Padma Purāṇa 3.21

नारद उवाच- ततो गच्छेत राजेंद्र विहगेश्वरमुत्तमम् । दर्शनात्तस्यराजेंद्र मुच्यते सर्वपातकैः

nārada uvāca- tato gaccheta rājeṃdra vihageśvaramuttamam | darśanāttasyarājeṃdra mucyate sarvapātakaiḥ

Sanskrit only: no published translation is held for this verse.

ततो गच्छेत राजेन्द्र नर्मदेश्वरमुत्तमम् । तत्र स्नात्वा नरो राजन्स्वर्गलोके महीयते

tato gaccheta rājendra narmadeśvaramuttamam | tatra snātvā naro rājansvargaloke mahīyate

Sanskrit only: no published translation is held for this verse.

अश्वतीर्थं ततो गच्छेत्स्नानं तत्र समाचरेत् । सुभगो दर्शनीयश्च भोगवान्जायते नरः

aśvatīrthaṃ tato gacchetsnānaṃ tatra samācaret | subhago darśanīyaśca bhogavānjāyate naraḥ

Sanskrit only: no published translation is held for this verse.

पितामहं ततो गच्छेद्ब्रह्मणा निर्मितं पुरा । तत्र स्नात्वा नरो भक्त्या पितृपिंडं तु दापयेत्

pitāmahaṃ tato gacchedbrahmaṇā nirmitaṃ purā | tatra snātvā naro bhaktyā pitṛpiṃḍaṃ tu dāpayet

Sanskrit only: no published translation is held for this verse.

तिलदर्भविमिश्रं तु उदकं तु प्रदापयेत् । तस्य तीर्थप्रभावेण सर्वं भवति चाक्षयम्

tiladarbhavimiśraṃ tu udakaṃ tu pradāpayet | tasya tīrthaprabhāveṇa sarvaṃ bhavati cākṣayam

Sanskrit only: no published translation is held for this verse.

सावित्री तीर्थमासाद्य यस्तु स्नानं समाचरेत् । विधूय सर्वपापानि ब्रह्मलोके महीयते

sāvitrī tīrthamāsādya yastu snānaṃ samācaret | vidhūya sarvapāpāni brahmaloke mahīyate

Sanskrit only: no published translation is held for this verse.

मनोहरं च तत्रैव तीर्थं परमशोभनम् । तत्र स्नात्वा नरो राजन्पितृलोके महीयते

manoharaṃ ca tatraiva tīrthaṃ paramaśobhanam | tatra snātvā naro rājanpitṛloke mahīyate

Sanskrit only: no published translation is held for this verse.

ततो गच्छेत राजेंद्र मानसं तीर्थमुत्तमम् । तत्र स्नात्वा नरो राजन्रुद्रलोके महीयते

tato gaccheta rājeṃdra mānasaṃ tīrthamuttamam | tatra snātvā naro rājanrudraloke mahīyate

Sanskrit only: no published translation is held for this verse.

ततो गच्छेत राजेंद्र क्रतुतीर्थमनुत्तमम् । विख्यातं सर्वलोकेषु सर्वपापप्रणाशनम्

tato gaccheta rājeṃdra kratutīrthamanuttamam | vikhyātaṃ sarvalokeṣu sarvapāpapraṇāśanam

Sanskrit only: no published translation is held for this verse.

यान्यान्प्रार्थयते कामान्पशुपुत्रधनानि च । प्राप्नुयात्तानि सर्वाणि तत्र स्नात्वा नराधिप

yānyānprārthayate kāmānpaśuputradhanāni ca | prāpnuyāttāni sarvāṇi tatra snātvā narādhipa

Sanskrit only: no published translation is held for this verse.

ततो गच्छेत राजेंद्र त्रिदशद्योति विश्रुतम् । तत्र ता ऋषिकन्यास्तु तपस्तप्यंति सुव्रताः

tato gaccheta rājeṃdra tridaśadyoti viśrutam | tatra tā ṛṣikanyāstu tapastapyaṃti suvratāḥ

Sanskrit only: no published translation is held for this verse.

भर्त्ता भवतु सर्वासामीश्वरः प्रभुरव्ययः । प्रीतस्तेषां महादेवश्चंडरूपधरो हरः

bharttā bhavatu sarvāsāmīśvaraḥ prabhuravyayaḥ | prītasteṣāṃ mahādevaścaṃḍarūpadharo haraḥ

Sanskrit only: no published translation is held for this verse.

विकृतानन बीभत्सस्तच्च तीर्थमुपागतः । तत्र कन्या महाराज वराय परमेश्वरः

vikṛtānana bībhatsastacca tīrthamupāgataḥ | tatra kanyā mahārāja varāya parameśvaraḥ

Sanskrit only: no published translation is held for this verse.

कन्याऋद्धिं च यः सेवेत्कन्यादानं प्रयच्छति । तीर्थं तत्र महाराज दशकन्येति विश्रुतम्

kanyāṛddhiṃ ca yaḥ sevetkanyādānaṃ prayacchati | tīrthaṃ tatra mahārāja daśakanyeti viśrutam

Sanskrit only: no published translation is held for this verse.

तत्र स्नात्वार्च्चयेद्देवं सर्वपापैः प्रमुच्यते । ततो गच्छेत राजेंद्र स्वर्गबिंदुरिति श्रुतम्

tatra snātvārccayeddevaṃ sarvapāpaiḥ pramucyate | tato gaccheta rājeṃdra svargabiṃduriti śrutam

Sanskrit only: no published translation is held for this verse.

तत्र स्नात्वा नरो राजन्दुर्गतिं च न पश्यति । अप्सरेशं ततो गच्छेत्स्नानं तत्र समाचरेत्

tatra snātvā naro rājandurgatiṃ ca na paśyati | apsareśaṃ tato gacchetsnānaṃ tatra samācaret

Sanskrit only: no published translation is held for this verse.

क्रीडते नागलोकस्थोऽप्सरोभिः सह मोदते । ततो गच्छेत राजेंद्र नरकं तीर्थमुत्तमम्

krīḍate nāgalokastho'psarobhiḥ saha modate | tato gaccheta rājeṃdra narakaṃ tīrthamuttamam

Sanskrit only: no published translation is held for this verse.

तत्र स्नात्वार्च्चयेद्देवं नरकं च न गच्छति । भारभूतं ततो गच्छेदुपवासपरायणः

tatra snātvārccayeddevaṃ narakaṃ ca na gacchati | bhārabhūtaṃ tato gacchedupavāsaparāyaṇaḥ

Sanskrit only: no published translation is held for this verse.

एतत्तीर्थं समासाद्य अवतारं तु शांभवम् । अर्चयित्वा विरूपाक्षं रुद्रलोके महीयते

etattīrthaṃ samāsādya avatāraṃ tu śāṃbhavam | arcayitvā virūpākṣaṃ rudraloke mahīyate

Sanskrit only: no published translation is held for this verse.

तस्मिंस्तीर्थे नरः स्नात्वा भारभूते महात्मनः । यत्रतत्र मृतस्यापि ध्रुवं गाणेश्वरी गतिः

tasmiṃstīrthe naraḥ snātvā bhārabhūte mahātmanaḥ | yatratatra mṛtasyāpi dhruvaṃ gāṇeśvarī gatiḥ

Sanskrit only: no published translation is held for this verse.

कार्तिकस्य तु मासस्य अर्चयित्वा महेश्वरम् । अश्वमेधाच्छतगुणं प्रवदंति मनीषिणः

kārtikasya tu māsasya arcayitvā maheśvaram | aśvamedhācchataguṇaṃ pravadaṃti manīṣiṇaḥ

Sanskrit only: no published translation is held for this verse.

दीपकानां शतं कृत्वा घृतपूर्णं तु दापयेत् । विमानैः सूर्यसंकाशैर्व्रजते यत्र शंकरः

dīpakānāṃ śataṃ kṛtvā ghṛtapūrṇaṃ tu dāpayet | vimānaiḥ sūryasaṃkāśairvrajate yatra śaṃkaraḥ

Sanskrit only: no published translation is held for this verse.

वृषभं यः प्रयच्छेत शंखकुंदेंदु संनिभम् । वृषयुक्तेन यानेन रुद्रलोकं स गच्छति

vṛṣabhaṃ yaḥ prayaccheta śaṃkhakuṃdeṃdu saṃnibham | vṛṣayuktena yānena rudralokaṃ sa gacchati

Sanskrit only: no published translation is held for this verse.

चरुमेकं तु यो दद्यात्तस्मिंस्तीर्थे नराधिप । पायसं मधुसंयुक्तं भक्ष्याणि विविधानि च

carumekaṃ tu yo dadyāttasmiṃstīrthe narādhipa | pāyasaṃ madhusaṃyuktaṃ bhakṣyāṇi vividhāni ca

Sanskrit only: no published translation is held for this verse.

यथाशक्त्यनुराजेंद्र भोजयेत्सहदक्षिणम् । तस्यतीर्थप्रभावेण सर्वं कोटिगुणं भवेत्

yathāśaktyanurājeṃdra bhojayetsahadakṣiṇam | tasyatīrthaprabhāveṇa sarvaṃ koṭiguṇaṃ bhavet

Sanskrit only: no published translation is held for this verse.

नर्मदाया जलं सिक्त्वा अर्चयित्वा वृषध्वजम् । दुर्गतिं च न पंश्यंति तस्य तीर्थप्रभावतः

narmadāyā jalaṃ siktvā arcayitvā vṛṣadhvajam | durgatiṃ ca na paṃśyaṃti tasya tīrthaprabhāvataḥ

Sanskrit only: no published translation is held for this verse.

एतत्तीर्थं समासाद्य यस्तुप्राणान्परित्यजेत् । सर्वपापविशुद्धात्मा व्रजते यत्र शंकरः

etattīrthaṃ samāsādya yastuprāṇānparityajet | sarvapāpaviśuddhātmā vrajate yatra śaṃkaraḥ

Sanskrit only: no published translation is held for this verse.

जलप्रवेशं यः कुर्यात्तस्मिंस्तीर्थे नराधिप । हंसयुक्तेन यानेन रुद्रलोकं स गच्छति

jalapraveśaṃ yaḥ kuryāttasmiṃstīrthe narādhipa | haṃsayuktena yānena rudralokaṃ sa gacchati

Sanskrit only: no published translation is held for this verse.

यावच्चंद्रश्च सूर्यश्च हिमवांश्च महोदधिः । गंगाद्याः सरितो यावत्तावत्स्वर्गे महीयते

yāvaccaṃdraśca sūryaśca himavāṃśca mahodadhiḥ | gaṃgādyāḥ sarito yāvattāvatsvarge mahīyate

Sanskrit only: no published translation is held for this verse.

अनाशनं तु यः कुर्यात्तस्मिंस्तीर्थे नराधिप । गर्भवासे तु राजेंद्र न पुनर्जायते नरः

anāśanaṃ tu yaḥ kuryāttasmiṃstīrthe narādhipa | garbhavāse tu rājeṃdra na punarjāyate naraḥ

Sanskrit only: no published translation is held for this verse.

ततो गच्छेत राजेंद्र अटवीतीर्थमुत्तमम् । तत्र स्नात्वा नरो राजन्निंद्रस्यार्द्धासनंलभेत्

tato gaccheta rājeṃdra aṭavītīrthamuttamam | tatra snātvā naro rājanniṃdrasyārddhāsanaṃlabhet

Sanskrit only: no published translation is held for this verse.

शृंगतीर्थं ततो गच्छेत्सर्वपापप्रणाशनम् । तत्रापि स्नातमात्रस्य ध्रुवं गाणेश्वरी गतिः

śṛṃgatīrthaṃ tato gacchetsarvapāpapraṇāśanam | tatrāpi snātamātrasya dhruvaṃ gāṇeśvarī gatiḥ

Sanskrit only: no published translation is held for this verse.

एरंडीनर्मदायाश्च संगमं लोकविश्रुतम् । तत्र तीर्थं महापुण्यं सर्वपापप्रणाशनम्

eraṃḍīnarmadāyāśca saṃgamaṃ lokaviśrutam | tatra tīrthaṃ mahāpuṇyaṃ sarvapāpapraṇāśanam

Sanskrit only: no published translation is held for this verse.

उपवासपरो भूत्वा नित्यं ब्रह्मपरायणः । तत्र स्नात्वा तु राजेंद्र मुच्यते ब्रह्महत्यया

upavāsaparo bhūtvā nityaṃ brahmaparāyaṇaḥ | tatra snātvā tu rājeṃdra mucyate brahmahatyayā

Sanskrit only: no published translation is held for this verse.

ततो गच्छेत राजेन्द्र नर्मदोदधिसंगमम् । जमदग्निरिति ख्यातं सिद्धो यत्र जनार्दनः

tato gaccheta rājendra narmadodadhisaṃgamam | jamadagniriti khyātaṃ siddho yatra janārdanaḥ

Sanskrit only: no published translation is held for this verse.

यत्रेष्ट्वा बहुभिर्यज्ञैरिंद्रो देवाधिपोभवत् । तत्र स्नात्वा नरो राजन्नर्मदोदधिसंगमे

yatreṣṭvā bahubhiryajñairiṃdro devādhipobhavat | tatra snātvā naro rājannarmadodadhisaṃgame

Sanskrit only: no published translation is held for this verse.

त्रिगुणस्याश्वमेधस्य फलं प्राप्नोति मानवः । पश्चिमोदधिसायुज्यं मुक्तिद्वारविघाटनम्

triguṇasyāśvamedhasya phalaṃ prāpnoti mānavaḥ | paścimodadhisāyujyaṃ muktidvāravighāṭanam

Sanskrit only: no published translation is held for this verse.

तत्र देवाः सगंधर्वा ऋषयः सिद्धचारणाः । आराधयंति देवेशं त्रिसंध्यं विमलेश्वरम्

tatra devāḥ sagaṃdharvā ṛṣayaḥ siddhacāraṇāḥ | ārādhayaṃti deveśaṃ trisaṃdhyaṃ vimaleśvaram

Sanskrit only: no published translation is held for this verse.

सर्वपापविशुद्धात्मा रुद्रलोके महीयते । विमलेश्वरपरं तीर्थं न भूतं न भविष्यति

sarvapāpaviśuddhātmā rudraloke mahīyate | vimaleśvaraparaṃ tīrthaṃ na bhūtaṃ na bhaviṣyati

Sanskrit only: no published translation is held for this verse.

तत्रोपवासं कृत्वा ये पश्यंति विमलेश्वरम् । सर्वपापविशुद्धात्मा रुद्रलोकं व्रजंति ते

tatropavāsaṃ kṛtvā ye paśyaṃti vimaleśvaram | sarvapāpaviśuddhātmā rudralokaṃ vrajaṃti te

Sanskrit only: no published translation is held for this verse.

ततो गच्छेत राजेंद्र केशिनीतीर्थमुत्तमम् । तत्र स्नात्वा नरो राजन्नुपवासपरायणः

tato gaccheta rājeṃdra keśinītīrthamuttamam | tatra snātvā naro rājannupavāsaparāyaṇaḥ

Sanskrit only: no published translation is held for this verse.

उपोष्य रजनीमेकां नियतो नियताशनः । तत्र तीर्थप्रभावेण मुच्यते ब्रह्महत्यया

upoṣya rajanīmekāṃ niyato niyatāśanaḥ | tatra tīrthaprabhāveṇa mucyate brahmahatyayā

Sanskrit only: no published translation is held for this verse.

सर्वतीर्थाभिषेकं च यः पश्येत्सागरेश्वरम् । योजनाभ्यंतरे तिष्ठेदावर्ते संस्थितः शिवः

sarvatīrthābhiṣekaṃ ca yaḥ paśyetsāgareśvaram | yojanābhyaṃtare tiṣṭhedāvarte saṃsthitaḥ śivaḥ

Sanskrit only: no published translation is held for this verse.

तं दृष्ट्वा सर्वतीर्थानि दृष्टानि स्युर्न संशयः । सर्वपापविनिर्मुक्तो यत्र रुद्र सः गच्छति

taṃ dṛṣṭvā sarvatīrthāni dṛṣṭāni syurna saṃśayaḥ | sarvapāpavinirmukto yatra rudra saḥ gacchati

Sanskrit only: no published translation is held for this verse.

नर्मदासंगमं यावद्यावच्चामरकंटकम् । तत्रांतरे महाराजन्तीर्थकोट्योदकस्थिताः

narmadāsaṃgamaṃ yāvadyāvaccāmarakaṃṭakam | tatrāṃtare mahārājantīrthakoṭyodakasthitāḥ

Sanskrit only: no published translation is held for this verse.

तीर्थात्तीर्थाटनं चर्या ऋषिकोटिनिषेविता । अग्निहोत्रैश्च दिव्यांशैः सर्वैर्ज्ञानपरायणैः

tīrthāttīrthāṭanaṃ caryā ṛṣikoṭiniṣevitā | agnihotraiśca divyāṃśaiḥ sarvairjñānaparāyaṇaiḥ

Sanskrit only: no published translation is held for this verse.

सेवितास्तेन राजेंद्र ईप्सितार्थप्रदायिकाः । यश्चेदं वै पठेन्नित्यं शृणुयाद्वापि भक्तितः

sevitāstena rājeṃdra īpsitārthapradāyikāḥ | yaścedaṃ vai paṭhennityaṃ śṛṇuyādvāpi bhaktitaḥ

Sanskrit only: no published translation is held for this verse.

तं तु तीर्थानि सर्वाणि अभिषिंचंति पांडव । नर्मदा च सदा प्रीता भवेद्वै नात्र संशयः

taṃ tu tīrthāni sarvāṇi abhiṣiṃcaṃti pāṃḍava | narmadā ca sadā prītā bhavedvai nātra saṃśayaḥ

Sanskrit only: no published translation is held for this verse.

प्रीतस्तस्य भवेद्रुद्रो मार्कंडेयो महामुनिः । वंध्या च लभते पुत्रान्दुर्भगा सुभगाभवेत्

prītastasya bhavedrudro mārkaṃḍeyo mahāmuniḥ | vaṃdhyā ca labhate putrāndurbhagā subhagābhavet

Sanskrit only: no published translation is held for this verse.

कुमारीं लभते भर्त्ता यच्च यो वाञ्छते फलम् । तदेव लभते सर्वं नात्र कार्या विचारणा

kumārīṃ labhate bharttā yacca yo vāñchate phalam | tadeva labhate sarvaṃ nātra kāryā vicāraṇā

Sanskrit only: no published translation is held for this verse.

ब्राह्मणो वेदमाप्नोति क्षत्रियो विजयी भवेत् । वैश्यस्तु लभते धान्यं शूद्रः प्राप्नोति सद्गतिम्

brāhmaṇo vedamāpnoti kṣatriyo vijayī bhavet | vaiśyastu labhate dhānyaṃ śūdraḥ prāpnoti sadgatim

Sanskrit only: no published translation is held for this verse.

मूर्खस्तु लभते विद्यां त्रिसंध्यं यः पठेन्नरः । नरकं च न पश्येत वियोनिं च न गच्छति

mūrkhastu labhate vidyāṃ trisaṃdhyaṃ yaḥ paṭhennaraḥ | narakaṃ ca na paśyeta viyoniṃ ca na gacchati

Sanskrit only: no published translation is held for this verse.