Padma Purāṇa 3.17

नारद उवाच- उत्तरे नर्मदाकूले तीर्थं योजनविस्तृतम् । पत्रेश्वरेति विख्यातं सर्वपापहरं परम्

nārada uvāca- uttare narmadākūle tīrthaṃ yojanavistṛtam | patreśvareti vikhyātaṃ sarvapāpaharaṃ param

Sanskrit only: no published translation is held for this verse.

तत्र स्नात्वा नरो राजन्दैवतैः सह मोदते । पंचवर्षसहस्राणि क्रीडते कामरूपधृक्

tatra snātvā naro rājandaivataiḥ saha modate | paṃcavarṣasahasrāṇi krīḍate kāmarūpadhṛk

Sanskrit only: no published translation is held for this verse.

गर्जनं तु ततो गच्छेद्यत्र मेघ उपस्थितः । इंद्रजिन्नाम संप्राप्तं तस्य तीर्थप्रभावतः

garjanaṃ tu tato gacchedyatra megha upasthitaḥ | iṃdrajinnāma saṃprāptaṃ tasya tīrthaprabhāvataḥ

Sanskrit only: no published translation is held for this verse.

मेघरावं ततो गच्छेद्यत्र मेघाभिगर्जितम् । मेघनादो गणस्तत्र वरसंपन्नतां गतः

megharāvaṃ tato gacchedyatra meghābhigarjitam | meghanādo gaṇastatra varasaṃpannatāṃ gataḥ

Sanskrit only: no published translation is held for this verse.

ततो गच्छेत राजेंद्र ब्रह्मावर्तमिति स्मृतम् । तत्र संनिहितो ब्रह्मा नित्यमेव युधिष्ठिर

tato gaccheta rājeṃdra brahmāvartamiti smṛtam | tatra saṃnihito brahmā nityameva yudhiṣṭhira

Sanskrit only: no published translation is held for this verse.

तत्र स्नात्वा तु राजेंद्र ब्रह्मलोके महीयते । ततोंऽगारेश्वरे तीर्थे नियतो नियमाशनः

tatra snātvā tu rājeṃdra brahmaloke mahīyate | tatoṃ'gāreśvare tīrthe niyato niyamāśanaḥ

Sanskrit only: no published translation is held for this verse.

सर्वपापविशुद्धात्मा रुद्रलोकं स गच्छति । ततो गच्छेत राजेंद्र कपिलातीर्थमुत्तमम्

sarvapāpaviśuddhātmā rudralokaṃ sa gacchati | tato gaccheta rājeṃdra kapilātīrthamuttamam

Sanskrit only: no published translation is held for this verse.

तत्र स्नात्वा नरो राजन्गोप्रदानफलं लभेत् । कांचीतीर्थं ततो गच्छेद्देवर्षिगणसेवितम्

tatra snātvā naro rājangopradānaphalaṃ labhet | kāṃcītīrthaṃ tato gaccheddevarṣigaṇasevitam

Sanskrit only: no published translation is held for this verse.

तत्र स्नात्वा नरो राजन्गोलोकं समवाप्नुयात् । ततो गच्छेत्तु राजेंद्र कुंडलेश्वरमुत्तमम्

tatra snātvā naro rājangolokaṃ samavāpnuyāt | tato gacchettu rājeṃdra kuṃḍaleśvaramuttamam

Sanskrit only: no published translation is held for this verse.

तत्र संनिहितो रुद्रस्तिष्ठते उमया सह । तत्र स्नात्वा तु राजेंद्र अवध्यस्त्रिदशैरपि

tatra saṃnihito rudrastiṣṭhate umayā saha | tatra snātvā tu rājeṃdra avadhyastridaśairapi

Sanskrit only: no published translation is held for this verse.

पिप्पलेश्वरं ततो गच्छेत्सर्वपापप्रणाशनम् । तत्र गत्वा तु राजेंद्र रुद्रलोके महीयते

pippaleśvaraṃ tato gacchetsarvapāpapraṇāśanam | tatra gatvā tu rājeṃdra rudraloke mahīyate

Sanskrit only: no published translation is held for this verse.

ततो गच्छेत्तु राजेंद्र विमलं विमलेश्वरम् । तत्र देवशिखा रम्या ईश्वरेण निपातिता

tato gacchettu rājeṃdra vimalaṃ vimaleśvaram | tatra devaśikhā ramyā īśvareṇa nipātitā

Sanskrit only: no published translation is held for this verse.

तत्र प्राणान्परित्यज्य रुद्रलोकमवाप्नुयाम् । ततः पुष्करिणीं गच्छेत्तत्र स्नानं समाचरेत्

tatra prāṇānparityajya rudralokamavāpnuyām | tataḥ puṣkariṇīṃ gacchettatra snānaṃ samācaret

Sanskrit only: no published translation is held for this verse.

स्नानमात्रे नरस्तत्र इंद्रस्यार्द्धासनं लभेत् । नर्मदा सरितां श्रेष्ठा रुद्रदेहाद्विनिःसृता

snānamātre narastatra iṃdrasyārddhāsanaṃ labhet | narmadā saritāṃ śreṣṭhā rudradehādviniḥsṛtā

Sanskrit only: no published translation is held for this verse.

तारयेत्सर्वभूतानि स्थावराणि चराणि च । सर्वदेवातिदेवेन ईश्वरेण महात्मना

tārayetsarvabhūtāni sthāvarāṇi carāṇi ca | sarvadevātidevena īśvareṇa mahātmanā

Sanskrit only: no published translation is held for this verse.

कथिता ऋषिसंघेभ्यो ह्यस्माकं च विशेषतः । मुनिभिः संस्तुता ह्येषा नर्मदा प्रवरा नदी

kathitā ṛṣisaṃghebhyo hyasmākaṃ ca viśeṣataḥ | munibhiḥ saṃstutā hyeṣā narmadā pravarā nadī

Sanskrit only: no published translation is held for this verse.

रुद्रदेहाद्विनिष्क्रांता लोकानां हितकाम्यया । सर्वपापहरा नित्यं सर्वप्राणिनमस्कृता

rudradehādviniṣkrāṃtā lokānāṃ hitakāmyayā | sarvapāpaharā nityaṃ sarvaprāṇinamaskṛtā

Sanskrit only: no published translation is held for this verse.

संस्तुता देवगंधर्वैरप्सरोभिस्तथैव च । नमः पुण्यजले आद्ये नमः सागरगामिनि

saṃstutā devagaṃdharvairapsarobhistathaiva ca | namaḥ puṇyajale ādye namaḥ sāgaragāmini

Sanskrit only: no published translation is held for this verse.

नमोस्तु ते ऋषिगणैः शंकरदेहनिःसृते । नमोस्तु ते धर्मवृते वरानने नमोस्तु ते देवगणैकवंदिते

namostu te ṛṣigaṇaiḥ śaṃkaradehaniḥsṛte | namostu te dharmavṛte varānane namostu te devagaṇaikavaṃdite

Sanskrit only: no published translation is held for this verse.

नमोस्तु ते सर्वपवित्रपावने नमोस्तु ते सर्वजगत्सुपूजिते । यश्चेदं पठते स्तोत्रं नित्यं शुद्धेन मानवः

namostu te sarvapavitrapāvane namostu te sarvajagatsupūjite | yaścedaṃ paṭhate stotraṃ nityaṃ śuddhena mānavaḥ

Sanskrit only: no published translation is held for this verse.

ब्राह्मणो वेदमाप्नोति क्षत्त्रियो विजयी भवेत् । वैश्यस्तु लभते लाभं शूद्रश्चैव शुभां गतिम्

brāhmaṇo vedamāpnoti kṣattriyo vijayī bhavet | vaiśyastu labhate lābhaṃ śūdraścaiva śubhāṃ gatim

Sanskrit only: no published translation is held for this verse.

अन्नार्थी लभते ह्यन्नं स्मरणादेव नित्यशः । नर्मदां सेव्यते नित्यं स्वयं देवो महेश्वरः । तेन पुण्या नदी ज्ञेया ब्रह्महत्यापहारिणी

annārthī labhate hyannaṃ smaraṇādeva nityaśaḥ | narmadāṃ sevyate nityaṃ svayaṃ devo maheśvaraḥ | tena puṇyā nadī jñeyā brahmahatyāpahāriṇī

Sanskrit only: no published translation is held for this verse.