Padma Purāṇa 3.23

नारद उवाच- एवं बहुतिथे काले लोमशो मुनिसत्तमः । आगतश्च महाभागस्तत्र यादृच्छिको मुनि

nārada uvāca- evaṃ bahutithe kāle lomaśo munisattamaḥ | āgataśca mahābhāgastatra yādṛcchiko muni

Sanskrit only: no published translation is held for this verse.

तं दृष्ट्वा ब्राह्मणं सर्वे पिशाचाः क्षुत्समाकुलाः । धावंतो ह्यत्तुकामास्ते मिलित्वा यूथवर्तिनः

taṃ dṛṣṭvā brāhmaṇaṃ sarve piśācāḥ kṣutsamākulāḥ | dhāvaṃto hyattukāmāste militvā yūthavartinaḥ

Sanskrit only: no published translation is held for this verse.

दह्यमानास्तु तीव्रेण तेजसा लोमशस्य तु । असमर्थाः पुरः स्थातुं ते सर्वे दूरतः स्थिताः

dahyamānāstu tīvreṇa tejasā lomaśasya tu | asamarthāḥ puraḥ sthātuṃ te sarve dūrataḥ sthitāḥ

Sanskrit only: no published translation is held for this verse.

तत्र पूर्वकर्मबलात्पिशाचः सह वै द्विजः । समीक्ष्य लोमशं राजन्साष्टांगं प्रणिपत्य च

tatra pūrvakarmabalātpiśācaḥ saha vai dvijaḥ | samīkṣya lomaśaṃ rājansāṣṭāṃgaṃ praṇipatya ca

Sanskrit only: no published translation is held for this verse.

उवाच सूनृतां वाचं बद्ध्वा शिरसि चांजलिम् । महाभाग्योदये विप्र साधूनां संगतिर्भवेत्

uvāca sūnṛtāṃ vācaṃ baddhvā śirasi cāṃjalim | mahābhāgyodaye vipra sādhūnāṃ saṃgatirbhavet

Sanskrit only: no published translation is held for this verse.

गंगादिपुण्यतीर्थेषु यो नरः स्नाति सर्वथा । यः करोति सतां संगं तयोः सत्संगमो वरः

gaṃgādipuṇyatīrtheṣu yo naraḥ snāti sarvathā | yaḥ karoti satāṃ saṃgaṃ tayoḥ satsaṃgamo varaḥ

Sanskrit only: no published translation is held for this verse.

गुरूणां संगमो विप्र दृष्टादृष्टफलो भुवि । स्वर्गदो रोगहारी च किं तमोपहरो मतः

gurūṇāṃ saṃgamo vipra dṛṣṭādṛṣṭaphalo bhuvi | svargado rogahārī ca kiṃ tamopaharo mataḥ

Sanskrit only: no published translation is held for this verse.

इत्युक्त्वा कथयामास पूर्ववृत्तांतमद्भुतम् । इमा गंधर्वकन्यास्ता मुने सोऽहं द्विजात्मजः

ityuktvā kathayāmāsa pūrvavṛttāṃtamadbhutam | imā gaṃdharvakanyāstā mune so'haṃ dvijātmajaḥ

Sanskrit only: no published translation is held for this verse.

सर्वे पिशाचरूपेण मिथः शापविमोहिताः । दीनाननास्सुतिष्ठामस्तवाग्रे मुनिसत्तम

sarve piśācarūpeṇa mithaḥ śāpavimohitāḥ | dīnānanāssutiṣṭhāmastavāgre munisattama

Sanskrit only: no published translation is held for this verse.

त्वद्दर्शनेन बालानां निस्तारो नो भविष्यति । सूर्योदये तमस्तोमः किं नु लीयेत पुष्करे

tvaddarśanena bālānāṃ nistāro no bhaviṣyati | sūryodaye tamastomaḥ kiṃ nu līyeta puṣkare

Sanskrit only: no published translation is held for this verse.

श्रुत्वैतल्लोमशो वाक्यं कृपार्द्रीकृतमानसः । प्रत्युवाच महातेजा दुःखितं तं मुनेः सुतम्

śrutvaitallomaśo vākyaṃ kṛpārdrīkṛtamānasaḥ | pratyuvāca mahātejā duḥkhitaṃ taṃ muneḥ sutam

Sanskrit only: no published translation is held for this verse.

मत्प्रसादाच्च सर्वेषां स्मृतिः सपदि जायताम् । धर्मे च वर्ततां येन मिथः शापो लयं व्रजेत्

matprasādācca sarveṣāṃ smṛtiḥ sapadi jāyatām | dharme ca vartatāṃ yena mithaḥ śāpo layaṃ vrajet

Sanskrit only: no published translation is held for this verse.

पिशाच उवाच- महर्षे कथ्यतां धर्मो मुच्येम येन किल्बिषात् । नायं कालो विलंबस्य शापाग्निर्दारुणो यतः

piśāca uvāca- maharṣe kathyatāṃ dharmo mucyema yena kilbiṣāt | nāyaṃ kālo vilaṃbasya śāpāgnirdāruṇo yataḥ

Sanskrit only: no published translation is held for this verse.

लोमश उवाच- मया सार्द्धं प्रकुर्वंतु रेवास्नानं विधानतः । शापान्मोक्ष्यति वो रेवा नान्यथा निष्कृतिर्भवेत्

lomaśa uvāca- mayā sārddhaṃ prakurvaṃtu revāsnānaṃ vidhānataḥ | śāpānmokṣyati vo revā nānyathā niṣkṛtirbhavet

Sanskrit only: no published translation is held for this verse.

शृणुष्वावहितो विप्र पापनाशो ध्रुवं नृणाम् । रेवास्नानेन जायेत इति मे निश्चिता मतिः

śṛṇuṣvāvahito vipra pāpanāśo dhruvaṃ nṛṇām | revāsnānena jāyeta iti me niścitā matiḥ

Sanskrit only: no published translation is held for this verse.

सप्तजन्मकृतं पापं वर्तमानं च पातकम् । रेवास्नानं दहेत्सर्वं तूलराशिमिवानलः

saptajanmakṛtaṃ pāpaṃ vartamānaṃ ca pātakam | revāsnānaṃ dahetsarvaṃ tūlarāśimivānalaḥ

Sanskrit only: no published translation is held for this verse.

प्रायाश्चित्तं न पश्यंति यस्मिन्पापे पिशाचक । तत्सर्वं नर्मदातोये स्नानमात्रेण नश्यति

prāyāścittaṃ na paśyaṃti yasminpāpe piśācaka | tatsarvaṃ narmadātoye snānamātreṇa naśyati

Sanskrit only: no published translation is held for this verse.

ज्ञानकृन्नर्म्मदास्नानमतो मोक्षफला हि सा । हिमवत्पुण्यतीर्थानि सर्वपापहराणि वै

jñānakṛnnarmmadāsnānamato mokṣaphalā hi sā | himavatpuṇyatīrthāni sarvapāpaharāṇi vai

Sanskrit only: no published translation is held for this verse.

इंद्रलोकप्रदं हीदं निर्मितं ब्रह्मवादिभिः । सर्वकामफला रेवा मोक्षदा परिकीर्तिता

iṃdralokapradaṃ hīdaṃ nirmitaṃ brahmavādibhiḥ | sarvakāmaphalā revā mokṣadā parikīrtitā

Sanskrit only: no published translation is held for this verse.

पापघ्नी पापहारिणी सर्वकामफलप्रदा । विष्णुलोकदआप्लावो नार्मदः पापनाशनः

pāpaghnī pāpahāriṇī sarvakāmaphalapradā | viṣṇulokadaāplāvo nārmadaḥ pāpanāśanaḥ

Sanskrit only: no published translation is held for this verse.

यामुनः सूर्यलोकाय भवेदाप्लाव उत्तमः । सारस्वतोघविध्वंसी ब्रह्मलोकफलप्रदः

yāmunaḥ sūryalokāya bhavedāplāva uttamaḥ | sārasvatoghavidhvaṃsī brahmalokaphalapradaḥ

Sanskrit only: no published translation is held for this verse.

विशालफलदा प्रोक्ता विशाला हि पिशाचक । पापेंधनदवाग्निस्तु गर्भहेतुक्रियापहः

viśālaphaladā proktā viśālā hi piśācaka | pāpeṃdhanadavāgnistu garbhahetukriyāpahaḥ

Sanskrit only: no published translation is held for this verse.

विष्णुलोकाय मोक्षाय नार्मदः परिकीर्तितः । सरयूगंडकीसिंधुश्चंद्रभागा च कौशिकी

viṣṇulokāya mokṣāya nārmadaḥ parikīrtitaḥ | sarayūgaṃḍakīsiṃdhuścaṃdrabhāgā ca kauśikī

Sanskrit only: no published translation is held for this verse.

तापी गोदावरी भीमा पयोष्णी कृष्णवेणिका । कावेरी तुंगभद्रा च अन्याश्चापि समुद्रगाः

tāpī godāvarī bhīmā payoṣṇī kṛṣṇaveṇikā | kāverī tuṃgabhadrā ca anyāścāpi samudragāḥ

Sanskrit only: no published translation is held for this verse.

तासु रेवा परा प्रोक्ता विष्णुलोकप्रदायिनी । रेवा तु प्राप्यते पुण्यैः पूर्वजन्मकृतैर्द्विज । अपुनर्भवदं तत्र मज्जनं मुनिपुत्रक

tāsu revā parā proktā viṣṇulokapradāyinī | revā tu prāpyate puṇyaiḥ pūrvajanmakṛtairdvija | apunarbhavadaṃ tatra majjanaṃ muniputraka

Sanskrit only: no published translation is held for this verse.

गायंति देवाः सततं दिविष्ठा रेवा कदा दृष्टिगता हि नो भवेत् । स्नाता नरा यत्र न गर्भवेदनां पश्यंति तिष्ठंति च विष्णुसन्निधौ

gāyaṃti devāḥ satataṃ diviṣṭhā revā kadā dṛṣṭigatā hi no bhavet | snātā narā yatra na garbhavedanāṃ paśyaṃti tiṣṭhaṃti ca viṣṇusannidhau

Sanskrit only: no published translation is held for this verse.

मज्जंति ये प्रत्यहमत्र मानवा रेवासुतो ये बहुपापकंचुकाः । मज्जंति ते नो निरयेषु धर्म्मतः स्वर्गे तु ते चारुचरंति देववत्

majjaṃti ye pratyahamatra mānavā revāsuto ye bahupāpakaṃcukāḥ | majjaṃti te no nirayeṣu dharmmataḥ svarge tu te cārucaraṃti devavat

Sanskrit only: no published translation is held for this verse.

तीव्रैर्व्रतैर्दानतपोभिरध्वरैः सार्धं विधात्रा तुलया धृता पुरा । रेवापिशाचाशु तयोर्द्वयोरभूद्रेवा वरा तत्र च मोक्षसाधिका

tīvrairvratairdānatapobhiradhvaraiḥ sārdhaṃ vidhātrā tulayā dhṛtā purā | revāpiśācāśu tayordvayorabhūdrevā varā tatra ca mokṣasādhikā

Sanskrit only: no published translation is held for this verse.

नारद उवाच- एतच्छ्रुत्वा वचस्तस्य लोमशस्य पिशाचकाः । तेन सार्द्धं ययुः शीघ्रं रेवामज्जनहेतवे

nārada uvāca- etacchrutvā vacastasya lomaśasya piśācakāḥ | tena sārddhaṃ yayuḥ śīghraṃ revāmajjanahetave

Sanskrit only: no published translation is held for this verse.

ततो दैवात्समुत्पन्नो रेवारोधसि मारुतः । तेषां प्रवाहस्पृष्टानां गात्रे जलकणप्रदः

tato daivātsamutpanno revārodhasi mārutaḥ | teṣāṃ pravāhaspṛṣṭānāṃ gātre jalakaṇapradaḥ

Sanskrit only: no published translation is held for this verse.

रेवाजलकणस्पर्शात्पैशाच्यात्ते विमोचिताः । तत्क्षणाद्दिव्यवपुषः प्रशशंसुश्च नर्मदाम्

revājalakaṇasparśātpaiśācyātte vimocitāḥ | tatkṣaṇāddivyavapuṣaḥ praśaśaṃsuśca narmadām

Sanskrit only: no published translation is held for this verse.

ततो लोमशवाक्येन ताश्च गंधर्वकन्यकाः । परिणीताः सुखं तेन विप्रेण नर्मदातटे

tato lomaśavākyena tāśca gaṃdharvakanyakāḥ | pariṇītāḥ sukhaṃ tena vipreṇa narmadātaṭe

Sanskrit only: no published translation is held for this verse.

उवास सुचिरं कालं स्नानपानावगाहनैः । अर्चित्वा नर्मदामत्र विष्णुलोकं गताश्च ते

uvāsa suciraṃ kālaṃ snānapānāvagāhanaiḥ | arcitvā narmadāmatra viṣṇulokaṃ gatāśca te

Sanskrit only: no published translation is held for this verse.

एवं ते कथितो राजन्नर्मदागुणसंश्रयः । इतिहासो महापुण्यः श्रवणात्पापनाशनः

evaṃ te kathito rājannarmadāguṇasaṃśrayaḥ | itihāso mahāpuṇyaḥ śravaṇātpāpanāśanaḥ

Sanskrit only: no published translation is held for this verse.