Library·Padma Purāṇa·3·3.10
ऋषय ऊचुः-। पृथिव्या हि परीमाणं संस्थानं सरितस्तथा । त्वत्तः श्रुत्वा महाभाग अमृतं पीतमेव च
ṛṣaya ūcuḥ-| pṛthivyā hi parīmāṇaṃ saṃsthānaṃ saritastathā | tvattaḥ śrutvā mahābhāga amṛtaṃ pītameva ca
Sanskrit only: no published translation is held for this verse.
तत्र भूमौ च तीर्थानि पावनानीति नः श्रुतम् । आचक्ष्व तानि सर्वाणि यथाफलकराणि च । सविशेषं महाप्राज्ञ श्रोतुमिच्छामहे तव
tatra bhūmau ca tīrthāni pāvanānīti naḥ śrutam | ācakṣva tāni sarvāṇi yathāphalakarāṇi ca | saviśeṣaṃ mahāprājña śrotumicchāmahe tava
Sanskrit only: no published translation is held for this verse.
सूत उवाच-। धन्यं पुण्यं महाख्यानं पृष्टमेव तपोधनाः । यथामति प्रवक्ष्यामि यथायोगं यथाश्रुतम्
sūta uvāca-| dhanyaṃ puṇyaṃ mahākhyānaṃ pṛṣṭameva tapodhanāḥ | yathāmati pravakṣyāmi yathāyogaṃ yathāśrutam
Sanskrit only: no published translation is held for this verse.
पुरातनं प्रवक्ष्यामि देवर्षेर्नारदस्य हि । युधिष्ठिरेण संवादं शृणु तद्द्विजसत्तमाः
purātanaṃ pravakṣyāmi devarṣernāradasya hi | yudhiṣṭhireṇa saṃvādaṃ śṛṇu taddvijasattamāḥ
Sanskrit only: no published translation is held for this verse.
हृतराज्याः पांडुपुत्रा वने तस्मिन्महारथाः । न्यवसंति महाभागा द्रौपद्या सह पांडवाः
hṛtarājyāḥ pāṃḍuputrā vane tasminmahārathāḥ | nyavasaṃti mahābhāgā draupadyā saha pāṃḍavāḥ
Sanskrit only: no published translation is held for this verse.
अथापश्यन्महात्मानं देवर्षिं तत्र नारदम् । दीप्यमानं श्रिया ब्राह्म्या दीप्ताग्निसमतेजसम्
athāpaśyanmahātmānaṃ devarṣiṃ tatra nāradam | dīpyamānaṃ śriyā brāhmyā dīptāgnisamatejasam
Sanskrit only: no published translation is held for this verse.
स तैः परिवृतः श्रीमान्भ्रातृभिः कुरुनंदनः । दिवि भाति हि दीप्तौजा देवैरिव शतक्रतुः
sa taiḥ parivṛtaḥ śrīmānbhrātṛbhiḥ kurunaṃdanaḥ | divi bhāti hi dīptaujā devairiva śatakratuḥ
Sanskrit only: no published translation is held for this verse.
यथा च देवान्सावित्री याज्ञसेनी तथा पतीन् । न जहौ धर्मतः पार्थान्मेरुमर्कप्रभा यथा
yathā ca devānsāvitrī yājñasenī tathā patīn | na jahau dharmataḥ pārthānmerumarkaprabhā yathā
Sanskrit only: no published translation is held for this verse.
प्रतिगृह्य ततः पूजां नारदो भगवानृषिः । आश्वासयद्धर्म्मपुत्रं युक्तरूपप्रियेण च
pratigṛhya tataḥ pūjāṃ nārado bhagavānṛṣiḥ | āśvāsayaddharmmaputraṃ yuktarūpapriyeṇa ca
Sanskrit only: no published translation is held for this verse.
उवाच च महात्मानं धर्म्मराजं युधिष्ठिरम् । ब्रूहि धर्म्मभृतां श्रेष्ठ किं प्रार्थ्यं हि ददामि ते
uvāca ca mahātmānaṃ dharmmarājaṃ yudhiṣṭhiram | brūhi dharmmabhṛtāṃ śreṣṭha kiṃ prārthyaṃ hi dadāmi te
Sanskrit only: no published translation is held for this verse.
अथ धर्मसुतो राजा प्रणम्य भ्रातृभिः सह । उवाच प्रांजलिर्वाक्यं नारदं देवसंमितम्
atha dharmasuto rājā praṇamya bhrātṛbhiḥ saha | uvāca prāṃjalirvākyaṃ nāradaṃ devasaṃmitam
Sanskrit only: no published translation is held for this verse.
त्वयि तुष्टे महाभाग सर्वलोकाभिपूजिते । कृतमित्येव मन्ये हि प्रसादात्तव सुव्रत
tvayi tuṣṭe mahābhāga sarvalokābhipūjite | kṛtamityeva manye hi prasādāttava suvrata
Sanskrit only: no published translation is held for this verse.
यदि त्वहमनुग्राह्यो भ्रातृभिः सहितोऽनघ । संदेहं मे मुनिश्रेष्ठ हृत्स्थं त्वं छेत्तुमर्हसि
yadi tvahamanugrāhyo bhrātṛbhiḥ sahito'nagha | saṃdehaṃ me muniśreṣṭha hṛtsthaṃ tvaṃ chettumarhasi
Sanskrit only: no published translation is held for this verse.
प्रदक्षिणां यः कुरुते पृथिवीं तीर्थतत्परः । किं फलं तस्य कार्त्स्न्येन तद्ब्रह्मन्वक्तुमर्हसि
pradakṣiṇāṃ yaḥ kurute pṛthivīṃ tīrthatatparaḥ | kiṃ phalaṃ tasya kārtsnyena tadbrahmanvaktumarhasi
Sanskrit only: no published translation is held for this verse.
नारद उवाच-। शृणु राजन्नवहितो दिलीपेन यथा पुरा । वसिष्ठस्य सकाशाद्वै सर्वमेतदुपश्रुतम्
nārada uvāca-| śṛṇu rājannavahito dilīpena yathā purā | vasiṣṭhasya sakāśādvai sarvametadupaśrutam
Sanskrit only: no published translation is held for this verse.
पुरा भागीरथीतीरे दिलीपो राजसत्तमः । धर्म्यं व्रतं समास्थाय न्यवसन्मुनिवत्तदा
purā bhāgīrathītīre dilīpo rājasattamaḥ | dharmyaṃ vrataṃ samāsthāya nyavasanmunivattadā
Sanskrit only: no published translation is held for this verse.
शुभेदेशे महाराजपुण्ये देवर्षिपूजिते । गंगाद्वारे महातेजा देवगंधर्वसेविते
śubhedeśe mahārājapuṇye devarṣipūjite | gaṃgādvāre mahātejā devagaṃdharvasevite
Sanskrit only: no published translation is held for this verse.
स पितॄंस्तर्पयामास देवांश्च परमद्युतिः । ऋषींश्च तर्पयामास विधिदृष्टेन कर्मणा
sa pitṝṃstarpayāmāsa devāṃśca paramadyutiḥ | ṛṣīṃśca tarpayāmāsa vidhidṛṣṭena karmaṇā
Sanskrit only: no published translation is held for this verse.
कस्यचित्त्वथ कालस्य जपन्नेव महामनाः । ददर्श भूतसंकाशं वसिष्ठमृषिमुत्तमम्
kasyacittvatha kālasya japanneva mahāmanāḥ | dadarśa bhūtasaṃkāśaṃ vasiṣṭhamṛṣimuttamam
Sanskrit only: no published translation is held for this verse.
पुरोहितं स तं दृष्ट्वा दीप्यमानमिव श्रिया । प्रहर्षमतुलं लेभे विस्मयं परमं ययौ
purohitaṃ sa taṃ dṛṣṭvā dīpyamānamiva śriyā | praharṣamatulaṃ lebhe vismayaṃ paramaṃ yayau
Sanskrit only: no published translation is held for this verse.
उपस्थितं महाराज पूजयामास भारत । स हि धर्म्मभृतां श्रेष्ठो विधिदृष्टेन कर्मणा
upasthitaṃ mahārāja pūjayāmāsa bhārata | sa hi dharmmabhṛtāṃ śreṣṭho vidhidṛṣṭena karmaṇā
Sanskrit only: no published translation is held for this verse.
शिरसा चार्घ्यमादाय शुचिः प्रयतमानसः । नामसंकीर्त्तयामास तस्मिन्ब्रह्मर्षिसत्तमे
śirasā cārghyamādāya śuciḥ prayatamānasaḥ | nāmasaṃkīrttayāmāsa tasminbrahmarṣisattame
Sanskrit only: no published translation is held for this verse.
दिलीपोऽहं तु भद्रं ते दासोस्मि तव सुव्रत । तव संदर्शनादेव मुक्तोहं सर्वकिल्बिषैः
dilīpo'haṃ tu bhadraṃ te dāsosmi tava suvrata | tava saṃdarśanādeva muktohaṃ sarvakilbiṣaiḥ
Sanskrit only: no published translation is held for this verse.
एवमुक्त्वा महाराज दिलीपो द्विपदां वरः । वाग्यतः प्रांजलिर्भूत्वा तूष्णीमासीद्युधिष्ठिर
evamuktvā mahārāja dilīpo dvipadāṃ varaḥ | vāgyataḥ prāṃjalirbhūtvā tūṣṇīmāsīdyudhiṣṭhira
Sanskrit only: no published translation is held for this verse.
तं दृष्ट्वा नियमेनाथ स्वाध्यायेन च कर्षितम् । दिलीपं नृपतिश्रेष्ठं मुनिः प्रीतमनाभवत्
taṃ dṛṣṭvā niyamenātha svādhyāyena ca karṣitam | dilīpaṃ nṛpatiśreṣṭhaṃ muniḥ prītamanābhavat
Sanskrit only: no published translation is held for this verse.