavedāṃtavedyam | śaśvacchāṃtaṃ svamativiṣayaṃ śuddhatejoviśālaṃ vedavyāsaṃ vitatayaśasaṃ sarvadāhaṃ namāmi
Sanskrit only: no published translation is held for this verse.
नमो भगवते तस्मै व्यासायामिततेजसे । यस्य प्रसादाद्वक्ष्यामि नारायणकथामिमाम्
namo bhagavate tasmai vyāsāyāmitatejase | yasya prasādādvakṣyāmi nārāyaṇakathāmimām
Sanskrit only: no published translation is held for this verse.
प्रवक्ष्यामि महापुण्यं पुराणं पद्मसंज्ञितम् । सहस्रं पंचपंचाशत्षड्भिः खंडैः समन्वितम्
pravakṣyāmi mahāpuṇyaṃ purāṇaṃ padmasaṃjñitam | sahasraṃ paṃcapaṃcāśatṣaḍbhiḥ khaṃḍaiḥ samanvitam
Sanskrit only: no published translation is held for this verse.
तत्रादावादिखंडं स्याद्भूमिखंडं ततः परम् । ब्रह्मखंडं च तत्पश्चात्ततः पातालखंडकम्
tatrādāvādikhaṃḍaṃ syādbhūmikhaṃḍaṃ tataḥ param | brahmakhaṃḍaṃ ca tatpaścāttataḥ pātālakhaṃḍakam
Sanskrit only: no published translation is held for this verse.
क्रियाखंडं ततः ख्यातमुत्तरं खंडमंतिमम् । एतदेव महापद्ममद्भुतं यन्मयं जगत्
kriyākhaṃḍaṃ tataḥ khyātamuttaraṃ khaṃḍamaṃtimam | etadeva mahāpadmamadbhutaṃ yanmayaṃ jagat
Sanskrit only: no published translation is held for this verse.
तद्वृत्तांताश्रयं तस्मात्पाद्ममित्युच्यते बुधैः । एतत्पुराणममलं विष्णुमाहात्म्यमुत्तमम्
tadvṛttāṃtāśrayaṃ tasmātpādmamityucyate budhaiḥ | etatpurāṇamamalaṃ viṣṇumāhātmyamuttamam
Sanskrit only: no published translation is held for this verse.
देवदेवोहरिर्यद्वै ब्रह्मणे प्रोक्तवान्पुरा । ब्रह्मा तन्नारदायाह नारदोऽस्मद्गुरोः पुरः
devadevohariryadvai brahmaṇe proktavānpurā | brahmā tannāradāyāha nārado'smadguroḥ puraḥ
Sanskrit only: no published translation is held for this verse.
व्यासः सर्वपुराणानि सेतिहासानि संहिताः । अध्यापयामास मुहुर्मामतिप्रियमात्मनः
vyāsaḥ sarvapurāṇāni setihāsāni saṃhitāḥ | adhyāpayāmāsa muhurmāmatipriyamātmanaḥ
Sanskrit only: no published translation is held for this verse.
तत्तेऽहं संप्रवक्ष्यामि पुराणमतिदुर्लभम् । यच्छ्रुत्वा ब्रह्महत्यादि पापेभ्यो मुच्यते नरः
tatte'haṃ saṃpravakṣyāmi purāṇamatidurlabham | yacchrutvā brahmahatyādi pāpebhyo mucyate naraḥ
Sanskrit only: no published translation is held for this verse.
सर्वतीर्थाभिषेकं च लभते शृणुते हि यः । श्रद्धया परया भक्त्या श्रुतमात्रेण मुक्तिदः
sarvatīrthābhiṣekaṃ ca labhate śṛṇute hi yaḥ | śraddhayā parayā bhaktyā śrutamātreṇa muktidaḥ
Sanskrit only: no published translation is held for this verse.
अश्रद्धयापि शृणुते लभते पुण्यसंचयम् । तस्मात्सर्वप्रयत्नेन पद्मं श्रोत्रातिथी कुरु
aśraddhayāpi śṛṇute labhate puṇyasaṃcayam | tasmātsarvaprayatnena padmaṃ śrotrātithī kuru
Sanskrit only: no published translation is held for this verse.
तत्रादिखंडं वक्ष्यामि पुण्यं पापविनाशनम् । शृण्वंतु मुनयः सर्वे सशिष्यास्त्वत्र ये स्थिताः
tatrādikhaṃḍaṃ vakṣyāmi puṇyaṃ pāpavināśanam | śṛṇvaṃtu munayaḥ sarve saśiṣyāstvatra ye sthitāḥ
Sanskrit only: no published translation is held for this verse.