Library·Padma Purāṇa·3·3.15
नारद उवाच- यन्मां पृच्छसि कौंतेय तन्निबोध च तच्छृणु । एतस्मिन्नंतरे रुद्रो नर्मदातटमास्थितः
nārada uvāca- yanmāṃ pṛcchasi kauṃteya tannibodha ca tacchṛṇu | etasminnaṃtare rudro narmadātaṭamāsthitaḥ
Sanskrit only: no published translation is held for this verse.
नाम्ना हरेश्वरं स्थानं त्रिषु लोकेषु विश्रुतम् । तस्मिन्स्थाने महादेवश्चिंतयंस्त्रैपुरं वधम्
nāmnā hareśvaraṃ sthānaṃ triṣu lokeṣu viśrutam | tasminsthāne mahādevaściṃtayaṃstraipuraṃ vadham
Sanskrit only: no published translation is held for this verse.
गां(गा?)डीवं मंदरं कृत्वा गुणं कृत्वा तु वासुकिम् । स्थानं कृत्वा तु वैशाखं विष्णुं कृत्वा शरोत्तमम्
gāṃ(gā?)ḍīvaṃ maṃdaraṃ kṛtvā guṇaṃ kṛtvā tu vāsukim | sthānaṃ kṛtvā tu vaiśākhaṃ viṣṇuṃ kṛtvā śarottamam
Sanskrit only: no published translation is held for this verse.
अग्रे चाग्निं प्रतिष्ठाप्य मुखे वायुः समर्पितः । हयाश्च चतुरो वेदाः सर्वदेवमयं रथम्
agre cāgniṃ pratiṣṭhāpya mukhe vāyuḥ samarpitaḥ | hayāśca caturo vedāḥ sarvadevamayaṃ ratham
Sanskrit only: no published translation is held for this verse.
चक्रगौ चाश्विनौ देवावक्षं चक्रधरः स्वयम् । स्वयमिंद्रश्च चापांते बाणे वैश्रवणः स्थितः
cakragau cāśvinau devāvakṣaṃ cakradharaḥ svayam | svayamiṃdraśca cāpāṃte bāṇe vaiśravaṇaḥ sthitaḥ
Sanskrit only: no published translation is held for this verse.
यमस्तु दक्षिणे हस्ते वामे कालस्तु दारुणः । चक्राणामारके न्यस्ता गंधर्वा लोकविश्रुताः
yamastu dakṣiṇe haste vāme kālastu dāruṇaḥ | cakrāṇāmārake nyastā gaṃdharvā lokaviśrutāḥ
Sanskrit only: no published translation is held for this verse.
प्रजापती रथश्रेष्ठे ब्रह्मा चैव तु सारथिः । एवं कृत्वा तु देवेशः सर्वदेवमयं रथम्
prajāpatī rathaśreṣṭhe brahmā caiva tu sārathiḥ | evaṃ kṛtvā tu deveśaḥ sarvadevamayaṃ ratham
Sanskrit only: no published translation is held for this verse.
सोतिष्ठत्स्थाणुभूतो हि सहस्रं परिवत्सरान् । यदा त्रीणि समेतानि अंतरिक्षचराणि च
sotiṣṭhatsthāṇubhūto hi sahasraṃ parivatsarān | yadā trīṇi sametāni aṃtarikṣacarāṇi ca
Sanskrit only: no published translation is held for this verse.
त्रिपुराणि त्रिशल्येन तदा तानि बिभेद सः । शरः प्रचोदितस्तत्र रुद्रेण त्रिपुरं प्रति
tripurāṇi triśalyena tadā tāni bibheda saḥ | śaraḥ pracoditastatra rudreṇa tripuraṃ prati
Sanskrit only: no published translation is held for this verse.
भ्रष्टतेजा स्त्रियो जाता बलं तेषां व्यशीर्यत । उत्पाताश्च पुरे तस्मिन्प्रादुर्भूता सहस्रशः
bhraṣṭatejā striyo jātā balaṃ teṣāṃ vyaśīryata | utpātāśca pure tasminprādurbhūtā sahasraśaḥ
Sanskrit only: no published translation is held for this verse.
त्रिपुरस्य विनाशाय कालरूपोभवत्तदा । अट्टहासं प्रमुंचंति रूपाः काष्ठमयास्तथा
tripurasya vināśāya kālarūpobhavattadā | aṭṭahāsaṃ pramuṃcaṃti rūpāḥ kāṣṭhamayāstathā
Sanskrit only: no published translation is held for this verse.
निमेषोन्मेषणं चैव कुर्वंति चित्रकर्मणा । स्वप्ने पश्यंति चात्मानं रक्तांबरविभूषितम्
nimeṣonmeṣaṇaṃ caiva kurvaṃti citrakarmaṇā | svapne paśyaṃti cātmānaṃ raktāṃbaravibhūṣitam
Sanskrit only: no published translation is held for this verse.
स्वप्ने पश्यंति ते चैवं विपरीतानि यानि तु । एतान्पश्यति उत्पातांस्तत्र स्थाने तु ये जनाः
svapne paśyaṃti te caivaṃ viparītāni yāni tu | etānpaśyati utpātāṃstatra sthāne tu ye janāḥ
Sanskrit only: no published translation is held for this verse.
तेषां बलं च बुद्धिश्च हरक्रोधेन नाशितम् । संवर्तको नाम वायुर्युगांतप्रतिमो महान्
teṣāṃ balaṃ ca buddhiśca harakrodhena nāśitam | saṃvartako nāma vāyuryugāṃtapratimo mahān
Sanskrit only: no published translation is held for this verse.
समीरितोनलश्रेष्ठ उत्तमांगेषु बाधते । ज्वलंति पादपास्तत्र पतंति शिखराणि च
samīritonalaśreṣṭha uttamāṃgeṣu bādhate | jvalaṃti pādapāstatra pataṃti śikharāṇi ca
Sanskrit only: no published translation is held for this verse.
सर्वं तद्व्याकुलीभूतं हाहाकारमचेतनम् । भग्नोद्यानानि सर्वाणि क्षिप्रं तु प्रज्वलंति च
sarvaṃ tadvyākulībhūtaṃ hāhākāramacetanam | bhagnodyānāni sarvāṇi kṣipraṃ tu prajvalaṃti ca
Sanskrit only: no published translation is held for this verse.
तेनैव दीपितं सर्वं ज्वलते विशिखैः शिखैः । द्रुमा आरामगंडानि गृहाणि विविधानि च
tenaiva dīpitaṃ sarvaṃ jvalate viśikhaiḥ śikhaiḥ | drumā ārāmagaṃḍāni gṛhāṇi vividhāni ca
Sanskrit only: no published translation is held for this verse.
दशदिक्षु प्रवृत्तोयं समिद्धो हव्यवाहनः । ततः शिलाः प्रमुंचंति दिशो दश विभागशः
daśadikṣu pravṛttoyaṃ samiddho havyavāhanaḥ | tataḥ śilāḥ pramuṃcaṃti diśo daśa vibhāgaśaḥ
Sanskrit only: no published translation is held for this verse.
शिखासहस्रैरत्युग्रैः प्रज्वलंति हुताशनैः । सर्वं किंशुकसंप्रख्यं ज्वलितंदृश्यते पुरम्
śikhāsahasrairatyugraiḥ prajvalaṃti hutāśanaiḥ | sarvaṃ kiṃśukasaṃprakhyaṃ jvalitaṃdṛśyate puram
Sanskrit only: no published translation is held for this verse.
गृहाद्गृहांतरे नैव गंतुं धूमैश्च शक्यते । हरकोपानलादग्धं क्रंदमानं सुदुःखितम्
gṛhādgṛhāṃtare naiva gaṃtuṃ dhūmaiśca śakyate | harakopānalādagdhaṃ kraṃdamānaṃ suduḥkhitam
Sanskrit only: no published translation is held for this verse.
प्रदीप्तं सर्वतो दिक्षु दह्यते त्रिपुरं पुरम् । प्रासादशिखराग्राणि विशीर्यंति सहस्रशः
pradīptaṃ sarvato dikṣu dahyate tripuraṃ puram | prāsādaśikharāgrāṇi viśīryaṃti sahasraśaḥ
Sanskrit only: no published translation is held for this verse.
नानारत्नविचित्राणि विमानान्यप्यनेकधा । गृहाणि चैव रम्याणि दह्यंते दीप्तिवह्निना
nānāratnavicitrāṇi vimānānyapyanekadhā | gṛhāṇi caiva ramyāṇi dahyaṃte dīptivahninā
Sanskrit only: no published translation is held for this verse.
बाधंते द्रुमखंडेषु जनस्थाने तथैव च । देवागारेषु सर्वेषु प्रज्वलंते ज्वलंत्यपि
bādhaṃte drumakhaṃḍeṣu janasthāne tathaiva ca | devāgāreṣu sarveṣu prajvalaṃte jvalaṃtyapi
Sanskrit only: no published translation is held for this verse.
सीदंति चानलस्पृष्टाः क्रंदंति विविधै स्वरैः । गिरिकूटनिभास्तत्र दृश्यंतेंऽगारराशयः
sīdaṃti cānalaspṛṣṭāḥ kraṃdaṃti vividhai svaraiḥ | girikūṭanibhāstatra dṛśyaṃteṃ'gārarāśayaḥ
Sanskrit only: no published translation is held for this verse.
स्तुवंति देवदेवेशं परित्रायस्व मां प्रभो । अन्योन्यं च परिष्वज्य हुताशनप्रपीडिताः
stuvaṃti devadeveśaṃ paritrāyasva māṃ prabho | anyonyaṃ ca pariṣvajya hutāśanaprapīḍitāḥ
Sanskrit only: no published translation is held for this verse.
दह्यंते दानवास्तत्र शतशोथ सहस्रशः । हंसकारंडवाकीर्णा नलिनी सह पंकजा
dahyaṃte dānavāstatra śataśotha sahasraśaḥ | haṃsakāraṃḍavākīrṇā nalinī saha paṃkajā
Sanskrit only: no published translation is held for this verse.
दह्यंतेनलदग्धानि पुरोद्यानानि दीर्घिकाः । अम्लानैः पंकजैश्छन्ना विस्तीर्णा योजनैः शतैः
dahyaṃtenaladagdhāni purodyānāni dīrghikāḥ | amlānaiḥ paṃkajaiśchannā vistīrṇā yojanaiḥ śataiḥ
Sanskrit only: no published translation is held for this verse.
गिरिकूटनिभास्तत्र प्रासादारत्नभूषिताः । पतंत्यनलनिर्दग्धा निस्तोया जलदा इव
girikūṭanibhāstatra prāsādāratnabhūṣitāḥ | pataṃtyanalanirdagdhā nistoyā jaladā iva
Sanskrit only: no published translation is held for this verse.
सह स्त्रीबालवृद्धेषु गोषु पक्षिषु वाजिषु । निर्दयो दहते वह्निर्हरकोपेन प्रेरितः
saha strībālavṛddheṣu goṣu pakṣiṣu vājiṣu | nirdayo dahate vahnirharakopena preritaḥ
Sanskrit only: no published translation is held for this verse.
सपत्नीकाश्चैव सुप्ताः संसुप्ता बहवो जनाः । पुत्रमालिंग्यते गाढं दह्यंते त्रिपुरारिणा
sapatnīkāścaiva suptāḥ saṃsuptā bahavo janāḥ | putramāliṃgyate gāḍhaṃ dahyaṃte tripurāriṇā
Sanskrit only: no published translation is held for this verse.
अथ तस्मिन्पुरे दीप्ते स्त्रियश्चाप्सरसोपमाः । अग्निज्वालाहतास्तत्र पतंति धरणीतले
atha tasminpure dīpte striyaścāpsarasopamāḥ | agnijvālāhatāstatra pataṃti dharaṇītale
Sanskrit only: no published translation is held for this verse.
काचिद्बाला विशालाक्षी मुक्तावलि विभूषिता । धूमेनाकुलिता सा तु प्रतिबुद्धा शिखार्द्दिता
kācidbālā viśālākṣī muktāvali vibhūṣitā | dhūmenākulitā sā tu pratibuddhā śikhārdditā
Sanskrit only: no published translation is held for this verse.
सुतं संचिंत्यमाना सा पतिता धरणीतले । काचित्सुवर्णवर्णाभा नीलरत्नैर्विभूषिता
sutaṃ saṃciṃtyamānā sā patitā dharaṇītale | kācitsuvarṇavarṇābhā nīlaratnairvibhūṣitā
Sanskrit only: no published translation is held for this verse.
धूमेनाकुलिता सा तु पतिता धरणीतले । अन्या गृहीतहस्ता तु सखी दहति बालकैः
dhūmenākulitā sā tu patitā dharaṇītale | anyā gṛhītahastā tu sakhī dahati bālakaiḥ
Sanskrit only: no published translation is held for this verse.
अनेन दिव्यरूपान्यादृष्टा मदविमोहिता । शिरसा प्रांजलिं कृत्वा विज्ञापयति पावकम्
anena divyarūpānyādṛṣṭā madavimohitā | śirasā prāṃjaliṃ kṛtvā vijñāpayati pāvakam
Sanskrit only: no published translation is held for this verse.
यदि त्वमिच्छसे वैरं पुरुषेष्वपकारिषु । स्त्रियः किमपराध्यंते गृहपंजरकोकिलाः
yadi tvamicchase vairaṃ puruṣeṣvapakāriṣu | striyaḥ kimaparādhyaṃte gṛhapaṃjarakokilāḥ
Sanskrit only: no published translation is held for this verse.
पापनिर्दय निर्ल्लज्ज कस्ते कोपः स्त्रियोपरि । न दाक्षिण्यं न ते लज्जा न सत्यं शौचवर्जितः
pāpanirdaya nirllajja kaste kopaḥ striyopari | na dākṣiṇyaṃ na te lajjā na satyaṃ śaucavarjitaḥ
Sanskrit only: no published translation is held for this verse.
अनेकरूपवर्णाढ्या उपलभ्या वदस्व ह । किं त्वया न श्रुतं लोके अवध्याः सर्वयोषितः
anekarūpavarṇāḍhyā upalabhyā vadasva ha | kiṃ tvayā na śrutaṃ loke avadhyāḥ sarvayoṣitaḥ
Sanskrit only: no published translation is held for this verse.
किं तु तुभ्यं गुणा ह्येते दहनस्त्र्यर्दनं प्रति । न कारुण्यं दया वापि दाक्षिण्यं वा स्त्रियोपरि
kiṃ tu tubhyaṃ guṇā hyete dahanastryardanaṃ prati | na kāruṇyaṃ dayā vāpi dākṣiṇyaṃ vā striyopari
Sanskrit only: no published translation is held for this verse.
दयां कुर्वंति म्लेच्छापि दहनं प्रेक्ष्य योषितः । म्लेच्छानामपि कष्टोसि दुर्निवार्यो ह्यचेतनः
dayāṃ kurvaṃti mlecchāpi dahanaṃ prekṣya yoṣitaḥ | mlecchānāmapi kaṣṭosi durnivāryo hyacetanaḥ
Sanskrit only: no published translation is held for this verse.
एते चैव गुणास्तुभ्यं दहनोत्सादनं प्रति । आसामपि दुराचार स्त्रीणां किं विनिपातसे
ete caiva guṇāstubhyaṃ dahanotsādanaṃ prati | āsāmapi durācāra strīṇāṃ kiṃ vinipātase
Sanskrit only: no published translation is held for this verse.
दुष्ट निर्घृण निर्लज्ज हुताश मंदभाग्यक । निराशस्त्वं दुराचार बालान्दहसि निर्दय
duṣṭa nirghṛṇa nirlajja hutāśa maṃdabhāgyaka | nirāśastvaṃ durācāra bālāndahasi nirdaya
Sanskrit only: no published translation is held for this verse.
एवं प्रलपमानास्ता जल्पमाना बहुस्वरम् । अन्याः क्रोशंति संक्रुद्धा बालशोकेन मोहिताः
evaṃ pralapamānāstā jalpamānā bahusvaram | anyāḥ krośaṃti saṃkruddhā bālaśokena mohitāḥ
Sanskrit only: no published translation is held for this verse.
दहते निर्दयो वह्निः संक्रुद्धः सर्वशत्रुवत् । पुष्करिण्यां जले ज्वाला कूपेष्वपि तथैव च
dahate nirdayo vahniḥ saṃkruddhaḥ sarvaśatruvat | puṣkariṇyāṃ jale jvālā kūpeṣvapi tathaiva ca
Sanskrit only: no published translation is held for this verse.
अस्मान्संदह्य म्लेच्छ त्वं कां गतिं प्रापयिष्यसि । एवं प्रलपतां तासां वह्निर्वचनमब्रवीत्
asmānsaṃdahya mleccha tvaṃ kāṃ gatiṃ prāpayiṣyasi | evaṃ pralapatāṃ tāsāṃ vahnirvacanamabravīt
Sanskrit only: no published translation is held for this verse.
वैश्वानर उवाच-। स्ववशो नैव युष्माकं विनाशं तु करोम्यहम् । अहमादेशकर्ता वै नाहं कर्त्तास्म्यनुग्रहम्
vaiśvānara uvāca-| svavaśo naiva yuṣmākaṃ vināśaṃ tu karomyaham | ahamādeśakartā vai nāhaṃ karttāsmyanugraham
Sanskrit only: no published translation is held for this verse.
अत्र क्रोधसमाविष्टो विचरामि यदृच्छया । ततो बाणो महातेजास्त्रिपुरं वीक्ष्य दीपितम्
atra krodhasamāviṣṭo vicarāmi yadṛcchayā | tato bāṇo mahātejāstripuraṃ vīkṣya dīpitam
Sanskrit only: no published translation is held for this verse.
आसनस्थोऽब्रवीदेवमहं देवैर्विनाशितः । अल्पसारैर्दुराचारैरीश्वरस्य निवेदितः
āsanastho'bravīdevamahaṃ devairvināśitaḥ | alpasārairdurācārairīśvarasya niveditaḥ
Sanskrit only: no published translation is held for this verse.
अपरीक्ष्य ह्यहं दग्धः शंकरेण महात्मना । नान्यः शत्रुस्तु मां हंतुं वर्ज्जयित्वा महेश्वरम्
aparīkṣya hyahaṃ dagdhaḥ śaṃkareṇa mahātmanā | nānyaḥ śatrustu māṃ haṃtuṃ varjjayitvā maheśvaram
Sanskrit only: no published translation is held for this verse.
उत्थितः शिरसा कृत्वा लिगं त्रिभुवनेश्वरम् । निर्गतः स पुरद्वारात्परित्यज्य सुहृत्स्वयम्
utthitaḥ śirasā kṛtvā ligaṃ tribhuvaneśvaram | nirgataḥ sa puradvārātparityajya suhṛtsvayam
Sanskrit only: no published translation is held for this verse.
रत्नानि सुविचित्राणि स्त्रियो नानाविधास्तथा । गृहीत्वा शिरसा लिंगं न्यस्तं नगरमंडले
ratnāni suvicitrāṇi striyo nānāvidhāstathā | gṛhītvā śirasā liṃgaṃ nyastaṃ nagaramaṃḍale
Sanskrit only: no published translation is held for this verse.
स्तुवते देवदेवेशं त्रैलोक्याधिपतिं शिवम् । हर त्वयाहं निर्दग्धो यदि वध्योसि शंकर
stuvate devadeveśaṃ trailokyādhipatiṃ śivam | hara tvayāhaṃ nirdagdho yadi vadhyosi śaṃkara
Sanskrit only: no published translation is held for this verse.
त्वत्प्रसादान्महादेव मा मे लिंगं विनश्यतु । अर्चितं हि महादेव भक्त्या परमया सदा
tvatprasādānmahādeva mā me liṃgaṃ vinaśyatu | arcitaṃ hi mahādeva bhaktyā paramayā sadā
Sanskrit only: no published translation is held for this verse.
त्वया यद्यपि वध्योहं मा मे लिंगं विनश्यतु । प्राप्यमेतन्महादेव त्वत्पादग्रहणं मम
tvayā yadyapi vadhyohaṃ mā me liṃgaṃ vinaśyatu | prāpyametanmahādeva tvatpādagrahaṇaṃ mama
Sanskrit only: no published translation is held for this verse.
जन्मजन्म महादेव त्वत्पादनिरतो ह्यहम् । तोटकच्छंदसा देवं स्तुत्वा तु परमेश्वरम्
janmajanma mahādeva tvatpādanirato hyaham | toṭakacchaṃdasā devaṃ stutvā tu parameśvaram
Sanskrit only: no published translation is held for this verse.
ॐशिवशंकरसर्वकराय नमो भवभीममहेशशिवाय नमः । कुसुमायुध देहविनाशकर त्रिपुरांतकरांधक चूर्णकर
oṃśivaśaṃkarasarvakarāya namo bhavabhīmamaheśaśivāya namaḥ | kusumāyudha dehavināśakara tripurāṃtakarāṃdhaka cūrṇakara
Sanskrit only: no published translation is held for this verse.
प्रमदाप्रियकामविभक्त नमो हि नमः सुरसिद्धगणैर्नमितः । हयवानरसिंहगजेंद्रमुखैरति ह्रस्वसुदीर्घमुखैश्च गणैः
pramadāpriyakāmavibhakta namo hi namaḥ surasiddhagaṇairnamitaḥ | hayavānarasiṃhagajeṃdramukhairati hrasvasudīrghamukhaiśca gaṇaiḥ
Sanskrit only: no published translation is held for this verse.
उपलब्धुमशक्यतरैरसुरैर्व्यथितो न शरीरशतैर्बहुभिः । प्रणतो भगवन्बहुभक्तिमता चलचंद्र कलाधर देव नमः
upalabdhumaśakyatarairasurairvyathito na śarīraśatairbahubhiḥ | praṇato bhagavanbahubhaktimatā calacaṃdra kalādhara deva namaḥ
Sanskrit only: no published translation is held for this verse.
सहपुत्रकलत्रकलापधनैः सततं जय देहि अनुस्मरणम् । व्यथितोस्मि शरीरशतैर्बहुभिर्गमिताद्य महानरकस्य गतिः
sahaputrakalatrakalāpadhanaiḥ satataṃ jaya dehi anusmaraṇam | vyathitosmi śarīraśatairbahubhirgamitādya mahānarakasya gatiḥ
Sanskrit only: no published translation is held for this verse.
न निवर्तति यन्ममपापगतिः शुचिकर्म्मविशुद्धमपि त्यजति । अनुकंपति दिग्भ्रमति भ्रमति भ्रम एष कुबुद्धि निवारयति
na nivartati yanmamapāpagatiḥ śucikarmmaviśuddhamapi tyajati | anukaṃpati digbhramati bhramati bhrama eṣa kubuddhi nivārayati
Sanskrit only: no published translation is held for this verse.
यः पठेत्तोटकं दिव्यं प्रयतः शुचिमानसः । बाणस्यैव यथारुद्रस्तस्यैव वरदो भवेत्
yaḥ paṭhettoṭakaṃ divyaṃ prayataḥ śucimānasaḥ | bāṇasyaiva yathārudrastasyaiva varado bhavet
Sanskrit only: no published translation is held for this verse.
इमं स्तवं महादिव्यं श्रुत्वा देवो महेश्वरः । प्रसन्नस्तु तदा तस्य स्वयं देवो महेश्वरः
imaṃ stavaṃ mahādivyaṃ śrutvā devo maheśvaraḥ | prasannastu tadā tasya svayaṃ devo maheśvaraḥ
Sanskrit only: no published translation is held for this verse.
ईश्वर उवाच-। न भेतव्यं त्वया वत्स सौवर्णे तिष्ठ दानव । पुत्रपौत्रसपत्नीनां भार्याभृत्यजनैः सह
īśvara uvāca-| na bhetavyaṃ tvayā vatsa sauvarṇe tiṣṭha dānava | putrapautrasapatnīnāṃ bhāryābhṛtyajanaiḥ saha
Sanskrit only: no published translation is held for this verse.
अद्यप्रभृति बाण त्वमवध्यस्त्रिदशैरपि । भूयस्तस्य वरो दत्तो देवदेवेन पांडव
adyaprabhṛti bāṇa tvamavadhyastridaśairapi | bhūyastasya varo datto devadevena pāṃḍava
Sanskrit only: no published translation is held for this verse.
अक्षयश्चाव्ययो लोके विचचार ह निर्भयः । ततो निवारयामास रुद्र सप्तशिखं तथा
akṣayaścāvyayo loke vicacāra ha nirbhayaḥ | tato nivārayāmāsa rudra saptaśikhaṃ tathā
Sanskrit only: no published translation is held for this verse.
तृतीयं रक्षितं तस्य शंकरेण महात्मना । भ्रमते गगने नित्यं रुद्रतेजः प्रभावतः
tṛtīyaṃ rakṣitaṃ tasya śaṃkareṇa mahātmanā | bhramate gagane nityaṃ rudratejaḥ prabhāvataḥ
Sanskrit only: no published translation is held for this verse.
एवं तु त्रिपुरं दग्धं शंकरेण महात्मना । ज्वालामालाप्रदीप्तं तु पतितं धरणीतले
evaṃ tu tripuraṃ dagdhaṃ śaṃkareṇa mahātmanā | jvālāmālāpradīptaṃ tu patitaṃ dharaṇītale
Sanskrit only: no published translation is held for this verse.
एकं निपातितं तस्य श्रीशैले त्रिपुरांतके । द्वितीयं पातितं तत्र पर्वतेऽमरकंटके
ekaṃ nipātitaṃ tasya śrīśaile tripurāṃtake | dvitīyaṃ pātitaṃ tatra parvate'marakaṃṭake
Sanskrit only: no published translation is held for this verse.
दग्धे तु त्रिपुरे राजन्रुद्रकोटिः प्रतिष्ठिता । ज्वलंतं पातितं तत्र तेन ज्वालेश्वरः स्मृतः
dagdhe tu tripure rājanrudrakoṭiḥ pratiṣṭhitā | jvalaṃtaṃ pātitaṃ tatra tena jvāleśvaraḥ smṛtaḥ
Sanskrit only: no published translation is held for this verse.
ऊर्ध्वेन प्रस्थिता तस्य दिव्या ज्वाला दिवं गता । हाहाकारस्तदा जातो सदेवासुरकिंनरान्
ūrdhvena prasthitā tasya divyā jvālā divaṃ gatā | hāhākārastadā jāto sadevāsurakiṃnarān
Sanskrit only: no published translation is held for this verse.
तं शरं स्तंभयेद्रुद्रो माहेश्वरपुरोत्तमे । एवं व्रजेत यस्तस्मिन्पर्वतेऽमरकंटके
taṃ śaraṃ staṃbhayedrudro māheśvarapurottame | evaṃ vrajeta yastasminparvate'marakaṃṭake
Sanskrit only: no published translation is held for this verse.
चतुर्द्दशभुवनानि सुभुक्त्वा पांडुनंदन । वर्षकोटिसहस्रं तु त्रिंशत्कोट्यस्तथा पराः
caturddaśabhuvanāni subhuktvā pāṃḍunaṃdana | varṣakoṭisahasraṃ tu triṃśatkoṭyastathā parāḥ
Sanskrit only: no published translation is held for this verse.
ततो महीतलं प्राप्य राजा भवति धार्मिकः । पृथिव्यामेकच्छत्रेण भुंक्ते नास्त्यत्र संशयः
tato mahītalaṃ prāpya rājā bhavati dhārmikaḥ | pṛthivyāmekacchatreṇa bhuṃkte nāstyatra saṃśayaḥ
Sanskrit only: no published translation is held for this verse.
एष पुण्यो महाराज सर्वतोऽमरकंटकः । चंद्र सूर्योपरागेषु गच्छेद्योऽमरकंटकम्
eṣa puṇyo mahārāja sarvato'marakaṃṭakaḥ | caṃdra sūryoparāgeṣu gacchedyo'marakaṃṭakam
Sanskrit only: no published translation is held for this verse.
अश्वमेधाद्दशगुणं प्रवदंति मनीषिणः । स्वर्गलोकमवाप्नोति दृष्ट्वा तत्र महेश्वरम्
aśvamedhāddaśaguṇaṃ pravadaṃti manīṣiṇaḥ | svargalokamavāpnoti dṛṣṭvā tatra maheśvaram
Sanskrit only: no published translation is held for this verse.
संनिहत्या गमिष्यंति राहुग्रस्ते दिवाकरे । तदेव निखिलं पुण्यं पर्वतेऽमरकंटके
saṃnihatyā gamiṣyaṃti rāhugraste divākare | tadeva nikhilaṃ puṇyaṃ parvate'marakaṃṭake
Sanskrit only: no published translation is held for this verse.
पुंडरीकस्य यज्ञस्य फलं प्राप्नोति मानवः । तत्र ज्वालेश्वरो नाम पर्वतेऽमरकंटके
puṃḍarīkasya yajñasya phalaṃ prāpnoti mānavaḥ | tatra jvāleśvaro nāma parvate'marakaṃṭake
Sanskrit only: no published translation is held for this verse.
तत्र स्नात्वा दिवं यांति ये मृतास्तेऽपुनर्भवाः । ज्वालेश्वरे महाराज यस्तु प्राणान्परित्यजेत्
tatra snātvā divaṃ yāṃti ye mṛtāste'punarbhavāḥ | jvāleśvare mahārāja yastu prāṇānparityajet
Sanskrit only: no published translation is held for this verse.
चंद्र सूर्योपरागे तु भक्त्यापि शृणु तत्फलम् । अमरा नाम देवास्ते पर्वतेऽमरकंटके
caṃdra sūryoparāge tu bhaktyāpi śṛṇu tatphalam | amarā nāma devāste parvate'marakaṃṭake
Sanskrit only: no published translation is held for this verse.
रुद्रलोकमवाप्नोति यावदाभूतसंप्लवम् । अमरेश्वरस्य देवस्य पर्वतस्य तटे जले
rudralokamavāpnoti yāvadābhūtasaṃplavam | amareśvarasya devasya parvatasya taṭe jale
Sanskrit only: no published translation is held for this verse.
कोटिश ऋषिमुख्यास्ते तपस्तप्यंति सुव्रताः । समंताद्योजनं राजन्क्षेत्रं चामरकंटकम्
koṭiśa ṛṣimukhyāste tapastapyaṃti suvratāḥ | samaṃtādyojanaṃ rājankṣetraṃ cāmarakaṃṭakam
Sanskrit only: no published translation is held for this verse.
अकामो वा सकामो वा नर्मदायां शुभे जले । स्नात्वा मुच्येत पापेभ्यो रुद्रलोकं स गच्छति
akāmo vā sakāmo vā narmadāyāṃ śubhe jale | snātvā mucyeta pāpebhyo rudralokaṃ sa gacchati
Sanskrit only: no published translation is held for this verse.