Padma Purāṇa 3.11

वसिष्ठ उवाच- अनेन तव धर्मज्ञ प्रश्रयेण दमेन च । सत्येन च महाभाग तुष्टोस्मि तव सर्वशः

vasiṣṭha uvāca- anena tava dharmajña praśrayeṇa damena ca | satyena ca mahābhāga tuṣṭosmi tava sarvaśaḥ

Sanskrit only: no published translation is held for this verse.

यस्येदृशस्ते धर्मोयं पितरस्तारितास्त्वया । तेन पश्यसि मां पुत्र याज्यश्चासि ममानघ

yasyedṛśaste dharmoyaṃ pitarastāritāstvayā | tena paśyasi māṃ putra yājyaścāsi mamānagha

Sanskrit only: no published translation is held for this verse.

प्रीतिर्मे वर्द्धते तेऽद्य ब्रूहि किं करवाणि ते । यद्वक्ष्यसि नरश्रेष्ठ तस्य दातास्मि तेनघ

prītirme varddhate te'dya brūhi kiṃ karavāṇi te | yadvakṣyasi naraśreṣṭha tasya dātāsmi tenagha

Sanskrit only: no published translation is held for this verse.

दिलीप उवाच-। वेदवेदांगतत्त्वज्ञ सर्वलोकाभिपूजित । कृतमित्येव मन्ये हि यदहं दृष्टवान्प्रभुम्

dilīpa uvāca-| vedavedāṃgatattvajña sarvalokābhipūjita | kṛtamityeva manye hi yadahaṃ dṛṣṭavānprabhum

Sanskrit only: no published translation is held for this verse.

यदि त्वहमनुग्राह्यस्तव धर्म्मभृतां वर । प्रक्ष्यामि हृत्स्थं संदेहं तन्मे त्वं वक्तुमर्हसि

yadi tvahamanugrāhyastava dharmmabhṛtāṃ vara | prakṣyāmi hṛtsthaṃ saṃdehaṃ tanme tvaṃ vaktumarhasi

Sanskrit only: no published translation is held for this verse.

अस्ति मे भगवन्कश्चित्तीर्थे यो धर्मसंशयः । तदहं श्रोतुमिच्छामि पृथक्संकीर्तनं त्वया

asti me bhagavankaścittīrthe yo dharmasaṃśayaḥ | tadahaṃ śrotumicchāmi pṛthaksaṃkīrtanaṃ tvayā

Sanskrit only: no published translation is held for this verse.

प्रदक्षिणां यः पृथिवीं करोति द्विजसत्तम । किं फलं तस्य विप्रर्षे तन्मे ब्रूहि तपोधन

pradakṣiṇāṃ yaḥ pṛthivīṃ karoti dvijasattama | kiṃ phalaṃ tasya viprarṣe tanme brūhi tapodhana

Sanskrit only: no published translation is held for this verse.

वसिष्ठ उवाच-। कथयिष्यामि तदहमृषीणां मत्परायणम् । तदेकाग्रमनास्तात शृणु तीर्थेषु यत्फलम्

vasiṣṭha uvāca-| kathayiṣyāmi tadahamṛṣīṇāṃ matparāyaṇam | tadekāgramanāstāta śṛṇu tīrtheṣu yatphalam

Sanskrit only: no published translation is held for this verse.

यस्य हस्तौ च पादौ च मनश्चैव सुसंयतम् । विद्या तपश्च कीर्तिश्च स तीर्थफलमश्नुते

yasya hastau ca pādau ca manaścaiva susaṃyatam | vidyā tapaśca kīrtiśca sa tīrthaphalamaśnute

Sanskrit only: no published translation is held for this verse.

प्रतिग्रहादुपावृत्तः संतुष्टो नियतः शुचिः । अहंकारनिवृत्तश्च स तीर्थफलमश्नुते

pratigrahādupāvṛttaḥ saṃtuṣṭo niyataḥ śuciḥ | ahaṃkāranivṛttaśca sa tīrthaphalamaśnute

Sanskrit only: no published translation is held for this verse.

अकल्किको निराहारोऽलब्धाहारो जितेंद्रियः । विमुक्तः सर्वदोषैर्यः स तीर्थफलमश्नुते

akalkiko nirāhāro'labdhāhāro jiteṃdriyaḥ | vimuktaḥ sarvadoṣairyaḥ sa tīrthaphalamaśnute

Sanskrit only: no published translation is held for this verse.

अक्रोधनश्च राजेंद्र सत्यशीलो दृढव्रतः । आत्मोपमश्च भूतेषु स तीर्थफलमश्नुते

akrodhanaśca rājeṃdra satyaśīlo dṛḍhavrataḥ | ātmopamaśca bhūteṣu sa tīrthaphalamaśnute

Sanskrit only: no published translation is held for this verse.

ऋषिभिः क्रतवः प्रोक्ता देवेष्वपि यथाक्रमम् । फलं चैव यथातत्त्वं प्रेत्य चेह च सर्वशः

ṛṣibhiḥ kratavaḥ proktā deveṣvapi yathākramam | phalaṃ caiva yathātattvaṃ pretya ceha ca sarvaśaḥ

Sanskrit only: no published translation is held for this verse.

न ते शक्या दरिद्रेण यज्ञाः प्राप्तुं महीपते । बहूपकरणा यज्ञा नानासंभारविस्तराः

na te śakyā daridreṇa yajñāḥ prāptuṃ mahīpate | bahūpakaraṇā yajñā nānāsaṃbhāravistarāḥ

Sanskrit only: no published translation is held for this verse.

प्राप्यंते पार्थिवैरेते समृद्धैर्वा नरैः क्वचित् । न निर्धनैर्नरगणैरेकात्मभिरसाधनैः

prāpyaṃte pārthivairete samṛddhairvā naraiḥ kvacit | na nirdhanairnaragaṇairekātmabhirasādhanaiḥ

Sanskrit only: no published translation is held for this verse.

यो दरिद्रैरपि विधिः शक्यः प्राप्तुं जनेश्वर । तुल्यो यज्ञफलैः पुण्यैस्तं निबोध महीपते

yo daridrairapi vidhiḥ śakyaḥ prāptuṃ janeśvara | tulyo yajñaphalaiḥ puṇyaistaṃ nibodha mahīpate

Sanskrit only: no published translation is held for this verse.

ऋषीणां परमं गुह्यमिदं धर्म्मभृतां वर । तीर्थाभिगमनं पुण्यं यज्ञैरपि विशिष्यते

ṛṣīṇāṃ paramaṃ guhyamidaṃ dharmmabhṛtāṃ vara | tīrthābhigamanaṃ puṇyaṃ yajñairapi viśiṣyate

Sanskrit only: no published translation is held for this verse.

अनुपोष्य त्रिरात्राणि तीर्थाभिगमनेन च । अदत्वा कांचनं गाश्च दरिद्रो नाम जायते

anupoṣya trirātrāṇi tīrthābhigamanena ca | adatvā kāṃcanaṃ gāśca daridro nāma jāyate

Sanskrit only: no published translation is held for this verse.

अग्निष्टोमादिभिर्यज्ञैरिष्ट्वा विपुलदक्षिणैः । न तत्फलमवाप्नोति तीर्थाभिगमनेन यत्

agniṣṭomādibhiryajñairiṣṭvā vipuladakṣiṇaiḥ | na tatphalamavāpnoti tīrthābhigamanena yat

Sanskrit only: no published translation is held for this verse.

नृलोके देवलोकस्य तीर्थं त्रैलोक्यविश्रुतम् । पुष्करं तीर्थमासाद्य देवदेवसमो भवेत्

nṛloke devalokasya tīrthaṃ trailokyaviśrutam | puṣkaraṃ tīrthamāsādya devadevasamo bhavet

Sanskrit only: no published translation is held for this verse.

दशकोटिसहस्राणि तीर्थानां वै महीपते । सान्निध्यं पुष्करे येषां त्रिसंध्यं सूर्यवंशज

daśakoṭisahasrāṇi tīrthānāṃ vai mahīpate | sānnidhyaṃ puṣkare yeṣāṃ trisaṃdhyaṃ sūryavaṃśaja

Sanskrit only: no published translation is held for this verse.

आदित्या वसवो रुद्रा साध्याश्च समरुद्गणाः । गंधर्वाप्सरसश्चैव तत्र सन्निहिताः प्रभो

ādityā vasavo rudrā sādhyāśca samarudgaṇāḥ | gaṃdharvāpsarasaścaiva tatra sannihitāḥ prabho

Sanskrit only: no published translation is held for this verse.

यत्र देवास्तपस्तप्त्वा दैत्या ब्रह्मर्षयस्तथा । दिव्ययोगा महाराज पुण्येन महता द्विजाः

yatra devāstapastaptvā daityā brahmarṣayastathā | divyayogā mahārāja puṇyena mahatā dvijāḥ

Sanskrit only: no published translation is held for this verse.

मनसाप्यभिकामस्य पुष्कराणि मनीषिणः । पूयंते सर्वपापानि नाकपृष्ठे च पूज्यते

manasāpyabhikāmasya puṣkarāṇi manīṣiṇaḥ | pūyaṃte sarvapāpāni nākapṛṣṭhe ca pūjyate

Sanskrit only: no published translation is held for this verse.

अस्मिंस्तीर्थे महाभाग नित्यमेव पितामहः । उवास परमप्रीतो देवदानवसंमतः

asmiṃstīrthe mahābhāga nityameva pitāmahaḥ | uvāsa paramaprīto devadānavasaṃmataḥ

Sanskrit only: no published translation is held for this verse.

पुष्करेषु महाभाग देवाः सर्षिपुरोगमाः । सिद्धिं परमिकां प्राप्ताः पुण्येन महतान्विताः

puṣkareṣu mahābhāga devāḥ sarṣipurogamāḥ | siddhiṃ paramikāṃ prāptāḥ puṇyena mahatānvitāḥ

Sanskrit only: no published translation is held for this verse.

तत्राभिषेकं यः कुर्यात्पितृदेवार्चने रतः । अश्वमेधाद्दशगुणं प्रवदंति मनीषिणः

tatrābhiṣekaṃ yaḥ kuryātpitṛdevārcane rataḥ | aśvamedhāddaśaguṇaṃ pravadaṃti manīṣiṇaḥ

Sanskrit only: no published translation is held for this verse.

अप्येकं भोजयेद्विप्रं पुष्करारण्यमाश्रितः । तेनैति पूजिताँल्लोकान्ब्रह्मणः सदने स्थितान्

apyekaṃ bhojayedvipraṃ puṣkarāraṇyamāśritaḥ | tenaiti pūjitā~llokānbrahmaṇaḥ sadane sthitān

Sanskrit only: no published translation is held for this verse.

सायंप्रातः स्मरेद्यस्तु पुष्कराणि कृतांजलि । उपस्पृष्टं भवेत्तेन सर्वतीर्थेषु पार्थिव

sāyaṃprātaḥ smaredyastu puṣkarāṇi kṛtāṃjali | upaspṛṣṭaṃ bhavettena sarvatīrtheṣu pārthiva

Sanskrit only: no published translation is held for this verse.

जन्मप्रभृति यत्पापं स्त्रियो वा पुरुषस्य वा । पुष्करे गतमात्रस्य सर्वमेव प्रणश्यति

janmaprabhṛti yatpāpaṃ striyo vā puruṣasya vā | puṣkare gatamātrasya sarvameva praṇaśyati

Sanskrit only: no published translation is held for this verse.

यथा सुराणां सर्वेषामादिस्तु मधुसूदनः । तथैव पुष्करो राजन्तीर्थानामादिरुच्यते

yathā surāṇāṃ sarveṣāmādistu madhusūdanaḥ | tathaiva puṣkaro rājantīrthānāmādirucyate

Sanskrit only: no published translation is held for this verse.

उष्ट्वा द्वादशवर्षाणि पुष्करे नियतः शुचिः । क्रतून्सर्वानवाप्नोति ब्रह्मलोकं च गच्छति

uṣṭvā dvādaśavarṣāṇi puṣkare niyataḥ śuciḥ | kratūnsarvānavāpnoti brahmalokaṃ ca gacchati

Sanskrit only: no published translation is held for this verse.

यस्तु वर्षशतं पूर्णमग्निहोत्रमुपाश्नुते । कार्तिकीं वा वसेदेकां पुष्करे सममेव तत्

yastu varṣaśataṃ pūrṇamagnihotramupāśnute | kārtikīṃ vā vasedekāṃ puṣkare samameva tat

Sanskrit only: no published translation is held for this verse.

दुष्करं पुष्करे गंतुं दुष्करं पुष्करे तपः । दुष्करं पुष्करे दानं वस्तुं चैव सुदुष्करम्

duṣkaraṃ puṣkare gaṃtuṃ duṣkaraṃ puṣkare tapaḥ | duṣkaraṃ puṣkare dānaṃ vastuṃ caiva suduṣkaram

Sanskrit only: no published translation is held for this verse.

त्रीणि शृंगाणि शुभ्राणि त्रीणि प्रस्रवणानि च । पुष्कराण्यादि तीर्थानि न विद्मस्तत्र कारणम्

trīṇi śṛṃgāṇi śubhrāṇi trīṇi prasravaṇāni ca | puṣkarāṇyādi tīrthāni na vidmastatra kāraṇam

Sanskrit only: no published translation is held for this verse.

उष्ट्वा द्वादशवर्षाणि नियतो नियताशनः । स मुक्तः सर्वपापेभ्यो सर्वक्रतुफलं लभेत्

uṣṭvā dvādaśavarṣāṇi niyato niyatāśanaḥ | sa muktaḥ sarvapāpebhyo sarvakratuphalaṃ labhet

Sanskrit only: no published translation is held for this verse.