Library·Padma Purāṇa·3·3.20
नारद उवाच- ततस्तु नरकं गच्छेत्स्नानं तत्र समाचरेत् । स्नातमात्रो नरस्तत्र नरकं तत्र पश्यति
nārada uvāca- tatastu narakaṃ gacchetsnānaṃ tatra samācaret | snātamātro narastatra narakaṃ tatra paśyati
Sanskrit only: no published translation is held for this verse.
अस्यतीर्थस्य माहात्म्यं शृणु त्वं पांडुनंदन । तस्मिंस्तीर्थे तु राजेंद्र यान्यस्थीनि विनिक्षिपेत्
asyatīrthasya māhātmyaṃ śṛṇu tvaṃ pāṃḍunaṃdana | tasmiṃstīrthe tu rājeṃdra yānyasthīni vinikṣipet
Sanskrit only: no published translation is held for this verse.
विलयं यांति सर्वाणि रूपवान्जायते नरः । गोतीर्थं तु ततो गच्छेद्दृष्ट्वा पापात्प्रमुच्यते
vilayaṃ yāṃti sarvāṇi rūpavānjāyate naraḥ | gotīrthaṃ tu tato gaccheddṛṣṭvā pāpātpramucyate
Sanskrit only: no published translation is held for this verse.
ततो गच्छेत राजेंद्र कपिलातीर्थमुत्तमम् । तत्र स्नात्वा नरो राजन्गोसहस्रफलं लभेत्
tato gaccheta rājeṃdra kapilātīrthamuttamam | tatra snātvā naro rājangosahasraphalaṃ labhet
Sanskrit only: no published translation is held for this verse.
ज्येष्ठमासे तु संप्राप्ते चतुर्दश्यां विशेषतः । तत्रोपोष्य नरो भक्त्या कपिलां यः प्रयच्छति
jyeṣṭhamāse tu saṃprāpte caturdaśyāṃ viśeṣataḥ | tatropoṣya naro bhaktyā kapilāṃ yaḥ prayacchati
Sanskrit only: no published translation is held for this verse.
घृतेन दीपं प्रज्वाल्य घृतेन स्नापयेच्छिवम् । सघृतं श्रीफलं दत्वा कृत्वा चांते प्रदक्षिणम्
ghṛtena dīpaṃ prajvālya ghṛtena snāpayecchivam | saghṛtaṃ śrīphalaṃ datvā kṛtvā cāṃte pradakṣiṇam
Sanskrit only: no published translation is held for this verse.
घंटाभरणसंयुक्तां कपिलां यः प्रयच्छति । शिवतुल्यो नरो भूत्वा न चेह जायते पुनः
ghaṃṭābharaṇasaṃyuktāṃ kapilāṃ yaḥ prayacchati | śivatulyo naro bhūtvā na ceha jāyate punaḥ
Sanskrit only: no published translation is held for this verse.
अंगारकदिने प्राप्ते चतुर्थ्यां तु विशेषतः । स्नापयित्वा शिवं भक्त्या ब्राह्मणेभ्यस्तु भोजनम्
aṃgārakadine prāpte caturthyāṃ tu viśeṣataḥ | snāpayitvā śivaṃ bhaktyā brāhmaṇebhyastu bhojanam
Sanskrit only: no published translation is held for this verse.
अंगारकनवम्यां तु अमावस्यां तथैव च । स्नापयेत्तत्र यत्नेन रूपवान्सुभगो भवेत्
aṃgārakanavamyāṃ tu amāvasyāṃ tathaiva ca | snāpayettatra yatnena rūpavānsubhago bhavet
Sanskrit only: no published translation is held for this verse.
घृतेन स्नापयेल्लिंगं पूजयेद्भक्तितो द्विजान् । पुष्पकेण विमानेन सहस्रैः परिवारितः
ghṛtena snāpayelliṃgaṃ pūjayedbhaktito dvijān | puṣpakeṇa vimānena sahasraiḥ parivāritaḥ
Sanskrit only: no published translation is held for this verse.
शैवं पदमवाप्नोति नात्र चाभिगतं भवेत् । अक्षयं मोदते कालं यथा रुद्रस्तथैव च
śaivaṃ padamavāpnoti nātra cābhigataṃ bhavet | akṣayaṃ modate kālaṃ yathā rudrastathaiva ca
Sanskrit only: no published translation is held for this verse.
यदा तु कर्मसंयोगान्मर्त्यलोकमुपागतः । राजा भवति धर्मिष्ठो रूपवान्जायते बली
yadā tu karmasaṃyogānmartyalokamupāgataḥ | rājā bhavati dharmiṣṭho rūpavānjāyate balī
Sanskrit only: no published translation is held for this verse.
ततो गच्छेत राजेंद्र ऋषितीर्थमनुत्तमम् । तृणबिंदुऋषिर्नाम शापदग्धो व्यवस्थितः
tato gaccheta rājeṃdra ṛṣitīrthamanuttamam | tṛṇabiṃduṛṣirnāma śāpadagdho vyavasthitaḥ
Sanskrit only: no published translation is held for this verse.
तस्यतीर्थप्रभावेण पापमुक्तोऽभवद्द्विजः । ततो गच्छेत राजेंद्र गणेश्वरमनुत्तमम्
tasyatīrthaprabhāveṇa pāpamukto'bhavaddvijaḥ | tato gaccheta rājeṃdra gaṇeśvaramanuttamam
Sanskrit only: no published translation is held for this verse.
श्रावणेमासि संप्राप्ते कृष्णपक्षे चतुर्दशीम् । स्नातमात्रो नरस्तत्र रुद्रलोके महीयते
śrāvaṇemāsi saṃprāpte kṛṣṇapakṣe caturdaśīm | snātamātro narastatra rudraloke mahīyate
Sanskrit only: no published translation is held for this verse.
पितॄणां तर्पणं कृत्वा मुच्यते च ऋणत्रयात् । गणेश्वरसमीपे तु गंगावदनमुत्तमम्
pitṝṇāṃ tarpaṇaṃ kṛtvā mucyate ca ṛṇatrayāt | gaṇeśvarasamīpe tu gaṃgāvadanamuttamam
Sanskrit only: no published translation is held for this verse.
अकामो वा सकामो वा तत्र स्नात्वा तु मानवः । आजन्मजनितैः पापैर्मुच्यते नात्र संशयः
akāmo vā sakāmo vā tatra snātvā tu mānavaḥ | ājanmajanitaiḥ pāpairmucyate nātra saṃśayaḥ
Sanskrit only: no published translation is held for this verse.
सर्वदा पर्वदिवसे स्नानं तत्र समाचरेत् । पितॄणां तर्पणं कृत्वा मुच्यते च ऋणत्रयात्
sarvadā parvadivase snānaṃ tatra samācaret | pitṝṇāṃ tarpaṇaṃ kṛtvā mucyate ca ṛṇatrayāt
Sanskrit only: no published translation is held for this verse.
प्रयागे यत्फलं दृष्टं शंकरेण महात्मना । तदेव निखिलं पुण्यं गंगाराह्वर्कसंगमे
prayāge yatphalaṃ dṛṣṭaṃ śaṃkareṇa mahātmanā | tadeva nikhilaṃ puṇyaṃ gaṃgārāhvarkasaṃgame
Sanskrit only: no published translation is held for this verse.
तस्यैवं पश्चिमे स्थाने समीपेनातिदूरतः । दशाश्वमेधिकं नाम त्रिषु लोकेषु विश्रुतम्
tasyaivaṃ paścime sthāne samīpenātidūrataḥ | daśāśvamedhikaṃ nāma triṣu lokeṣu viśrutam
Sanskrit only: no published translation is held for this verse.
उपोष्य रजनीमेकां मासि भाद्रपदे तथा । अमावस्यां नरः स्नात्वा व्रजेद्वै यत्र शंकरः
upoṣya rajanīmekāṃ māsi bhādrapade tathā | amāvasyāṃ naraḥ snātvā vrajedvai yatra śaṃkaraḥ
Sanskrit only: no published translation is held for this verse.
सर्वदा पर्वदिवसे स्नानं तत्र समाचरेत् । पितॄणां तर्पणं कृत्वा अश्वमेधफलं लभेत्
sarvadā parvadivase snānaṃ tatra samācaret | pitṝṇāṃ tarpaṇaṃ kṛtvā aśvamedhaphalaṃ labhet
Sanskrit only: no published translation is held for this verse.
दशाश्वमेधात्पश्चिमतो भृगुर्ब्राह्मणसत्तमः । दिव्यं वर्षसहस्रं तु ईश्वरं पर्युपासत
daśāśvamedhātpaścimato bhṛgurbrāhmaṇasattamaḥ | divyaṃ varṣasahasraṃ tu īśvaraṃ paryupāsata
Sanskrit only: no published translation is held for this verse.
वल्मीकावस्थितश्चासौ दक्षिणं च निकेतनम् । आश्चर्यं च महज्जातमुमायाः शंकरस्य च
valmīkāvasthitaścāsau dakṣiṇaṃ ca niketanam | āścaryaṃ ca mahajjātamumāyāḥ śaṃkarasya ca
Sanskrit only: no published translation is held for this verse.
गौरी तु पृच्छते देवं कोयमत्र तु संस्थितः । देवो वा दानवो वाथ कथयस्व महेश्वर
gaurī tu pṛcchate devaṃ koyamatra tu saṃsthitaḥ | devo vā dānavo vātha kathayasva maheśvara
Sanskrit only: no published translation is held for this verse.
ईश्वर उवाच-। भृगुर्नाम द्विजश्रेष्ठ ऋषीणां प्रवरो मुनिः । ध्यायते मां समाधिस्थो वरं प्रार्थयते प्रिये
īśvara uvāca-| bhṛgurnāma dvijaśreṣṭha ṛṣīṇāṃ pravaro muniḥ | dhyāyate māṃ samādhistho varaṃ prārthayate priye
Sanskrit only: no published translation is held for this verse.
तत्र प्रहसिता देवी ईश्वरं प्रत्यभाषत । धूमावर्तशिखा जाता ततोऽद्यापि न तुष्यसि । दुराराध्योऽसि तेन त्वं नात्र कार्या विचारणा
tatra prahasitā devī īśvaraṃ pratyabhāṣata | dhūmāvartaśikhā jātā tato'dyāpi na tuṣyasi | durārādhyo'si tena tvaṃ nātra kāryā vicāraṇā
Sanskrit only: no published translation is held for this verse.
देव उवाच-। न ज्ञायसे महादेवि अयं क्रोधेन चेष्टितः । दर्शयामि यथातथ्यं प्रियं ते च करोम्यहम्
deva uvāca-| na jñāyase mahādevi ayaṃ krodhena ceṣṭitaḥ | darśayāmi yathātathyaṃ priyaṃ te ca karomyaham
Sanskrit only: no published translation is held for this verse.
स्मारितो देवदेवेन धर्मरूपो वृषस्तदा । स्मरणादेव देवस्य वृषः शीघ्रमुपस्थितः
smārito devadevena dharmarūpo vṛṣastadā | smaraṇādeva devasya vṛṣaḥ śīghramupasthitaḥ
Sanskrit only: no published translation is held for this verse.
प्राहासौ मानुषीं वाचमादेशो दीयतां प्रभो । वल्मीकैश्छादितो विप्र एनं भूमौ निपातय
prāhāsau mānuṣīṃ vācamādeśo dīyatāṃ prabho | valmīkaiśchādito vipra enaṃ bhūmau nipātaya
Sanskrit only: no published translation is held for this verse.
योगस्थस्तु ततो ध्यायंस्ततस्तेन निपातितः । तत्क्षणात्क्रोधसंतप्तो हस्तमुत्क्षिप्तवान्वृषम्
yogasthastu tato dhyāyaṃstatastena nipātitaḥ | tatkṣaṇātkrodhasaṃtapto hastamutkṣiptavānvṛṣam
Sanskrit only: no published translation is held for this verse.
एवं संभाषमाणस्तु कुत्र गच्छसि भो वृष । अद्य त्वामथ पाप्मानं प्रत्यक्षं हन्म्यहं वृष
evaṃ saṃbhāṣamāṇastu kutra gacchasi bho vṛṣa | adya tvāmatha pāpmānaṃ pratyakṣaṃ hanmyahaṃ vṛṣa
Sanskrit only: no published translation is held for this verse.
धर्षितस्तु तदा विप्रो ह्यंतरिक्षं गतं वृषम् । आकाशे प्रेक्षते भूय एतदद्भुतमुत्तमम्
dharṣitastu tadā vipro hyaṃtarikṣaṃ gataṃ vṛṣam | ākāśe prekṣate bhūya etadadbhutamuttamam
Sanskrit only: no published translation is held for this verse.
ततः प्रहसिते रुद्रे ऋषिरग्रे व्यवस्थितः । तृतीयं लोचनं दृष्ट्वा वैलक्ष्यात्पतितो भुवि
tataḥ prahasite rudre ṛṣiragre vyavasthitaḥ | tṛtīyaṃ locanaṃ dṛṣṭvā vailakṣyātpatito bhuvi
Sanskrit only: no published translation is held for this verse.
प्रणम्य दंडवद्भूमौ स्तुवते परमेश्वरम् । प्रणिपत्य भूतनाथं भवोद्भवं त्वामहं दिव्यरूपम् । भवभीतो भुवनपते भूतं विज्ञापये किंचित्
praṇamya daṃḍavadbhūmau stuvate parameśvaram | praṇipatya bhūtanāthaṃ bhavodbhavaṃ tvāmahaṃ divyarūpam | bhavabhīto bhuvanapate bhūtaṃ vijñāpaye kiṃcit
Sanskrit only: no published translation is held for this verse.
त्वद्गुणनिकरान्वक्तुं कः शक्तो भवति मानुषो नाथ । वासुकिरयं हि कदाचिद्वदनसहस्रं भवेद्यस्य
tvadguṇanikarānvaktuṃ kaḥ śakto bhavati mānuṣo nātha | vāsukirayaṃ hi kadācidvadanasahasraṃ bhavedyasya
Sanskrit only: no published translation is held for this verse.
भक्त्या तवापि शंकरभुवनपते त्वत्स्तुतौ तु मुखरस्य । वंद्य क्षमस्व भवन्प्रसीद मे तव चरणपतितस्य
bhaktyā tavāpi śaṃkarabhuvanapate tvatstutau tu mukharasya | vaṃdya kṣamasva bhavanprasīda me tava caraṇapatitasya
Sanskrit only: no published translation is held for this verse.
सत्वं रजस्तमस्त्वं स्थित्युत्पत्तौ विनाशने देव । त्वां मुक्त्वा भुवनपते भुवनेश्वर नैव दैवतं किंचित्
satvaṃ rajastamastvaṃ sthityutpattau vināśane deva | tvāṃ muktvā bhuvanapate bhuvaneśvara naiva daivataṃ kiṃcit
Sanskrit only: no published translation is held for this verse.
यमनियमयज्ञदानैर्वेदाभ्यासावधारणोद्योगात् । त्वद्भक्तेः सर्वमिदं नार्हति कलासहस्रांशेन
yamaniyamayajñadānairvedābhyāsāvadhāraṇodyogāt | tvadbhakteḥ sarvamidaṃ nārhati kalāsahasrāṃśena
Sanskrit only: no published translation is held for this verse.
उत्कृष्टरसरसायनखड्गांजनपादुकादि सिद्धिर्वा । चिह्नानि भवत्प्रणतानां दृश्यंत इह जन्मनि प्रकटम्
utkṛṣṭarasarasāyanakhaḍgāṃjanapādukādi siddhirvā | cihnāni bhavatpraṇatānāṃ dṛśyaṃta iha janmani prakaṭam
Sanskrit only: no published translation is held for this verse.
शाठ्येन नमति यद्यपि ददासि त्वं धर्ममिच्छतां देव । भक्तिर्भवच्छेदकरी मोक्षाय विनिर्मिता नाथ
śāṭhyena namati yadyapi dadāsi tvaṃ dharmamicchatāṃ deva | bhaktirbhavacchedakarī mokṣāya vinirmitā nātha
Sanskrit only: no published translation is held for this verse.
परदारपरस्वरतं परिभवपरिदुःखशोकसंतप्तम् । परवदनवीक्षणपरं परमेश्वर मां परित्राहि
paradāraparasvarataṃ paribhavapariduḥkhaśokasaṃtaptam | paravadanavīkṣaṇaparaṃ parameśvara māṃ paritrāhi
Sanskrit only: no published translation is held for this verse.
अलीकाभिमानदग्धं क्षणभंगुरविभवविलसितं देव । क्रूरं कुपथाभिमुखं पतितं मां त्राहि देवेश
alīkābhimānadagdhaṃ kṣaṇabhaṃguravibhavavilasitaṃ deva | krūraṃ kupathābhimukhaṃ patitaṃ māṃ trāhi deveśa
Sanskrit only: no published translation is held for this verse.
दीनेंद्रियगणसार्थैर्बंधुजनैरेव पूरिता आशा । तुच्छा तथापि शंकर किं मूढं मां विडंबयसि
dīneṃdriyagaṇasārthairbaṃdhujanaireva pūritā āśā | tucchā tathāpi śaṃkara kiṃ mūḍhaṃ māṃ viḍaṃbayasi
Sanskrit only: no published translation is held for this verse.
तृष्णां हरस्व शीघ्रं लक्ष्मीं मां देहि हृदयवासिनीं नित्याम् । छिंधि मदमोहपाशानुत्तारय मां महादेव
tṛṣṇāṃ harasva śīghraṃ lakṣmīṃ māṃ dehi hṛdayavāsinīṃ nityām | chiṃdhi madamohapāśānuttāraya māṃ mahādeva
Sanskrit only: no published translation is held for this verse.
करुणाभ्युदयं नाम स्तोत्रमिदं सिद्धिदं दिव्यम् । यः पठति भक्तियुक्तस्तस्य तु तुष्येद्भृगोर्यथाहि शिवः
karuṇābhyudayaṃ nāma stotramidaṃ siddhidaṃ divyam | yaḥ paṭhati bhaktiyuktastasya tu tuṣyedbhṛgoryathāhi śivaḥ
Sanskrit only: no published translation is held for this verse.
ईश्वर उवाच-। अहं तुष्टोस्मि ते विप्र वरं प्रार्थय स्वेप्सितम् । उमया सहितो देवो वरं तस्य हि दापयेत्
īśvara uvāca-| ahaṃ tuṣṭosmi te vipra varaṃ prārthaya svepsitam | umayā sahito devo varaṃ tasya hi dāpayet
Sanskrit only: no published translation is held for this verse.
भृगुरुवाच-। यदि तुष्टोसि देवेश यदि देयो वरो मम । रुद्रवेदी भवेदेवमेतत्संपादयस्व मे
bhṛguruvāca-| yadi tuṣṭosi deveśa yadi deyo varo mama | rudravedī bhavedevametatsaṃpādayasva me
Sanskrit only: no published translation is held for this verse.
ईश्वर उवाच-। एवं भवतु विप्रेंद्र क्रोधस्थानं भविष्यति । न पिता पुत्रयोश्चैव एकवाक्यं भविष्यति
īśvara uvāca-| evaṃ bhavatu vipreṃdra krodhasthānaṃ bhaviṣyati | na pitā putrayoścaiva ekavākyaṃ bhaviṣyati
Sanskrit only: no published translation is held for this verse.
तदाप्रभृति ब्रह्माद्याः सर्वे देवाः सकिन्नराः । उपासंतो भृगोस्तीर्थं तुष्टो यत्र महेश्वरः
tadāprabhṛti brahmādyāḥ sarve devāḥ sakinnarāḥ | upāsaṃto bhṛgostīrthaṃ tuṣṭo yatra maheśvaraḥ
Sanskrit only: no published translation is held for this verse.
दर्शनात्तस्य तीर्थस्य सद्यः पापात्प्रमुच्यते । अवशाः स्ववशाश्चापि म्रियंते तत्र जंतवः
darśanāttasya tīrthasya sadyaḥ pāpātpramucyate | avaśāḥ svavaśāścāpi mriyaṃte tatra jaṃtavaḥ
Sanskrit only: no published translation is held for this verse.
गुह्यातिगुह्यस्य गतिस्तेषां निःसंशया भवेत् । एतत्क्षेत्रं सुविपुलं सर्वपापप्रणाशनम्
guhyātiguhyasya gatisteṣāṃ niḥsaṃśayā bhavet | etatkṣetraṃ suvipulaṃ sarvapāpapraṇāśanam
Sanskrit only: no published translation is held for this verse.
तत्र स्नात्वा दिवं यांति ये मृतास्तेऽपुनर्भवाः । औपानहं तदा छत्रं देयमन्नं च कांचनम्
tatra snātvā divaṃ yāṃti ye mṛtāste'punarbhavāḥ | aupānahaṃ tadā chatraṃ deyamannaṃ ca kāṃcanam
Sanskrit only: no published translation is held for this verse.
भोजनं च यथाशक्त्या अक्षयं तस्य तद्भवेत् । सूर्योपरागे यो दद्याद्दानं चैव यथेच्छया
bhojanaṃ ca yathāśaktyā akṣayaṃ tasya tadbhavet | sūryoparāge yo dadyāddānaṃ caiva yathecchayā
Sanskrit only: no published translation is held for this verse.
तीर्थस्नानं तु यद्दानमक्षयं तस्य तद्भवेत् । चंद्रसूर्योपरागेषु वृषोत्सर्गमनुत्तमम्
tīrthasnānaṃ tu yaddānamakṣayaṃ tasya tadbhavet | caṃdrasūryoparāgeṣu vṛṣotsargamanuttamam
Sanskrit only: no published translation is held for this verse.
न जानंति नरा मूढा विष्णुमायाविमोहिताः । नर्मदायां स्थितं दिव्यं वृषतीर्थं नराधिप
na jānaṃti narā mūḍhā viṣṇumāyāvimohitāḥ | narmadāyāṃ sthitaṃ divyaṃ vṛṣatīrthaṃ narādhipa
Sanskrit only: no published translation is held for this verse.
भृगुतीर्थस्य माहात्म्यं यः शृणोति नरः सकृत् । विमुक्तः सर्वपापेभ्यो रुद्रलोकं स गच्छति
bhṛgutīrthasya māhātmyaṃ yaḥ śṛṇoti naraḥ sakṛt | vimuktaḥ sarvapāpebhyo rudralokaṃ sa gacchati
Sanskrit only: no published translation is held for this verse.
ततो गच्छेत राजेंद्र गौतमेश्वरमुत्तमम् । तत्र स्नात्वा नरो राजन्नुपवासपरायणः
tato gaccheta rājeṃdra gautameśvaramuttamam | tatra snātvā naro rājannupavāsaparāyaṇaḥ
Sanskrit only: no published translation is held for this verse.
कांचनेन विमानेन ब्रह्मलोके महीयते । धौतपापं ततो गच्छेद्धौतं यत्र वृषेण तु
kāṃcanena vimānena brahmaloke mahīyate | dhautapāpaṃ tato gaccheddhautaṃ yatra vṛṣeṇa tu
Sanskrit only: no published translation is held for this verse.
नर्मदायां स्थितं राजन्सर्वपातकनाशनम् । तत्र तीर्थे नरः स्नात्वा ब्रह्महत्यां व्यपोहति
narmadāyāṃ sthitaṃ rājansarvapātakanāśanam | tatra tīrthe naraḥ snātvā brahmahatyāṃ vyapohati
Sanskrit only: no published translation is held for this verse.
तस्मिन्तीर्थे महाराज प्राणत्यागं करोति यः । चतुर्भुजस्त्रिनेत्रस्तु रुद्रतुल्यबलो भवेत्
tasmintīrthe mahārāja prāṇatyāgaṃ karoti yaḥ | caturbhujastrinetrastu rudratulyabalo bhavet
Sanskrit only: no published translation is held for this verse.
वसेत्कल्पायुतं साग्रं रुद्रतुल्यपराक्रमः । कालेन महता प्राप्तः पृथिव्यामेकराड्भवेत्
vasetkalpāyutaṃ sāgraṃ rudratulyaparākramaḥ | kālena mahatā prāptaḥ pṛthivyāmekarāḍbhavet
Sanskrit only: no published translation is held for this verse.
ततो गच्छेत राजेंद्र एरंडीतीर्थमुत्तमम् । प्रयागे यत्फलं दृष्टं मार्कंडेयेन भाषितम्
tato gaccheta rājeṃdra eraṃḍītīrthamuttamam | prayāge yatphalaṃ dṛṣṭaṃ mārkaṃḍeyena bhāṣitam
Sanskrit only: no published translation is held for this verse.
तत्फलं लभते राजन्स्नातमात्रस्तु मानवः । मासि भाद्रपदे चैव शुक्लपक्षस्य चाष्टमीम्
tatphalaṃ labhate rājansnātamātrastu mānavaḥ | māsi bhādrapade caiva śuklapakṣasya cāṣṭamīm
Sanskrit only: no published translation is held for this verse.
उपोष्य रजनीमेकां तत्र स्नानं समाचरेत् । यमदूतैर्न बाध्येत इंद्रलोकं स गच्छति
upoṣya rajanīmekāṃ tatra snānaṃ samācaret | yamadūtairna bādhyeta iṃdralokaṃ sa gacchati
Sanskrit only: no published translation is held for this verse.
ततो गच्छेत राजेंद्र सिद्धो यत्र जनार्दनः । हिरण्यद्वीपविख्यातं सर्वपापप्रणाशनम्
tato gaccheta rājeṃdra siddho yatra janārdanaḥ | hiraṇyadvīpavikhyātaṃ sarvapāpapraṇāśanam
Sanskrit only: no published translation is held for this verse.
तत्र स्नात्वा नरो राजन्धनवान्रूपवान्भवेत् । ततो गच्छेत राजेंद्र तीर्थं कनखलं महत्
tatra snātvā naro rājandhanavānrūpavānbhavet | tato gaccheta rājeṃdra tīrthaṃ kanakhalaṃ mahat
Sanskrit only: no published translation is held for this verse.
गरुडेन तपस्तप्तं तस्मिंस्तीर्थे नराधिप । विख्यातं सर्वलोकेषु योगिनी तत्र तिष्ठति
garuḍena tapastaptaṃ tasmiṃstīrthe narādhipa | vikhyātaṃ sarvalokeṣu yoginī tatra tiṣṭhati
Sanskrit only: no published translation is held for this verse.
क्रीडते योगिभिः सार्धं शिवेन सह नृत्यति । तत्र स्नात्वा नरो राजन्रुद्रलोके महीयते
krīḍate yogibhiḥ sārdhaṃ śivena saha nṛtyati | tatra snātvā naro rājanrudraloke mahīyate
Sanskrit only: no published translation is held for this verse.
ततो गच्छेत राजेंद्र ईशतीर्थमनुत्तमम् । ईशस्तत्र विनिर्मुक्तो गत ऊर्ध्वं न संशयः
tato gaccheta rājeṃdra īśatīrthamanuttamam | īśastatra vinirmukto gata ūrdhvaṃ na saṃśayaḥ
Sanskrit only: no published translation is held for this verse.
ततो गच्छेत राजेंद्र सिद्धो यत्र जनार्दनः । वाराहं रूपमास्थाय अचिंत्यः परमेश्वरः
tato gaccheta rājeṃdra siddho yatra janārdanaḥ | vārāhaṃ rūpamāsthāya aciṃtyaḥ parameśvaraḥ
Sanskrit only: no published translation is held for this verse.
वराहतीर्थे नरः स्नात्वा द्वादश्यां तु विशेषतः । विष्णुलोकमवाप्नोति नरकं तु न गच्छति
varāhatīrthe naraḥ snātvā dvādaśyāṃ tu viśeṣataḥ | viṣṇulokamavāpnoti narakaṃ tu na gacchati
Sanskrit only: no published translation is held for this verse.
ततो गच्छेत राजेंद्र सोमतीर्थमनुत्तमम् । पौर्णिमास्यां विशेषेण तत्र स्नानं समाचरेत्
tato gaccheta rājeṃdra somatīrthamanuttamam | paurṇimāsyāṃ viśeṣeṇa tatra snānaṃ samācaret
Sanskrit only: no published translation is held for this verse.
प्रणिपत्य च ईशानं बलिस्तस्य प्रसीदति । हरिश्चन्द्रपुरं दिव्यमंतरिक्षे तु दृश्यते
praṇipatya ca īśānaṃ balistasya prasīdati | hariścandrapuraṃ divyamaṃtarikṣe tu dṛśyate
Sanskrit only: no published translation is held for this verse.
चक्रध्वजे समावृत्ते सुप्ते नागारिकेतने । नर्मदातोयवेगेन रुरुकच्छोपसेवितम्
cakradhvaje samāvṛtte supte nāgāriketane | narmadātoyavegena rurukacchopasevitam
Sanskrit only: no published translation is held for this verse.
तस्मिन्स्थाने निवासं च विष्णुः शंकरमब्रवीत् । द्वीपेश्वरे नरः स्नात्वा लभेद्बहुसुवर्णकम्
tasminsthāne nivāsaṃ ca viṣṇuḥ śaṃkaramabravīt | dvīpeśvare naraḥ snātvā labhedbahusuvarṇakam
Sanskrit only: no published translation is held for this verse.
ततो गच्छेत राजेंद्र रुद्रकन्यां तु संगमे । स्नातमात्रो नरस्तत्र देव्याः स्थानमवाप्नुयात्
tato gaccheta rājeṃdra rudrakanyāṃ tu saṃgame | snātamātro narastatra devyāḥ sthānamavāpnuyāt
Sanskrit only: no published translation is held for this verse.
देवतीर्थं ततो गच्छेत्सर्वदेवनमस्कृतम् । तत्र स्नात्वा तु राजेंद्र दैवतैः सह मोदते
devatīrthaṃ tato gacchetsarvadevanamaskṛtam | tatra snātvā tu rājeṃdra daivataiḥ saha modate
Sanskrit only: no published translation is held for this verse.
ततो गच्छेत राजेंद्र शिखितीर्थमनुत्तमम् । तत्र वै दीयते दानं सर्वं कोटिगुणं भवेत्
tato gaccheta rājeṃdra śikhitīrthamanuttamam | tatra vai dīyate dānaṃ sarvaṃ koṭiguṇaṃ bhavet
Sanskrit only: no published translation is held for this verse.
अपरपक्षे अमावास्यां स्नानं तत्र समाचरेत् । ब्राह्मणं भोजयेदेकं कोटिर्भवति भोजिता
aparapakṣe amāvāsyāṃ snānaṃ tatra samācaret | brāhmaṇaṃ bhojayedekaṃ koṭirbhavati bhojitā
Sanskrit only: no published translation is held for this verse.
भृगुतीर्थे तु राजेंद्र तीर्थकोटिर्व्यवस्थिता । अकामो वा सकामो वा तत्र स्नायीत मानवः
bhṛgutīrthe tu rājeṃdra tīrthakoṭirvyavasthitā | akāmo vā sakāmo vā tatra snāyīta mānavaḥ
Sanskrit only: no published translation is held for this verse.
अश्वमेधमवाप्नोति दैवतैः सह मोदते । तत्र सिद्धमवाप्नोति भृगुस्तु मुनिपुंगवः । अवतारः कृतस्तेन शंकरेण महात्मना
aśvamedhamavāpnoti daivataiḥ saha modate | tatra siddhamavāpnoti bhṛgustu munipuṃgavaḥ | avatāraḥ kṛtastena śaṃkareṇa mahātmanā
Sanskrit only: no published translation is held for this verse.