Library·Padma Purāṇa·3·3.27
नारद उवाच-। ततो गच्छेत धर्मज्ञ कन्यातीर्थमनुत्तमम् । कन्यातीर्थे नरः स्नात्वा अग्निष्टोमफलं लभेत्
nārada uvāca-| tato gaccheta dharmajña kanyātīrthamanuttamam | kanyātīrthe naraḥ snātvā agniṣṭomaphalaṃ labhet
Sanskrit only: no published translation is held for this verse.
ततो गच्छेन्नरव्याघ्र ब्रह्मणः स्थानमुत्तमम् । तत्र वर्णावरः स्नात्वा ब्राह्मण्यं लभते नरः
tato gacchennaravyāghra brahmaṇaḥ sthānamuttamam | tatra varṇāvaraḥ snātvā brāhmaṇyaṃ labhate naraḥ
Sanskrit only: no published translation is held for this verse.
ब्राह्मणस्तु विशुद्धात्मा गच्छेत परमां गतिम् । ततो गच्छेन्नरव्याघ्र सोमतीर्थमनुत्तमम्
brāhmaṇastu viśuddhātmā gaccheta paramāṃ gatim | tato gacchennaravyāghra somatīrthamanuttamam
Sanskrit only: no published translation is held for this verse.
तत्र स्नात्वा नरो राजन्सोमलोकमवाप्नुयात् । सप्तसारस्वतं तीर्थं ततो गच्छेन्नराधिप
tatra snātvā naro rājansomalokamavāpnuyāt | saptasārasvataṃ tīrthaṃ tato gacchennarādhipa
Sanskrit only: no published translation is held for this verse.
यत्र मंकणकः सिद्धो ब्रह्मर्षिर्लोकविश्रुतः । पुरा मंकणको राजन्कुशाग्रेणेति विश्रुतम्
yatra maṃkaṇakaḥ siddho brahmarṣirlokaviśrutaḥ | purā maṃkaṇako rājankuśāgreṇeti viśrutam
Sanskrit only: no published translation is held for this verse.
क्षतः किल करे राजन्तस्य शाकरसोऽस्रवत् । स वै शाकरसं दृष्ट्वा हर्षाविष्टो महातपाः
kṣataḥ kila kare rājantasya śākaraso'sravat | sa vai śākarasaṃ dṛṣṭvā harṣāviṣṭo mahātapāḥ
Sanskrit only: no published translation is held for this verse.
ननर्त किल विप्रर्षिर्विस्मयोत्फुल्ललोचनः । ततस्तस्मिन्प्रनृत्ते वै स्थावरं जंगमं च यत्
nanarta kila viprarṣirvismayotphullalocanaḥ | tatastasminpranṛtte vai sthāvaraṃ jaṃgamaṃ ca yat
Sanskrit only: no published translation is held for this verse.
प्रनृत्तमुभयं वीर तेजसा तस्य मोहितम् । ब्रह्मादिभिस्ततो देवैर्ऋषिभिश्च तपोधनैः
pranṛttamubhayaṃ vīra tejasā tasya mohitam | brahmādibhistato devairṛṣibhiśca tapodhanaiḥ
Sanskrit only: no published translation is held for this verse.
विज्ञप्तो वै ऋषेरर्थे महादेवो नराधिप । नायं नृत्येद्यथा देव तथा त्वं कर्तुमर्हसि
vijñapto vai ṛṣerarthe mahādevo narādhipa | nāyaṃ nṛtyedyathā deva tathā tvaṃ kartumarhasi
Sanskrit only: no published translation is held for this verse.
ततो देवो मुनिं दृष्ट्वा हर्षाविष्टेन चेतसा । नृत्यंतमब्रवीच्चैनं स्थिराणां हितकाम्यया
tato devo muniṃ dṛṣṭvā harṣāviṣṭena cetasā | nṛtyaṃtamabravīccainaṃ sthirāṇāṃ hitakāmyayā
Sanskrit only: no published translation is held for this verse.
अहो महर्षे धर्मज्ञ किमर्थं नृत्यते भवान् । हर्षस्थानं किमर्थं वा तवाद्य मुनिपुंगव
aho maharṣe dharmajña kimarthaṃ nṛtyate bhavān | harṣasthānaṃ kimarthaṃ vā tavādya munipuṃgava
Sanskrit only: no published translation is held for this verse.
ऋषिरुवाच-। तपस्विनो धर्म्मपथस्थितस्य द्विजसत्तम । किं न पश्यसि मे ब्रह्मन्क्षताच्छाकरसं सृतम्
ṛṣiruvāca-| tapasvino dharmmapathasthitasya dvijasattama | kiṃ na paśyasi me brahmankṣatācchākarasaṃ sṛtam
Sanskrit only: no published translation is held for this verse.
यं दृष्ट्वा संप्रनृत्तोऽहं हर्षेण महता वृतः । तं प्रहस्याब्रवीद्देव ऋषिं रागेण मोहितम्
yaṃ dṛṣṭvā saṃpranṛtto'haṃ harṣeṇa mahatā vṛtaḥ | taṃ prahasyābravīddeva ṛṣiṃ rāgeṇa mohitam
Sanskrit only: no published translation is held for this verse.
अहं तु विस्मयं विप्र न गच्छामीह पश्य माम् । एवमुक्त्वा नरश्रेष्ठ महादेवेन वै तदा
ahaṃ tu vismayaṃ vipra na gacchāmīha paśya mām | evamuktvā naraśreṣṭha mahādevena vai tadā
Sanskrit only: no published translation is held for this verse.
अंगुल्यग्रेण राजेंद्र स्वांगुष्ठस्ताडितोऽनघ । तस्य भस्मक्षताद्राजन्निःसृतं हिमसंनिभम्
aṃgulyagreṇa rājeṃdra svāṃguṣṭhastāḍito'nagha | tasya bhasmakṣatādrājanniḥsṛtaṃ himasaṃnibham
Sanskrit only: no published translation is held for this verse.
यं दृष्ट्वा व्रीडितो राजन्स मुनिः पादयोर्गतः । नान्यं देवादहं मन्ये रुद्रात्परतरं महत्
yaṃ dṛṣṭvā vrīḍito rājansa muniḥ pādayorgataḥ | nānyaṃ devādahaṃ manye rudrātparataraṃ mahat
Sanskrit only: no published translation is held for this verse.
सुरासुरस्य जगतो गतिस्त्वमसि शूलधृक् । त्वया सृष्टमिदं विश्वं त्रैलोक्यं सचराचरम्
surāsurasya jagato gatistvamasi śūladhṛk | tvayā sṛṣṭamidaṃ viśvaṃ trailokyaṃ sacarācaram
Sanskrit only: no published translation is held for this verse.
त्वामेव भगवन्सर्वे प्रविशंति युगक्षये । देवैरपि न शक्यस्त्वं परिज्ञातुं कुतो मया
tvāmeva bhagavansarve praviśaṃti yugakṣaye | devairapi na śakyastvaṃ parijñātuṃ kuto mayā
Sanskrit only: no published translation is held for this verse.
त्वयि सर्वेश दृश्यंते सुराः शक्रादयोऽनघ । सर्वस्त्वमसि लोकानां कर्ता कारयितान्वहम्
tvayi sarveśa dṛśyaṃte surāḥ śakrādayo'nagha | sarvastvamasi lokānāṃ kartā kārayitānvaham
Sanskrit only: no published translation is held for this verse.
त्वत्प्रसादात्सुराः सर्वे मोदंतीहाकुतोभयाः । एवं स्तुत्वा महादेवं स ऋषिः प्रणतोऽब्रवीत्
tvatprasādātsurāḥ sarve modaṃtīhākutobhayāḥ | evaṃ stutvā mahādevaṃ sa ṛṣiḥ praṇato'bravīt
Sanskrit only: no published translation is held for this verse.
त्वत्प्रसादान्महादेव तपो मे न क्षरेत वै । ततो देवः प्रहृष्टात्मा ब्रह्मर्षिमिदमब्रवीत्
tvatprasādānmahādeva tapo me na kṣareta vai | tato devaḥ prahṛṣṭātmā brahmarṣimidamabravīt
Sanskrit only: no published translation is held for this verse.
तपस्ते वर्द्धतां विप्र मत्प्रसादात्सहस्रधा । आश्रमे चेह वत्स्यामि त्वया सार्द्धं महामुने
tapaste varddhatāṃ vipra matprasādātsahasradhā | āśrame ceha vatsyāmi tvayā sārddhaṃ mahāmune
Sanskrit only: no published translation is held for this verse.
सप्तसारस्वते स्नात्वा अर्चयिष्यंति ये तु माम् । न तेषां दुर्लभं किंचिदिह लोके परत्र वा
saptasārasvate snātvā arcayiṣyaṃti ye tu mām | na teṣāṃ durlabhaṃ kiṃcidiha loke paratra vā
Sanskrit only: no published translation is held for this verse.
गच्छेत्सारस्वतं चापि लोकं नास्त्यत्र संशयः । एवमुक्त्वा महादेवस्तत्रैवांतरधीयत
gacchetsārasvataṃ cāpi lokaṃ nāstyatra saṃśayaḥ | evamuktvā mahādevastatraivāṃtaradhīyata
Sanskrit only: no published translation is held for this verse.
ततस्त्वौशनसं गच्छेत्त्रिषु लोकेषु विश्रुतम् । यत्र ब्रह्मादयो देवा ऋषयश्च तपोधनाः
tatastvauśanasaṃ gacchettriṣu lokeṣu viśrutam | yatra brahmādayo devā ṛṣayaśca tapodhanāḥ
Sanskrit only: no published translation is held for this verse.
कार्तिकेयश्च भगवांस्त्रिसंध्यां किल भारत । सान्निध्यमकरोत्तत्र भार्गवप्रियकाम्यया
kārtikeyaśca bhagavāṃstrisaṃdhyāṃ kila bhārata | sānnidhyamakarottatra bhārgavapriyakāmyayā
Sanskrit only: no published translation is held for this verse.
कपालमोचनं तीर्थं सर्वपापप्रणाशनम् । तत्र स्नात्वा नरव्याघ्र सर्वपापैः प्रमुच्यते
kapālamocanaṃ tīrthaṃ sarvapāpapraṇāśanam | tatra snātvā naravyāghra sarvapāpaiḥ pramucyate
Sanskrit only: no published translation is held for this verse.
अग्नितीर्थं ततो गच्छेत्स्नात्वा च भरतर्षभ । अग्निलोकमवाप्नोति कुलं चैव समुद्धरेत्
agnitīrthaṃ tato gacchetsnātvā ca bharatarṣabha | agnilokamavāpnoti kulaṃ caiva samuddharet
Sanskrit only: no published translation is held for this verse.
विश्वामित्रस्य तत्रैव तीर्थं भरतसत्तम । तत्र स्नात्वा महाराज ब्राह्मण्यमभिजायते
viśvāmitrasya tatraiva tīrthaṃ bharatasattama | tatra snātvā mahārāja brāhmaṇyamabhijāyate
Sanskrit only: no published translation is held for this verse.
ब्रह्मयोनिं समासाद्य शुचिः प्रयतमानसः । तत्र स्नात्वा नरव्याघ्र ब्रह्मलोकं प्रपद्यते
brahmayoniṃ samāsādya śuciḥ prayatamānasaḥ | tatra snātvā naravyāghra brahmalokaṃ prapadyate
Sanskrit only: no published translation is held for this verse.
पुनात्या सप्तमं चैव कुलं नास्त्यत्र संशयः । ततो गच्छेत राजेंद्र तीर्थं त्रैलोक्यविश्रुतम्
punātyā saptamaṃ caiva kulaṃ nāstyatra saṃśayaḥ | tato gaccheta rājeṃdra tīrthaṃ trailokyaviśrutam
Sanskrit only: no published translation is held for this verse.
पृथूदकमिति ख्यातं कार्तिकेयस्य व्नृप । तत्राभिषेकं कुर्वीत पितृदेवार्चने रतः
pṛthūdakamiti khyātaṃ kārtikeyasya vnṛpa | tatrābhiṣekaṃ kurvīta pitṛdevārcane rataḥ
Sanskrit only: no published translation is held for this verse.
अज्ञानाज्ज्ञानतो वापि स्त्रिया वा पुरुषेण वा । यत्किंचिदशुभं कर्म कृतं मानुषबुद्धिना
ajñānājjñānato vāpi striyā vā puruṣeṇa vā | yatkiṃcidaśubhaṃ karma kṛtaṃ mānuṣabuddhinā
Sanskrit only: no published translation is held for this verse.
तत्सर्वं नश्यते तत्र स्नातमात्रस्य भारत । अश्वमेधफलं चापि लभते स्वर्गमेव च
tatsarvaṃ naśyate tatra snātamātrasya bhārata | aśvamedhaphalaṃ cāpi labhate svargameva ca
Sanskrit only: no published translation is held for this verse.
पुण्यमाहुः कुरुक्षेत्रं कुरुक्षेत्रात्सरस्वतीम् । सरस्वत्याश्च तीर्थानि तीर्थेभ्यश्च पृथूदकम्
puṇyamāhuḥ kurukṣetraṃ kurukṣetrātsarasvatīm | sarasvatyāśca tīrthāni tīrthebhyaśca pṛthūdakam
Sanskrit only: no published translation is held for this verse.
उत्तमे सर्वतीर्थानां यस्त्यजेदात्मनस्तनुम् । पृथूदके जप्यपरो नैव संसरणं लभेत्
uttame sarvatīrthānāṃ yastyajedātmanastanum | pṛthūdake japyaparo naiva saṃsaraṇaṃ labhet
Sanskrit only: no published translation is held for this verse.
गीतं सनत्कुमारेण व्यासेन च महात्मना । वेदे च नियतं राजन्नभिगच्छेत्पृथूदकम्
gītaṃ sanatkumāreṇa vyāsena ca mahātmanā | vede ca niyataṃ rājannabhigacchetpṛthūdakam
Sanskrit only: no published translation is held for this verse.
पृथूदकात्पुण्यतमं नान्यत्तीर्थं नरोत्तम । एतन्मेध्यं पवित्रं च पावनं च न संशयः
pṛthūdakātpuṇyatamaṃ nānyattīrthaṃ narottama | etanmedhyaṃ pavitraṃ ca pāvanaṃ ca na saṃśayaḥ
Sanskrit only: no published translation is held for this verse.
तत्र स्नात्वा दिवं यांति अपि पापकृतो जनाः । पृथूदके नरश्रेष्ठमाहुरेवं मनीषिणः
tatra snātvā divaṃ yāṃti api pāpakṛto janāḥ | pṛthūdake naraśreṣṭhamāhurevaṃ manīṣiṇaḥ
Sanskrit only: no published translation is held for this verse.
मधुस्रवं च तत्रैव तीर्थं भरतसत्तम । तत्र स्नात्वा नरो राजन्गोसहस्रफलं लभेत्
madhusravaṃ ca tatraiva tīrthaṃ bharatasattama | tatra snātvā naro rājangosahasraphalaṃ labhet
Sanskrit only: no published translation is held for this verse.
ततो गच्छेन्नरश्रेष्ठ तीर्थं देव्या यथाक्रमम् । सरस्वत्यारुणायाश्च संगमं लोकविश्रुतम्
tato gacchennaraśreṣṭha tīrthaṃ devyā yathākramam | sarasvatyāruṇāyāśca saṃgamaṃ lokaviśrutam
Sanskrit only: no published translation is held for this verse.
त्रिरात्रोपोषितः स्नात्वा मुच्यते ब्रह्महत्यया । अग्निष्टोमातिरात्राभ्यां फलं चैव समश्नुते
trirātropoṣitaḥ snātvā mucyate brahmahatyayā | agniṣṭomātirātrābhyāṃ phalaṃ caiva samaśnute
Sanskrit only: no published translation is held for this verse.
पुनात्यासप्तमं चैव कुलं नास्त्यत्र संशयः । अवकीर्णं च तत्रैव तीर्थं कुरुकुलोद्वह
punātyāsaptamaṃ caiva kulaṃ nāstyatra saṃśayaḥ | avakīrṇaṃ ca tatraiva tīrthaṃ kurukulodvaha
Sanskrit only: no published translation is held for this verse.
विप्राणामनुकंपार्थं दर्भिणा निर्मितं पुरा । व्रतोपनयनाभ्यां चाप्युपवासेन वा द्विजः
viprāṇāmanukaṃpārthaṃ darbhiṇā nirmitaṃ purā | vratopanayanābhyāṃ cāpyupavāsena vā dvijaḥ
Sanskrit only: no published translation is held for this verse.
क्रियामंत्रैश्च संयुक्तो ब्राह्मणः स्यान्न संशयः । क्रियामंत्रविहीनोऽपि तत्र स्नात्वा नरर्षभ
kriyāmaṃtraiśca saṃyukto brāhmaṇaḥ syānna saṃśayaḥ | kriyāmaṃtravihīno'pi tatra snātvā nararṣabha
Sanskrit only: no published translation is held for this verse.
चीर्णव्रतो भवेद्विप्रो दृष्टमेतत्पुरातनम् । समुद्राश्चापि चत्वारः समानीताश्च दर्भिणा
cīrṇavrato bhavedvipro dṛṣṭametatpurātanam | samudrāścāpi catvāraḥ samānītāśca darbhiṇā
Sanskrit only: no published translation is held for this verse.
तत्र स्नात्वा नरव्याघ्र न दुर्गतिमवाप्नुयात् । फलानि गोसहस्राणां चतुर्णां विंदते च सः
tatra snātvā naravyāghra na durgatimavāpnuyāt | phalāni gosahasrāṇāṃ caturṇāṃ viṃdate ca saḥ
Sanskrit only: no published translation is held for this verse.
ततो गच्छेत राजेन्द्र तीर्थं शतसहस्रकम् । साहस्रकं च तत्रैव द्वे तीर्थे लोकविश्रुते
tato gaccheta rājendra tīrthaṃ śatasahasrakam | sāhasrakaṃ ca tatraiva dve tīrthe lokaviśrute
Sanskrit only: no published translation is held for this verse.
उभयोर्हि नरः स्नात्वा गोसहस्रफलं लभेत् । दानं वाप्युपवासो वा सहस्रगुणितो भवेत्
ubhayorhi naraḥ snātvā gosahasraphalaṃ labhet | dānaṃ vāpyupavāso vā sahasraguṇito bhavet
Sanskrit only: no published translation is held for this verse.
ततो गच्छेत राजेंद्र रेणुकातीर्थमुत्तमम् । तत्राभिषेकं कुर्वीत पितृदेवार्चने रतः
tato gaccheta rājeṃdra reṇukātīrthamuttamam | tatrābhiṣekaṃ kurvīta pitṛdevārcane rataḥ
Sanskrit only: no published translation is held for this verse.
सर्वपापविशुद्धात्मा अग्निष्टोमफलं लभेत् । विमोचन उपस्पृश्य जितमन्युर्जितेंद्रियः
sarvapāpaviśuddhātmā agniṣṭomaphalaṃ labhet | vimocana upaspṛśya jitamanyurjiteṃdriyaḥ
Sanskrit only: no published translation is held for this verse.
प्रतिग्रहकृतैः पापैः सर्वैः संपरिमुच्यते । ततः पंचवटं गत्वा ब्रह्मचारी जितेंद्रियः
pratigrahakṛtaiḥ pāpaiḥ sarvaiḥ saṃparimucyate | tataḥ paṃcavaṭaṃ gatvā brahmacārī jiteṃdriyaḥ
Sanskrit only: no published translation is held for this verse.
पुण्येन महता युक्तः स्वर्गलोके महीयते । यत्र योगीश्वरः स्थाणुः स्वयमेव वृषध्वजः
puṇyena mahatā yuktaḥ svargaloke mahīyate | yatra yogīśvaraḥ sthāṇuḥ svayameva vṛṣadhvajaḥ
Sanskrit only: no published translation is held for this verse.
तमर्चयित्वा देवेशं गमनादेव सिध्यति । तैजसं वारुणं तीर्थं दीप्यते स्वेन तेजसा
tamarcayitvā deveśaṃ gamanādeva sidhyati | taijasaṃ vāruṇaṃ tīrthaṃ dīpyate svena tejasā
Sanskrit only: no published translation is held for this verse.
यत्र ब्रह्मादिभिर्देवैर्ऋषिभिश्च तपोधनैः । सैनापत्ये च देवानामभिषिक्तो गुहस्तदा
yatra brahmādibhirdevairṛṣibhiśca tapodhanaiḥ | saināpatye ca devānāmabhiṣikto guhastadā
Sanskrit only: no published translation is held for this verse.
तैजसस्य तु पूर्वेण कुरुतीर्थं कुरूद्वह । कुरुतीर्थे नरः स्नात्वा ब्रह्मचारी जितेंद्रियः
taijasasya tu pūrveṇa kurutīrthaṃ kurūdvaha | kurutīrthe naraḥ snātvā brahmacārī jiteṃdriyaḥ
Sanskrit only: no published translation is held for this verse.
सर्वपापविशुद्धात्मा रुद्रलोकं प्रपद्यते । स्वर्गद्वारं ततो गच्छेन्नियतो नियताशनः
sarvapāpaviśuddhātmā rudralokaṃ prapadyate | svargadvāraṃ tato gacchenniyato niyatāśanaḥ
Sanskrit only: no published translation is held for this verse.
अग्निष्टोममवाप्नोति ब्रह्मलोकं च गच्छति । ततो गच्छेदनरकं तीर्थसेवी नराधिप
agniṣṭomamavāpnoti brahmalokaṃ ca gacchati | tato gacchedanarakaṃ tīrthasevī narādhipa
Sanskrit only: no published translation is held for this verse.
तत्र स्नात्वा नरो राजन्न दुर्गतिमवाप्नुयात् । तत्र ब्रह्मा स्वयं नित्यं देवैस्सह महीयते
tatra snātvā naro rājanna durgatimavāpnuyāt | tatra brahmā svayaṃ nityaṃ devaissaha mahīyate
Sanskrit only: no published translation is held for this verse.
अध्यास्ते पुरुषव्याघ्र नारायणपरागमैः । सान्निध्यं चैव राजेंद्र रुद्रवेद्यां कुरुद्वह
adhyāste puruṣavyāghra nārāyaṇaparāgamaiḥ | sānnidhyaṃ caiva rājeṃdra rudravedyāṃ kurudvaha
Sanskrit only: no published translation is held for this verse.
अभिगम्य तु तां देवीं न दुर्गतिमवाप्नुयात् । तत्रैव च महाराज विश्वेश्वरमुमापतिम्
abhigamya tu tāṃ devīṃ na durgatimavāpnuyāt | tatraiva ca mahārāja viśveśvaramumāpatim
Sanskrit only: no published translation is held for this verse.
अभिगम्य महादेवं मुच्यते सर्वकिल्बिषैः । नारायणं चाभिगम्य पद्मनाभमरिंदम
abhigamya mahādevaṃ mucyate sarvakilbiṣaiḥ | nārāyaṇaṃ cābhigamya padmanābhamariṃdama
Sanskrit only: no published translation is held for this verse.
शोभमानो महाराज विष्णुलोकं प्रपद्यते । तीर्थेषु सर्वदेवानां स्नातमात्रो नराधिप
śobhamāno mahārāja viṣṇulokaṃ prapadyate | tīrtheṣu sarvadevānāṃ snātamātro narādhipa
Sanskrit only: no published translation is held for this verse.
सर्वदुःखपरित्यक्तो द्योतते शिववत्सदा । ततस्त्वस्थिपुरं गच्छेत्तीर्थसेवी नराधिप
sarvaduḥkhaparityakto dyotate śivavatsadā | tatastvasthipuraṃ gacchettīrthasevī narādhipa
Sanskrit only: no published translation is held for this verse.
पावनं तीर्थमासाद्य तर्पयेत्पितृदेवताः । अग्निष्टोमस्य यज्ञस्य फलमाप्नोति भारत
pāvanaṃ tīrthamāsādya tarpayetpitṛdevatāḥ | agniṣṭomasya yajñasya phalamāpnoti bhārata
Sanskrit only: no published translation is held for this verse.
गंगाह्रदश्च तत्रैव कूपश्च भरतर्षभ । तिस्रः कोट्यस्तु तीर्थानां तस्मिन्कूपे महीयते
gaṃgāhradaśca tatraiva kūpaśca bharatarṣabha | tisraḥ koṭyastu tīrthānāṃ tasminkūpe mahīyate
Sanskrit only: no published translation is held for this verse.
तत्र स्नात्वा नरो राजन्ब्रह्मलोके प्रपद्यते । आपगायां नरः स्नात्वा अर्चयित्वा महेश्वरम्
tatra snātvā naro rājanbrahmaloke prapadyate | āpagāyāṃ naraḥ snātvā arcayitvā maheśvaram
Sanskrit only: no published translation is held for this verse.
गतिं परामवाप्नोति कुलं चैव समुद्धरेत् । ततः स्थाणुवटं गछेत्त्रिषुलोकेषु विश्रुतम्
gatiṃ parāmavāpnoti kulaṃ caiva samuddharet | tataḥ sthāṇuvaṭaṃ gachettriṣulokeṣu viśrutam
Sanskrit only: no published translation is held for this verse.
तत्र स्नात्वा स्थितो रात्रिं रुद्रलोकमवाप्नुयात् । बदरीणां वनं गच्छेद्वसिष्ठस्याश्रमं ततः
tatra snātvā sthito rātriṃ rudralokamavāpnuyāt | badarīṇāṃ vanaṃ gacchedvasiṣṭhasyāśramaṃ tataḥ
Sanskrit only: no published translation is held for this verse.
बदरी भक्ष्यते यत्र त्रिरात्रोपोषितो नरः । सम्यग्द्वादशवर्षाणि बदरीं भक्षयेत्तु यः
badarī bhakṣyate yatra trirātropoṣito naraḥ | samyagdvādaśavarṣāṇi badarīṃ bhakṣayettu yaḥ
Sanskrit only: no published translation is held for this verse.
त्रिरात्रोपोषितश्चैव भवेत्तुल्यो नराधिप । इंद्रमार्गं समासाद्य तीर्थसेवी नराधिप
trirātropoṣitaścaiva bhavettulyo narādhipa | iṃdramārgaṃ samāsādya tīrthasevī narādhipa
Sanskrit only: no published translation is held for this verse.
अहोरात्रोपवासेन स्वर्गलोके महीयते । एकरात्रं समासाद्य एकरात्रोषितो नरः
ahorātropavāsena svargaloke mahīyate | ekarātraṃ samāsādya ekarātroṣito naraḥ
Sanskrit only: no published translation is held for this verse.
नियतः सत्यवादी च ब्रह्मलोके महीयते । तथा गछेच्च राजेंद्र तीर्थं त्रैलोक्यविश्रुतम्
niyataḥ satyavādī ca brahmaloke mahīyate | tathā gachecca rājeṃdra tīrthaṃ trailokyaviśrutam
Sanskrit only: no published translation is held for this verse.
आदित्यस्याश्रमो यत्र तेजोराशेर्महात्मनः । तस्मिंस्तीर्थे नरः स्नात्वा पूजयित्वा विभावसुम्
ādityasyāśramo yatra tejorāśermahātmanaḥ | tasmiṃstīrthe naraḥ snātvā pūjayitvā vibhāvasum
Sanskrit only: no published translation is held for this verse.
आदित्यलोकं व्रजति कुलं चैव समुद्धरेत् । सोमतीर्थे नरः स्नात्वा तीर्थसेवी कुरूद्वह
ādityalokaṃ vrajati kulaṃ caiva samuddharet | somatīrthe naraḥ snātvā tīrthasevī kurūdvaha
Sanskrit only: no published translation is held for this verse.
सोमलोकमवाप्नोति नरो नास्त्यत्र संशयः । ततो गच्छेत धर्मज्ञ दधीचस्य नराधिप
somalokamavāpnoti naro nāstyatra saṃśayaḥ | tato gaccheta dharmajña dadhīcasya narādhipa
Sanskrit only: no published translation is held for this verse.
तीर्थं पुण्यतमं राजन्पावनं लोकविश्रुतम् । यत्र सारस्वतो यातः सिद्धिं स तपसोनिधिः
tīrthaṃ puṇyatamaṃ rājanpāvanaṃ lokaviśrutam | yatra sārasvato yātaḥ siddhiṃ sa tapasonidhiḥ
Sanskrit only: no published translation is held for this verse.
तस्मिंस्तीर्थे नरः स्नात्वा वाजपेयफलं लभेत् । सारस्वतीं मतिं चैव लभते नात्र संशयः
tasmiṃstīrthe naraḥ snātvā vājapeyaphalaṃ labhet | sārasvatīṃ matiṃ caiva labhate nātra saṃśayaḥ
Sanskrit only: no published translation is held for this verse.
ततः कन्याश्रमं गत्वा नियतो ब्रह्मचर्यया । त्रिरात्रमुषितो राजन्नुपवासपरायणः
tataḥ kanyāśramaṃ gatvā niyato brahmacaryayā | trirātramuṣito rājannupavāsaparāyaṇaḥ
Sanskrit only: no published translation is held for this verse.
लभेत्कन्याशतं दिव्यं बह्मलोकं च गच्छति । ततो गच्छेत धर्मज्ञ तीर्थं संनिहितीमपि
labhetkanyāśataṃ divyaṃ bahmalokaṃ ca gacchati | tato gaccheta dharmajña tīrthaṃ saṃnihitīmapi
Sanskrit only: no published translation is held for this verse.
यत्र ब्रह्मादयो देवा ऋषयश्च तपोधनाः । मासि मासि समेष्यंति पुण्येन महतान्विताः
yatra brahmādayo devā ṛṣayaśca tapodhanāḥ | māsi māsi sameṣyaṃti puṇyena mahatānvitāḥ
Sanskrit only: no published translation is held for this verse.
सन्निहित्यामुपस्पृश्य राहुग्रस्ते दिवाकरे । अश्वमेधशतं तेन इष्टं भवति शाश्वतम्
sannihityāmupaspṛśya rāhugraste divākare | aśvamedhaśataṃ tena iṣṭaṃ bhavati śāśvatam
Sanskrit only: no published translation is held for this verse.
पृथिव्यां यानि तीर्थानि अंतरिक्षचराणि च । उदपानाश्च विप्राश्च पुण्यान्यायतनानि च
pṛthivyāṃ yāni tīrthāni aṃtarikṣacarāṇi ca | udapānāśca viprāśca puṇyānyāyatanāni ca
Sanskrit only: no published translation is held for this verse.
निःसंशयममावास्यां समेष्यंति नराधिप । मासिमासि नरव्याघ्र सन्निहित्यां जनेश्वर
niḥsaṃśayamamāvāsyāṃ sameṣyaṃti narādhipa | māsimāsi naravyāghra sannihityāṃ janeśvara
Sanskrit only: no published translation is held for this verse.
तीर्थसन्नयनादेव सन्निहिती भुवि विश्रुता । तत्र स्नात्वा च पीत्वा च स्वर्गलोके महीयते
tīrthasannayanādeva sannihitī bhuvi viśrutā | tatra snātvā ca pītvā ca svargaloke mahīyate
Sanskrit only: no published translation is held for this verse.
अमावास्यां तथा चैव राहुग्रस्ते दिवाकरे । यः श्राद्धं कुरुते मर्त्यस्तस्य पुण्यफलं शृणु
amāvāsyāṃ tathā caiva rāhugraste divākare | yaḥ śrāddhaṃ kurute martyastasya puṇyaphalaṃ śṛṇu
Sanskrit only: no published translation is held for this verse.
अश्वमेधसहस्रस्य सम्यगिष्टस्य यत्फलम् । स्नात एव तदाप्नोति श्राद्धं कृत्वा च मानवः
aśvamedhasahasrasya samyagiṣṭasya yatphalam | snāta eva tadāpnoti śrāddhaṃ kṛtvā ca mānavaḥ
Sanskrit only: no published translation is held for this verse.
यत्किंचिद्दुष्कृतं कर्म्म स्त्रिया वा पुरुषस्य वा । स्नातमात्रस्य तत्सर्वं नश्यते नात्र संशयः
yatkiṃcidduṣkṛtaṃ karmma striyā vā puruṣasya vā | snātamātrasya tatsarvaṃ naśyate nātra saṃśayaḥ
Sanskrit only: no published translation is held for this verse.
पद्मवर्णेन यानेन ब्रह्मलोकं स गच्छति । अभिवाद्य ततो नाम्ना द्वारपालं मचक्रुकम्
padmavarṇena yānena brahmalokaṃ sa gacchati | abhivādya tato nāmnā dvārapālaṃ macakrukam
Sanskrit only: no published translation is held for this verse.
गंगाह्रदश्च तत्रैव तीर्थं भरतसत्तम । तत्र स्नायीत धर्मज्ञ ब्रह्मचारी समाहितः
gaṃgāhradaśca tatraiva tīrthaṃ bharatasattama | tatra snāyīta dharmajña brahmacārī samāhitaḥ
Sanskrit only: no published translation is held for this verse.
राजसूयाश्वमेधाभ्यां फलं विंदति मानवः । पृथिव्यां नैमिषं पुण्यमंतरिक्षे च पुष्करम्
rājasūyāśvamedhābhyāṃ phalaṃ viṃdati mānavaḥ | pṛthivyāṃ naimiṣaṃ puṇyamaṃtarikṣe ca puṣkaram
Sanskrit only: no published translation is held for this verse.
त्रयाणामपि लोकानां कुरुक्षेत्रं विशिष्यते । पांसवोऽपि कुरुक्षेत्रे वायुनाति समीरिताः
trayāṇāmapi lokānāṃ kurukṣetraṃ viśiṣyate | pāṃsavo'pi kurukṣetre vāyunāti samīritāḥ
Sanskrit only: no published translation is held for this verse.
अपि दुष्कृतकर्म्माणं नयंति परमां गतिम् । दक्षिणेन सरस्वत्यामुत्तरेण सरस्वतीम्
api duṣkṛtakarmmāṇaṃ nayaṃti paramāṃ gatim | dakṣiṇena sarasvatyāmuttareṇa sarasvatīm
Sanskrit only: no published translation is held for this verse.
ये वसंति कुरुक्षेत्रे ते वसंति त्रिविष्टपे । कुरुक्षेत्रं गमिष्यामि कुरुक्षेत्रे वसाम्यहम्
ye vasaṃti kurukṣetre te vasaṃti triviṣṭape | kurukṣetraṃ gamiṣyāmi kurukṣetre vasāmyaham
Sanskrit only: no published translation is held for this verse.
अप्येकां वाचमुत्मृज्य स्वर्गलोके महीयते । ब्रह्मवेद्यां कुरुक्षेत्रं पुण्यं ब्रह्मर्षिसेवितम्
apyekāṃ vācamutmṛjya svargaloke mahīyate | brahmavedyāṃ kurukṣetraṃ puṇyaṃ brahmarṣisevitam
Sanskrit only: no published translation is held for this verse.
तस्मिन्वसंति ये राजन्न ते शोच्याः कथंचन । तरंडकारंडकयोर्यदंतरं रामह्रदानां च मचक्रुकस्य च । एतत्कुरुक्षेत्र समंतपंचकं पितामहस्योत्तर वेदिरुच्यते
tasminvasaṃti ye rājanna te śocyāḥ kathaṃcana | taraṃḍakāraṃḍakayoryadaṃtaraṃ rāmahradānāṃ ca macakrukasya ca | etatkurukṣetra samaṃtapaṃcakaṃ pitāmahasyottara vedirucyate
Sanskrit only: no published translation is held for this verse.