Padma Purāṇa 3.12

वसिष्ठ उवाच- प्रदक्षिणमुपावृत्तो जंबूमार्गे समाविशेत् । जंबूमार्गं समाविश्य पितृदेवर्षिपूजितम्

vasiṣṭha uvāca- pradakṣiṇamupāvṛtto jaṃbūmārge samāviśet | jaṃbūmārgaṃ samāviśya pitṛdevarṣipūjitam

Sanskrit only: no published translation is held for this verse.

अश्वमेधमवाप्नोति विष्णुलोकं च गच्छति । तत्रोष्य रजनीः पंच षष्ठकालेश्नुवन्नरः

aśvamedhamavāpnoti viṣṇulokaṃ ca gacchati | tatroṣya rajanīḥ paṃca ṣaṣṭhakāleśnuvannaraḥ

Sanskrit only: no published translation is held for this verse.

न दुर्गतिमवाप्नोति सिद्धिं चाप्नोत्यनुत्तमाम् । जंबुमार्गादुपावृत्तो गच्छेत्तु दुलिकाश्रमम्

na durgatimavāpnoti siddhiṃ cāpnotyanuttamām | jaṃbumārgādupāvṛtto gacchettu dulikāśramam

Sanskrit only: no published translation is held for this verse.

न दुर्गतिमवाप्नोति स्वर्गलोके च पूज्यते । अगस्त्याश्रममासाद्य पितृदेवार्चने रतः

na durgatimavāpnoti svargaloke ca pūjyate | agastyāśramamāsādya pitṛdevārcane rataḥ

Sanskrit only: no published translation is held for this verse.

त्रिरात्रोपोषितो राजन्नग्निष्टोमफलं लभेत् । शाकवृत्तिः फलैर्वापि कौमारं विंदते परम्

trirātropoṣito rājannagniṣṭomaphalaṃ labhet | śākavṛttiḥ phalairvāpi kaumāraṃ viṃdate param

Sanskrit only: no published translation is held for this verse.

कन्याश्रमं समासाद्य श्रीपुष्टं लोकपूजितम् । धर्मारण्यं हि तत्पुण्यमाद्यं च पार्थिवर्षभ

kanyāśramaṃ samāsādya śrīpuṣṭaṃ lokapūjitam | dharmāraṇyaṃ hi tatpuṇyamādyaṃ ca pārthivarṣabha

Sanskrit only: no published translation is held for this verse.

यत्र प्रविष्टमात्रो वै पापेभ्यो विप्रमुच्यते । अर्चयित्वा पितॄन्देवान्प्रयतो नियताशनः

yatra praviṣṭamātro vai pāpebhyo vipramucyate | arcayitvā pitṝndevānprayato niyatāśanaḥ

Sanskrit only: no published translation is held for this verse.

सर्वकामसमृद्धस्य यज्ञस्य फलमश्नुते । प्रादक्षिण्यं ततः कृत्वा ययातिपतनं व्रजेत्

sarvakāmasamṛddhasya yajñasya phalamaśnute | prādakṣiṇyaṃ tataḥ kṛtvā yayātipatanaṃ vrajet

Sanskrit only: no published translation is held for this verse.

हयमेधस्य यज्ञस्य फलमाप्नोति तत्र वै । महाकालमतो गच्छेन्नियतो नियताशनः

hayamedhasya yajñasya phalamāpnoti tatra vai | mahākālamato gacchenniyato niyatāśanaḥ

Sanskrit only: no published translation is held for this verse.

कोटितीर्थमुपस्पृश्य हयमेधफलं लभेत् । ततो गच्छेत धर्मज्ञ स्थानं तीर्थमुमापतेः

koṭitīrthamupaspṛśya hayamedhaphalaṃ labhet | tato gaccheta dharmajña sthānaṃ tīrthamumāpateḥ

Sanskrit only: no published translation is held for this verse.

नाम्ना भद्रवटं नाम त्रिषु लोकेषु विश्रुतम् । तत्राभिगम्य चेशानं गोसहस्रफलं लभेत्

nāmnā bhadravaṭaṃ nāma triṣu lokeṣu viśrutam | tatrābhigamya ceśānaṃ gosahasraphalaṃ labhet

Sanskrit only: no published translation is held for this verse.

महादेवप्रसादाच्च गाणपत्यमवाप्नुयात् । समृद्धमसपत्नं तु श्रियायुक्तं नरोत्तम

mahādevaprasādācca gāṇapatyamavāpnuyāt | samṛddhamasapatnaṃ tu śriyāyuktaṃ narottama

Sanskrit only: no published translation is held for this verse.

नर्मदां तु समासाद्य नदीं त्रैलोक्यविश्रुताम् । तर्पयित्वा पितॄन्देवानग्निष्टोमफलं लभेत्

narmadāṃ tu samāsādya nadīṃ trailokyaviśrutām | tarpayitvā pitṝndevānagniṣṭomaphalaṃ labhet

Sanskrit only: no published translation is held for this verse.