Padma Purāṇa 3.13

युधिष्ठिर उवाच- वसिष्ठेन दिलीपाय कथितं तीर्थमुत्तमम् । नर्मदेति च विख्यातं पापपर्वतदारणम्

yudhiṣṭhira uvāca- vasiṣṭhena dilīpāya kathitaṃ tīrthamuttamam | narmadeti ca vikhyātaṃ pāpaparvatadāraṇam

Sanskrit only: no published translation is held for this verse.

भूयश्च श्रोतुमिच्छामि तन्मे कथय नारद । नर्मदायाश्च माहात्म्यं वसिष्ठोक्तं द्विजोत्तम

bhūyaśca śrotumicchāmi tanme kathaya nārada | narmadāyāśca māhātmyaṃ vasiṣṭhoktaṃ dvijottama

Sanskrit only: no published translation is held for this verse.

कथमेषा महापुण्या नदी सर्वत्र विश्रुता । नर्मदानाम विख्याता तन्मम ब्रूहिनारद

kathameṣā mahāpuṇyā nadī sarvatra viśrutā | narmadānāma vikhyātā tanmama brūhinārada

Sanskrit only: no published translation is held for this verse.

नारद उवाच-। नर्मदा सरितां श्रेष्ठा सर्वपापप्रणाशिनी । तारयेत्सर्वभूतानि स्थावराणि चराणि च

nārada uvāca-| narmadā saritāṃ śreṣṭhā sarvapāpapraṇāśinī | tārayetsarvabhūtāni sthāvarāṇi carāṇi ca

Sanskrit only: no published translation is held for this verse.

नर्मदायास्तु माहात्म्यं वसिष्ठोक्तं मया श्रुतम् । तदेतद्धि महाराज सर्वं हि कथयामि ते

narmadāyāstu māhātmyaṃ vasiṣṭhoktaṃ mayā śrutam | tadetaddhi mahārāja sarvaṃ hi kathayāmi te

Sanskrit only: no published translation is held for this verse.

पुण्या कनखले गङ्गा कुरुक्षेत्रे सरस्वती । ग्रामे वा यदि वारण्ये पुण्या सर्वत्र नर्म्मदा

puṇyā kanakhale gaṅgā kurukṣetre sarasvatī | grāme vā yadi vāraṇye puṇyā sarvatra narmmadā

Sanskrit only: no published translation is held for this verse.

त्रिभिः सारस्वतं तोयं सप्ताहेन तु यामुनम् । सद्यः पुनाति गांगेयं दर्शनादेव नार्मदम्

tribhiḥ sārasvataṃ toyaṃ saptāhena tu yāmunam | sadyaḥ punāti gāṃgeyaṃ darśanādeva nārmadam

Sanskrit only: no published translation is held for this verse.

कलिंग देशे पश्चार्द्धे पर्वतेऽमरकंटके । पुण्या च त्रिषु लोकेषु रमणीया मनोरमा

kaliṃga deśe paścārddhe parvate'marakaṃṭake | puṇyā ca triṣu lokeṣu ramaṇīyā manoramā

Sanskrit only: no published translation is held for this verse.

सदेवासुरगंधर्वा ऋषयश्च तपोधनाः । तपस्तप्त्वा महाराज सिद्धिं च परमां गताः

sadevāsuragaṃdharvā ṛṣayaśca tapodhanāḥ | tapastaptvā mahārāja siddhiṃ ca paramāṃ gatāḥ

Sanskrit only: no published translation is held for this verse.

तत्र स्नात्वा महाराज नियमस्थो जितेंद्रियः । उपोष्य रजनीमेकां कुलानां तारयेच्छतम्

tatra snātvā mahārāja niyamastho jiteṃdriyaḥ | upoṣya rajanīmekāṃ kulānāṃ tārayecchatam

Sanskrit only: no published translation is held for this verse.

जनेश्वरे नरः स्नात्वा पिंडं दत्वा यथाविधि । पितरस्तस्य तृप्यंति यावदाभूतसंप्लवम्

janeśvare naraḥ snātvā piṃḍaṃ datvā yathāvidhi | pitarastasya tṛpyaṃti yāvadābhūtasaṃplavam

Sanskrit only: no published translation is held for this verse.

पर्वतस्य समंतात्तु रुद्रकोटिः प्रतिष्ठिता । स्नानं यः कुरुते तत्र गंधमाल्यानुलेपनम्

parvatasya samaṃtāttu rudrakoṭiḥ pratiṣṭhitā | snānaṃ yaḥ kurute tatra gaṃdhamālyānulepanam

Sanskrit only: no published translation is held for this verse.

प्रीता तस्य भवेत्सर्वा रुद्रकोटिर्न संशयः । पर्वते पश्चिमस्यांते स्वयं देवो महेश्वरः

prītā tasya bhavetsarvā rudrakoṭirna saṃśayaḥ | parvate paścimasyāṃte svayaṃ devo maheśvaraḥ

Sanskrit only: no published translation is held for this verse.

तत्र स्नात्वा शुचिर्भूत्वा ब्रह्मचारी जितेंद्रियः । पितृकार्यं तु कुर्वीत विधिदृष्टेन कर्मणा

tatra snātvā śucirbhūtvā brahmacārī jiteṃdriyaḥ | pitṛkāryaṃ tu kurvīta vidhidṛṣṭena karmaṇā

Sanskrit only: no published translation is held for this verse.

तिलोदकेन तत्रैव तर्पयेत्पितृदेवताः । आसप्तमं कुलं तस्य स्वर्गे तिष्ठति पांडव

tilodakena tatraiva tarpayetpitṛdevatāḥ | āsaptamaṃ kulaṃ tasya svarge tiṣṭhati pāṃḍava

Sanskrit only: no published translation is held for this verse.

षष्टिवर्षसहस्राणि स्वर्गलोके महीयते । अप्सरोगणसंकीर्णो दिव्यस्त्रीपरिवारितः

ṣaṣṭivarṣasahasrāṇi svargaloke mahīyate | apsarogaṇasaṃkīrṇo divyastrīparivāritaḥ

Sanskrit only: no published translation is held for this verse.

दिव्यगंधानुलिप्तश्च दिव्यालंकारभूषितः । ततः स्वर्गात्परिभ्रष्टो जायते विपुले कुले

divyagaṃdhānuliptaśca divyālaṃkārabhūṣitaḥ | tataḥ svargātparibhraṣṭo jāyate vipule kule

Sanskrit only: no published translation is held for this verse.

धनवान्दानशीलश्च धार्मिकश्चैव जायते । पुनः स्मरति तत्तीर्थं गमनं तत्र कुर्वते

dhanavāndānaśīlaśca dhārmikaścaiva jāyate | punaḥ smarati tattīrthaṃ gamanaṃ tatra kurvate

Sanskrit only: no published translation is held for this verse.

तारयित्वा कुलशतं रुद्रलोकं स गच्छति । योजनानां शतं साग्रं श्रूयते सरिदुत्तमा

tārayitvā kulaśataṃ rudralokaṃ sa gacchati | yojanānāṃ śataṃ sāgraṃ śrūyate sariduttamā

Sanskrit only: no published translation is held for this verse.

विस्तारेण तु राजेन्द्र योजनद्वयमंतरम् । षष्टितीर्थसहस्राणि षष्टिकोट्यस्तथैव च

vistāreṇa tu rājendra yojanadvayamaṃtaram | ṣaṣṭitīrthasahasrāṇi ṣaṣṭikoṭyastathaiva ca

Sanskrit only: no published translation is held for this verse.

पर्वतस्य समंतात्तु तिष्ठंत्यमरकंटके । ब्रह्मचारी शुचिर्भूत्वा जितक्रोधो जितेंद्रियः

parvatasya samaṃtāttu tiṣṭhaṃtyamarakaṃṭake | brahmacārī śucirbhūtvā jitakrodho jiteṃdriyaḥ

Sanskrit only: no published translation is held for this verse.

सर्वहिंसानिवृत्तश्च सर्वभूतहिते रतः । एवं सर्वसमाचारः क्षेत्रपालान्परिव्रजेत्

sarvahiṃsānivṛttaśca sarvabhūtahite rataḥ | evaṃ sarvasamācāraḥ kṣetrapālānparivrajet

Sanskrit only: no published translation is held for this verse.

तस्य पुण्यफलं राजन्शृणुष्वावहितो हि मे । शतं वर्षसहस्राणां स्वर्गे मोदेत पांडव

tasya puṇyaphalaṃ rājanśṛṇuṣvāvahito hi me | śataṃ varṣasahasrāṇāṃ svarge modeta pāṃḍava

Sanskrit only: no published translation is held for this verse.

अप्सरोगणसंकीर्णे दिव्यस्त्रीपरिचारिते । दिव्यगंधानुलिप्तश्च दिव्यालंकारभूषितः

apsarogaṇasaṃkīrṇe divyastrīparicārite | divyagaṃdhānuliptaśca divyālaṃkārabhūṣitaḥ

Sanskrit only: no published translation is held for this verse.

क्रीडते देवलोके तु दैवतैः सह मोदते । ततः स्वर्गात्परिभ्रष्टो राजा भवति वीर्यवान्

krīḍate devaloke tu daivataiḥ saha modate | tataḥ svargātparibhraṣṭo rājā bhavati vīryavān

Sanskrit only: no published translation is held for this verse.