Library·Padma Purāṇa·3·3.24
युधिष्ठिर उवाच-। अथान्यानि तु तीर्थानि वसिष्ठोक्तानि मे वद । श्रुत्वा यानि च पापानि विलयं यांति नारद
yudhiṣṭhira uvāca-| athānyāni tu tīrthāni vasiṣṭhoktāni me vada | śrutvā yāni ca pāpāni vilayaṃ yāṃti nārada
Sanskrit only: no published translation is held for this verse.
नारद उवाच-। शृणुष्वात्र हि तीर्थानि वसिष्ठोक्तानि पार्थिव । दक्षिणं सिंधुमासाद्य ब्रह्मचारी जितेंद्रियः
nārada uvāca-| śṛṇuṣvātra hi tīrthāni vasiṣṭhoktāni pārthiva | dakṣiṇaṃ siṃdhumāsādya brahmacārī jiteṃdriyaḥ
Sanskrit only: no published translation is held for this verse.
अग्निष्टोममवाप्नोति विमानं चाधिरोहति । चर्मण्वतीं समासाद्य नियतो नियताशनः
agniṣṭomamavāpnoti vimānaṃ cādhirohati | carmaṇvatīṃ samāsādya niyato niyatāśanaḥ
Sanskrit only: no published translation is held for this verse.
रंतिदेवाभ्यनुज्ञातो अग्निष्टोमफलं लभेत् । ततो गच्छेत धर्मज्ञ हिमवत्सुतमर्बुदम्
raṃtidevābhyanujñāto agniṣṭomaphalaṃ labhet | tato gaccheta dharmajña himavatsutamarbudam
Sanskrit only: no published translation is held for this verse.
पृथिव्या यत्र वै छिद्रं पूर्वमासीद्युधिष्ठिर । तत्राश्रमो वसिष्ठस्य त्रिषु लोकेषु विश्रुतं
pṛthivyā yatra vai chidraṃ pūrvamāsīdyudhiṣṭhira | tatrāśramo vasiṣṭhasya triṣu lokeṣu viśrutaṃ
Sanskrit only: no published translation is held for this verse.
तत्रोष्य रजनीमेकां गोसहस्रफलं लभेत् । पिंगातीर्थमुपस्पृश्य ब्रह्मचारी नराधिप
tatroṣya rajanīmekāṃ gosahasraphalaṃ labhet | piṃgātīrthamupaspṛśya brahmacārī narādhipa
Sanskrit only: no published translation is held for this verse.
कपिलानां नरव्याघ्र शतस्य फलमाप्नुयात् । ततो गच्छेत धर्मज्ञ प्रभासं लोकविश्रुतम्
kapilānāṃ naravyāghra śatasya phalamāpnuyāt | tato gaccheta dharmajña prabhāsaṃ lokaviśrutam
Sanskrit only: no published translation is held for this verse.
यत्र सन्निहितो नित्यं स्वयमेव हुताशनः । देवतानां मुखं वीर अनलोऽनिलसारथिः
yatra sannihito nityaṃ svayameva hutāśanaḥ | devatānāṃ mukhaṃ vīra analo'nilasārathiḥ
Sanskrit only: no published translation is held for this verse.
तस्मिंस्तीर्थवरे स्नात्वा शुचिः प्रयतमानसः । अग्निष्टोमातिरात्राभ्यां फलं प्राप्नोति मानवः
tasmiṃstīrthavare snātvā śuciḥ prayatamānasaḥ | agniṣṭomātirātrābhyāṃ phalaṃ prāpnoti mānavaḥ
Sanskrit only: no published translation is held for this verse.
ततो गत्वा सरस्वत्याः सागरस्य च संगमम् । गोसहस्रफलं प्राप्य स्वर्गलोके महीयते
tato gatvā sarasvatyāḥ sāgarasya ca saṃgamam | gosahasraphalaṃ prāpya svargaloke mahīyate
Sanskrit only: no published translation is held for this verse.
दीप्यमानोऽग्निवन्नित्यं प्रभया भरतर्षभ । तीर्थे सलिलराजस्य स्नात्वा प्रयतमानसः
dīpyamāno'gnivannityaṃ prabhayā bharatarṣabha | tīrthe salilarājasya snātvā prayatamānasaḥ
Sanskrit only: no published translation is held for this verse.
त्रिरात्रमुषितस्तत्र तर्पयेत्पितृदेवताः । विराजति यथा सोमो वाजिमेधं च विंदति
trirātramuṣitastatra tarpayetpitṛdevatāḥ | virājati yathā somo vājimedhaṃ ca viṃdati
Sanskrit only: no published translation is held for this verse.
वरदानं ततो गच्छेत्तीर्थं भरतसत्तम । विष्णोर्दुर्वाससा यत्र वरो दत्तो युधिष्ठिर
varadānaṃ tato gacchettīrthaṃ bharatasattama | viṣṇordurvāsasā yatra varo datto yudhiṣṭhira
Sanskrit only: no published translation is held for this verse.
वरदाने नरः स्नात्वा गोसहस्रफलं लभेत् । ततो द्वारवतीं गच्छेन्नियतो नियताशनः
varadāne naraḥ snātvā gosahasraphalaṃ labhet | tato dvāravatīṃ gacchenniyato niyatāśanaḥ
Sanskrit only: no published translation is held for this verse.
पिंडारके नरः स्नात्वा लभेद्बहुसुवर्णकम्
piṃḍārake naraḥ snātvā labhedbahusuvarṇakam
Sanskrit only: no published translation is held for this verse.
तस्मिंस्तीर्थे महाराज पद्मलक्षणलक्षिताः । अद्यापि मुद्रा दृश्यंते तदद्भुतमरिंदम
tasmiṃstīrthe mahārāja padmalakṣaṇalakṣitāḥ | adyāpi mudrā dṛśyaṃte tadadbhutamariṃdama
Sanskrit only: no published translation is held for this verse.
त्रिशूलांकानि पद्मानि दृश्यंते कुरुनंदन । महादेवस्य सान्निध्यं तत्रैव भरतर्षभ
triśūlāṃkāni padmāni dṛśyaṃte kurunaṃdana | mahādevasya sānnidhyaṃ tatraiva bharatarṣabha
Sanskrit only: no published translation is held for this verse.
सागरस्य च सिंधोश्च संगमं प्राप्य भारत । तीर्थे सलिलराजस्य स्नात्वा प्रयतमानसः
sāgarasya ca siṃdhośca saṃgamaṃ prāpya bhārata | tīrthe salilarājasya snātvā prayatamānasaḥ
Sanskrit only: no published translation is held for this verse.
तर्पयित्वा पितॄन्देवानृषींश्च भरतर्षभ । प्राप्नोति वारुणं लोकं दीप्यमानः स्वतेजसा
tarpayitvā pitṝndevānṛṣīṃśca bharatarṣabha | prāpnoti vāruṇaṃ lokaṃ dīpyamānaḥ svatejasā
Sanskrit only: no published translation is held for this verse.
शंकुकर्णेश्वरं देवमर्चयित्वा युधिष्ठिर । अश्वमेधं दशगुणं प्रवदंति मनीषिणः
śaṃkukarṇeśvaraṃ devamarcayitvā yudhiṣṭhira | aśvamedhaṃ daśaguṇaṃ pravadaṃti manīṣiṇaḥ
Sanskrit only: no published translation is held for this verse.
प्रदक्षिणमुपावृत्य गच्छेत भरतर्षभ । तीर्थं कुरुवरश्रेष्ठ त्रिषु लोकेषु विश्रुतम्
pradakṣiṇamupāvṛtya gaccheta bharatarṣabha | tīrthaṃ kuruvaraśreṣṭha triṣu lokeṣu viśrutam
Sanskrit only: no published translation is held for this verse.
तिमीति नाम्ना विख्यातं सर्वपापप्रमोचनम् । यत्र शक्रादयो देवा उपासंते महेश्वरम्
timīti nāmnā vikhyātaṃ sarvapāpapramocanam | yatra śakrādayo devā upāsaṃte maheśvaram
Sanskrit only: no published translation is held for this verse.
तत्र स्नात्वार्चयित्वा च रुद्रं देवगणैर्वृतम् । जन्मप्रभृति पापानि कृतानि नुदते नरः
tatra snātvārcayitvā ca rudraṃ devagaṇairvṛtam | janmaprabhṛti pāpāni kṛtāni nudate naraḥ
Sanskrit only: no published translation is held for this verse.
तिमिरत्र नरश्रेष्ठ सर्वदेवैरभिष्टुतः । तत्र स्नात्वा नरश्रेष्ठ हयमेधमवाप्नुयात्
timiratra naraśreṣṭha sarvadevairabhiṣṭutaḥ | tatra snātvā naraśreṣṭha hayamedhamavāpnuyāt
Sanskrit only: no published translation is held for this verse.
जित्वा तत्र महाप्राज्ञ विष्णुना दितिनंदनम् । पुरा शौचं कृतं राजन्हत्वा दैवतकंटकान्
jitvā tatra mahāprājña viṣṇunā ditinaṃdanam | purā śaucaṃ kṛtaṃ rājanhatvā daivatakaṃṭakān
Sanskrit only: no published translation is held for this verse.
ततो गच्छेत धर्मज्ञ वसुधारामभिष्टुताम् । गमनादेव तस्यां हि हयमेधमवाप्नुयात्
tato gaccheta dharmajña vasudhārāmabhiṣṭutām | gamanādeva tasyāṃ hi hayamedhamavāpnuyāt
Sanskrit only: no published translation is held for this verse.
स्नात्वा कुरुवरश्रेष्ठ प्रयतात्मा तु मानवः । तर्पयित्वा पितॄन्देवान्विष्णुलोके महीयते
snātvā kuruvaraśreṣṭha prayatātmā tu mānavaḥ | tarpayitvā pitṝndevānviṣṇuloke mahīyate
Sanskrit only: no published translation is held for this verse.
तीर्थं चापि परं तत्र वसूनां भरतर्षभ । तत्र स्नात्वा च पीत्वा च वसूनां संमतो भवेत्
tīrthaṃ cāpi paraṃ tatra vasūnāṃ bharatarṣabha | tatra snātvā ca pītvā ca vasūnāṃ saṃmato bhavet
Sanskrit only: no published translation is held for this verse.
सिंधुतममिति ख्यातं सर्वपापप्रणाशनम् । तत्र स्नात्वा नरश्रेष्ठ लभेद्बहुसुवर्णकम्
siṃdhutamamiti khyātaṃ sarvapāpapraṇāśanam | tatra snātvā naraśreṣṭha labhedbahusuvarṇakam
Sanskrit only: no published translation is held for this verse.
ब्रह्मतुंगं समासाद्य शुचिः प्रयतमानसः । ब्रह्मलोकमवाप्नोति सुकृती विरजा नरः
brahmatuṃgaṃ samāsādya śuciḥ prayatamānasaḥ | brahmalokamavāpnoti sukṛtī virajā naraḥ
Sanskrit only: no published translation is held for this verse.
कुमारिकाणां शक्रस्य तीर्थं सिद्धनिषेवितम् । तत्र स्नात्वा नरश्रेष्ठ शक्रलोकमवाप्नुयात्
kumārikāṇāṃ śakrasya tīrthaṃ siddhaniṣevitam | tatra snātvā naraśreṣṭha śakralokamavāpnuyāt
Sanskrit only: no published translation is held for this verse.
रेणुकायाश्च तत्रैव तीर्थं देवनिषेवितम् । स्नात्वा तत्र भवेद्विप्रो विमलश्चंद्रमा इव
reṇukāyāśca tatraiva tīrthaṃ devaniṣevitam | snātvā tatra bhavedvipro vimalaścaṃdramā iva
Sanskrit only: no published translation is held for this verse.
अथ पंचनदं गत्वा नियतो नियताशनः । पंचयज्ञानवाप्नोति क्रमशो ये तु कीर्तिताः
atha paṃcanadaṃ gatvā niyato niyatāśanaḥ | paṃcayajñānavāpnoti kramaśo ye tu kīrtitāḥ
Sanskrit only: no published translation is held for this verse.
ततो गच्छेत धर्मज्ञ भीमायाः स्थानमुत्तमम् । तत्र स्नात्वा न योन्यां वै नरो भरतसत्तम
tato gaccheta dharmajña bhīmāyāḥ sthānamuttamam | tatra snātvā na yonyāṃ vai naro bharatasattama
Sanskrit only: no published translation is held for this verse.
देव्याः पुत्रो भवेद्राजन्तत्र कुंडलविग्रहः । गवां शतसहस्रस्य फलं चैवाप्नुयान्महत्
devyāḥ putro bhavedrājantatra kuṃḍalavigrahaḥ | gavāṃ śatasahasrasya phalaṃ caivāpnuyānmahat
Sanskrit only: no published translation is held for this verse.
गिरिकुंजं समासाद्य त्रिषु लोकेषु विश्रुतम् । पितामहं नमस्कृत्य गोसहस्रफलं लभेत्
girikuṃjaṃ samāsādya triṣu lokeṣu viśrutam | pitāmahaṃ namaskṛtya gosahasraphalaṃ labhet
Sanskrit only: no published translation is held for this verse.
ततो गच्छेत धर्मज्ञ विमलं तीर्थमुत्तमम् । अद्यापि यत्र दृश्यंते मत्स्याः सौवर्णराजताः
tato gaccheta dharmajña vimalaṃ tīrthamuttamam | adyāpi yatra dṛśyaṃte matsyāḥ sauvarṇarājatāḥ
Sanskrit only: no published translation is held for this verse.
तत्र स्नात्वा नरश्रेष्ठ वाजपेयमवाप्नुयात् । सर्वपापविशुद्धात्मा गच्छेत्परमिकां गतिम्
tatra snātvā naraśreṣṭha vājapeyamavāpnuyāt | sarvapāpaviśuddhātmā gacchetparamikāṃ gatim
Sanskrit only: no published translation is held for this verse.