Padma Purāṇa 3.22

नारद उवाच- एवं ते कथितं राजन्नर्मदातीर्थमुत्तमम् । पुरा गंधर्वकन्यानां शापजं भयमुल्बणम्

nārada uvāca- evaṃ te kathitaṃ rājannarmadātīrthamuttamam | purā gaṃdharvakanyānāṃ śāpajaṃ bhayamulbaṇam

Sanskrit only: no published translation is held for this verse.

नाशितं तन्महाराज रेवाजलकणाग्निना । रेवाजलकणस्पर्शान्मुक्तो भवति मानवः

nāśitaṃ tanmahārāja revājalakaṇāgninā | revājalakaṇasparśānmukto bhavati mānavaḥ

Sanskrit only: no published translation is held for this verse.

युधिष्ठिर उवाच- भगवन्बहुकन्याभिः शापो लंभि कथं कुतः । कस्यापत्यानि तास्तासां नाम किं कीदृशं वयः

yudhiṣṭhira uvāca- bhagavanbahukanyābhiḥ śāpo laṃbhi kathaṃ kutaḥ | kasyāpatyāni tāstāsāṃ nāma kiṃ kīdṛśaṃ vayaḥ

Sanskrit only: no published translation is held for this verse.

कथं रेवाजलस्पर्शाद्विपाकाच्छापसंभवात् । विमुक्ताः कुत्र ताः सस्नुः सर्वं मे कथय प्रभो

kathaṃ revājalasparśādvipākācchāpasaṃbhavāt | vimuktāḥ kutra tāḥ sasnuḥ sarvaṃ me kathaya prabho

Sanskrit only: no published translation is held for this verse.

नर्मदातीर्थमाहात्म्यं चमत्कारकरं भवेत् । श्रवणादपि पापानां मलनाशनमुच्यते

narmadātīrthamāhātmyaṃ camatkārakaraṃ bhavet | śravaṇādapi pāpānāṃ malanāśanamucyate

Sanskrit only: no published translation is held for this verse.

नर्मदानर्मदाशब्दो येन केनचिदुच्यते । तस्य स्याच्छाश्वती मुक्तिर्यावदाचंद्र तारकम्

narmadānarmadāśabdo yena kenaciducyate | tasya syācchāśvatī muktiryāvadācaṃdra tārakam

Sanskrit only: no published translation is held for this verse.

व्याहृतं भवता पूर्वं रेवामाहात्म्यमुत्तमम् । तथापि चरितं साधो यदेतत्तन्निगद्यताम्

vyāhṛtaṃ bhavatā pūrvaṃ revāmāhātmyamuttamam | tathāpi caritaṃ sādho yadetattannigadyatām

Sanskrit only: no published translation is held for this verse.

अथ चोत्तमवार्ताया सेवितव्या मनीषिभिः । अतः पृच्छामि विप्रेंद्र रेवामाहात्म्यमुत्तमम् । इतिहासं वद विभो कन्यानां चरितोज्ज्वलम्

atha cottamavārtāyā sevitavyā manīṣibhiḥ | ataḥ pṛcchāmi vipreṃdra revāmāhātmyamuttamam | itihāsaṃ vada vibho kanyānāṃ caritojjvalam

Sanskrit only: no published translation is held for this verse.

नारद उवाच- श्रूयतां राजशार्दूल धर्मगर्भापरा कथा । यथारणिर्वह्निगर्भा धर्म्मस्तु ब्रह्मसूरिव

nārada uvāca- śrūyatāṃ rājaśārdūla dharmagarbhāparā kathā | yathāraṇirvahnigarbhā dharmmastu brahmasūriva

Sanskrit only: no published translation is held for this verse.

गंधर्वः शुकसंगीतिस्तस्य कन्या प्रमोहिनी । सुशीलस्य सुशीला च सुस्वरा स्वरवेदिनः

gaṃdharvaḥ śukasaṃgītistasya kanyā pramohinī | suśīlasya suśīlā ca susvarā svaravedinaḥ

Sanskrit only: no published translation is held for this verse.

सुतारा चंद्रकांतस्य चंद्रिका सुप्रभस्य च । इमानि वरनामानि तासामप्सरसां नृप

sutārā caṃdrakāṃtasya caṃdrikā suprabhasya ca | imāni varanāmāni tāsāmapsarasāṃ nṛpa

Sanskrit only: no published translation is held for this verse.

कुमार्यः पंच सर्वास्ता वयसा सुभगाः पुनः । भाषंते च मिथस्तास्तु भगिन्य इव सर्वदा

kumāryaḥ paṃca sarvāstā vayasā subhagāḥ punaḥ | bhāṣaṃte ca mithastāstu bhaginya iva sarvadā

Sanskrit only: no published translation is held for this verse.

चंद्रादिव विनिष्क्रांताश्चंद्रिका इव सोज्ज्वलाः । चंद्राननाः सुकेश्यश्च चंद्रकांताइवोज्ज्वलाः

caṃdrādiva viniṣkrāṃtāścaṃdrikā iva sojjvalāḥ | caṃdrānanāḥ sukeśyaśca caṃdrakāṃtāivojjvalāḥ

Sanskrit only: no published translation is held for this verse.

देवेष्वेता विलासिन्यः कौमुद्यः कैरवेष्विव । लावण्यपिंडसंभूता दिव्यरूपा मनोहराः

deveṣvetā vilāsinyaḥ kaumudyaḥ kairaveṣviva | lāvaṇyapiṃḍasaṃbhūtā divyarūpā manoharāḥ

Sanskrit only: no published translation is held for this verse.

उद्भिन्नकुचपद्मिन्यः केतक्य इव माधवे । उत्पन्नयौवनैः कांता वल्लीव नवपल्लवैः

udbhinnakucapadminyaḥ ketakya iva mādhave | utpannayauvanaiḥ kāṃtā vallīva navapallavaiḥ

Sanskrit only: no published translation is held for this verse.

हेमगौराश्च हेमाभा हेमाभरणभूषिताः । हेमचंपकमालिन्यो हेमच्छविसुवाससः

hemagaurāśca hemābhā hemābharaṇabhūṣitāḥ | hemacaṃpakamālinyo hemacchavisuvāsasaḥ

Sanskrit only: no published translation is held for this verse.

स्वरग्रामावलीहासु विविधा मूर्च्छनासु च । तालवाद्यविनोदेषु वेणुवीणाप्रवादने

svaragrāmāvalīhāsu vividhā mūrcchanāsu ca | tālavādyavinodeṣu veṇuvīṇāpravādane

Sanskrit only: no published translation is held for this verse.

मृदंगनादसंभिन्नलास्यमध्यलयेषु च । चित्रादिषु विनोदेषु कलासु च विशारदाः

mṛdaṃganādasaṃbhinnalāsyamadhyalayeṣu ca | citrādiṣu vinodeṣu kalāsu ca viśāradāḥ

Sanskrit only: no published translation is held for this verse.

एवंभूताश्च ताः कन्या मुमुहुः क्रीडनैर्वरैः । पितृभिर्लालिताः सर्वाश्चेरुश्च धनदालये

evaṃbhūtāśca tāḥ kanyā mumuhuḥ krīḍanairvaraiḥ | pitṛbhirlālitāḥ sarvāśceruśca dhanadālaye

Sanskrit only: no published translation is held for this verse.

कौतुकादेकदा पंच मिलित्वा मासि माधवे । कन्या मंदारपुष्पाणि विचिन्वंत्यो वनाद्वनम्

kautukādekadā paṃca militvā māsi mādhave | kanyā maṃdārapuṣpāṇi vicinvaṃtyo vanādvanam

Sanskrit only: no published translation is held for this verse.

गौरीं समाराधयितुं स्वरांगनाः कदाचिदच्छोदसरोवरं ययुः । हेमांबुजानि प्रवराणि ताः पुनस्तस्मादुपादाय वरोत्पलैः सह

gaurīṃ samārādhayituṃ svarāṃganāḥ kadācidacchodasarovaraṃ yayuḥ | hemāṃbujāni pravarāṇi tāḥ punastasmādupādāya varotpalaiḥ saha

Sanskrit only: no published translation is held for this verse.

वैडूर्यशुद्धस्फटिकप्रकुट्टिमे स्नात्वा तु घट्टे परिधाय चांबरम् । मौनेन च स्थंडिलपिंडिकामयीं सुवर्णमुक्ताभरणां विनिर्ममुः

vaiḍūryaśuddhasphaṭikaprakuṭṭime snātvā tu ghaṭṭe paridhāya cāṃbaram | maunena ca sthaṃḍilapiṃḍikāmayīṃ suvarṇamuktābharaṇāṃ vinirmamuḥ

Sanskrit only: no published translation is held for this verse.

समर्चितां चंदनगंधकुंकुमैरभ्यर्च्य गौरीं वरपंकजादिभिः । नानोपहारैः शुभभक्तिभाविता लास्यप्रयोगैर्ननृतुः कुमारिकाः

samarcitāṃ caṃdanagaṃdhakuṃkumairabhyarcya gaurīṃ varapaṃkajādibhiḥ | nānopahāraiḥ śubhabhaktibhāvitā lāsyaprayogairnanṛtuḥ kumārikāḥ

Sanskrit only: no published translation is held for this verse.

गांधर्वमाश्रित्य परं स्वरं ततो गेयं स्वभावध्वनिभिः समूर्छनम् । एणीदृशस्ताः प्रजगुः कलाक्षरं तारप्रवृद्धं गतिभिश्च सुस्वरम्

gāṃdharvamāśritya paraṃ svaraṃ tato geyaṃ svabhāvadhvanibhiḥ samūrchanam | eṇīdṛśastāḥ prajaguḥ kalākṣaraṃ tārapravṛddhaṃ gatibhiśca susvaram

Sanskrit only: no published translation is held for this verse.

तस्मिन्सुभावे रसवर्षहर्षं कन्यास्वलं निर्भरचित्तवृत्तिषु । अच्छोदतीर्थे प्रवरे तदागतः स्नातुं मुनेर्वेदनिधेः सुतोग्रजः

tasminsubhāve rasavarṣaharṣaṃ kanyāsvalaṃ nirbharacittavṛttiṣu | acchodatīrthe pravare tadāgataḥ snātuṃ munervedanidheḥ sutograjaḥ

Sanskrit only: no published translation is held for this verse.

रूपेण निःसीमतरो वराननः प्रफुल्लपद्मायतलोचनो युवा । विस्तीर्णवक्षाः सुभुजोऽतिसुंदरः श्यामच्छविः कामइवापरो हि सः

rūpeṇa niḥsīmataro varānanaḥ praphullapadmāyatalocano yuvā | vistīrṇavakṣāḥ subhujo'tisuṃdaraḥ śyāmacchaviḥ kāmaivāparo hi saḥ

Sanskrit only: no published translation is held for this verse.

स ब्रह्मचारी सुशिखो हि शोभते दंडेन युक्तो धनुषेव मन्मथः । एणाजिनप्रावरणः समुद्रधृग्हेमाभमौंजीकटिमेखलः परः

sa brahmacārī suśikho hi śobhate daṃḍena yukto dhanuṣeva manmathaḥ | eṇājinaprāvaraṇaḥ samudradhṛghemābhamauṃjīkaṭimekhalaḥ paraḥ

Sanskrit only: no published translation is held for this verse.

तं दृष्ट्वा ब्राह्मणं बालास्तास्तत्र सरसस्तटे । जहृषुः कौतुकाविष्टा अयं नो भवितातिथिः

taṃ dṛṣṭvā brāhmaṇaṃ bālāstāstatra sarasastaṭe | jahṛṣuḥ kautukāviṣṭā ayaṃ no bhavitātithiḥ

Sanskrit only: no published translation is held for this verse.

संत्यक्तगीतनृत्यास्तास्तस्यालोकनलालसाः । हरिण्यो लुब्धकेनेव विद्धाः कामेन सायकैः

saṃtyaktagītanṛtyāstāstasyālokanalālasāḥ | hariṇyo lubdhakeneva viddhāḥ kāmena sāyakaiḥ

Sanskrit only: no published translation is held for this verse.

पश्यपश्येति जल्पंत्यो मुग्धाः पंच ससंभ्रमम् । तस्मिन्विप्रवरे यूनि कामदेवभ्रमं ययुः

paśyapaśyeti jalpaṃtyo mugdhāḥ paṃca sasaṃbhramam | tasminvipravare yūni kāmadevabhramaṃ yayuḥ

Sanskrit only: no published translation is held for this verse.

पुनःपुनस्तमभ्यर्च्य नयनैः पंकजैरिव । पश्चाद्विचारमारब्धमप्सरोभिः परस्परम्

punaḥpunastamabhyarcya nayanaiḥ paṃkajairiva | paścādvicāramārabdhamapsarobhiḥ parasparam

Sanskrit only: no published translation is held for this verse.

यद्ययं कामदेवो हि रतिहीनः कथं भवेत् । अथवाह्यश्विनौ देवौ तावुभौ युगचारिणौ

yadyayaṃ kāmadevo hi ratihīnaḥ kathaṃ bhavet | athavāhyaśvinau devau tāvubhau yugacāriṇau

Sanskrit only: no published translation is held for this verse.

गंधर्वः किन्नरो वाथ सिद्धो वा कामरूपधृक् । ऋषिपुत्रोऽथवा कश्चित्कश्चिद्वा मनुजोत्तमः

gaṃdharvaḥ kinnaro vātha siddho vā kāmarūpadhṛk | ṛṣiputro'thavā kaścitkaścidvā manujottamaḥ

Sanskrit only: no published translation is held for this verse.

अस्ति वा कश्चिदेवायं धात्रा सृष्टो हि नः कृते । यथाभाग्यवतामर्थे निधानं पूर्वकर्मभिः

asti vā kaścidevāyaṃ dhātrā sṛṣṭo hi naḥ kṛte | yathābhāgyavatāmarthe nidhānaṃ pūrvakarmabhiḥ

Sanskrit only: no published translation is held for this verse.

तथास्माकं कुमारीणां गौर्यानीतो वरोत्तमः । करुणाजलकल्लोल लब्धाद्री र्कृ!तचित्तया

tathāsmākaṃ kumārīṇāṃ gauryānīto varottamaḥ | karuṇājalakallola labdhādrī rkṛ!tacittayā

Sanskrit only: no published translation is held for this verse.

मया वृतस्त्वया चायं त्वया वृतस्तथानया । एवं पंचसुकन्यासु वदंतीषु नृपोत्तम

mayā vṛtastvayā cāyaṃ tvayā vṛtastathānayā | evaṃ paṃcasukanyāsu vadaṃtīṣu nṛpottama

Sanskrit only: no published translation is held for this verse.

श्रुत्वा तद्वचनं तत्र कृतमाध्याह्निकक्रियः । चिंतयामास मेधावी किं कृत्वा सुकृतं भवेत्

śrutvā tadvacanaṃ tatra kṛtamādhyāhnikakriyaḥ | ciṃtayāmāsa medhāvī kiṃ kṛtvā sukṛtaṃ bhavet

Sanskrit only: no published translation is held for this verse.

गाधिसंभवपराशरादयः कंडुदेवलमुखाश्च ये द्विजाः । तेऽपि योगि बलिनो विमोहिताः लीलया तदबलाभिरद्भुतम्

gādhisaṃbhavaparāśarādayaḥ kaṃḍudevalamukhāśca ye dvijāḥ | te'pi yogi balino vimohitāḥ līlayā tadabalābhiradbhutam

Sanskrit only: no published translation is held for this verse.

योषितां नयनतीक्ष्णसायकैर्भ्रूलतासुदृढचापनिर्गतैः । धन्विना मकरकेतुना हतः कस्य नो पतति वामनो मृगः

yoṣitāṃ nayanatīkṣṇasāyakairbhrūlatāsudṛḍhacāpanirgataiḥ | dhanvinā makaraketunā hataḥ kasya no patati vāmano mṛgaḥ

Sanskrit only: no published translation is held for this verse.

तावदेव नयधीर्विराजते तावदेव जनताभयं भवेत् । तावदेव धृतचित्तता भृशं तावदेव गणना कुलस्य च

tāvadeva nayadhīrvirājate tāvadeva janatābhayaṃ bhavet | tāvadeva dhṛtacittatā bhṛśaṃ tāvadeva gaṇanā kulasya ca

Sanskrit only: no published translation is held for this verse.

तावदेव तपसः प्रगल्भता तावदेव शमसेवनं नृणाम् । यावदेव ललनेक्षणा स वैर्माद्यते द्रुतमदैर्न पूरुषः

tāvadeva tapasaḥ pragalbhatā tāvadeva śamasevanaṃ nṛṇām | yāvadeva lalanekṣaṇā sa vairmādyate drutamadairna pūruṣaḥ

Sanskrit only: no published translation is held for this verse.

मोहयंति मदयंति रागिणं योषितः स्वललितैर्मनोहरैः । मोदयंति मदयंति मामिमा धर्मरक्षणपरं हि स्वैर्गुणैः

mohayaṃti madayaṃti rāgiṇaṃ yoṣitaḥ svalalitairmanoharaiḥ | modayaṃti madayaṃti māmimā dharmarakṣaṇaparaṃ hi svairguṇaiḥ

Sanskrit only: no published translation is held for this verse.

मांसरक्तमलमूत्रनिर्मिते योषितां वपुषि निर्गुणेऽशुचौ । कामिनस्तु परिकल्प्य चारुतामाविशंति सुविमूढचेतसः

māṃsaraktamalamūtranirmite yoṣitāṃ vapuṣi nirguṇe'śucau | kāminastu parikalpya cārutāmāviśaṃti suvimūḍhacetasaḥ

Sanskrit only: no published translation is held for this verse.

दारुणा हि परिकीर्तितांगना साधुभिर्विमलबुद्धिभिर्बुधैः । यावदेव न समीपगा इमास्तावदेव हि गृहं व्रजाम्यहम्

dāruṇā hi parikīrtitāṃganā sādhubhirvimalabuddhibhirbudhaiḥ | yāvadeva na samīpagā imāstāvadeva hi gṛhaṃ vrajāmyaham

Sanskrit only: no published translation is held for this verse.

समीपं तस्य यावन्न आगच्छंति वरस्त्रियः । वैष्णवेन प्रभावेण तावदंतर्दधे द्विजः

samīpaṃ tasya yāvanna āgacchaṃti varastriyaḥ | vaiṣṇavena prabhāveṇa tāvadaṃtardadhe dvijaḥ

Sanskrit only: no published translation is held for this verse.

तस्य योगबलाद्भूप गतस्यादर्शनं तदा । दृष्ट्वा तदद्भुतं कर्म वैष्णवब्रह्मचारिणः

tasya yogabalādbhūpa gatasyādarśanaṃ tadā | dṛṣṭvā tadadbhutaṃ karma vaiṣṇavabrahmacāriṇaḥ

Sanskrit only: no published translation is held for this verse.

वित्रस्तनयना बाला कुरंग्य इव कातराः । संक्रांतनयनाः शून्या ददृशुस्ता दिशोदश

vitrastanayanā bālā kuraṃgya iva kātarāḥ | saṃkrāṃtanayanāḥ śūnyā dadṛśustā diśodaśa

Sanskrit only: no published translation is held for this verse.

कन्या ऊचुः-। इंद्रजालं स्फुटं वेत्ति मायां जानाति वा पुनः । दृष्टोऽप्यदृष्टरूपोभूदित्यूचुस्ताः परस्परम्

kanyā ūcuḥ-| iṃdrajālaṃ sphuṭaṃ vetti māyāṃ jānāti vā punaḥ | dṛṣṭo'pyadṛṣṭarūpobhūdityūcustāḥ parasparam

Sanskrit only: no published translation is held for this verse.

व्याप्तं च हृदयं तासां तदैव विरहाग्निना । ज्वलद्दावानलेनेव सुस्निग्धं सर्वकाननम्

vyāptaṃ ca hṛdayaṃ tāsāṃ tadaiva virahāgninā | jvaladdāvānaleneva susnigdhaṃ sarvakānanam

Sanskrit only: no published translation is held for this verse.

त्यजेंद्रजालिकां विद्यां कांत दर्शय सत्वरम् । आत्मानं न हि ते युक्तं प्राग्ग्रासे मक्षिकोपमम्

tyajeṃdrajālikāṃ vidyāṃ kāṃta darśaya satvaram | ātmānaṃ na hi te yuktaṃ prāggrāse makṣikopamam

Sanskrit only: no published translation is held for this verse.

हा कष्टं दर्शितः कस्माद्धात्रा त्वं घटितः कुतः । ज्ञातं महानुसंतापहेतुर्नः स्वं विनिर्मितः

hā kaṣṭaṃ darśitaḥ kasmāddhātrā tvaṃ ghaṭitaḥ kutaḥ | jñātaṃ mahānusaṃtāpaheturnaḥ svaṃ vinirmitaḥ

Sanskrit only: no published translation is held for this verse.

कच्चित्ते निर्दयं चेतः कच्चिदस्मासु नो मतिः । कच्चित्क्रूरोऽसि हे कांत कच्चिन्मुष्णासि नो मनः

kaccitte nirdayaṃ cetaḥ kaccidasmāsu no matiḥ | kaccitkrūro'si he kāṃta kaccinmuṣṇāsi no manaḥ

Sanskrit only: no published translation is held for this verse.

कच्चिन्न प्रत्ययोस्मा सु कच्चिदस्मान्परीक्षसे । कच्चिन्निर्ममता शीलः कच्चिन्मायाविशारदः

kaccinna pratyayosmā su kaccidasmānparīkṣase | kaccinnirmamatā śīlaḥ kaccinmāyāviśāradaḥ

Sanskrit only: no published translation is held for this verse.

कच्चिच्चित्ते प्रवेष्टुं च वेत्सि विज्ञानलाघवम् । कच्चिन्निष्क्रमणोपायं न जानासि कुतः पुनः

kacciccitte praveṣṭuṃ ca vetsi vijñānalāghavam | kaccinniṣkramaṇopāyaṃ na jānāsi kutaḥ punaḥ

Sanskrit only: no published translation is held for this verse.

कच्चिद्विनापराधं तु किमस्मासु प्रकुप्यसे । कच्चिद्दुःखं न जानासि परेषां विप्रलंभनम्

kaccidvināparādhaṃ tu kimasmāsu prakupyase | kaccidduḥkhaṃ na jānāsi pareṣāṃ vipralaṃbhanam

Sanskrit only: no published translation is held for this verse.

त्वद्दर्शनं विना नष्टा हृदयेश्वर सांप्रतम् । न जीवामोऽथ जीवामः पुनस्त्वद्दर्शनाशया

tvaddarśanaṃ vinā naṣṭā hṛdayeśvara sāṃpratam | na jīvāmo'tha jīvāmaḥ punastvaddarśanāśayā

Sanskrit only: no published translation is held for this verse.

वयं च नीयतां तत्र शीघ्रं यत्र गतो भवान् । त्वद्दर्शनहरो धाता व्यधान्मोदांकुरच्छिदाम्

vayaṃ ca nīyatāṃ tatra śīghraṃ yatra gato bhavān | tvaddarśanaharo dhātā vyadhānmodāṃkuracchidām

Sanskrit only: no published translation is held for this verse.

सर्वथा दर्शनं देहि कारुण्यं भज सर्वथा । पर्य्यंतं न प्रपश्यंति कस्य चित्सुजना जनाः

sarvathā darśanaṃ dehi kāruṇyaṃ bhaja sarvathā | paryyaṃtaṃ na prapaśyaṃti kasya citsujanā janāḥ

Sanskrit only: no published translation is held for this verse.

इत्थं विलप्यताः कन्याः प्रतीक्ष्य च बहुक्षणम् । पितुर्भयाद्गृहं गंतुं शीघ्रमारेभिरे ततः

itthaṃ vilapyatāḥ kanyāḥ pratīkṣya ca bahukṣaṇam | piturbhayādgṛhaṃ gaṃtuṃ śīghramārebhire tataḥ

Sanskrit only: no published translation is held for this verse.

तत्प्रेमनिगडैर्बद्धा भृशं विरहविक्लवाः । कथंचिद्धैर्यमालंब्य ताः स्वंस्वं गृहमागताः

tatpremanigaḍairbaddhā bhṛśaṃ virahaviklavāḥ | kathaṃciddhairyamālaṃbya tāḥ svaṃsvaṃ gṛhamāgatāḥ

Sanskrit only: no published translation is held for this verse.

आगत्य पतिताः सर्वा मातॄणां तु समीपतः । किमेतन्मातृभिः पृष्टाः कुतः कालात्ययोऽभवत्

āgatya patitāḥ sarvā mātṝṇāṃ tu samīpataḥ | kimetanmātṛbhiḥ pṛṣṭāḥ kutaḥ kālātyayo'bhavat

Sanskrit only: no published translation is held for this verse.

क्रीडंत्यः किन्नरीभिस्तु सार्द्धं संगतकं यदा । संस्थितास्तेन न ज्ञातो दिवसोऽच्छोदसरोवरे

krīḍaṃtyaḥ kinnarībhistu sārddhaṃ saṃgatakaṃ yadā | saṃsthitāstena na jñāto divaso'cchodasarovare

Sanskrit only: no published translation is held for this verse.

पथि श्रांता वयं मातः संतापस्तेन नस्तनौ । मोहेन महता वक्तुं न केनाप्युत्सहामहे

pathi śrāṃtā vayaṃ mātaḥ saṃtāpastena nastanau | mohena mahatā vaktuṃ na kenāpyutsahāmahe

Sanskrit only: no published translation is held for this verse.

इत्युक्त्वा लुठितास्तत्र मणिभूमौ कुमारिकाः । आकारं गोपयंत्यस्ता मुग्धा जल्पंति मातृभिः

ityuktvā luṭhitāstatra maṇibhūmau kumārikāḥ | ākāraṃ gopayaṃtyastā mugdhā jalpaṃti mātṛbhiḥ

Sanskrit only: no published translation is held for this verse.

काचिन्नर्तयति क्रीडामयूरं न मुदा तदा । न पाठयति तं कीरं पंजरेऽन्या कुतूहलात्

kācinnartayati krīḍāmayūraṃ na mudā tadā | na pāṭhayati taṃ kīraṃ paṃjare'nyā kutūhalāt

Sanskrit only: no published translation is held for this verse.

लालयेन्नकुलं नान्या नोल्लापयति सारिकाम् । अपरातीव संमुग्धा नैव खेलति सारसैः

lālayennakulaṃ nānyā nollāpayati sārikām | aparātīva saṃmugdhā naiva khelati sārasaiḥ

Sanskrit only: no published translation is held for this verse.

भेजिरे न विनोदं ता रेमिरे नैव मंदिरे । ऊचिरे बांधवैर्नालं वीणावाद्यं न चक्रिरे

bhejire na vinodaṃ tā remire naiva maṃdire | ūcire bāṃdhavairnālaṃ vīṇāvādyaṃ na cakrire

Sanskrit only: no published translation is held for this verse.

कल्पद्रुमप्रसूनं यत्सर्वं तच्चानलोपमम् । मंदारकुसुमामोदि न पपुर्मधुरं मधु

kalpadrumaprasūnaṃ yatsarvaṃ taccānalopamam | maṃdārakusumāmodi na papurmadhuraṃ madhu

Sanskrit only: no published translation is held for this verse.

योगिन्य इव ताः कन्या नासाग्रन्यस्तलोचनाः । अलक्ष्यध्यानसंतानाः पुरुषोत्तममानसाः

yoginya iva tāḥ kanyā nāsāgranyastalocanāḥ | alakṣyadhyānasaṃtānāḥ puruṣottamamānasāḥ

Sanskrit only: no published translation is held for this verse.

चंद्रकांतमणिच्छन्ने स्रवद्वारिणि कंदरे । क्षणं वातायने स्थित्वा जलयंत्रगृहेक्षणम्

caṃdrakāṃtamaṇicchanne sravadvāriṇi kaṃdare | kṣaṇaṃ vātāyane sthitvā jalayaṃtragṛhekṣaṇam

Sanskrit only: no published translation is held for this verse.

रचयंति क्षणं शय्यां दीर्घिकां भोजिनीदलैः । वीज्यमानाः सखीभिस्ताः शीतलैर्नलिनीदलैः

racayaṃti kṣaṇaṃ śayyāṃ dīrghikāṃ bhojinīdalaiḥ | vījyamānāḥ sakhībhistāḥ śītalairnalinīdalaiḥ

Sanskrit only: no published translation is held for this verse.

इत्थं युगसमां रात्रिमनयंस्ता वरस्त्रियः । कथंचिद्धारणं कृत्वा विह्वलाः सज्वरा इव

itthaṃ yugasamāṃ rātrimanayaṃstā varastriyaḥ | kathaṃciddhāraṇaṃ kṛtvā vihvalāḥ sajvarā iva

Sanskrit only: no published translation is held for this verse.

प्रातर्व्योममणिं दृष्ट्वा मन्यमानाः स्वजीवितम् । विज्ञाप्य मातरं स्वांस्वां गौरीं पूजयितुं गताः

prātarvyomamaṇiṃ dṛṣṭvā manyamānāḥ svajīvitam | vijñāpya mātaraṃ svāṃsvāṃ gaurīṃ pūjayituṃ gatāḥ

Sanskrit only: no published translation is held for this verse.

स्नात्वा तेन विधानेन पुष्पैर्धूपैस्तथा पुनः । विधाय पूजनं देव्या गायंत्यस्तत्र ताः स्थिताः

snātvā tena vidhānena puṣpairdhūpaistathā punaḥ | vidhāya pūjanaṃ devyā gāyaṃtyastatra tāḥ sthitāḥ

Sanskrit only: no published translation is held for this verse.

एतस्मिन्नंतरे विप्रः स्नातुं सोऽपि समागतः । पितुराश्रमतस्तस्मादच्छोदेऽत्र सरोवरे

etasminnaṃtare vipraḥ snātuṃ so'pi samāgataḥ | piturāśramatastasmādacchode'tra sarovare

Sanskrit only: no published translation is held for this verse.

मित्रं दृष्ट्वैव रात्र्यंते पद्मिन्य इव कन्यकाः । तत्फुल्लनयना जातास्तं दृष्ट्वा ब्रह्मचारिणम्

mitraṃ dṛṣṭvaiva rātryaṃte padminya iva kanyakāḥ | tatphullanayanā jātāstaṃ dṛṣṭvā brahmacāriṇam

Sanskrit only: no published translation is held for this verse.

गत्वा तत्रैव ताः कन्या समीपं ब्रह्मचारिणः । सव्यापसव्यबंधेन भुजपाशं च चक्रिरे

gatvā tatraiva tāḥ kanyā samīpaṃ brahmacāriṇaḥ | savyāpasavyabaṃdhena bhujapāśaṃ ca cakrire

Sanskrit only: no published translation is held for this verse.

गतोऽसि प्रिय पूर्वेद्युर्गंतुमद्य न लभ्यते । वृतस्त्वं नूनमस्माभिर्नात्र तेऽस्ति विचारणा

gato'si priya pūrvedyurgaṃtumadya na labhyate | vṛtastvaṃ nūnamasmābhirnātra te'sti vicāraṇā

Sanskrit only: no published translation is held for this verse.

इत्युक्तो ब्राह्मणः प्राह प्रहसन्बाहुपाशगः । युष्माभिरुच्यते भद्रमनुकूलं प्रियं वचः

ityukto brāhmaṇaḥ prāha prahasanbāhupāśagaḥ | yuṣmābhirucyate bhadramanukūlaṃ priyaṃ vacaḥ

Sanskrit only: no published translation is held for this verse.

प्रथमाश्रमनिष्ठस्य किंतु नश्येत मे व्रतम् । विद्याभ्यसनशीलस्य नाभूत्पारं गुरोः कुले

prathamāśramaniṣṭhasya kiṃtu naśyeta me vratam | vidyābhyasanaśīlasya nābhūtpāraṃ guroḥ kule

Sanskrit only: no published translation is held for this verse.

आश्रमे यत्र यो धर्मो रक्षणीयः सुपंडितैः । विवाहोऽयमतो मन्ये न धर्म इति कन्यकाः

āśrame yatra yo dharmo rakṣaṇīyaḥ supaṃḍitaiḥ | vivāho'yamato manye na dharma iti kanyakāḥ

Sanskrit only: no published translation is held for this verse.

आकर्ण्य विप्रवाक्यानि विप्रमूचुर्वरस्त्रियः । सकलध्वनिसोत्कंठ्यो कोकिलाइव माधवे

ākarṇya vipravākyāni vipramūcurvarastriyaḥ | sakaladhvanisotkaṃṭhyo kokilāiva mādhave

Sanskrit only: no published translation is held for this verse.

धर्मादर्थोऽर्थतः कामः कामात्सुखफलोदयः । इत्येवं निश्चयज्ञास्ते वर्णयंति विपश्चितः

dharmādartho'rthataḥ kāmaḥ kāmātsukhaphalodayaḥ | ityevaṃ niścayajñāste varṇayaṃti vipaścitaḥ

Sanskrit only: no published translation is held for this verse.

सकामो धर्मबाहुल्यात्पुरतस्ते समुत्थितः । सेव्यतां विविधैर्भोगैः स्वच्छाभूमिरियं यतः

sakāmo dharmabāhulyātpurataste samutthitaḥ | sevyatāṃ vividhairbhogaiḥ svacchābhūmiriyaṃ yataḥ

Sanskrit only: no published translation is held for this verse.

श्रुत्वा तद्वचनं तासां प्राह गंभीरया गिरा । तथ्यं वो वचनं किंतु ममाप्यावश्यकं व्रतम्

śrutvā tadvacanaṃ tāsāṃ prāha gaṃbhīrayā girā | tathyaṃ vo vacanaṃ kiṃtu mamāpyāvaśyakaṃ vratam

Sanskrit only: no published translation is held for this verse.

प्राप्यानुज्ञां गुरोः कुर्वे विवाहकर्म नान्यथा । इत्युक्ताः पुनरूचुस्ताः स्फुटं मूढोऽसि सुंदर

prāpyānujñāṃ guroḥ kurve vivāhakarma nānyathā | ityuktāḥ punarūcustāḥ sphuṭaṃ mūḍho'si suṃdara

Sanskrit only: no published translation is held for this verse.

सिद्धौषधं ब्रह्मधिया रसायनं सिद्धिर्निधिः साधुकुला वरांगनाः । मंत्रस्तथा सिद्धरसश्च धर्मतो मुने निषेव्याः सुधिया समागताः

siddhauṣadhaṃ brahmadhiyā rasāyanaṃ siddhirnidhiḥ sādhukulā varāṃganāḥ | maṃtrastathā siddharasaśca dharmato mune niṣevyāḥ sudhiyā samāgatāḥ

Sanskrit only: no published translation is held for this verse.

कार्यं नु दैवाद्यदि सिद्धिमागतं तस्मिन्नुपेक्षां न च यांति नीतिगाः । यस्मादुपेक्षा न पुनः फलप्रदा तस्मान्न दीर्घीकरणं प्रशस्यते

kāryaṃ nu daivādyadi siddhimāgataṃ tasminnupekṣāṃ na ca yāṃti nītigāḥ | yasmādupekṣā na punaḥ phalapradā tasmānna dīrghīkaraṇaṃ praśasyate

Sanskrit only: no published translation is held for this verse.

विषादप्यमृतं ग्राह्यममेध्यादपि कांचनम् । नीचादप्युत्तमां विद्यां स्त्रीरत्नं दुष्कुलादपि

viṣādapyamṛtaṃ grāhyamamedhyādapi kāṃcanam | nīcādapyuttamāṃ vidyāṃ strīratnaṃ duṣkulādapi

Sanskrit only: no published translation is held for this verse.

सांद्रानुरागाः कुलजन्मनिर्मलाः स्नेहार्द्रचित्ता सुगिरः स्वयंवराः । कन्या सुरूपाः खलु चारुयौवना धन्या लभंतेऽत्र नरास्तु नेतरे

sāṃdrānurāgāḥ kulajanmanirmalāḥ snehārdracittā sugiraḥ svayaṃvarāḥ | kanyā surūpāḥ khalu cāruyauvanā dhanyā labhaṃte'tra narāstu netare

Sanskrit only: no published translation is held for this verse.

क्व वयं सुरसुंदर्य्यः क्व भवांस्तापसो बटुः । दुर्घटस्य विधानेन मन्ये धातैव पंडितः

kva vayaṃ surasuṃdaryyaḥ kva bhavāṃstāpaso baṭuḥ | durghaṭasya vidhānena manye dhātaiva paṃḍitaḥ

Sanskrit only: no published translation is held for this verse.

तस्मादस्मानिदानीं तु स्वीकुर्य्यात्मंगलं भवान् । गांधर्वेण विवाहेन अन्यथा नोपजीवनम्

tasmādasmānidānīṃ tu svīkuryyātmaṃgalaṃ bhavān | gāṃdharveṇa vivāhena anyathā nopajīvanam

Sanskrit only: no published translation is held for this verse.

श्रुत्वा वाक्यं ततः प्राह ब्राह्मणो धर्मवित्तमः । भो मृगाक्ष्यः कथं त्याज्यो धर्मो धर्मधनैर्नरैः

śrutvā vākyaṃ tataḥ prāha brāhmaṇo dharmavittamaḥ | bho mṛgākṣyaḥ kathaṃ tyājyo dharmo dharmadhanairnaraiḥ

Sanskrit only: no published translation is held for this verse.

धर्मश्चार्थश्चकामश्च मोक्षश्चैतच्चतुष्टयम् । यथोक्तं फलदं ज्ञेयं विपरीतं तु निष्फलम्

dharmaścārthaścakāmaśca mokṣaścaitaccatuṣṭayam | yathoktaṃ phaladaṃ jñeyaṃ viparītaṃ tu niṣphalam

Sanskrit only: no published translation is held for this verse.

नाकालेऽहं व्रती कुर्यामतो दारपरिग्रहम् । न क्रिया फलमाप्नोति क्रियाकालं न वेत्ति यः

nākāle'haṃ vratī kuryāmato dāraparigraham | na kriyā phalamāpnoti kriyākālaṃ na vetti yaḥ

Sanskrit only: no published translation is held for this verse.

यतो धर्मविचारेऽस्मिन्प्रसक्तं मम मानसम् । तस्माच्छृणुत हे कन्या न समीहे स्वयंवरम्

yato dharmavicāre'sminprasaktaṃ mama mānasam | tasmācchṛṇuta he kanyā na samīhe svayaṃvaram

Sanskrit only: no published translation is held for this verse.

एवं ज्ञात्वाशयं तस्य समीक्ष्यैव परस्परम् । करात्करं विमुच्याथ जग्राहांघ्रिं प्रमोहिनी

evaṃ jñātvāśayaṃ tasya samīkṣyaiva parasparam | karātkaraṃ vimucyātha jagrāhāṃghriṃ pramohinī

Sanskrit only: no published translation is held for this verse.

भुजौ जगृहतुस्तस्य सुशीला सुस्वरा तथा । आलिलिंग सुतारा च वक्त्रं चुंबति चंद्रिका

bhujau jagṛhatustasya suśīlā susvarā tathā | āliliṃga sutārā ca vaktraṃ cuṃbati caṃdrikā

Sanskrit only: no published translation is held for this verse.

तथापि निर्विकारोऽसौ प्रलयानलसन्निभः । शशाप ब्रह्मचारी ताः क्रोधेनात्यंतमूर्छितः

tathāpi nirvikāro'sau pralayānalasannibhaḥ | śaśāpa brahmacārī tāḥ krodhenātyaṃtamūrchitaḥ

Sanskrit only: no published translation is held for this verse.

पिशाच्य इव मां लग्ना तत्पिशाच्यो भविष्यथ । एवं तेनाशु शप्तास्तास्तं त्यक्त्वा पुरतः स्थिताः

piśācya iva māṃ lagnā tatpiśācyo bhaviṣyatha | evaṃ tenāśu śaptāstāstaṃ tyaktvā purataḥ sthitāḥ

Sanskrit only: no published translation is held for this verse.

किमेतच्चेष्टितं पापं ह्यनागसि विचेष्टया । प्रियंकृतोऽप्रियंकृत्वा धिक्त्वां धर्मकृतांतकम्

kimetacceṣṭitaṃ pāpaṃ hyanāgasi viceṣṭayā | priyaṃkṛto'priyaṃkṛtvā dhiktvāṃ dharmakṛtāṃtakam

Sanskrit only: no published translation is held for this verse.

अनुरक्तेषु भक्तेषु मित्रेषु द्रोहकारिणः । पुंसो लोकोभयोः सौख्यं नाशमेतीति नः श्रुतम्

anurakteṣu bhakteṣu mitreṣu drohakāriṇaḥ | puṃso lokobhayoḥ saukhyaṃ nāśametīti naḥ śrutam

Sanskrit only: no published translation is held for this verse.

तस्मात्त्वमपि नः शापात्पिशाचो भव सत्वरम् । इत्युक्त्वापि च ता बाला निःश्वसंत्यः क्रुधाकुलाः

tasmāttvamapi naḥ śāpātpiśāco bhava satvaram | ityuktvāpi ca tā bālā niḥśvasaṃtyaḥ krudhākulāḥ

Sanskrit only: no published translation is held for this verse.

तदेवान्योन्यसंरंभात्तस्मिन्सरसि पार्थिव । ताः कन्या ब्रह्मचारी च सर्वे पैशाच्यमागताः

tadevānyonyasaṃraṃbhāttasminsarasi pārthiva | tāḥ kanyā brahmacārī ca sarve paiśācyamāgatāḥ

Sanskrit only: no published translation is held for this verse.

स पिशाचः पिशाच्यस्ताः क्रंदमानाः सुदारुणम् । क्षपयंति विपाकांस्तान्पूर्वोपात्तस्य कर्म्मणः

sa piśācaḥ piśācyastāḥ kraṃdamānāḥ sudāruṇam | kṣapayaṃti vipākāṃstānpūrvopāttasya karmmaṇaḥ

Sanskrit only: no published translation is held for this verse.

स्वकाले प्रभवत्येव पूर्वोपात्तं शुभाशुभम् । स्वच्छायामिव दुर्वारं देवानामपि पार्थिव

svakāle prabhavatyeva pūrvopāttaṃ śubhāśubham | svacchāyāmiva durvāraṃ devānāmapi pārthiva

Sanskrit only: no published translation is held for this verse.

क्रंदंति पितरस्तासां मातरस्तत्र तत्र च । भ्रातरश्चैव बालानां दैवं हि दुरतिक्रमम्

kraṃdaṃti pitarastāsāṃ mātarastatra tatra ca | bhrātaraścaiva bālānāṃ daivaṃ hi duratikramam

Sanskrit only: no published translation is held for this verse.

अतऊर्ध्वं पिशाचास्ते आहारार्थं सुदुःखिताः । इतस्ततश्च धावंतो वसंति सरसस्तटे

ataūrdhvaṃ piśācāste āhārārthaṃ suduḥkhitāḥ | itastataśca dhāvaṃto vasaṃti sarasastaṭe

Sanskrit only: no published translation is held for this verse.