Library·Padma Purāṇa·3·3.26
नारदउवाच-। ततो गच्छेत राजेंद्र कुरुक्षेत्रमभिष्टुतम् । पापेभ्यो विप्रमुच्यंते तद्गताः सर्वजंतवः
nāradauvāca-| tato gaccheta rājeṃdra kurukṣetramabhiṣṭutam | pāpebhyo vipramucyaṃte tadgatāḥ sarvajaṃtavaḥ
Sanskrit only: no published translation is held for this verse.
कुरुक्षेत्रं गमिष्यामि कुरुक्षेत्रे वसाम्यहम् । य एवं सततं ब्रूयात्सर्वपापैः प्रमुच्यते
kurukṣetraṃ gamiṣyāmi kurukṣetre vasāmyaham | ya evaṃ satataṃ brūyātsarvapāpaiḥ pramucyate
Sanskrit only: no published translation is held for this verse.
तत्र मासं वसेद्धीरः सरस्वत्यां नराधिप । यत्र ब्रह्मादयो देवा यत्र ब्रह्मर्षिचारणाः
tatra māsaṃ vaseddhīraḥ sarasvatyāṃ narādhipa | yatra brahmādayo devā yatra brahmarṣicāraṇāḥ
Sanskrit only: no published translation is held for this verse.
गंधर्वाप्सरसो यक्षाः पन्नगाश्च महीपते । ब्रह्मक्षेत्रं महापुण्यमभिगच्छंति भारत
gaṃdharvāpsaraso yakṣāḥ pannagāśca mahīpate | brahmakṣetraṃ mahāpuṇyamabhigacchaṃti bhārata
Sanskrit only: no published translation is held for this verse.
मनसाप्यभिकामस्य कुरुक्षेत्रे युधिष्ठिर । पापानि विप्रणश्यंति ब्रह्मलोकं च गच्छति
manasāpyabhikāmasya kurukṣetre yudhiṣṭhira | pāpāni vipraṇaśyaṃti brahmalokaṃ ca gacchati
Sanskrit only: no published translation is held for this verse.
गत्वा हि श्रद्धया युक्तः कुरुक्षेत्रं कुरूद्वह । वाजपेयाश्वमेध्याभ्यां फलं प्राप्नोति मानवः
gatvā hi śraddhayā yuktaḥ kurukṣetraṃ kurūdvaha | vājapeyāśvamedhyābhyāṃ phalaṃ prāpnoti mānavaḥ
Sanskrit only: no published translation is held for this verse.
ततो मत्तर्णकं राजन्द्वारपालं महाबलम् । यं वै समभिवाद्यैव गोसहस्रफलं लभेत्
tato mattarṇakaṃ rājandvārapālaṃ mahābalam | yaṃ vai samabhivādyaiva gosahasraphalaṃ labhet
Sanskrit only: no published translation is held for this verse.
ततो गच्छेत धर्मज्ञ विष्णोः स्थानमनुत्तमम् । सततं नाम राजेंद्र यत्र सन्निहितो हरिः
tato gaccheta dharmajña viṣṇoḥ sthānamanuttamam | satataṃ nāma rājeṃdra yatra sannihito hariḥ
Sanskrit only: no published translation is held for this verse.
तत्र स्नात्वा च दृष्ट्वा च त्रिलोकप्रभवं हरिम् । अश्वमेधमवाप्नोति विष्णुलोकं च गच्छति
tatra snātvā ca dṛṣṭvā ca trilokaprabhavaṃ harim | aśvamedhamavāpnoti viṣṇulokaṃ ca gacchati
Sanskrit only: no published translation is held for this verse.
ततः पारिप्लवं गच्छेत्तीर्थं त्रैलोक्यविश्रुतम् । अग्निष्टोमातिरात्राभ्यां फलं प्राप्नोति मानवः
tataḥ pāriplavaṃ gacchettīrthaṃ trailokyaviśrutam | agniṣṭomātirātrābhyāṃ phalaṃ prāpnoti mānavaḥ
Sanskrit only: no published translation is held for this verse.
पृथिव्यां तीर्थमासाद्य गोसहस्रफलं लभेत् । ततः शाल्विकिनीं गत्वा तीर्थसेवी नराधिप
pṛthivyāṃ tīrthamāsādya gosahasraphalaṃ labhet | tataḥ śālvikinīṃ gatvā tīrthasevī narādhipa
Sanskrit only: no published translation is held for this verse.
दशाश्वमेधिके स्नात्वा तदेव लभते फलम् । सर्पनीविं समासाद्य नागानां तीर्थमुत्तमम्
daśāśvamedhike snātvā tadeva labhate phalam | sarpanīviṃ samāsādya nāgānāṃ tīrthamuttamam
Sanskrit only: no published translation is held for this verse.
अग्निष्टोममवाप्नोति नागलोकं च गच्छति । ततो गच्छेत धर्मज्ञ द्वारपालमतर्णकम्
agniṣṭomamavāpnoti nāgalokaṃ ca gacchati | tato gaccheta dharmajña dvārapālamatarṇakam
Sanskrit only: no published translation is held for this verse.
तत्रोष्य रजनीमेकां गोसहस्रफलं लभेत् । ततःपंचनदंगत्वानियतोनियताशनः
tatroṣya rajanīmekāṃ gosahasraphalaṃ labhet | tataḥpaṃcanadaṃgatvāniyatoniyatāśanaḥ
Sanskrit only: no published translation is held for this verse.
कोटितीर्थमुपस्पृश्य हयमेधफलं लभेत् । अश्विनीतीर्थमागम्य रूपवानभिजायते
koṭitīrthamupaspṛśya hayamedhaphalaṃ labhet | aśvinītīrthamāgamya rūpavānabhijāyate
Sanskrit only: no published translation is held for this verse.
ततो गच्छेत धर्मज्ञ वाराहं तीर्थमुत्तमम् । विष्णुर्वाराहरूपेण पुरा यत्र स्थितोऽभवत्
tato gaccheta dharmajña vārāhaṃ tīrthamuttamam | viṣṇurvārāharūpeṇa purā yatra sthito'bhavat
Sanskrit only: no published translation is held for this verse.
तत्र स्थित्वा नरव्याघ्र अग्निष्टोमफलं लभेत् । ततो जयिन्यां राजेंद्र सोमतीर्थं समाविशेत्
tatra sthitvā naravyāghra agniṣṭomaphalaṃ labhet | tato jayinyāṃ rājeṃdra somatīrthaṃ samāviśet
Sanskrit only: no published translation is held for this verse.
स्नात्वा फलमवाप्नोति राजसूयस्य मानवः । एकहंसे नरः स्नात्वा गोसहस्रफलं लभेत्
snātvā phalamavāpnoti rājasūyasya mānavaḥ | ekahaṃse naraḥ snātvā gosahasraphalaṃ labhet
Sanskrit only: no published translation is held for this verse.
कृतशौचं समासाद्य तीर्थसेवी कुरूद्वह । पुंडरीकमवाप्नोति कृतशौचो भवेच्च सः
kṛtaśaucaṃ samāsādya tīrthasevī kurūdvaha | puṃḍarīkamavāpnoti kṛtaśauco bhavecca saḥ
Sanskrit only: no published translation is held for this verse.
ततो मुंजावटं नाम महादेवस्य धीमतः । तत्रोष्य रजनीमेकां गाणपत्यमवाप्नुयात्
tato muṃjāvaṭaṃ nāma mahādevasya dhīmataḥ | tatroṣya rajanīmekāṃ gāṇapatyamavāpnuyāt
Sanskrit only: no published translation is held for this verse.
तत्रैव च महाराज जयां लोकपरिश्रुताम् । स्नात्वाभिगम्य राजेंद्र सर्वकाममवाप्नुयात्
tatraiva ca mahārāja jayāṃ lokapariśrutām | snātvābhigamya rājeṃdra sarvakāmamavāpnuyāt
Sanskrit only: no published translation is held for this verse.
कुरुक्षेत्रस्य तद्द्वारं विश्रुतं भरतर्षभ । प्रदक्षिणमुपावृत्य तीर्थसेवी समावृतः
kurukṣetrasya taddvāraṃ viśrutaṃ bharatarṣabha | pradakṣiṇamupāvṛtya tīrthasevī samāvṛtaḥ
Sanskrit only: no published translation is held for this verse.
संस्मृते पुष्कराणां तु स्नात्वार्च्य पितृदेवताः । जामदग्न्येन रामेण आहूते वै महात्मना
saṃsmṛte puṣkarāṇāṃ tu snātvārcya pitṛdevatāḥ | jāmadagnyena rāmeṇa āhūte vai mahātmanā
Sanskrit only: no published translation is held for this verse.
कृतकृत्यो भवेद्राजन्नश्वमेधं च विंदति । ततो रामह्रदं गच्छेत्तीर्थसेवी नराधिप
kṛtakṛtyo bhavedrājannaśvamedhaṃ ca viṃdati | tato rāmahradaṃ gacchettīrthasevī narādhipa
Sanskrit only: no published translation is held for this verse.
यत्र रामेण राजेंद्र तरसा दीप्ततेजसा । क्षत्रमुत्सार्य वीर्येण ह्रदाः पंच निषेविताः । पूरयित्वा नरव्याघ्र रुधिरेणेति नः श्रुतम्
yatra rāmeṇa rājeṃdra tarasā dīptatejasā | kṣatramutsārya vīryeṇa hradāḥ paṃca niṣevitāḥ | pūrayitvā naravyāghra rudhireṇeti naḥ śrutam
Sanskrit only: no published translation is held for this verse.
पितरस्तर्पिताः सर्वे तथैव प्रपितामहाः । ततस्ते पितरः प्रीताः राममूचुर्महीपते
pitarastarpitāḥ sarve tathaiva prapitāmahāḥ | tataste pitaraḥ prītāḥ rāmamūcurmahīpate
Sanskrit only: no published translation is held for this verse.
रामराम महाभाग प्रीताः स्म तव भार्गव । अनया पितृभक्त्या च विक्रमेण च तेऽनघ
rāmarāma mahābhāga prītāḥ sma tava bhārgava | anayā pitṛbhaktyā ca vikrameṇa ca te'nagha
Sanskrit only: no published translation is held for this verse.
वरं वृणीष्व भद्रं ते किमिच्छसि महामते । एवमुक्तः स राजेंद्र रामः प्रवदतां वरः
varaṃ vṛṇīṣva bhadraṃ te kimicchasi mahāmate | evamuktaḥ sa rājeṃdra rāmaḥ pravadatāṃ varaḥ
Sanskrit only: no published translation is held for this verse.
अब्रवीत्प्रांजलिर्वाक्यं पितॄन्स गगने स्थितान् । भवंतो यदि मे प्रीता यद्यनुग्राह्यता मयि
abravītprāṃjalirvākyaṃ pitṝnsa gagane sthitān | bhavaṃto yadi me prītā yadyanugrāhyatā mayi
Sanskrit only: no published translation is held for this verse.
पितृप्रसादादिच्छेयं तपसाप्यायनं पुनः । यच्च रोषाभिभूतेन क्षत्रमुत्सादितं मया
pitṛprasādādiccheyaṃ tapasāpyāyanaṃ punaḥ | yacca roṣābhibhūtena kṣatramutsāditaṃ mayā
Sanskrit only: no published translation is held for this verse.
ततश्च पापान्मुच्येयं युष्माकं तेजसा ह्यहम् । ह्रदाश्च तीर्थभूता मे भवेयुर्भुवि विश्रुताः
tataśca pāpānmucyeyaṃ yuṣmākaṃ tejasā hyaham | hradāśca tīrthabhūtā me bhaveyurbhuvi viśrutāḥ
Sanskrit only: no published translation is held for this verse.
एतच्छ्रुत्वा शुभं वाक्यं रामस्य पितरस्तदा । प्रत्यूचुः परमप्रीता रामं तोषसमन्विताः
etacchrutvā śubhaṃ vākyaṃ rāmasya pitarastadā | pratyūcuḥ paramaprītā rāmaṃ toṣasamanvitāḥ
Sanskrit only: no published translation is held for this verse.
तपस्ते वर्द्धतां भूयः पितृभक्त्या विशेषतः । यच्च रोषाभिभूतेन क्षत्रमुत्सादितं त्वया
tapaste varddhatāṃ bhūyaḥ pitṛbhaktyā viśeṣataḥ | yacca roṣābhibhūtena kṣatramutsāditaṃ tvayā
Sanskrit only: no published translation is held for this verse.
ततश्च पापान्मुक्तस्त्वं निहतास्ते स्वकर्म्मणा । ह्रदाश्च तव तीर्थत्वं गमिष्यंति न संशयः
tataśca pāpānmuktastvaṃ nihatāste svakarmmaṇā | hradāśca tava tīrthatvaṃ gamiṣyaṃti na saṃśayaḥ
Sanskrit only: no published translation is held for this verse.
ह्रदेष्वेतेषु यः स्नात्वा पितॄन्संतर्पयिष्यति । पितरस्तस्य वै प्रीता दास्यंति भुवि दुर्ल्लभम्
hradeṣveteṣu yaḥ snātvā pitṝnsaṃtarpayiṣyati | pitarastasya vai prītā dāsyaṃti bhuvi durllabham
Sanskrit only: no published translation is held for this verse.
ईप्सितं मनसः कामं स्वर्गलोकं सशाश्वतम् । एवं दत्त्वा वरं राजन्रामस्य पितरस्तदा । आमंत्र्य भार्गवं प्रीतास्तत्रैवांतर्दधुस्ततः
īpsitaṃ manasaḥ kāmaṃ svargalokaṃ saśāśvatam | evaṃ dattvā varaṃ rājanrāmasya pitarastadā | āmaṃtrya bhārgavaṃ prītāstatraivāṃtardadhustataḥ
Sanskrit only: no published translation is held for this verse.
एवं रामह्रदाः पुण्या भार्गवस्य महात्मनः । स्नात्वा ह्रदेषु रामस्य ब्रह्मचारी शुभव्रतः
evaṃ rāmahradāḥ puṇyā bhārgavasya mahātmanaḥ | snātvā hradeṣu rāmasya brahmacārī śubhavrataḥ
Sanskrit only: no published translation is held for this verse.
राममभ्यर्च्य राजेंद्र लभेद्बहुसुवर्णकम् । वंशमूलं समासाद्य तीर्थसेवी कुरूद्वह
rāmamabhyarcya rājeṃdra labhedbahusuvarṇakam | vaṃśamūlaṃ samāsādya tīrthasevī kurūdvaha
Sanskrit only: no published translation is held for this verse.
स्ववंशमुद्धरेद्राजन्स्नात्वा वै वंशमूलके । कायशोधनमासाद्य तीर्थं भरतसत्तम
svavaṃśamuddharedrājansnātvā vai vaṃśamūlake | kāyaśodhanamāsādya tīrthaṃ bharatasattama
Sanskrit only: no published translation is held for this verse.
शरीरशुद्धिमाप्नोति स्नातस्तस्मिन्न संशयः । शुद्धदेहस्तु संयाति शुभाँल्लोकाननुत्तमान्
śarīraśuddhimāpnoti snātastasminna saṃśayaḥ | śuddhadehastu saṃyāti śubhā~llokānanuttamān
Sanskrit only: no published translation is held for this verse.
ततो गच्छेत राजेंद्र तीर्थं त्रैलोक्यदुर्लभम् । लोका यत्रोद्धृताः पूर्वं विष्णुना प्रभविष्णुना
tato gaccheta rājeṃdra tīrthaṃ trailokyadurlabham | lokā yatroddhṛtāḥ pūrvaṃ viṣṇunā prabhaviṣṇunā
Sanskrit only: no published translation is held for this verse.
लोकोद्धारं समासाद्य तीर्थं त्रैलोक्यविश्रुतम् । स्नात्वा तीर्थवरे राजन्लोकानुद्धरते स्वकान्
lokoddhāraṃ samāsādya tīrthaṃ trailokyaviśrutam | snātvā tīrthavare rājanlokānuddharate svakān
Sanskrit only: no published translation is held for this verse.
श्रीतीर्थं च समासाद्य विंदते श्रियमुत्तमाम् । कपिलातीर्थमासाद्य ब्रह्मचारी समाहितः
śrītīrthaṃ ca samāsādya viṃdate śriyamuttamām | kapilātīrthamāsādya brahmacārī samāhitaḥ
Sanskrit only: no published translation is held for this verse.
तत्र स्नात्वार्चयित्वा च देवानिह पितॄंस्तथा । कपिलानां सहस्रस्य फलं विंदति मानवः
tatra snātvārcayitvā ca devāniha pitṝṃstathā | kapilānāṃ sahasrasya phalaṃ viṃdati mānavaḥ
Sanskrit only: no published translation is held for this verse.
सूर्यतीर्थं समासाद्य स्नात्वा नियतमानसः । अर्चयित्वा पितॄन्देवानुपवासपरायणः
sūryatīrthaṃ samāsādya snātvā niyatamānasaḥ | arcayitvā pitṝndevānupavāsaparāyaṇaḥ
Sanskrit only: no published translation is held for this verse.
अग्निष्टोममवाप्नोति सूर्यलोकं च गच्छति । गवांभवनमासाद्य तीर्थसेवी यथाक्रमम्
agniṣṭomamavāpnoti sūryalokaṃ ca gacchati | gavāṃbhavanamāsādya tīrthasevī yathākramam
Sanskrit only: no published translation is held for this verse.
तत्राभिषेकं कुर्वाणो गोसहस्रफलं लभेत् । गंगातीर्थं समासाद्य तीर्थसेवी नराधिप
tatrābhiṣekaṃ kurvāṇo gosahasraphalaṃ labhet | gaṃgātīrthaṃ samāsādya tīrthasevī narādhipa
Sanskrit only: no published translation is held for this verse.
केव्यास्तीर्थे नरः स्नात्वा लभते वीर्यमुत्तमम् (केव्या पाठभेदाः – कन्या, कोट्या, कोत्या, कोन्या)। ततो गच्छेत राजेंद्र द्वारपालं लवर्णकम्
kevyāstīrthe naraḥ snātvā labhate vīryamuttamam (kevyā pāṭhabhedāḥ – kanyā, koṭyā, kotyā, konyā)| tato gaccheta rājeṃdra dvārapālaṃ lavarṇakam
Sanskrit only: no published translation is held for this verse.
तस्य तीर्थे सरस्वत्यां यथेंद्रस्य महात्मनः । तत्र स्नात्वा नरो राजन्नग्निष्टोमफलं लभेत्
tasya tīrthe sarasvatyāṃ yatheṃdrasya mahātmanaḥ | tatra snātvā naro rājannagniṣṭomaphalaṃ labhet
Sanskrit only: no published translation is held for this verse.
ततो गच्छेत धर्मज्ञ ब्रह्मावर्तं नराधिप । ब्रह्मावर्ते नरः स्नात्वा ब्रह्मलोकमवाप्नुयात्
tato gaccheta dharmajña brahmāvartaṃ narādhipa | brahmāvarte naraḥ snātvā brahmalokamavāpnuyāt
Sanskrit only: no published translation is held for this verse.
ततो गच्छेत धर्मज्ञ सुतीर्थकमनुत्तमम् । यत्र सन्निहिता नित्यं पितरो दैवतैः सह
tato gaccheta dharmajña sutīrthakamanuttamam | yatra sannihitā nityaṃ pitaro daivataiḥ saha
Sanskrit only: no published translation is held for this verse.
तत्राभिषेकं कुर्वीत पितृदेवार्चने रतः । अश्वमेधमवाप्नोति पितृलोकं च गच्छति
tatrābhiṣekaṃ kurvīta pitṛdevārcane rataḥ | aśvamedhamavāpnoti pitṛlokaṃ ca gacchati
Sanskrit only: no published translation is held for this verse.
ततोऽन्यतीर्थं धर्मज्ञ समासाद्य यथाक्रमम् । काशीश्वरस्य तीर्थेषु स्नात्वा भरतसत्तम
tato'nyatīrthaṃ dharmajña samāsādya yathākramam | kāśīśvarasya tīrtheṣu snātvā bharatasattama
Sanskrit only: no published translation is held for this verse.
सर्वव्याधिविनिर्मुक्तो ब्रह्मलोके महीयते । मातृतीर्थं च तत्रैव यत्र स्नातस्य पार्थिव
sarvavyādhivinirmukto brahmaloke mahīyate | mātṛtīrthaṃ ca tatraiva yatra snātasya pārthiva
Sanskrit only: no published translation is held for this verse.
प्रजा विवर्द्धते राजन्स्वर्गतिं समवाप्नुयात् । ततः शीतवनं गच्छेन्नियतो नियताशनः
prajā vivarddhate rājansvargatiṃ samavāpnuyāt | tataḥ śītavanaṃ gacchenniyato niyatāśanaḥ
Sanskrit only: no published translation is held for this verse.
तीर्थं तत्र महाराज महदन्यत्र दुर्लभम् । पुनाति दर्शनादेव दंडेनैकं नराधिप
tīrthaṃ tatra mahārāja mahadanyatra durlabham | punāti darśanādeva daṃḍenaikaṃ narādhipa
Sanskrit only: no published translation is held for this verse.
केशानावप्य वै तस्मिन्पूतो भवति भारत । तत्र तीर्थवरं चान्यत्स्नात लोकार्तिहं स्मृतम्
keśānāvapya vai tasminpūto bhavati bhārata | tatra tīrthavaraṃ cānyatsnāta lokārtihaṃ smṛtam
Sanskrit only: no published translation is held for this verse.
तत्र विप्रा नरव्याघ्र विद्वांसस्तत्र तत्पराः । गतिं गच्छंति परमां स्नात्वा भरतसत्तम
tatra viprā naravyāghra vidvāṃsastatra tatparāḥ | gatiṃ gacchaṃti paramāṃ snātvā bharatasattama
Sanskrit only: no published translation is held for this verse.
स्वर्णलोमापनयने तीर्थे भरतसत्तम । प्राणायामैर्निर्हरंति स्वलोमानि द्विजोत्तमाः
svarṇalomāpanayane tīrthe bharatasattama | prāṇāyāmairnirharaṃti svalomāni dvijottamāḥ
Sanskrit only: no published translation is held for this verse.
पूतात्मानश्च राजेन्द्र प्रयांति परमां गतिम् । दशाश्वमेधिके चैव तस्मिंस्तीर्थे महीपते
pūtātmānaśca rājendra prayāṃti paramāṃ gatim | daśāśvamedhike caiva tasmiṃstīrthe mahīpate
Sanskrit only: no published translation is held for this verse.
तत्र स्नात्वा नरव्याघ्र गच्छंति परमां गतिम् । ततो गच्छेत राजेंद्र मानुषं लोकविश्रुतम्
tatra snātvā naravyāghra gacchaṃti paramāṃ gatim | tato gaccheta rājeṃdra mānuṣaṃ lokaviśrutam
Sanskrit only: no published translation is held for this verse.
तत्र कृष्णामृगा राजन्व्याधेन शरपीडिताः । विगाह्य तस्मिन्सरसि मानुषत्वमुपागताः
tatra kṛṣṇāmṛgā rājanvyādhena śarapīḍitāḥ | vigāhya tasminsarasi mānuṣatvamupāgatāḥ
Sanskrit only: no published translation is held for this verse.
तस्मिंस्तीर्थे नरः स्नात्वा ब्रह्मचारी समाहितः । सर्वपापविशुद्धात्मा स्वर्गलोके महीयते
tasmiṃstīrthe naraḥ snātvā brahmacārī samāhitaḥ | sarvapāpaviśuddhātmā svargaloke mahīyate
Sanskrit only: no published translation is held for this verse.
मानुषस्य तु पूर्वेण क्रोशमात्रं महीपते । आपगा नाम विख्याता नदी सिद्धनिषेविता
mānuṣasya tu pūrveṇa krośamātraṃ mahīpate | āpagā nāma vikhyātā nadī siddhaniṣevitā
Sanskrit only: no published translation is held for this verse.
श्यामाक भोजनं तत्र यः प्रयच्छति मानवः । देवान्पितॄन्समुद्दिश्य तस्य धर्मफलं महत्
śyāmāka bhojanaṃ tatra yaḥ prayacchati mānavaḥ | devānpitṝnsamuddiśya tasya dharmaphalaṃ mahat
Sanskrit only: no published translation is held for this verse.
एकस्मिन्भोजिते विप्रे कोटिर्भवति भोजिता । तत्र स्नात्वार्चयित्वा च दैवतानि पितॄंस्तथा
ekasminbhojite vipre koṭirbhavati bhojitā | tatra snātvārcayitvā ca daivatāni pitṝṃstathā
Sanskrit only: no published translation is held for this verse.
उषित्वा रजनीमेकामग्निष्टोमफलं लभेत् । ततो गच्छेत धर्म्मज्ञ ब्रह्मणः स्थानमुत्तमम्
uṣitvā rajanīmekāmagniṣṭomaphalaṃ labhet | tato gaccheta dharmmajña brahmaṇaḥ sthānamuttamam
Sanskrit only: no published translation is held for this verse.
ब्रह्मानुस्वरमित्येवं प्रकाशं भुवि भारत । तत्र सप्तर्षिकुंडेषु स्नातस्य भरतर्षभ
brahmānusvaramityevaṃ prakāśaṃ bhuvi bhārata | tatra saptarṣikuṃḍeṣu snātasya bharatarṣabha
Sanskrit only: no published translation is held for this verse.
केदारे चैव राजेंद्र कपिलस्य महात्मनः । ब्रह्माणमभिगम्याथ शुचिः प्रयतमानसः
kedāre caiva rājeṃdra kapilasya mahātmanaḥ | brahmāṇamabhigamyātha śuciḥ prayatamānasaḥ
Sanskrit only: no published translation is held for this verse.
सर्वपापविशुद्धात्मा ब्रह्मलोकं प्रपद्यते । कपिष्ठलस्य केदारं समासाद्य सुदुर्लभम्
sarvapāpaviśuddhātmā brahmalokaṃ prapadyate | kapiṣṭhalasya kedāraṃ samāsādya sudurlabham
Sanskrit only: no published translation is held for this verse.
अंतर्धानमवाप्नोति तपसा दग्धकिल्बिषः । ततो गच्छेत राजेंद्र सर्वकं लोकविश्रुतम्
aṃtardhānamavāpnoti tapasā dagdhakilbiṣaḥ | tato gaccheta rājeṃdra sarvakaṃ lokaviśrutam
Sanskrit only: no published translation is held for this verse.
कृष्णपक्षे चतुर्दश्यामभिगम्य वृषध्वजं । लभते सर्वकामान्हि स्वर्गलोकं च गच्छति । तिस्रःकोट्यश्च तीर्थानां प्रवरं कुरुनंदन
kṛṣṇapakṣe caturdaśyāmabhigamya vṛṣadhvajaṃ | labhate sarvakāmānhi svargalokaṃ ca gacchati | tisraḥkoṭyaśca tīrthānāṃ pravaraṃ kurunaṃdana
Sanskrit only: no published translation is held for this verse.
रुद्रकोटी तथा कूपे ह्रदेषु च समंतकः । इलास्पदं च तत्रैव तीर्थं भरतसत्तम
rudrakoṭī tathā kūpe hradeṣu ca samaṃtakaḥ | ilāspadaṃ ca tatraiva tīrthaṃ bharatasattama
Sanskrit only: no published translation is held for this verse.
तत्र स्नात्वार्चयित्वा च दैवतानि पितॄनपि । न दुर्गतिमवाप्नोति वाजपेयं च विंदति
tatra snātvārcayitvā ca daivatāni pitṝnapi | na durgatimavāpnoti vājapeyaṃ ca viṃdati
Sanskrit only: no published translation is held for this verse.
किंदाने च नरः स्नात्वा किंजपे च महीपते । अप्रमेयमवाप्नोति दानं यज्ञं तथैव च । कलश्यां वार्य्युपस्पृश्य श्रद्दधानो जितेंद्रियः
kiṃdāne ca naraḥ snātvā kiṃjape ca mahīpate | aprameyamavāpnoti dānaṃ yajñaṃ tathaiva ca | kalaśyāṃ vāryyupaspṛśya śraddadhāno jiteṃdriyaḥ
Sanskrit only: no published translation is held for this verse.
अग्निष्टोमस्य यज्ञस्य फलं प्राप्नोति मानवः । सरकस्य तु पूर्वेण नारदस्य महात्मनः
agniṣṭomasya yajñasya phalaṃ prāpnoti mānavaḥ | sarakasya tu pūrveṇa nāradasya mahātmanaḥ
Sanskrit only: no published translation is held for this verse.
कुरुश्रेष्ठ शुभं तीर्थं रामजन्मेति विश्रुतम् । तत्र तीर्थे नरः स्नात्वा प्राणांश्चोत्सृज्य भारत
kuruśreṣṭha śubhaṃ tīrthaṃ rāmajanmeti viśrutam | tatra tīrthe naraḥ snātvā prāṇāṃścotsṛjya bhārata
Sanskrit only: no published translation is held for this verse.
नारदेनाभ्यनुज्ञातो लोकानाप्नोति दुर्ल्लभान् । शुक्लपक्षे दशम्यां तु पुंडरीकं समाविशेत्
nāradenābhyanujñāto lokānāpnoti durllabhān | śuklapakṣe daśamyāṃ tu puṃḍarīkaṃ samāviśet
Sanskrit only: no published translation is held for this verse.
तत्र स्नात्वा नरो राजन्पुंडरीकफलं लभेत् । ततस्त्रिविष्टपं गच्छेत्त्रिषु लोकेषु विश्रुतम्
tatra snātvā naro rājanpuṃḍarīkaphalaṃ labhet | tatastriviṣṭapaṃ gacchettriṣu lokeṣu viśrutam
Sanskrit only: no published translation is held for this verse.
तत्र वैतरणी पुण्या नदी पापप्रमोचनी । तत्र स्नात्वार्चयित्वा च शूलपाणिं वृषध्वजम्
tatra vaitaraṇī puṇyā nadī pāpapramocanī | tatra snātvārcayitvā ca śūlapāṇiṃ vṛṣadhvajam
Sanskrit only: no published translation is held for this verse.
सर्वपापविशुद्धात्मा गच्छेत परमां गतिम् । ततो गच्छेत राजेंद्र फलकीवनमुत्तमम्
sarvapāpaviśuddhātmā gaccheta paramāṃ gatim | tato gaccheta rājeṃdra phalakīvanamuttamam
Sanskrit only: no published translation is held for this verse.
तत्र देवाः सदा राजन्फलकीवनमाश्रिताः । तपश्चरंति विपुलं बहुवर्षसहस्रकम्
tatra devāḥ sadā rājanphalakīvanamāśritāḥ | tapaścaraṃti vipulaṃ bahuvarṣasahasrakam
Sanskrit only: no published translation is held for this verse.
दृषत्पाने नरः स्नात्वा तर्पयित्वा च देवताः । अग्निष्टोमातिरात्राभ्यां फलं विंदति मानवः
dṛṣatpāne naraḥ snātvā tarpayitvā ca devatāḥ | agniṣṭomātirātrābhyāṃ phalaṃ viṃdati mānavaḥ
Sanskrit only: no published translation is held for this verse.
तीर्थे च सर्वदेवानां स्नात्वा भरतसत्तम । गोसहस्रस्य राजेंद्र फलमाप्नोति मानवः
tīrthe ca sarvadevānāṃ snātvā bharatasattama | gosahasrasya rājeṃdra phalamāpnoti mānavaḥ
Sanskrit only: no published translation is held for this verse.
पाणिख्याते नरः स्नात्वा तर्पयित्वा च देवताः । अवाप्नुते राजसूयमृषिलोकं च गच्छति
pāṇikhyāte naraḥ snātvā tarpayitvā ca devatāḥ | avāpnute rājasūyamṛṣilokaṃ ca gacchati
Sanskrit only: no published translation is held for this verse.
ततो गच्छेत धर्मज्ञ मिश्रकं लोकविश्रुतम् । तत्र तीर्थानि राजेंद्र मिश्रितानि महात्मना
tato gaccheta dharmajña miśrakaṃ lokaviśrutam | tatra tīrthāni rājeṃdra miśritāni mahātmanā
Sanskrit only: no published translation is held for this verse.
व्यासेन नृपशार्दूल द्विजार्थमिति नः श्रुतम् । सर्वतीर्थेषु स स्नाति मिश्रके स्नाति यो नरः
vyāsena nṛpaśārdūla dvijārthamiti naḥ śrutam | sarvatīrtheṣu sa snāti miśrake snāti yo naraḥ
Sanskrit only: no published translation is held for this verse.
ततो व्यासवनं गच्छेन्नियतो नियताशनः । मनोजवे नरः स्नात्वा गोसहस्रफलं लभेत्
tato vyāsavanaṃ gacchenniyato niyatāśanaḥ | manojave naraḥ snātvā gosahasraphalaṃ labhet
Sanskrit only: no published translation is held for this verse.
गत्वा मधुवनीं चापि देव्याः स्थानं नरः शुचिः । तत्र स्नात्वार्चयेद्देवान्पितॄंश्च नियतः शुचिः
gatvā madhuvanīṃ cāpi devyāḥ sthānaṃ naraḥ śuciḥ | tatra snātvārcayeddevānpitṝṃśca niyataḥ śuciḥ
Sanskrit only: no published translation is held for this verse.
सदेव्या समनुज्ञातो गोसहस्रफलं लभेत् । कौशिक्याः संगमे यस्तु दृषद्वत्याश्च भारत
sadevyā samanujñāto gosahasraphalaṃ labhet | kauśikyāḥ saṃgame yastu dṛṣadvatyāśca bhārata
Sanskrit only: no published translation is held for this verse.
स्नातो वै नियताहारः सर्वपापैः प्रमुच्यते । ततो व्यासस्थली नाम यत्र व्यासेन धीमता
snāto vai niyatāhāraḥ sarvapāpaiḥ pramucyate | tato vyāsasthalī nāma yatra vyāsena dhīmatā
Sanskrit only: no published translation is held for this verse.
पुत्रशोकाभितप्तेन देहत्यागाय निश्चयः । कृतो देवैश्च राजेंद्र पुनरुत्थापितस्तथा
putraśokābhitaptena dehatyāgāya niścayaḥ | kṛto devaiśca rājeṃdra punarutthāpitastathā
Sanskrit only: no published translation is held for this verse.
अभिगम्य स्थलद्यं तस्य गोसहस्रफलं लभेत् । ऋणांतं कूपमासाद्य तिलप्रस्थं प्रदाय च
abhigamya sthaladyaṃ tasya gosahasraphalaṃ labhet | ṛṇāṃtaṃ kūpamāsādya tilaprasthaṃ pradāya ca
Sanskrit only: no published translation is held for this verse.
गच्छेत परमां सिद्धिमृणैर्मुक्तो नरेश्वर । वेदीतीर्थे नरः स्नात्वा गोसहस्रफलं लभेत्
gaccheta paramāṃ siddhimṛṇairmukto nareśvara | vedītīrthe naraḥ snātvā gosahasraphalaṃ labhet
Sanskrit only: no published translation is held for this verse.
अहश्च सुदिनश्चैव द्वे तीर्थे नृप दुर्लभे । तयोः स्नात्वा नरः श्रेष्ठ सूर्यलोकमवाप्नुयात्
ahaśca sudinaścaiva dve tīrthe nṛpa durlabhe | tayoḥ snātvā naraḥ śreṣṭha sūryalokamavāpnuyāt
Sanskrit only: no published translation is held for this verse.
मृगधूमं ततो गच्छेत्त्रिषु लोकेषु विश्रुतम् । तत्र रुद्रपदे स्नात्वा समभ्यर्च्य च मानवः
mṛgadhūmaṃ tato gacchettriṣu lokeṣu viśrutam | tatra rudrapade snātvā samabhyarcya ca mānavaḥ
Sanskrit only: no published translation is held for this verse.
शूलपाणिं महात्मानमश्वमेधफलं लभेत् । कोटितीर्थे नरः स्नात्वा गोसहस्रफलं लभेत्
śūlapāṇiṃ mahātmānamaśvamedhaphalaṃ labhet | koṭitīrthe naraḥ snātvā gosahasraphalaṃ labhet
Sanskrit only: no published translation is held for this verse.
अथ वामनकं गत्वा त्रिषु लोकेषु विश्रुतम् । तत्र विष्णुपदे स्नात्वा समभ्यर्च्य च वामनम्
atha vāmanakaṃ gatvā triṣu lokeṣu viśrutam | tatra viṣṇupade snātvā samabhyarcya ca vāmanam
Sanskrit only: no published translation is held for this verse.
सर्वपापविशुद्धात्मा विष्णुलोकमवाप्नुयात् । कुलंपुने नरः स्नात्वा पुनाति स्वकुलं नरः
sarvapāpaviśuddhātmā viṣṇulokamavāpnuyāt | kulaṃpune naraḥ snātvā punāti svakulaṃ naraḥ
Sanskrit only: no published translation is held for this verse.
पवनस्य ह्रदं गत्वा मरुतां तीर्थमुत्तमम् । तत्र स्नात्वा नरव्याघ्र वायुलोके महीयते
pavanasya hradaṃ gatvā marutāṃ tīrthamuttamam | tatra snātvā naravyāghra vāyuloke mahīyate
Sanskrit only: no published translation is held for this verse.
अमराणां ह्रदे स्नात्वा समभ्यर्च्यामराधिपम् । अमराणां प्रभावेण स्वर्गलोके महीयते
amarāṇāṃ hrade snātvā samabhyarcyāmarādhipam | amarāṇāṃ prabhāveṇa svargaloke mahīyate
Sanskrit only: no published translation is held for this verse.
शालिहोत्रस्य राजेंद्र शालिसूर्ये यथाविधि । स्नात्वा नरवरश्रेष्ठ गोसहस्रफलं लभेत्
śālihotrasya rājeṃdra śālisūrye yathāvidhi | snātvā naravaraśreṣṭha gosahasraphalaṃ labhet
Sanskrit only: no published translation is held for this verse.
श्रीकुंजं च सरस्वत्यां तीर्थं भरतसत्तम । तत्र स्नात्वा नरो राजन्नग्निष्टोमफलं लभेत्
śrīkuṃjaṃ ca sarasvatyāṃ tīrthaṃ bharatasattama | tatra snātvā naro rājannagniṣṭomaphalaṃ labhet
Sanskrit only: no published translation is held for this verse.
ततो नैमिषिकुंजं च समासाद्य सुदुर्लभम् । ऋषयः किल राजेंद्र नैमिषेयास्तपोधनाः
tato naimiṣikuṃjaṃ ca samāsādya sudurlabham | ṛṣayaḥ kila rājeṃdra naimiṣeyāstapodhanāḥ
Sanskrit only: no published translation is held for this verse.
तीर्थयात्रां पुरस्कृत्य कुरुक्षेत्रे गताः पुरा । ततः कुंजः सरस्वत्यां कृतो भरतसत्तम
tīrthayātrāṃ puraskṛtya kurukṣetre gatāḥ purā | tataḥ kuṃjaḥ sarasvatyāṃ kṛto bharatasattama
Sanskrit only: no published translation is held for this verse.
ऋषीणामवकाशः स्याद्यथा तुष्टिकरो महान् । तस्मिन्कुंजे नरः स्नात्वा गोसहस्रफलं लभेत्
ṛṣīṇāmavakāśaḥ syādyathā tuṣṭikaro mahān | tasminkuṃje naraḥ snātvā gosahasraphalaṃ labhet
Sanskrit only: no published translation is held for this verse.