Library·Padma Purāṇa·3·3.19
नारद उवाच- भार्गवेशं ततो गच्छेद्भक्त्या यत्र च विष्णुना । हुंकारितास्तु देवेन दानवाः प्रलयं गताः
nārada uvāca- bhārgaveśaṃ tato gacchedbhaktyā yatra ca viṣṇunā | huṃkāritāstu devena dānavāḥ pralayaṃ gatāḥ
Sanskrit only: no published translation is held for this verse.
तत्र स्नात्वा तु राजेंद्र सर्वपापैः प्रमुच्यते । शुक्लतीर्थस्य चोत्पत्तिं शृणु त्वं पांडुनंदन
tatra snātvā tu rājeṃdra sarvapāpaiḥ pramucyate | śuklatīrthasya cotpattiṃ śṛṇu tvaṃ pāṃḍunaṃdana
Sanskrit only: no published translation is held for this verse.
हिमवच्छिखरे रम्ये नानाधातुविचित्रिते । तरुणादित्यसंकाशे तप्तकांचनसंनिभे
himavacchikhare ramye nānādhātuvicitrite | taruṇādityasaṃkāśe taptakāṃcanasaṃnibhe
Sanskrit only: no published translation is held for this verse.
वज्रस्फटिकसोपाने चित्रपट्टशिलातले । जांबूनदमये दिव्ये नाना पद्मोपशोभिते
vajrasphaṭikasopāne citrapaṭṭaśilātale | jāṃbūnadamaye divye nānā padmopaśobhite
Sanskrit only: no published translation is held for this verse.
तत्रासीनं महादेवं सर्वज्ञं प्रभुमव्ययम् । लोकानुग्राहकं शांतं गणवृंदैः समावृतम्
tatrāsīnaṃ mahādevaṃ sarvajñaṃ prabhumavyayam | lokānugrāhakaṃ śāṃtaṃ gaṇavṛṃdaiḥ samāvṛtam
Sanskrit only: no published translation is held for this verse.
स्कंदनंदिमहाकालैर्वीरभद्र गणादिभिः । उमया सहितं देवं मार्कंडः परिपृच्छति
skaṃdanaṃdimahākālairvīrabhadra gaṇādibhiḥ | umayā sahitaṃ devaṃ mārkaṃḍaḥ paripṛcchati
Sanskrit only: no published translation is held for this verse.
देवदेव महादेव इन्द्र कामादि संस्तुत । संसारभवभीतोहं सुखोपायं ब्रवीहि मे
devadeva mahādeva indra kāmādi saṃstuta | saṃsārabhavabhītohaṃ sukhopāyaṃ bravīhi me
Sanskrit only: no published translation is held for this verse.
भगवन्भूतभव्येश सर्वपापप्रणाशनम् । तीर्थानां परमं तीर्थं तद्वदस्व महेश्वर
bhagavanbhūtabhavyeśa sarvapāpapraṇāśanam | tīrthānāṃ paramaṃ tīrthaṃ tadvadasva maheśvara
Sanskrit only: no published translation is held for this verse.
ईश्वर उवाच- शृणुविप्र महाभाग सर्वशास्त्रविशारद । स्नानादि कुरु गच्छ त्वं ऋषिसंघैस्समावृतः
īśvara uvāca- śṛṇuvipra mahābhāga sarvaśāstraviśārada | snānādi kuru gaccha tvaṃ ṛṣisaṃghaissamāvṛtaḥ
Sanskrit only: no published translation is held for this verse.
मन्वत्रि याज्ञवल्क्याश्च काश्यपश्चैव अंगिराः । यमापस्तंब संवर्ताः कात्यायनबृहस्पती
manvatri yājñavalkyāśca kāśyapaścaiva aṃgirāḥ | yamāpastaṃba saṃvartāḥ kātyāyanabṛhaspatī
Sanskrit only: no published translation is held for this verse.
नारदो गौतमश्चैव पृच्छंति धर्मकांक्षिणः । गंगाकनखले पुण्या प्रयागं पुष्करं गया
nārado gautamaścaiva pṛcchaṃti dharmakāṃkṣiṇaḥ | gaṃgākanakhale puṇyā prayāgaṃ puṣkaraṃ gayā
Sanskrit only: no published translation is held for this verse.
कुरुक्षेत्रं तु पुण्यं च राहुग्रस्ते दिवाकरे । दिवा वा यदि वा रात्रौ शुक्लतीर्थं महाफलम्
kurukṣetraṃ tu puṇyaṃ ca rāhugraste divākare | divā vā yadi vā rātrau śuklatīrthaṃ mahāphalam
Sanskrit only: no published translation is held for this verse.
दर्शनात्स्पर्शनाच्चैव स्नानाद्ध्यानात्तपोर्जनात् । होमाच्चैवोपवासाच्च शुक्लतीर्थफलं महत्
darśanātsparśanāccaiva snānāddhyānāttaporjanāt | homāccaivopavāsācca śuklatīrthaphalaṃ mahat
Sanskrit only: no published translation is held for this verse.
शुक्लतीर्थं महापुण्यं नद्यां तु संव्यवस्थितम् । चाणिक्योनाम राजर्षिः सिद्धिं तत्र समागतः
śuklatīrthaṃ mahāpuṇyaṃ nadyāṃ tu saṃvyavasthitam | cāṇikyonāma rājarṣiḥ siddhiṃ tatra samāgataḥ
Sanskrit only: no published translation is held for this verse.
एतत्क्षेत्रं समुत्पन्नं योजनावृत्तिसंस्थितम् । शुक्लतीर्थं महापुण्यं सर्वपापप्रणाशनम्
etatkṣetraṃ samutpannaṃ yojanāvṛttisaṃsthitam | śuklatīrthaṃ mahāpuṇyaṃ sarvapāpapraṇāśanam
Sanskrit only: no published translation is held for this verse.
पादपाग्रेण दृष्टेन ब्रह्महत्यां व्यपोहति । अहमत्र ऋषिश्रेष्ठ तिष्ठामि ह्युमया सह
pādapāgreṇa dṛṣṭena brahmahatyāṃ vyapohati | ahamatra ṛṣiśreṣṭha tiṣṭhāmi hyumayā saha
Sanskrit only: no published translation is held for this verse.
वैशाखे विमले मासि कृष्णपक्षे चतुर्दशी । कैलासाच्चापि निर्गत्य तत्र संनिहितो ह्यहम्
vaiśākhe vimale māsi kṛṣṇapakṣe caturdaśī | kailāsāccāpi nirgatya tatra saṃnihito hyaham
Sanskrit only: no published translation is held for this verse.
देवकिन्नरगंधर्वाः सिद्धविद्याधरास्तथा । गणाश्चाप्सरसो नागाः सर्वे देवाः समागताः
devakinnaragaṃdharvāḥ siddhavidyādharāstathā | gaṇāścāpsaraso nāgāḥ sarve devāḥ samāgatāḥ
Sanskrit only: no published translation is held for this verse.
गगनस्थास्तु तिष्ठंति विमानैः सर्वकामकैः । शुक्लतीर्थे तु राजेंद्र आगता धर्मकांक्षिणः
gaganasthāstu tiṣṭhaṃti vimānaiḥ sarvakāmakaiḥ | śuklatīrthe tu rājeṃdra āgatā dharmakāṃkṣiṇaḥ
Sanskrit only: no published translation is held for this verse.
रजकेन यथा वस्त्रं शुक्लं भवति वारिणा । आजन्मसंचितं पापं शुक्लतीर्थे व्यपोहति
rajakena yathā vastraṃ śuklaṃ bhavati vāriṇā | ājanmasaṃcitaṃ pāpaṃ śuklatīrthe vyapohati
Sanskrit only: no published translation is held for this verse.
स्नानं दानं महापुण्यं मार्कंड ऋषिसत्तम । शुक्लतीर्थात्परं तीर्थं न भूतं न भविष्यति
snānaṃ dānaṃ mahāpuṇyaṃ mārkaṃḍa ṛṣisattama | śuklatīrthātparaṃ tīrthaṃ na bhūtaṃ na bhaviṣyati
Sanskrit only: no published translation is held for this verse.
पूर्वे वयसि कर्माणि कृत्वा पापानि मानवः । अहोरात्रोपवासेन शुक्लतीर्थे व्यपोहति
pūrve vayasi karmāṇi kṛtvā pāpāni mānavaḥ | ahorātropavāsena śuklatīrthe vyapohati
Sanskrit only: no published translation is held for this verse.
तपसा ब्रह्मचर्येण यज्ञैर्दानेन वा पुनः । देवदानेन या पुष्टिर्न सा क्रतुशतैरपि
tapasā brahmacaryeṇa yajñairdānena vā punaḥ | devadānena yā puṣṭirna sā kratuśatairapi
Sanskrit only: no published translation is held for this verse.
कार्तिकस्य च मासस्य कृष्णपक्षे चतुर्दशी । घृतेन स्नापयेद्देवमुपोष्य परमेश्वरम्
kārtikasya ca māsasya kṛṣṇapakṣe caturdaśī | ghṛtena snāpayeddevamupoṣya parameśvaram
Sanskrit only: no published translation is held for this verse.
एकविंशत्कुलोपेतो न च्यवेच्चैश्वरात्पदात् । शुक्लतीर्थं परं तीर्थमृषिसिद्धनिषेवितम्
ekaviṃśatkulopeto na cyaveccaiśvarātpadāt | śuklatīrthaṃ paraṃ tīrthamṛṣisiddhaniṣevitam
Sanskrit only: no published translation is held for this verse.
तत्र स्नात्वा ततो राजन्पुनर्जन्म न विद्यते । स्नात्वा वै शुक्लतीर्थेपि अर्चयेद्वृषभध्वजम्
tatra snātvā tato rājanpunarjanma na vidyate | snātvā vai śuklatīrthepi arcayedvṛṣabhadhvajam
Sanskrit only: no published translation is held for this verse.
जागरं कारयेत्तत्र नृत्यगीतादिमंगलैः । प्रभाते शुक्लतीर्थे तु स्नानं वै देवतार्चनम्
jāgaraṃ kārayettatra nṛtyagītādimaṃgalaiḥ | prabhāte śuklatīrthe tu snānaṃ vai devatārcanam
Sanskrit only: no published translation is held for this verse.
आचार्यं भोजयेत्पश्चाच्छिवव्रतपरः शुचिः । भोजनं च यथाशक्त्या वित्तशाठ्यं न कारयेत्
ācāryaṃ bhojayetpaścācchivavrataparaḥ śuciḥ | bhojanaṃ ca yathāśaktyā vittaśāṭhyaṃ na kārayet
Sanskrit only: no published translation is held for this verse.
प्रदक्षिणं ततः कृत्वा शनैर्देवांतिकं व्रजेत् । एवं वै कुरुते यस्तु तस्य पुण्यफलं शृणु
pradakṣiṇaṃ tataḥ kṛtvā śanairdevāṃtikaṃ vrajet | evaṃ vai kurute yastu tasya puṇyaphalaṃ śṛṇu
Sanskrit only: no published translation is held for this verse.
दिव्ययानसमारूढस्तूयमानोऽप्सरोगणैः । शिवतुल्यबलोपेतस्तिष्ठत्याभूतसंप्लवम्
divyayānasamārūḍhastūyamāno'psarogaṇaiḥ | śivatulyabalopetastiṣṭhatyābhūtasaṃplavam
Sanskrit only: no published translation is held for this verse.
शुक्लतीर्थे तु या नारी ददाति कनकं शुभम् । घृतेन स्नापयेद्देवं कुमारं चाभिपूजयेत्
śuklatīrthe tu yā nārī dadāti kanakaṃ śubham | ghṛtena snāpayeddevaṃ kumāraṃ cābhipūjayet
Sanskrit only: no published translation is held for this verse.
एवं या कुरुते भक्त्या तस्याः पुण्यफलं शृणु । मोदते देवलोकस्था यावदिंद्राश्चतुर्दश
evaṃ yā kurute bhaktyā tasyāḥ puṇyaphalaṃ śṛṇu | modate devalokasthā yāvadiṃdrāścaturdaśa
Sanskrit only: no published translation is held for this verse.
अयने वा चतुर्दश्यां संक्रांतौ विषुवे तथा । स्नात्वा तु सोपवासः स निर्जितात्मा समाहितः
ayane vā caturdaśyāṃ saṃkrāṃtau viṣuve tathā | snātvā tu sopavāsaḥ sa nirjitātmā samāhitaḥ
Sanskrit only: no published translation is held for this verse.
दानं दद्याद्यथाशक्त्या प्रीयेतां हरिशंकरौ । शुक्लतीर्थप्रभावेण सर्वं भवति चाक्षयम्
dānaṃ dadyādyathāśaktyā prīyetāṃ hariśaṃkarau | śuklatīrthaprabhāveṇa sarvaṃ bhavati cākṣayam
Sanskrit only: no published translation is held for this verse.
अनाथं दुर्गतं विप्रं नाथवंतमथापि वा । उद्वाहयति यस्तीर्थे तस्य पुण्यफलं शृणु
anāthaṃ durgataṃ vipraṃ nāthavaṃtamathāpi vā | udvāhayati yastīrthe tasya puṇyaphalaṃ śṛṇu
Sanskrit only: no published translation is held for this verse.
यावत्तद्रोमसंख्या तु तत्प्रसूतिकुलेषु च । तावद्वर्षसहस्राणि शिवलोके महीयते
yāvattadromasaṃkhyā tu tatprasūtikuleṣu ca | tāvadvarṣasahasrāṇi śivaloke mahīyate
Sanskrit only: no published translation is held for this verse.